الجواز الالكترونى بين الحقيقة والوهم

Quote: الجواز السودانى الجديد والسفر إلى بلاد الغرب هل يمنكن لاحدكم ان يتخيل انه ممنوع من دخول اى دولة بمجرد انه يحمل جواز سفر ما ؟ هذا يحدث عندما تكون انت سودانى تحمل جواز السفر الجديد (الجواز الالكترونى) , قد لا يصدق البعض هذه المقولة ولكنها حدثت لاحد اصدقائى وهو يستعد للسفر للولايات المتحدة بعد ان اكرمه الله بنعمة اللوترى , فعند جوزات بانت بمدينة ام درمان وهو المكان الوحيد فى السودان الذى يمكنك من خلاله إستخراج الجواز السودانى الجديد فبعد الذهاب والإياب و لمدة اسبوع إستطاع صديقى مقابلة المتحرى و قد اصيب بالصدمة بمجرد سماعه بان جواز سفره الجديد ليس هو الوثيقة التى يمكنه الإعتماد عليها عند مقابلة السفير الامريكى فى القاهرة (مع العلم بان تكلفة الجواز 400,000 جنيه سودانى قديم) فماهو الحل ؟ الحل ياسادتى انه يتوجب عليه إستخراج الجواز القديم , والذى يتم إستخراجه من جوازات السلطةالقضائية بالخرطوم فقط فبد ان كانت الإجراءات سهلة نوعا ما قبل ميلاد الجواز الكارثة اصبحت الان لاتطاق فلماذا كل هذا؟ وما هو السبب فى عدم إعتماد الجواز الجديد عند الغرب مع العلم بان الغرب يعتمد وبصورة تكاد ان تكون كاملة على التكنلوجيا ؟ ولماذا تتفاخر الحكومة بهذا الجوار الذى لايصلح لشئ . ماهى المواصفات التى تمت مراعاتها عند تنفيذ هذه الفكرة؟ وماهى معايير إختيار الشركات الموردة والمنفذة للمشروع ؟ فليعلم اهل الانقاذ ان الجواز ليس هو ورقة للسفر بل هو هوية تميزك عن غيرك , كما ان رفض الغرب للجواز السودانى قد يكون فى المقام الاول لاسباب تقنية بحتة . فلا حول ولاقوة إلا بالله

الجواز الجديد.. او ما بسمى بالجواز الالكترونى... لا توجد به اى خاصية الكترونية.. ولا يمكن قراءة معلوماته

خارج الجهة التى اصدرته... ولا يعطيك اى معلومات اضافية عن حامله عدا نفس المعلومات المكتوبة او المطبوعة

بداخله... تصوروا...كما انه تتم تتم طباعته وصناعته كاملا بمطابع العملة دون مراعاة للمواصفات القياسية

والتامينية الكاملة... وهو عبارة عن تجميل للشكل العام لا اكثر...كما انه اشبه باى سلعة فى اى سوبر ماركت

يتم قراءة سعرها بالقارئ الالكترونى الREADER

ان مشروع الجواز الالكترونى من ضمن مشروعات السجل المدنى وخارطة الطريق الصحيحة كانت تستوجب قيام السجل المدنى

اولا وتنفيذ مشروعه وتسجيل كل المواطنين السودانيين داخل وخارج السودان.

وفتح مكاتب السجل المدنى وفق الدراسة الشاملة للمشروع... رئاسة السجل المدنى... رئاسات الولايات...رئاسات المحليات

والمكاتب الفرعية بكل مدن واحياء السودان... ثم سفارات الدولة بالخارج... وتصميم البرامج وتوصيل الشبكات.....الخ

ثم انزال معلومات كل المواطنين السودانيين بالسجل المدنى بعد اكتمالها عبر التسجيل الورقى ميدانيا بواسطة اللجان

بكل انحاء السودان.

وكان يجب ان يتم هذا العمل متزامنا ومتوازيا وفى وقت واحد بكل الدولة والسفارات... والمعلومات المطلوبة للسجل

المدنى كثيرة تشمل الفرد والاسرة والعائلة والسكن والعمل وكل المعلومات والبيانات الاخرى وفقا لارانيك ونماذج محددة.

ولانستطيع ان نقول اننا لدينا سجل مدنى الا بعد اكتمال تسجيل كافة المواطنين وادخال كل المعلومات بالحاسوب واستلام كل

مواطن لرقمه الوطنى والذى يتم صرفه اليا بعد ادخال البيانات مكتملة .. وهو رقم لا يتكرر... يولد مع الشخص وينتهى بوفاته

اى انه لا يورث ايضا, بمعنى اخر حتى لو بدانا مشروع السجل المدنى بالطريقة الصحيحة واتبعنا الخطوات (خارطة الطريق)

التى وضعت للتنفيذ لا يمكننا القول بانه لدينا سجل مدنى الا بعد اكتمال تسجيل اخر مواطن سودانى سواء بالداخل او الخارج

وبعد تسجيل المواطن وصرف الرقم الوطنى .. يتم استخراج البطاقة العائلية للعائلة وبها كل البيانات للعائلة (الاسم

تاريخ الميلاد- محل الميلاد...الخ) والرقم الوطنى للفرد فى العائلة ثم استخراج البطاقة الشخصية للمواطن الذى يبلغ

من العمر 16 سنة فاكثر برقمه الوطنى ... ثم بعد ذلك يستفاد من كل هذه المعلومات فى استخراج الجواز... وكذلك كل

الوثائق الاخرى (رخص القيادة..شهادات الميلاد..الوفاة..الشهادات الدراسية...الخ) ويصبح الرقم الوطنى هو الاساس فى

كل شئ وفى كل معاملة اينما كانت.. وللعلم ... الرقم الوطنى ايضا مربوط بالبصمة (البصمة العشرية) حسب دراسة المشروع.

متابعين يا سيادتك ....... النشوف اخرتا

تاتى بعد ذلك مرحلة ربط كل الجهات الحكومية من وزارات وهيئات ومؤسسات وسفارات السودان بالخارج والبعثات الدبلوماسية

المعتمدة بالسودان والبنوك والجامعات والمعاهد العليا والمدارس ...الخ اضافة للشركات والمؤسسات الخاصة بشبكة السجل المدنى

بطريقة محددة ... ولتقريب الصورة... مثل الاشتراك فى موقع او شبكة معينة... للاستفادة من معلومات السجل المدنى حسب الاختصاص

وباجراءات محددة لتحديد الصلاحية والمناطق المسموح الدخول اليها لكل جهة للاطلاع على المعلومات التى تخصها او التى تهمها....

موضوع هام وحيوى...
يستحق المتابعة والإهتمام...

واصل....
فكلنا آذان صاغية!!!

الكمندان عبد الحفيظ

شكرا على المرور واتمنى ان تسمعنا رايك

لك التحية

اخى عمر

شكرا على المرور

اخرتها ما بتسر ناس المؤتمر الوطنى

ده اكيد

خالص التحايا
الاستاذ
ابراهيم الرشيد عبدالرحمن وراق
ياخ ديل وهمة قدر الليلة وبكرة ؛ انا مريت باسؤ تجربة مع ناس مايسمى (الجواز الالكتروني)..
ياخ دي في فحص البيانات لمن جوازي اتاخر يومين قلت ليهم الحاصل شنو قالوا لي (تشابه بصمة)..
ياخ لمن ختيت يدي في راسي وقعدت اضحك رغم اني كنت عايز انفقع بالزعل..
وقلت ليهم بصمة ؟!!؟
ياناس ده الله زاتو حكاية بصمة متشابة دي عندو فيها راي لمن تجو انتو ...
ده حالتو الاكتروني طيب لو كان الاخضر داك كان قالو ليك انت (ود حرام) وده ما ابوك..
وايييك..
بعدين الالكتروني زاتو ما كده الناس دي لاشافت لاقرت ؟!؟!؟
استغفرتك يامالك روحي!!!
يازول كدي لمن نجيك بالمهلة كده..

التحايا النواضر..

وماذا لو أردت الإحتفاظ بالجواز القديم ، هل يتاح لي ذلك ؟

Quote: اخى عمر شكرا على المرور اخرتها ما بتسر ناس المؤتمر الوطنى ده اكيد

شنو يا سيادتك قايم بنمرة 4 طوالي كده ........ لو الجو سخن في البلد دي يقولوا ليك ده كلو من المؤتمر الوطني

الاخ بكرى

لم افهم السؤال... وعلى العموم الجواز القديم حاليا سارى حتى اكتوبر 2010


تابعنا

الاخ معتز تروتسكى

منورنا

السبب فيما حدث لك هو البداية المقلوبة للمشروع

فى انتظارك

كل الود

اغلب المعلومات الواردة في هذا البوست غير صحيحة ..
اتمني ان أجد متسع من الوقت خلال هذا اليوم للكتابة عن هذا الامر ..
فقط اريد ان اوضح نقطتين ..

