Post: #1
Title: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 10-01-2009, 12:51 PM
Parent: #0
الاعزاء في كل مكان
كل سنه و انتو طيبين
الحاضر يكلم الغايب ... بت الهنا تعود و بقوه
الخيمه دي تجب ما قبلها .... و الكلام لي ود شيقوق
ود الكامل سجل حضورك و تعال
انا بعد ما ربنا من علي بالشفاء و بقيت كويسه و الحمد لله ... ناويه ليكم نيه تمام
تعالوا بي جاي
بث
|
Post: #2
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: وليد عبد اللطيف
Date: 10-01-2009, 02:04 PM
Parent: #1
بتنا بت الهنا
اول شي خليني اقعد اتحكر في البنبر ده
وناوليني فنجان قهوه كارب في خيمتك دي
وسبق ذاكرناها كويس
يابتنا في كتبتي في بوست الشعبية
عاطف دحدوح وخضر الكوري والحارس اخوانك
اول شي يارائعه
انتي وين ماظاهره
واخوك عاطف المحامي
دفعة وياما ذاكرنا في بيت جدك الانسان الطيب بالشعبية
و عاطف صديق جميل ويعشق الضحك
|
Post: #3
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: نوفل عبد الرحيم حسن
Date: 10-01-2009, 05:43 PM
Parent: #2
بت الهنا حمدا لله علي سلامة عودتك والخيمه
حجزنا عنقريب قدام
بالله ما تنسوا لي موضوعي داك .. لوووول يكه
|
Post: #4
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 10-01-2009, 11:08 PM
Parent: #3
وليد كيفك؟
يعني طلعنا أهل.... والله الشعبيه و أيام الشعبيه ما بتتنسي
و ربنا يرحم جدو و يرحم اموات المسلمين
الحارث في السعوديه .... عاطف في السودان و جابوا ليه ولي العهد التاني قبل يومين ... برسل ليك تلفونه في الماسنجر
خضر في كالفورنيا و انا اسي اليومين ديل معاهم ... جيت فتره بتاعت نقاهه
شكل الخيمه بقت بتاعت شمارات
هاههاهاهاهاه
وليد ما تدفع الحساب المره دي علي
|
Post: #5
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 10-01-2009, 11:13 PM
Parent: #4
نوفل ليك و حشه و الله
قلنا الخيمه دي تجب ما قبلها... يعني انسى الزمان داك و افتح صفحه جديده
لوووووووووووووووووول يكه
و بعدين انا بقيت صاحبه عيا و كده ما بقدر على الخدمه و الجري ... علا بونسكن ساااااااااكت
و بعدين لو سمحت كون نفسك و جيب ليك اطفال عشان تخت صورهم في البروفايل بتاعك ... خلي حق الناس
|
Post: #6
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: نوفل عبد الرحيم حسن
Date: 10-01-2009, 11:49 PM
Parent: #5
Quote: و بعدين انا بقيت صاحبه عيا و كده ما بقدر على الخدمه و الجري ... علا بونسكن ساااااااااكت
|
| Quote: و بعدين لو سمحت كون نفسك و جيب ليك اطفال عشان تخت صورهم في البروفايل بتاعك ... خلي حق الناس |
كيف اعمل الاقتباس التاني دا بدون الاقتباس الاول
دي خيمة بت الهنا ولا خيمة الخدمه الوطنيه
شيقوق وود الكامل والجميع .. اجمعوا هنا
|
Post: #7
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: Muna Khugali
Date: 10-02-2009, 00:06 AM
Parent: #6
يت الهنا الف حمدلله علي سلامتك وعلي رجوع نشاطك..
اولا دايره افهم..
خيمتك دي فيها قهوه ولا لأ؟؟
صراحة مكان ونسة مافيهو بن جبنة ما حلو شديد..
اها رأيك شنو؟؟
|
Post: #8
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 10-02-2009, 11:06 PM
Parent: #7
نوفل كان فهمتك انترم
وبعدين مالك قمت تنبش في خيمتي؟
|
Post: #9
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 10-02-2009, 11:28 PM
Parent: #8
الملكه منى
مرورك ده براه بيعطر كل الاماكن
و الله انتي زوله مواصله و ربنا يديك العافيه
ابقي قريبه عشان تشوفي التجربه و نعمل لينا حاجه لنساء السودان
تعالي بي جاي في جبنه و في اي حاجه
علا الشرقرق عند ود الكامل استلفه لي رمضان و كده
|
Post: #10
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: سيف الدولة كامل
Date: 10-02-2009, 11:42 PM
Parent: #9
وقفة تحية واحترام لي ست النظام
الف حمدا لله علي العودة للمنبر
والطلة البهية لي اجمل شخصية
والله المنبر نور يا ست الكل
وان شاء الله الخيمة عامرة بث
المسنوح هسع بيكون نايم والحمد لله.
باكر لامن يصحي بجي يجوطة ليك.
يالا كباية شائ بي قرفة وكوز موية
بارد من الزير الطرفاني الفيهو المستكا,
تسلمي يا بت الهنا والله فرحنا شديييييد .
نوفل يا بت الهنا حبيبنا وزول خيمتنا شوفيهو
داير شنو والله عاوزين نضمه لي كندا ولا نيويورك.
|
Post: #11
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: محمد عثمان
Date: 10-02-2009, 11:49 PM
Parent: #10
بت الهنا..
الف حمد لله بالسلااامة
وين الازيار..؟؟؟
|
Post: #12
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 10-03-2009, 00:29 AM
Parent: #9
الحلقه الاولى
و ما تدري نفس بأي أرض تموت....
مرت علي ظروف محزنه ... مازالت زكراها عالقه في زهني
في يونيو 2008 ... كنا قد خططنا السفر الى القاهره هربا من صيف الخرطوم الحارق
زارتني ابنه خالتي (أميره) و اخبرتني انهم ايضا بصدد ترتيب الاجراءات للسفر للقاهره
وبدأنا بالتخطيط لهذه الاجازه
سافرت أميره و اسرتها المكونه من و الدتها و شقيقها و شقيقتها الى القاهره
أخذت رقم الموبايل من شقيقها حتى اتمكن من الاتصال بهم عندما نصل هناك
ولحقنا بهم بعد حوالي اسبوعين ... و اتصلت بهم فأخبروني انهم في الاسكندريه و سوف يحضروا
بعد غد انشاء الله!!!
وفعلا عادوا من الاسكندريه و جاءوا لزيارتنا .... قضينا اليوم كله و أميره تحدثنا عن الاسكندريه و كيف
انها بلد جميله جدا... كانت أميره تتحدث و الاعياء ظاهر على ملامحها ...
فلاحظتها و الدتي ( هذه السيده العظيمة و التي سوف اتعرض لذكرها كثيرا في البوستات القادمه) ...
و سألتهم مالها اميره؟... فاخبروها(طعنها مسمار اول ما جينا في الشارع)...
فأشارت عليهم بأخذها الى مستشفى الحميات و ضروره فحص الكلى..
في نفس اليوم (الأربعاء) ذهب شقيقها الى مباني سودانير للاستفسار عن مواعيد الطائره السودانيه
اذ انه كان من المقرر ان يسافروا الى الخرطوم في مساء اليوم نفسه... و اخبروه ان الرحله قدالغيت.
الرحله التاليه كانت مساء الجمعه و كان من المقرر أن يسافروا بها...
اتصلنا بهم هاتفيا يوم الخميس للاطمئنان على أميره ... و نخبرهم باننا سوف نسافر يوم الجمعه الى الأسكندريه
و تحركنا الى الاسكندريه في تمام الساعه 12 ظهرا و بعد ذلك توجهنا الشقه... عند توقف القطر في الاسكندريه التفت الينا والدي
و سألنا: أميره كيف؟؟ فاخبرناه انها بخير و سوف يغادروا اليوم الى الخرطوم انشاء الله.
و نواصل
|
Post: #13
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: Abdelrahim Mansour
Date: 10-03-2009, 01:50 AM
Parent: #12
الجوا ازيكم، ناس الخيمة بدون فرز
و يا هلا و يا مرحبا بى بت الهنا
و جيدن جيتوا،
و بركه الجيت
بركه الجيت
وحمده الف على السلامة،
المنبر نور عديييييييييييييييل كدا يا اخت
بجيكم بى مهله، حسا ماشين لى حفلة نادية البنا
*
**
|
Post: #14
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 10-03-2009, 02:09 AM
Parent: #13
يا ود الكامل الف مرحب بيك
نورت الخيمه و الله
الدار دارك ... بس الله يسترنا من فلان ما يجينا اسي ناطي
و شكرا على التحيه و يديك العافيه انشاء الله
|
Post: #15
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: عبدالعزيز الفاضلابى
Date: 10-03-2009, 03:42 AM
Parent: #14
الحمد الاف ,, الشكر الاف لله الذى أنعم عليك بالشفاء ,, ونسأله سبحانه وتعالى أن يتقبل صبرك على البلاء وأن يحعله كفارة لك . والله لم أكن أعلم بعودتك لأننى أرقد مريضا بالبيت والمنبر مسبب لى زهجة زى زهجة أخونا هاشم وجاء عليهو مرض لكن خبر عودتك الذى نقله لى ألأخ عبدالرجيم منصور والفرحة جعلت النشاط يدب فىّ لأكتب لك هذه الكلمات متعك الله بالعافية وجعلها آخر الأبتلاء. نسأل الله أن يعينك على شكر جزيل نعمائه.
|
Post: #16
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: وليد عبد اللطيف
Date: 10-03-2009, 07:01 AM
Parent: #15
صراحه يابت الهنا
الواحد من زمان معجب بكتابتك
وشايفك مره دخلتي على ناس الشعبية
وطبعا رسلت رساله الى اخونا حاج حمد
وقلت ليهو كيف تجيكم بت حلتنا وما ترحبوا بيها كويس
وهي درجه اولى في الكتابه (تعرفي زمان ما كنا بفترق انا وعاطف وهو حال
اولاد الشعبية ) من الابتدائي وحتى المرحله الجامعية درسناها مع بعض
يالها من ايام
ياخي ماتخلي الحساب علينا المره دي
=======
حاولي تعالي لينا هناك على الاقل تشمي هوي الاحباب (ناس الشعبية)
|
Post: #17
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: soma
Date: 10-03-2009, 07:26 AM
Parent: #16
| Quote: انا بعد ما ربنا من علي بالشفاء و بقيت كويسه و الحمد لله ... |
الحبيبة بت الهنا والمنى
سلامتك يمه وما تشوفى شر ان شاء الله
بركة الجيتى ونورتى من تانى
العيد مبارك عليك ويعود عليك بالصحة والعافية الوفيرة
تسلمى يا ستهن
تحياتى لكل ولزوارك الكرام
اسماء الجنيد/ مسقط
|
Post: #18
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 10-03-2009, 12:45 PM
Parent: #17
عبد الرحيم منصور
صديق محنتي
حبابك 10 .... خلص و نحن ح نستناك بعد الحفله بي الصور
وبعدين خلوا لينا شويه حفلات لما نجيكم في نيويورك ... ما تكملوها كلها
|
Post: #19
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: رقية وراق
Date: 10-03-2009, 03:49 PM
Parent: #18
الحب كله يا بت الهنا ، وأعمق مشاعر الوفاء . أما فرحتي بسلامتك فوالله والله لن تسعها أي كلمات أكتبها هنا. سأتابع معك ، وأحييك على تسجيل التجربة وعلى روحك الشجاعة المحبة . أنا جمبك أيتها الحبيبة.
|
Post: #20
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: Saifeldin Gibreel
Date: 10-03-2009, 04:17 PM
Parent: #19
هلا بي ست الناس و100 مليون حمدالله على السلامة يا ست الكل.....
|
Post: #21
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: الطيب شيقوق
Date: 10-03-2009, 04:32 PM
Parent: #20
الف الف الف حمد الله على السلامة
النار ولعت ولعت
Quote: بت الهناء الكلك هناء
وقفة تحية واحترام لي ست النظام
الف حمدا لله علي العودة للمنبر
والطلة البهية لي اجمل شخصية
والله المنبر نور يا ست الكل
وان شاء الله الخيمة عامرة بث
المسنوح هسع بيكون نايم والحمد لله.
