Post: #1
Title: صبـاح الخير ، مسـاء النـور ، ست البيت وست المكتب الفاتـح على الجـمهور
Author: هشام الطيب
Date: 09-19-2009, 11:54 PM
Parent: #0
_______
الإهداء : الى نسـاء الارض قـاطبةً بكل مكـان ..
الاستاذ محجوب شريف
عقد الجلاد
هشام
|
Post: #2
Title: Re: صبـاح الخير ، مسـاء النـور ، ست البيت وست المكتب الفاتـح على الجـمهور
Author: هشام الطيب
Date: 09-19-2009, 11:56 PM
Parent: #1
صباح الخير ..مساء النور
ست البيت وست المكتب الفاتح على الجمهور
ختم الدولة جنبك هيبة
قط لم تقبلي المصرور
حلال وبلال عليك
يا أم مرتب بالتعب ممهور
ساعة رضاعة اجمل من سياحة شهور
آخر من تنومي تقومي دغشاً بدري
قبل الشمس ما تترك سرير النوم
ويغادر عشته العصفور
تحرسيها اللبينة تفور
تسوى الشاهى يا الله بالله
كم من سندوتش فطور
وللممتحنه والبهاتى
جارى يحصل الطابور
وبرضو وراك مستنيك
هم دفتر غياب وحضور
لفحنا العمة خليناك
بين الحلة والماسورة
رتبتي القميص والطرحة
حفظتى النشيد والسورة
بالتعب البخلىالسورة
في عينيك اجمل صورة
ديك الحجلة داك البلي
يا ما تشرّي يا ما تبلى
ما بتكلّى ما بتملّي
ما بنقص حنانك ملي
هل هذا عمل مأجور؟
ممرضة سسترة دكتورة
توب السهرة ابيض ناصع
بين العنابر نور
قلب الحماسة حنون ضمير وشعور
معلمة حيث مدرستك حنانك سور
كراريس الصبا الباكر
تذاكر نحو بكرة مرور
سلاماً عمتي الفراشة
المقشاشة جنبك كم بشوفها زهور
بت الشدة والوردية
والمكنه التي
ليلها ونهارها تدور
تحت الشمس في الحواشة
بين الحبة والزرزور
كلك يا حلوة
جنب الكمبيوتر تكيه
صبح الشاشة يأخذ من عيونك نور
أم الكادحين وغلابة والعذابة
ست الكسرة والشاهى
احب القرقريبة قريبة
في أيدك فراشة تدور
والهباب والعرق البنقط داك
فوق السور تغازل في الضحى النقاع
تحيا تعيش لامقهورة لامنهورة
لاخاطر جناك مكسور
لاشرفك رخيص بتباع
بل مستورة يا مستورة
يا ذات الضرا المستور
عشه وميرى
مدرسة الحياة المعمورة
لاكراسة لاسبورة
لاتقرير سمح رقاك لادبورة
سلاماً يا غزالات العمل والبيت
ملاياتك ضفاف النيل
احب واديك هذا الحوش
احب الشاهى مع القرقوش
احب المستك الفواح
أهيم في غمرة النعناع بن ومدق
وجمرة تسخن الإيقاع
سلاماً يانسـاء الأرض قـاطبة بكل مكان
|
Post: #3
Title: Re: صبـاح الخير ، مسـاء النـور ، ست البيت وست المكتب الفاتـح على الجـمهور
Author: ناصر احمد الامين
Date: 09-19-2009, 11:58 PM
Parent: #1
يا هشام .. كدي خت شنطتك اللافحها دي و شغل النصيبة الرزعتها فوقنا دي
كان نسمع و اللا نشوف لينا شي !
راجينك ... اصلو حاجة فيها محجوب شريف و اللا عقد الجلاد ما بنفوتها
|
Post: #4
Title: Re: صبـاح الخير ، مسـاء النـور ، ست البيت وست المكتب الفاتـح على الجـمهور
Author: هشام الطيب
Date: 09-24-2009, 02:47 PM
Parent: #3
نـاصر ..
كل عـام وإنت بخير وعافية ..
شكرن كتيرن على لطف حضورك وعلى التنبية وجاري إصلاح الخلل في الرابط ..
|
Post: #5
Title: Re: صبـاح الخير ، مسـاء النـور ، ست البيت وست المكتب الفاتـح على الجـمهور
Author: هشام الطيب
Date: 12-20-2009, 10:35 PM
Parent: #4
|
|