Post: #1 Title: أخونا ودشيقوق كان مدعو لعيد ميلاد Author: خالد علي محجوب المنسي Date: 10-01-2009, 10:04 PM Parent: #0
كانت دعوة من بنت من الآئي أُطعنَّ بلاعق من ذهب حبة فيه خفة الدم وجمال روح البداوة والريف وحسن النية التي لم تجدها في الذئاب من حولها
ودعته لعيد ميلادها صور لنا هذا المشهد الشاعر الجميل على لسان ودشيقوق بشرى إبراهيم
( عذراً أيها الشاعر لو كان إنزال القصيدة دون إذن وعذراً للتلفيق )
المشهد الأول
قالت لي تجي لي عيد ميلادي قُتلها خير ودخل في أضفاري بتقصد إيه بعيد ميلادها أيا ربي إتولدت يا دابا ولا إبقَّى الأعياد سوَّها زيادة إمكن ولدت وأنا ماعارف وإمكن ميلاد عيسى وأجداده ياربي بدقّو الدلوكا وبعزموا الحللال كالعادة بس قتلها خير وأنا جايكم
Post: #2 Title: Re: أخونا ودشيقوق كان مدعو لعيد ميلاد Author: خالد علي محجوب المنسي Date: 10-01-2009, 10:10 PM Parent: #1
المشهد الثاني
الشهر الجاي مرق مركوبي من السحارة داقاهو المطرا فبل شهرين ونكت طاقيتي من العضادة سليتا رماد رقعتها زيييييييين سديرتي أبويا مسويها لبد فرتكتا اللبدة مرقتها طين عراقيّ مغزوز في الكوكار كان سوّهو وقاية سروالي مدفوس في رحل العيش ملفوف محشور بين شوالين لميتّن أديتهن شطفا وشريتن فوق زريبة الزين
Post: #3 Title: Re: أخونا ودشيقوق كان مدعو لعيد ميلاد Author: خالد علي محجوب المنسي Date: 10-01-2009, 10:15 PM Parent: #2
مشتاقين يا خالد وبقيت غايب طوالي حتي العيد ما باركناه ليك! كل سنة وانت طيب..
Post: #7 Title: Re: أخونا ودشيقوق كان مدعو لعيد ميلاد Author: سمية الحسن طلحة Date: 10-02-2009, 00:07 AM Parent: #6
Quote: ولا إبقَّى الأعياد سوَّها زيادة
ياسلاااام ياخالد الزول دا أنا مابمل سماعه كمل لينا المشاهد الواقعية دي أنا أنازول مستغرب في حاجات ... والله شيقوق لو بكتب زي دا بكرة إلا أعزموا ليكم عيد ميلاد:D
Post: #8 Title: Re: أخونا ودشيقوق كان مدعو لعيد ميلاد Author: الطيب رحمه قريمان Date: 10-02-2009, 01:06 AM Parent: #7
الاستاذ خالد و لد المنسى
لك التحية
يا أخوى أنت قاصد الطيب حفنا ؟
الطيب شيقوق المحامى ...؟
ها زول ها ....
الطيب الباع جمله ...؟
ده زولا سمح و كريم
أمير أخلاق ما هو ليئم
صالح لحاق بعيد وقت الضيم
ضباح الشايل , سيد الرجال و مقنع حريم
Post: #9 Title: Re: أخونا ودشيقوق كان مدعو لعيد ميلاد Author: الطيب شيقوق Date: 10-02-2009, 08:17 AM Parent: #8
Post: #16 Title: Re: أخونا ودشيقوق كان مدعو لعيد ميلاد Author: خالد علي محجوب المنسي Date: 10-02-2009, 04:02 PM Parent: #15
Quote: مشتاقين يا خالد وبقيت غايب طوالي حتي العيد ما باركناه ليك! كل سنة وانت طيب..