باكر لامن يصحي بجي يجوطة ليك.
يالا كباية شائ بي قرفة وكوز موية
بارد من الزير الطرفاني الفيهو المستكا,
تسلمي يا بت الهنا والله فرحنا شديييييد .
نوفل يا بت الهنا حبيبنا وزول خيمتنا شوفيهو
داير شنو والله عاوزين نضمه لي كندا ولا نيويورك. |
ابصم بالعشرة واعمى على كلام المسنوح دا
المسنوح صار كلالالالالالالالالالالالام بعد لبسوهو العمة - يستاهل اما يعرس او ينزل في انتخابات ابريل الجاية ممثلا لقطاع المسانيح
جاييكم بعد انجم شوييييييييييييييية
|
Post: #22
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: abubakr
Date: 10-03-2009, 04:38 PM
Parent: #1
الحمدلله الجيتي ... بث
|
Post: #23
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: هند محمد
Date: 10-03-2009, 04:46 PM
Parent: #22
بت الهنا حمد لله علي السلامة
وكل سنة وانتي طيبة
منورة وخيمتك سمحة بيك وبناسها
|
Post: #25
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: الطيب شيقوق
Date: 10-03-2009, 04:59 PM
Parent: #23
كوستاوي ويييييييينك
فاقدين لاعب فنان يجيد ضربات الجزاء
|
Post: #24
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: abdalla osman
Date: 10-03-2009, 04:59 PM
Parent: #22
الف حمدا لله علي العودة للمنبر يا بت الهنا
|
Post: #26
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: الطيب شيقوق
Date: 10-03-2009, 05:47 PM
Parent: #24
المسنوحة مشت تلقط اللالوب والنبق من الغابة
|
Post: #27
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: سيف الدولة كامل
Date: 10-04-2009, 02:00 AM
Parent: #26
المسنوح جيت ..حبابك عشرة بث خرفته كوستاوي ماهو بعيد
فردة كعب مننا ,,لكن يا اللخو انت قاصد المسنوح المتلك
دكتور كوستا شوية وبجيك طافر, يا اخوي بت الهنا في
كاليفورنيا بتلقط في التفاح والبرتقال والعنب والرومان
النبق والدوم خلته ليك يا سيد المسانيح.
|
Post: #28
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: د.نجاة محمود
Date: 10-04-2009, 03:49 AM
Parent: #27
جيتي يا المبروكة؟
الف حمدالله على سلامتك
كان تلكيمنا نفرش الارض رمل ونعلق قلوبنا انوار
محبتي الاكيدة بالجد فرحانة شديد
|
Post: #29
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: الطيب شيقوق
Date: 10-04-2009, 07:24 AM
Parent: #28
الكامل المسنوح ومقطوع الطارئي
Quote: يا اخوي بت الهنا في
كاليفورنيا بتلقط في التفاح والبرتقال والعنب والرومان
النبق والدوم خلته ليك يا سيد المسانيح. |
حظها والله تتعشى بالنعيمية حااااارة وتحلى بالتفاح واليمون
|
Post: #30
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: Abdelrahim Mansour
Date: 10-04-2009, 10:44 AM
Parent: #29
سلام يا أحلى بشر، سلام خاص لي ست الخيمة اختنا الكريمة بت الكرام
طبعا الخيمة خيمتنا، و ست الدار اختنا، و جاين مخمخمين عفشنا قولنا الويكند دا نحنا بى جاى و كدا
الأستاذ: الطيب شيقوق، احترام وحب بالقفف و الشواويل
ود شيقوق الزول يقول ليك "يا اخوي بت الهنا في كاليفورنيا بتلقط في التفاح والبرتقال والعنب والرومان"
Quote:
وتحلى بالتفاح واليمون |
و انت تجى راجع تقولو تحلى بالليمون، الليمون في أمريكا يستخدم كعلاج بلدي قديم و متأخر "للطمام" و احيانا شراب "عصير"
لكن حكاية يحلو بى دى جديدة لنج! ما سبقك عليها زول تب
لكن كلاكمك مقبول تب،
و فى عينا و راسنا،
و خيمنتنا حلوه و جميله بالناس الفيها،
و انا مبسوط بوجودى هنا،
رغم التحليه ليمون :)
*
**
|
Post: #31
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: نوفل عبد الرحيم حسن
Date: 10-04-2009, 06:16 PM
Parent: #30
Quote: نوفل كان فهمتك انترم
وبعدين مالك قمت تنبش في خيمتي؟ |
تبري وتستبري .. ان شاء الله بعد يلعبوا بيك اولاد اولاد اولادك
سيف الدوله يا عزيز
مبروك النيو لوك والعمه ... هع زول عقد ساااااااي
برجع ليكم تب ... سخنوا القهوه
|
Post: #32
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 10-05-2009, 03:23 AM
Parent: #31
الأخ الفاضلابي
سلامتك الف سلامه .... و أوعك من زهجة هاشم ... زهجته دي مرقته في السعوديه زمن طووووووووويل
و الخوف بعدين تقوم تجيب لي كتاب عذاب القبر ..... هاهاهاههاها
شكرا على المرور بي جاي ... و انا زاتي قربت امركم انشاء الله
|
Post: #33
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 10-05-2009, 03:29 AM
Parent: #32
يا وليد كيفك
انا طبعا كلمت خضر الكوري عنك ... و هو بيسلم عليك سلام شديد جدا جدا
انا ما عارفه انت ليك كم من السودان؟ لكن الشعبيه من المناطق اللي ما زالت محافظه على اصالتها
و على طابعها الاجتماعي المميز.
و ليد الحساب المره دي علي... والله ما تقول حاجه
|
Post: #34
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 10-05-2009, 03:33 AM
Parent: #33
شاعرتنا و فارستنا و حبيبتنا سومه
و الله صحي الدنيا دي فراقه ... سنين طويله ما اتكاتبنا مع بعض ..... ههههههه
لكن الشوق لي الاصدقاء الاسفيرين جوه الدواخل ما بيتنسي
كل سنه و انتي طيبه يا حبيبه
و ربنا يحقق الأماني
أبقي قريبه ...
|
Post: #35
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 10-05-2009, 03:40 AM
Parent: #34
محمد عثمان
شكلي فطيتك يفطك الشر يا ود أمي قول امين
و بعدين مالك يعني الازيار ماك خابر بكانهن؟؟؟؟
هاااااااااااااااااادوكنهن الازيار... علا ما عندنا كيزان !!!!!!!!!!
محمد ليك و حشه ... تعال و جيب الهجيج
توضيح:
الكيزان: جمع كوز و هو أناء لشرب الماء
عشان ما نتفهم غلط
|
Post: #36
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 10-05-2009, 03:49 AM
Parent: #35
الراقيه الرقيقه رقيه وراق
كل امر المؤمن خير
و المرض منحه و ليس محنه ... و الحمد لله على جزيل عطاء الله
و الله يا رقيه ان كنت صبرت في الامتحان فبفضل الله يعطيه لمن يشاء
لكن وقفتكم معاي في المرض كان ليها ابلغ الاثر في تخفيف المعاناه عني
و انشاء الله ح نتطرق لي وقفه اهالي سانت كاثرينز الطيبين لاحقا
ما تمشي بعيد
|
Post: #37
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 10-05-2009, 03:54 AM
Parent: #36
سيف جبريل
شكرا على المرور و على الأغنيه الجميله
لكن برضو ما بيغفر ليك مشيتك لي لوس انجلوس .... كان ما ضيفه عندكم؟؟
بس كدي تعال في كندا ... كان ما خليتها ليك و مرقتها في افغانستان ... تشوف براك
|
Post: #38
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 10-05-2009, 04:05 AM
Parent: #37
جاطت ثم جاطت ثم جاطت
حضر ود شيقوق يوما في ثياب الواعظينا
و مشى في الارض يهدي و يسب الماكرينا
اها كنت لابد وين زمنك ده كله يا خوي؟؟؟
و الله قصه عجيبه
يا خوانا ود شيقوق اخ فاضل و صديق عزيز
و حقيقه من الأشخاص اللي كانوا قريبين لي جدا في فتره العلاج
و كان بيطمئن علي باستمرار ... وساهم في تخفيف المرض عني كتير
و د شيقوق ما تفضحنا ياخي
لالوب و نبق ده في البردانه و الدفيانه هناك ... قالوا ليك انا في كالفورنيا
يا عالم اتطوروا
|
Post: #39
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 10-05-2009, 04:11 AM
Parent: #38
د نجاه و الله انا متأكده من فرحتكم بشفائي نابعه من قلوبكم الطيبه
و انا مقصره معاك و الله ... بس طمنيني انشاء الله الوالده بلغت الصحه تمام... و انشاء الله ربنا يطمنكم عليها
تحياتي للراقيه المهذبه بنتك
لازال صوتها الجميل و انجليزيتها المتمكنه و تهذيبها الجم عالقا" في اذني
ربنا يحفظها ليك انشاء الله
|
Post: #40
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 10-05-2009, 04:20 AM
Parent: #39
باشمهندس ابوبكر
فاقدنك و ليك مده ما بنته؟؟
باشمهندس ابوبكر هو احد الابطال اللي شدوا من اذري و قوا من عزيمتي
و خلوا رحله العلاج غايه في البساطه
تشيعك لي بالكلام و بتنويري عن مستحدثات العلاج .... من اهم اسباب رفع معنوياتي
الله يديك العافيه
|
Post: #41
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 10-05-2009, 04:24 AM
Parent: #40
العزيزه هند
نورتي الخيمه ... و ربنا يسلمك كم كل شر
الحساب علينا يا ستي ... حق الضيافه و كده
تخريمه:
اوع تتونسي مع ود شيقوق...
