Post: #1 Title: رابطة معجبي الاستاذ صديق الموج ( فيديو ) Author: عبدالله السفاح Date: 10-04-2009, 10:12 AM
الأستاذ صديق الموج يشارك عمنا حسن ساطولة في غناء ( نسيم الروض ) في ندوة الحقيبة التي أقيمت بالمنطقة الشرقية بالسعودية ( الدمام )تحت رعاية الرابطة الرياضية بالمنطقة الشرقية برئاسة الأستاذ عادل علي .. وقد أبدع أستاذنا صديق الموج من خلال السرد الرائع لاغاني الحقيبة ومناسباتها .. وكذلك الغناء .. ( تقول لي أفراح عصام )
والله يا السفاح فولة مابتنبل فى خشمكم هسه يجى حمزاوى يقول داير ليه سلفه من العداد ياخى استرونا التحية للاخوة فى المنطقة الشرقية بقيادة الريس عادل على مصطفى شكرا لكم حسن الوفادة و كرم الضيافه نتمنى ان نكون قد قدمنا شىء،،،،
والله بتاع الاورق اتشنق شنقه قعد نص ساعه يفتش فى السلم مالاقيهو لكن الفنان غناي والله بس بتاع الاوق خلوهو يمشي يبيع لبن احسن ليهو
Post: #7 Title: Re: رابطة معجبي الاستاذ صديق الموج ( فيديو ) Author: محمد عمر الفكي Date: 10-04-2009, 10:48 AM Parent: #5
شوف يا حاج اول حاجة صلح شنب الهواوير دا، ومرتبة القطن دي شوف لها طريقة صبغة وادي الوشي دا حبة صنفرة (دي ممكن تستعين فيها بحسين خوجلي، قطع شك بفيدك) وبعد داك قدم استقالة من شغلتك دي وارجع السودان واشتغل فنان رسمي، علي ضمانتي احسن لك من الغربة. بعيداً عن الهزار موهبة الغناء تضاف الي موهبة الكتابة السلسلة والروح الساخرة وحب افراح (اذا كان حب افراح موهبة).
تحياتي
Post: #15 Title: Re: رابطة معجبي الاستاذ صديق الموج ( فيديو ) Author: حمزاوي Date: 10-04-2009, 11:28 AM Parent: #7
Quote: ياخ الزول دا انا قايلاو شيَّال ساي اتاريو ماهين
اختي العزيزة وجن مسكاقمي فعلاً هو شيال وشيال حس وحال كمان ألم تشاهدي يا اختاهـ ماذا فعل هذا المتصابي بالأمورة الحلوة المحسية أمنه عبدالكريم أعملي حسابك منه يا قريبتي يا وجن العجوز دا عينو زايغة هو هين ولين كمان انت ما سمعتي افراح قالت ليه شنو لمن قالوا ليها صديق الموج معجب بيك وبيحبك ركزي معاي في بيحبك دي قالت سجم خشمي عشنا وشفنا ناس اهل الكهف يحبو
أنصر دينك ودين دينك يا أخوي محمد عمر الفكي رسلنا لواحد صاحبنا في الجريف عشان يرسل لينا طوبة حمرا
هلا والله بحمزاوي مسكاقمي والله ما سمعت قصة آمنه دي لكن عارفاو حبوبه عجوز دا افراح مسكينه الوقعت تحت رحمتو من بوست لبوست تسلم على النصائح الغاليه وشكلو زعل عشان شايلين ليو صورو اها انا اعمل شنو ياهدي خلقتو اجيب ليو صور سمحه من وين كمان السفاح بالغ مالقى الا ود الموج السغيل دا يعجب بيو
Quote: والله يا السفاح فولة مابتنبل فى خشمكم هسه يجى حمزاوى يقول داير ليه سلفه من العداد ياخى استرونا التحية للاخوة فى المنطقة الشرقية بقيادة الريس عادل على مصطفى شكرا لكم حسن الوفادة و كرم الضيافه نتمنى ان نكون قد قدمنا شىء،،،،
حقيقة يا أستاذنا أتحفتنا وأسعدتنا وكانت ليلة ولا كل الليالي ستظل في الذاكرة لأمد بعيد ياخي بيني وبينك ( أنت البتستاهل العداد
)
Post: #10 Title: Re: رابطة معجبي الاستاذ صديق الموج ( فيديو ) Author: محمَّد زين الشفيع أحمد Date: 10-04-2009, 11:12 AM Parent: #9
Quote: الأستاذ صديق الموج يشارك عمنا حسن ساطولة في غناء ( نسيم الروض ) في ندوة الحقيبة التي أقيمة بالمنطقة الشرقية بالسعودية ( الدمام )تحت رعاية الرابطة الرياضية بالمنطقة الشرقية برئاسة الأستاذ عادل علي .. وقد أبدع أستاذنا صديق الموج من خلال السرد الرائع لاغاني الحقيبة ومناسباتها .. وكذلك الغناء .. ( تقول لي أفراح عصام )
لكَ التَّحيَّة يا عبدَ الله . أما الْحبيب والأُستاذ / صدّيق الْموج ، فقد جلستُ إليهِ مرّةً فسمعتُهُ ووجدتُه موسوعةً في فنِّ الْحقيبة ، وما شاكَلَها مِنْ أضرابْ . تقديري لكَ وله .
