Post: #1
Title: يا كفر يا وتر! حال المنبر لايسر!
Author: Bashasha
Date: 10-04-2009, 11:32 PM
Parent: #0
بتغييب اقلام الهامش، اي الصوت الاخر او الراي الاخر، الموقع تدحرج وبسرعة الصاروخ نحو الهاوية!
كموقع جلابي صرف، طبيعي جدا ينتهي بنا المطاف الي حيث انتهي! ما اظن الكورة والغنا هم الجعلو من هذا الموقع ماهو، او قل ما كان!
الكلام ده، قناهو من زمن بعيد، ولكن كلام القصير ما بنسمع، يا بكري يا اخوي!هذا مؤسف!
|
Post: #2
Title: Re: يا كفر يا وتر! حال المنبر لايسر!
Author: عبدالوهاب علي الحاج
Date: 10-04-2009, 11:41 PM
بشاشا يا حمبرا
يا خوي حقو تقوم تاخد ليك لفة
وفكنا من عوارتك دي بلا جلابي بلا عراقى
وبعدين المنبر لو عاجبك بطريقتو دي
طريقك اخخخخخخدر
واعمل ليك واحد براك
مرضتنا مرض
|
Post: #3
Title: Re: يا كفر يا وتر! حال المنبر لايسر!
Author: Bashasha
Date: 10-04-2009, 11:53 PM
Parent: #2
ادناه نموذج عشوائي للمواضيع المتصدرة الصفحة الاولي:
زي ما العافية درجات، المرض برضو درجات!
مسالة وقت بس قبل ما الصفحة الاولي كلها وحتي العاشرة تكون حكر للكورة، الغنا، الاجتماعيات، والونسة!
ياحليلك ياتراجي مصطفي!
وفي الليلة الظلماء، كهذه، يفتقد فعلا بدر القلم الاخر!
|
Post: #4
Title: Re: يا كفر يا وتر! حال المنبر لايسر!
Author: صبري طه
Date: 10-04-2009, 11:56 PM
Parent: #3
لك التحية أخي بشاشا ...
ولكلِ حادثٍ حديث ...
وحديث الساحة الآن هو خسارة الهلال ... وستغيب أغلب البوستات الرياضية بعد انتهاء مراسم الدفن ...
ولو بتتذكر قرار محكمة الجنايات في حق البشير ... صف لي حال المنبر في وقتها ؟؟
ولك ودي ،،،
|
Post: #6
Title: Re: يا كفر يا وتر! حال المنبر لايسر!
Author: الصادق ضرار
Date: 10-05-2009, 00:07 AM
Parent: #4
العزيز بشاشا
فعلاً حال المنبر لا يسر و أرى اكثر الاقلام الفاعلة توقفت تماماً .. و لا اخفيك سراً باني عدت اقرأ الارشيف و الله لا تتخيل المتعة التي اجدها . ليلة امس قرأت بوست بريمة محمد ادم عن مفهوم الجلابة حيث شارك فيه ادروب ابوبكر , كبر و شخصك و اخرون .. منتوج علمي و ادبي قمة في المتعة .
المشكلة ان المؤتمر الوطني نجح في اشغال الناس تماماً و الا اين الشعب من هذا الرئيس المطلوب للعدالة الدولية كمجرم ؟
عموما نجرفنا مع التيار بفهم آخر هنا
الفن و الرياضة في زمن العسكر خمسة سبعة و اكثر !!
حليل ايام زمان
لك الود
|
Post: #5
Title: Re: يا كفر يا وتر! حال المنبر لايسر!
Author: سيف الدولة كامل
Date: 10-05-2009, 00:00 AM
Parent: #3
شفت يا بشاشا حتي في الكورة في فرق هامش
لكن العجيب انه لعيبة الهلال والمريخ معظمهم
من الهامش والمشجعين جلابة,,
صحي يا بشاشا انت بتشجع الموردة؟
|
Post: #7
Title: Re: يا كفر يا وتر! حال المنبر لايسر!
Author: Elmosley
Date: 10-05-2009, 00:22 AM
صديقي بشاشا ياخي ما تبقي ظالم
الغنا الجاد والمزيكة الجادة والفن المعارض الملتزم
هم من اعمدة هذا الموقع قبل دخولك وانجذابك اليه
الارشيف قاعد
افرزو الكيمان
=============
بعد كده الخاص
ياخي وينها تلفوناتك
ماعندك الارقام
مودتي
|
Post: #8
Title: Re: يا كفر يا وتر! حال المنبر لايسر!