لووووووووووووووووووووووووول
|
Post: #42
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 10-05-2009, 04:26 AM
Parent: #41
عبد الله عثمان
شكرا على المرور
و ربنا يقبل حمدك ... و ما تشوف شر يا رب
|
Post: #43
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: abubakr
Date: 10-05-2009, 05:01 AM
Parent: #40
| Quote: تشيعك لي بالكلام و بتنويري عن مستحدثات العلاج .... من اهم اسباب رفع معنوياتي |
يابت انت شجاعة لوحدك .. لقيتك شجاعة وجاتني الشجاعة اقولك وانتي الرفعتي معنوياتي وخلتيني اشجع واقولك القلتو ...الشجاعة في انك كنتي بتتعاملي مع حالتك بموضوعية ورغبة اكيدة بان تقاومي ودي الزادت مناعتك .. المناعة عايزة روح تلز وتدافر فيها وتخليها نشطة زي الرهوان ودة الانتي سويتي ....لا انا ولا غيري كانو حيقدرو يقولو او يعملو اي حاجة لو انك ما كنتي كدة ...يعني احنا الاستفدنا منك ...
|
Post: #44
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: الطيب شيقوق
Date: 10-05-2009, 06:40 AM
Parent: #43
الاخ عبد الرحمن منصور
شكرا يا وجيه
بدلتك استايل ورباط عنقك استايل وابتسامتك بتجيب الحمام بجاى
Quote: ود شيقوق الزول يقول ليك "يا اخوي بت الهنا في كاليفورنيا بتلقط في التفاح والبرتقال والعنب والرومان"
وتحلى بالتفاح واليمون
و انت تجى راجع تقولو تحلى بالليمون، الليمون في أمريكا يستخدم كعلاج بلدي قديم و متأخر "للطمام" و احيانا شراب "عصير" |
بس انا فاكرها جات السودان وشالت معاها الفسيخ والبصل الناشف والحلو مر والتمب.................اك لود الكامل .
Quote: لكن كلاكمك مقبول تب،
و فى عينا و راسنا،
و خيمنتنا حلوه و جميله بالناس الفيها،
و انا مبسوط بوجودى هنا،
رغم التحليه ليمون :) |
خليك معانا بس واخفض جناح الذل من الرحمة لبت الهنا المسنووووووووووحة
|
Post: #45
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: الطيب شيقوق
Date: 10-05-2009, 06:44 AM
Parent: #44
هانوي ( الاسم الجديد لبت الهنا المسنوحة)
Quote: و د شيقوق ما تفضحنا ياخي
لالوب و نبق ده في البردانه و الدفيانه هناك ... قالوا ليك انا في كالفورنيا
يا عالم اتطوروا |
نان دحين كالفورنيا ما فيها سدر وطلح ولالوب ؟
|
Post: #46
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 10-05-2009, 10:28 PM
Parent: #45
نواصل
توقفنا في الحلقه السابقه عند و صولنا الى الاسكندريه .. و قبل أن ننزل من القطر
سألنا و الدي أميره كيف؟؟ فأجبناه انها بخير و أننا قد اتصلنا بهم امس و سوف يغادروا اليوم الى الخرطوم
بعد ان انزلنا أغراضنا في الشقه المطله على بحر الاسكندريه... و قفنا نتأمل البحر و نستنشق نسيمه انا و بنت عمتي
و بنت أختي... بعد قليل روادني شعور أن انظر الى أمي ... و جدتها ساهمه و تدلك صدرها ... فوقفت أراقبها من بعيد ...
يا ربي أمي مالها؟؟ و تلاحقت الاحداث سريعا ... رن جرس الموبايل .. دخلت بنت اختي ريان الى الداخل لتحضره ... انا و اقفه
اراقب و الدتي ... والدي من خلفي يتابع التلفزيون ... احضرت ريان التلفون .... (هاكي قالوا أميره ماتت ) للحظه لم استطع استيعاب الموقف ... ( أميره منو يا بت)؟؟؟ .... ما عارفه هاكي ياخ !!!! وضعت سماعه الهاتف على اذني .. و جأءني صوت الهادي ابن خالتي ... الحقيني يا صفاء .. الحقوا أمي... و اصبحت انا خرساء بكماء ... و هو على الطرف الاخر يصرخ .. المعاي منو في التلفون
كلمه و احده قلتها ليه ... خلاص... و اغلقت الهاتف...
جلست على حافه الكرسي المواجه لوالدتي التي تنظر في عيني بعمق ...نظرات متسائله ... قلت ليها أميره دي قالوا تعبانه شويه ... ما تقولي لي تعبانه قولي لي ماتت!!!
فقمت من مكاني و أحتضنتها عل الله يثبت قلبي و قلبها. حضرت ابنه عمتي و احتضنت و الدتي هي الأخرى و بدأتا في بكاء يحرق القلوب
التفت خلفي لارى و الدي و أحاول ان اخبره بالخبر المؤلم.. فألفيت ريان قد تداركت الموقف و أخبرته بهدوء و هي تجلس بجانب جدها و تضع يدها على كتفه ... لله درك يا ريان .. ابنه الاربعة عشره عام تقف بجانبي و تساعدني على تدارك هول الموقف.
كان لابد أن أكون قويه و أن لا اجعل الضعف يشل تفكيري .. خرجت من الشقه و طرقت باب الشقه المجاوره... و سألت السيده .. عايزين نرجع القاهره الان.. ممكن توريني أسرع طريقه؟؟ فأخبرتني أن القطارات قد و قفت الأن لكن السوبر جيت لازال يعمل.
نزلت السلم بسرعه البرق .. أوقفت التاكسي ... اخبرته بوجهتي ... صعدت مره اخرى ... لكي اخبر أمي اننا سوف نذهب الان
وصيت غاده ابنه عمتي و ريان على والدي .. و تحركنا...
اصبحت المسافه بالتاكسي حتى محطه البصات كأنها قرن ... و صمت رهيب و قمئ يسيطر علينا انا و والدتي.
وصلنا المحطه و استفسرنا عن الباص التالي الى القاهره .. فأخبرونا أن البص سيتحرك في تمام التاسعه ... و الساعه كانت حوالي السابعه و النصف... جلسنا ننتظر الباص تسألني و الدتي (ما قالوا ليك أميره مالها؟؟) (ماقولوا ليك الحصل شنو؟؟) و تبدأ في البكاء مره أخرى ... الليله اختي ح تتبهدل ... الليله مصر مصر الشوم ... الليله يا نفيسه العصرك منو؟؟ ... الليله أختي غريبه!!! الليله أختي براها!!!
و نواصل
|
Post: #47
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: سيف الدولة كامل
Date: 10-06-2009, 08:14 PM
Parent: #46
متابعين,,,, ما طولي البعاد يا هانوي علي قولة ود شيقوق المسنوح
|
Post: #48
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 10-07-2009, 10:48 AM
Parent: #47
نواصل
بعد ان تم تأكيد مواعيد الباص في تمام الساعه التاسعه مساء ... جلسنا ننتظر في الساحه الخارجيه انا و والدتي...
غريبه هذه الدنيا... أميره حضرت الى القاهره و هي في قمه السعاده... تكاد تطير فرحا ... و الان انتقلت الى رحمه مولاها في القاهره ...( سبحان الله و ما تدري نفس بأي أرض تموت )...
ومن غرائب الدنيا و تصاريف الدهر ... ان فرحه أميره كانت لا تضاهيها فرحه بالسفر ... و عندما استلمت جواز السفر قالت و بالحرف الواحد أنا ح الم الجواز ده عشان أمشي بيه العمره انشاء الله... لكن البني أدم في قول و الله في قول ...
اخذت الاتصالات تتوالى علينا من جميع الاتجاهات ... الكل منزعج و الكل يتساءل عن الذي حدث .... و هكذا طبع الانسان ... (ما بيتقبل الشينه)؟
المهم في خضم هذه الاحداث المتلاحقه ... اتصلت بالهادي ... اها يا الهادي الموقف كيف؟ نعمل شنو يا صفاء أهو الحمد لله ... راجين الحانوتي ... كانت اقسى كلمه سمعتها في حياتي ... حانوتي؟؟ لا عمرنا سمعنا بي الحانوتي... و لا بنعرف عنه حاجه ... و لا هو في ثقافتنا ... سبحان الله...
سالتني و الدتي أها قال شنو؟؟ حاولت ان انقل اليها الكلام بطريقه مبسطه ... فقلت لها ... الحمد لله الهادي متماسك و اسي هو متحرك على المطار .... عشان يبدوا في اجراءات ... و قبل ان اكمل كلامي ... ووووب علي يا حبيبتي جيتي برجلينك ... ح ترجعي بي صندوق... و انخرطت في بكاء حار جدا ... لكن الله الهمها ان تلتفت الي و تقول : يا صفاء اضربي لي ناس فوريه أهل أبوكي ديل .. عشان يحصلوا أختي دي و يضموها عليهم ... اختي دايره ليها زول يهجرها و يثبت قلبها...
من تصاريف القدر اني كنت قد احتفظت بهذا الرقم من السودان و ارسلته الى و الدي حتى يزورهم و يقدم لهم و اجب العزاء في والدتهم... و فعلا استرجعت الرقم .. و اخذت والدتي تشرح لفوزيه الموقف.
ان الله يسخر من يشاء من عباده لييقضوا حوائج عباد أخرين ... تحركت فوزيه و شقيقاتها على الفور الى خالتي نفيسه ... وكن على حد قولها ملائكة الرحمه ... ضممنها عليهن ... حدثوها عن أن الموت حق.. يا حجه استغفري ... الموت سبيل الاولين و الاخرين.. الدنيا دار زوال ... ما دائم الا وجه الكريم...
و شرعوا في اجراءات الغسل و التكفين ... و بكل همه و عزيمه ... أتممن عملهن ... و أضحت أميره ... عروسنا المتوجه بأكفانها البيضاء ... عروسنا الى السماء...
|
Post: #49
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: الطيب شيقوق
Date: 10-07-2009, 10:56 AM
Parent: #48
ود الكامل
| Quote: متابعين,,,, ما طولي البعاد يا هانوي علي قولة ود شيقوق المسنوح |
متابعون ومحل رهيفة تنقد
|
Post: #50
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 10-08-2009, 01:49 PM
Parent: #49
والله يا سيف ود شيقوق طلع ما هو هوين
هانوي مره واحده؟؟؟؟
معليش يا أخوانا انقطعت منكم .... لكن اسي بعد رجعت من كالفورنيا الجميله ... ح افضى ليكم
و عن كالفورنيا ح احكي ليكم قريب
سدر و شنو يا شيقوق في كالفورنيا؟؟
مجججججججججيب ..... حكايه
|
Post: #51
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: سيف الدولة كامل
Date: 10-09-2009, 02:43 AM
Parent: #50
نسال الله الرحمة والمغفرة للاخت اميرة.
وحمدا لله علي سلامة وصول الوالد
العم عبد الرحمن دياب ونتمني له اجازة طيبة.
المسنوح كيفينك يا طيب والله الرهيفة تعبت معاك.
|
Post: #52
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: sharnobi
Date: 10-09-2009, 03:20 AM
Parent: #51
send me your phone
|
Post: #53
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: sharnobi
Date: 10-09-2009, 03:20 AM
Parent: #51
send me your phone
|
Post: #54
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 10-10-2009, 08:06 AM
Parent: #53
نواصل
استأجرنا التاكسي من ميدان لبنان و حتى المهندسين جوار بيت الطالبات... لم نسمع صوت و لم نجد أي شخص نسأله عن أي شي
و الدتي من خلفي تردد ... ميته الغربه صعبه ... ميته الغربه شينه ...
