Post: #1
Title: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: عمران حسن صالح
Date: 10-03-2009, 05:48 PM
Parent: #0
ولأني قد طُعنت في ظهري بسبب ( أمرخة ) ولدي الحبيب محمد عمران في غفلة مني .. وخبثاً من خاله الذي اتصل على منزل أهل ابني حين " وهو في إجازة " ليأخذوه إلى شارع الدومة عشان يشوف احتفالات الانتصار على الهلال في إحدى المباريات البعيدة .
وصدَق المسكين وعمرو سنتين بس أن الدنيا مريخ ..
لون احمر ونجمة 
عاد وهو يحمل علم المريخ
ويرتدي طاقية المريخ (فعلاً وليس مجازاً ) ..
ونمَى خاله فيه ( المريخية )
والحب الأعمى للنجمة
وأنا أتفرج .. 
أحس بالحسرة أحياناً ..
وفي لحظات التجلي أردد للآخرين منطق فلسفي يتحدث عن حرية اختيار الأبناء والتربية الحديثة وأن هذا سيكون له دعماً نفسياً جيداً في مستقبل أيامه باعتبار أن والده كان ديمقراطياً في تربيته .. وهكذا (خرابيط) ..
أسوي شنو عاد غير كدي ؟؟؟
أها بما إنني شربت من كاس ( الخباثة ) حقت خال ولدي فيا ناس الهلال :
بداية ( شيلكم ) للكأس الليلة وبنتيجة جيدة للمباراة تسوف يساهم مساهمة فعَالة في انو أيِ مولود ( يشيلو خالو يطلع بيهو بره البيت ) يشوف أعلام الهــــــــــلال فهو وبلا شكـ ( سيكون هلالياً ..) 
قلت أكتب كلمة مثل ( متأمرخ ) لقيته حا تكون كلمة تانية يقوموا ناس حمزاوي وطلحة يفرحوا بيها .. (متهلهل مثلاً )
طبعاً مصيبتي التانية إنو المدام وأمها وأخوها ( مررايخ ) يا كافي البلى .."
( بلى ) إنهم مررايخ أولاً ...
( وبلى ) انو أنا معهم في ذات البيت عندما يكون هنالكـ مباراة مصيرية ..
فإن كانت النتيجة ضدي سيكون الاحتفال مريخياً وهاكـ يا أعلام وفرحة ..
( الهارد ) مراراتي طبعاً ما علم ولدي ( قضى الله أمره فيه ) ..
الفاقع المرارة علم المدام ...
لا حولاااااااااااااااا ...
حا أطق
__________________________________
شوفو جنس الهبل البسوي فيهو الإبن العاق ده
.
.
الصورة بعدسة الصديق : عبد الله داش وكان ناوي بيها شر إلا طيرنا ليهو في راسو ..
|
Post: #2
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: mayada kamal
Date: 10-03-2009, 05:56 PM
Parent: #1
الجاتك في اهل بيتك سامحتك
**** سلامات وكل سنة وانت طيب
يا استاذ عمران مووووش انا طالباك تنزل حفلة البلابل هنا في البورد
على حسب وعدك السابق
تحياتي للمريخابي الجسور ولدكم
|
Post: #3
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: عمران حسن صالح
Date: 10-03-2009, 06:04 PM
Parent: #2
وأنا عند وعدي أختنا ميادة بس خلي ( حكاية ) بكره دي تعدي . **
التسجيل جاهز ومتبقي التحميل لليوتيوب .
.
شاكر مروركـ الجميل
.
.
.
.
_________________________
آآآآآآآآآآآآآآي رجفة يا طلحة.
|
Post: #4
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: abdalla osman
Date: 10-03-2009, 06:09 PM
Parent: #1
الجميل عمران سلام وتحايا..
