Post: #1 Title: ياناس البورد اسهل الطرق للاقلاع عن التدخين شنو؟ ارجو الافادة ..!! Author: وجدان جمال Date: 09-21-2009, 10:01 PM Parent: #0
السلام عليكم كل سنة وانتو طيبين وربنا يحقق كل الامنيات وانا امنيتي زوجي يبطل التدخين بس عايزه اعرف منكم اقصر الطرق للاقلاع عن التدخين وزوجي يدخن بشراهه حوالي 3 علب في اليوم ..!!!
بتصدقوا ؟؟؟؟؟؟؟؟؟؟
افيدونى بالله عليكم ...
Post: #2 Title: Re: ياناس البورد اسهل الطرق للاقلاع عن التدخين شنو؟ ارجو الافادة ..!! Author: وجدان جمال Date: 09-21-2009, 10:07 PM Parent: #1
Post: #12 Title: Re: ياناس البورد اسهل الطرق للاقلاع عن التدخين شنو؟ ارجو الافادة ..!! Author: ذواليد سليمان مصطفى Date: 09-22-2009, 01:23 AM Parent: #2
Post: #13 Title: Re: ياناس البورد اسهل الطرق للاقلاع عن التدخين شنو؟ ارجو الافادة ..!! Author: وجدان جمال Date: 09-22-2009, 09:26 AM Parent: #12
شكرا الاخ ذو اليد على المرور والروابط
Post: #3 Title: Re: ياناس البورد اسهل الطرق للاقلاع عن التدخين شنو؟ ارجو الافادة ..!! Author: عاطف عمر Date: 09-21-2009, 10:15 PM Parent: #1
سلامات يا وجدان أقلعت عن التدخين صباح الجمعة 17/08/1995 بعد رحلة معه استمرت قرابة العشربن علماً عندما أقلعت عن التدخين كان معدل تدخيني اليومي 70 - 80 سيجارة يومياً كان قراراً ونفذته بعون الله هكذا سلاحي العزيمة والإرادة لم ألجأ لأى بدائل أو ما يسمى بالتخلي التدريجي
_____________________
من ( الأضرار الجانبية ) للتخلي عن التدخين زيادة الوزن فقد زاد وزني خلال عام من تركي للتدخين بما يزيد على 12 كيلو إضطررت أثناءها لشراء ( شيلة ) ملابس
__________
دور الزوجة مهم في الدعم وتحمل عصبية الزوج خصوصاً ساعة إستحكام ( الخرمة )
Post: #4 Title: Re: ياناس البورد اسهل الطرق للاقلاع عن التدخين شنو؟ ارجو الافادة ..!! Author: خالد العبيد Date: 09-21-2009, 10:27 PM Parent: #3
سلام يا وجدان وتحياتي المقطع يشوفو كل يوم ثلاثة مرات قبل الاكل واتحداه لو رجع يدخن تاني
Post: #5 Title: Re: ياناس البورد اسهل الطرق للاقلاع عن التدخين شنو؟ ارجو الافادة ..!! Author: خالد العبيد Date: 09-21-2009, 10:32 PM Parent: #4
وبعد تشوف ده دربك عديل على برميل القامة ارمي علبك الثلاثة وامشي مع العيال اقرب حديقة!
Post: #14 Title: Re: ياناس البورد اسهل الطرق للاقلاع عن التدخين شنو؟ ارجو الافادة ..!! Author: وجدان جمال Date: 09-22-2009, 09:30 AM Parent: #5
الاخ خالد العبيد تصدق أول ما قلت ليهو تعال شوف الفيديو دة عن التدخين جانى وما اخد نص دقيقة اشاح بوشو ومشى منى !!
الظاهر وصفتك دايرة تنجح ..
Post: #6 Title: Re: ياناس البورد اسهل الطرق للاقلاع عن التدخين شنو؟ ارجو الافادة ..!! Author: وجدان جمال Date: 09-21-2009, 10:40 PM Parent: #3
Quote: من ( الأضرار الجانبية ) للتخلي عن التدخين زيادة الوزن
الاخ عاطف شكرا علي المرور وربنا يعينك وتواصل في امتناعك عن التدخين بالمناسبة بما انو وزنك زاد دا بيعني انو التدخين اكبر سبب في فقدانك للشهية وكونك تخليت عنه دي اكبر محمدة وبنصحك بممارسة الرياضة وعمل رجيم طبيعي للرجوع للوزن المثالي والتدخين بساهم مساهمة فعالة في عدم استطاعة الشخص لممارسة الرياضة بتاثيرو علي الجهاز التنفسي والرئتين بنصحك بممارسة رياضة الجري بتساعد علي تفتيح الشعب الهوائية ونظافتها من النيكوتين .
