Post: #1 Title: إلى الأخ شول أشوال دينق ومن لف لفه (توجد قراصة) Author: ابراهيم قناوي Date: 10-01-2009, 08:19 AM
الواحد لمن يقول كلام
أحسن يبقى قدرو !!!!!
Post: #2 Title: Re: إلى الأخ شول أشوال دينق ومن لف لفه (توجد قراصة) Author: ابراهيم قناوي Date: 10-01-2009, 08:21 AM Parent: #1
لمن كنت بتعزم فينا للقراصة
الجنمبكم
ونحنا في السعودية
قايل بتكون عزومة مراكبية؟؟؟
Post: #3 Title: Re: إلى الأخ شول أشوال دينق ومن لف لفه (توجد قراصة) Author: ابراهيم قناوي Date: 10-01-2009, 08:23 AM Parent: #2
جينا السودان يا شول
واعلنا الجية
ومنتظرين القراصة
وانت نااااااااااايم
ولا على بالك
واهو نحنا راجعين
قلنا نشوف آخرك شنو؟؟؟؟
Post: #4 Title: Re: إلى الأخ شول أشوال دينق ومن لف لفه (توجد قراصة) Author: ابراهيم قناوي Date: 10-01-2009, 08:24 AM Parent: #3
الليلة ما يحلك مني الا ود الصايم
Post: #5 Title: Re: إلى الأخ شول أشوال دينق ومن لف لفه (توجد قراصة) Author: ابراهيم قناوي Date: 10-01-2009, 09:37 AM Parent: #4
يشهد الله
قبل ما أشوف بوست الأخ وليد
كتبت الكلام ده لأني محروق
من ما جيت وقلت شول ده شابكنا قراصة وما ادراك ما قراصة
واجازتنا فضل فيها اسبوع
وهو عامل اضان جلد
غايتو عذرتك
طالما الشفت قابضك
يحلك الحلا بلة
Post: #6 Title: Re: إلى الأخ شول أشوال دينق ومن لف لفه (توجد قراصة) Author: heba Elmahi Date: 10-01-2009, 10:25 AM Parent: #5
يا دكتور أصلك ما تسيبو الود دا أديهو علي راسو كمان كمان طوااااالي هو كدا بوعد وما بوًفي !!
علي فكرة انت هنا ولا هناك ؟
Post: #7 Title: Re: إلى الأخ شول أشوال دينق ومن لف لفه (توجد قراصة) Author: ابراهيم قناوي Date: 10-01-2009, 10:30 AM Parent: #6
Quote: يا دكتور أصلك ما تسيبو الود دا أديهو علي راسو كمان كمان طوااااالي هو كدا بوعد وما بوًفي !!
علي فكرة انت هنا ولا هناك ؟
والله شول ده انا خايف وليد
يبريهو ما يخلي فيهو الاستيكة
لكن انا بديهو فرصة لسة
_____________________________________
انا لا زلت في السودان
يعني هنا لو انتي هنا
وهناك لو انتي هناك
وتلفوني هنا 0918059429
عشان شول ذاتو يفهم حاجة
مع خالص الود
Post: #8 Title: Re: إلى الأخ شول أشوال دينق ومن لف لفه (توجد قراصة) Author: شول اشوانق دينق Date: 10-01-2009, 10:47 AM Parent: #7
إتو الواحد يجى البلد ويعمل حمد لبد وخلااااااااااااااااااااااااس يكون فضل ليهو يومين يجى يدق صراخات ويشبكنا همشونى وما أدراك ما التهميش
اها يا دكتور اكان قعدت إسبوع تانى زى ما قلت بعزمك القراصة الما خمج وإن شاء الله اجيب ليك صحبك بتاع القراريص (لو متذكرو)
نورت البلد يا دكتور
__________ هبة إنتى اصبرى لى بس
Post: #9 Title: Re: إلى الأخ شول أشوال دينق ومن لف لفه (توجد قراصة) Author: ابراهيم قناوي Date: 10-01-2009, 10:59 AM Parent: #8
Quote: إتو الواحد يجى البلد ويعمل حمد لبد وخلااااااااااااااااااااااااس يكون فضل ليهو يومين يجى يدق صراخات ويشبكنا همشونى وما أدراك ما التهميش
اها يا دكتور اكان قعدت إسبوع تانى زى ما قلت بعزمك القراصة الما خمج وإن شاء الله اجيب ليك صحبك بتاع القراريص (لو متذكرو)
نورت البلد يا دكتور
الاسبوع هين
واصلو قاعدينوا ان شاء الله
بس النشوف آخرتا زي ما قال سعد الدين ابراهيم
والبركة في الشفت الجابا ضقلا يكركب
Quote: هبة إنتى اصبرى لى بس
هسة عليك الله تهديدك ده ما اخير منو التهميش ؟؟؟
__________________________
في انتظار مؤونة عام من القراصة
Post: #10 Title: Re: إلى الأخ شول أشوال دينق ومن لف لفه (توجد قراصة) Author: عادل عوض بلال Date: 10-01-2009, 11:09 AM Parent: #9
يا دكتور حمدا لله على سلامتكم ومن هسي القراصة دي نحن فيها وكما لو كانت ملوحة تكون أمنقا شي .. بالمناسبة في رمضان سافرت القصيم للعيد وحاولت اتصل بك جوالك مقفول ولكن عندما سألت محمد مجيد قال أنكم تركتم القصيم