انا سويت النجيضة من بدري
________________________________
ان شاء ربنا يعوضك في الباقين
لتعديل الصورة..
|
Post: #6
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: على محمد على بشير
Date: 10-03-2009, 06:13 PM
Parent: #4
هييييييييييييع
ود اخوى الكلس ..
|
Post: #8
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: عمران حسن صالح
Date: 10-03-2009, 06:15 PM
Parent: #6
Quote: هييييييييييييع
ود اخوى الكلس .. |
أنا ولا الجهلول الفوق ده !!؟؟
|
Post: #9
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: على محمد على بشير
Date: 10-03-2009, 06:19 PM
Parent: #8
| Quote: أنا ولا الجهلول الفوق ده !!؟؟ |
انتا شنو كمان يا الصفيرابى
انا اعنى الشبل المرصع بالنجوم ..
|
Post: #11
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: عمران حسن صالح
Date: 10-03-2009, 06:25 PM
Parent: #9
| Quote: انتا شنو كمان يا الصفيرابى |
براحة عليا شوية ياخي أنا بسأل ساي .. ما ينطق ليكـ عِرق ياود خالتي ...
|
Post: #7
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: عمران حسن صالح
Date: 10-03-2009, 06:13 PM
Parent: #4
| Quote: ن شاء ربنا يعوضك في الباقين |
ما دي ياها المشكلة !!
ياخي أنا إلا أقدم لوتري وأمشي بيهو جزر القمر ..
طالما الحصار موجود فربكـ يستر ..
ولا أقول ليكـ : أعمل سمايتو في إستاد الهلال وبرضو مااااااااااا بضمن الموضوع .
|
Post: #10
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: حيدر بشير
Date: 10-03-2009, 06:25 PM
Parent: #4
لكن يا عمران فرطت تب
بس بعد كدة ما تعلموا لعب الكورة عشان كمان ما يجى يغلب ليك فريقك و يفقع ليك مرارتك اكتر من ما هى مفقوعة
ربنا يحفظه ويخليه ليكم ان شاء الله
|
Post: #13
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: عمران حسن صالح
Date: 10-03-2009, 06:31 PM
Parent: #10
| Quote: س بعد كدة ما تعلموا لعب الكورة عشان كمان ما يجى يغلب ليك فريقك و يفقع ليك مرارتك اكتر من ما هى مفقوعة |
الفاقع مرارتي المرة يا حيدر
ولامن نغلب نجيب هدية للمرة ... آآهـ يا مرارتي ...
|
Post: #12
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: فتح الرحمن عثمان
Date: 10-03-2009, 06:28 PM
Parent: #1
بداية ( شيلكم ) للكأس الليلة وبنتيجة جيدة للمباراة تسوف يساهم مساهمة فعَالة في انو أيِ مولود ( يشيلو خالو يطلع بيهو بره البيت ) يشوف أعلام الهــــــــــلال فهو وبلا شكـ ( سيكون هلالياً ..)
إن شاء الله ربنا يحقق أمنيتك.. وبدل الابن الواحد ينضموا (6) ملايين لهلال العز..!!
قول آمين..
|
Post: #14
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: عمران حسن صالح
Date: 10-03-2009, 06:33 PM
فتح الرحمن | Quote: وبدل الابن الواحد ينضموا (6) ملايين لهلال العز..!! |
أمسكوا ولادكم عليكم عشان لو مازيمبي غلب الجنيات حا يطلعوا ( مازيمباب ) ... 
|
Post: #15
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: عمران حسن صالح
Date: 10-03-2009, 06:56 PM
Parent: #14
غايتو يا ناس : أساسي - حمزاوي - طلحة - على بشير -وبقية رهط المريخاب ..
بكرة أمسكوا عيالكم عليكم ما يقوموا ( يتأهلــــوا ) ...
|
Post: #16
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: عمران حسن صالح
Date: 10-03-2009, 07:31 PM
Parent: #15
يثير قلقي وتوتري  اختفاء عمر الفــــــــــــــاروق حتى الآن رغم تواجده ( طال عمرو ) بالرياض ..!!!
|
Post: #17
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: عمران حسن صالح
Date: 10-04-2009, 06:26 AM
Parent: #16
(-)
|
Post: #18
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: Yassir Tayfour
Date: 10-04-2009, 06:59 AM
Parent: #17
يا عمران الفقد عظيم يعلّم الله!
لكن محمد لسة صغير، لو إشتغلت معاهو كويس ووريتو عيوب أمو وخالو وخرخرتهم وصفاتّك الجميلة وعدم خرخرتّك ومنطقيتّك، وحنكّك، وكل مرة تفرجو في آخر مباراة للهلال ضد المريخ، أكيد سوف يعود لدين آبائه..
___
مازلنا عشمانين فيهو حمودي ده...