* الجواز الإلكتروني تقنية ألمانية .. يحتوي علي شريحة SIM .. و مقروء في 90% من مطارات العالم ..
* السفارة الامريكية في الخرطوم لا تعتمد الجواز في الوقت الحالي لانه ما عندها جهاز قارئ .. و المعلومات المقروءة ( المكتوبة ) تحتوي فقط علي الاسم الاول و اسم العائلة .. حسب المتبع عالميا ..
الاسم الرباعي يحتاج لوجود قارئ بطاقات SIM ..

.

Quote: الجواز الإلكتروني تقنية ألمانية .. يحتوي علي شريحة SIM .. و مقروء في 90% من مطارات العالم .. * السفارة الامريكية في الخرطوم لا تعتمد الجواز في الوقت الحالي لانه ما عندها جهاز قارئ .. و المعلومات المقروءة ( المكتوبة ) تحتوي فقط علي الاسم الاول و اسم العائلة .. حسب المتبع عالميا .. الاسم الرباعي يحتاج لوجود قارئ بطاقات SIM ..

.


كل الكلام القلته فوق ده أنا أتفق معاك فيه ، بس حكاية أنه السفاره
الأميريكيه ما عندها جهاز قارىء ده كثيره شويه يا حميده ، وغريبه على
الأميريكان .

تحياتى ....


.

Quote: * الجواز الإلكتروني تقنية ألمانية .. يحتوي علي شريحة SIM .. و مقروء في 90% من مطارات العالم .. * السفارة الامريكية في الخرطوم لا تعتمد الجواز في الوقت الحالي

هذا صحيح.... ماعدا ما يسمى الجواز الالكترونى السودانى المطبوع فى مطابع العملة وليس به شريحة SIM ويقرا ب READER

وهذا البرنامج فقط بادارة الجوازات لذا فهو غير مقروء لاى جهة الا اذا قامت الادارة بتحميل البرنامج لتلك الجهة

ما أعرفه جيّداً أنّ الجواز يستخدم للدخول لأميركا فقط عند التقديم للفيزا في السفارة الأمريكية يطلب من اضافة الإسم الرباعي في أي سفارة سودانية (السفارة السودانية بالقاهرة مثلاً) ويختم عليه وهي خدمة مجانية وتأتي به للسفارة الأمريكية لتكملة الإجرءآت
هذه المعلومة أنا متأكد منها 100%

كمال

Quote: أنه السفاره الأميريكيه ما عندها جهاز قارىء ده كثيره شويه يا حميده

للأسف دا الحاصل .. كونه السفارة بتتعامل مع الجواز القديم لحدي هسع .. حتي القنصلية في القاهرة بتواجه نفس المشكلة ..

سريعا كدا في كم نقطة تانية اوضحها ليك .. ( معليش انا في المكتب برد ليك كل شوية ) ..

* حميع دفاتر الجواز الإلكتروني تمت صناعتها في ألمانيا .. يتم فقط ( تشخيص ) الجواز في مجمع جوازات امدرمان .. و يقصد بالتشخيص ( عملية إدراج المعلومات الخاصة بالمواطن ) .. البيانات الشخصية و الحيوية ..
* بالنسبة لموضوع الرسوم ( 400 الف ) .. صلاحية الجواز خمسة سنوات .. قارنها بالتجديدات كل عامين بالجواز القديم .. و حتلقى انه ما في فرق ..
* بالنسبة لموضوع تتطابق البصمة .. في الحقيقة هو ليس بتطابق .. ولكن تشابه ( نوعي ) .. فعملية تسجيل البصمة تتم إلكترونياً والخصائص العامة للبصمة يتم مطابقتها حتى 90% ..
وتدخل العوامل الطبيعية في هذه الدرجة من التطابق .. حيث ان عدم الوضوح في المسح وخلافه يسبب هذا التشويش .. وينتج عنه تقارب بنسبة كبيرة بين بصمة الأصبع واصبح شخص آخر ..
عليه يتم معالجتها يدوياً في المخدم الرئيس في رئاسة الإدارة العامة للجوازات، ولذلك وجب اخذ العشرة أصابح لمنع مثل هذه الحالات ..
‫* لا يمكن الإحتفاظ بالجواز القديم، ولايمكن استخراج اكثر من جواز واحد للشخص الواحد ..

Quote: حميع دفاتر الجواز الإلكتروني تمت صناعتها في ألمانيا .. يتم فقط ( تشخيص ) الجواز في مجمع جوازات امدرمان .. و يقصد بالتشخيص ( عملية إدراج المعلومات الخاصة بالمواطن ) .. البيانات الشخصية و الحيوية ..

فقط مدخلات انتاج الجواز يتم استيرادها من الخارج وهى نوعية الورق والغلاف والاحبار, اما تجهيز الجواز من قص وطباعة وتغليف

فتتم بمطابع العملة بالخرطوم جنوب

كان من المفترض بعد اكتمال مشروع السجل المدنى ان يتم طباعة الجواز كاملا فى المانيا او كندا وهو الجواز المزود بالشريحة

والمقروء الكترونيا وتتم تغذيته بالمعلومات بمختلف مكاتب الجوازات بالسودان

Quote: سريعا كدا في كم نقطة تانية اوضحها ليك .. ( معليش انا في المكتب برد ليك كل شوية ) ..

يابني وابن استاذنا وصديقنا عبدالقادر حميدة .. هل الجواز الاليكتروني تمام التمام وماذا عن ال10% من المطارات التي لا يقرء فيها ؟؟ ما دايرين عيالنا يتبهدلو في المطارات ....

Frankly

تحياتى

لدى زميل فاز باللوترى وعند مقابلته للسفارة الامريكية بالقاهرة طلب منه تاكيد بيانات

الاسم الموجود على جوازه الالكترونى الجديد فقامت السفارة السودانية بتاكيد ذلك بالكتابة

على صفحات الجواز وختمه!!!!!

والاهم من كل ذلك ان هذا المشروع يعتمد اساسا على المعلومات وتجديدها من وقت لاخر وقانون السجل المدنى ولائحته يوضحان

ذلك اكثر... وكمثال يجب على الفرد متى ما تغيرت اى معلومة من معلوماته سواء فى الوظيفة او السكن...الخ فانه يجب اخطار

السجل المدنى او الفرعية بالحى الذى يقيم فيه.

ولكن ماذا نفعل مع التدخل السياسى السافر فى المسائل ذات الطبيعة الفنية والمهنية, فقد امر الوزير السابق للداخلية

بالبدء فى اصدار الجواز الالكترونى ضاربا عرض الحائط بالدراسات التى اعدت لمشروع السجل المدنى محاولا بدء المشروع بالمقلوب

(من الاخر) لتحقيق كسب سياسى يحسب له فى رصيده الشخصى وهذه مصيبة السودان, كما ان سعره خيالى (450) جنيه... تصوروا ان الوثائق

الثبوتية وهى خدمة ... اضافة الى انها معلومات هامة للدولة تباع للمواطنين باسعار خرافية... وكان يجب على الدولة ان تجعلها

باسعار رمزية... لانها تشترى المعلومات من المواطن للاستفادة منها فى التخطيط السليم والتنمية وتوزيع السلطة والثروة...الخ

بالنسبة لموضوع السفارة الامريكية .. و الألمانية ايضا ..
يمكنك الذهاب الي وزارة الداخلية .. و اخذ نسخة مطبوعة لبياناتك المقروة آليا .. و ختمها .. و تقديمها مع الجواز ..
قمت بتقديمها بنفسي للسفارة الألمانية في الرياض .. و قبلوا الامر .. و نفس الامر حدث لصديقي مع السفارة الامريكية في الخرطوم ..
يمكنك ان تستفسر من السفارة عن هذا الامر ..

Quote: الجواز الإلكتروني تقنية ألمانية .. يحتوي علي شريحة SIM .. و مقروء في 90% من مطارات العالم .. * السفارة الامريكية في الخرطوم لا تعتمد الجواز في الوقت الحالي لانه ما عندها جهاز قارئ .. و المعلومات المقروءة ( المكتوبة ) تحتوي فقط علي الاسم الاول و اسم العائلة .. حسب المتبع عالميا .. الاسم الرباعي يحتاج لوجود قارئ بطاقات SIM ..

الأخ ابراهيم وراق

سلام

الجواز الجديد قالوا انه بمواصفات عالمية...
يعني من المفترض ان يماشي العالم الحديث..
جواز يحتاج لخطاب يشرح او يوضح معلومات حامله.. هذا منتهى التخلف..
فعلا اذا كان الجواز الجديد هذا يواجه مثل هذه التعقيدات والتي صادق عليها الإخوة كمال وحميدة..
في القاهرة والسعودية..
فهذه مشكلة وانتكاسة كبيرة في مشروع ما يسمى بالجواز الإلكتروني..