تحياتي لكم والأسرة الكريمة
Post: #11 Title: Re: إلى الأخ شول أشوال دينق ومن لف لفه (توجد قراصة) Author: شول اشوانق دينق Date: 10-01-2009, 11:24 AM Parent: #10
Quote: إلى الأخ شول أشوال دينق ومن لف لفه (توجد قراصة)
انظر إلى ما تحته خط عزيزى المشاهد والقارئ وتساءل معى: إتَّ يا دكتور نضاراتك خربن تانى؟
عادل عوض سلامات وحبابك فى عزومة القراصة (ملوحة ما معانا ... الله داير تبقونا جلابة صحى صحى ولّ شنو)
Post: #12 Title: Re: إلى الأخ شول أشوال دينق ومن لف لفه (توجد قراصة) Author: ابراهيم قناوي Date: 10-01-2009, 11:31 AM Parent: #11
Quote: يا دكتور حمدا لله على سلامتكم ومن هسي القراصة دي نحن فيها وكما لو كانت ملوحة تكون أمنقا شي .. بالمناسبة في رمضان سافرت القصيم للعيد وحاولت اتصل بك جوالك مقفول ولكن عندما سألت محمد مجيد قال أنكم تركتم القصيم
تحياتي لكم والأسرة الكريمة
يا سلام يا عادل ياخ
والله حظنا كعب
لكن تتعوض ان شاء الله
لك التحية والتهاني بالعيد السعيد
Post: #14 Title: Re: إلى الأخ شول أشوال دينق ومن لف لفه (توجد قراصة) Author: ابراهيم قناوي Date: 10-01-2009, 11:34 AM Parent: #12
Quote: انظر إلى ما تحته خط عزيزى المشاهد والقارئ وتساءل معى: إتَّ يا دكتور نضاراتك خربن تانى؟
والله عزيزك المشاهد اصلو ما بحلك
دي كتبت بالاستعجال فعذرا
الظاهر الكيبورد حقي لقى القافية ماشة حلوة باللام
(وش ميت من القراصة بالملوحة)
Post: #13 Title: Re: إلى الأخ شول أشوال دينق ومن لف لفه (توجد قراصة) Author: شول اشوانق دينق Date: 10-01-2009, 11:34 AM Parent: #11
Quote: الليلة ما يحلك مني الا ود الصايم
ود الصايم ده كان بحل ما كان طلع بورداب الرياض من المنافسة
ود الصايم هووووووووى ... اقيف بعيد يا مان وما تقطع الشخيت
Post: #19 Title: Re: إلى الأخ شول أشوال دينق ومن لف لفه (توجد قراصة) Author: محمد الشيخ أرباب Date: 10-02-2009, 03:55 PM Parent: #18
Quote:
عادل عوض سلامات وحبابك فى عزومة القراصة (ملوحة ما معانا ... الله داير تبقونا جلابة صحى صحى ولّ شنو
يا شول ده نوع من الاستلاب الغذائي
تحياتي لك ووللدكتور
Post: #20 Title: Re: إلى الأخ شول أشوال دينق ومن لف لفه (توجد قراصة) Author: Zakaria Joseph Date: 10-02-2009, 04:07 PM Parent: #19
قريبنا شول اشوانق, و الله بختك يا اخوى. شنو الحكاية اليومين ديل? بوستات كثيرة باسمك منذا عيد الاضحى المبارك,(إيى طيك رمضان مونج كوا يى كن إى نقو?) و عزومة هنا و عزومة هناك. سلام لصاحب البوست.
Post: #21 Title: Re: إلى الأخ شول أشوال دينق ومن لف لفه (توجد قراصة) Author: ابراهيم قناوي Date: 10-03-2009, 07:59 AM Parent: #20
Quote: يا شول ده نوع من الاستلاب الغذائي
تحياتي لك ووللدكتور
وانت الصادق يا ود الارباب
ده استلاب معوي
لانو الملوحة دي من للزول البياكلا اول مرة
بتستلب امعاؤه وامعاء الجيران
لك التحية يا جميل
Post: #22 Title: Re: إلى الأخ شول أشوال دينق ومن لف لفه (توجد قراصة) Author: ابراهيم قناوي Date: 10-03-2009, 08:01 AM Parent: #21
Quote: قريبنا شول اشوانق, و الله بختك يا اخوى. شنو الحكاية اليومين ديل? بوستات كثيرة باسمك منذا عيد الاضحى المبارك,(إيى طيك رمضان مونج كوا يى كن إى نقو?) و عزومة هنا و عزومة هناك. سلام لصاحب البوست.
ومرحب بيك انت برضو يا ابو الزيك
في القراصة المدورة دي
كان بالدمعة ولا بالملوحة
وشكرا لتحياتك يا مان
Post: #23 Title: Re: إلى الأخ شول أشوال دينق ومن لف لفه (توجد قراصة) Author: عادل عوض بلال Date: 10-03-2009, 10:52 AM Parent: #22
الزول الراقي شول ... والله عزومتك وصلت وأكلناها وضربنا بعدها البلح كمان بكلام الحلو الزين يا زين بورداب الخرطوم ... وتسلم وإن شاء الله في أقرب زيارة للسودان أول زيارة حتكون لكم ... ولكم الود