عاشق الثغر الباسم / عوضاي سلامات وحقا انت عاشق الثغر الباسم يااخي الواحد بحسدك علي حبك لبورسودان...... المهم ..... البوست ده لازم يكون فوق طوااااااالي ويفوت بوست العرس داكـ ...ههههههههه وطبعا .... حااجيك ناطي بي هنا كل يوم ولا كل ساعة حبي وتقديري واحترامي لكل حاجة فيكي يابورسودان
اما عن.....
Quote: والجميل هارون دياب عن الديوم الجنوبيه وكوريا تحديدآ حيث يطيب الحديث عنها وعن سكانها
هاكـ باص ديم كوريا ده.....
Post: #12 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 02-18-2009, 11:33 PM Parent: #11
اها يا هارون دياب وهذه بعدسة المبدع محمد مجذوب ادروب
امرك يا جميل تم اللازم وشكرآ يا غالى
Post: #13 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 02-18-2009, 11:42 PM Parent: #12
Post: #14 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 02-18-2009, 11:49 PM Parent: #13
Post: #15 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 02-18-2009, 11:55 PM Parent: #14
Quote: يا سلام يا عوضاي ياخ بورتسودانبلد الحنان دي انا بحبها
جيت منها اول امبارح وهسه مشتاق ليها
لي عوده
بناوى يا وريف
ونحنا كمان بنحب البيحبها ....
دمت باهيآ وجميلآ اينما حللت ..
اكيد احترامى
Post: #16 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 02-19-2009, 00:09 AM Parent: #15
Post: #17 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 02-19-2009, 05:47 AM Parent: #16
يا حسين قاصد شنو بالحاجه دي يعيني عايز تشحتف روح أنور كنغ وأميمه ولآ شنو غايتو إنت جننتني أنا عديييييييل كده وراجع ليك بروااااااااقه وراح تلقاني معاك فى كل وقت وزمان
مع عظيم التقدير والإمتنان.
Post: #26 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 02-20-2009, 12:20 PM Parent: #21
Quote: غايتو إنت جننتني أنا عديييييييل كده وراجع ليك بروااااااااقه وراح تلقاني معاك فى كل وقت وزمان
العزيز جميل الخلق والاخلاق
محمد خليل سانى
دومآ ياصديق لكم حضور فى كل الامكنه والازمنه التى تستدعى امثالكم الكرام ...
ودى وتقديرى الذى تعرفه
Post: #18 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 02-19-2009, 12:06 PM Parent: #11
بورتسودان مافى شك جميلة الا انها فقدت سحرها وفقدنا بالتغيرات الجديدة ذكريات طفولة مرتبطة ببعض الاماكن
من المحال دوام الحال
Post: #23 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 02-20-2009, 10:29 AM Parent: #20
Quote: الاخ عوضاى
السلام عليكم
بورتسودان مافى شك جميلة الا انها فقدت سحرها وفقدنا بالتغيرات الجديدة ذكريات طفولة مرتبطة ببعض الاماكن
من المحال دوام الحال
انتصار صالح بشير
ينينا لوتنينا ... دبايتوا
منوره يا هندسه
رغم الالام يا عزيزه تبقى بورتسودان هى الدوحه الوارفه التى نستظل بظلالها ....
اكيد سيتبدل الحال وبكره اجمل ...
ودى واحترامى الاكيد
Post: #24 Title: Re: بورتــسودان جمـال يتـجلى وسحر لا يٌقاوم !!! Author: osama dahab Date: 02-20-2009, 11:28 AM Parent: #23
اخوى حسين عوضاى
شوق وعطش لسيل مدادكم العبقرى
يجتاح انحاء القلب والعقل وبعض اجزاء الذاكرة الهرمة
فتنشط بعبير الكافاب وضجيج السقاله ودفئ الجبنة
ودعوات المهمشين من اهلى وغناء الكله
واذكر ادروب يقف خلف مكيف الولاية مترقبا امتلاء الكوب من نقاط المويه الجايةمن مكيف احد الناس القيافة
اذكر صديقى الصغير يذاكر فى الشارع المنور للسواح
اما عن غيابى فانا فى ماموريه من 3 شهور فى الجنوب فلا تلمنى يا صديقى فانا قلبى جنوبى وجنوبى قلب سودانى حبيبى اشكرك وكل من سال عنى على افتقادى واشكر كل من لم يشعر بغيابى على كل شى وعلى لاشئ اسامة دهب
Post: #25 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 02-20-2009, 12:03 PM Parent: #24
والبحر الهائم فى ريدك يلثم خديك بحنيه .....
