Post: #1 Title: عرس زمان ..... ( فيديو ) Author: انور التكينة Date: 10-01-2009, 06:49 AM
عمنا قسم السيد ود بابكر.. الله يديهو العافية من ابرز الشخصيات الفكهة بقريتنا التكينة / شمال الجزيرة ، وهو صاحب نفس رضية و نكتة حاضرة و مواقف طريفة صارت تحكى و تتناقلها الالسن استدلالا فى كل مجرى حياة اهلى الطيبين . التقيته فى مناسبة و سألته ( محاولة توثيقية ) عن عرس زمان ...فرفدنى باجابة تفصيلية صادرة عن ذاكرة متقدة .. و الاجابة فى مقطع طويل اورد منه هذا الجزء و اعدكم بانزاله كاملا بعد تمكنى من تفعيل برنامج ضغط الفيديو ..
Post: #2 Title: Re: عرس زمان ..... ( فيديو ) Author: عبدالرحيم أبراهيم العبيد Date: 10-01-2009, 07:05 AM Parent: #1
الاخ /أنور تحياتي وكل عام وأنتم بخير متابعين يا قريبي تحياتي لعمنا قسم السيد وربنا يعطيه الصحه والعافيه وأيضا تحياتي لجميع أهلنا بالتكينه العم محمد أبراهيم محمد توم وجدودنا ال الفحل ويا ريت تعمل لقاء مع جدنا عبدالرحيم ودالفحل مع وافر التحايا
Post: #3 Title: Re: عرس زمان ..... ( فيديو ) Author: انور التكينة Date: 10-01-2009, 11:18 AM Parent: #2
Quote: وأيضا تحياتي لجميع أهلنا بالتكينه العم محمد أبراهيم محمد توم وجدودنا ال الفحل ويا ريت تعمل لقاء مع جدنا عبدالرحيم ودالفحل
الاخ عبد الرحمن تحياتى و شكرى للمرور
سأبلغ تحاياك و باذن الله انوى ان اوثق لعدد من الشخصيات البارزة خصوصا فى مجال الفكاهة و الشعر لك ودى
Post: #4 Title: Re: عرس زمان ..... ( فيديو ) Author: ناذر محمد الخليفة Date: 10-01-2009, 02:46 PM Parent: #3
لكم تحياتى و شكرى لا اريد ان افسد بهجة القادم ، لكن اؤكد ان المقاطع القادمة احلى
Post: #8 Title: Re: عرس زمان ..... ( فيديو ) Author: abdalla osman Date: 10-01-2009, 07:24 PM Parent: #7
واصل يا انور , عمك الله يطول عمرو.
Post: #9 Title: Re: عرس زمان ..... ( فيديو ) Author: MOHAMMED ELSHEIKH Date: 10-01-2009, 07:26 PM Parent: #7
التكينة يا خي انت ذاتك اقعد كدى وثق لينا عن عرس زمان. ما فيها حاجة الكبر ما عيب
Post: #10 Title: Re: عرس زمان ..... ( فيديو ) Author: انور التكينة Date: 10-02-2009, 06:27 AM Parent: #9
يا محمد الشيخ ... انا حفلة عرسى كانت بالنور الجيلانى .. أوثق شنو ؟
ما عندك مشكلة .. قول و ما تختشى .. بنساعدك من حكاوى عجايزنا
Post: #11 Title: Re: عرس زمان ..... ( فيديو ) Author: معاوية المدير Date: 10-02-2009, 06:38 AM Parent: #10
Quote: يا محمد الشيخ ... انا حفلة عرسى كانت بالنور الجيلانى .. أوثق شنو ؟
سبحان الله، النور الجيلاني ده أنا كنت قايلو فنان جديد، هو أتاريهو من الزمن داك...!!!
أنور التكينة، نعلك نطيّب ؟
Post: #12 Title: Re: عرس زمان ..... ( فيديو ) Author: انور التكينة Date: 10-02-2009, 06:56 AM Parent: #11
اهلين معاوية المدير
Quote: سبحان الله، النور الجيلاني ده أنا كنت قايلو فنان جديد، هو أتاريهو من الزمن داك...!!!
ما للدرجة دى يا معاوية ... انا اتزوجت 1981 و النور الجيلانى فى القمة لكن ود الشيخ دايرنى احكى ليهو عن براميل المريسة و البطان و الرقيص بالرحط ...
Post: #13 Title: Re: عرس زمان ..... ( فيديو ) Author: Abdlaziz Eisa Date: 10-02-2009, 09:50 AM Parent: #12
Quote: حليلنا نحن يا أنور العرسنا كان خالي مريسة
قلت لي كم أردب
لكن عندك شهر عسل يا ناذر
لو حكومتك ضعيفة ممكن تجدد نفسك في بعض ربوع السودان بنفس زخم عمنا ده..
تحياتي وشكري يا تكينة..
Post: #14 Title: Re: عرس زمان ..... ( فيديو ) Author: انور التكينة Date: 10-02-2009, 11:50 AM Parent: #13
Quote: لو حكومتك ضعيفة ممكن تجدد نفسك في بعض ربوع السودان بنفس زخم عمنا ده..