رننت الجرس .. فتحت الباب فتاه سودانيه و كانت خائفه و متردده .... سألتها اسمعي في بت سودانيه أتوفت هنا... قالت لي أي ... و لازالت تنظر الى من الشراعه... طيب ما تفتحي الباب ده؟؟
في الداخل كان المنظر الذي لن ينمحي من زاكرتي ... خالتي و اضعه يدها على خدها و تردد الليله يا أميره مبيتك وين؟ الليله يا أميره ساقوك وين؟؟ و كانت هذه هي اللحظه التي ادركت فيها اننا فقدنا أميره و الى الأبد ...
ارتميت في خالتي ... و بدانا جميعنا في الصراخ و البكاء ... و احتضنت والدتي خالتي و جلستا على الأرض تصرخان و تبكيان... يالها من أقدار؟ نخرج جميعنا من السودان لنفقد أميره في القاهره... و لأن مسمار لعين قرر أن يستقر قي قدمها و يسلبها شبابها؟؟؟
سبحان الله و لا نقول الأ ما يرضي الله ... انا لله و انا اليه راجعون....
قضينا الليله مسهدين و باكين حتى الصباح ... و عندما حضر الهادي من المطار و معه أحد أصدقائه .. هاج الناس و ماجوا مره أخرى و سلمى شقيقتها تصرخ : وديتها وين و بيتها وين؟؟
و والدتها تبكي و تنتحب : صباحك كيف يا أميره؟؟ نحنا صباحنا شين ... لا حول الله يارب...
ذهبنا الى المطار في تمام العاشره بعد هذه الليله البائسه ... و كانت المأساه هنا ... لا يوجد عدد مقاعد كافي ... حتى يسع الاسره بأكملها ... خالتي تقول ما بمشي من غير سلمى بتي ... كفايه فقدت واحده... و ما بمشي من غير الهادي ... لازم هو يستر أخته... المهم دخلوا الى الصاله الداخليه في انتظار الفرج ... وجلسنا في الصاله الخارجيه مده من الزمن حتى جاءنا مسؤل الجوازات بالسفاره السودانيه ... برتبه عقيد... و كان معنا منذ الصياح الباكر ... لانعرفه و لا يعرفنا ... فقط قام بتأديه واجبه على أكمل وجه ... جاء و أخبرنا انهم سوف يسافرون جميعا في نفس الطائره... لان احد الركاب قال: يا جماعه ده ظرف طارئ و انا ح أشيل ولدي في رجليني و أتنازل من كرسي...
عظيم انت يا وطني برغم قساوه المحن
وقفنا نودع الاسره المكلومه ... و والدتي تقول لي : شوفي شناة رجعتهم....
ختاما نسألك يا الله ... اللهم ارحمها وادخلها فسيح جناتك واجعل قبرها روضة من رياض الجنة وأبدلها أهلا خيرا من أهلها ودارا خيرا من دارها وتجاوز عن سيئاتها وزد اللهم من حسناتها . اللهم يمن كتابها و يسر حسابها و لين ترابها و ثبت أقدامها و ألهمها حسن الجواب.
|
Post: #55
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: Abdelrahim Mansour
Date: 10-10-2009, 03:03 PM
Parent: #54
الاخت: بت الهنا
سلامات
Quote:
اللهم ارحمها وادخلها فسيح جناتك واجعل قبرها روضة من رياض الجنة وأبدلها أهلا خيرا من أهلها ودارا خيرا من دارها وتجاوز عن سيئاتها وزد اللهم من حسناتها. اللهم يمن كتابها و يسر حسابها و لين ترابها و ثبت أقدامها و ألهمها حسن الجواب. |
اللهم آمين
متابعين و بشده
*
**
|
Post: #56
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 10-11-2009, 01:20 AM
Parent: #55
سيف الكامل ... الله يسلمك و يعافيك
و الحاج بيهديك تحياته ....و اتوقعنا قريب انشاء الله
|
Post: #57
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: sharnobi
Date: 10-11-2009, 01:29 AM
Parent: #56
اتجاهلتى
طلبى
شكرا
|
Post: #58
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 10-11-2009, 02:23 AM
Parent: #57
هاهاهاهه يا شرنوبي
ما اتجاهلته ... بس انا كنت في كالفورنيا
و أسي جيت ... راجع الماسنجر
|
Post: #59
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: الطيب شيقوق
Date: 10-11-2009, 05:54 AM
Parent: #58
هانوي
الف حمد الله على السلامة
| Quote: سدر و شنو يا شيقوق في كالفورنيا؟؟ |
طيب هناك الواحد كان عراقيهو شرطو فرع شوك بوديهو الترزي يرقعو ليهو ولا برميهو الكوشة ويمشي يجيب جديد غيرو ؟
ردى سريع قبل يجي المسنوح ود الكامل ويدخل لسانو معاى .
|
Post: #60
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 10-11-2009, 06:14 AM
Parent: #59
شيقوق
ده شنو الكلام الخارم بارم ده ....
قول بسم الله الرحمن الرحيم ... مالك ...
اسي بنادي ليك ود الكامل
|
Post: #62
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 10-11-2009, 06:59 AM
Parent: #60
الاعزاء الكرام
رأيت أن ابدأ توثيق تجربتي مع المرض بهذه القصه ... و قد يتسأل البعض مالنا و هذه القصه؟؟؟
لكن هذه الحادثه تسببت في تغيير كثير من المفاهيم و القناعات في حياتي .....
كما ان لها تداعيات وجدانيه أسهمت و بشكل مباشر في تقبلي للحقائق .... و رفعت من ايمانياتي كثيرا
الجزء الثاني
تفاءلوا خيرا تجدوه
بعد وفاة المرحومه أميره ... كنا جميعا نتذكرها في كل و قت وفي كل حين,,, كانت قد رحلت عن دنيانا بجسدها ... و لكن روحها الجميله و أعمالها الطيبه و برها باهلها و صلتها لارحامها ... كانت ثوابت تعيش معنا
في احدى المرات خرجت مع صديقتي بعد انتهاء الدوام ... لنتناول طعام الغداء ... و فجأه خطرت المرحومه أميره في بالي ... فبكيت .. و أخذت احدث صديقتي عنها ... و استرسلت في اجترار الاحزان ... ثم تذكرت سميه ابنه خالتي و التي توفت فجأه و بدون سابق انذار ... و كانت وفاتها فاجعه بالنسبه لنا ... و حتى الان لم نستطيع استيعاب الامر ... لكن لولا بقيه من ايمان ... لطار اللب و الفؤاد .... قلت لها تعرفي في كل مره يموت شخص عزيز ... الانسان بيفتكر انه مافي ميته احر من كده ... و يموت اخر ... فتنكأ الجراح و تتفتق ... و حدثتها عنها......
وانفتحت بوابه الاحزان على مصراعيها فتذكرت اثنتين من خيرة بنات خالاتي أصيبتا بهذا المرض.... هما شابتان غايه في التعليم و في الادب و الثقافه ... حسنتا الخلق و الاخلاق (أسأل الله أن يشفيهما شفاء تاما)... و لم أتوقف عن الكلام ... و لم اتوقف عن الحزن ... و لم اتوقف حتى شرقت بدمعي....
التفت اليها و قلت لها ... الظاهر انه انا بعد ده ح اْؤمن بالعين ... لانه الحاجات المتواليه البتحصل لينا دي اظنها عين
قالت لي: ما تتشاءمي يا صفاء
قلت ليها و الله جد و انا يا اما حا يجيني سرطان أو ح أموت
بدأت صديقتي في الصراخ : مالك بتقولي كده ... مالك عايزه تنكدي علينا الغداء
و سرحت انا في عوالم بعيده
يتبع .....
|
Post: #61
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: SHIBKA
Date: 10-11-2009, 06:15 AM
Parent: #59
بت الهنا
ختاما نسألك يا الله ... اللهم ارحمها وادخلها فسيح جناتك واجعل قبرها روضة من رياض الجنة وأبدلها أهلا خيرا من أهلها ودارا خيرا من دارها وتجاوز عن سيئاتها وزد اللهم من حسناتها . اللهم يمن كتابها و يسر حسابها و لين ترابها و ثبت أقدامها و ألهمها حسن الجواب.
ربنا يرحمها وانا قاعدة في الخيمة ومنتظرة باقي الحكايا
|
Post: #63
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 10-11-2009, 07:08 AM
Parent: #61
شبكه ... شبكتينا و شبكتي الناس في شباك شبك... شبكت شبايكه معانا .... و الداير الشبك يشبك شبكته معانا
شبكه أشبكي معانا هنا و ابقي قريبه
شربتي حاجه؟؟
|
Post: #64
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: الطيب شيقوق
Date: 10-11-2009, 08:55 AM
Parent: #63
| Quote: اسي بنادي ليك ود الكامل |
هو بجيك نان؟
مشغول الايام دى بدفين الحفر لانو راجع السودان
|
Post: #65
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 10-11-2009, 09:05 AM
Parent: #64
تتحدى؟؟؟
|
Post: #66
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: الطيب شيقوق
Date: 10-11-2009, 09:34 AM
Parent: #65
لقطة واحدة بجيب ليك خبرو المسنوح
لقيتيني كيف؟
|
Post: #67
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: سيف الدولة كامل
Date: 10-11-2009, 06:35 PM
Parent: #66
احم,,,احم,,,احم,,, انا جيت يا المسنوح.
عراقي الدمورية ده امشي بيهو البردانة يا اخوي,
نحن هنا ناس جينز ساكت,, وكان شايف العمة والجلابية
ده لزوم الطلعة والتغيير,, ياود شيقوق انت قايل مشية
السودان هينة من امريكا 6 تذاكر بي 7 الف اقل حاجة
حليل عمان تذاكر مجاني ومرتب اجازة شهرين وايجار البيت
مدفوع. وحاتك هنا كان داير تسافر اقل من 15 الف ما بتحلك.
لكن ان شاء الله الصيف القادم بزورك في البردانة كان الله مد
في العمر. يديك العافية ويسكنك الصافية بيت ناصية.
|
Post: #68
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: سيف اليزل برعي البدوي
Date: 10-11-2009, 10:46 PM
Parent: #67
بت الهنا
حمد لله علي سلامتك يا غالية يا صبح الهنا..
يا ضو حياتنا الما وني..
حقيقة بدي الخيمة كل يوم طلة وبكومن مستعجل شديد..
واكيد حيجيني يوم افضي شوية وأجي اتحكر في نصها..
لكن فرحي عظيم بعودتك..
وإن شاء الله البركة فيكم في أميرة..
وربنا يمتعك بالصحة
ولنا عودة ان شاء الله
سيف اليزل برعي
|
Post: #77
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: SHIBKA
Date: 10-12-2009, 08:38 AM
Parent: #63
ابدا
مافي زول ناولني كباية شاي حتى
|
Post: #69
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: Abdelrahim Mansour
Date: 10-12-2009, 00:06 AM
Parent: #44
الأخ: شيقوق
تحية بالكوم
Quote:
الاخ عبد الرحمن منصور |
يا جماعة انتو مالكم مع اسمى دا
Quote:
شكرا يا وجيه
بدلتك استايل ورباط عنقك استايل وابتسامتك بتجيب الحمام بجاى
|
عشان كلامك السمح دا انا مسامحك
~~~~
الاخت: بت الهنا، الله يهنئك دنيا و آخره – بس كترى من آمين
و نحنا ما فى يوم بيمر الا بنجى نتاوق فى خيمتكم السمحة ذى الناس الفيها
ّّّّّّّّّّّّّّّّّّّّّّ
~~~~~~~~~~~~~~
عبدالرحيم منصور
*
**
|
Post: #70
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 10-12-2009, 02:24 AM
Parent: #69
تاني يا ود شيقوق تسألني لقيتيني كيف؟
تاني بقول ليك زي ما قلت ليك في الخيمه الفاتت لقيتك بتاع مشاكل و بث...
|
Post: #71
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 10-12-2009, 02:33 AM
Parent: #70
سيف برعي ... تسلم يا فاضل
والله انا عارفه فرحتك دي فعلا صادقه ... و ما غريب على انسان شفيف زيك ... و انسان صادق و مهموم
بقضايا الناس و الوطن...