وبرضو تقول لى فينيسيا وككسكاب
Post: #35 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 02-22-2009, 11:30 AM Parent: #24
Quote: واذكر ادروب يقف خلف مكيف الولاية مترقبا امتلاء الكوب من نقاط المويه الجايةمن مكيف احد الناس القيافة
انه قدره وقدرنا يا صديق اتى لنا بى اناس ليست لهم فى الانسانيه نصيب
ولكن ذلك لن يمنعنا من حب مدينتنا بل سيكون هو مدخلنا والباعث للتغير الحتمى انشاء الله ...
يالله ياحسين عايز تفتح طاقة الذكريات في الزنقة دي مالك!! اوعدك بالكتابة عن هذه المدينة الام على الرغم من اتخاذي بحري مكانا للسكن... لكن اهل برؤت عندما يتصادفون تتدفق المحنة والحب لعبق البحر الممتد على خاصرة الارض .... الله ياحسن شهيتني الكتابة عن محبوبتي.
في نهاية العقد الماضي ـ بالله بدون تعليق ـ كنا طلبة في مدرسة الشرقية الابتدائية وكانت حقائب الكتب والكراسات (خرتاية دمورية) ـ لتعريف الجيل الجديد ـ والطالب النظيف هو من يغسلها ويكويها كل جمعة لتكون في ابهى صورة لكن زيوت السندوتسشات وبواقي الطعمية تقف لها بالمرصاد ... في يوم عزمناعلى الفطور واحد زميل يسكن قريبا من المدرسة، كان الفطور عبارة عن قراصة حارة بملاح خدرة ... اكلنا أكثر من صحن... احدنا اقترح ان نحمل باقي الملاح لكن لم نجد مانحمله فكانت التفاتته نحو (الخرتاية) نظرة شيطانية ... وفي دفعة واحدة ملأنا ايادينا بالاخضر .... وهاك ياغرف الى داخل (الخرتاية) طبعا لكم ان تتخيلواالمنظر في الحصة التالتة ... نادى المدرس الناظر وطردنا من المدرسة واكتملت الفصول في علقة ساخنة في البيت.
Quote: يالله ياحسين عايز تفتح طاقة الذكريات في الزنقة دي مالك!! اوعدك بالكتابة عن هذه المدينة الام على الرغم من اتخاذي بحري مكانا للسكن... لكن اهل برؤت عندما يتصادفون تتدفق المحنة والحب لعبق البحر الممتد على خاصرة الارض .... الله ياحسن شهيتني الكتابة عن محبوبتي.
برجع ليك تاني
تدفق ايها الجميل لتروى مساحات الجدب فينا....
حقآ يا عزيز لا يعرف الاحجار الكريمه الا امهر الصاغه لذلك انتم من تستشعرون الحرف وصلآ وتصيغون الكلمات ابداعآ
فى خالبة الابصار ومكمن الالهام بورتسودان التى لها ان تفخر بكم كما انتم تتفاخرون بها وتعشقون اركانها وتتوقون الى تنسم
شذاها فلكم الاندلاق ولنا ان نرتشف من ينابيع حروفكم ....
لك ما تشاء من الامنيات
محبتى
Post: #39 Title: Re: Author: حسين عوضاى Date: 02-25-2009, 01:33 AM Parent: #37
"الكافاب" عبارة عن مقهى ذو خصوصية عند ناس بورسودان تتوسد صفحة البحر ويبدو أن عبابه يضرب في الحضور فتخرج القصص المشوقة والحكاوى المحببة التي تجتذب الناس للاستماع الى قصص البحر موانيئ الدنيا، كان عبقها يفرض جوا من الغموض والابهة في آن واحد ومرتاديها تستطيع ان تميز مهنهم من ملابسهم وحتى من وجوههم فالكافاب كانت حكاية في حد زاتها.... وكان يقال ان اكبر المكنات تصنع هناك ـ مكنات يعني كذبات كبيرة واكبرها طبعا مكنة الطيارة التي كان لها مختصين ـ احد المكنيكية ـ مع الاعتذار لاصحاب المهنة ـ قال : وصلنا الى ميناء هامبورج في المانيا وضمتنا جلسة مع عدد من الخواجات ولما جاء التعريف اتفقت تعريفاتهم بانهم جميعا ابناء جزر فهذا من نذر لاند والاخر من سويزر لاند وهكذا وعندما حان دور صاحبنا قال : انا من اوسوك لاند ـ اسم الدلع لسواكن.