عشان ما تبقى عليك: غلبو يهلِل ولدو مشى يهلِل وليدات الناس، شوف شغلّك يا عمران بالله...
|
Post: #19
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: حمزاوي
Date: 10-04-2009, 07:30 AM
Parent: #18
عمران اخوي
مسكاقمي
أنا عندي ولد هلالابي وكمان المرا
ما تجي نتبادل
|
Post: #21
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: عمران حسن صالح
Date: 10-04-2009, 07:57 AM
Parent: #19
Quote: عمران اخوي
مسكاقمي
أنا عندي ولد هلالابي وكمان المرا
ما تجي نتبادل |
يا خال .. كده حا تظهر لي مشكلة تانية مع مرتكـ الهلالابية دي ..
الرطانة كيف ؟؟ تعلمني عشان ما أسطح مع أخوال الولد بتاعكـ ده ..
|
Post: #20
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: عمران حسن صالح
Date: 10-04-2009, 07:55 AM
Parent: #18
Quote: يا عمران الفقد عظيم يعلّم الله!
لكن محمد لسة صغير، لو إشتغلت معاهو كويس ووريتو عيوب أمو وخالو وخرخرتهم وصفاتّك الجميلة وعدم خرخرتّك ومنطقيتّك، وحنكّك، وكل مرة تفرجو في آخر مباراة للهلال ضد المريخ، أكيد سوف يعود لدين آبائه..
___
مازلنا عشمانين فيهو حمودي ده...
عشان ما تبقى عليك: غلبو يهلِل ولدو مشى يهلِل وليدات الناس، شوف شغلّك يا عمران بالله... |
ياسر اللذيذ ..
أنا فرصتي الكأس ده بعدها بدق لي خيمة زرقاء في البيت وأعلق فيها هلال دهب أزرق في المدخل ..
بعد داكـ أفش غبينتي في المرة أول ( مع الهدية طبعاً) وبعد داكـ الولد بشوف خذلة أمو وأخوالو راسو بلين شوية ...
|
Post: #22
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: dardiri satti
Date: 10-04-2009, 08:46 AM
Parent: #20
غايتو أنا أحمد الله
شدة ما أولادي هلالاب
قربت ، والعياذ بالله ،
أفلب عدييييييل
وإنضم لي قريبي هارون دياب !!!
تحياتي
|
Post: #25
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: عمران حسن صالح
Date: 10-04-2009, 12:59 PM
Parent: #22
يا ساتي :
Quote: أفلب عدييييييل
وإنضم لي قريبي هارون دياب !!! |
قبلكـ ووحدكـ
|
Post: #23
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: معتصم دفع الله
Date: 10-04-2009, 09:01 AM
Parent: #20
يا أبومحمد ..
المشكلة في خاله القال بقلب هلالابي ..
أها محمد دا تودهو وين بعد داك ..
غايتو نحن كان الله أدانا العافية بنمرضو ليك
الليلة قول ليهو أتعشى بدري أبوي
|
Post: #24
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: محمد عمر الفكي
Date: 10-04-2009, 09:03 AM
Parent: #23
يا سيد
عليك الله خلينا من الكورة، السنة دي سنة معايش ما شايف الازمة الاقتصادية.
كدي شوف الموضوع الكلمتك عليه خلينا نترزق ورد علي.
ترياق؟!!! انت يا الاخو نحن فينا جدري؟
|
Post: #27
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: عمران حسن صالح
Date: 10-04-2009, 01:04 PM
Parent: #24
Quote: يا سيد
عليك الله خلينا من الكورة، السنة دي سنة معايش ما شايف الازمة الاقتصادية.
كدي شوف الموضوع الكلمتك عليه خلينا نترزق ورد علي. |
يسد مزماركـ انت ما بتعرف تقول أبو محمد ..
| Quote: ترياق؟!!! انت يا الاخو نحن فينا جدري؟ |
أها كلام اللحوين ده تعال فسروا لينا نحن الرطانة درجتنا فيها صفر
|
Post: #26
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: عمران حسن صالح
Date: 10-04-2009, 01:01 PM
Parent: #23
معتصم الجميل | Quote: الليلة قول ليهو أتعشى بدري أبوي |
|
Post: #28
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: عمران حسن صالح
Date: 10-04-2009, 01:57 PM
Parent: #26
كان ندخل كلمة ( إسفيرية ) في العنوان عشان نجيب المررايخ ديل يزورونــا ..
