Post: #1
Title: من هنا ندق ناقوس الخطر يا ادارة جامعة النيلين (معقولة نتائج بهذا المستوى ) (توجد نماذج)!!!!!!!
Author: mayada kamal
Date: 10-03-2009, 12:02 PM
رصدت جامعة النيلين على موقعها على شبكة الانترنت
نتائج الطلاب للسنة الحالية
وللاسف لا تسر عدو ولا حبيب
كلها ما بين ملاحق وفصل واعادة الا من رحم ربي (بين جيد ولو بااااالغوا جيد جدا)
ماذا تفعل ادارة الجامعة وشئونها العلمية
المفروض يعرفوا مستوى طلابهم من خلال نتائج الحضور والغياب والتحصيل في اعمال السنة والاختبارات التي تعطى للطلاب خلال السنة او الفصل الدراسي
نعم المسئولية مشتركة بين الطالب والجامعة في النتيجة المحصلة
الطلاب زاتهم بقوا ما فاضين للدراسة والقراية وكل فهمهم للجامعة اصبح
هروب من واقع البيوت ... او فقط لقضاء الاواقات كلها او جلها في الكافتيريات ... او الفوز بحبيب (في الاخيرة دي ما عارفة المستعجلين ليها شنو .... مع انو كله لعب وضحك على بعض ... هو الولد زاته في المرحلة دي الحابي ليها شنو وهو لسع بياخذ مصروفه من ابوه او امه.... غايتو عالم...والبنت نفسها نقول ليها ... بدل ما تضيعي وقتك في الوقوف امام المراة ... ووضع الاخضر والاحمر والاصفر والجلبطة ... احسن ليك اقري ليك لكمتين كانوا نفعوك)!!!!!!!!!!
نرجع ونقوول اللوم الاكبر والتقصير يقع على عاتق الجامعة شئونها العلمية
لو في متابعة من الجامعة ... كان على الاقل تداركوا للمستوى المتدني الوصلوا ليه طلابها
واليكم نموذج للنتيجة المتدنية
http://neelain.edu.sd/results09/dpe1.html
|
Post: #2
Title: Re: من هنا ندق ناقوس الخطر يا ادارة جامعة النيلين (معقولة نتائج بهذا المستوى ) (توجد نماذج)!!!!
Author: saif massad ali
Date: 10-03-2009, 12:05 PM
Parent: #1
بت كمال الفيك اتعرفت
اها انا برجع وتاني ما تسعليني
|
Post: #3
Title: Re: من هنا ندق ناقوس الخطر يا ادارة جامعة النيلين (معقولة نتائج بهذا المستوى ) (توجد نماذج)!!!!
Author: mayada kamal
Date: 10-03-2009, 12:20 PM
Parent: #2
Quote: بت كمال الفيك اتعرفت
اها انا برجع وتاني ما تسعليني |
على شنو يا ود عوج الدرب
يادوب اتذكرت
بعد ما ضربت الكوارع
هههههههه
راجع ماسنجرك
|
Post: #4
Title: Re: من هنا ندق ناقوس الخطر يا ادارة جامعة النيلين (معقولة نتائج بهذا المستوى ) (توجد نماذج)!!!!
Author: عوض محمد احمد
Date: 10-03-2009, 12:34 PM
Parent: #3
الاخت الفاضلة ميادة كمال
سلام
برضو دا كلام كويس من ناس الجامعة انو يطلعو نتيجة بالشكل دا
و ربما يكون هذا اول خطوات الاصلاح
لان الشئ الذى رايته راى العين فى الاخوام الاخيرة و فى اكثر من مكان انه يتم اجراء عمليات (تجميل) واسعة فى النتيجة و تطلع اجسن من نتائج كيمبردج و السوربون
لكن ما دام طلعت بالشكل الكعب دا فالذى اتوقعه ان تتم دراسة عاجلة لمعرفة مظان القصور و علاجها على جناح السرعة
|
Post: #6
Title: Re: من هنا ندق ناقوس الخطر يا ادارة جامعة النيلين (معقولة نتائج بهذا المستوى ) (توجد نماذج)!!!!
Author: mayada kamal
Date: 10-03-2009, 12:57 PM
Parent: #4
Quote: الاخت الفاضلة ميادة كمال
سلام
برضو دا كلام كويس من ناس الجامعة انو يطلعو نتيجة بالشكل دا
و ربما يكون هذا اول خطوات الاصلاح
لان الشئ الذى رايته راى العين فى الاخوام الاخيرة و فى اكثر من مكان انه يتم اجراء عمليات (تجميل) واسعة فى النتيجة و تطلع اجسن من نتائج كيمبردج و السوربون
لكن ما دام طلعت بالشكل الكعب دا فالذى اتوقعه ان تتم دراسة عاجلة لمعرفة مظان القصور و علاجها على جناح السرعة |
ويييييييييين كلام كويس
دي كارثة
مثل هذه المناسبات والوقائع هي التي يطالب لها تحقيق دولي
ومؤتمرات ولجان عمل طالعة ونازلة وورش
والعمل شنو
هؤلاء الطلاب هم راس مالنا غدا
ولن يقووا على المنافسة في سوق العمل المحلي والخارجي بهذا المستوى الردئ
ونبقى في جلب موظفين من شرق اسيا والبنقلاديش
|
Post: #5
Title: Re: من هنا ندق ناقوس الخطر يا ادارة جامعة النيلين (معقولة نتائج بهذا المستوى ) (توجد نماذج)!!!!