لماذا لا يكون هنالك التريث التام حتى يكتمل المشروع بكل جوانبه!!!!!!!!!!!

تحياتي

Quote: لماذا لا يكون هنالك التريث التام حتى يكتمل المشروع بكل جوانبه!!!!!!!!!!!

الاخ Abdlaziz Eisa

كان من المفترض التريث حتى يكتمل مشروع السجل المدنى ولكن...

ماذا نفعل مع تدخل السياسيين فى الامور المهنية والفنية لتحقيق مكاسب سياسية

لك التحية

الاخ حميدة

Quote: و اخذ نسخة مطبوعة لبياناتك المقروة آليا .. و ختمها .. و تقديمها مع الجواز ..

معقولة بس كلامك ده

وايه لزوم النسخة المطبوعة والمختومة اذا كان الجواز يقرا اليا كما تفضلت.. هذا تاكيد لما قلته ان الجواز السودانى تنتفى منه

الصفة الالكترونية المعمول بها فى كافة انحاء العالم

يا جماعة انتو بتفهموا بأضنينكم .. و لا الحكاية غلاط و السلام ..
قلنا الزول بحتاج لبرنت لمن يكون الجهة البتتعامل معاها ما عندها قارئ ..
حكاية الغلاط من اجل الغلاط دي متعبة جدا .. عذرا ما حأقدر اجاريكم فيها ..
وكل زول حسب فهمه ..

..
..

نواصل في التوضيح .. ( نسبة لكمية المعلومات المغلوطة في البوست ) ..

* لا تتم عملية ( تجميع ) الجواز في مطابع العملة .. تم استيراد ( مليون ) دفتر من الشركة الموردة في المانيا والتي يتم بها الإستخراج هذه الأيام ..
تجميع الجواز دي مرحلة تانية .. وحتى لو تمت ما هتكون في مطابع العملة .. بل في مصنع الوثائق الثبوتية والهجرية في جبرة .. والمصنع لايزال قيد التنفيذ .. ويعتبر المصنع الوحيد في افريقيا والشرق الأوسط ..
و سوف يكتمل حسب ما هو معلن في مطلع العام القادم ..
* من الاساس ما في عملية قص و و تغليف .. ( حسب زعمكم ) .. هنالك عملية ( تشخيص ) .. و كتابة المعلومات في الشريحة تتم إلكترونياً .. أما الطباعة فتتم بالليزر .. يعني الموضوع مافيه احبار من اساسه ..
فالليزر يقوم بعملية حرق الطبقة المتوسطة في صفحة البيانات .. ويقوم بحفر الرقم الوطني ..

الادهى والامر ان الجواز الالكترونى الذى تم اصداره به خانة لكتابة الرقم الوطنى... وكل الجوازات التى تم اصدارها حتى

الان بها ارقام لا تمت للرقم الوطنى بصلة... حيث ان الرقم الوطنى تصدره ادارة السجل المدنى اليا بعد ادخال البيانات

كما ذكرت سابقا وبالتالى الرقم الموجود الان بالجواز هو رقم عشوائى ولا ادرى ماذا تفعل ادارة الجوزات بعد ان يكتمل مشروع

السجل المدنى وتصدر الارقام الوطنية, هل يتم الغاء الجوازات الصادرة واصدار جوازات جديدة تحمل الرقم الوطنى؟ وعلى من تحسب

هذه التكلفة على المواطن ام على الدولة؟

Quote: الرقم الموجود الان بالجواز هو رقم عشوائى

خطأ ..
عندك طلبك استخراج جواز جديد .. في فورمة بتعبيها .. تابعة للسجل المدني .. يجب ان تملأها كاملة .. و تدخل في النظام ..
لا يمكن تقنيا ان تستخرج جواز جديد .. بدون ادخال هذه المعلومات و اخذ الرقم الوطني .. ( يتم استخراج بطاقة بها الرقم ) ..
بناء علي هذه المعلومات يتم سحب معلوماتك الي الجواز ..
( مثال : عملية البصمة هي في المقام الاول للسجل المدني ) ..

* صــورة بطاقة السجل المدني .. التي يتم بموجبها اصدار الجواز ..

Quote: يا جماعة انتو بتفهموا بأضنينكم .. و لا الحكاية غلاط و السلام ..

ياحميدة طول بالك ......

واضح من خلال المداخلات حتى الان ان الجواز الالكتروني بشكله الحالي يعاني من مشاكل فنية او ربما لم يكتمل بصورته النهائية

او نحن ماقدرين نفهم يعني شنو جواز الكتروني عشان كده بي نفس هاديء الناس عاوزه تعرف الحاصل شنو بالضبط وفي النهاية

نلقي اجابة على عنوان البوست نفسه (الجواز الالكترونى بين الحقيقة والوهم)

Quote: عشان كده بي نفس هاديء الناس عاوزه تعرف الحاصل شنو بالضبط

جدا يا حبوب .. الحكاية كلها تبادل معلومات .. بس في ناس بتغالط من اجل تفطيس الحاجة ..
ما يعنيني في الامر الناحية التقنية .. بغض النظر عن انه الناس عندها مشاكل مع الحكومة و لا مع بتول ست الشاي ..

نواصل ..

* مشروع السجل المدني والجواز الإلكتروني مشروعين متواززين .. فعند التسجيل للجواز الإلكتروني يتم ملئ فورم يحتوي على جميع المعلومات المطلوبة للسجل المدني فالمستندات المطلوبة هي :
- شهادة الجنسية
- شهادة الميلاد
-مكان السكن.
- فصيلة الدم
- الحالة الإجتماعية
- الشهادات الدراسية
- مكان العمل
- و .. و ..
العديد من المعلومات والمستندات المؤيدة لذلك
كل هذه البيانات يتم تسجيلها في نظام السجل المدني ، والذي بدوره يصدر الرقم الوطني الذي تتم طباعته في الجواز الإلكتروني ..
يعني في حالة تسجيله للجواز الإلكتروني يكون قد تم ادراجه في السجل المدني واصدار الرقم الوطني المطبوع في الجواز .. ( لا يمكن ان يكون عشوائيا ) ..
و عند الحوجة الي اصدار جواز جديد مرة آخري ( بدل فاقد - بدل تالف - انتهاء مدة الجواز بعد التجديدات ) لن يحتاج الى تقديم هذه البيانات مرة آخرى .. ( الرقم الوطني فقط ) ..
و يمكنه ايضا استخراج اي الوثائق الثبوتية او الهجرية بالرقم الوطني .. (رخصة قيادة، بطاقة شخصية، ..... الخ)...‬
‫فالنظامين مربوطين ببعضهما بواسطة شبكة .. وأضف الى ذلك تسجيل البيانات الحيوية من بصمة العشرة اصابع والصورة والتوقيع ..
اي ان هذه المعلومات تكون مركزية في قاعدة البيانات في السجل المدني ..

Quote: يا جماعة انتو بتفهموا بأضنينكم .. و لا الحكاية غلاط و السلام ..

الفهم قسم...

ويبدو من المعلومات الدقيقة التى اوردتها حول الجواز الالكترونى انك ملم ببعض التفاصيل والامور الفنية,نحن لا نهتم بعمليات القص

والتشخيص والطباعة بالليزر واستيراد مليون نسخة من المانيا وانشاء مصنع للاوراق الثبوتية بجبرة, بقدرما اوضحنا ان الامر كان

ارتجاليا بقرار سياسى تجاوز الدراسات المعدة لمشروع السجل المدنى الذى لم يكتمل بعد وحديثى ياتى من منطلق مهني بحت بوصفى

عملت سابقا بالشرطة وملم بالامر من كافة جوانبه.

الأستاذ إبراهيم الرشيد عبد الرحمن ورّاق

عندي سؤال مهم جداً في هذا المبحث

والسؤال طرأ نسبة للكثير من المعلومات المغلوطة التي تضمّنتها كتاباتك ومداخلاتك في هذا البوست
مثل هذه المداخلة

Quote: و قد اصيب بالصدمة بمجرد سماعه بان جواز سفره الجديد ليس هو الوثيقة التى يمكنه الإعتماد عليها عند مقابلة السفير الامريكى فى القاهرة

والتي نفيتها أنا بمعرفتي وأكدت عليها أنت بتعقيبك عليّ

سؤالي:
ما هية علاقتك الشخصية بالدوائر المختصة باستخراج الجواز وجهات السجل المدني؟

تحياتي كمال

Quote: نحن لا نهتم بعمليات القص والتشخيص والطباعة بالليزر واستيراد مليون نسخة من المانيا وانشاء مصنع للاوراق الثبوتية بجبرة

Quote: وحديثى ياتى من منطلق مهني بحت بوصفى عملت سابقا بالشرطة

حديث متناقض جدا ..!!