Post: #7 Title: Re: ياناس البورد اسهل الطرق للاقلاع عن التدخين شنو؟ ارجو الافادة ..!! Author: محمد عبد الماجد الصايم Date: 09-21-2009, 11:01 PM Parent: #6
يخلي التدخين عشان يعمل شنو؟
يا زول أَضرب سااي .. كان لقيت صافي من النوع الكويس كمان أديها ..
كل سنة وإنتو طيبين ياخ! وأووووع تجي تقولي لي عمو أنا أصغر منكـ قطع شكـ!
Post: #15 Title: Re: ياناس البورد اسهل الطرق للاقلاع عن التدخين شنو؟ ارجو الافادة ..!! Author: وجدان جمال Date: 09-22-2009, 09:47 AM Parent: #7
Quote: يا زول أَضرب سااي .. كان لقيت صافي من النوع الكويس كمان أديها ..
الاخت وجدان ليس هنالك طريقه سهلة لابد ان تاتي منه اولا واخيرا
من مدمني النيكوتين انا تجربتى مع الاقلاع بدات باصابتى بالقرحة وامراض الاحماض الزائدة وتنبيه الدكتور بضرورة الافلاع وحدث بمساعده 3حبات اداني ليهم الدكتور من درجه حاولت الكثير تذكر اسمها ما قادر المهم استغليت فرصة long weekend ولمدة ثلاث ايام لم اخرج من الغرفه غيرللحمام وافتكر بسبب الحبوب كنت نائما اغلب الوقت وتوقفت عنه لمدة اربعة سنوات وفعلا زاد وزني حوالي 40 رطل لاصل وزنى المفترض وللاسف رجعت فقط عشان اجواء سهر الكوتشينه الاسبوعي وكانت في شيشه المهم في مشروع اقلاع الان لانه دخلت في وعد مع شريكتي هي تثقف نفسها بالهلال والكورة وانا اسيب التمباك وسيحدث اؤكد لك فهذا motive كبير جدا بالنسبة لي لادرى اذا كانت محاولتنا ستفيدك بس اؤكد ليك لو هي فعلا بدات تهتم بالهلال ما بقرب من التمباك تاني بس مشكلتي معاها ما قادرة تفرق بين المريخ والهلال لسة بتبارك لي والهلال بيكون مغلوب وتلفح ليها اسم لاعب وتقعد تشكر فيه ةطبعا بيكون مريخابي ولمن تشوفني ختيت السفه بتعرف انه مريحابي ولكن هسع ماشيين كويس هي بتزيد في اهتمامها وان بقلل في استعمالي
Post: #19 Title: Re: ياناس البورد اسهل الطرق للاقلاع عن التدخين شنو؟ ارجو الافادة ..!! Author: وجدان جمال Date: 09-22-2009, 10:10 AM Parent: #8
الاخ وليد
Quote: لابد ان تاتي منه اولا واخيرا
علييك نووور ، كلام عين العقل بس هو مامقتنع انو ممكن يخلى السجائر براهو .!! تحياتى لام العيال وقول ليها الله يعينك !!
Post: #20 Title: Re: ياناس البورد اسهل الطرق للاقلاع عن التدخين شنو؟ ارجو الافادة ..!! Author: Deng Date: 09-22-2009, 10:25 AM Parent: #19
حبوبة وجدان.
التدخين عادة سيئة جدا ومضرة بالصحة والتخلي عند التدخين صعب جدا ولكن إذا قرر الشخص الذي يدخن بأنه سوف يتخلى عن التدخين فسوف يفعل. لكن هنالك عوامل كثيرة غير مساعدة للتخلي عن هذه العادة وهي المحيط والجو الذي يعيش ويعمل به الشخص المدخن وفي هذه الحالة فهو زوجك. أول حاجة هي أنو أنتي واضح جدا مستعدين لمساعدة زوجك لكي يتخلي عن التخدين وهذا دافع قوي جدا بالنسبة له. أنصح زوجك بأن يحاول أن يغير روتين حياته فمثلا عليه أن يبدا بممارسة الرياضة أو بتبني عادات وأنشطة جديدة تساعده على عدم التفكير في التدخين وتملاء أوقات فراغه، ويجب أن يبداء في التقليل عن الكمية التي يدخنها تدريجيا، وأن لا يدخن داخل المنزل، وأنتي هنا لك دور كبير في ذلك فعليك أن تساعديه في كسر ذلك الروتين وحتى ممارسة الرياضة معه إذا تتطلب ذلك. أنا ما عارف أنتو عايشين وين ولكن في دول الخليج لاحظت أن عدد المدخنين كبير جدا وأن قوانين منع التدخين متساهلة جدا مع المدخنين فمثلا في المطارات فمازال بعض الناس يدخنون رغم علامات ممنوع التدخين المنتشرة. وأكيد مثل هذا الجو لن يساعد على الاقلاع عن التدخين. تمنياتي لزوجك بالتوفيق بالاقلاع عن هذه العادة الضارة جدا.
