Post: #1
Title: عريس يطلق عروسه لرفضها ربط حزام الأمان
Author: GeerTor Tong
Date: 09-30-2009, 10:50 PM
Parent: #0
تسبب حزام الأمان بطلاق زوجين سعوديين حديثي الارتباط، في أول حالة من نوعها تشهدها المملكة العربية السعودية. وكان خلاف قد نشب بين الزوجين، وبعد احتدام الشجار، طلبت الزوجة إيصالها إلى أسرتها التي تسكن أطراف مدينة الخبر. وخلال توصيلها، طلب الرجل من زوجته ربط حزام الأمان، لكنها رفضت، مشيرة إلى أنها تريد أن تحرر له مخالفة عند نقطة تفتيش رجال المرور. وبعد فشل محاولاته بدفعها لربط الحزام، ثار الزوج غاضباً، وخيّر زوجته بين ربط الحزام أو الطلاق. ولكن الزوجة أصرت على رأيها، فما كان منه إلا ان نفذ تهديده بتطليقها.
راجع الرابط:http://www.moheet.com/newsPopup.aspx?nid=304102
رأيكم شنو؟
بيني وبينكم انا لو محلو باخ نفس قرارو دا....مرا زي لو في البيت كانت ساطور وموية ساخنة وحاجات زي دي
قير تور
|
Post: #2
Title: Re: عريس يطلق عروسه لرفضها ربط حزام الأمان
Author: Elsanosi Badr
Date: 09-30-2009, 10:58 PM
Parent: #1
القصه يا قير تور ما حزام امان !!!!
في واحد برضو طلق مرتو عشان عفصت المعجون من النص !!!!
|
Post: #5
Title: Re: عريس يطلق عروسه لرفضها ربط حزام الأمان
Author: GeerTor Tong
Date: 09-30-2009, 11:05 PM
Parent: #2
| Quote: القصه يا قير تور ما حزام امان !!!! |
مرحب بيك يا السنوسي ..انت المصحيك للوكت دا شنو؟
بعدين جبت لينا الكلام اللي بيشبه ايام الجامعة دي من وين؟
يعني قصدي من راسك واللا كراسك
زمان بنسمع (القصة ما قصة رغيف).
| Quote: في واحد برضو طلق مرتو عشان عفصت المعجون من النص !!!! |
زول زي ممكن يكون عندو سبب آخر غير عفص المعجون وما دامت مرتو فهناك اشياء خافية
لكن لاحظ انو دي عروس وتتعمد من قولة التيت الحاق الضرر بزوجها
دا معناه ما بتحبو وممكن عرسوها ليهو بالقوة
شكراً على المرور
قير تور
|
Post: #3
Title: Re: عريس يطلق عروسه لرفضها ربط حزام الأمان
Author: GeerTor Tong
Date: 09-30-2009, 10:59 PM
Parent: #1
| Quote: وخلال توصيلها، طلب الرجل من زوجته ربط حزام الأمان، لكنها رفضت، مشيرة إلى أنها تريد أن تحرر له مخالفة عند نقطة تفتيش رجال المرور |
الجملة دي بورينا انو الشخص اللي صاغ العنوان اراد الإثارة ، وحسب تقديري فسبب الطلاق ليس رفض ربط حزام
الأمان لكن نية القصد في التسبب بإلحاق الضرر عمداً.
إذا كانت تتعمد إلحاق الضرر بزوجها وهي ما تزال عروس فكيف ستكون عندما تكون ثبتت اقدامها و(تمكنت)
مش كان اخير لها المثل السوداني تمسكن حتى تتمكن...؟
|
Post: #4
Title: Re: عريس يطلق عروسه لرفضها ربط حزام الأمان
Author: Elsanosi Badr
Date: 09-30-2009, 11:03 PM
Parent: #3
يا قير تور ...الراجل كان بكل بساطه يوديها بيت ابوها وفي الطريق يدفع الغرامه ويقوم يخصمها من المصروف ...
|
Post: #7
Title: Re: عريس يطلق عروسه لرفضها ربط حزام الأمان
Author: GeerTor Tong
Date: 09-30-2009, 11:12 PM
Parent: #4
| Quote: الراجل كان بكل بساطه يوديها بيت ابوها وفي الطريق يدفع الغرامه ويقوم يخصمها من المصروف ... |
يا ود بدر
كدا حلل تصرف كل من العريس والعروس تجدهما عنيدان وليس هناك شخص يتنازل تجاه الآخر
إذا الراجل دفع الغرامة فهذه ستحس بالنصر ولن تتوقف هنافهي ستفكر في وسيلة أخرى تبتز
بها العريس.
