Post: #1
Title: إحتفالات جماهيرية وألعاب نارية في الشجرة ابتهاجاً بالخماسية
Author: جمال ادريس
Date: 10-04-2009, 09:31 PM
Parent: #0
عدت قبل قليل إلى الشجرة، وكنت قدغادرت المقهى الذي كنت أتابع به اللقاء الكارثة والهلال مضروب بثلاثية.. علمت بالنتيجة وأنا في الطريق، وفي البداية ظننت أن الهلال قد عادل النتيجة وتقدم، عندما شاهدت الحشود الجماهيرية على طول شارع الشجرة، وهي تهتف وتطلق الألعاب النارية.. ولكن تفاجأت بأن الهلال إتغلب خمسة.. خمسة يا مفترين!!! طيب أنسوا كل شي، البطولة والحوافز والالقاب.. فقط حسوا عشان الجمهور المسكين ده القاعد في الاستاد من النهار...
طبعا بالنسبة للنتيجة ما عندي أي تعليق .. فقط أنقل تعليق واحد هلالابي قام معاي بعد القون التالت، وهو يسب ويلعن ويقول (يحرق الهلال ويومو) دي طبعا على وزن "يلعن الحب وسنينو"!!
بعد كده فضوها سيرة .. وريحونا من حكاية هلال مريخ دي ، لأنو ثبت أن أحمد مثل حاج أحمد، ولا تمييز بينهما إلا بحجم الفضيحة!!
اما المريخاب المبتهجين بالفضيحة الهلالية، فأعتقد أنهم معذورين، واللوم لا يقع عليهم، بل على تلك الصحف الرياضية، حمراء وزرقاء، التي خدعت الجميع، وباعتهم الكذب وهي تصور لهم الابيض أسود.. وهاهي النتيجة .. خمووووووو!!
|
Post: #2
Title: Re: إحتفالات جماهيرية وألعاب نارية في الشجرة ابتهاجاً بالخماسية
Author: معتصم محمد صالح
Date: 10-04-2009, 10:07 PM
Parent: #1
الاخ جمال..
ذات المظاهر تكررت في جميع انحاء الخرطوم ان لم يكن السودان وقام جاري المريخابي باطلاق اعيرة نارية في الهواء عقب نهاية المباراة.
الهلالاب هم من بدأ ظاهرة الشماتة العلنية عقب مباراة كانو في الخرطوم ...
|
Post: #3
Title: Re: إحتفالات جماهيرية وألعاب نارية في الشجرة ابتهاجاً بالخماسية
Author: جمال ادريس
Date: 10-04-2009, 10:26 PM
Parent: #2
الاخ معتصم
تحياتي....
طبعا أكيد المظاهر دي موجودة في كل الاحياء وليس الشجرة وحدها
ولكن أكرر أن هذا الجمهور - مريخي أو هلالي - يقع ضحية للإعلام والصحف الرياضية التي زرعت فيه التعصب الاعمى
ولم يعد هناك مكان للوطنية ...
صباح الغد ستخرج علينا صحف قوون واخواتهاوهي تواصل الكذب وزر الرماد في أعين الجماهير المغلوبة والمغلوب على أمرها.. ولا نستبعد ان تخرج عليهم بمانشيتات تقول: (فرصة الهلال لا زالت قائمة).. (كامبوس: الكهرباء سبب انهيارنا.. وقادرون على التعويض في لوممباشي).. وغيرها من العناوين الوهمية التي أوصلت الهلال إلى هذه الحالة البائسة..
بينما ستصدر الصحف المريخية هي الاخرى وهي تسخر من الهلال ، مثل (فضحتونــــــــــــــا).. و (فضيحة بجلاجل تطيح بالهلال) .. أو (يا دي الكسووووووووووووف)
|
Post: #4
Title: Re: إحتفالات جماهيرية وألعاب نارية في الشجرة ابتهاجاً بالخماسية
Author: عبد الحكيم نصر
Date: 10-04-2009, 10:32 PM
Parent: #3
علي الباغي تدور الدوائر
|
Post: #5
Title: Re: إحتفالات جماهيرية وألعاب نارية في الشجرة ابتهاجاً بالخماسية
Author: جمال ادريس
Date: 10-04-2009, 10:36 PM
Parent: #4
سلام يا حكيم
ومن ضحك على أخيه .....
|
Post: #6
Title: Re: إحتفالات جماهيرية وألعاب نارية في الشجرة ابتهاجاً بالخماسية
Author: طلحة عبدالله
Date: 10-04-2009, 10:39 PM
Parent: #4
جيمي العزيز
عن اية صحف تتكلم يا زين ..؟؟؟
لعلك تقصد مدرجات المشجعين الورقية
عليك الطلاق انك زول طيبان شديد وانت تسمي الحاجات بغير مسمياتها تأدبا .
|
Post: #7
Title: Re: إحتفالات جماهيرية وألعاب نارية في الشجرة ابتهاجاً بالخماسية
Author: جمال ادريس
Date: 10-05-2009, 06:34 AM
Parent: #6
ياااااااااا ابو الطلوح
كل سنة وانت طيب
بركة الشفناك طيب
عارف يا طلحة زي ما بقولو "الضرب على الميت حرام" عشان كده ما في شي يتقال عن الهلال
بس المشكلة الكبيرة إنو الحال حيستمر و كأنو ما حصل شي.. مشجعين بيكتبوا في الجرايد ويغشوا الناس
ودوري هزيل شغال .. وما في اي نتيجة
يعني حنظل دايرين في دائة مغلقة .. لمتيييييييين ما عارفين
|
Post: #8
Title: Re: إحتفالات جماهيرية وألعاب نارية في الشجرة ابتهاجاً بالخماسية
Author: جمال ادريس
Date: 10-05-2009, 10:43 AM
جريدة الهلال صدرت صباح اليوم بمانشيت وهمي يقول :(الهلال يمرض ولا يموت) .. طيب الموت ده كيف بس ورووووني يا ناس القلع!!!
|
|