تحياتي للمدام و البنوته؟
|
Post: #72
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: الطيب شيقوق
Date: 10-12-2009, 05:25 AM
Parent: #71
| Quote: احم,,,احم,,,احم,,, انا جيت يا المسنوح. |
هلا هلا جاى بدين شبعان كنتاكي وبيتزا ونعيمية - الله يزيد نعيمك وتتهنا بيهو في بوست هانوى
Quote: عراقي الدمورية ده امشي بيهو البردانة يا اخوي,
نحن هنا ناس جينز ساكت,, وكان شايف العمة والجلابية
ده لزوم الطلعة والتغيير,, ياود شيقوق انت قايل مشية |
يعني هسع الهندمة السمحة دى كلها لكف العين؟
Quote: لكن ان شاء الله الصيف القادم بزورك في البردانة كان الله مد
في العمر. يديك العافية ويسكنك الصافية بيت ناصية. |
لكن تجينا بلبستك دى عشان وشايلك سبحة عشان تصلى بالناس صلاة الجنازة
يديك انت العافية ويسكنك ..
ود النيل
|
Post: #73
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: الطيب شيقوق
Date: 10-12-2009, 05:27 AM
Parent: #72
عبد الرحيم
| Quote: عشان كلامك السمح دا انا مسامحك |
عارفك قلبك ابيض وكلك حسن نية
تسلم
|
Post: #74
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: الطيب شيقوق
Date: 10-12-2009, 05:29 AM
Parent: #73
| Quote: تاني بقول ليك زي ما قلت ليك في الخيمه الفاتت لقيتك بتاع مشاكل و بث... |
اقول ليك شنو نان؟
اديك خيارات؟
|
Post: #75
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: الطيب شيقوق
Date: 10-12-2009, 07:28 AM
Parent: #74
هانوي بالك وين؟
|
Post: #76
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 10-12-2009, 08:37 AM
Parent: #75
ود شيقوق يا خوي بالي وين كيف؟
الزول ما يأخد ليه ليتل ناب يعني و لا شنو؟
|
Post: #78
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: الطيب شيقوق
Date: 10-12-2009, 09:03 AM
Parent: #76
| Quote: الزول ما يأخد ليه ليتل ناب يعني و لا شنو؟ |
على حسابنا نحن ؟
نحن ذنبنا شنو نعوس وانت تتفرجي ؟
|
Post: #79
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: سيف الدولة كامل
Date: 10-12-2009, 06:38 PM
Parent: #78
المسنوح ,,تعوس ابري ولا كسرة؟
يا بت الهناء يديك العافية واصلي
المسنوح ده ما يعطلك.
|
Post: #80
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 10-13-2009, 06:04 AM
Parent: #79
أواصل كيفن يا سيف يا أخوي؟؟ و ود شيقوق ده مدخل خشمه معاي؟؟
و طالما ود شيقوق ده هنا انا ما لاعبه معاكم........
حردت ليكم البوست ده زاتو ....
و القصه تموها استنتاجات ....
|
Post: #81
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: وليد عبد اللطيف
Date: 10-13-2009, 09:50 AM
Parent: #80
بت الهنا والسرور
بزيارتك بيتنا نور
وصبح كلو زينه
ماتنقطعي ومشكورة على الاطلاله
|
Post: #82
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: الطيب شيقوق
Date: 10-13-2009, 10:38 AM
Parent: #81
Quote: المسنوح ,,تعوس ابري ولا كسرة؟
يا بت الهناء يديك العافية واصلي
المسنوح ده ما يعطلك. |
ضحكتني يا مسنوح
عليك الله ولا دق لي ولا اديني رقمك موبايلي اتقالعهو منى الشفع ايام الاجازة في السودان
|
Post: #83
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 10-14-2009, 03:03 AM
Parent: #82
نواصل
بعد هذه الواقعه ... مرت الايام سعيده و هانئه لا يكدر صفوها شئ... و كانت شقيقتي ريم تقضي معنا الاجازه هي و أولادها
كانت أيام جميله قضيناها في زيارات عائليه و في فرح و سعاده ...
كان و قتها يعرض المسلسل التركي المدبلج مهند و نور .... و في احدى الحلقات القليله التي تابعتها ... كانت الاحداث تدور حول أن البطله قد أصيبت بالسرطان...
(و كما أشرت سابقا الى أنني سوف أتحدث كثيرا في هذه التجربه عن و الدتي جزاها الله كل خير ...
فأنا أحمد الله كثيرا أن وهبني و الدتي هذه السيده المتعلمه و المثقفه ... والدتي الصديقه... المعلمه... الاخت ... المربيه .... و أخيرا الام....
اذ كانت و الدتي دائما تشرح لنا و تقوم بتوعيتنا عن طرق الكشف المبكر عن أمراض سرطان الثدي ... وعن كل ما من شأنه ان يقينا مصائب الحياه )
كنت انا اتابع المسلسل و بجانبي ابناء اختي ... و فجأه و بدون أي سابق انذار ... دخلت غرفتي ... وقمت باجراء الفحص الذاتي ... وعدت مره أخرى و التفت الى ابنه اختي:
وقلت لها : ريان كدي شوفي هنا في حبه؟؟؟
التفت الى ريان و قالت : أها يا نور 2 !!!!
و قبل أن اعلق على كلامها ... التفت اليها شقيقها الصغير عمرو قائلا: ريان ماتقولي كده؟؟ و احتضنني قائلا لها : قولي استغفر الله العظيم ... نور عندها سرطان ... كيف تقولي لي خالتو كده؟؟
و أخذنا نضحك على هذه الواقعه ... وعلى كلام عمرو الصغير ذو العشره سنوات ....
و أسترقت النظر الى و الدتي ... خشية أن تكون قد سمعت شئ من هذا الحوار ...
و في الساعه الواحده صباحا خلدت الى النوم و انا أفكر في هذا الشئ الذي حدث .. وفي كلام عمرو الذي أوجب الاستغفار علي شقيقته ريان ... و ابتسمت و في القلب شئ من حتى ... و نمت في هذه الليله نوما متقطعا ...
و نواصل
|
Post: #84
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: سيف الدولة كامل
Date: 10-14-2009, 03:05 AM
Parent: #82
المسنوح ,,الحين الدنيا عندكم فجر ونحن لسه اول الليل
دحين باكر بديك رنه وبتونس معاك بي مزاج.
يا بت الهنا لي يومين بتصل والتلفون ما في زول برد عليه؟
خباركم؟المسنوح لا بطقع ولا بجيب الحجار زول جوطة ساااااكت
احسن ليك تمي القصة وما تشتغلي بيهو.
|
Post: #85
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: شمس الدين ساتى
Date: 10-14-2009, 06:26 AM
Parent: #84
السلام عليكم
يا أخوانا فى مكان نقعد معاكم
جينا نسلم حسب الوعد يا بت الهنا
ووليد ..
|
Post: #86
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: وليد عبد اللطيف
Date: 10-14-2009, 06:58 AM
Parent: #85
| Quote: فأنا أحمد الله كثيرا أن وهبني و الدتي هذه السيده المتعلمه و المثقفه ... والدتي الصديقه... المعلمه... الاخت ... المربيه .... و أخيرا الام.... |
بتنا بت الهنا والسرور
هل تعرفي ناس محمد الحسن ابو كروق وزوجته فاطمه وابنتهم عامره (من امبكول )
هل تذكري هذه الاحداث
والف تحيه للوالده
|
Post: #87
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: سيف الدولة كامل
Date: 10-15-2009, 02:06 PM
Parent: #86
خفي شوية يا بت الهنا... الناس منتظرين,,,
|
Post: #88
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: الطيب شيقوق
Date: 10-15-2009, 04:41 PM
Parent: #87
الكامل
اها سكت يسكت حسي
يلا يا المسنوحة رفرفي جناحيك واقدلي في الصقيع الاسفيري دا
الكامل
يا اخي انا ممتن جدا على مهاتفتكم الجميلة - سبحان الله اتاري اتقابلنا وكمان في بيتك
تحياتي
|
Post: #89
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: سيف الدولة كامل
Date: 10-15-2009, 07:27 PM
Parent: #88
اديك العافية يا المسنوح,, لقيتك فاطي سطر
بقيت تنسي يا شقا.. اها لقيتني كيف؟
بت الهنا اها بطولي,,,, المسنوح سكت,,,
|
Post: #90
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 10-16-2009, 04:38 AM
Parent: #89
مدام المسنوح سكت بواصل بالحيل
|
Post: #91
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: الطيب شيقوق
Date: 10-16-2009, 05:47 AM
Parent: #90
| Quote: بقيت تنسي يا شقا.. اها لقيتني كيف؟ |
لقيتك حوار المسنوحة - تفرش ليها التبروقة وتشيل ليها الابريق
هيييييييييييييييييييع
|
Post: #92
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 10-17-2009, 01:26 AM
Parent: #91
شمس الدين حبابك عشره
شرفت المكان
|
Post: #93
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 10-17-2009, 01:28 AM
Parent: #86
وليد سلامات
لا ما عارفه القصه دي ...
|
Post: #94
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 10-17-2009, 01:36 AM
Parent: #93
October is Breast Cancer Awareness Month
|
Post: #95
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 10-17-2009, 04:33 AM
Parent: #94
نواصل
كانت هذه الحادثه - أي قيامي بالفحص الذاتي- قد حدثت في اليوم الأول من أغسطس للعام 2008... و لكنني لم احرك ساكنا تجاهها ... و لم أعرض نفسي على طبيب.
حتى جاء الشهر التالي ... شهر سبتمبر... و قمت بالكشف على نفسي مره ثانيه ... فوجدتها(تلك الحبه اللعينه) لا تزال هناك قابعه في مكانها... في صمت... و كنت انساها أو أتناساها ... لست أدري أيهما؟؟
مرت الأيام متتاليه ... ولازلت على مبدئي .... (مكضبه للشينه) ... وفي يوم جاءت احدى جاراتنا الى و الدتي ... و كنت حينها أستعد للذهاب الى عملي ... و قالت لها ... عليك الله يا خالتي سكينه تعالي شوفيني .. أظني جاني كانسر ؟؟؟ و قامت و الدتي بالكشف عليها.. و قالت لها .. مافي حاجه واضحه ... لكن احسن تمشي تعملي فحوصات كامله ... سمعت هذا الكلام ... توجست خيفه ... وايضا لم احرك ساكنا ....
