Post: #1
Title: هههه ... كمان لندن غير!!
Author: كمال ادريس
Date: 10-04-2009, 08:37 PM
الكنت خايف منو حصل... البوصلة ضاعت وخرمجت في الشوارع من اول يوم... رغم ان الفندق لايبعد سوى سبع دقائق عن العرب برس هاوس.
مشكلة فقدان الاحساس بالاتجاهات لازمتني منذ 10 سنوات وانا في مدينة الدمام ثم تابعتني الى جدة والان وصلت القمة.
لفة صغيرة تخليك تتلح تاكسي لندن الاسود... ورغم انو السواق لايمكن ان يخدعك الا ان العداد لايرحم فمع كل ثانية يقلب ويوقف قلبك.
فوئجت بوجود الركشة في وسط لندن ... ركشة غير .... كما في دول أسيا يجتهد سائقها في تحريك البدال بخفة رغم انه يحمل نحو 3 اشخاص كاملى الدسم.
الكل يهرول .... احاول اللحاق بهم ... لكن يستوقفني منظر (استغفر الله) ما ياها بلاد الانجليز زاتا... او على قولة اخونا ناذر الخليفة (اصحاب الشيء زاتا)
بكرة بواصل الحكي ان افلحت في الوصول الى وجهتي بدون توهان... دعواتكم الا اطش.
|
Post: #2
Title: Re: هههه ... كمان لندن غير!!
Author: جعفر محي الدين
Date: 10-04-2009, 08:52 PM
Parent: #1
قلوبنا معك يا كمال
دي طاشي في لندن والهلال السوداني طاشي وسط جماهيره وفي ملعبه
ربنا يوصلك بدون خسائر مادية فادحة
|
Post: #3
Title: Re: هههه ... كمان لندن غير!!
Author: ماجدة عوض خوجلى
Date: 10-04-2009, 08:52 PM
Parent: #1
انشالله ماتضيع... كدى فى الاول نرحب بيك والف حمدالله السلامه لندن نورت والله
والروحه دى ياها مصير الاخرين ومن قبل كانت قد حصلت للاولين 
تسلم يارب ..
|
Post: #4
Title: Re: هههه ... كمان لندن غير!!
Author: Muna Khugali
Date: 10-04-2009, 10:33 PM
Parent: #3
والله محظوظين سواقين التكاسي السوداء الباذنجان..
جاهم كنز!
ابعد من التاكسي الاسود فلن تستطيع النزول منه الا بعد ان ينتهي كل ما بي جيبك..
حمدلله علي السلامة استاذ كمال ولندن نورت!
..........
..........
ويا ماجده الله يسألني صورة ولانا دي زي القاعد معانا..
ما فضل ليه الا يتكلم!
حقو تعملوا معاها انترفيو!
|
Post: #5
Title: Re: هههه ... كمان لندن غير!!
Author: كمال ادريس
Date: 10-05-2009, 05:26 PM
Parent: #4
الكريمات منى ومنال شكرا على الاستقبال بس التكسي الاسود خلاص قاطعتوا لاني لقيت طريقة تانية وببلاش كمان... بعدين بقوليكم السر
استاذنا ابو الجعافر بالله كتر دعواتك لنتقى التكسي الاسود.
|
Post: #6
Title: Re: هههه ... كمان لندن غير!!
Author: مصطفى احمد الضو
Date: 10-05-2009, 07:02 PM
Parent: #5
| Quote: بس التكسي الاسود خلاص قاطعتوا لاني لقيت طريقة تانية وببلاش كمان.. |
كيمو ... سلامات
من ركب جبال اليمن سهل عليه التسكع في شوارع لننننننننننننننننننننننننندن.
*****
تخريمة:
مر بي هنأأأأأأأأأأأأك
|
Post: #7
Title: Re: هههه ... كمان لندن غير!!
Author: بله محمد الفاضل
Date: 10-05-2009, 08:03 PM
Parent: #6
ميتيشك ظاطو
بالله عليك في لندن
وأنا زي الأهبل كل يوم اتصل
مرة على الثابت وصاحبك يحولني
ومرة على الجوال الطاشي
بالتوفيق يا زول يا شين
بالله في داعي تخلينا نشتاق ليك
|
Post: #8
Title: Re: هههه ... كمان لندن غير!!
Author: الطيب مصطفى
Date: 10-05-2009, 08:35 PM
Parent: #7
الأستاذ كمال حمد لله على السلامة وربنا يوفقك في مهمتك الجديدة القديمة بس أعمل حسابك من الكلمتك بيه في جدة ..... طبعا باين من صورتك أنه البرد كتلك والله حاتشتاق لجدة الدافية ديك.