والعريس بدوره لا يريد قبول سياسة الأمر الواقع.
|
Post: #6
Title: Re: عريس يطلق عروسه لرفضها ربط حزام الأمان
Author: نادر الفضلى
Date: 09-30-2009, 11:09 PM
Parent: #3
Quote:
إذا كانت تتعمد غلحاق الضرر بزوجها وهي ما تزال عروس فكيف ستكون عندما تكون ثبتت اقدامها و(تمكنت)
مش كان اخير لها المثل السوداني تمسكن حتى تتمكن...؟
|
الجواب من عنوانه .. تصرف العروس ينم عن شخصية عنادية و غير عقلانية ، وتصرفاتها وردود أفعالها غير مقبولة ولا يمكن التحكم فى أضرارها أوالتفاهم معها!
قرار الزوج يالطلاق فى رأيى سليم ..!
|
Post: #8
Title: Re: عريس يطلق عروسه لرفضها ربط حزام الأمان
Author: GeerTor Tong
Date: 09-30-2009, 11:18 PM
Parent: #6
Quote: تصرف العروس ينم عن شخصية عنادية و غير عقلانية ، وتصرفاتها وردود أفعالها غير مقبولة ولا يمكن التحكم فى أضرارها أوالتفاهم معها!
قرار الزوج يالطلاق فى رأيى سليم ..! |
انا شخصياً متفق مع قرار العريس واعتبره قراراً محترماً.
لاحظ بأن العريس تحدث عن ربط الحزام فافصحت العروس بنيتها أي أنهالم تطلق بسبب
سهو منها .وكذلك فالعريس افصح عواقب نيتها هذه فاصرت على رايها وهي كانت طريقها
إلى أهلها.
ماذا كان على العريس فعله وهو يدهب بها إلى أهلها حسب طلبها؟ (يعني كان لازم يبصم
على طلب لأنها عروس)؟
شكراً على المرور يا نادر وخليك جاهز يا حوي بعد يجونا نساوين بجاي يقولن نحنا ضدهن
نا حالق من هسع.
|
Post: #9
Title: Re: عريس يطلق عروسه لرفضها ربط حزام الأمان
Author: نادر الفضلى
Date: 09-30-2009, 11:43 PM
Parent: #8
Quote:
شكراً على المرور يا نادر وخليك جاهز يا حوي بعد يجونا نساوين بجاي يقولن نحنا ضدهن
نا حالق من هسع.
|
عزيزى قيرتور تونق : GeerTor Tong
ما تخاف جاهز موية ونور .. !
|
Post: #10
Title: Re: عريس يطلق عروسه لرفضها ربط حزام الأمان
Author: walid shingrai
Date: 10-01-2009, 01:03 AM
Parent: #9
يعني ما كان ممكن بدل ما يهددها بالطلاق يهددها بشى اقل
ثقافة الرجل الشرقي
MY WAY OR THE HIGHWAY
حيرجعها اذا لقي انه قيمه المخالفه المروريه اقل من عرس جديد
|
Post: #11
Title: Re: عريس يطلق عروسه لرفضها ربط حزام الأمان
Author: نادر الفضلى
Date: 10-01-2009, 01:27 AM
Parent: #10
Quote:
يعني ما كان ممكن بدل ما يهددها بالطلاق يهددها بشى اقل
ثقافة الرجل الشرقي
MY WAY OR THE HIGHWAY
حيرجعها اذا لقي انه قيمه المخالفه المروريه اقل من عرس جديد
|
الأخ وليد
تحياتى
أراك تقر مبدأ التهديد .. مقترحاً أن يهدد الزوج زوجته بشى أقل من الطلاق (برضو مفهوم رجل شرقى)
عموماً الوصول لمرحلة التهديد مهما كانت درجته ..معناه إستنفاذ وسائل التفاهم
المسألة ما فى القيمة أو الخسارة المادية التى تسببها المخالفة المرورية
المسألة فى أن ربط حزام السلامة أمر مسلم به ولا يحتاج لمنازعة وخلاف عليه
حتى إذا كان بين الزوجين خلاف فى أمر آخر.
وإذا كانت الزوجة هذا سلوكها وتصرفها عندما تكون على خلاف مع زوجها
فهو دلالة لنكد متواصل و خلاف على مسلمات .. تدفع الزوج (بالتهديد) لحسمها
والخلافات الزوجية قد تكون تراكم أشياء صغيرة تنتهى بالطلاق ..
