Post: #1
Title: يا عماد عبد الله يعني شاغلكـ ( الــــــــدوام ) ؟؟؟
Author: عمران حسن صالح
Date: 09-30-2009, 10:41 PM
وحتى لا تطير عيشة الحوش .. ويجينا زائر (جديد) يلاقي عناوين حوشنا بلا ( تاريخ ) قلنا نصحي الخلايا النائمة دي ... ساكين الدوام الله يقلع الدوام وسنينو
هي يازول إت قايل نفسكـ حق روحكـ براكـ .. ؟؟؟
أصلو مرَ خريفاً شين (يا قول حبوبتي ) ، والخريف ( دعاش ) و (ردة ) روح يا حبوبة ، أها بعض بيوت حوشنا جالوص يا مان ، والمطرة (كبَت) شديد (ماصت) الحيطان ولازمنا صيانة !!!
ما صيانة عناوين!!
الـ ( بيبان ) ( بنتاقيها ساكت ) ..
الكلام ( الأوض) جوة ..
( دايراله لياسة ) .. ليــاســـــــــــــــــــــــــــــة
أها قلنا نرجع نشوف السحَارة من (أوضكـ ) الفي الأرشيف ( المليَســة ) نمرق من حاجاته لي الضيفان ديل عشان يجونا راجعين .
.
.
.
.
.
كسير شيكولاته عديل كده ..... 
|
Post: #2
Title: Re: يا عماد عبد الله يعني شاغلكـ ( الــــــــدوام ) ؟؟؟
Author: عمران حسن صالح
Date: 09-30-2009, 10:44 PM
Parent: #1
| Quote: جنوب الخرطوم مطوقٌ بحزام الفقر .. لا خاصرة للأرض هنا .. بل كلها مؤخرة ملتهبة بالعوز و الفقر و محازن و ظلامات الدنيا و العالمين .. و قد كنتُ أعرف عن الخرطوم شغفها بالفارغة منذ أن عدتُ موسوماً بصفة ( المواطن المقيم ) من بعد أن ظللتُ زمناً أدمَغ بالتعريف العجيب : مقيم . و بما أنني عدتُ بفارق زمني هو فلكيٌ بمقاسة أهل البلاد السودانية من المواطنين الصابرين الصامدين المنكربين العاضين على القضية و المؤلفة معاناتهم و الواطئين الجمر و المُكدبين على أيّما شيء يقيم الأود و يسند شوية الكرامة التي فضلت لديهم كورقة توت يتيمة .. و آخر حصنٍ ما تهاوى بعدُ ، من بعدِ تهاوي كل تلك الترهات |
__________________________________________________________
توطين التايتانِك
.
.
.
|
Post: #3
Title: Re: يا عماد عبد الله يعني شاغلكـ ( الــــــــدوام ) ؟؟؟
Author: عمران حسن صالح
Date: 09-30-2009, 10:49 PM
Parent: #2
Quote: و كان ( سوط المطر ) قوساً لوناً من أول السماء لآخرها ..
قالت أمي بأن ( ميكاييل ) وكيل المطر يهشُ بالسوط على قطعان السحابات و « يسوقها قدامو « حتى لتصل إلى الحجاز .. حتى لبيت النبي .
و كنت استأنس بالصورة التي صنعتها طفولتي للنبي .. كحيل العينين واسعها ، طيب القسمات ، حنوناً .. و كيف أن بيته مثله : طيباً و حنوناً .. ببرنداتٍ واسعات و حوشٍ مقشوشٍ مرشوش . |
___________________
.
.
يا سوط المطر ..
.
.
|
Post: #4
Title: Re: يا عماد عبد الله يعني شاغلكـ ( الــــــــدوام ) ؟؟؟
Author: عمران حسن صالح
Date: 09-30-2009, 10:52 PM
Parent: #3
Quote: عند إشارة المريديان جاطت الدنيا .. و حلف ثلاثة من سائقي العربات في إتجاهات مختلفة .. حلفوا بالطلاق أن الشارع حقهم ..
فلم يحرك ( بوليس الحركة ) ساكناً .. و لا انا حفلتُ .. و لا كافة الشعب السوداني المتواجد في تلك الساعة على ذلك ( المفترق )
تشاغلت بالتطلع لما حولي - أسوة ببقية المواطنين – |
__________________
.
( فصل الدين عن الدولة ) .. في عز السخانة !!
.
