Post: #1 Title: نقف مع هلال السودان بنصف قلوبنا بالرغم من يقننا انه لن يأتي بكاس او صفيحة محمولة جوا Author: اساسي Date: 10-03-2009, 10:10 AM Parent: #0
علي يقين يصل حد الجزم ان الهلال لن ياتي للسودان باي بطولة خارجية فهذه حلاقة لا يملك لها رقبة فلا هو خلق للبطولات ولا البطولات تعرف طريقها الي الهلال , ولكن وحفاظا علي جو عام خالي من الهتر فاننا نمنح نصف افئدتنا للهلال عل وعسى ان لا يأتينا بفضيحة خارجية (كعادته دائما ) نتمني له ان يمثل السودان خير تمثيل ويحاول قدر الامكان ان لا يمثل به ويورده مهالك هو في غنا عنها وبكل وضوح لا يدانيه نفاق فان المباراة الاولي يوم الغد للهلال مع مازمبي سنحرص ان نكون في المشاهدة علي الحياد فان فاز الهلال فخير وبركة للسوداان وان فاز مازيمبي فهو حقه المكتسب
Post: #2 Title: Re: نقف مع هلال السودان بنصف قلوبنا بالرغم من يقننا انه لن يأتي بكاس او صفيحة محمولة جوا Author: اساسي Date: 10-03-2009, 10:15 AM
وعلي وعد مني ان الهلال لو اتي بهذا الكأس ساقوم بحلاقة النصف الايسر من شاربي
ـــــــــ
الاخوة الرشاشاب لا حاجة بكم الي تجهيز امواس فلا الهلال بقادر علي ان يمس شعره من هذا الشارب
Post: #3 Title: Re: نقف مع هلال السودان بنصف قلوبنا بالرغم من يقننا انه لن يأتي بكاس او صفيحة محمولة جوا Author: humida Date: 10-03-2009, 10:20 AM Parent: #2
Quote: وعلي وعد مني ان الهلال لو اتي بهذا الكأس ساقوم بحلاقة النصف الايسر من شاربي
وتحنن ( .... ) .. كويس ..!!
Post: #4 Title: Re: نقف مع هلال السودان بنصف قلوبنا بالرغم من يقننا انه لن يأتي بكاس او صفيحة محمولة جوا Author: عبدالوهاب علي الحاج Date: 10-03-2009, 10:45 AM Parent: #3
ايه حكاية الاشناب الماشة في المنبر اليومين دي على العموم نحن الكاس ما لازمنا ولا دايرنو كفاية علينا انبطاحتكم دي
Post: #5 Title: Re: نقف مع هلال السودان بنصف قلوبنا بالرغم من يقننا انه لن يأتي بكاس او صفيحة محمولة جوا Author: Faisal Elrasheed Date: 10-03-2009, 10:48 AM Parent: #4
Quote: على العموم نحن الكاس ما لازمنا ولا دايرنو
حلم الجيعان
Post: #6 Title: Re: نقف مع هلال السودان بنصف قلوبنا بالرغم من يقننا انه لن يأتي بكاس او صفيحة محمولة جوا Author: محمد عمر جبريل Date: 10-03-2009, 11:03 AM Parent: #5
عليك الله بعد العمايل بتاعت ياااااااااااااي وااااااااااااي .. أيستحقون أن تمنحهم ربع عشر بطينك الأيسر ؟؟!
Post: #7 Title: Re: نقف مع هلال السودان بنصف قلوبنا بالرغم من يقننا انه لن يأتي بكاس او صفيحة محمولة جوا Author: محمد عبد الماجد الصايم Date: 10-03-2009, 11:21 AM Parent: #6
إنت قايل جدة بعيدة ولا شنو! بورداب الرياض عندهم 13 عربية 4 * 4! وبنشتري الأمواس من ميقات السيل الكبير!
Post: #9 Title: Re: نقف مع هلال السودان بنصف قلوبنا بالرغم من يقننا انه لن يأتي بكاس او صفيحة محمولة جوا Author: عبدالله كع Date: 10-03-2009, 11:27 AM Parent: #6
Quote: نقف مع هلال السودان بنصف قلوبنا بالرغم من يقننا انه لن يأتي بكاس او صفيحة محمولة جوا
انت اطلع منها .... يا عشي البيتات
: : : و ريح نفسك و شنبك يا ابشنب و خلي قلبك كلو عندك ... بس اطلع منها .... عليك دينك
واخر قولنا : ان لا تحضر الكورة ابو شنبات
Post: #10 Title: Re: نقف مع هلال السودان بنصف قلوبنا بالرغم من يقننا انه لن يأتي بكاس او صفيحة محمولة جوا Author: saif massad ali Date: 10-03-2009, 11:30 AM Parent: #3
حميضه
Quote: وتحنن ( .... ) .. كويس ..!!