العزيزة منى خوجلي كل سنة وأنت طيبة والله الشوق لك بالأكثر ... أوا تذكرين تلك الجلسات على شاطئ النيل يطربنا الحبيب أبوبكر سيد أحمد وياسر تمتام .. يا لها من أيام وليالي لها وقع في النفس جميل
تابعي معنا حكاوي المسنوح ودشيقوق مع بنات البندر
تحياتي ومودتي
Post: #17 Title: Re: أخونا ودشيقوق كان مدعو لعيد ميلاد Author: خالد علي محجوب المنسي Date: 10-02-2009, 04:08 PM Parent: #16
Quote: والله شيقوق لو بكتب زي دا بكرة إلا أعزموا ليكم عيد ميلاد
سمية الحسن أختي الكريمة تعرفي أنا برضو يعجبني الشعر العامي شديد وبالذات التي يعالج مشاكلنا في ثوب جميل مثل هذا وأنا أعتبره من المبدعين هذا الشاعر الجميل
أستعدي غايتو بكرة المسنوج بجيك البيت ويقول عزمتني سمية عيد ميلاد
تحياتي سمية
Post: #18 Title: Re: أخونا ودشيقوق كان مدعو لعيد ميلاد Author: خالد علي محجوب المنسي Date: 10-02-2009, 04:14 PM Parent: #17
Quote: يا أخوى أنت قاصد الطيب حفنا ؟
ودرحمة حبابك ألف في هذه المساحة لرد روح الحبيب ودشيقوق
Quote: الطيب شيقوق المحامى ...؟
ياهو المسنوح حقكم بتاع سلطنة عمان ياهو الباش محامي لو يصح بشبشتها
Quote: ها زول ها ....
الطيب الباع جمله ...؟
ده زولا سمح و كريم
بعير شنو البيعو المسنوح عشان يسافر لبنية دا باع لي تيس وتيس أعور وعيش كيلتين
Post: #19 Title: Re: أخونا ودشيقوق كان مدعو لعيد ميلاد Author: خالد علي محجوب المنسي Date: 10-02-2009, 04:14 PM Parent: #17
Quote: يا أخوى أنت قاصد الطيب حفنا ؟
ودرحمة حبابك ألف في هذه المساحة لرد روح الحبيب ودشيقوق
Quote: الطيب شيقوق المحامى ...؟
ياهو المسنوح حقكم بتاع سلطنة عمان ياهو الباش محامي لو يصح بشبشتها
Quote: ها زول ها ....
الطيب الباع جمله ...؟
ده زولا سمح و كريم
بعير شنو البيعو المسنوح عشان يسافر لبنية دا باع لي تيس وتيس أعور وعيش كيلتين
Post: #20 Title: Re: أخونا ودشيقوق كان مدعو لعيد ميلاد Author: خالد علي محجوب المنسي Date: 10-02-2009, 04:22 PM Parent: #19
سوف تكون شعاري الجديد وتعال ننشرها مع بعض هييييييييييع أنا الكوكو الفجخ الطيــن هييييييييييع أنا الضب الوقع في العجين
اها وصلت وين مع بنات البندر يا مسنوح
Post: #28 Title: Re: أخونا ودشيقوق كان مدعو لعيد ميلاد Author: سمية الحسن طلحة Date: 10-02-2009, 10:22 PM Parent: #27
شايل لي ألفين داير أكتبهن في الدفتر جت وأنا زول واجبات
Post: #29 Title: Re: أخونا ودشيقوق كان مدعو لعيد ميلاد Author: خالد علي محجوب المنسي Date: 10-02-2009, 11:02 PM
Quote: شايل لي ألفين داير أكتبهن في الدفتر جت وأنا زول واجبات
تزوج يا سمية واحد من أهلنا ناس الدويمات ( قرية جنب شندي ) من آل البرير وفي الحفلة تدفقت القروش هبطرش يغني حسين شندي وترقص الطقطاقة وآل البرير يرمون الألوف زي الشلن
في اغنية واذكر كانت أغنية دلوكا( يا بلالي اللول لولي أنا) قام واحد من ناس الدويمات وعرض زييييين لآمن الله غفر لي وصوقر وتيتل واخر الدور مشى علي الطقطاقة ورمى فيها خمسة جنيه صادفت بيت من الاغنية يقول ساتر حالو في عدمو ولقّى وفعلاً صادفت قولا ومعنى ذكرني أبيات الزول دا
سمية تحياتي للزبير عليك الله شديد
Post: #30 Title: Re: أخونا ودشيقوق كان مدعو لعيد ميلاد Author: سمية الحسن طلحة Date: 10-02-2009, 11:23 PM Parent: #29
تسلم من كل سوء ياخالد سلامك وصل للزبير وببلغك أضعافه وأكثر بكثير اليوم كنا في طاري بوستك دا وطبعا هو مسجل القصيدة دي صورة وصوت وعاجباه بالحيل .
Post: #31 Title: Re: أخونا ودشيقوق كان مدعو لعيد ميلاد Author: هاشم أحمد خلف الله Date: 10-03-2009, 06:42 AM Parent: #1
خالد محجوب الحبيب وضيوفه الكرام هاكم القصيدة صورة وصوت
الاول خلينى ارد على الدكتور باقى أن عند معاه علاقة و أهلى الفى ارض الشفاء ديل باقى عندى معاهم صلات ارحام .