Author: السيد المسلمي
Date: 10-03-2009, 12:41 PM
Parent: #3
Quote: الطلاب زاتهم بقوا ما فاضين للدراسة والقراية وكل فهمهم للجامعة اصبح
هروب من واقع البيوت ... او فقط لقضاء الاواقات كلها او جلها في الكافتيريات ... او الفوز بحبيب (في الاخيرة دي ما عارفة المستعجلين ليها شنو .... مع انو كله لعب وضحك على بعض ... هو الولد زاته في المرحلة دي الحابي ليها شنو وهو لسع بياخذ مصروفه من ابوه او امه |
واقع مرير ياميادة ،
ـــ
كل سنة وإنتي طيبة .
|
Post: #7
Title: Re: من هنا ندق ناقوس الخطر يا ادارة جامعة النيلين (معقولة نتائج بهذا المستوى ) (توجد نماذج)!!!!
Author: عوض محمد احمد
Date: 10-03-2009, 01:03 PM
Parent: #5
جزء من المشكلة يقع على عاتق التعليم العام. المناهج المحشوة بغير ما يفيد و ازدحام اليوم
الدراسى لدرجة الاختناق, خصوصا بعد ادخال عطلة السبت و الغاء سنة كاملة من المنهج و نظام امتحانات الشهادة العقيم الذى لا يقيس الا ملكات الحفظ و الاستظهار, و المعادلة التى تجرى للنسب المئوية فى نتيجة امتحان الشهادة فتظهر منتفخة بغير حقيقتها الامر الذى يعطى الطلاب شعورا زائفا بالرضاء. و النتيجة ان تستقبل الجامعات كل عام جموعا من الطلاب يفترض انهم انهوا مرحلة التعليم العام و لكن مقدراتهم الحقيقية لا تزيد عن مرحلة المتوسطة القديمة.
|
Post: #9
Title: Re: من هنا ندق ناقوس الخطر يا ادارة جامعة النيلين (معقولة نتائج بهذا المستوى ) (توجد نماذج)!!!!
Author: mayada kamal
Date: 10-15-2009, 12:37 PM
Parent: #7
Quote: جزء من المشكلة يقع على عاتق التعليم العام. المناهج المحشوة بغير ما يفيد و ازدحام اليوم
الدراسى لدرجة الاختناق, خصوصا بعد ادخال عطلة السبت و الغاء سنة كاملة من المنهج و نظام امتحانات الشهادة العقيم الذى لا يقيس الا ملكات الحفظ و الاستظهار, و المعادلة التى تجرى للنسب المئوية فى نتيجة امتحان الشهادة فتظهر منتفخة بغير حقيقتها الامر الذى يعطى الطلاب شعورا زائفا بالرضاء. و النتيجة ان تستقبل الجامعات كل عام جموعا من الطلاب يفترض انهم انهوا مرحلة التعليم العام و لكن مقدراتهم الحقيقية لا تزيد عن مرحلة المتوسطة القديمة. |
الاخ عوض
مساء الخير
نعم جزء من المشكلة يقع على التعليم
هناك جزء اكبر يقع على الطالب نفسه وعلى الظروف النفسية والاقتصادية والاجتماعية البعيشها الطالب نفسه
وجزء يقع على عاتق الدولة ودعمها للتعليم عموما
عموما هي مسئولة متكاملة ومتشابكة
|
Post: #8
Title: Re: من هنا ندق ناقوس الخطر يا ادارة جامعة النيلين (معقولة نتائج بهذا المستوى ) (توجد نماذج)!!!!
Author: mayada kamal
Date: 10-03-2009, 03:04 PM
Parent: #5
العزيز السيد المسلمي
كل سنة وانت طيب
والقابله معانا في الخرطوم ههههههه
المفروض يتحلوا بقليل من المسئولية والجدية ومحاسبة النفس والذات
غايتو نحن التقول ما كنا طلبة زيهم
انا يوم ما احتجت زول يوجهني لقرايتي او يقول لي اقري وما تطلعي وماتنزلي
والحمد لله تخرجنا بامتياز
|
Post: #10
Title: Re: من هنا ندق ناقوس الخطر يا ادارة جامعة النيلين (معقولة نتائج بهذا المستوى ) (توجد نماذج)!!!!
Author: د.محمد بابكر
Date: 10-16-2009, 07:01 PM
Parent: #8
الاخت مياده مساء الخير
ارى انها ازمه شامله لاتقتصر على التعليم وحده بل تطال كل مناحى الحياه من صحه وتعليم اساسى وجامعى الخ... والامر برمته يحتاج الى حركة اصلاح شامل, حركه يقوم بها قاده مؤهلين, حركه تبعد شذاذ الافاق وعاطلى المواهب عن مواقع القرارات الهامه ماذا والا فأن القران مليئ بالامثله المعبره لامم اندثرت وصارت اثرا بعد عين حتما سننضم لقائمتها ان نحن واصلنا السير على هذا المنوال.. قلبى على وطنى وتحياتى.
|
|