عجبتني كلمة ( فارات ) في بوست الصلح بين أبو ساندرا وود القريش
|
Post: #29
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: عمران حسن صالح
Date: 10-04-2009, 03:36 PM
Parent: #28
|
Post: #30
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: عمران حسن صالح
Date: 10-04-2009, 05:22 PM
Parent: #29
| Quote: هارتلاند - نيجيريا 4 : 0 كانو بيلارس - نيجيريا |
|
Post: #31
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: سيف الدولة كامل
Date: 10-04-2009, 05:37 PM
Parent: #30
والله يا عمران فرطت وقصرت كتيييييييييييييير
الولد ده الليلة بقلب هلالابي بس عاوز شوية شغل
الا اذا كانت امه مريخابية فعليك العوض ,,,,,,
انا احمد الله الاربعة هلالاب مرضانين وامهم كان اتغلبنا
الا نتعشي دلفري, ربك يستر ونتعشي محلي بي ما داخل عطبرة,
|
Post: #32
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: عمران حسن صالح
Date: 10-04-2009, 05:55 PM
Parent: #31
Quote: انا احمد الله الاربعة هلالاب مرضانين وامهم كان اتغلبنا
الا نتعشي دلفري, ربك يستر ونتعشي محلي |
يا سيف سلام
هارتلاند غالب كانو أربعة ، الليلة كان مرقنا وقول إتأهلنا للمباراة النهائية أنا قايل أخير تتعشى قبل النهائي بيوم ..
|
Post: #33
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: عمران حسن صالح
Date: 10-04-2009, 06:30 PM
Parent: #32
الله أكبر ..
الله
الوطن
الهلال
....
قولو يا رب
الكل في الملعب ..
والبداية بعد ثواني ..
|
Post: #34
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: عمران حسن صالح
Date: 10-04-2009, 06:35 PM
Parent: #33
يا الله الفرح أتى من الثانية الأولى
هدف أول للهلال
|
Post: #35
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: عمران حسن صالح
Date: 10-04-2009, 06:53 PM
Parent: #34
رابــــــط لمشاهدة المباراة
|
Post: #36
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: عمران حسن صالح
Date: 10-04-2009, 07:16 PM
Parent: #35
ادارة الكهرباء تحرم الشعب السوداني من مشاهدة
مباراة الهلال ...
الله يا بلد ..
نسوي شنو يعني .. ندق الحيط بروسينا ؟؟
ولا نشجع هلال الرياض ..
حسبي الله ونعم الوكيل ..
...
الرشيد بدوي رايكـ شنو نشيل البنية دي ونجيبكـ تسأل الناس الضيوف .. عشان تخلي الكلام الكتير شوية ..؟؟
المصيبة تقوم تسأل وتجاوب براكـ !!
ولا رايكـ شنو تتكلم براكـ وتفتي زي ما عايز؟؟
|
Post: #37
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: عمران حسن صالح
Date: 10-04-2009, 07:42 PM
Parent: #36
اا.
|
Post: #38
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: Faisal Elrasheed
Date: 10-06-2009, 01:25 PM
Parent: #37
Quote: يا الله الفرح أتى من الثانية الأولى
هدف أول للهلال |
اها والحصل بعد داك شنو؟
|
Post: #39
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: شمس الدين ساتى
Date: 10-06-2009, 01:41 PM
Parent: #38
Quote:
Quote: يا الله الفرح أتى من الثانية الأولى
هدف أول للهلال
اها والحصل بعد داك شنو؟ |
ما تواصل ورينا الحصل يا عمران
|
Post: #40
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: محمد عمر الفكي
Date: 10-06-2009, 02:09 PM
Parent: #39
شمس الدين وفيصل
بلاش لماضة
يعني ما عارفين الحصل بعد داك شنو؟
هلالنا عظيم رغم التحكيم
رغم الهزيمة الا اننا متأكدون 10% من كسب الشكوى في قانونية اشراك سادومبا وكابوندي
غايتو يا ابو محمد حالتك تحنن
|
Post: #41
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: عمران حسن صالح
Date: 10-06-2009, 02:20 PM
Parent: #38
| Quote: اها والحصل بعد داك شنو؟ |
ممكن نحكي ليكـ عن " حسب نيتكـ " !!