حتى كنت أتسامر مع و الدتي ذات مساء .. و كانت هي تقرأ احدى الصحف اليوميه ... و التفت الي و قالت : و الله الكانسر ده بقى منتشر بي طريقه غريبه ... انشاء الله انا ح امشي لي تابيتا بطرس .. و أناقشها في كيفيه أفتتاح مركز (الكشف المبكر عن أمراض الثدي) .... لم أرد على و الدتي ... عاودني الصمت الذي يحل علي كلما غص قلبي ....
وواصلت و الدتي كلامها : مفروض نحنا المعاشيين ديل يستفيدوا من خبراتنا في المجال ده ... و نوعي النسوان و البنات .. و نفيد المجتمع.
تقطن وزيره الصحه ... السيده- تابيتا بطرس اخر عهدي بها على بعد أميال من منزلنا ... الامر الذي شجع و الدتي في التفكير في هذا الامر... فقلت لها : و الله فكره كويسه ... و انا بساعدك في الطباعه و المنشورات...
قامت و الدتي بقطع الموضوع من الجريده ... و طبقته بعنايه فايقه .. و أنا أراقبها ... و أحسست أن قلبي تعتصره يد من الجليد... و خلدنا الى النوم...
وضعت رأسي على الوساده و انا أقول : مالك يا الكانسر بقيت عايش معانا كده؟؟؟ شكلك داير تبقى حقيقه و لا شنو؟؟
حاشيه:
من الكلمات الصعبه و المؤلمه جدا ... والتي اتذكرها مرارا و تكرارا ... ما قالته والدتي بعد أن علمت بمرضي:
انا اقول افتح مركز سرطان و تراهو معاي في بيتي و انا ما جايبه خبر؟؟؟
|
Post: #96
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: الطيب شيقوق
Date: 10-17-2009, 06:27 AM
Parent: #95
| Quote: انا اقول افتح مركز سرطان و تراهو معاي في بيتي و انا ما جايبه خبر؟؟؟ |
نتابع
|
Post: #97
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: سيف الدولة كامل
Date: 10-17-2009, 09:40 PM
Parent: #96
المسنوح قالولك اسكت,,, طالب مشاغب...
|
Post: #98
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: ombadda
Date: 10-19-2009, 08:14 PM
Parent: #97
سلام لكل المشاركين فى هذا البوست الهام
وتحية وتقدير لشجاعة الأخت بت الهنا ..
وقبل كل شىء نطلب من الباشمهندس بكرى تثبيت هذا البوست الهام جدا. وأتمنى أن يلقى هذا البوست
المتابعة من جميع أعضاء المنبر ففيه المفيد...
|
Post: #99
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: ombadda
Date: 10-19-2009, 08:40 PM
Parent: #98
اخر إحصائيات السرطانات فى الولايات المتحدة. نلاحظ تربع سرطان الثدى فى القمة كأكثر سرطانات النساء شيوعا (192,370) حالة جديدة فى العام 2009 فقط
أرجو ألا تثير كلمة (سرطان) الفزع ..فالسرطان مرض كباقى الأمراض..ودرجة الشفاء الكامل تعتمد على الإكتشاف المبكر للمرض. ومن هنا تأتى أهمية هذا البوست فى تبيان أهمية الكشف المبكر للمرض ليس
بواسطة الطبيب فحسب بل بواسطة المريض..فالمرض يعمل بصمت شديد فى مراحله الأولية...
------------------
الصورة مأخوذة من:
CA
A Cancer Journal for Clinicians
Cancer Statitics 2009
CA Cancer J Clin 2009;59;225-249; originally published online May 27, 2009
|
Post: #100
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: ombadda
Date: 10-19-2009, 08:53 PM
Parent: #99
الأساتذة الأجلاء:
الطيب شيقوق
سيف الدولة
أبوبكر
وليد عبداللطيف
شمس الدين ساتى
وجميع ضيوف هذا البوست
أستأذنكم فى إيراد بعض المعلومات الطبية بين الفينة والأخرى..وأرجو ألا تؤثر هذه المشاركات فى روح الدعابة التى تسود هذا البوست..
كل هذا بالطبع إن وافقت صاحبة الخيمة -(المسنوحة) كما تسمونها -على ذلك..
تقديرى
|
Post: #101
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: سيف الدولة كامل
Date: 10-19-2009, 09:51 PM
Parent: #100
تسلم يا دكتور امبده ,, الغرض الاساسي من البوست
ان تعم الفائدة ويلا ايدك معانا ونستفيد منكم كتيير
ان شاء الله .
|
Post: #102
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: الطيب شيقوق
Date: 10-20-2009, 05:51 AM
Parent: #100
احييكم
اخوتي
امبدة
شكرا على كلماتك الطيبة يا العزيز
ود الكامل
والتحية من قبل ومن بعد الى الاخت الفاضلة بت الهناء لقوة ارادتها وصمودها الى ان انتصرت بحمد الله على هذا المرض الخبيث
ونحيي ايضا والدتها التي يتفق الجميع على صفويتها ونخبويتها .
|
Post: #103
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: سيف الدولة كامل
Date: 10-21-2009, 02:29 AM
Parent: #102
منتظرين يا هانوي
|
Post: #104
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 10-21-2009, 02:44 AM
Parent: #100
دكتور امبده
مرحبتين حبابك و اليوم السعيد الليله جابك
دكتور امبده اخ فاضل و صديق عزيز
ومن الناس اللي كانو قريبين لي جدا في فتره العلاج
و ما بخل علي ابدا بي معلوماته الطبيه... الله يجزيه خير
و د. امبده ح يكون اضافه قيمه و حقيقيه ,,, و ح يثري البوست بالتاكيد
و يادكتور الخيمه خيمتك .... ابقى داخل
|
Post: #105
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: نوفل عبد الرحيم حسن
Date: 10-21-2009, 02:54 AM
Parent: #104
بالجد المره دي الخيمه مختلفه
مفيده اكتر من زمان
عرفنا فيها . المعناه . الصبر . الكفاح . الشجاعه . والحكي
تسلمي يا بنت الهناء وربنا يمتعك بالصحه والعافيه
شكرا لكل المتداخلين ضيوف البوست والشكر اجزله للدكتور ام بده
|
Post: #106
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 10-23-2009, 02:43 PM
Parent: #105
أبتلي أحد الحكماء بمصيبه .... فجأءه أخوانه يعزونه في المصاب .... فقال اني عملت دواء من سته أخلاط .... فسألوه ماهي:
فقال لهم:
الخلط الأول : الثقة بالله
الخلط الثاني: علمي بأن كل مقدور كائن
الخلط الثالث: الصبر خير ما استعمله الممتحنون
الخلط الرابع: إن لم أصبر أنا فأي شئ أعمل؟
الخلط الخامس: قد يمكن أن أكون في شر مما أنا فيه
الخلط السادس: من ساعه الى ساعه فرج
اللهم لك الحمد ولك الشكر كما ينبغي لجلال وجهك وعظيم سلطانك.. الحمد لله الذي بنعمه تتم الصالحات.. الحمد لله، وله الشكر والفضل والمنة
في يوم 21 اكتوبر للعام 2009 و في تمام الساعه الثالثه و النصف ظهرا .... جاءتني مكالمه هاتفيه من طبيبتي المعالجه تخبرني فيهاأن صور الماموجرام قد اثبتت خلو جسمي تماما من مرض السرطان...
و لله الأمر من قبل و من بعد ...
ولله الحمد على نعمائه و على جزيل عطائه
|
Post: #107
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: مريم عبد الله
Date: 10-23-2009, 03:56 PM
Parent: #106
الف حمد الله على سلامتك
وربنا اخد بيدك لانك انسانه مؤمنة
وبركة الربنا طمنا عليكي يا بت الهنا
اقسم بالله فاهمة شعورك لاني برضو كنت مصابه بالكانسار وربنا منا على بالشفا بعد ما اجريت كميه من العمليات الجراحية لمدة 3 سنوات
الف مبروك ليك الشفاء والصحة مرحله وعدت ومبروك لي اهلك وناسك كل البحبوك
يلا منتظرين الكرامه
روما
|
Post: #108
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 10-23-2009, 05:20 PM
Parent: #107
الغاليه مريم
ربنا يقبل حمدك ... و كتر خيرك على المرور
و حمد الله على سلامتك انتي كمان .... و ماتشوفي شر يارب
و الله يا مريم صحي مرحله و عدت بي خيرها و بي شرها
لكن بس زي ما بيقولوا المؤمن مصاب
يلا يا مريم يدك معاي .... نعكس التجارب المرينا بيها... ونفيد بيها الناس
وربنا يقدرنا على كده
تسلمي يا روما و أبقي قريبه
|
Post: #109
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 10-23-2009, 05:33 PM
Parent: #108
أحلى حاجه
اتصال هاتفي من الممسوخ الطيب شيقوق
ثم مكالمه جماعيه أطرافها شخصي الضعيف .... العزيز ود شيقوق ... الغالي سيف الدوله
و الله يا أخونا قدر ما احكي ليكم عن شعوري لحظتها ما ح تتخيلوا
حقيقة دموعي جرت و انا بسمعهم الاثنين بيهنوا بعض بي سلامتي
والله الاثنين بيهنوا بعض و يباركوا لي بعض بي فرحه نابعه من قلويهم
تسلموا يا سيف و يا الطيب و ربنا يحلي أيامكم كلها
|
Post: #110
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: سيف الدولة كامل
Date: 10-23-2009, 10:18 PM
Parent: #109
اللهم ما اصبح بي بنعمتك او باحد من خلقك فمنك وحدك لا شريك لك فلك الحمد ولك الشكر.
الحمد لله الذي عافاك بعد الابتلاء , الحمد لله الذي من عليك بالشفاء,الحمد لله الذي ادخل الفرحة
والسرور في قلوب الاحباء, الحمد لله الذي اكرمنا بمعرفة ورفقة اخوة اجلاء,تجدهم في السراء والضراء.
الف حمدا لله علي العافية يا صفاء ومريم وان شاء الله ربنا يكرمكم ويجعلكم نورا يهتدي به لاخرين.
|
Post: #111
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: Dania Elmaki
Date: 10-23-2009, 10:41 PM
Parent: #110
صفاء يا بنت خالي انا ما عارفه اقول ليك شنو. فترة مرضك كانت صعبه علينا كلنا, لكن كنا بنتشجع معاك, او بالاصح انت الكنتي بتشجعينا. اضربي لي ضروري, تلفوني اتكسر و النمر ضاعت. نحن بنحبك شديد
|
Post: #112
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: الفاضل يسن عثمان
Date: 10-23-2009, 11:45 PM
Parent: #111
بت الهنا:
حمدا علي سلامتك وتتعافي من كل شر وسقم،تعدت المراحل
المؤلمة،وكنتي صبورة وكاتمه اوجاعك،تدومي ويدوم
عمرك الباقي طويل.
كنا متابعيين مراحل سقمك،وندعو اليك في سرنا،وفي جهرنا
وذلك اضعف الايمان.
كانت تذكرنا بيك،بتنا،د/ روما من الحين والاخر
تسلمو يا احلي زهرتين بالمنبر.
مودتي
|
Post: #114
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: الطيب شيقوق
Date: 10-24-2009, 11:00 AM
Parent: #113
الف حمد الله على السلامة - بالجد كان خبر جميل وقد اسعد الاهل والاحباب
Quote: اللهم ما اصبح بي بنعمتك او باحد من خلقك فمنك وحدك لا شريك لك فلك الحمد ولك الشكر.