Post: #22 Title: Re: ياناس البورد اسهل الطرق للاقلاع عن التدخين شنو؟ ارجو الافادة ..!! Author: وجدان جمال Date: 09-22-2009, 04:39 PM Parent: #20
عمو دينق
Quote: التدخين عادة سيئة جدا ومضرة بالصحة والتخلي عند التدخين صعب جدا ولكن إذا قرر الشخص الذي يدخن بأنه سوف يتخلى عن التدخين فسوف يفعل. لكن هنالك عوامل كثيرة غير مساعدة للتخلي عن هذه العادة وهي المحيط والجو الذي يعيش ويعمل به الشخص المدخن وفي هذه الحالة فهو زوجك. أول حاجة هي أنو أنتي واضح جدا مستعدين لمساعدة زوجك لكي يتخلي عن التخدين وهذا دافع قوي جدا بالنسبة له. أنصح زوجك بأن يحاول أن يغير روتين حياته فمثلا عليه أن يبدا بممارسة الرياضة أو بتبني عادات وأنشطة جديدة تساعده على عدم التفكير في التدخين وتملاء أوقات فراغه، ويجب أن يبداء في التقليل عن الكمية التي يدخنها تدريجيا، وأن لا يدخن داخل المنزل، وأنتي هنا لك دور كبير في ذلك فعليك أن تساعديه في كسر ذلك الروتين وحتى ممارسة الرياضة معه إذا تتطلب ذلك. أنا ما عارف أنتو عايشين وين ولكن في دول الخليج لاحظت أن عدد المدخنين كبير جدا وأن قوانين منع التدخين متساهلة جدا مع المدخنين فمثلا في المطارات فمازال بعض الناس يدخنون رغم علامات ممنوع التدخين المنتشرة. وأكيد مثل هذا الجو لن يساعد على الاقلاع عن التدخين. تمنياتي لزوجك بالتوفيق بالاقلاع عن هذه العادة الضارة جدا.
والله كلامك دة 100% كلام جميل ومقنع جدا ، بس انشاءالله اقدر اقنعو ، والله ماتتخيل بيدخن بشراهة كيف سجارة وراء سجارة بدون توقف معقولة بس .!!!
Quote: حبوبة وجدان.
ماعصرت عًلى شديد ياعمو دينق .؟؟
وكلمة (عمو) للتوقير واالأحترام والله واكيد بكون قدر واحدة من بناتك .!!!
مشكور على النصائح الحلوة ..
Post: #24 Title: Re: ياناس البورد اسهل الطرق للاقلاع عن التدخين شنو؟ ارجو الافادة ..!! Author: محمد عبد الماجد الصايم Date: 09-22-2009, 04:44 PM Parent: #22
سلمى سلامة دي طفت السجارة مالا؟
Post: #25 Title: Re: ياناس البورد اسهل الطرق للاقلاع عن التدخين شنو؟ ارجو الافادة ..!! Author: Abd Alla Elhabib Date: 09-22-2009, 05:13 PM Parent: #24
سلامات يا وجدان علميهو التبيخ وعواسة الكسرة وكذلك فرك البامية ووريق الملوخية .. بعد ده كلو لو تاني دخن أضحكى علينا !! أوع يكون بتاع برنجي بس !? ----------------- قاتل الله البرنجي فإنه يحتوي علي بعـر الحمير الناشـف !
Post: #33 Title: Re: ياناس البورد اسهل الطرق للاقلاع عن التدخين شنو؟ ارجو الافادة ..!! Author: وجدان جمال Date: 09-24-2009, 11:35 AM Parent: #25
Quote: قاتل الله البرنجي فإنه يحتوي علي بعـر الحمير الناشـف !
قاتل الله كل انواع السجائر وكلامك الفوق دا كان قولتو ليهو برجعنى بيت امى ياخوى .. مالك على . شكرا للمرور
Post: #29 Title: Re: ياناس البورد اسهل الطرق للاقلاع عن التدخين شنو؟ ارجو الافادة ..!! Author: Yassir Tayfour Date: 09-23-2009, 05:12 AM Parent: #22
الزميلة وجدان سلام وكل عام وإنت وأهلك بخير.. واحد شايقي قريب رغيم جونيَّر ده، كان زولاً سفتو دقار لوري، فقرّر يخلي السعوط، فنصحه أهل النصيحة بأن يجد البديل للسعوط، فأشاروا إليه بأن يدُق الجنزبيل وويسفو، لأنه حارق وبيأدي نفس وظيفة السعوط، كل يوم المدام تصحى من الصباح تدق ليهو الجنزبيل وتملى ليهو حقتو، والمدام كانت هميمة زيِّك كده، ومكجنّة السعوط، أها يا زميلة بعد شهر تقريبا، الشايقي رجّع لي سعوطو، وأدمّن الجنزبيل، بقى عندو حقتين واحدة سعوط والتانيَّة جنزبيل.. ____ فإنتي لو حافظتي على تدخينو بس، تكوني ما قصرتي، لأنو عندنا اخوانا في المنبر ده واحدين بتاعين "سجكار" وده بيقِد الجيب قبل الرئّة، وعندنا جماعة بتاعين شيشة ودي قالو بتعمّل مويَّة في الرئة، والعياز بالله، وعندنا جماعة بتاعين سجارات، والصنف ده بيعمّل مويَّة في المخ، والعياز بالله تكعيب.. أياك أن تأخذي بنصيحة أي منهم..