Post: #11 Title: Re: رابطة معجبي الاستاذ صديق الموج ( فيديو ) Author: MOHAMMED ELSHEIKH Date: 10-04-2009, 11:13 AM Parent: #9
بقي يغني بي ورانا الليلة انا بكلم ليهو أخوالو محمد و العبيد ولاد البشير
Quote: مسجلين حضور ... اول معجبة ..(انثى ).. نكشة : من مدادو عرفت انو فنااااان ... محبتي
على نفسها جنت نعمات بت حمود اول حاجة شيلي الصورة من بروفايلك صديق الموج دا بيقعد يتغزل في صورة توم أند جيري واحد دفعتو حكي أن صديق كان بيجي المدرسة متأخر بعد الاولاد يدخلوا الفصول وقال لي السبب انه كان لمن يلقى توب معلق في حبل الغسيل يقيف يعاين في التوب يفوتوا جرس الطابور والحصة الاولى كمان فما بالك بصورة رهيبة ذي بتاع بروفايلك وكمان متحننة والله يا اختي عايزة الحقيقة الصورة رهيبة
على نفسها جنت نعمات بت حمود اول حاجة شيلي الصورة من بروفايلك صديق الموج دا بيقعد يتغزل في صورة توم أند جيري واحد دفعتو حكي أن صديق كان بيجي المدرسة متأخر بعد الاولاد يدخلوا الفصول وقال لي السبب انه كان لمن يلقى توب معلق في حبل الغسيل يقيف يعاين في التوب يفوتوا جرس الطابور والحصة الاولى كمان فما بالك بصورة رهيبة ذي بتاع بروفايلك وكمان متحننة والله يا اختي عايزة الحقيقة الصورة رهيبة
الاخ حمزاوي .. اولا الصورة دي انا مخصوص كدي اتصورتها لسودانيز اون لاين ....لاسباب واهداف اعرفها واسرها في نفسي .... اشيلها كيف ؟؟؟ وبعدين انا داخله بيها منافسة ...كبيرة ...مع افراح الشعب كما يقول قدور ... وتصدق احبطني زولك دا ... قال افراح كفايه واتبرع كمان بالباقيات الصالحات .....ليكم .. وغلط في اسمي ...وفي الحالة دي ... انسحب ....واقدم استقالتي .....نظام كرامتي ما بتسمح وكدا ..... محبتي ووافر الاحترام ....
محمد عمر الفكى.سلام انا كان لقيت دى ما داير شى فهى تكفينى عن كل مطلوب ومرغوب.. البافيات خليتن ليك انت يا المسنوح... معليش السفاح استلم البوست بتاعك ده وحات الله مساسقة البوست اخير منها تشيل ليك فضية قزاز فى نص راسك فى المولد يوم القفله البسوى والما بسوا الزول لازم يرد ليه لوووووووووووووول،،،
عبدالله .. كيفنك صديق الموج .. عشى البايتات .. صدقنى ان كنت متأكده بيطلع منك شيء جميل كده .. يالله سجل عندك واحد معجب .. بعدين عندي اقتراح وعلى الجميع التثنيه .. أغاني وأغاني رمضان الجاي بقيادة ود الموج .. وعمنا السر قدور .. عن اذنك شوييييييه .. بس الاختيار عليك يا الموج وعارفاك كان جليتهم كلهم .. ما بتجلي واحده .. وافرح وابتسم انت مع افراح ..