..
..

ما تتابع معانا البوست دا .. ليك اجر فتحه .. شيلوا اجرك و امشي ..

للمعلومية ..
جميع الخصائص في الجواز الإلكتروني السوداني قد تم فحصها بواسطة ( المنظمة الدولية للطيران المدني ) ..
والتأكد من مطابقتها للمواصفات التي تضعها المنظمة ( ICAO )
بنهاية العام 2010 كل دولة يجب ان تنفذ مشروع الجواز الإلكتروني ..

http://www.icao.int

وليك اجر رفعه.... وياريت تواصل وتكسب فينا الاجر

واهو كله بثوابه.

الاخ كمال

Quote: والتي نفيتها أنا بمعرفتي وأكدت عليها أنت بتعقيبك عليّ

؟؟؟

ارجع واقراها تانى

Quote: ما هية علاقتك الشخصية بالدوائر المختصة باستخراج الجواز وجهات السجل المدني؟

ماشخصية ولا حاجة.... راجع البروفايل

Quote: ماشخصية ولا حاجة

علاقتك السابقة بجهاز الشرطة السودانية .. لا يخولك بنقل معلومات مغلوطة وغير صحيحة وليس لها مصدر
عليك يا سيد ابراهم ان تتحرى الدقة في المعلومة خاصة وانك رجل كان له علاقة بالجهات المستخرجة لهذه الأوراق ..

Quote: علاقتك السابقة بجهاز الشرطة السودانية .. لا يخولك بنقل معلومات مغلوطة وغير صحيحة وليس لها مصدر عليك يا سيد ابراهم ان تتحرى الدقة في المعلومة خاصة وانك رجل كان له علاقة بالجهات المستخرجة لهذه الأوراق ..

والله يا عمك تقول ادوك عين

بقيت مسكين وبالك طووووويل

الأخ إبراهيم

كتبت لك

Quote: والتي نفيتها أنا بمعرفتي وأكدت عليها أنت بتعقيبك عليّ

فعقّبت عليّ

Quote: ؟؟؟ ارجع واقراها تانى

وها أنا ذا أعيد القراءة تلبية لطلبك الغالي

Quote: ما أعرفه جيّداً أنّ الجواز يستخدم للدخول لأميركا فقط عند التقديم للفيزا في السفارة الأمريكية يطلب من اضافة الإسم الرباعي في أي سفارة سودانية (السفارة السودانية بالقاهرة مثلاً) ويختم عليه وهي خدمة مجانية وتأتي به للسفارة الأمريكية لتكملة الإجرءآت هذه المعلومة أنا متأكد منها 100%

Quote: Frankly تحياتى لدى زميل فاز باللوترى وعند مقابلته للسفارة الامريكية بالقاهرة طلب منه تاكيد بيانات الاسم الموجود على جوازه الالكترونى الجديد فقامت السفارة السودانية بتاكيد ذلك بالكتابة على صفحات الجواز وختمه!!!!!

ما يعني أنّ الجواز الإلكتروني الجديد هو الوثيقة التي تقدّمها لمقابلة السفير الأمريكي والذي قلت بعكسه في مقدمة البوست

Quote: و قد اصيب بالصدمة بمجرد سماعه بان جواز سفره الجديد ليس هو الوثيقة التى يمكنه الإعتماد عليها عند مقابلة السفير الامريكى فى القاهرة

Quote: الحل ياسادتى انه يتوجب عليه إستخراج الجواز القديم

وهذا تضارب واضطراب في المعلومات التي تكتب وإن أردت القول بأنّه كذب وتدليس لم أفارق المنطق وأدب الحور
لأنّ الإصرار على الخطأ هو ممارسة للكذب والتلفيق والتدليس والتضليل المتعمّد للقارئ وحرّي بك أن تبتعد عنه

تحياتي كمال

يا حميدة سؤالين
1- معلوماتك دي مصدرا وين؟
2- كيف يعني القارئ ما بيقرا ال SIM بتاع الجواز السوداني؟ مش مفروض انو الجواز دا مطابق لل (والتأكد من مطابقتها للمواصفات التي تضعها المنظمة ( ICAO )
) يعني بشكل منطقي مفروض يكون مقروء بالقارئات البتقرا الجوازات الالكترونية التانية ... ولا شنو
الحاجة التانية خلال ال 5 سنوات التجدييدات بتكون تقريبا أقل من نصف السعر الخاتينو الناس دي 180.000 جنيه سوداني يعني سنتين 72 + سنتين 72 + سنة 36 =188 والرسوم الخاتينها الجماعة ديل 400!!!

Quote: معلوماتك دي مصدرا وين

معلوماتي مصدرها .. دفعتي الشغالين في مشروع الجواز الإلكتروني .. ( مهندسين كمبيوتر ) ..
و متابعتي اللصيقة للمشروع دا .. لانه هو و مشروع السجل المدني من الامور البتهم ناس الكمبيوتر ..
و ازيدك ..

* الجواز الإلكتروني .. بتكون من صفحة البيانات و هي منطقة مقرؤة ضوئيا .. و الشريحة الإلكترونية وملحقاتها SIM Crad .. و صفحات التأشيرات ( 48 صفحة ) ..
* خصائص ومكونات الجواز الالكترونى :
- بيانات مخزنة الكترونيا فى الشريحة ( البيانات الشخصية - البصمة ...الخ )
- صورة شخصية مستوفية للمتطلبات الدولية ..
- توقيع حامل الجواز
- بيانات حامل الجواز مطبوعة ومقرءة آليا .


http://www.passport.gov.sd/index1.htm

Quote: * السفارة الامريكية في الخرطوم لا تعتمد الجواز في الوقت الحالي لانه ما عندها جهاز قارئ .. و المعلومات المقروءة ( المكتوبة ) تحتوي فقط علي الاسم الاول و اسم العائلة .. حسب المتبع عالميا .. الاسم الرباعي يحتاج لوجود قارئ بطاقات SIM ..

هذا صحيح..
لمعروف ان الجواز السودانى الجديد يكلف405الف جنيه سودانى كاغلى جواز فى العالم والجميع فى دهشة بسبب هذا السعر الخرافى مع العلم ان الجواز الجديد لا يختلف كثيرا عن الجواز القديم بل هو نفس الجواز القديم والاختلاف البسيط فى ان صفحة المعلومات فى الجواز الجديد ممغنطة وهذا لا يكلف كل هذا السعر مما اعتبر انه بند سرقة جديد للشعب المسكين ..

محمد الكاب ..
رسوم اصدار الجواز القديم كم .. و سوم تجديده بعد سنتين كم .. و احسب تكلفة سنة زيادة برضو في التجديد ..
مدة الجواز الجديد 5 سنوات ..
دا لمن تجي تقارنه بالجواز القديم ..
لكن علي العموم .. الاتنين رسومهم كتيرة ..

رسالة وصلتني عبر الايميل .. [email protected] ..
من الاخ واصل هاشـم - بلجيكا

Quote: الاستاذ حميدة السلام عليكم ورحمة الله في البدء اعتذر عن الكتابة اليك بغير سابق معرفة واعتذر كذلك عن التطفل علي ملفك بموقع سودانييز اونلاين للحصول علي بريدك الالكتروني ما دعاني للكتابة اليك هو موضوع الجواز الالكتروني والمغالطات التي تملأ موقع سودانيز اونلاين حتي صار اي عمل تقوم به الحكومة هو موضع نقد وانتقاص وذلك لان الناس لا يعجبهم العجب ولا الصيام في رمضان نفسه لي تجارب مع السفر الي المطارات الاوربية خاصة وانني اقيم ببلجيكا الان حيث ان جواز سفرنا القديم نعاني منه اشد المعاناة لانه لا يقرأ الكترونيا كما ان الجواز القديم يكتب بخط اليد وفي بعض الاحيان بخط غير واضح الامر الاخر هو مشكلة الاسماء الطويلة واضطرارنا كثيرا لشرح ان الجواز يحتوي علي اربعة اسماء الامر الاخر والذي هو مبعث تعجب من موظفي المطارات ان جوازنا لا يحمل اي علامة تأمينية وان الصورة يمكن خلعها وتركيب غيرها لذا تجدهم يدققوا في صفحات الجواز لماذا ننتقد اي محاولة للتحديث ام لان اي نجاح تقدمه الحكومة ينتقص من دعاوي المعارضين اما بخصوص الجواز الجديد فاعتقد حسب ما رايت انه افضل من القديم في الميزات التأمينية وميزة القراءة الالية وهنالك امر مهم ان منظمة الطيران العالمية اياتا ستفرض علي الدول قريبا جدا امر الزامية الجواز الالكتروني منعا للتزوير والتلاعب ما غاظني هو ربط الجواز بامكانيات سفارة امريكا بالسودان ولمعلوميتك ومعلوميتك البقية التي تقرا سودانيز اونلاين فان سفارة الولايات المتحدة ببلجيكا تشترط الاتي عند التقديم الكترونيا للتاشيرة Have a valid machine-readable passport issued by the participating country and be a citizen (not only a resident) of that country. The passport must be valid for at least the duration of the stay in the U.S. Please note that children, even infants need their own, individual machine-readable passport in order to travel under the Visa Waiver Program (VWP). A. Machine-readable passports issued or extended before October 26, 2005 are valid for travel under the VWP. B. If the machine-readable passport is issued or extended between October 26, 2005 and October 26, 2006, it must have a digital photograph or an integrated computer chip. If the machine-readable passport does not have a digital photograph, a U.S. visa must be applied for. However, machine-readable passports without digital photos, issued or extended before October 26, 2005 will continue to be valid for travel to the United States. C. Machine-readable passports, issued or extended on or after October 26, 2006, require an integrated chip. اتمني ان يكون هذا ردا شافيا علي ادعاء من ينتقص من قدر الجواز السوداني الجديد