والنوايا هنا أنواع ، منها سخرية لله في لله زي الكراهية المن غير سبب ديكـ ..
وقد تكون بتحب تكاويني كده برضو لله في لله ..
وقد تكون مريخابي متطرف تحمل جينات ( هترلية ) إقصائية تكرة الآخر !!
وقد .. وقد..
..
حدد موقعكـ زميل الحوش فيصل الرشيد ..
|
Post: #42
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: Faisal Elrasheed
Date: 10-06-2009, 02:40 PM
Parent: #41
| Quote: حدد موقعكـ زميل الحوش فيصل الرشيد .. |
عمران اولا ازييك وكل عام وانت بخير
بعدين تحديد الموقع ده انا ما فهمته الغرض منو شنو مالم تكن (دردقه) لكن نمش معاك ونديك اجابات تريحك ..اوكي؟
| Quote: والنوايا هنا أنواع ، منها سخرية لله في لله زي الكراهية المن غير سبب ديكـ .. |
اطمنك انه انا ما من النوع البسخر لا بسبب ولا بدونه مالم...
| Quote: وقد تكون بتحب تكاويني كده برضو لله في لله .. |
ابدا حاشا وكلا ... اكاويك لي شنو يا اخ عمران ..ياخ هي الدنيا دي فيها شنو لمن اقعد اكاويك وتكاويني .. استغفر الله يا رجل استغفر الله
معقوله بس ... هل وصل سؤ الظن الي هذه الدرجه
علي كل اسامحك اخي لوجه الله ;)
| Quote: وقد تكون مريخابي متطرف تحمل جينات ( هترلية ) إقصائية تكرة الآخر !! |
دي انته قلبته فيها الهوبه حكاية التطرف دي لوووووووول ياخ اديتني احساس كده اني قاعد في تورا بورا وجنبي الظواهري لووووول
بعدين الجينات الهتلرية دي جبتها من وين ؟؟ ما ناقص الا تقول لي اني بعادي السامية وتعلن الحظر الاقتصادي
وقد وقد دي هي المشكله لاني قدر ما قلته املا المكان الشاغر ما عرفته اكتب فيه اعوج والا عديل لكن بطبعي المريخي غير المتعصب ختيت حاجات
كلها حسن نوايا
| Quote: حدد موقعكـ زميل الحوش فيصل الرشيد . |
دي بعد كده بقت واضحه
|
Post: #43
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: عمران حسن صالح
Date: 10-06-2009, 02:56 PM
Parent: #42
..
لا حولا ااا يافيصل ..
ياخي إنت ( فلفلت ردي ) شبر شبر ولي حسي ما رديت على حدد موقعكـ دي ....
يعني انت من الشمات ولا الكارهين للهلال ولا ياتو حاجة من كوم الحاجات الفوق دي ...
لأنكـ طبعاً عارف بعد داكـ حصل شنو !!!
أما شمس الدين المُصِر على ذات السؤال الله يسامحو ..
ومحمد عمر الفكي ، العربي ده معاي هنا ، على بعد ألف كيلو وبنظمو ليكـ ( SMS) بس ...
....
شكلكـ ونَااااااااااااااااااااااااااس 
|
Post: #46
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: Faisal Elrasheed
Date: 10-07-2009, 07:28 AM
Parent: #43
Quote: لا حولا ااا يافيصل ..