.
|
Post: #5
Title: Re: يا عماد عبد الله يعني شاغلكـ ( الــــــــدوام ) ؟؟؟
Author: عمران حسن صالح
Date: 09-30-2009, 10:59 PM
Parent: #4
| Quote: في مرحلة لاحقة من عمري ظل ملازماً لي مقتي للقطط عظيما , أعود كنت في أواخر الليل و رأسي في مزاجها الحلو العالي .. ممنياً النفس بسرحان و تأمل لذيذ الخدر . و قد كانت السماء جميلة زمانئذٍ , و قريبة حتى ليمكنك رؤية السيدة المرسومة على القمر جالسة على كرسي تخيط الثياب لأطفال يتقافزون حولها .. سيدة صبورٌ لا شك في جلستها الأبدية تلك . فما كان ينغص عليّ ليلي , و يطير عصافير مزاجي إلا تلك المخلوقات البشعة : القطط . |
___________________________
()
()
حوّاااااااااااااا .. داوووووووووووود .. ( قططٌ فاسقة )
.
|
Post: #6
Title: Re: يا عماد عبد الله يعني شاغلكـ ( الــــــــدوام ) ؟؟؟
Author: طارق جبريل
Date: 09-30-2009, 11:17 PM
Parent: #5
يا قريبي
اسامة داوود عوقنا في عماد دة
|
Post: #8
Title: Re: يا عماد عبد الله يعني شاغلكـ ( الــــــــدوام ) ؟؟؟
Author: عمران حسن صالح
Date: 09-30-2009, 11:28 PM
Parent: #6
| Quote: اسامة داوود عوقنا في عماد دة |
يا طارق هي عويقة نصاح ..
والله بالطريقة دي تاني يبقى زي صديقي عمار السنوسي ، إلا يمشي في إجازات الصيف ( ينطرب ويجي راجع ) ..
أها عمدتنا ده إجازتو بره السودان ، يروح قطر يلبد ليهو جم كمبيوتر ( ينطرب ) ويرجع ..
|
Post: #7
Title: Re: يا عماد عبد الله يعني شاغلكـ ( الــــــــدوام ) ؟؟؟
Author: عمران حسن صالح
Date: 09-30-2009, 11:21 PM
Parent: #5
بالمناسبة مكتبتكـ ناقصة كتير ، في حاجات ضاعت وأكيد انت حافظه . من ضمنها موضوع بعنوان غريب أعدت أنا نشره لكـ لو تذكر؟؟
أقلاها نزلو هنا ( نذاكر ) بيهو ..
سلمت أينما كنت ...
وأقول مع الجندرية : | Quote: وارجى الجاياك من جراء تعذيبنا بهكذا كتابات |
والجايييكـ خير للطيش ...
.
.
.
_______________________________________________________________________________
التوقيع :
صديق ( إسفيري ) يحبكـ لوجه الواحد الأحد ...
|
Post: #9
Title: Re: يا عماد عبد الله يعني شاغلكـ ( الــــــــدوام ) ؟؟؟
Author: عمران حسن صالح
Date: 10-01-2009, 07:18 AM
Parent: #7
(-)
|
Post: #10
Title: Re: يا عماد عبد الله يعني شاغلكـ ( الــــــــدوام ) ؟؟؟
Author: عمران حسن صالح
Date: 10-01-2009, 10:54 AM
Parent: #9
شكلكـ فعلاً شغلكـ الدوام ...
خلاص نقعد نغني ليكـ .. ظلموني
|
Post: #11
Title: Re: يا عماد عبد الله يعني شاغلكـ ( الــــــــدوام ) ؟؟؟
Author: Emad Abdulla
Date: 10-01-2009, 11:22 AM
Parent: #10
حقو الواحد يعضيك في راسك ..
ياخي يا عمران أنا ناوي أبقى زول مرطب ..
شغال بيديني و كرعيني في سبيل ذلك الهدف النبيل .
نفسي ياخي اتفنكه كده و أدلع رقبتي و أحسبها من زمرة الناس التي هي ممنجهة ..
و سأسعى لذلك جهد جهدي و طاقة طاقتي .. عشان أمرق من دايرة الفقر الشريرة دي الهلكتنا ياخي ..
ساعدني يا عمران ياخ بدل ما تقوم تتور علي الضرس العوير بتاع الكتابة و الرسم و الأوهام الما بتجيب حقها دي ياخي .
هسه كده كويس ؟ .. البيزنس مان الزيي كده صعب عليهو يضيع عشرة دقايق في هذا الكلام الملغوس الذي تسمونه كتابة و ما بعرف إبداع و شغل ميت .
إنت يا عمران ما زدوكم علم إدارة الوقت ياخي ؟ .. يدوكم ليهو وين صحي و إنتو الفنانون في الأرض و أصحاب القضايا الإنسانية و الجمالية و الأدبية و الفنية .. و كل ذلك الكلام الكبار كبار الهلكنا ياخي و ضيعنا فيهو عمرنا فشوش ساكت !!