حمادة
يامنطق

الأخوة المهتمين بهذا الموضوع

أعتقد أن المعلومات التى كتبها حميدة هي المعلومات الصحيحة، وأنا (شخصياً)ن كنت في السودان في أبريل (المنصرم) (حلوة المنصرم دي إن شاء الله تعجبكم) المهم يا ناس، أنا مشيت وطلعت الجواز الإلكتروني، وبأمانة الإجراءات عجبتني شديد، عشان كدة استقصيت من كل المعلومات الأساسية عنه وعن طريقة إستخراجه، وأزيدكم من الشعر (قصيدة كاملة)، أنا دخلت بالجواز لأمريكا ولأول مرة أحس بأن الجواز يُعامَل مثل الجوازات الأخري (بغير تدخل منى لشرح أين يوجد تاريخ الإنتهاء وأين توجد البيانات)، ولذلك الناس المتداخلة دي أمسكوا قوي في كلام حميدة لأنو أنا مريت بكل هذه الإجراءات وسألت عنها وتمّ التوضيح بالشكل الذي شرحه (حميدة) أعلاه.


داخل الموضوع:
من الجهات المعارضة للجواز الإلكترونى وبشدة هم (العقوداب) بتاعين الخليج، لأنهم قالوا الجواز الإلكترونى ما فيهو مهنة (طبعاً هم عايزين مهنة لأنو عقد العمل بجى بمهنة محددة).

الضباط الذين يعملون في إستخراج الجواز وإدخال البينات تمّ تدريبهم في السودان بواسطة القنصل البريطاني (ذات نفسو).

أخيراً: الجواز معتمد جداً في أمريكا وخصوصاً في (مطار كيندي في نيو يورك.

Quote: الجواز الإلكترونى ما فيهو مهنة

اغلب الجوازات في العالم ما فيها مهنة ..
ممكن الزول يكون ما داير يشتغل .. و بطلع ليهو جواز ..
و الزول البحتاج الميزة دي .. جاء حلها بكل بساطة .. انه في اي ورقة من ورق التأشيرات بكتبوا ليهو المهنة .. و بختموها ليهو بصورة رسمية من ادارة الجوزات ..
و حتي الناس الما عندهم قارئ .. كذلك ممكن يكتبوا ليهم الاسم الرباعي في واحدة من ورق التأشيرات و تختم بالختم الرسمي ..

بالمناسبة ..
الجواز السعودي لا توجد به خانة للمهنة .. !!

طبعاً يا (حميدة) موضوع (المهنة) أنا جبتوا عشان الناس البيعترضوا على الجواز، لكن طبعاً ما في جواز في معظم دول العالم فيهو مهنة.




إضافة مثيرة للجدل:

الجواز الإلكترونى ممكن الواحد يمشي بيهو (إسرائيل ذاتا) شايف كيف، ودى أهم مميزاتو، يبدو أن الأستاذة تراجي مصطفي) إشتغلت تمام في الحتة دي.

خالتي تراجي .. الله يديها العافية .. دايرنها قبل تمشي اسرائيل تجي تطل علينا بهنا ..

..
..

عارف يا سمعة ..
انا الغاظني شديد في الموضوع دا .. انه الناس بقت ما بتفرز بين معاداة الحكومة و بين الحاجة الكويسة الممكن تفضل للبلد حتي لو الحكومة دي مشت ..
شغالين بنظرية اخنق فطس ..

يا حميدة

أولاً موضوع معارضة الحكومة دا، فأنا معارض للحكومة والمشكلة مش إنو الحكومة بتعمل حاجة سمحة ولا كعبة، لأنو معارضتي ليها مبدئية، وهي أنها جاءت عن طريق إنقلاب، وحاولت فرض رؤيتها هي على الشعب السوداني، والوضع الصحيح يقول أن التنافس يجب أن يكون ديمقراطياً (مع مراعاة خصوصية كل بلد)، لذلك فأنا في خانة المعارضة حتى ينال الناس حقوقهم في إنتخاب ومحاسبة الحكومة (وفق معايير يتم الإتفاق عليه وتحفظ للجميع حقوقهم وتوضح واجباتهم).

فبالتالي القصة بالنسبة لي مش إنجازات لأنو أي حكومة ممكن تعمل إنجازات كتيرة وفي نفس الوقت ممكن تعمل أضرار أكبر، طالما ما في أي آلية (محاسبة أو مراقبة)، والإنجازات في هذه الحالة ما عندها أي معنى.

يعنى مثلاً (الجواز الإلكترونى دا) ممكن يكون إنجاز كويس ظاهرياً، لكن (باطنياً) يمكن أن يكون في سبيل تحقيقه (تم إهدار وسرقة مال) كان يمكن إنفاقه في قضايا حياتية ومستعجلة تتعلق بحياة المواطن البسيط (غسيل الكلي مثلاً، أو محاربة الفقر)، شايف كيف، فالموضوع كبير ولكن أردت هنا أن أوضح أن معلوماتك كلها صحيحة بناءاً على تجربتي الشخصية، وأعتقد أنك أفدت القراء عن هذا الموضوع بمعلومات وافية وصحيحة وهذا ما نريده (ونبغاه) أنا والقراء. فشكراً لك.

خالص التحايا
الجميع
مواصلة للموضوع ، اتفق مع ذهب اليه حميدة بخصوص اروده من معلومات فقط هذه الجزئية التي ذكرها..

Quote: لا يمكن الإحتفاظ بالجواز القديم،

الجواز القديم بدوك ليهو ، وبختمو ليك فيهو لاغــــي..
ودي صورة بيان بالعمل ..


ودي مجموعة صور للجواز الذي (يسمى)الجواز الالكترونى العادي..لايختلف عنه شيئأ سوى حذف الكلام بتاع كل الدول الا اسرائيل...ولون الغلاف الخارجي..




كذلك لايوجد اختلاف في الصفحة الاخيرة بينه وبين الجواز الاخضر القديم نفس الكلام هنا ياهو هناك...


الجديد..


القديم...


*لانو مع الاسف حتى الجواز (الدبلوماسي) بعيد كل البعد عن شي اسمو الالكتروني او خلافو؛ يعني ماعارف الزول في البلد دي الا يبقى اجنبي!؟!؟..لانو الورق ولا الجواز الشايلنو ده مامعتمد زي ماذكر حميدة في كثير من الدول..

ونواصل..

دي رسالة اخرى من اخونا .. مزمل .. ( طلب عدم ذكر البلد ) ..

Quote: AL Salam Alikum I read about the discussion regarding the new Sudanese passport , I’d like to bring a personal experience in that regard . 1- I’m working currently as an It security consultant part of a team that is looking after the Saudi E-passport project later this year . 2- Last Feb we did a conference @ ْْXXXX to evaluate some technical vendors that will be part of this project . a. I was surprised to meet some of them who were part of the Sudanese project . b. it’s even being used as a reference project regarding the technical specs ! c. I’m not sure yet if we have enough customization / production centers yet , the logistics alone might kill such a project 3- The integration with other government bodies is the only way to evaluate such a project , a root CA is needed now in Sudan . 4- The nice thing about this passport , is not only the security but the services it can bring with it : e-gates , e-visas , easy ID mgt. etc 5- As for international standards : you are right , it’s a must , even if that RFID chip is blank …we need to have such a passport

السلام عليكم..أخى أبراهيم الرشيد..

يا جماعة خلاصة الموضوع......هل مستقبلآ ستحل هذه المشكلة بالنسبة للجواز الجديد...وللا حا يحصل شنو يعنى؟؟؟

ما ممكن ياجماعة نجى نناقش موضوع..ونقعد نسب فى الحكومة والمؤتمر الوطنى...