Post: #34 Title: Re: ياناس البورد اسهل الطرق للاقلاع عن التدخين شنو؟ ارجو الافادة ..!! Author: وجدان جمال Date: 09-24-2009, 11:41 AM Parent: #29
طيفور طبعا الراجل دا كان بسف قبل العرس ونقيت فيهو نقة شديدة عشان يخلى الصعود وفعلا خلاهو (حسب كلامو) وبقى يشرب فى السجائر بس خائفة اقول ليهو خلى السجائر يرجع تاااانى للصعود .. دى عليك الله يحلوها كيف هسع ؟
اولا انا متبرع للكشف على السيد بعلك مجانا لنتأكد من سلامه حلقه من سرطان الحنجره ... ثانيا ح ارسل ليك صور لسرطان الحنجره واقعيه من السودان وهم مرضى عيادتى عبر الايميل...انشاء الله افضل وسيله ...هى التخويييييف من السرطانات وهى حقيقه خاصه اذا صوته بدا يتغير [email protected]
Post: #45 Title: Re: ياناس البورد اسهل الطرق للاقلاع عن التدخين شنو؟ ارجو الافادة ..!! Author: وجدان جمال Date: 09-24-2009, 10:00 PM Parent: #41
دكتور شرفى مشكور كتير يادكتور وكتر الله من امثالك بس القصة ماللدرجة دي هو بدأ التدخين منذ عامين فقط بس بدأ بداية شديده في التدخين لكن حاليا عزم علي انو يبطل التدخين ان شاء الله .
بس دعواتكم معانا .....
Post: #26 Title: Re: ياناس البورد اسهل الطرق للاقلاع عن التدخين شنو؟ ارجو الافادة ..!! Author: عاطف عمر Date: 09-22-2009, 07:16 PM Parent: #1
سلام تاني يا وجدان
سجائر زوجك ملحوق
دحين شوفي خالتك سلمى الشيخ زعلت مالا ؟؟ وسحبت مداخلتها ( الجميلة جداً ) ليه ؟؟ أو طفت سيجارتها على قول ود الصايم
خوفي
أنها تكون زعلت لأنك لم تردي على مداخلتها
طايبيها
صدقيني سلمى دي من أرقى الناس الموجودة في البورد دا وأميزهم وأنقاهم وزولة موسوعة
___________
دا كلو طبعاً بعد إذنك
Post: #27 Title: Re: ياناس البورد اسهل الطرق للاقلاع عن التدخين شنو؟ ارجو الافادة ..!! Author: Sidgi mattar Date: 09-23-2009, 00:51 AM Parent: #26
الاخت وجدان
لك ولزوجك واسرتك اجمل التبريكات بالعيد
اعيش هذه الايام فترة امتحان عسيره لتركى التدخين لاكثر من شهر ونصف
كنت ادخن اكثر من علبتين فى اليوم
نصيحه قاسيه من طبيب بانه لا مجال لى سوى ايقاف التدخين وفورا والا ساتعرض لاشياء لا يحمد عقباها
ماذا اتبعت فى البدايه!!!!!