......
تعرف أنا بحبك ليه ؟
عشان أنت أكتر زول فقر في الدنيا و ماسك في حاجاتك و مكدب فيها .. و مهموم بيها و ما داير تفكها و كلو فوق راي ..
بس ياهو حكاية ( الفقري رايو واسع ) .
بجيك بالليل يا عمران .. و نقزقز الكلام ..
أقول ليك شكراً إنك بتردني لجادة البني آدميين ؟؟
يا زول يا صاح .
|
Post: #12
Title: Re: يا عماد عبد الله يعني شاغلكـ ( الــــــــدوام ) ؟؟؟
Author: أميرة فاروق عبد العال
Date: 10-01-2009, 11:31 AM
Parent: #11
| Quote: أقول ليك شكراً إنك بتردني لجادة البني آدميين ؟؟ |
وتاني شكرا لـ عمران..
إنه ردّاك لينا إنت..
بالجنبة:-
سبحان الله إسم (عمران) ده دائما،
إسم على مسمى..
|
Post: #15
Title: Re: يا عماد عبد الله يعني شاغلكـ ( الــــــــدوام ) ؟؟؟
Author: عمران حسن صالح
Date: 10-01-2009, 04:09 PM
Parent: #12
Quote: سبحان الله إسم (عمران) ده دائما،
إسم على مسمى.. |
أها يا الأميرة أنا سميت بوستيني ده كسير شيكولاته ... انت عجنتي لي بسبوسة عديل كده ..
أساسي ( الفقران ) بسميها رمي طعمية ... ( وش مشتاق ) ..
..
يا ستي تسلمي للطلة والمجاملة الرقيقة ..
|
Post: #13
Title: Re: يا عماد عبد الله يعني شاغلكـ ( الــــــــدوام ) ؟؟؟
Author: عمران حسن صالح
Date: 10-01-2009, 11:37 AM
Parent: #11
Quote: تعرف أنا بحبك ليه ؟
عشان أنت أكتر زول فقر في الدنيا و ماسك في حاجاتك و مكدب فيها .. |
Quote: أقول ليك شكراً إنك بتردني لجادة البني آدميين ؟؟
|
حنكـ بيش !!
نخلي بالليل يا سيدي ...
بجيكـ ( مخمِس ) .. ( في شدة عليها كسرة في الميم )
يعني بكره ما عندي دوام ...
|
Post: #14
Title: Re: يا عماد عبد الله يعني شاغلكـ ( الــــــــدوام ) ؟؟؟
Author: عمران حسن صالح
Date: 10-01-2009, 12:27 PM
Parent: #13
| Quote: و سأسعى لذلك جهد جهدي و طاقة طاقتي .. عشان أمرق من دايرة الفقر الشريرة دي الهلكتنا ياخي .. |
قطيعة تقطع الفقر وسنين الفقر ..
فقراً ودانا الصحاري نفتش لى البملأ (باقة) الزيت من غير ما (سيد) الدكان يرجع الحاجَة يدينا فاضيات ...
فقراً مليان ملاريا وفر دم وحرامية مرقنا من ريحة الدعاش ومن كلام ( الدنيا دي شن فيها غير لمت ناس حُنان ) ..
حسي العايز العض في راسو منو ؟؟ رجعتني تاني !!
...........
.
|
Post: #16
Title: Re: يا عماد عبد الله يعني شاغلكـ ( الــــــــدوام ) ؟؟؟
Author: Baha Elhadi
Date: 10-01-2009, 04:27 PM
Parent: #14
عماد : يا صديقي
من يملك هذا الحرف ويعرف كيف يرصفه ويناغمه بجوار أخيه
ومن يتفق كل الناس على محبته
ليس فقيرا
بس بتكون (شبعة أم دريقة )
من محبة ناس الخرطوم
التي تجعلك مثل الضيف الذي بكى من كرم مضيفيه
عمران شكرا لك على تجميع حزم من ضوء عماد
لكما ودي
بهاء
|
Post: #17
Title: Re: يا عماد عبد الله يعني شاغلكـ ( الــــــــدوام ) ؟؟؟
Author: عمران حسن صالح
Date: 10-01-2009, 06:29 PM
Parent: #16
Quote: ليس فقيرا
بس بتكون (شبعة أم دريقة )
|
.
.