الحمد لله الذي عافاك بعد الابتلاء , الحمد لله الذي من عليك بالشفاء,الحمد لله الذي ادخل الفرحة
والسرور في قلوب الاحباء, الحمد لله الذي اكرمنا بمعرفة ورفقة اخوة اجلاء,تجدهم في السراء والضراء.
الف حمدا لله علي العافية يا صفاء ومريم وان شاء الله ربنا يكرمكم ويجعلكم نورا يهتدي به لاخرين. |
|
Post: #115
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: انعام حيمورة
Date: 10-24-2009, 11:10 AM
Parent: #114
الف الف الف حمد لله على السلامة ..
وما تشوفي شر يارب
|
Post: #116
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: نجاة محمد بابكر
Date: 10-24-2009, 12:09 PM
Parent: #115
الف حمدلله على السلامة وبالمناسبة دى القهوة والشاى والكيك على
الليلة البدخل الخيمة كلو بالمجان كرامة اختنا بت الهنا
ياالله باعضاء سودانيزاون لاين من كبيركم لصغيركم مدعون معانا فى الخيمة الليلة
تخريمة
مش ياكى ذاتك بت الهنا بتاعت منتدى سودان نت
|
Post: #117
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: أبو ساندرا
Date: 10-24-2009, 03:14 PM
Parent: #116
مليون حمدآ لله على السلامة
أنت والأخت مريم عبدالله
ويارب ان يكتمل الشفاء بصورة نهائية
وتعودن معافيات سليمات من كل سقم
الإنتصار على اللعين بيكون بسبب الكشف المبكر
وبقوة الإرادة والجلد والرغبة القوية في الحياة
وعدم لخوف لأنه بيحط من المناعة والمقاومة الذاتية
انا سعيد لأجلك وواضح أن روحك اللطيفة وتمتعك بالسخرية
ساهما في الشفاء
أرجو ، كما طلبت رشيدة ، تسجيل تجربتكما بكل التفاصيل
|
Post: #118
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: مهيرة
Date: 10-24-2009, 04:19 PM
Parent: #117
الف الف الف حمد لله على السلامة ..
وما تشوفي شر يارب
وان شاء الله اجر وعافية
تحياتى
|
Post: #119
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: Mashaier Ahmed
Date: 10-24-2009, 04:41 PM
Parent: #118
العزيزة بت الهنا
ألف حمداً لله على سلامتك
خبر جميل شفاءك من هذا المرض اللعين
ربنا يشفي الجميع ويمتعهم بالصحة والعافية
شكراً لك لإشراكنامعك في هذه التجربة القاسية الله لا أعادها
تقبلي تحياتي
مشاعر
|
Post: #120
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: KOSTA
Date: 10-25-2009, 10:58 AM
Parent: #119
الخيماب
تحيات نواضر
مدخل و استهلال
الحمد لله الذى بلطفه و كرمه قد منّ على اختنا بت الهنا بكامل الشفاء من الداء اللعين
و انه لشكر يستوجب بذل المزيد من الطاعات من بت الهنا للواحد القهار فالمصائب يقربن العبد من ربه
ادعو الله العلى القدير ان لا يرى الاخت بت الهنا اى مكروه فى ربيع حياتها المقبل
للاسف الشديد لم اعلم بمرضها الا قبل ايام قلائل .... و الاخت بت الهنا لمن لا يعرفها نبع الاصالة و العزة و الطيبة، و هى كنز من المودة و الألفة يسعى و يمشى بين الناس ( خايفها يا ود شيقوق تصدق و تانى ما نعرف نكلمها).
فالحمد لله الذى تلطف بهذه الانسانة الرائعة و حفظها لنا و ان شاء الله يبدأ عمرها يادوووووووووووووووب.
| Quote: ونحيي ايضا والدتها التي يتفق الجميع على صفويتها ونخبويتها . |
اكيد مريخابية على السكين طالما هى صفوية و نخبوية.
و هنا ايضاً احىّ والدها الرجل المك و شيخ العرب المضياف و المرحاب
شاغلى المناصب الدستورية بالخيمة( مولانا ود شيقوق و استاذنا سيف الدولة كامل):
مطلوب منكم عمل عاجل لدعوة و تعبئة جميع الخيماب و اصهارهم و اقربائهم للقيام بالاحتفال الضخم بمناسبة شفاء الريس الكوماندو بت الهنا
لنا التواصل و مزيد تفاصيل ..... ولكم التهانئ الخضر.
|
Post: #121
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: الطيب شيقوق
Date: 10-25-2009, 11:47 AM
Parent: #120
الاخ الاستاذ المناضل اخو الاخوان عشاء البايتات ومقنع الكاشفات كوستأاااااااااا
Quote: شاغلى المناصب الدستورية بالخيمة( مولانا ود شيقوق و استاذنا سيف الدولة كامل):
مطلوب منكم عمل عاجل لدعوة و تعبئة جميع الخيماب و اصهارهم و اقربائهم للقيام بالاحتفال الضخم بمناسبة شفاء الريس الكوماندو بت الهنا |
الصيف ضيعت اللبن . عملنا احتفال كونفرنسي انا والزعيم ود الكامل وحاولنا الاتصال بك خلال تلك الجلسة غير اننا علمنا ان حكومتكم قد ضبقتكم تحت جناحا ومشت بيكم كالفور واضاعت عليك فرصة الترقية والمكرمة التي سيمن علينا بها الريس الكوماندوز هانوي ..
|
Post: #122
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: SHIBKA
Date: 10-25-2009, 11:53 AM
Parent: #121
في انتظار باقي الحكاية
وحمد الله على السلامة
بوست مفيد ومسل وملئ بمعلومات د. أمبدة
واواصل المتابعة
|
Post: #123
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: ALZOLZATOO
Date: 10-25-2009, 12:05 PM
Parent: #122
اختنا بت الهناء
الف حمد الله على السلامة جينا الخيمة مخصوص عشان نقول ليك الحمد لله الذي شفاك والبورد عوفي اذا عوفيت
الف حمد لله على السلامة وربنا يتمتعك بالصحة والعافية ان شاء الله
تحياتي
زاتوووو
|
Post: #124
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: KOSTA
Date: 10-26-2009, 11:13 AM
Parent: #123
| Quote: عملنا احتفال كونفرنسي انا والزعيم ود الكامل وحاولنا الاتصال بك خلال تلك الجلسة غير اننا علمنا ان حكومتكم قد ضبقتكم تحت جناحا ومشت بيكم كالفور واضاعت عليك فرصة الترقية والمكرمة التي سيمن علينا بها الريس الكوماندوز هانوي .. |
المدير التنفيذى للخيمة و ناظر عموم الخيماب ود شيقوق:
عارفكم انت و سيف و حتى الكوماندو هانوى و( فنوم بن و سايقون كمان) ما عندكم ايتها خوة
قاتلين الدجاج و الفراريج و خامين دستات البيض
لولا قدسية مناسبة الاحتفال لكان لى مع ثلاثتكم شأن آخر!!!!!!
و بعدين يا مسنوح (الحوت ما بيهددوه بالغرق)واخوك عينو قوية و ما يجيبها الا رجالها
انت مسعول من الخير المسنوحة دى خلت ضيفانها و مشت وين ؟؟؟
و شيخنا ودالكامل مالو لابت كدى؟؟؟
تحياتى
|
Post: #125
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: سيف الدولة كامل
Date: 10-26-2009, 02:16 PM
Parent: #124
الاخ العزيز وصديق الزمن الجميل,, دكتور صديق ( كوستا)
اولا لك العتبي حتي ترضي ونحن قصرنا والله كتيييير في حقك
بس سامحنا, والحمد لله علي سلامة بت الهنا واختنا مريم وان شاء
ربنا ينعم عليهن بدوام الصحة والعافية, وحمدا لله علي عودتك
للمنبر بعد انقطاع طويييييييل وان شاء الله تتحفنا بروائعك.
|
Post: #126
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: وليد عبد اللطيف
Date: 10-26-2009, 02:41 PM
Parent: #125
Quote:
أحلى حاجه
اتصال هاتفي من الممسوخ الطيب شيقوق
ثم مكالمه جماعيه أطرافها شخصي الضعيف .... العزيز ود شيقوق ... الغالي سيف الدوله
و الله يا أخونا قدر ما احكي ليكم عن شعوري لحظتها ما ح تتخيلوا
حقيقة دموعي جرت و انا بسمعهم الاثنين بيهنوا بعض بي سلامتي
والله الاثنين بيهنوا بعض و يباركوا لي بعض بي فرحه نابعه من قلويهم
تسلموا يا سيف و يا الطيب و ربنا يحلي أيامكم كلها |
سيف الدوله هذا المشهد ابكاني
به نوع من الخوه والصداقة النظيفة الصادقة
لاني تخيلت الشعور كامل لبت الهنا ولكم الاثنين ود شيوق وسيف
ويا لها من مشاعر نبيله
|
Post: #127
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: سيف الدولة كامل
Date: 10-26-2009, 03:27 PM
Parent: #126
تسلم يا وليد ربنا يكرمك دنيا واخرة, ويكرم اخواتنا مريم وبت الهنا
ويحفظ جميع اخواتنا من كل شر انه سميع محيب الدعاء.
|
Post: #128
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: Egbal Elmardi
Date: 10-26-2009, 05:55 PM
Parent: #127
بت الهنا
تحياتى وأخلص الأمنيات بدوام الصحه
ألف ألف حمدلله على سلامتك...
وبركه الما أهملتيه اكثر لأنو أى يوم عنده قيمه فى مواجهة هذا المرض اللعين
وبركه الرجعتى لينا بالسلامه
إقبال
|
Post: #129
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: الطيب شيقوق
Date: 10-26-2009, 06:51 PM
Parent: #128
كوستا المارد
Quote: المدير التنفيذى للخيمة و ناظر عموم الخيماب ود شيقوق:
عارفكم انت و سيف و حتى الكوماندو هانوى و( فنوم بن و سايقون كمان) ما عندكم ايتها خوة
قاتلين الدجاج و الفراريج و خامين دستات البيض
لولا قدسية مناسبة الاحتفال لكان لى مع ثلاثتكم شأن آخر!!!!!!