دي صاحبك كان لقاها قايلو بياباها
Post: #13 Title: Re: نقف مع هلال السودان بنصف قلوبنا بالرغم من يقننا انه لن يأتي بكاس او صفيحة محمولة جوا Author: Faisal Elrasheed Date: 10-03-2009, 12:26 PM Parent: #10
Quote: دي صاحبك كان لقاها قايلو بياباها
سيف مساعد
والله تطور
ركز مع الرياضه دي اصلو اسمها وزارة الجايين من الغابه
وممكن يشيلوها ناس الخلا
وكان انقلبت مافي زول بسالك ....
حصل شفته ليك وزير رياضه اعتقلوهو؟ كااااااااك كرااك
Post: #8 Title: Re: نقف مع هلال السودان بنصف قلوبنا بالرغم من يقننا انه لن يأتي بكاس او صفيحة محمولة جوا Author: عزاز شامي Date: 10-03-2009, 11:22 AM
Quote: نقف مع هلال السودان بنصف قلوبنا بالرغم من يقننا انه لن يأتي بكاس او صفيحة محمولة جوا
أقيف براك .. انا بطيني لازمني اتعاطف بيهو مع كديسة ضالة ولا عصفور طقتو عربية ليه ياخ؟ قلبك ده لقيتو واقع في الشارع؟
Quote: وعلي وعد مني ان الهلال لو اتي بهذا الكأس ساقوم بحلاقة النصف الايسر من شاربي
وعد و تحد غير لا يضع الجندر في اعتباره انا حلق حاجبي اليسار مثلا؟
________
هذا ومع صادق التمنيات للهلالاب برحلة سعيدة عودة و اياب وتيتي تيتي زي ما رحتي حتيجي
Post: #11 Title: Re: نقف مع هلال السودان بنصف قلوبنا بالرغم من يقننا انه لن يأتي بكاس او صفيحة محمولة جوا Author: محمد الامين محمد Date: 10-03-2009, 12:02 PM Parent: #8
صفيحة شنو ولاقارورة موية فاضية
Post: #12 Title: Re: نقف مع هلال السودان بنصف قلوبنا بالرغم من يقننا انه لن يأتي بكاس او صفيحة محمولة جوا Author: محمد البشرى الخضر Date: 10-03-2009, 12:04 PM Parent: #11
خلاس فضيتو من الجرافة و الأتبراب
Post: #14 Title: Re: نقف مع هلال السودان بنصف قلوبنا بالرغم من يقننا انه لن يأتي بكاس او صفيحة محمولة جوا Author: abdalla osman Date: 10-03-2009, 12:50 PM Parent: #12
اساسي كيفنك وان شاء الله طيب ومبسوط .. وكت قنعان من خيرا فينا للدرجة دي يبقى مافي داعي تضينع وقتك .. طبعا اظرف ناس في المنبر اليومين دي مبسوطين ومعنويات في السمافي شنو دي ما عارف!! الله لا يديكم الفي مرادكم ياخ ..
حمدلله بسلامة الجية من عطبرة, قال شنو!! دفرني وملاني طين مودتي ...
Post: #15 Title: Re: نقف مع هلال السودان بنصف قلوبنا بالرغم من يقننا انه لن يأتي بكاس او صفيحة محمولة جوا Author: abuguta Date: 10-03-2009, 12:51 PM Parent: #12
والله ياساسى الواحد مو فاضى,,,بطبع لى فى شعارات تميز اهلة الجزيرة عن الرطانة والبربر
عزاز,,,والله شماتة زميلة على البورد مبلوعة لكن انا مبتلى بام عيال حمراء زى بطيخ عتيقة هدف امبيلى الملعوب من قدم هيثم مصطفى من النص قالت مو سمح,,,لكن لو لاعبو العجب قون تحفة تشيع الجندر للكورة دا عاوز ليه فتوة كاربة
مخرج
انا غنيت ليك كتير واليوم بعيد ليك غناى ما بروى ليك فى مستحيل الهلال سمى ودواى نحن محلقين فى دبى زى بلوما او حدى ما مهم نخسر هناك كفاية عناق الكبار وين السمبر والحبار الملحى مغادر عطبرة بالحمرة ديك والاصفراء مالك زاحى لوراء ومخلف وراك الغبار
الموال لاحمد ابقوتة
Post: #16 Title: Re: نقف مع هلال السودان بنصف قلوبنا بالرغم من يقننا انه لن يأتي بكاس او صفيحة محمولة جوا Author: حيدر بشير Date: 10-03-2009, 01:44 PM Parent: #15
أساسى سلام
النص التانى دا محتفظ بيه لحدى ما تشوفنا فى دبى و الله شنو و الله احسن ليك تستعملوا الآن لانه بعد داك بيكون لحق امات طه
Post: #17 Title: Re: نقف مع هلال السودان بنصف قلوبنا بالرغم من يقننا انه لن يأتي بكاس او صفيحة محمولة جوا Author: تاج السر محمد حامد Date: 10-03-2009, 02:01 PM Parent: #16
Quote: علي يقين يصل حد الجزم ان الهلال لن ياتي للسودان باي بطولة خارجية فهذه حلاقة لا يملك لها رقبة
هذه حقيقة أخى أساسى .. وهم يعلموا ذلك
تاج
Post: #18 Title: Re: نقف مع هلال السودان بنصف قلوبنا بالرغم من يقننا انه لن يأتي بكاس او صفيحة محمولة جوا Author: keiga2000 Date: 10-03-2009, 02:44 PM Parent: #17
خليهم يحلموا يا اساسي
ما فعلـه جمهور الهلال بلاعبينا في عطبـره كافِـي للوقوف بكامل قلوبنا مع مازيمبي
ولا تطاول على الزعيــم البرشنا بالدم بنرشو ....