يختلف الناس و يختلف الأزواج .. ولكن فى رأيى من أصعب الأمور التعامل مع
شخص أحمق لا يتعامل بعقلانية تتنازع معه فى امور لا خلافية من المسلمات
خاصة إذا كان يعيش أو تعيش معك تحت سقف واحد.
|
Post: #15
Title: Re: عريس يطلق عروسه لرفضها ربط حزام الأمان
Author: walid shingrai
Date: 10-01-2009, 02:44 AM
Parent: #11
Quote: الأخ وليد
تحياتى
أراك تقر مبدأ التهديد .. مقترحاً أن يهدد الزوج زوجته بشى أقل من الطلاق (برضو مفهوم رجل شرقى) |
قبطتني في دي بعد منزلت الرد حاولت تعديله
معاك في دي الظاهر تغلب علي التفكير الشرقي المادي
بعد التعب ده كلو عشان تعرس تدخل نفسك في حته ضيقه زي دي
تهدد بالطلاق عشان مخالفة ربط حزام امان
انا غايتو كان اخت عدة مخالفات
القياده بتهور
السرعه الشديده مع التوقف المفاجي
والمشاكل الاخري
السهر برة البيت
وما شابهه من حلول
طلاق لا
|
Post: #13
Title: Re: عريس يطلق عروسه لرفضها ربط حزام الأمان
Author: GeerTor Tong
Date: 10-01-2009, 02:03 AM
Parent: #10
Quote: يعني ما كان ممكن بدل ما يهددها بالطلاق يهددها بشى اقل
ثقافة الرجل الشرقي
MY WAY OR THE HIGHWAY
حيرجعها اذا لقي انه قيمه المخالفه المروريه اقل من عرس جديد |
الأخ وليد شنقراي
بعد التحية
بالعودة إلى الموضوع نجد بأن هذين عروسين (يعني ما يزالان في عتبة الزوجية)
ثم أن العريس كان في طريقه إلى منزل أهل العروس نزولاً على طلب العروس (يعني
لو كان فهم العريس هنا فهم شرقي كما تريد التنويه له لكان تعارك معها)
الأمر الثالث ان العريس لم يبدأ بالتهديد إنما قام بتنبيه العروس والأخيرة
لا تريد الإلتزام عمداً بدون سبب مقنع سوى إرضاء نفسها المريضة لإهدار مال زوجها
مثل هذا المرأة تركها افضل حتى كلف زواج إمرأة أخرى مليون دولار.
فمثل هذه المرأة لو كان لديك تريليون يورو فهي ستقوم بتبديدها عمداً وقت ما كان
بينكما خلاف.
أما قولك | Quote: حيرجعها اذا لقي انه قيمه المخالفه المروريه اقل من عرس جديد |
فهذا ما لا استطيع ادلاء رأيي حوله لأن مستقبل لا نعلمه فنحن نقوم بتحليل وقائع حدثت حقيقة
وليست مجرد تكهنات عما سيحدث.
يمكن لشخص آخر الإختلاف معك فيقول بأنه لن يرجعها أو يحدث العكس يأتي أحدهم فتفق معك
وفي الحالتين لم نعطي الأسباب الموضوعية لتصرف العريس مع عروسته
|
Post: #12
Title: Re: عريس يطلق عروسه لرفضها ربط حزام الأمان
Author: Al-Shaygi
Date: 10-01-2009, 01:56 AM
Parent: #1
Quote: بيني وبينكم انا لو محلو باخ نفس قرارو دا....مرا زي لو في البيت كانت ساطور وموية ساخنة وحاجات زي دي
|
قيرتور
إنت متأكد أنه المدام ما بتقرأ بوستاتك؟؟؟
رأي ؟؟؟
كان ما بتقراها بيقرنها جاراتها....
وجاراتها ديمه يقولن ليً عطوفه
إلا من شوفتا لي تسل سيوفها
ما تقول لي جعلي من ناس ودالباوقه؟؟؟
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #14
Title: Re: عريس يطلق عروسه لرفضها ربط حزام الأمان
Author: GeerTor Tong
Date: 10-01-2009, 02:12 AM
Parent: #12
يا الشايقي
إزيك وكل سنة انت بخير
كدا اول حاجة انا مشتكي من الخضرة اللي انت خاتيهو هنا فكل يوم بتي الصغيرة
عاملة مشكلة وشابكاني بابا داير ملاح خضرة ومرة تقول لي دايرة ويكة
المهم يا خوي دي آخر قصة حكيتها قبال شوية للمدام وبعد داك جيت راجع للبوست
| Quote: ما تقول لي جعلي من ناس ودالباوقه؟؟؟ |
يا خوي القسم بالطلاق ما عندنا في قبيلتنا والباوقة ما قالت ناقصة ناس عشان
تضمني ليها لي بلدي واهلي والحمد لله بفخر بيهم .......
وعند أهلي ميار ومبيور يعنيان الأبيض.
ولغاية هنا كفاية.
مع تحياتي
قير تور
|
|