حبيبنا بلة تحيات للأسرة الكريمة
|
Post: #9
Title: Re: هههه ... كمان لندن غير!!
Author: بله محمد الفاضل
Date: 10-05-2009, 08:44 PM
Parent: #8
والله صاحبك فرق معانا
بس عاد الجهجهة دي ما اخير تنستر
عندك ناس فطاحلة هناك
استعين بيهم
وبطل البكاء والفضائح
أبو الطب
سلام
وأشواق
وتحايا لك وللأسرة الكريمة
|
Post: #10
Title: Re: هههه ... كمان لندن غير!!
Author: مزمل خيرى
Date: 10-05-2009, 09:36 PM
Parent: #9
البركة بالوصول يا كيمو...
|
Post: #11
Title: Re: هههه ... كمان لندن غير!!
Author: Hisham Ibrahim
Date: 10-06-2009, 07:29 AM
Parent: #10
الحبيب كمال
حمد الله على سلامتك
التاكسي الأسود دا زي الطيران الخاص في لندن
دا زي الشهـر الما عندك فيهـو ( ليهو ) نفقه ،، ( عشان لندن)
يا أخوي : هناك في إستيلا ؟؟؟
زي ما قاعد أقول ليك
أكيد أكيد حا نتلاقى ،،،،، انشاء الله
خلي بالك من كل حاجه ونفسك اهمها ،،،،
هشام
|
Post: #12
Title: Re: هههه ... كمان لندن غير!!
Author: علاء الدين صلاح محمد
Date: 10-07-2009, 10:49 AM
Parent: #11
اخي وحبيبي الاستاذ كمال ادريس
الف حمد الله على السلامة و دعواتي لك بالتوفبق
بس يا اخوي تركت وارءك حمل ثقيل
رميت حجر في مياه الصحافيين العزبة
تحركت المياه وغمرت او قل ستغمر كل الاراضي التي
تحمل في باطنها المخصبات التي تنتج ما يفيد
لكن رغم ذلك يتسابق الجميع
و الصبر ضل النبي
|
Post: #13
Title: Re: هههه ... كمان لندن غير!!
Author: عبود عبد الرحيم
Date: 10-07-2009, 10:58 AM
Parent: #12
الاخ العزيز
كمال ادريس
حمدا لله علي السلامة
والامنيات لك بالتوفيق في موقعك الجديد وأنت (اهل له)
| Quote: الكل يهرول .... احاول اللحاق بهم ... لكن يستوقفني منظر (استغفر الله) ما ياها بلاد الانجليز زاتا... او على قولة اخونا ناذر الخليفة (اصحاب الشيء زاتا) |
من أول يوم ؟؟؟؟
انت البوقفك شنو ؟؟؟ ما تمشي طوالي !!!!!
|
Post: #14
Title: Re: هههه ... كمان لندن غير!!
Author: عبد اللطيف السيدح
Date: 10-07-2009, 11:15 AM
Parent: #13
البطانية يا كمال
ان شاء تلقي نبق هناك
|
Post: #15
Title: Re: هههه ... كمان لندن غير!!
Author: مجدي عبدالرحيم فضل
Date: 10-07-2009, 01:50 PM
Parent: #14
Quote: الكريمات منى ومنال شكرا على الاستقبال بس التكسي الاسود خلاص قاطعتوا لاني لقيت طريقة تانية وببلاش كمان... بعدين بقوليكم السر
استاذنا ابو الجعافر بالله كتر دعواتك لنتقى التكسي الاسود. |
ياااااااااخي ماقولنا ليك البرد مابتقدر عليهو هسي الجاب منال لندن شنو؟ زمان رجعت السودان
أقول ليك لقط نبق وأرجع للرطوبة أخير ليك ماتسكن ضهبه همباتي ما يرجعك وجنس برلمه عليك كان
تسألني عشان البوصلة معاي هنا.
حمدا علي سلامة الوصول المتعسر حبتين ما كتير وعامل لي فيها تفتحية وسر بالله قوم لف لفتين كده مع
وول يعني حيطة وستريت يعني عديل شارع بيتناههههههه
،،،،أبوقصي،،،،
|
Post: #16
Title: Re: هههه ... كمان لندن غير!!
Author: ناذر محمد الخليفة
Date: 10-07-2009, 03:09 PM
Parent: #15
حمدلا على السلامة يا كيمو ..
| Quote: ... لكن يستوقفني منظر (استغفر الله) ما ياها بلاد الانجليز زاتا... |
أها ..
بعد ما وقفت وإستغفرت ..!
عملت شنو بعد داك .؟!!
|
Post: #17
Title: Re: هههه ... كمان لندن غير!!