كتب عزيز
Quote: ود قريمان
كيفك؟؟
أتاريك كنت في كندا ديك كسار تلج؟!!!!!!!!!
برضو ماهو عيب كسير التلج..
إلا عاد كسيرو في الرملة دي نسمي شنو...............................!!!
ياتو رملة يا عزيز ؟
صدق أعلى variation فى درجات الحرارة فى العلم فى مدينتى Winnipeg المتوسط فى الشتاء 37 طبعا تحت الصفر و فى الصيف حرا تصر العين و فيه تصل درجة الحرارة الى 37 زى السودان.
سوف اكتب إن شاء الله فى الايام القادمات عن خبرتى فى شتاء كندا ....... قال كسير ثلج قال
Dr. Aziz Have you heard about "Wninter Roads? n
The winter road is a road on to of the frozen lake
People would use in winter to cross to the other side of the lake
برضو تقول لى كسير تلج و رملة ..........!!
Post: #54 Title: Re: أخونا ودشيقوق كان مدعو لعيد ميلاد Author: MOHAMMED ELSHEIKH Date: 10-03-2009, 08:52 PM Parent: #52
يا امة انتو ما براكم نحن لينا زمن بنحاول نعرف الطريقة اللي عرفت ود شيقوق يدخل على الأنتر نت. تقول لي عيد ميلاد
ان شاء الله اجن وازيد في الجن اخخخخخخخخخخخخخ يطول عمرك يا نانسي
Post: #56 Title: Re: أخونا ودشيقوق كان مدعو لعيد ميلاد Author: Abdlaziz Eisa Date: 10-04-2009, 08:54 AM Parent: #55
Quote: ياتو رملة يا عزيز ؟
صدق أعلى variation فى درجات الحرارة فى العلم فى مدينتى Winnipeg المتوسط فى الشتاء 37 طبعا تحت الصفر و فى الصيف حرا تصر العين و فيه تصل درجة الحرارة الى 37 زى السودان.
سوف اكتب إن شاء الله فى الايام القادمات عن خبرتى فى شتاء كندا ....... قال كسير ثلج قال
Dr. Aziz Have you heard about "Wninter Roads? n
The winter road is a road on to of the frozen lake
People would use in winter to cross to the other side of the lake
برضو تقول لى كسير تلج و رملة ..........!!
عزيزي الأستاذ/ قريمان
صبحك الله بالخير
طبعا دي رملة البرادنة القالوا شمارها طلع بترول..
I haven't heard of this road my dear, but i heard about the ice Caves at the Arctic & the Antarctic which are warmer than the weather there during the winter.. It is elegant to send Sheega there
يا حبيب, كلنا بنكسر التلج.. لكن في رمضان بس عندما تكون السنانيح مفصدة!!
تحياتي
Post: #57 Title: Re: أخونا ودشيقوق كان مدعو لعيد ميلاد Author: خالد علي محجوب المنسي Date: 10-04-2009, 10:14 AM Parent: #56
المشهد التاسع
وأنا بتأمل هذا العالم ياتّو البنوت وياتّو الجِنيات والأروع في ها الظيطا ماعرفت زولتي الجيتا بحرتّا عيني لآمن برق كل البنوت سمحات والبقر إتشابه لي ضُمّة ما عرفتا الفاتن والجايات ولحسن الحظ هي النقرتني
Post: #58 Title: Re: أخونا ودشيقوق كان مدعو لعيد ميلاد Author: خالد علي محجوب المنسي Date: 10-04-2009, 10:20 AM Parent: #57
Quote: يا ود المنسي شقي الحال دة ان بقيت قلتلو عيد ميلاد بيفتكرو نفير ولا لخ أليل حيضان
دي أسمها يا طارق حبة عند اللزوم عشان تنزل لي بنات البندر من زور لازم تمشي أعياد الميلاد وتحب عقد الجلاد وتشرب عصير تونك وحتى لو مر
وشيقوق يعجبك زول حوبات ودمو خفيف والأعجاب به سهل بس كيف نسايرو ونجاري طبعو عشان يكون جميل
تحياتي طارق جبريل وابقى عافية
Post: #59 Title: Re: أخونا ودشيقوق كان مدعو لعيد ميلاد Author: خالد علي محجوب المنسي Date: 10-04-2009, 10:26 AM Parent: #58
دحين بكونوا شايلين ليهم معاهم جالون موية مخيش ولا ساااااااى
انا خايف الحر ..... ام ستهم
فيسل لو مرق من أوضة لي أوضة في بيتو بكون شايل قزازة الموية بقى زي سيد بشبش كرش وجضوم
والله كعكول دي غير المسنوح أبارو وبت الحسن وطلحة مافي زول يعرفها ليك شكيت علي الله يا مقطوع الطاري لكن دوس ولا يهمك وقول
هييييييييييييييييع أنما الكوكو الفجخ الطين هههههههههههههههههع أنا الضب الوقع في العجين
ومحل خليها تنقد مودتي
Post: #60 Title: Re: أخونا ودشيقوق كان مدعو لعيد ميلاد Author: الطيب رحمه قريمان Date: 10-04-2009, 10:33 AM Parent: #58
Dear Dr. Aziz
Quote: It is elegant to send Sheega there
Where should we send him?
