Post: #1
Title: حرم ما تطيرو براكم
Author: ALGARADABI
Date: 10-04-2009, 09:46 PM
Parent: #0
الطريفي الصديق الكج
قال الرجاء تأجيل الاحتفال حتي خروج الفريق الضيف و الحكام و المراقب
حتي لا يحسب ذلك علينا في تقرير المراقب
أها أفرح
لغينا الاحتفال خالص
|
Post: #2
Title: Re: حرم ما تطيرو براكم
Author: soma
Date: 10-04-2009, 09:49 PM
Parent: #1
انا حزينةحجا والله يا عمر
حلف الحزن لا يتوارى لا يتضارا
|
Post: #5
Title: Re: حرم ما تطيرو براكم
Author: ALGARADABI
Date: 10-04-2009, 09:54 PM
Parent: #2
ما تجزني يا سومة
في السنام مؤنة أعوام من الفرح
بس يا شماتة أبلة ظاظا فيك
|
Post: #9
Title: Re: حرم ما تطيرو براكم
Author: najma
Date: 10-04-2009, 10:15 PM
Parent: #5
Quote: ما تجزني يا سومة
في السنام مؤنة أعوام من الفرح
بس يا شماتة أبلة ظاظا فيك |
ALGARADABI
خمسة وخميسة
______________
ختو الخمسة * 2
|
Post: #10
Title: Re: حرم ما تطيرو براكم
Author: ALGARADABI
Date: 10-04-2009, 10:23 PM
أفرحي يا نجمة
وتلك الايام نداولها بين الناس
يا بتماعندك محاضرات بكرة؟؟
انعل أبو الفرح
|
Post: #3
Title: Re: حرم ما تطيرو براكم
Author: ALGARADABI
Date: 10-04-2009, 09:50 PM
Parent: #1
صلاح ادريس عقب عليهو
قال أيه :
لا نوعدك بذلك
أها
أفرح سمح
|
Post: #4
Title: Re: حرم ما تطيرو براكم
Author: سيف الدولة كامل
Date: 10-04-2009, 09:53 PM
Parent: #3
يا عمر نسوي شنو الله غالب,, والمريخاب لسانهم طويل
|
Post: #6
Title: Re: حرم ما تطيرو براكم
Author: ALGARADABI
Date: 10-04-2009, 09:56 PM
Parent: #4
يا سيف شفتا الفرق بينا وبينهم
مغلوبين 5 صفر
والجمهور قاعد بادبو
و في النهاية حيو فريق مازنبي
ده الفرق
|
Post: #13
Title: Re: حرم ما تطيرو براكم
Author: محمد الامين احمد
Date: 10-04-2009, 11:20 PM
Parent: #6
قال قاعد بادبو ، الجمهور مصدووووووووم
زى الزول الضربتو عربية 5 مرات
كدى رشوهم بالريحة دى
|
Post: #7
Title: Re: حرم ما تطيرو براكم
Author: ود محجوب
Date: 10-04-2009, 09:57 PM
Parent: #3
الي الذين ينتظرون الفرح من الاخرين الطيشاب مبروك
|
Post: #8
Title: Re: حرم ما تطيرو براكم
Author: ALGARADABI
Date: 10-04-2009, 10:04 PM
Parent: #7
ود محجوب
نقول لهم ما قال يزيد بن معاوية:
هم يحسدوني على موتي فوا أسفي
حتى على الموتِ لا أخلو من الحسدِ
|
Post: #11
Title: Re: حرم ما تطيرو براكم
Author: هجو الأقرع
Date: 10-04-2009, 10:31 PM
Parent: #8
تعرف يا شيخ عمر ، طبعا بعد السلام عليكم ، الكهرباء دى لو ما قطعت كنتو اخدتو 8 ، غايتو ما رضيناها ليك تبكى بالخمسات عينيك ، عليك الله شفت الهدف الخامس ده جاء من ويل .
|
Post: #12
Title: Re: حرم ما تطيرو براكم
Author: ALGARADABI
Date: 10-04-2009, 10:49 PM
Parent: #11
يا مولانا
سلام
صلاة الفجر بتفوتك
أمش نوم
|
Post: #14
Title: Re: حرم ما تطيرو براكم
Author: انعام عبد الحفيظ
Date: 10-04-2009, 11:44 PM
Parent: #12
Quote: يا مولانا
سلام
صلاة الفجر بتفوتك
أمش نوم |
وانت صليتو جمع تقديم ولا شنو؟؟؟
اعصابك يا صحبي خمسة تفوت ولا حد يموت
|
Post: #15
Title: Re: حرم ما تطيرو براكم
Author: ALGARADABI
Date: 10-05-2009, 05:58 AM
Parent: #14
انعام عبدالحفيظ
شكرا للمواساة
خلينا نفش مغستنا في ود العم
|
Post: #16
Title: Re: حرم ما تطيرو براكم
Author: عبدالحليم حامد النعيم
Date: 10-05-2009, 06:19 AM
Parent: #15
يا عمر يا اخـوي .. الحمد لله انـو كل الناس سالمين ..