خلونا نناقش الموضوع بعيدآ عن المؤتمر الوطنى والحكومة..لآن الحكومات بتتغير وجواز السفر هو الجواز سيظل معنا ونسافر به....

شوفو مداخلة حميدة دى ونتابع الموضوع من المنطلق ده.....

Quote: اغلب المعلومات الواردة في هذا البوست غير صحيحة .. اتمني ان أجد متسع من الوقت خلال هذا اليوم للكتابة عن هذا الامر .. فقط اريد ان اوضح نقطتين .. * الجواز الإلكتروني تقنية ألمانية .. يحتوي علي شريحة SIM .. و مقروء في 90% من مطارات العالم .. * السفارة الامريكية في الخرطوم لا تعتمد الجواز في الوقت الحالي لانه ما عندها جهاز قارئ .. و المعلومات المقروءة ( المكتوبة ) تحتوي فقط علي الاسم الاول و اسم العائلة .. حسب المتبع عالميا .. الاسم الرباعي يحتاج لوجود قارئ بطاقات SIM ..

خلو ناس التقانة تتكلم....ونستفيد من البوست....كامل تقديرى وأحترامى.................إسماعيل محمد أحمد عباس....

الاخ اسماعيل عباس

Quote: خلونا نناقش الموضوع بعيدآ عن المؤتمر الوطنى والحكومة..لآن الحكومات بتتغير وجواز السفر هو الجواز سيظل معنا ونسافر به....

والله هذا مانبغى, وان كنت تقصد كلامى (اخرتها ما بتسر ناس المؤتمر الوطنى) فقد قلته لاخى عمر عثمان على سبيل الدعابة

انا قاعد معاه فى المكتب وبكتب فى البوست ده

شكرا حميده علي مداخلاتك الثره التي اجابت علي كثير من الاسئله الحائره بخلدي
وشكرا لصاحب البوست الذي افترع هذا الخيط لبيان مواضع الحقيقه والوهم في الجواز السوداني مثار النقاش
تحياتي

بعد التحية للجميع
أتفق مع الأخ حميده في طرحه وكلامه الجميل
...............
الجواز الالكتروني فكرة تقوم علي ربط المعلومة الكترونيا مما يجعل تعامل العالم كله تعاملا يسير في مفهوم واحد وبالتالي ممكن قراءة الجواز وهو داخل جيبك
وممكن متابعتك بنفس متابعة شريحة الهاتف الجوال
وومكن الكثير
الموضوع بما فيه ان الفكرة لم تنبع من عندنا ولكنها فكرة عالمية متطورة
تحد من التزوير
وتمكن من المتابعة
سبقتنا فيها العديد من دول العالم والدول العربية ومن بينها اليمن
الموضوع منهج جديد لماذا نقابله بكل هذا الحبر السائل

Quote: الاخ البشمهندس بكري ابوبكر تحية وتقدير قرأت اليوم في صحيفتكم العامرة مقالا في صفحة مقالات وأرآء بعنوان "الجواز السوداني الجديد والسفر الي الغرب" وكاتبه الاستاذ احمد عبدالرحيم من الخرطوم في الحقيقة أود ان انوه ان ما جاء في المقال ان السفارة الامريكية بالقاهرة لا تقبل الجواز الجديد غير صحيح , وذلك لأنه حضرت اخت صديق لي من السودان وهي تحمل الجواز الجديد ويسمي بالجواز الالكتروني للحصول علي تأشيرة لزيارة ابنتها هناك , وقد قابلت القنصل الامريكي ووافق علي حصولها علي التأشيرة , ولم يكن هناك اي نوع من انواع المنع او الاعتراض علي الجواز الجديد من جانب السفارة الامريكية لذلك وودت التنويه لأنه من المتوقع ان يقرأ هذه المقال عدد كبير من الناس ممن يودون زيارة الولايات المتحدة , وعليه ردءا للضرر الذي قد يصيبهم من جراء معلومة غير صحيحة في حالة استخراجهم لهذه الجوازات الجديدة وتكبدهم لمشاق مصاريفها الباهظة ومحاولة استخراج الجواز القديم شكرا وتحياتي لك زاهر هلال زاهر [email protected]

سلام للجميع...

أنا تخصصي هو إصدار ألأوراق الثبوتية والجوازات و security print and Identity document

أعمل في هذا المجال منذ أكثر من عشر سنوات وكنت خلالها مديرا للكثير من المشاريع حول العالم وتخصصي في مجال الجوازات والهجرة

عملت في أكبر الشركات في هذا المجال وشاركت في إعتماد أكثر من عشرين جواز

هذة المقدمة حتي لا يظن البعض إني بتكلم من أجل الغلاط



هناك بعض المعلومات الخاطئة هنا أود إضاحها....

1 الجواز الرقمي E-PASSPORT لايعمل ب SIM card ولكن بRFID (RADIO FREQUENCY IDENTIFICATION

2 ICAO تطالب ب MRD (Machine Readable Document) وليس E-Passport والفرق في التكلفة عشرة أضعاف. The dead line of 2010 is for MRD and not e passport

3 السودان يحتاج إلي جواز مقرؤ بالمكنة ولكن ليس بالضرورة E-PASSPORT لأنة مكلف وفقط أقل من 40 دولة بدأت في إصدارة

4. الجواز الرقمي لا يعتمد علي البصمة للتعريف بل هي OPTIONAL ويتم إستعمالها داخليا فقط. ماإتفقت علية ICAO هو إستخدام الوجة للتعريف... The usage of Facial Recognition as a Biometric tool.

5. للبصمة نوعين من ألإستخدام Verification (وفي هذة الحالة يكون التطابق%100 لأن المقارنة هي one to one أما في حالة ال Identification One to many فالوضع مكلف ويحتاج لأربعة بصمات عل الأقل ليعطي النتيجة المقبولة وهو مايعرف بال AFIS Advance Finger Identification System وأنا أشك في أن السودان تبني A FULL AFIS SYSTEM

المشروع كماشرح أحد الأخوة ومن وجهة نظري الفنية لم يدرس ولا يتماشى مع أرض الواقع وإحتياجات قطاع الهوية بحيث نبدأ من القاعدة إلي الهرم ونثبت مبدأ الPIN Personal Identification Number ووجود شخص واحد بطاقة واحدة One person one document bases

الجواز أغلي جواز إلكتروني حسب معرفتي...فالبريطاني وهو من أحدث للجوازات الرقمية لايصل إلي ميئتي دولار...هذا رقم خرافي ونهب لأن تكلفة الجواز لا تتجاوز الخمسة عشرة دولار

أتمني أن أكون قد ساهمت في توضيح بعض النقاط

الجواز الالكترونى واحد من الانظمة المطلوبة لمشروع كبير يسمى نظام السجل المدنى الالكترونى بالسودان

والذى يتكون من عدة انظمة اعدت لها الدراسات اللازمة وهى:

1- نظام السجل المدنى

2- نظام البصمة الالكترونية

3- نظام الجواز الالكترونى

4- نظام التاشيرة الالكترونية

5- ونظم اخرى منها النظم الموجودة حاليا لدى وزارة الداخلية وذلك بتطويرها لتواكب الطفرة المتوقعة

سعيا وراء توحيد معايير تصميم وتنفيذ هذه النظم.

وعلينا اولا ان نعرف ان السجل المدنى هو السجل الذى تدون فيه واقعات الاحوال المدنية والحياتية استنادا على

وثائقها حسب ترتبها فى سجل الواقعات وهى كل الواقعات الحياتية للمواطنين من ميلاد وزواج وطلاق ووفاة

وما يتفرع منها واهدافه تتلخص فى:

1- ضمان حقوق الافراد من حيث الجنسية والتملك والتمتع بالحقوق السياسية وحق التوظيف والانتخاب والترشح واى حقوق اخرى

2- انشاء قاعدة مركزية للمعلومات وربطها بمكاتب الولايات واجهزة الدولة الاتحادية والولائية المختصة على ان تتضمن بيانات عن

الانسان فى العمل والحركة والنشاط واى مجالات اخرى

3- تزويد اجهزة الدولة المختصة بالبيانات الاحصائية للاستفادة منها فى وضع خطط التنمية الاتحادية والولائية والمحلية فى المجالات

الاقتصادية والسياسية والاجتماعية والعسكرية وغيرها

4- تزويد الجهات المختصة ببيانات حركة المجتمع والهجرة الداخلية والخارجية وغيرها من البيانات المتصلة بذلك

وما يهمنا تحديدا هو تنفيذ نظام السجل المدنى الالكترونى والانظمة الاخرى والتى من ضمنها نظام الجواز الالكترونى حسب

الدراسات التى اعدت بواسطة اللجان الفنية والجهات الاستشارية لان الارتباط والتكامل بين جميع الانظمة يعتبر امرا جوهريا

واساسيا لنجاح المشروعّّ.