|
ولا قوة الا بالله يا عمران الدوام لله يا اخوي
| Quote: لأنكـ طبعاً عارف بعد داكـ حصل شنو !!! |
طبعا
وهو في زول ما عارف الشي (الفزيع) الحصل
لكن ماحدث لا يعني انني شامت فيكم يا عزيزي عمران
اي نعم كانت نتيجه كارثية
لكنها لا تنفي ان الهلال فريق كبير وفريق (بطولات)
وادعو الله مخلصا له بأن يثبتكم علي ولائكم
| Quote: أما شمس الدين المُصِر على ذات السؤال الله يسامحو .. |
والله شمس الدين ده كمان سؤاله تعسفي
زي البمشي ليه فراش زول انتحر ويقعد يسال ام المرحوم هو الزول ده انتحر مالو يا خاله ؟
اها زي ده قبال تقول ليه الله يسامحك يفترض ترشو بالمكشوووف
ده اكيد مريخابي عنده جينات وكروموسومات هتلرية سادية فاشيه ومعادي للسامية
ده بالميت كان لقي ليه محامي فاضي بوديه لاهاي
والله ياهو كمان
وبي فلاحه يقول ليك الحصل شنو؟
يا شمس الدين بالله خليك جادي معانا شوية
البلد ما ناقصه مصايب انت كمان جايي تزيده لينا بسؤالك التعسفي ده
انا معاك انت بتكون ما قاصد لكن حاول اوزن كلامك اليومين ديل
الناس دي واقفه لمبه
اي نعم هم اتغلبو خمسه ودي ما حصلت لفريق في ارضه في تاريخ السودان من العصر الحجري
واي نعم هم ربنا ابتلاهم بماسورتين قلفنايز (كابوندي وسيف) لكن الكورة مدوره
فكونه انهزمو واتبهدلو دي ما حاجه تخليك تجي من الصباح تسال سؤالك البايخ ده
معليش يا عمران اخونا شمس الدين ده بكون ما قاصد الحكاية دي امسحه في وش المعز
Quote: ومحمد عمر الفكي ، العربي ده معاي هنا ، على بعد ألف كيلو وبنظمو ليكـ ( SMS) بس ...
|
ياخ ده لو في طريقة حاول رسل ليه فايرس مع الرسايل عشان ترتاح منو
وكمان انا سمعته تحت تحت انه جده ابو حبوبته كان معرس ليه المانيه من دسلدورف
وتحت تحت برضو قالو خاله هتلر وعندهم نسب مع موسليني بتاع ايطاليا داك
انا ما عارف الفاشست ديل اتلمو من وين
اها يا عمران النمش نديها لفه ونجيك راجعين
عسي ولعل يجيك خبر سمح
رفرش: شفته صلاح ادريس في النيل الازرق امس؟:D
|
Post: #44
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: فايزودالقاضي
Date: 10-06-2009, 03:09 PM
Parent: #42
ابو محمد سلامات ....
قصة اخوال ولدك محمد هم البقوه مريخابي دي ماراكبة لي خاصة في وجود ام محمد المريخابيه الاصيلة ..الشغلة واضحة ياعمرانبس انت خجلان تقول ام الود بقت الود مريخابي .. والفطرة السليمة بياخدها الود من امه قبل ابوه .. والحمدلله ماقدرت تهودوا ...وجود ام محمد في هذه الاسرة طمنا في ان يخرج من صلبك مريخاب مخلصين ولو بالعافية ده اذا ماكان محمد ذاته تمرخ بالعافية ... اوكما يقول صديقي صديق بأن عمران نفسه مع الضغط الحكومي الشديد والحرمان الدائم تحول الي مريخابي بس متخفي ..
سلامي للاسرة الكريمة..
|
Post: #45
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: عمران حسن صالح
Date: 10-06-2009, 04:32 PM
Parent: #44
| Quote: قصة اخوال ولدك محمد هم البقوه مريخابي دي ماراكبة لي خاصة في وجود ام محمد المريخابيه الاصيلة ..الشغلة واضحة ياعمرانبس انت خجلان تقول ام الود بقت الود مريخابي |
بالتأكيد أحتاج إلى إعادة صياغة لعلاقاتي مع من أعرف من المريخاب
كده يا ود القاضي ( تفنسني الفنسة) دي كلها ؟؟؟
هيييييييييييييييييييع أنا آبوكـ يا محمد !!
أمانة ما اتلومت في أخوكـ
.
.
.
.
.
.
______________________________________________________
اليومين دي شغال أربي في الغبائن زح ما ترشكـ النار بعدين
|
Post: #47
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: عماد محمود علي
Date: 10-07-2009, 08:38 AM
Parent: #45
عمـــران ( أبو محمد المريخابي الأصيل )
ســـــلامات ... مشتاقين وكده .....
غاتيو السواها ما زمبي تااااني إلا تشوف محمد ده خمسة خمسة .... هلالابي شنو كمان البتحول ليهو محمد ياخي سيب الولد في حالة فرحان ومبسوط وصفوي مالك عائز تعذبه وهو لسه صغير وجااااهل ....الولد مرتاااااح بأمرخته دي هو في حد بشعر بالسعادة يمشي يختار البعاد ( هو في حد بشجع المريخ يمشي يشجع الهلال ) .....سيب الولد في حاااااله يا عمران وبالمرة كده فكر تصبح معاه في قالب واحد .