لا ناس المريخ عندهم زول مات .. ولا ناس الهلال كذلك ..
وفي النهاية شنـو الحصل ..
رجعنا تاني ننتظر البطولة القادمة .. وبرضو نرجع لي نفس الموال ..
يا اخـواني والله العظيم .. راي لو سيبنا الشغلانية دي من الاساس .. بيكون احسن
ولا رايك شنو ؟؟
خالص المودة لكم
|
Post: #17
Title: Re: حرم ما تطيرو براكم
Author: soma
Date: 10-05-2009, 06:25 AM
Parent: #16
| Quote: يا اخـواني والله العظيم .. راي لو سيبنا الشغلانية دي من الاساس .. بيكون احسن |
سلام اخى عبد الحليم
والله احسن رأى .. لكن المشكلة يا ود امى نحن ما حنينين وكلنا ادروب وولوفين ساااى
هسه كان قالوا المبارة بعيدوها الليلةتانى0 تلقانا كلنا محكرين
الله غالب بس
****
عمر كيف اصبحت يابا
انا اسكت خلينى ساى وحات خوتك اصبحت محمومة
|
Post: #18
Title: Re: حرم ما تطيرو براكم
Author: على محمد على بشير
Date: 10-05-2009, 06:30 AM
Parent: #17
Quote: يا سيف شفتا الفرق بينا وبينهم
مغلوبين 5 صفر
والجمهور قاعد بادبو
و في النهاية حيو فريق مازنبي
ده الفرق |
لا بالله
كنتوا عايزين تعملوا شنو كمان ؟
سادومبا شال الكوره بى يدو وجبتوها قون والحكم حسب ليكم القون
الجماعه درنوا الحكم اداكم المعلوم وضربه جزاء من خيال رجل الخط
وبعد داك عينك ما تشوف الا النور .. الغضب المازيمبابى تفجر بركانا
يرمى الحمم والمتعه الكرويه وانكشف هلال الحكام واتضحت الرؤيه
والمحلى داخل عطبره
|
Post: #19
Title: Re: حرم ما تطيرو براكم
Author: عفاف الصادق بابكر
Date: 10-05-2009, 06:32 AM
Parent: #17
غايتو ابوي الله يدي العافية ..
اول مره يديني خبر شين ..
وحات الله لما قال لي 5 ..
نسيت انه ده ابوي ..
الحمدلله على كل شيء
بكره احلى ..
قردابي .. كيفنك ..
---------------------------------
انعام عبدالحفيظ .. كيفنك يا الحبيبة ..
جدك الصادق ده الهلال بقتلوا ليكم ..
|
Post: #21
Title: Re: حرم ما تطيرو براكم
Author: عبدالحليم حامد النعيم
Date: 10-05-2009, 06:39 AM
Parent: #17
الاخت العزيزة سوما ..
تعرفي الحكاية ما ولوف .. أو ادروبية وكدة .. الحكاية هي ( مرض ) فقط أو بنسميها بالعامية كدة مرضة ..
ذكرتيني ايام الصبا والشباب ( عمر يقوم يقول كبرتنا وكدة وانا عارفو عامل نفسو شباب لي ناس الامارات ) لما يكون الهلال مغلوب في مبارة خاصة مع المريخ .. وانا مريخابي .. كنت .. عمر دة .. أو اخـوته عادل .. وحبيبنا عماد .. وكمان عصام ودعبود .. ما كنا بنشوف اي زول منهم اليوم داك .. مع انـو ساكنين جيران .. والعكس لما الهلال يغلب ..
اعتقد انو عمر من امس ما نام صدقيني ..