He will never ever come back.
I have got my own brother, looks like Sheeqa , is lost in Canada.
In fact, there are so many people from Sudan disappeared when they came to Canada.
Post: #61 Title: Re: أخونا ودشيقوق كان مدعو لعيد ميلاد Author: خالد علي محجوب المنسي Date: 10-04-2009, 10:42 AM Parent: #60
المشهد العاشر
ساقتني وقامت بي الواجب وهي أصيلو طيبة وست حوبات ونادت صاحباتا بنتعارف ... ناندي .. نانسي عفراء وليمياء وشيماء وكفى ... ومن وين ؟؟ من لندن ... جينا أمس وراجعين باكر زي ها اللحظات
Post: #62 Title: Re: أخونا ودشيقوق كان مدعو لعيد ميلاد Author: خالد علي محجوب المنسي Date: 10-04-2009, 10:56 AM Parent: #61
Quote: نحن لينا زمن بنحاول نعرف الطريقة اللي عرفت ود شيقوق يدخل على الأنتر نت.
الأخ ودالشيخ تحية سلام معظم على المرور والطلة
تحياتي ومودتي
Post: #63 Title: Re: أخونا ودشيقوق كان مدعو لعيد ميلاد Author: خالد علي محجوب المنسي Date: 10-05-2009, 10:31 AM Parent: #62
المشهد الحادي عشر
ودشيقوق بعدما إتفن في الواطا بتعارف الحين بي بنات البندر والجلابية معروكة
نشوفو بقول شنو المسنوح
ومن وين ؟؟ من لندن وجينا أمس وراجعين باكر ها اللحظات من الطائف والمنشية ومدينة النيل بلدان راقيات وطيبات طيبة وكلو كليمة معاها ضِحيكا ونضاف ورهاف زي اللعبات وحيدتن فيهن سمحة سماحة لكن مي طاعمة
Post: #64 Title: Re: أخونا ودشيقوق كان مدعو لعيد ميلاد Author: حسن طه محمد Date: 10-05-2009, 12:35 PM Parent: #63
Post: #65 Title: Re: أخونا ودشيقوق كان مدعو لعيد ميلاد Author: الطيب شيقوق Date: 10-06-2009, 05:55 AM Parent: #64
المنسي
Quote: ومن وين ؟؟ من لندن وجينا أمس وراجعين باكر ها اللحظات من الطائف والمنشية ومدينة النيل بلدان راقيات وطيبات طيبة وكلو كليمة معاها ضِحيكا ونضاف ورهاف زي اللعبات وحيدتن فيهن سمحة سماحة لكن مي طاعمة
تعال نوريك نسيت حاجة
Post: #66 Title: Re: أخونا ودشيقوق كان مدعو لعيد ميلاد Author: خالد علي محجوب المنسي Date: 10-06-2009, 10:27 AM Parent: #65
Quote: تعال نوريك نسيت حاجة
هههههههههههههههههههههههه وقر قر قر قر قر قر
حلوة دي
لكن والله أكلم ليك منى خوجلي وشيل شيلتك
Post: #67 Title: Re: أخونا ودشيقوق كان مدعو لعيد ميلاد Author: الطيب شيقوق Date: 10-06-2009, 10:33 AM Parent: #66
Quote: لكن والله أكلم ليك منى خوجلي
يا ريت السمحة تنورنا بجال
Post: #68 Title: Re: أخونا ودشيقوق كان مدعو لعيد ميلاد Author: خالد علي محجوب المنسي Date: 10-06-2009, 10:49 AM Parent: #67
Quote: يا ريت السمحة تنورنا بجال
تعرف الخوف والله في عالم جبنات بشكل
لكن الخواف ربَا عيالو
وعرس ليهم
ههههههههههه
أنا الكوكو الفجخ الطين
Post: #69 Title: Re: أخونا ودشيقوق كان مدعو لعيد ميلاد Author: هويدا شرف الدين Date: 10-06-2009, 10:53 AM Parent: #68
أي بوست الطيب شيقوق الطيب شيقوق شنو يا جماعه العريبي كمان عاملين ليهو راس وقعر