شكرا لمروركـ بها الهادي ...
|
Post: #18
Title: Re: يا عماد عبد الله يعني شاغلكـ ( الــــــــدوام ) ؟؟؟
Author: عمران حسن صالح
Date: 10-01-2009, 06:33 PM
Parent: #17
| Quote: بجيك بالليل يا عمران .. و نقزقز الكلام .. |
إنتو اليل بقى يبدأ الساعة كم في السودان ؟؟؟؟
|
Post: #19
Title: Re: يا عماد عبد الله يعني شاغلكـ ( الــــــــدوام ) ؟؟؟
Author: عمران حسن صالح
Date: 10-02-2009, 00:41 AM
Parent: #18
أها أصبحت 
بلاهي ليل قبل ما تفهم فيهو حاجة يقوم يكمل ..
إنا لله ..
|
Post: #20
Title: Re: يا عماد عبد الله يعني شاغلكـ ( الــــــــدوام ) ؟؟؟
Author: Emad Abdulla
Date: 10-02-2009, 06:48 AM
Parent: #19
أصلو ما تتكل على ليل الخميس .. ممحوق .
غايتو ناس تمبس ما بيتلفتو فيهو ..
ينحتونه في أطراف الرياض نحتا ..
- و ما أم الحمام ببعيدة -
......
صباح الخير يا صاحبي .
|
Post: #21
Title: Re: يا عماد عبد الله يعني شاغلكـ ( الــــــــدوام ) ؟؟؟
Author: هواري نمر
Date: 10-02-2009, 10:22 AM
Parent: #20
عمران..@عماد
عينان ..جميلتان..
لهما في رؤية الجمال ذوق,والي حب الانسان شوق,
شكرا لكما....
|
Post: #22
Title: Re: يا عماد عبد الله يعني شاغلكـ ( الــــــــدوام ) ؟؟؟
Author: عمران حسن صالح
Date: 10-02-2009, 05:43 PM
Parent: #21
| Quote: لهما في رؤية الجمال ذوق,والي حب الانسان شوق, |
مرحبا أستاذ هواري ....
الليهو في رؤية الجمال ذوق الزول " الختري " ده .. نحن نستمتع بالقراءة ..
" باقي لي " مشاكل الجري شكلها شايلاهو شوية شوية .. عشان كده بنناديهو ما يغيب علينا كتير
|
Post: #23
Title: Re: يا عماد عبد الله يعني شاغلكـ ( الــــــــدوام ) ؟؟؟
Author: الوليد محمد الامين
Date: 10-02-2009, 07:13 PM
Parent: #22
مساء الخير ايها الأصدقاء ...
|
Post: #24
Title: Re: يا عماد عبد الله يعني شاغلكـ ( الــــــــدوام ) ؟؟؟
Author: عمران حسن صالح
Date: 10-02-2009, 07:35 PM
Parent: #23
| Quote: مساء الخير ايها الأصدقاء ... |
ومساءكـ يا الوليد ...
عشان كده قلنا عايزين صيانة لي غرفنا وحاجاتنا ، عشان الزيكـ يا وليد ( شارد من الحوش ) ...
شايف ( حيَط ) حوشنا شاخت وخايف تقع عليكـ حيطة ولا سقف ...
من 2003 ، دفعة الناس الكانت عايشة هنا ، ان شاء الله بس تجي وتمسي علينا ، أو تمسي على أهل الجمال زي عماد عبد الله وآخرون .
تمسي وترفع البوست فوق عشان الناس البتستمتع تلقى الحاجات الجميلة في وشها .. العناوين المغرية ( بالجمال) أو الكاتب المميز
بقى ما في زمن لي SEARCH والناس عايزة القدامه ... يلا يقوم عماد ده يجي ويكتب ونحن نجي نمسي بس ... وبالعدم فوق ..
|
Post: #25
Title: Re: يا عماد عبد الله يعني شاغلكـ ( الــــــــدوام ) ؟؟؟
Author: عمران حسن صالح
Date: 10-08-2009, 09:06 AM
Parent: #24
يا بكري أبو بكر ..
أدينا الـ ( كومشن ) حقنا ياخي ..
صحينا ليكـ الخلايا النايمة دي : http://( مامون التبيعة ) .. في سيرة الظل من العويش إلى اللبلاب .
شكراً عماد فالمراهنة عليكـ لم تأتي من فراغ ..
شكراً يا صاحبي وتواصلي معاكـ إلا يحرمني منو الموت ..
وسأصلكـ أينما كنت حاملاً معى مودتي واحساسي بمعرفتكـ بكل التفاصيل التي تملكـ
|
Post: #26
Title: Re: يا عماد عبد الله يعني شاغلكـ ( الــــــــدوام ) ؟؟؟
Author: عمران حسن صالح
Date: 10-12-2009, 05:56 PM
Parent: #25
تاني قام اختفى ..
|
|