اولا عدم التدخين بالمنزل حتى لو جلست كل اليوم
اضطررت لمنع اصدقائى بعدم التدخين بمنزلى بحجة تضايق الاطفال لكى لا اسبب اى حرج لاى شخص وكان ذو قبول
واحترام من الجميع
بعدها دلفت لايقاف التدخين وهى ليست بالسهوله وتحتاج عزيمه وبتخلى الواحد فى زهج ونرفزه مبالغه تحتاج
الصبر من الزوجه
يراودنى شعور الرغبه للعوده ودا حسب المحيط الحولك ولكن اشكر لاصدقائى المدخنيين عدم تجاوبهم مع رغبتى
ولهم الشكر
عموما العزيمه هى الرد الاقوى للاقلاع عن ذلك ومحتاجه قوة اراده ولا اظن ان زوجك اذا قرر ذلك بتغلبه بس
الواحد بيكون عندو وهم انه ما قادر فيحاول ان يختبر عزيمته وسيوفقه الله
تمنياتى ان تفيدك افادات مجرب واسع بصراحه رغبة ادخن بدات تزول وبقيت اجد فى رائحة السجائر
رائحه غير مستصاغه لى اسال الله الثبات ولزوجك الاقلاع عن التدخين
وهنالك يوجد باتش به نوكتين للتعويض فى الفتره الاولى تلصق باليد ولكن لم اجربها ويقال انها بتساعد
كتير عموما دى كفكره
لك التحيه ولزوجك
Post: #37 Title: Re: ياناس البورد اسهل الطرق للاقلاع عن التدخين شنو؟ ارجو الافادة ..!! Author: وجدان جمال Date: 09-24-2009, 11:49 AM Parent: #27
Sidgi mattar
Quote: وهنالك يوجد باتش به نوكتين للتعويض فى الفتره الاولى تلصق باليد ولكن لم اجربها ويقال انها بتساعد
ورينى دربو بى وين بس .؟ شكرا للمرور
Post: #35 Title: Re: ياناس البورد اسهل الطرق للاقلاع عن التدخين شنو؟ ارجو الافادة ..!! Author: وجدان جمال Date: 09-24-2009, 11:44 AM Parent: #26
عاطف
Quote: أنها تكون زعلت لأنك لم تردي على مداخلتها
والله طبعا ماقصدى ما ارد ليها بس شغل البيت كتير ومابلقى زمن كافى عشان اقعد فى الجهاز فلها العتبى حتى ترضى ..
Post: #28 Title: Re: ياناس البورد اسهل الطرق للاقلاع عن التدخين شنو؟ ارجو الافادة ..!! Author: حسن حماد محمد Date: 09-23-2009, 01:15 AM Parent: #1
أقصر الطرق للاقلاع عن التدخين يا أختى هى الاقلاع عن التدخين بمعنى هل زوجك فعلاً يرغب فى الاقلاع عن التدخين الاقلاع عن أى شئ يبدأ بالرغبة ثم القناعة والبدء فى الاقلاع ولعلك تبحثين عن طريقة لتخفيف الألم الذى يعقب الاقلاع وأبشرك: ليس هناك من طريقة لتقليل هذا الألم هذا طريق لابد من دخوله على قناعة تامة به وعليه أن يستحمل صعوبة نقصان النيكوتين فى دمه وليس هناك بديل أو مسكن للألم عذراً فهذه وصفة قد تكون قاسية ولكن لا ارى طريق أقصر من ذلك لكى تصل للحلاوة لابد وأن نضع المكونات على النار وأى كانت النار هادئه أم شديدة الالتهاب فهى دون شك حارقة وحظ سعيد
Post: #30 Title: Re: ياناس البورد اسهل الطرق للاقلاع عن التدخين شنو؟ ارجو الافادة ..!! Author: Osman Musa Date: 09-23-2009, 05:35 PM Parent: #28
الأخت وجدان سلامات شوفى الكلام الجد جد . 15 سنة تدخين علبتين فى اليوم . مع هموم الدنيا وعدم الرياضة . دا طوالى Heart Attack وكمان ممكن Diabetes لو ترك التدخين الليلة دى يكون أحسن . وممكن عشان بعدين ما يندم . تحياتى
Post: #31 Title: Re: ياناس البورد اسهل الطرق للاقلاع عن التدخين شنو؟ ارجو الافادة ..!! Author: Emad Abdulla Date: 09-24-2009, 07:04 AM Parent: #30
اليجي يشوف عمك ميرغني اب ضراع .. عشان يآآآآمن .
..... بعدين البلد دي مليااااااانة سفافين و مسفسفين و حاجات تتسف غير الصعوط .. خليهو يسف ياخ .. مالو الله قال حرام ؟؟ إن شا الله كوتات الأسمنت !!!