ماتخاف نوم قفـا ياحبيب شنبـك دا ابرمـوا كمان
وانت خالف كراعـك
ابومصطفى
Post: #19 Title: Re: نقف مع هلال السودان بنصف قلوبنا بالرغم من يقننا انه لن يأتي بكاس او صفيحة محمولة جوا Author: Mohamed Foto7li Date: 10-03-2009, 02:48 PM Parent: #18
سلام اساسي
للتوثيق
Quote: وعلي وعد مني ان الهلال لو اتي بهذا الكأس ساقوم بحلاقة النصف الايسر من شاربي
ـــــــــ
الاخوة الرشاشاب لا حاجة بكم الي تجهيز امواس فلا الهلال بقادر علي ان يمس شعره من هذا الشارب
Post: #20 Title: Re: نقف مع هلال السودان بنصف قلوبنا بالرغم من يقننا انه لن يأتي بكاس او صفيحة محمولة جوا Author: عمران حسن صالح Date: 10-03-2009, 06:58 PM Parent: #19
Post: #21 Title: Re: نقف مع هلال السودان بنصف قلوبنا بالرغم من يقننا انه لن يأتي بكاس او صفيحة محمولة جوا Author: Azhari Mohamed Date: 10-03-2009, 07:11 PM Parent: #20
اساسي سلام يا صديقي جده ملاينه امواس لكن صدقني واحده بتجي جنبك ما في
Quote: إنت قايل جدة بعيدة ولا شنو! بورداب الرياض عندهم 13 عربية 4 * 4! وبنشتري الأمواس من ميقات السيل الكبير!
ود الصايم خليك مرتاح انات شاهد عيان علي الحليفه بس ما خايف علي شنب اساسي ...
عايزين نص قلب ونص شنب ليـــــه
Post: #22 Title: Re: نقف مع هلال السودان بنصف قلوبنا بالرغم من يقننا انه لن يأتي بكاس او صفيحة محمولة جوا Author: MOHAMMED ELSHEIKH Date: 10-03-2009, 07:37 PM Parent: #21
يا اساسي يا خي قلب احمر قاني زي دا تبوظ نصو حرام عليك
Post: #23 Title: Re: نقف مع هلال السودان بنصف قلوبنا بالرغم من يقننا انه لن يأتي بكاس او صفيحة محمولة جوا Author: فتح الرحمن عثمان Date: 10-03-2009, 07:54 PM
Post: #24 Title: Re: نقف مع هلال السودان بنصف قلوبنا بالرغم من يقننا انه لن يأتي بكاس او صفيحة محمولة جوا Author: فتح الرحمن عثمان Date: 10-03-2009, 08:01 PM
بإذن الله.. البطولة للهلال.. والمجد للسودان.. وحسن العزاء للاحوان..!!
بدون أشناب ولا حواجب..!!