Quote: عبدالله .. كيفنك صديق الموج .. عشى البايتات .. صدقنى ان كنت متأكده بيطلع منك شيء جميل كده .. يالله سجل عندك واحد معجب .. بعدين عندي اقتراح وعلى الجميع التثنيه .. أغاني وأغاني رمضان الجاي بقيادة ود الموج .. وعمنا السر قدور .. عن اذنك شوييييييه .. بس الاختيار عليك يا الموج وعارفاك كان جليتهم كلهم .. ما بتجلي واحده .. وافرح وابتسم انت مع افراح
استاذة عفاف تحياتي اقتراح جميل نثني وبشدة من اجل الاحتفاظ بالافراح مع ودي
Quote: عبدالله .. كيفنك صديق الموج .. عشى البايتات .. صدقنى ان كنت متأكده بيطلع منك شيء جميل كده .. يالله سجل عندك واحد معجب .. بعدين عندي اقتراح وعلى الجميع التثنيه .. أغاني وأغاني رمضان الجاي بقيادة ود الموج .. وعمنا السر قدور .. عن اذنك شوييييييه .. بس الاختيار عليك يا الموج وعارفاك كان جليتهم كلهم .. ما بتجلي واحده .. وافرح وابتسم انت مع افراح ..
الى ذلك الحين .. ابقى عافية ..
بت الصادق
بت الصادق ......سلام والله رشحتينى لى حته كان خيرونى بينها وبين اليونسكو لاخترتها ياخى كتر خيرك لحسن الظن.. حمزاوى الفقر شوف الناس البفهموا بالمناسبة يا عفاف الطفل الفى بروفايلك ده بذكرنى طفولتى قطاعتك تقطعنى فولة وانقسمت نصين الله يعافيك،،،،
الخال صديق الموج والله طلعت مليان ابداع طيب وكت انت اصلا من محبى فن الحقيبه لشنو مابتعمل لينا روابط لى كرومه وزنقار وابو صلاح مش بتحب ديل برضو ولا شنو؟ بعيدا عن افراح نتشرف بالانضمام الى الرابطه عارفك حاتستقبلنى على مضض وحاتسلم على وانت مقبل وشك منى الناحية التانيه ومابتكون بالعنى لكن اعتبرنى انشاالله جار افراح بالحيطه وعاملنى من المنطلق ده مودتى....
والله يا السفاح جنس مسخة وبلبصة عليك انت دحين خايف من لسان ود الموج دا بدور تلجمو بي بوستيك دا وله شنو يعني لكن سياسة يهودية منك عموما انا من غير ما اشعر يعني لقيت نفسي منحشر هنا ياخي موج النضم دا عندو سحر خرافي وانا واحد من الذين استمتعوا بهذه الليلة الموبااااااااااااااااالغة لكن يا ود الموج شايفك ما شرحت الحقيبة كما انزلت وله هرشت من الحروم الكانن قاعدات ؟ وما فتحت الا في العشرة الأواخر من الحفلة بعد ما النواعم نامت
باسط المكى ........سلام الله يجبر بى خاترك ياخى،،،،
Post: #48 Title: Re: رابطة معجبي الاستاذ صديق الموج ( فيديو ) Author: أبوعبيدة محمد الأمين Date: 10-06-2009, 08:05 AM Parent: #47
أحييك أخي عبدالله السفاح أن أتحت لنا هذه السانحة لنعبر عن حبنا لأستاذنا صديق الموج فقد ظللت أداوم على رشف رحيق بيانه - بعيداً عن السياسة - منذ أن تعرفت على هذا الموقع. تشدني روح الأدب فيه وخفة الدم مع حبه وتمسكه بالتراث الأدبي السوداني في شتى ضروبه وكمان مريخيته. وحقيقة يشهد الله أنني كنت بصدد كتابة بوست إعجاب بالأستاذ صديق الموج وتكوين رابطة معجبين من داخل وخارج المنبر - رغم علمنا أنه في غنى عن ذلك وقد أعلنها صراحة في هذا البوست - مكجن الرجال - لكن برضه بنحبه الجميل وكبير.