الاخ هيثم الصديق

شكرا على المعلومات التى تفضلت بها

تحياتى

Quote: أتمني أن أكون قد ساهمت في توضيح بعض النقاط

شكرا وافرا وامل ان ينتبه احد من المسئوليين لما يتداول هنا ويوضح الامر فالخشية من سبهللية تناول مثل هذه الامور الحساسة وترك الامر للتجربة وما سيجره ذلك علينامن اسقاطات واثار سالبة كحاملين لهذه الوثيقة ...

المعلومة الموكدة الان وانا معي قريبي اصريت علي ان يذهب وانا معه بالجواز الجديد لانه قد سجل رقمه في الفحوصات رغم نصيحة العديدين لنا باستحراج جواز قديم

حيث رفضت السفارة السودانية بالقاهرة استخراج الافادة وقالوا لن نقوم بذلك اما جواز قديم او تاكلوا ناركم ( مهزلة ).

لكن بعد المقابلة اتصلت السفارةالامريكية اليوم بقريبي وطلبوا منه الغاء الجواز الجديد واستخراج جواز سوداني قديم اوكد قديم والا لن يعطي تاشيرة الا في الجواز القديم

فمعلومة ان السفارة الامريكية تقبله مع الافادة لم تعد هناك


شي اخر رفضت المنسقية الجواز عند اجراء كرت السفر وطالبتني بان احضر افادة وذلك في وقت ضيق
تخيل ان تعود الي جوازات ام درمان لاصدار افادة اذن ما الفائدة من الجواز وهو اكبر عائق للسفر
الشطارة فوق شنو ما يكتبوا الاسم بالكامل انجليزي وعربي ليه عربي بس
وحاجة تانية وهي المهنة المهنة ما ممكن تقيف في بوابة ومعاك جوازك وتقول ليهم عندكم قارئي اليكتروني
تذكر تفاصيل اخري مملة وتترك مهمة مثل الاسم الرباعي عربي وانجليزي
هو معاناة حقيقية وكانت هذه الملاحظة من اللحظة الاولي لكن الفلسفة العوراء وشيل البطارية في القمرة


الكلام دا جديد كرت
كل الذين يحملون جوازات قديمة لم تقابلهم اي مشاكل ايوة اي مشاكل امورهم تمام التمام
عشان كدا حنروج لانو الجواز مخستك حتي ما يتعب الناس ويجو سفر وتلتلة وتاخير وبشتنة في بلد زي مصر كل يوم ممكن تعاني فيها بسبب سفر قريب ليك او صديق

الفاتح

العايز اي تاكيد اليجي هنا او ممكن يتصل علينا
ح ناكد الكلام دا لانو حقيقة وليس ترويج لاشاعة

شكرا لك اخ نوفل على المرور

الجواز الالكتروني

بقلم: د. يونس الأمين

يجب علينا اولاً ان نهنيء وزراء الداخلية على التطور الهائل الذي بدأ منذ ثمانينيات القرن الماضي وتطور حتى وصلنا الى عهد الجواز الالكتروني، والجواز الالكتروني حقاً وحقيقة من ناحية الشكل والمضمون والتقديم والاناقة، وهو الكتروني ايضاً من ناحية التكلفة أو السعر أو الثمن الذي لا علاقة له بواحد من عندنا، اقصد استاذ بجامعة الخرطوم. وبالرغم من ذلك فأنا جد فخور بهذا الجواز الجديد وأكرر الشكر مرة اخرى.
كما يجب ان اقر بأن معرفتي القانونية لا تزيد ولا تنقص عن معرفتي باللغة البرازيلية - اذا وجدت لغة بهذا الاسم وهي غير موجودة علي كل حال، عدم الالمام بالقوانين لم يمنعني يوماً من ابداء ملاحظاتي كمواطن على قوانين التيوة وقوانين جامعة الخرطوم، ولن تمنعني بإذن الله من ان ابدى بعض الملاحظات على القانون الذي صيغت به استمارة التقديم لمنح الجواز الالكتروني، وينادي هذا القانون أو الاورنيك بحضور شاهد يرافق صاحب الطلب (العبد لله) اندهشت كثيراً لوجود هذه الفقرة لأنني كنت داخل ادارة الجوازات بأم درمان وهي إدارة كانت وما زالت تابعة للسيد وزير الداخلية، والسيد وزير الداخلية الاسبق من الاسبق والسابق والحالي قد اعطوني بطاقة شخصية من قبل ويعرفون من انا حسب سجلاتهم القديمة والحديثة.
ووزراء الداخلية في كل العصور الماضية والحالية قد سمحوا لي بحيازة جواز سفر تغيرت ألوانه عدة مرات ولكنه جواز قانوني وصادر من وزارة الداخلية السودانية، لم استوعب هذه الفقرة لانني شخص معروف والحمد لله لدى وزارة الداخلية (جواز سفر ساري المفعول وبطاقة تحمل نفس الصفات)، القوانين في بعض الحالات تصاغ بطريقة لا يستطيع الكادحون من امثالنا فهم مقاصدها.
الملاحظة الثانية تتعلق بالمهن المخزنة في حاسوب الجوازات، لا اود ان اسأل عن مصدرها ولكني اقول لمدير جامعة الخرطوم واخوته ان يتأكدوا من هذه المعلومات. حسب معرفتي المتواضعة فعدد المهن أكبر مما يوجد في هذا الحاسوب لأنه لا يخزن كل المعلومات المتعلقة بمن يعمل في مهنة التدريس والبحث بالجامعة، (مساعد تدريس ومحاضر واستاذ مساعد واستاذ مشارك واستاذ بدرجة البروفيسور والبروفيسور المتميز) المهن التي يتحدث عنها الجواز ناقصة وليس في مقدور احد ان يكتب مهنة غير معتمدة لدى الحاسوب الذي يحسبها طائرة كما يقولون.
المهم ذهبت الى أم درمان لاستخراج الجواز المنمق والممغنط وخرجت سعيداً من تلك المؤسسة فالشكر لهم جميعاً والحمد لله فان السودان بخير والحمد لله ايضاً لأن الانتماء الى كل من الوسط الرياضي والى جامعة الخرطوم يعطي صاحبه جوازات اضافية تساعده على قضاء حاجياته الشخصية والرسمية بصورة جميلة وبالرغم من معرفتي التامة بأن أم درمان وهي عاصمتنا الوطنية المحببة إلا انني اتمنى تعميم التجربة. هذا ربما يساعد على رفع المعاناة عن الجماهير كما يقول البعض أو على تقليل الظل الاداري اذا كان تقليص الظل ممكناً.
والحمد الله على ما أعطى وعلى ما أخذ.
وشكراً


http://www.rayaam.info/News_view.aspx?pid=368&id=26098

شهادة لله والتاريخ

الكثير من الشباب اصطتكوا هذا العام علي أبواب السفارة الامريكية..

منهم من فقد فرصته في الهجرة فعاد أدراجه

ليواجه وطنا رمادي اللون

لم يوفر له حتي جوازا مقبولا بين الأمم..

ومنهم من خسر الكثير من المال ليعدل جوازه بجواز اخر أخضر اللون

حقيقة إنها ماساة

مأساة

مأساة


مودتي


سيف

مشكلتنا ما بنعترف بالفشل

فعلام الفرح بهذا الجواز؟


علام؟



سيف

بالتجارب

الجواز الاليكتروني الجديد

غير مقبول لدي السفارات الاجنبية

Quote: يمكنك الذهاب الي وزارة الداخلية .. و اخذ نسخة مطبوعة لبياناتك المقروة آليا .. و ختمها .. و تقديمها مع الجواز ..

أول مرة الواحد يسمع بجواز مرفقة معه مذكرة تفسيريــة..

الأخ حميـدة:

1- لو تقدم أحد الأوروبيين بجوازه الأوروبى الرقمى، فهل سـوف تطلب منه السفارة هـذه المعلومات الإضافية أو التفسيرية؟
2- لو تقدم سـودانى لسفارة أمريكية فى أحدى الدول الأوروبية، وكانت تلك السفارة محظوظة بأنها تملك قارئ الكترونى، فهل
سوف يعفى من المذكرة التفسيريـة هـذه؟
3- ما هو السبب الذى ذكرته السفارة الأمريكية فى القاهرة عند رفض الجواز (رد السفارة وليس تفسيركم أنها لا تلمك القارئ الإلكترونى)
4- كيف تنظر وزارة الداخلية (الان) الى هذه المشكلة وماهى خطتها للحل؟

وشكـرا

سلام للجميع ..