أمنياتي .....
|
Post: #48
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: محمد عمر الفكي
Date: 10-07-2009, 10:05 AM
Parent: #47
اللهم لا شماتة اللهم لا شماتة
كل ما اقول قربت ليك تلقاني بادي من الالف.
ادين واشجب واندد بكل من سال اخونا عمران عن الحصل بعد داك شنو وخصوصاً المدعو فيصل دا الابي يحدد موقعه؟ كما نعلن عن كامل مساندتنا له معنويا عن طريق الكتابة وماديا عبر الاتي :
1 - عدد خمسة كرتونة شريط موية (لمحاولة علاج المواسير)
2 - عدد 2 صفيحة دهن بعشوم (لزوم تسليك الركب) لرواكيب الهلال الوراء، الناس ديل بيقعوا من سبب وبدون سبب من زمن مرق مع الوداد، بعدين اعصروا علي الخضرة (الملوخية) "الترجمة دي لانك اعجمي" (ياريت لو عندي وشوش ضاحكة)، الخضرة مفيدة يا عمران خصوصاً في حالة مساوي.
3 - ارسال مكانيكي مختص بعلم فرامل APS عشان يظبط يدين المعز عشان تاني الكورة ما تجر منه وخصوصاً في المطر وضربات الجزاء.
4 - حفارة كاتربيلر لاستخراج الحمار المدفون القديم لانتهاء فترة صلاحيته واستبداله بحمار "حلب" بشرط انه يندفن حي المرة دي.
5 - قوندران فيات لزوم رحلة لوممباشي (كان مشيتوا) الدرب اخدوا مساسسقة يعني شورت كت، صدقني 10 يوم بتوصلكم في امانة الله (شرط السواق يكون حبشي)
ملحوظة : العودة بنفس القوندران غير مضمونة.
فيصل
عمران دا انغلب جاب لنا الفاشية والهتلرية وارهاب وجينات وما ادراك( جد حارررررررة ) والاحر منها شماتتكم يا مريخاب.
عموماً الامل موجود بشرط تتبعوا الحاجات الكتبتها ليكم فوق، بس انكربوا شوية الزمن مافي صالحكم.
عمران
تقول الحكمة
اللهم اعني علي اصدقائي اما اعدائي فانا كفيل بهم.
|
Post: #49
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: عمران حسن صالح
Date: 10-07-2009, 11:28 AM
Parent: #48
| Quote: اللهم اعني علي اصدقائي اما اعدائي فانا كفيل بهم. |
حدد لي موقعي ( صديق ولا عدو ؟؟) بعدين نشوف كلامكـ الفوق ده
.
.
.
.
.
.
______________________________
ممكن تستخدم الوجوه التحت دي :
  
|
Post: #50
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: عمران حسن صالح
Date: 10-07-2009, 11:37 AM
Parent: #47
عمده يا صديقي الجميل ..
الله ياخد بايدكـ كمان وكمان وترجع لينا زايد ( حلاوة ) .. | Quote: ( هو في حد بشجع المريخ يمشي يشجع الهلال ) |
خاتيها ليكـ لي يومكـ الأسود ( مريخياً طبعاً )
|
Post: #51
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: محمد عمر الفكي
Date: 10-07-2009, 12:25 PM
Parent: #50
تقول الحكمة
اللهم اعني علي اصدقائي اما اعدائي فانا كفيل بهم.
الحكمة دي لسان حالك
صديق كاتبها بالازرق وعدو بالاحمر هس الواحد يقول شنو؟
يا اخي عملت شنو في الموضوع داك؟
هسي في الشغل ما عايز اشغل نفسي واشغلك يتصل عليك في المساء عايزك.
|
Post: #52
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: عمران حسن صالح
Date: 10-12-2009, 05:59 PM
Parent: #51
ما حاسين يالهلالاب بالأنا فيهو ...
انت وعماد محمـــــــــــــود ...
|
Post: #53
Title: Re: ( أسياد البلد ) ، لتكن نتيجة مباراتكم " الأولى " ترياق ضد ( الأمرخة )!!!
Author: عبدالعزيز الفاضلابى
Date: 10-12-2009, 10:32 PM
Parent: #52
|
|