Author: خالد عويس
Date: 10-07-2009, 03:37 PM
Parent: #16
حمدا لله على سلامة الوصول وتمنياتي لك بالتوفيق أينما حللت.
|
Post: #18
Title: Re: هههه ... كمان لندن غير!!
Author: مزمل خيرى
Date: 10-07-2009, 03:37 PM
Parent: #16
Quote:
أها ..
بعد ما وقفت وإستغفرت ..!
عملت شنو بعد داك .؟!!
|
هسع فى داعى تحكها كدة يا ناذر .؟؟
واصل ياكمال .. متابعين
|
Post: #19
Title: Re: هههه ... كمان لندن غير!!
Author: كمال ادريس
Date: 10-07-2009, 05:13 PM
Parent: #18
مرحبا بكل الاحبة.
العين الجديدة في المكان تختلف نظرتها بالطبع ... قلت انتظر حتى يتوقف المطر المنهمر من يوم امس لالحق بالفندق ... اخبرني احد الزملاء ان آخد المظلة واتحرك ... رفضت من باب الظرافة طبعا لكنه ضحك واخبر البقية بان الزول الجديد راح ينام في المكتب ... كان عنده حق فحتى الان المطر مدور ... لكنه ليس كالمطر الذي خبرته سواء في السودان او اليمن او السعودية والسلطنة ... حفيفة مطر رقيق كأنه يقبل خدك محاكيا افعال البشر من حولي.... يا الله.
الكل ينبهني من فصل الشتاء الذي يطرق الابواب... خوفة كده كلمت زملاء في جدة ليرسلوا كمية ملبوسات لمواجهة معركة البرد.
فارقت التكسي الاسود بلارجعة ... كان المشوار الى الفندق لايستغرق سوى سبع دقائق ...خروج من المكتب ... لفة الى اليسار قرب محطة القطار ثم الفندق امامي... المصيبة اني كنت ادلف يمينا ... واك ياتوهان... الان عرفت الطريق ... ووداعا للتاكسي.
برجع ليكم تاني لو ماخرمجت تاني.
|
Post: #20
Title: Re: هههه ... كمان لندن غير!!
Author: عبد القادر شادول
Date: 10-07-2009, 05:40 PM
Parent: #19
| Quote: كان المشوار الى الفندق لايستغرق سوى سبع دقائق ...خروج من المكتب ... لفة الى اليسار قرب محطة القطار ثم الفندق امامي... المصيبة اني كنت ادلف يمينا ... واك ياتوهان... الان عرفت الطريق ... ووداعا للتاكسي. |
انت بتكلمنا عشان تحفظا و الا شنو .. شد حيلك يا كيمو دي البداية .. و ربنا يوفق ..
|
Post: #21
Title: Re: هههه ... كمان لندن غير!!
Author: محمد خليل ساني
Date: 10-07-2009, 07:34 PM
Parent: #16
| Quote: عملت شنو بعد داك .؟!! |
ههههههههههههههههههههه
سؤال وجيه جدا
منتظرين الإجابه يا كيمو
غايتو ناذر ده عنده جنس كلام
الحبيب كمال إدريس
حمدالله على السلامه
وربنا يوفقك فى مقرك الجديد
شفت كيف تاني لا فى حلاقه فى الكرنتينه
ولا فى طشه فى شوارع باب شريف
ولا حتى ونسه حلوه مع أبوقصي اللذيذ
بس بالتأكيد فى قلوب كتيره قاعده تدعو ليك بالخير
وناس تانيه حلوه معاك فى عاصمة الضباب
ومنتظرين حكاويك يا جميل
وما تنسى ترمي لينا التلفون على الخاص
|
Post: #22
Title: Re: هههه ... كمان لندن غير!!
Author: عامر تيتاوى
Date: 10-08-2009, 06:57 AM
Parent: #21
العزيز كمال ادريس
حمدا على السلامة وربنا يوفقك دائما فى كل مكان
وموقع حقا انت اهل له
| Quote: وما تنسى ترمي لينا التلفون على الخاص |
مع تحياتى وامنياتى الطيبة
|
Post: #23
Title: Re: هههه ... كمان لندن غير!!
Author: كمال ادريس
Date: 10-08-2009, 12:28 PM
Parent: #22
حاجة عجيبة
يعني الواحد لازم يسافر عشان يعرف معزتو عند الناس؟
الاحبة ماجدة ومنى
ود الضو
بله الحبيب
الطيب
مزمل الاملاك
هشام الحلفايا
علاء الدين
عبود
السيدح
ابو قصي
ناذر الفنان
الاستاذ خالد عويس
شادول
محمد ساني
عامر تيتاوي
يستمر التواصل باذن الله
جوال 447904998215
00442075392173
|
|