Post: #25 Title: Re: نقف مع هلال السودان بنصف قلوبنا بالرغم من يقننا انه لن يأتي بكاس او صفيحة محمولة جوا Author: Faisal Elrasheed Date: 10-04-2009, 07:47 AM Parent: #24
Post: #26 Title: Re: نقف مع هلال السودان بنصف قلوبنا بالرغم من يقننا انه لن يأتي بكاس او صفيحة محمولة جوا Author: اساسي Date: 10-04-2009, 09:38 AM Parent: #25
تقبلوا جميعا تحياتي
نصف قلبي الذي اشاطر به هو في البداية للسودان
ــــــــ
ابو شنب
Post: #27 Title: Re: نقف مع هلال السودان بنصف قلوبنا بالرغم من يقننا انه لن يأتي بكاس او صفيحة محمولة جوا Author: وليد محمد المبارك Date: 10-04-2009, 09:43 AM Parent: #26
كضاب
Post: #29 Title: Re: نقف مع هلال السودان بنصف قلوبنا بالرغم من يقننا انه لن يأتي بكاس او صفيحة محمولة جوا Author: معتصم دفع الله Date: 10-04-2009, 10:10 AM Parent: #27
Quote: وبكل وضوح لا يدانيه نفاق فان المباراة الاولي يوم الغد للهلال مع مازمبي سنحرص ان نكون في المشاهدة علي الحياد فان فاز الهلال فخير وبركة للسوداان وان فاز مازيمبي فهو حقه المكتسب
أحيييي أنا .. المره الفات قلت في الورشة .. المره دي بنسمع بيك تزازي في شوارع جدة
Quote: وعلي وعد مني ان الهلال لو اتي بهذا الكأس ساقوم بحلاقة النصف الايسر من شاربي
قبليك في واحد هنا قال بلبس رحط قام لحس ليك كلامو زي الما حصل حاجة ..
Quote: الاخوة الرشاشاب لا حاجة بكم الي تجهيز امواس فلا الهلال بقادر علي ان يمس شعره من هذا الشارب
شاربك دا تب ما لازمنا .. بس انت خلي جوالك مفتوح
Post: #31 Title: Re: نقف مع هلال السودان بنصف قلوبنا بالرغم من يقننا انه لن يأتي بكاس او صفيحة محمولة جوا Author: محمد عبد الماجد الصايم Date: 10-04-2009, 11:11 AM Parent: #29
Quote: بس انت خلي جوالك مفتوح
باللاي ركّز في كلام الشفيف دا! أها .. الليلة مشيت دفعت الفاتورة عشان ما يعملوا فيني نظرية المرة الفاتت!
رش الرش الليلة ياعمكـ! جوالكـ .. أمسكو كويس
Post: #30 Title: Re: نقف مع هلال السودان بنصف قلوبنا بالرغم من يقننا انه لن يأتي بكاس او صفيحة محمولة جوا Author: عاصم حسين Date: 10-04-2009, 10:10 AM Parent: #27
سلام يا اهلة اتمنى ان لا تشجعوا الهلال ابداً ولا تقيفوا معاهو لا بى شنب ولا بطيخ خليكم مع مريخكم وخلينا مع هلالنا اصلوا انتوا البتشجعوا اليومين ديل بتلحقوا امات ..... سلام يا اهلة
Post: #28 Title: Re: نقف مع هلال السودان بنصف قلوبنا بالرغم من يقننا انه لن يأتي بكاس او صفيحة محمولة جوا Author: Mahmoud Mustafa Mahmoud Date: 10-04-2009, 10:09 AM Parent: #26
حذاء الفتى نسفٌٌ ونصفٌٌ شرابه..وكل الذي فوق التراب ترابُ
مع الإعتذار..
نص قلب...نص كلتش..نص بدال..نص مكنة..
مع تحيات لجنة النصوص والألحان...
Post: #32 Title: Re: نقف مع هلال السودان بنصف قلوبنا بالرغم من يقننا انه لن يأتي بكاس او صفيحة محمولة جوا Author: السيد المسلمي Date: 10-04-2009, 11:39 AM Parent: #28
Quote: نقف مع هلال السودان بنصف قلوبنا بالرغم من يقننا انه لن يأتي بكاس او صفيحة محمولة جوا
أصيل والله ياأساسي . الهم أنصر الهلال بوقفة أساسي النص نص دي ، والهم أجعل وقفتة فاتحة خير وعززها بنيل الهلال لكأس البطولة ،
أمين أمين أمين ،
ـــــ كامل تضامننا مع شنبك ياحبيب .
Post: #33 Title: Re: نقف مع هلال السودان بنصف قلوبنا بالرغم من يقننا انه لن يأتي بكاس او صفيحة محمولة جوا Author: omer osman Date: 10-04-2009, 11:45 AM Parent: #32
Quote: وعلي وعد مني ان الهلال لو اتي بهذا الكأس ساقوم بحلاقة النصف الايسر من شاربي
وأنا النصف الايمن ............
يا اساسي تحت تحت والله اعمل حساب شنبك (صلاح ادريس) ده لعاب