سلمت أستاذنا الحبيب صديق الموج ومتعك الله بالصحة والعافية لتواصل مسيرة نثر الفرح عبر الأسافير السودانية.
Post: #49 Title: Re: رابطة معجبي الاستاذ صديق الموج ( فيديو ) Author: معاوية عوض الكريم Date: 10-06-2009, 08:17 AM Parent: #48
Quote: أحييك أخي عبدالله السفاح أن أتحت لنا هذه السانحة لنعبر عن حبنا لأستاذنا صديق الموج فقد ظللت أداوم على رشف رحيق بيانه - بعيداً عن السياسة - منذ أن تعرفت على هذا الموقع. تشدني روح الأدب فيه وخفة الدم مع حبه وتمسكه بالتراث الأدبي السوداني في شتى ضروبه وكمان مريخيته. وحقيقة يشهد الله أنني كنت بصدد كتابة بوست إعجاب بالأستاذ صديق الموج وتكوين رابطة معجبين من داخل وخارج المنبر - رغم علمنا أنه في غنى عن ذلك وقد أعلنها صراحة في هذا البوست - مكجن الرجال - لكن برضه بنحبه الجميل وكبير.
سلمت أستاذنا الحبيب صديق الموج ومتعك الله بالصحة والعافية لتواصل مسيرة نثر الفرح عبر الأسافير السودانية.
الأستاذ أبو عبيدة تحياتي حقيقة أستاذنا صديق الموج موسوعة في أغاني الحقيبة ومناسباتها ... وفوق ذلك له خفت دم لا تخفى على أحد لو جلست معه تتمنى أن لا تنتهي الجلسة .. قابلته للحظات حين حضوره لإقامة ندوة عن الحقيبة بالدمام لكن وللأمانة دخل القلب من أوسع أبوابه .. إنسان تلقائي يمتلك نعمة حب الناس وذلك لروحه الطيبة وخفت دمه .. ومازلت أنادي استأذنا صديق الموج بان يجعل من هذا البوست توثيق لأغاني الحقيبة .. ولنبدأ بأغنية الفيديو نفسه
فادية بت الاصول ..سلام والله انت بت اصول بحق وحقيقة من اعرف منهم هو الاصول بعينها رجال يغطوا عين الشمس حول موائدهم يتحلق الضيوف والاهل والحبان وعباس ابغباء والقطط.. كرماء لدرجة الرواشة.. وانت اثيرة وعزيزة ومكانك القلب وليس الرابطه فانت منى على بال كبير.. حضورك البازخ يشرفنى ولا اخفيك سرا ان قلت لك انا ازداد طولا كلما احنيت لك هامتى كونى بخير كلما كان ذلك ممكنا،،،،
Quote: الاخ حمزاوي .. اولا الصورة دي انا مخصوص كدي اتصورتها لسودانيز اون لاين ....لاسباب واهداف اعرفها واسرها في نفسي .... اشيلها كيف ؟؟؟ وبعدين انا داخله بيها منافسة ...كبيرة ...مع افراح الشعب كما يقول قدور ... وتصدق احبطني زولك دا ... قال افراح كفايه واتبرع كمان بالباقيات الصالحات .....ليكم .. وغلط في اسمي ...وفي الحالة دي ... انسحب ....واقدم استقالتي .....نظام كرامتي ما بتسمح وكدا ..... محبتي ووافر الاحترام ....
نعمات حمود ...بت اختى خليك من كلام حمزاوى المخرف ده انت عارفه مكانك القلب يابت القبايل انت مافى الرابطه ساكت انت الرابطه كلها لك الود يا حبيبة يسقط حمزاوى سبب البلاوى،،،