Post: #32 Title: Re: ياناس البورد اسهل الطرق للاقلاع عن التدخين شنو؟ ارجو الافادة ..!! Author: Ali Alhalawi Date: 09-24-2009, 11:15 AM
سلام يا وجدان
فى نهاية الأمر أنّها العزيمة
من البرامج الحديثة للمساعدة على الأقلاع عن التدخين هو (I Quit Smoking (IQS البرنامج عبارة عن خمسة جلسات فى العيادة المختصة تدلك فيها مناطق محددة فى أذن المدخن بموجات كهربائية العيادات موجودة فى معظم البلدان نسبة نجاحة 90% و تعد الأعلى فى كلّ البرامج معظم المدخنين أقلعوا من جلسة أو جلستين يتابع المدخّن لمدة ستة أشهر بعد المعالجة
و هذه مقتطفات عن البرنامج:
Quote: يستغرق العلاج الذي وضعته وحدة RISE (جهاز أو أداة مسح النبض الكهربائي) فترة زمنية التي قد تدوم لفترة 20 دقيقة كحد أنى إلى 60 دقيقة كحد أقصى ، ويتم حساب المدة الزمنية عن طريق برنامج No Smoke حسب البيانات الشخصية للشخص المفحوص وبهذا فإن زمن المعالجة يتفاوت من شخص إلى آخر. إن العلاج هو علاج بدون ألم تماما ويمكن تحمله من قبل كل فرد كمحاكاة كهربائية تتم بصورة خفيفة وبدون إزعاج ومرارة مفرطة. وإذا كان الفرد المفحوص حساسا وعاطفيا بصورة خاصة فمن الممكن تخفيض هذا بتعديل برنامجPOD وأجراء المحاكاة خلال العلاج دون تميت الحساسية الشخصية وخفض الإزعاج الذي في بعض الحالات قد ترتكب فيه بعض الأخطاء مما يسبب الألم . العامل في المركز قبل البدء في المعالجة يقوم بإدخال البيانات الشخصية للعميل في جهاز RISE من هذا البيانات مثلا : العمر ، الجنس ، المعلومات المرتبطة بعادة التدخين ، عدد سنوات التدخين ، كمية السجائر المدخنة في اليوم ، نوع التبغ الخ......يبدأ الاختبار بالفحص على دوافع وإمكانيات العميل وهل هو أو هي سيتوقف عن التدخين عن طريق استخدام الاعتماد الفيزيائي أم عن طريق اختبار (فيجرستورم) واختبار إدمان التبغ لتقييم الإدمان النفسي السيكولوجي ؟ بالإضافة إلى بيانات المدخن لمزيد من التعريف أي تعريف مسار العلاج يمكن إدخال أكثر من قيمتين ونتيجة اختبار سيايروتمترك الذي يقوم بقياس الرئة أو سعة وطاقة التنفس وكمية أحادي الكربون الذي تفرزه أو تطلقه الرئة أو الرئتين . ويتطلب الاختباران اختبار تنفس بسيط يستغرق بضع ثواني ، وهذه الاختبارات ليست ضرورية بالنسبة للنتيجة الايجابية للعلاج وهي تضاف إليه فقط كخيارات بيانات يتم استخدامها بواسطة جهاز RISE ولفهم أفضل وأحسن يمكن أيضا مراجعة الحالة العاطفية للعميل خلال العلاج ومراجعة ضربات القلب والنبض في أي وقت . ويشمل جهازRISE برنامج توسيع وتفصيل البيانات الذي يستطيع تخطيط مسار محاكاة أفضل على أساس البارامترات المحددة لأكثر فعالية نقطة بنقطة فيما يتعلق بالزمن والتكرار وقوة المحاكاة الكهربائية. إن محاكاة النقاط المنعكسة على أذينات العميل يتم توليدها بواسطة POD والأشعة تحت الحمراء الخاصة التي تتألف مؤخرتها من كرة دقيقة ذهبية ، ويقوم المتخصص بمحاكاة نقاط منعكس الأذنين الخاصة بالعميل بواسطة POD وخلال فترة هذا الإجراء يبقى العميل جالسا بصورة مريحة في الكرسي. وجهاز RISE مجهز بشاشة توضح المسار الذي يمكن إتباعه خلال المعالجة ومعايرة المتابعة الشخصية للمثيرات لكل فرد مفحوص على حده فيما يتفق مع القوة الكهربائية والمدة وتكرار المثير الكهربائي. وتسهل المحاكاة التي يقوم بها جهاز RISE عملا مساعد ومساج دقيق يساعد في تكسير المواد السامة للتبغ المتجمعة في الأجهزة والأعضاء بعد سنوات من ممارسة التدخين ، ويزيد من إطلاق وتحرير الاندروفين في الجهاز والذي يذهب لتغطية جزيئات النيكوتين والمستقبلات المرتبطة بالإدمان على التبغ وبالتالي منع الرغبة في التدخين ، وخلال الأيام التالية يقضي الميتوبلازما على السميات (التوكسينات ) من خلال البول والذي قد يتقلب ليكون قاتم اللون ومعكرا جدا. وبفضل طريقة التخلص من عادة التدخين فإن المدخن لا يجتاز أزمة الانقطاع عن النكوتين لأن المدخن سوف لن يرغب في ذلك ولكنه يظل في حالة لا يشعر بها بالتوتر وبدون مخاطر الآثار الجانبية مثل الرغبة في تناول المزيد من المأكولات
Quote: طريقة IQS هي طريقة حديثة جدا وتطبيق تكنولوجي لمبادي علاج أذنية بواسطة جهاز إلمكتروني في غاية التطور ويسمى RISE الذي تم تطويرة في نعامل IQS من خلال عمليات المحاكاة الكهربيائية الدقيقة والمركزة على نقاط محددة في في جسمنا تكون ممكنة بطريقة طبيعية وبشكل إجمالي وغير عدواني لاشفاء قدر كبير من الأمراض. إن علاج أولاركل هو علاج متخصص في تحديد ومحاكاة النقاط الأذنية لشفاء الأمراض التي تسصيب بشكل دقيق الأجهزة المرتبطة بهذه الأمراض عبر الزواليات . ويدرس فريق IQS ويجرب التطبيق المحدد للطريقة بخصوص التدخين لعدة سنوات وهو اليوم قادر على ضمان ذلك في جلسة لمدة ساعة مايصل إلى نسبة 90% من النتائج الايجابية عن طريق تطبيق البروتوكول. وينقسم برنامج IQS إلى أربعة مراحل أساسية هي المقابلة النفسية ومعالجة اكسير الاوريكل بواسطة جهازRISE واستخدم المنتجات الطبيعية للـIQS ومتابعة الزبون لمدة ستة أشهر بعد المعالجة.