Author: Bashasha
Date: 10-05-2009, 01:04 AM
Parent: #7
عبدالوهاب برضو مرحب!
طبعا شعارنا، من دخل دار بشاشا، فهو امن!
يا بختك!
اها، قتا لي بشاشا مرض الجلابة؟
وجع!
لافض فوك!
معليش ما الدوا اصلو طعمو كده، مر، حنظل قيزان!
|
Post: #9
Title: Re: يا كفر يا وتر! حال المنبر لايسر!
Author: محمد عبد الماجد الصايم
Date: 10-05-2009, 01:20 AM
Parent: #8
عادي يا عمكـ
يعني ما لقيت طريقة تمر علينا إلا الليلة
تعال لافي بعد يومين تلقانا اتلاشينا خلاس!
|
Post: #10
Title: Re: يا كفر يا وتر! حال المنبر لايسر!
Author: Bashasha
Date: 10-05-2009, 01:36 AM
Parent: #8
| Quote: وحديث الساحة الآن هو خسارة الهلال ... وستغيب أغلب البوستات الرياضية بعد انتهاء مراسم الدفن ... |
صبري طه مرحب بيك.
طبعا مواضيع هلال مريخ ما جديدة، وانما الجديد هو اختلال التوازن في المنبر الجلابي ده، والمحك هنا!
بمعني، غلبة مثل هذه المواضيع والاهتمامات الانصرافية الاستهلاكية ماصدفة، وانما لاسباب موضوعية محددة، ذات صلة مباشرة بغياب وجهة النظر، والهم الاخر الغير شمالي!
الفرق الوحيد بين الموقع ده او بقية المواقع هو الوجود النسبي للراي الاخر والصوت الاخر، الكان مغيب عمرنا ده كلو بطول وعرض نصف قرن، تاريخ حربنا الاهلية!
ماقبل عام 2003 المنبر ده كان كده!
ولكن مع تفجر الثورة في جبهة دارفور الراي الاخر برز للوجود للمرة الاولي من نصف قرن، بل قام باحتلال الصفحة الاولي باقتدارلسنين عديدة، وكنتيجة تبخرت اهتمامات الجلابة التقليدية الانصرافية.
لانها بي بساطة اضحت ضد التيار الجديد الجارف، لتنقلب الصورة راسا علي عقب الان، باستعادة الجلابة سيطرتم علي الصفحة الاولي، كنتيجة حتمية لتشريد امين الموقع لاصحاب اقلام الراي الاخر، سوي مباشرة او بطريقة غير مباشرة، ليتدحرج الموقع كنتيجة نحو الهاوية علي هذه الصورة الحزينة المؤسفة بحق!
المقصود بالراي الاخر، هو صوت قوي السودان البديل او الجديد، في مقابل قوي السودان القديم، ممثلين في اقلية الجلابة.
هذا الموقع نال شرف تقديم اصوات ممثلي الراي الاخر، للمجتمع السوداني العريض، للمرة الاولي، علي نطاق نصف القرن الماضي.
ولكن ولغياب التقدير السليم من امين الموقع لما تحقق من اختراق، رفد الموقع بدوره ووضعه في الصدارة من حيث الجمهور اوعدد" الكلكات"، هذا الانجاز ينتكس الان امام اعيننا، تماما كما نوهنا واشرنا محذرين مرارا من قبل، للاسف الشديد!
فالموضوع ده كبيرجدا او متشعب بالمناسبة.
|
Post: #11
Title: Re: يا كفر يا وتر! حال المنبر لايسر!
Author: Mohamad Shamseldin
Date: 10-05-2009, 02:17 AM
| Quote: بتغييب اقلام الهامش |
الموردة و تيمها دق الدلجة ..... نسوي ليهو شنو ؟
....
كدي بحت لينا ... مش احتمال اجدادنا يكونو ألفو الكورة... وجو الإنجليز سرقوها منهم... والعرب سرقوها من الإنجليز
....
علي العموم رغم هزيمة الهلال القاسية ...جيب أحسن 11 من الهامش و تعال...تاخدو نص دستة
|
|