و بعدين يا مسنوح (الحوت ما بيهددوه بالغرق)واخوك عينو قوية و ما يجيبها الا رجالها
انت مسعول من الخير المسنوحة دى خلت ضيفانها و مشت وين ؟؟؟
و شيخنا ودالكامل مالو لابت كدى؟؟؟ |
بالله قال لولا قدسية المناسبة!!! والله تكتر كلامك اكلم الكامل يشوتك ضفاري ومحل رهيفة تنقد
اوعاك تسعل من بكان مشت هانوي دى الايام دى مدللة تتجدع يمين وشمال حد يقول ليها ماشة وين او جيتى من وين مافي
|
Post: #130
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: سيف الدولة كامل
Date: 10-26-2009, 09:33 PM
Parent: #129
الاعزاء ,,, فقدت بت الهنا الباسورد الخاص بها
لكن الحمد لله الاخ بكري ماقصر ,,وبعد شويه بتدخل
وترد عليكم واحد واحد ان شاء الله .
|
Post: #131
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: KOSTA
Date: 10-27-2009, 08:33 AM
Parent: #130
العزيز ود الكامل
Quote: اولا لك العتبي حتي ترضي ونحن قصرنا والله كتيييير في حقك
بس سامحنا, والحمد لله علي سلامة بت الهنا واختنا مريم وان شاء
ربنا ينعم عليهن بدوام الصحة والعافية |
يا سيدى و لا يهمك و مجهوداتك معانا و مع الجميع مقدرة
و قد علمت من الكوماندو هانوى انك شلت الشيلة كلها لوحدك معاها طيلة فترة معاناتها
لك الشكر يا دفعة
|
Post: #132
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: الطيب شيقوق
Date: 10-27-2009, 09:21 AM
Parent: #131
كامل
الايام دى اسهمك فووووق شايف حتى المسنوح كوستا بكسر ليك في الواح التلج
Quote: الاعزاء ,,, فقدت بت الهنا الباسورد الخاص بها
لكن الحمد لله الاخ بكري ماقصر ,,وبعد شويه بتدخل
وترد عليكم واحد واحد ان شاء الله . |
البركة في صحتها وجاتها في باسويردها سامحتا
فداك يا هانوى
|
Post: #133
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: الفاتح ميرغني
Date: 10-27-2009, 09:54 AM
Parent: #132
بالله يا الطيب شيقوق ده كلام؟
ياخي تديني وصف غلط أنا نزلت في المحطة ولفيت باللفة حسب وصفك سيد الدكان أداني وصف تاني ومشيت ومشيت لمن لقيت الخيمة.
أها جيت ابارك لبت الهنا وإن شاءلله ايامك كلها هنا وسعادة.
حمدلله على السلامة وربنا يحفظك ويديم عليك بالصحة والعافية والهنا.
محبتي
|
Post: #134
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: KOSTA
Date: 10-27-2009, 10:37 AM
Parent: #133
| Quote: بالله قال لولا قدسية المناسبة!!! والله تكتر كلامك اكلم الكامل يشوتك ضفاري ومحل رهيفة تنقد |
ناظر عموم الخيماب
يا شيقة اطلع منها يا ريس انا و ود الكامل دفعة و حبايب و الراجل رقيق و ما بتاع شوت و ضفور كمان
بس هو كان فى الفصل ثالثة ماعارف شنو و انا كنت فى الفصل المعاكس ليهو( ثالثة ب) فى المقرن الثانوية
لكن المتأكد منو انو بدأ بالصف الاول (د) و ثانية(د) و نحنا كنا فى اولى و ثانية (هـ)
هسع قول لى التخريمة دى انا جبتها من وين ؟؟؟؟
| Quote: اوعاك تسعل من بكان مشت هانوي دى الايام دى مدللة تتجدع يمين وشمال حد يقول ليها ماشة وين او جيتى من وين مافي |
فى دى انا معاك يا مولانا و الايام دى الكوماندو ما شاء الله و ربنا يحفظ ما حد يقدر يسألها تلت التلاتة كم
بس يا شيقة قولها نظرة للضيوف الجايين من بعيد ديل
و بينى و بينك انا حكاية الباسوورد دى ما راكبه لى فى دماغ البت بتدلع علينا
تجى نعمل تحقيق يا غولدستون ؟؟؟؟
|
Post: #135
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: سيف الدولة كامل
Date: 10-27-2009, 01:27 PM
Parent: #134
تسلم يا دكتور كوستا يا دفعة,, شيقا ده عاوز يفتنا شقي الحال.
يا شقة يا أخي كوستا ده دفعة دراسةوكان كسر لي تلج برضو صاحبي,,
علا انت التلج ده ما بتعرف دربه يا مسنوح,,, طيب ادينا كباية شاي
اصله الدنيا برد شويه.
|
Post: #136
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: الطيب شيقوق
Date: 10-27-2009, 01:44 PM
Parent: #135
ولد الميرغني
Quote: بالله يا الطيب شيقوق ده كلام؟
ياخي تديني وصف غلط أنا نزلت في المحطة ولفيت باللفة حسب وصفك سيد الدكان أداني وصف تاني ومشيت ومشيت لمن لقيت الخيمة.
أها جيت ابارك لبت الهنا وإن شاءلله ايامك كلها هنا وسعادة.
حمدلله على السلامة وربنا يحفظك ويديم عليك بالصحة والعافية والهنا. |
عارفك بتكون جيت شايل شوال فتريتة رميتو ليها في طرف الخيمة كرامة وقدلت راجع عولك
|
Post: #138
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: الفاتح ميرغني
Date: 10-27-2009, 01:56 PM
Parent: #136
| Quote: عارفك بتكون جيت شايل شوال فتريتة رميتو ليها في طرف الخيمة كرامة وقدلت راجع عولك |
طبعا... ولمن عرفت انك عقرت ليك كم ناقة بما فيها ناقتك البشارية قلت حرم كان اجيب ليها صومعة غلال باكملها من داكوتا الشمالية!
لوووووول
|
Post: #137
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: الطيب شيقوق
Date: 10-27-2009, 01:44 PM
Parent: #135
ولد الميرغني
Quote: بالله يا الطيب شيقوق ده كلام؟
ياخي تديني وصف غلط أنا نزلت في المحطة ولفيت باللفة حسب وصفك سيد الدكان أداني وصف تاني ومشيت ومشيت لمن لقيت الخيمة.
أها جيت ابارك لبت الهنا وإن شاءلله ايامك كلها هنا وسعادة.
حمدلله على السلامة وربنا يحفظك ويديم عليك بالصحة والعافية والهنا. |
عارفك بتكون جيت شايل شوال فتريتة رميتو ليها في طرف الخيمة كرامة وقدلت راجع عولك
|
Post: #139
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: أحمد الشايقي
Date: 10-27-2009, 04:09 PM
Parent: #137
الف حمداً لله على سلامتك أخت بت الهنا
والحمد لله من قبل ومن بعـد
أحمـد الشايقي
|
Post: #140
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: KOSTA
Date: 10-29-2009, 06:21 AM
Parent: #139
Quote: تسلم يا دكتور كوستا يا دفعة,, شيقا ده عاوز يفتنا شقي الحال.
يا شقة يا أخي كوستا ده دفعة دراسةوكان كسر لي تلج برضو صاحبي,, |
سيف الدولة
عمك شيقة ده كان لقى فرصة بيلحقنا امات طه
دحين اعمل ساتر و ارمى قدام
شيقة
وينك يازعيم ؟؟
اعمل لينا الحفلة سريع خلينا ننسى تعب السنين
اها يا ناظر الخيماب شايف حكاية الباسوورد ما زالت مستمرة
جد لنا حلاً يا زعيم .... انا عندى ناس قالوا حيفرتقوا الخيمة دى اذا استمرت هذه الحالة
ملحوظة: نظارتك لعموم الخيماب فى محك صعب ..... و طالبان الخيماب على اهبة الاستعداد للانقضاض على النظارة
انت عارف انا ماسكهم فى وزيرستان على حدود الخيمة مع اراضى ود الكامل!!!!
|
Post: #141
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: الطيب شيقوق
Date: 10-29-2009, 06:44 AM
Parent: #140
كوستا
Quote: عمك شيقة ده كان لقى فرصة بيلحقنا امات طه
دحين اعمل ساتر و ارمى قدام |
زولك دا ما فيهو فذع ليك تاني الكنتاكي بتّ حيلو طاااب خلاهو يمشي ام جنيّح
Quote: اعمل لينا الحفلة سريع خلينا ننسى تعب السنين
اها يا ناظر الخيماب شايف حكاية الباسوورد ما زالت مستمرة
جد لنا حلاً يا زعيم .... انا عندى ناس قالوا حيفرتقوا الخيمة دى اذا استمرت هذه الحالة
ملحوظة: نظارتك لعموم الخيماب فى محك صعب ..... و طالبان الخيماب على اهبة الاستعداد للانقضاض على النظارة
انت عارف انا ماسكهم فى وزيرستان على حدود الخيمة مع اراضى ود الكامل!!!! |
شوفو شيقا ولا فيها ولا ........... فيها
|
Post: #142
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 10-29-2009, 07:39 AM
Parent: #141
الباسورد رجعت
جاياكم للبري
هي... اقصد للحكي
|
Post: #143
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: وليد عبد اللطيف
Date: 10-29-2009, 08:32 AM
Parent: #142
Quote: الباسورد رجعت
جاياكم للبري
هي... اقصد للحكي |
بشيشكن ياعيوني لاتفضحني
قلنا اول شي نجي ونسلم عليك في خيمتك
ونشرب جبنه ونحكي سر غيابك
إلا اقولك والله حبيناك وردناك من محبت الناس ليك ناس
شيقا وكوستا وسيف وكل الناس الجوك بهنا وهناك
وما قصرت وافتقدتك .
ومن هنا ممكن تعرفي قدرك عند الناس الطيبين وحلوين والله يكفيهم
من كل شر وكل مرض ونجيهم في ساعة خير
ياطيبة يا بت الطيبين ناس دحدوح وخضر والحارث ونهنيهم بعودتك ليهم
ويتنهنوا بيك .. وبيك يدوم هنانا
|
Post: #144
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 11-06-2009, 05:29 AM
Parent: #143
دانيه الحبيبه مشتاقين
مستنيه تلفونك ... وينه
دانيه يا خوانا ما قصرت معاي في فترة مرضي ... رغم مشغولياتها لكن ما بخلت علي بالتلفونات
ولا بي التجارب الحولها ... شدت من عزيمتي خالص ....
التحيه ليها و من قبلها لي عمتي نور ... اللي كانت شفقتها علي نابعه من قلبها ... و كانت تضرب تطمني و تشد حيلي ....
يديكم العافيه يا رب
|
Post: #145
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 11-06-2009, 05:33 AM
Parent: #144
الأخ الكريم الفاضل عثمان يسن
شكرا على المرور و على كلامك الطيب
و أنا متأكده من ان دعواتكم الخالصه لوجه الله تعالى كانت هي سبب في شفاءنا انا و د. مريم انشاء الله
ربنا يديم الود و الرحمه و التراحم بيناتنا انشاء الله
|
Post: #146
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 11-06-2009, 05:35 AM
Parent: #145
شكرا يا انعام على المرور
يديكي العافيه و ماتشوفي شر يا رب
|
Post: #147
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: BitAlhana
Date: 11-06-2009, 05:38 AM
Parent: #146
العزيزه نجاة محمد بابكر
الله يسلمك من كل شر
ياني ذاتي بت الهنا .... سودان دوت نيت .... قريبة الفاضل عبد القادر
ياني و لا ما ياني؟
|
Post: #148
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: سيف الدولة كامل
Date: 11-07-2009, 06:37 PM
Parent: #147
سلامات ,,
|
Post: #149
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: الطيب شيقوق
Date: 11-08-2009, 06:06 AM
Parent: #148
اصلك براااااااااااااااية يا هانوي
|
Post: #150
Title: Re: خيمة بت الهنا . New Version .. مش بيقولوا توجد؟؟ اذن (توجد تجربه)
Author: KOSTA
Date: 11-23-2009, 10:56 AM
Parent: #149
ناس الخيمة و الخيماب
حضرنا و لم نجدكم!!!!
هانوى
قيادتك فاشلة للخيمة
|
|