Quote: مثل طريقة IQS التعاون الكامل بين العلوم القديمة والتقنيات الحديثة والعناية الشخصية الفردية ONE ?ON-ONE يسجل المعالج خلال الاجتماع الأول المؤشرات الرئيسية لعادة المدخن وكلك المعلومات الشخصية ومن ثمَ تتم برمجة هذه البيانات في جهاز RISE حيث يقوم برنامج propriety بإنشاء برنامج فردي يقوم على الممارسة المحترمة للمحاكاة الكهربائية على خصوص كميات الأذن التي تسمى المعالجة الأذنية ، ويقوم جهاز RISE بإطلاق تيار كهربائي صغير إلى النقاط الرئيسية على شحمة الأذن لاطلاق دق من الآندروفين بيتا الكركب الطبيعي المصنع بواسطة الجسم في كل أنحاء الجسم خالقا الشعور بالطاقة والحيوية ، وتدوم جلسة المعالجة لحوالي ساعة ويمكن تكرارها في حالة الادمان الحاد.
Quote: تعتبر التكنولوجيا هي حجر الزاوية لنظام IQS وجهاز RISE هو عبارة عن جهاز ذوبراءة اختراع عالمية تم تطويره بواسطة الشركة العالمية للاقلاع عن التدخين ويعتبر روح تقنية IQS .وقد تم تطوير الجهاز في أوروبا تمشيا مع المتطلبات والشروط العالمية للسلامة والاستخدام التجاري بما في ذلك شهادات من الـ UL(Underwriters Laboratories) و ال CE (European Certification) والـ FDA ( Food & Drug Administration) و FCC (Federal Communications Commission) . بالاضافة إلى هذا فإن الجهاز يحمل ماركة "EMC Mark" العالمية التي تطالب به أوروبا واليابان وأستراليا والاولايات المتحدة الأمريكية وهذه الشهادات والتصديقات سمحت لنا بكسب الدخول إلى معظم دول العالم لتنفيذ خطتنا العالمية . إن جهاز RISE لا يتحكم فقط في المعالجات الفردية المبرمجة ولكن أيضا يجمع المعلومات الخاصة من خلال شبكة عالمية (IQS Intranet) الذي يربط كافة مراكز المعالجة المرخص لها . ويسهل هذا المفهوم الفريد العمليات والتحسن المستمر للعمليات وكافة المستويات . وباستخدام قاعد بيانات IQS Intranet وبطاقات Iquit تسمح الشبكة بالتحكم في تنشيط كل جهاز RISE يستخدم في العلاج في كافة الجهات المرخص لها . ويقوم IQS Intranet بتوفير قدر كبير من المعلومات الهامة بما في ذلك رقم أو عدد المعالجات وفعالية كل جهاز ونجاح العلاجات التي يوفرها الجهاز والنظام.
أنا مدخّن و قد جرّبت هذا العلاج .. لسوء الحظ طلعتا من الـ10% .. ربما لأن رغبتى فى الأقلاع لم تكن كبيرة
نتابع بوستيك دا ربما أجد طريقة أنجع
Post: #36 Title: Re: ياناس البورد اسهل الطرق للاقلاع عن التدخين شنو؟ ارجو الافادة ..!! Author: Giwey Date: 09-24-2009, 11:48 AM Parent: #32
انا بصراحة كده لفت نظرى الإسم... وكان ما أخاف (الكضب) أظنك وجدان جمال الصحافة ... نسق ... إيلاف ... الزولة (الفنانة) .. وتذكرت معرض (العروس) وصالة ليالينا فى عفراء .. بس آخر عهدى بك (ليلة زفافك) بنادى النفط ... وبعد كده إنقطعت أخبارك رغم إنى بسأل (إنعام التنى) عنك ....