وبرضـو احسن نسيب الشغلة دي من الاساس .. ونتفرج احسن على الناس البتعرف تلعب كـورة .. ونستمتع بس .. رايك شنو ؟؟
|
Post: #20
Title: Re: حرم ما تطيرو براكم
Author: KOSTA
Date: 10-05-2009, 06:36 AM
Parent: #15
حبيبنا القردابى
وينك يا صحبى
شنو يا معلم قلت احسن تفتح البوست قبل ما يفتحوا ليك ؟؟ عارفك ذكى
و الله يا بنى " خمسان"حالتكم تحنن
شبكتوناتعبئة لمن كرهتونا السودان ذاتو.... و اناافتكرت التعبئة دى لتحرير الكرمك و قيسان
و كمان بلا خجلة بيكتبوا : الهلال فريق القرن !!! اى قرن هذا ؟؟ والله الا يكون قرن تيس ام الحسن
قلناها و نكررها مراراً من يحرز الكؤوس فى السودان فريق واحد هو الزعيم و فى كل سنة يتأكد ذلك.... فيا عمر لن يدخل السودان كأس الا عبر بوابة المريخ فلا تتعبوا انفسكم و تتعبوا ولدنا صلاح ادريس الذى سكب ملياراته على السراب
و يضاف صفر آخر الى أصفار بنو خمسان و ما الصفر الى الصفر الا كجامع دشليون الى جلجغمائة!!!
و يا أيها الخمساب و الصفراب عودا الى حجمكم الطبيعى و الذى ضخمه لكم اعلامكم الضلالى بقيادة خالد عزالدين و رمضان السيد
و ما حدث للهليل امس هومستواه الطبيعى
و اخيراً اهدى اغنية البلابل لكل الاهلة بمناسبة عودتهم الى الصفر الدولى: رجعنالك و جيناك
كما اهدى اغنية بلبل الغرب الغريدعبدالرحمن عبدالله : خمسة (اقوان) جميلة مرت شوتة .. شوتة
و اتبعها برائعة ابوالامين : خمسة ( اقوان) ادخلوا الرعب.
سؤال برئ فى النهاية : اين اسطورة المقبرة ؟؟ و التى اصبحت " مخمسة"
صاحبى سيف الدولة الهلالابى:
و الله ما رضيناها ليك تغمر ( الخمسات ) عينيك
|
Post: #22
Title: Re: حرم ما تطيرو براكم
Author: soma
Date: 10-05-2009, 07:19 AM
Parent: #20
| Quote: ذكرتيني ايام الصبا والشباب ( عمر يقوم يقول كبرتنا وكدة وانا عارفو عامل نفسو شباب لي ناس الامارات ) |
ههههههه صحى يا عمر ؟
والله ضحكتنى يا عبد الحليم يا خوى .. من امس ممغووسة وصابرة
وعمر زاتو صاحبك ده ما ريحنى فى المسنجر..
كل مره ينط لى ويقول لى يا شماتة ابلة ظاظا فيك يا سوما( وش حزين )
باقى انا ناس البيت كلهم مريخاب وحدى مفندرة منهم
لكن والله صدقت .. الحكاية مرضة ومرضة كبيرة بتتزرع فيك من صغرك
انت عارف انا من اوئل كتاباتى الشعرية كانت فى الهلال يعلم الله
ابوى عليه رحمة الله مرضان كورة معروف فى القضارف من اكبر اقطاب الهلال
من شدة عشقه للهلال بتذكر مره الهلال جاء القضارف
نحن بنات بسوقنا معاه الاستاد كنت وقتها فى سادس ابتدائى
الاستاد كلو رجال الا انا واختى الاصغر منى وهو متكيف جدا اننا نشاركوا فرحته الكبيرة
علمنا الاخلاص والوفاء للفريق البنعشقوا
لو الهلال غلب جيرانا كلهم بقفلوا ابوابهم
بمشى ليهم فى بيوتهم وهاك يا مكاواة لى اى مريخابى
كان مدير مدرسة ..يوم البغلب فيه الهلال
طلبته ببكوا عديل من المكاواة
اصغر اخواتى الوحيده فى البيت مريخابية
كانت بتبكى بكاء منو اصلو ما برحمها فى الهلال..
امى الله يديها الصحة كانت بتحن فيها وتزعل ..وتقول ليها يا بت ابقى هلال احسن ليك ههه
وتلقانى انا من الصباح بى فرحتو دى مجهزة ليه قصيده مفاجأة
يشيلها ويحوم بيها كل الحى .. اسبوع محتفلين فى بيتنا
الله يرحمه ويحسن اليه..
لكن بينى وبينك الكورة زمان وهسه زاتها فرق الليل للنهار
شكرا اخى عبد الحليم اعدتنى للزمن الجميل
ويا عمر يا عجوز تانى لو كاويتنى لقيت لى زول بقيف معاى..
( وش متكيف جدا بعد مكاواة امس)
|
Post: #23
Title: Re: حرم ما تطيرو براكم
Author: عبدالحليم حامد النعيم
Date: 10-05-2009, 09:30 AM
Parent: #22
..
يا ناس .. صاحب البوست مشى وين ؟؟
أكيد مشى ينوم يا دوب .. أظن ..
|
|