Quote: وأنا أشك في أن السودان تبني A FULL AFIS SYSTEM

أنا لا أشك ...!

بالامس القريب شرعت في إجراءات إستخراج جواز جديد وعند مرحلة البصمة تم ذلك بجهاز ألكتروني حيث طلبوا مني أولا وضع أربعة أصابع من اليد اليمنى على الماسح .. وبعد ذلك أربعة اليد اليسرى وبعده أصبعي الإبهام (مع بعض) وبعده الاصبع الصغير لليد اليمنى ثم الصغير لليد اليسرى ..

وبالنسبة لمن يسألون عن الاحتفاظ بالجواز القديم أقول لهم أن ذلك ممكنا .. وقد علمت ذلك حين نظر المتحري إلى جوازي القديم ووجده شبه جديد .. فسألني لماذا لا تقوم بتجديد جوازك القديم وتتعامل به ؟! فقلت له لم أكن أعلم بأن ذلك ممكنا !! فقال لي لأنه ممكن فقط أذهب إلى جوازات القضائية وسيقومون بتجديده لك ..!! ولكن كنت في عجلة من أمري وطلبت منه مواصلة إجراءات إستخراج الجواز الجديد ..!

الاخوة الكرام حتي يتفادي الكثيرين ولا يقعو في نفس المعاناة التي مرينا بيها ارجو اذا كنتم تودون السفر الي امريكا او اي دولة اوربية اخري كما ذكر بعض الاخوة

ان يعملوا بالجواز القديم حتي يتم تجاوز المهازل التي ذكرناها

قصة الجواز شكلا وايه ما عارف مقبول دي ما بتفيد لانو الغرض سفر سفر ما شكل

كلنا اكلنا مقلب الجديد بعد المعاناة ما نقعد نطبل ساكت لحاجة ما شغالة كويس

الموضوع لو لا الفلسفة من ناس الجوازات كان ممكن ينكتب الاسم بالانجليزي رباعي وخلاص

اضافة الي كتابة المهنة الهي بتواجهك بيها معاناة داخل السودان خليك ما برة السودان
المعلومات الاتنين دل لحدي الان سبب الاشكال نرجو تنبيه الجهات المختصة بانو ما في داعي تخفي الاسم الرباعي بالانجليزي عشان ما يتقري الا اليكترونيا والحاجة التانية المهنة ما ممكن نكتب
ميلاد زول وندس مهنته
او ممكن خيار يكون في الاسم الاول والاخير زيادة علي الاسم الكامل

ما في زول يجامل ساكت عشان يجي يعاني زينا بالله الحاضر يكلم الغائب
المعاناة الاكبر انو الجواز القديم لو داير تستخرج جديد الا قصة طويلة واجراءات اتخيل نقعد قرابة السنة عشان تحل معاناة تخلقها ليك وزارة الداخلية
الفاتح

الفاتح
ما تضلل الناس ساي .. الجواز شغال في اي سفارة .. و ذكرنا المشكلة و الحل المتبع ..

!!!

Quote: الموضوع لو لا الفلسفة من ناس الجوازات كان ممكن ينكتب الاسم بالانجليزي رباعي وخلاص

الفورم فيهو الإسم بالإنجليزي رباعي ..

وبرضو المهنة ..

ومعلومات تانية كتيرة لكن ما ظنيتا بتظهر في الجواز وبتكون بس بطرف إدارة الجوازات لتعلقها بالرقم القومي ..!

كلامك صاح الاخ ناذر محمد الخليفة
انا من اوائل الناس المشو طلعو الجواز الجديد دا
وكنت مستغرب انهم ما كتبوها ليه
وفعلا اول ما مشيت عشان اطلع اذن سفر واجهتني مشكلة من الخدمة الوطنية في موضوع المهنة الهو مكنوب في القديم والجديد مخفية


الشي الغريب انها واحدة من المشاكل يعني مممكن عادي تنكتب ولا مشكلة فيها

الاسم الرباعي بالانجليزي برضو نفس الحكاية وهس انا زي ما ذكرت متابعة الاشكال دا هنا في السفارة الامريكية في القاهرة

واي زول جا هنا بالجواز القديم في امانة الله استلم تاشيرة الامريكية لا جديد لا تعب والزول العندو جواز جديد تعب شديد وتم رفض اكمال الاجراء الا باستخراج جواز قديم وقد كان ولسة ح نوريكم التفاصيل شنو
لك خالص التحايا

فالموضوع ما شناف ساكت لان والجواز الجديد شكل ساي بعجبك كنا دايرين الحكاية تكتمل بدون تعب وقت هو افضل لكن الناس الاشكال مواجهنو جوة السودان وبرة السودان مثال
السفارة الامريكية.

الفاتح

الاخ حميدة تحية طيبة

الطلب بتاعك مقبول بتاع اننا ما نضلل الناس ساكت ح نضللهم بس بالحقيقة ولا يهمك

الجواز الجديد رفض امس واليوم مشينا استلمناهو من السفارة الامريكية ورجعنا الي السفارة السودانية في القاهرة لانو ناس الامريكية قالوا تمشو تجيبوا جواز فيه الاسم رباعي


وكانت كل التجهيزات بتاعتنا بالجواز الجديد يعني مطلعين جواز جديد كرت

ما دايرين نضلل زول انا هس قاعد وساكن علي بعد طوات من السفارة الامريكية

الاجراء المعني خليهو ينتهي وانا ح ارفع ليك بالاسكانر كل الكلام دا

تم استلام الجواز البتقول فيهو دا من السفارة الامريكية واليوم كلوا عديناهو تحنيس مع الضابط عشان يطلع لينا جواز سوداني قديم قبل نهاية اليوم

وقد كان وهس رجعنا الجواز القديم للسفارة الامريكية



نحلف ليك بشنو يا حميدة

عشان ما نكون مضللين

وانا واحد من الناس المطلعين الجواز الجديد دا
يعني ما حسادة يعني انا زاتي مقطوع الضنب من مزرعة الثعالب

Quote: الفاتح ما تضلل الناس ساي .. الجواز شغال في اي سفارة .. و ذكرنا المشكلة و الحل المتبع .

يعني الشغلانة ما دايرين نضلل الناس ساكت دايرين الناس ما تخش في المشاكل دي لانو عادي ممكن السفارة السودانية تقول ليك الدفاتر كملت ارجع السودان وفي السودان الجواز القديم استخراجه اصعب من
الذهب

والحل الذكرت سكيناهو ورفض من الاتنين من الامريكية والسودانية بالقاهرة \

الفاتح

*

بالنسبة لموضوع المهنة الكلام صاح انها ما مكتوبة في الجوازات المن الدول التانية ممكن

لكن يا اخوانا ناس الخدمة الوطنية بتعبوك بامشي جيب افادة وانا حصلت لي
ناس الخدمة الوطنية الفي السودان يقولوا ليك ما عندنا شغلة ببطاقتك جيب افادة من ام درمان من الجوازات وانا حصلت لي

يعني التعب من جوة السودان حصل وقتها قلنا ياخ ممكن تكون للياقة من الجماعة لانهم مرات بكونوا حرفيين ياخي انا قلت ليهم انو مكتوبة في القديم طيب اديكم ليهم وهو زاتو المطلع بعده الجديد
رفضو قالوا الا افادة من ام درمان

من ام درمان


من ا مدرمان


يعني معقولة يا اخونا التلتلة دي اربعمائة وكم وتاني دايرين ورقة تعرف الجواز المشكلة انك كل مرة ح تطلع الورقة دي ولا شنو وما عارف مطبوعة وقصة طويلة

*

الفاتح :

Quote: لكن يا اخوانا ناس الخدمة الوطنية بتعبوك بامشي جيب افادة وانا حصلت لي ناس الخدمة الوطنية الفي السودان يقولوا ليك ما عندنا شغلة ببطاقتك جيب افادة من ام درمان من الجوازات وانا حصلت لي

كنت اليوم في مجمع الجوازات بأمدرمان وسألت عن هذه الإفادة التي يطلبها ناس الخدمة الوطنية ..
نعم كانت تعطى هذه الإفادة لطالبها ولكن تم إلغائها الأن وفي إدارة الخدمة الوطنية لم يعد هنالك من يطالب بهذه الإفادة .

شكرا ناذر محمد

علي المعلومة بس يا ريت تكون الحكاية شاملة كل الناس بمعني انو حتي الكوادر الطبية تشملهم الحكاية
لانو الاشكال حصل لمن تملا الاستمارة بانك طبيب .

كويس انو التعنت يخف

Quote: نعم كانت تعطى هذه الإفادة لطالبها ولكن تم إلغائها الأن وفي إدارة الخدمة الوطنية لم يعد هنالك من يطالب بهذه الإفادة .

الفاتح