وأظنك كده عرفتينى ... التحية ليك ولمزمل
وأنا بالمناسبة عضو قديم بهذا الفضاء
مودتى
عبد الرحمن
Post: #43 Title: Re: ياناس البورد اسهل الطرق للاقلاع عن التدخين شنو؟ ارجو الافادة ..!! Author: وجدان جمال Date: 09-24-2009, 01:15 PM Parent: #36
ياها زااااتا وجدان ازيك ياعبدالرحمن ، يسأل عنك الخير والله وانا ذاتى سألت عن اخبارك وسمعت انك اتزوجت .. الف مبروك وربنا يسعدك كمان وكمان .. تحياتى لانعام ولعز العرب وتحياتك وصلت .
Post: #42 Title: Re: ياناس البورد اسهل الطرق للاقلاع عن التدخين شنو؟ ارجو الافادة ..!! Author: وجدان جمال Date: 09-24-2009, 12:08 PM Parent: #32
الاخ على والله ماقصرت شكرا ليك كتيييير على المعلومات القيمة دى
Quote: نتابع بوستيك دا ربما أجد طريقة أنجع
انشاءالله
Post: #40 Title: Re: ياناس البورد اسهل الطرق للاقلاع عن التدخين شنو؟ ارجو الافادة ..!! Author: وجدان جمال Date: 09-24-2009, 12:01 PM
ياعماد عليك الله صعود شنو ؟ هسع فى زول عااااقل كدا بيخت الشئ دا فى خشمو.؟؟ ياخو الشئ دا الضبان بياباهو .!!
Post: #39 Title: Re: ياناس البورد اسهل الطرق للاقلاع عن التدخين شنو؟ ارجو الافادة ..!! Author: وجدان جمال Date: 09-24-2009, 11:55 AM Parent: #30
الاخ عثمان شكرا على المرور والنصيحة
Post: #38 Title: Re: ياناس البورد اسهل الطرق للاقلاع عن التدخين شنو؟ ارجو الافادة ..!! Author: وجدان جمال Date: 09-24-2009, 11:52 AM Parent: #28
من أيسر الأشياء أن يهجر المدخّن عادة التدخين ... كنت أدخّن بشراهة قبل 25 سنة ، حوالي 60 سيجارة يوميا ، وربما أكثر ... اقتنعت بضرورة ترك التدخين ... تركته بدون أي مقدمات ، من 60 سيجارة إلى ولا سيجارة ... ولم يحدث أي شيء غريب ... شوية خرم في اليوم الأول ، وأقل منه في اليوم الثاني ثم فقدت شهيتي للتدخين ولم أعد أحتمل وجود أي مدخّن قريبا مني لأنني أتضايق منه ..
Post: #46 Title: Re: ياناس البورد اسهل الطرق للاقلاع عن التدخين شنو؟ ارجو الافادة ..!! Author: وجدان جمال Date: 09-24-2009, 10:08 PM Parent: #44
Quote: تركته بدون أي مقدمات
تصدق يااخ ود قاسم كلامك دا بدل علي حاجة واحدة وهي الاقتناع والعزيمة .... بس ربنا يقدر زوجي ويكون عندو العزيمة والقوة انو يتخلي عن العادة السيئة دي ويحافظ علي صحتو وصحة اولادو ..
Post: #47 Title: Re: ياناس البورد اسهل الطرق للاقلاع عن التدخين شنو؟ ارجو الافادة ..!! Author: عبد اللطيف بكري أحمد Date: 09-24-2009, 10:33 PM Parent: #46
وجدان لك ولزوجك كل الأمنيات الطيبة،،
تركت التدخين قبل أسبوعين من رمضان ، وبنفس طريقة أخونا ود قاسم من 60 سيجارة إلى لا شيء،،
زهجة من النوع العارم أول ويوم ، جو مكهرب غب البيت ، طرد الشغالة،، كاروشة (مرضية) وكأني داخل مصحة لمعالجة الإدمان لم أذق طعم النوم ل 24 ساعة ولكن واصلت عناد لشيطاان الإغواء والنفس الأمارة بالسوء والعمى والتغابي عن مرض السرطان وأخطرها مرض سرطان الرئة الذي لا يعطي صاحبه مهلة التوبة،،
الآن أنعم بإجازة مفعمة بالهواء النقي وأطفال يلعبون حولي وزوجة لا تعاف رائحة المكان في وجودي أو وجود الطفاية (نحن والقمر جيران)،،
قولي لزوجك : رائحة فمك زي رائحة الطفاية ، بل أسوأ،، سيتركه بإذن الله، وليس أعفن من فم المدخن إلا فم التمباكي،، وآسف على القرف دا،،