وييييييييييييييييييييييييييييييييييييييييين؟
Post: #15 Title: Re: عرس زمان ..... ( فيديو ) Author: عثمان عبدالقادر Date: 10-02-2009, 01:57 PM Parent: #14
الأخ / أنور
طيب التحايا وكل عام وانت بخير
ياراجل جهجهتني بقسم السيد الطيب ,تذكرت وأنا أطالع الفيديو عبارة سعد بن أبي وقاص عن أبي محجن الثقفي ( الضبر ضبر البلقاء والطعن طعن أبي محجن )علما أنه كان يضع أبي محجن في السجن فالرجل الذي أمامي هو الخال قسم السيد ودبابكر ود أبراهيم ود مختار صاحب الملح والطرائف أطال الله عمره والإسم ود الطيب .المهم ياسيدي بعد ما يخلص العرس شوف لينا شوية سلات وكورة حسوّة باقي أنا ما بحب البقنية . تحياتي لجميع الأهل بالتكينة .
Quote: فالرجل الذي أمامي هو الخال قسم السيد ودبابكر ود أبراهيم ود مختار صاحب الملح والطرائف أطال الله عمره
الحبيب عثمان عبد القادر ... ما شاء الله عليك و على ذاكرتك الحاضرة .. هو فعلا كما قلت ، و لا عذر لى فى الخطأ سوى التسرع و عدم التثبت ... اعدك بمقاطع جميلة لبقية كلام العم قسم السيد و مقاطع اخرى لحامد ود أمحمد المهدى و اخرين ستشكل اضافة تراثية معتبرة باذن الله . لك ودى ، و تحاياك و صلت ... و هاك كورة العسلية دى بل ريقك .
Post: #17 Title: Re: عرس زمان ..... ( فيديو ) Author: عثمان عبدالقادر Date: 10-02-2009, 08:59 PM Parent: #16
يا سلام ياأنور والله حاتكون حاجة روعة كلا الشخصيتين لا يشبع المرء من ظرفهما إنت عارف خالي حامد(الماصع) قال إنو مرة مشى ودأبشام ولقي دلوكة عامرة والخدم غنايات والسوط مدور وأهلك المسلمية ديل طبعا ضرّابين وعرّاضين وهو كان جمالي . قال شايل سوطي ونزلت في الدلوكة أعرض وأصوقر وأهز في الخدم ,لمن كترت الخمج ,العرب قالوا الضيف دقوا ونزلوا لي واحد عنتيل وجهامة, يقول قعدت أصوقر وأهز وأجي جنبو بالسوط وأرجع أهز في الخدم( نظام حرب نفسية). في واحد من العرب برّة قال لي أخوك نجضلو فقال رديت عليهو قلت , غايتو نجاضو ما بعرفو لكن طلق شِقّو ده أكان تلقوه في قناطر أزرق (علماً بأنهم في ود أبشام بالشرق) .قال شوية الجماعة جو جرجرو الزول مرقو من الحلقة .
أبو حمــــــــــد
Post: #18 Title: Re: عرس زمان ..... ( فيديو ) Author: ناذر محمد الخليفة Date: 10-03-2009, 06:15 AM Parent: #17
Quote: لو حكومتك ضعيفة ممكن تجدد نفسك في بعض ربوع السودان بنفس زخم عمنا ده..
:D
Post: #19 Title: Re: عرس زمان ..... ( فيديو ) Author: Abdlaziz Eisa Date: 10-03-2009, 07:46 AM Parent: #18
عفيت منك يا ود التكينة دا شغل صاح ؛ توثيق نحتاج اليه قبل ان يرحلوا وربنا يطول في عمرك عم قسم السيد؛ احلا حياة لا عقد ولا تعقيد العرس ٤٠يوم والمريسة اردب ؛ تقريبا نفس حكاوي اهلنا ناس رفاعة وحكمة الاربعين دي تلقاه في الفرح وفي الترح ؛ العرس والنفاس والبكا وربما اربعينات اخر والمشروبات كلها مغذية ومنعنشة البقنية والعسلية وملاح التقلية يا حليلكن مو نحنا ناس البيبسي والجكسي
Quote: سلام عبد العزيز نادر نفسو فى ال ........... و خايف من ال ............ لكن نحن راضعين فوق الصرار .... بتعرف كلام العرب ده ؟
يا اخوى خايف تكزن هجمتك المرتدة دى نتيجة خوفك من حكومتك ... طبعا لو قلت وين ، بتنقبض بالثابتة ... نط من كلامك بنقيلك ... مية نطة و لا .......... واحد
الأستاذ/ التكينة
ناذر بنقدر ظروفه.. ما قادر يقول كلمة.. مع حكومته الموسيلينية دي الله يكون في عونه!!
وانت يا حبيب كتر لي من كلام العرب ده.. ما أصلو الصحفيين تجار كلام.. والسواي ماهو حدّاث!!
نحن سامحين لينا بحرية التعبير وبنمارس حقوقنا بلا رقابة.. شفت كيف!!
Quote: اين انت ؟ اوعى تكون معتقل فى المطبخ ؟
والمطبخ مالو!! عيبو لي.. مش هو مكان النار!! والرجال الصاح بتقابل النار.. وبعدين حتى الخضرة دي لو الحكومة قالت لك ورّقها, ماهي زي غصن الزيتون لو حملتها في يدك ستكون رجل ذو همة ومصدر سلام.. شفت شفافية حكوماتنا!!