Post: #70 Title: Re: أخونا ودشيقوق كان مدعو لعيد ميلاد Author: خالد علي محجوب المنسي Date: 10-06-2009, 11:01 AM Parent: #69
Quote: أي بوست الطيب شيقوق الطيب شيقوق شنو يا جماعه العريبي كمان عاملين ليهو راس وقعر
حقيقة هو عندو رأس لكن ماعندو قعر
كونه يدرس القانون جاء منحدر على ظهر حمار حتى محطة سنار وركب القطار المنتجه للخرتوم يحمل في أبطه كرتونة الزوادة فيها ماطاب من خير ونعيم الوالدة الحنينة .. يرفس ويدافر حتى وجد لنفسه موضع .. جلس يتأمل من شباك القطار مناظر كأنه يراها لأاول مرة حتى وصل الخرتوم ومن محطة الخرتوم للجامعة ... تقربن من بنات البندر ما لي شئ فقط لخفة دمه ( رغم أنه من يومه فاقد البراءة ) وهكذا حتى دعته بنت العز والحشم لعيد ميلادها
موش مفروض نكتب عنه ؟؟؟
تحياتي ومودتي أختي هويدا
Post: #71 Title: Re: أخونا ودشيقوق كان مدعو لعيد ميلاد Author: هويدا شرف الدين Date: 10-06-2009, 11:33 AM Parent: #70
السيد/ خالد
الله يديك العافيه ضحكتني شديد ، يا خي الزول دا ما تشوفو كدا رياد وبتاع كسير تلج شديد الله يديهو العافيه بس
العزيزة منى خوجلي كل سنة وأنت طيبة والله الشوق لك بالأكثر ... أوا تذكرين تلك الجلسات على شاطئ النيل يطربنا الحبيب أبوبكر سيد أحمد وياسر تمتام .. يا لها من أيام وليالي لها وقع في النفس جميل
تابعي معنا حكاوي المسنوح ودشيقوق مع بنات البندر
كدي في الاول قبال ما اعلق علي الذكريات الجميلة دي..
انت صحي ود شيقوق مشي العيد ميلاد شايل خروف حي هدية للمحتفل بها؟؟ وصحي كان رابط ليه شريط ساتان ازرق حوالين رقبته مع بابيون أسود؟؟
........... ...........
يا خالد البيقعد مع المجموعة الحلوه ديك بيعشق الخرطوم اكثر.. ابوبكر وياسر وأحمد النعيم؟؟ تري كم من المرات جلسنا بجانب النيل معهم والعود رفيقهم ومؤنسنا مع اصواتهم؟؟ تلك أيام سعيده دون جهد..فالجميع يعشق الجمال والتلقائية في التعبير عنه والغوص فيه.. عارف ابو بكر وياسر واحمد النعيم وكذلك مصطفي السني حين تواجده في البلد.. هم حافزي مع الشوق وآخرين للأستعجال للسفر لحبيبتي الخرطوم..
Post: #75 Title: Re: أخونا ودشيقوق كان مدعو لعيد ميلاد Author: خالد علي محجوب المنسي Date: 10-06-2009, 01:32 PM Parent: #74
Quote: السيد/ خالد
الله يديك العافيه ضحكتني شديد ، يا خي الزول دا ما تشوفو كدا رياد وبتاع كسير تلج شديد الله يديهو العافيه بس
تلج شنو يا زولة دا بكسر رأس نيفا بس وحطب عواسة
دا بقول لي البنت وينك يا مسنوحة ةتتخت عليك يا مقطوعة الطاري
دا تلج البابا أفي
تحياتي هويدا
Post: #76 Title: Re: أخونا ودشيقوق كان مدعو لعيد ميلاد Author: خالد علي محجوب المنسي Date: 10-06-2009, 01:37 PM Parent: #75
Quote: كدي في الاول قبال ما اعلق علي الذكريات الجميلة دي..
انت صحي ود شيقوق مشي العيد ميلاد شايل خروف حي هدية للمحتفل بها؟؟ وصحي كان رابط ليه شريط ساتان ازرق حوالين رقبته مع بابيون أسود؟؟