آلمني كثيرا عندما سمعت بان يد التحديث طالت ذاك المكان وازالته.
Post: #49 Title: Re: Author: حسين عوضاى Date: 03-06-2009, 10:17 AM Parent: #48
ياسلااااام ياحسين ياخى والله أنا بورتسودان دى بحبها جداً ولى أصدقاء أعزاء من أبناءها .. اصحاب أخلاق رفيعه وأشهد لهم بذلك وعلى سبيل المثال .. شخصكم الكريم .. والأخ أشرف عبدربه .. له التحايا من على البعد.. واصلوا أبناء بورسودان وأكشفوا لنا المزيد من أسرار هذه المدينه الجميله
Quote: ياسلااااام ياحسين ياخى والله أنا بورتسودان دى بحبها جداً ولى أصدقاء أعزاء من أبناءها .. اصحاب أخلاق رفيعه وأشهد لهم بذلك وعلى سبيل المثال .. شخصكم الكريم .. والأخ أشرف عبدربه .. له التحايا من على البعد.. واصلوا أبناء بورسودان وأكشفوا لنا المزيد من أسرار هذه المدينه الجميله
اوووووووه قومندانا الوريف اسامه على
ونحنا كمان بنحب البيحب بورتسودان ياااخ ...
شكرآ لبهاء طلتك ونقاء روحك ونبل شخصك فنحن يا صديق لنا الفخر بمعرفة امثالكم كيف لا وانت تؤام روح الغالى المقيم بدواخلنا
طارق محمد احمد اسكنه الله عالى الجنان وجعل البركة فيكم وفى من احبه من افاضل الاخيار امثال الحبيب الطيب عثمان يوسف والعزيز جدآ
اسامه محمد ابراهيم والشفيف الحبوب عبدالرحيم فقيرى ( برعى ) له كل الشوق وكل الحب ...
معقوله إنت بعيد من البلد قدر ده يعني قوااااام كده نسيت المكان ده الحته يا أخوى قدام وزاره الصحه سابقا وبالجهه القدام كده فندق بلاس وبالجهه التانيه جامعة البحر الأحمر عليك الله يا حسين ما كنت عارف المكان ده وين
Quote: معقوله إنت بعيد من البلد قدر ده يعني قوااااام كده نسيت المكان ده الحته يا أخوى قدام وزاره الصحه سابقا وبالجهه القدام كده فندق بلاس وبالجهه التانيه جامعة البحر الأحمر عليك الله يا حسين ما كنت عارف المكان ده وين
مع عظيم التقدير والإمتنان.
والله ما عارف يا سانى
لكن بى كلامك ده معناهو ده بيت ناس امير عبدالسلام عبدالقادر الخبير وعلى فكره الزول ده كان اول دفعتنا واول البحر الاحمر
كل التحايا له وللصديق حسام بشرى احمد المصطفى ... زمن يا سانى يااااخ
حسامو ابداع..... والله لو شفته بورسودان دي تاني ماترجع الدوحة....!!! عوضاي الليلة في سيرتك مع العريس مشتاقووووووووووووووووووووووون
Post: #65 Title: Re: Author: سيف الدولة كامل Date: 04-05-2009, 09:32 PM Parent: #64
سحرتني بجمالها
زرتها في يناير 1985 ومعي طلبتي بمدرسة الخرطوم الجديدة الثانوية تم استضافتنا بمدرسة بورتسودان الحكومية وكان مديرها الراحل الاستاذ حسن عبيدي,والله الكرم عندكم يا اهل الشرق,عزمنا عمنا علي عيسي رحلة في صندقةسودانلاين ذبح لينا خروفين وجاب لينا الفنان ادروب والطاهر والفكاهي المرح جابر,اقمنا ليلة ساهرة بنادي الثغر واخري بنادي الاتحاد وغني فيها الطالب خالد محجوب الفنان المحبوب الان خالد الصحافة.شكرا للعم علي عيسي وابنه حسن وبوفادني واسرة نادي الثغر والاتحاد وايضا حي العرب والهلال عزمونا لكن كنا علي سفر. شكرا ليكم اهل الثغر- يا اهل الثغر ان ثغركم باسم.
سيف الدولة كامل نيويورك
Post: #69 Title: Re: Author: حسين عوضاى Date: 04-06-2009, 11:54 AM Parent: #65
استاذنا سيف الدوله كامل
اولا مرحبآ بك فى هذه الظلال الوارفه امنياتنا ان يطيب لك المقام ...
و شكرآ جميلا لمرورك المقدر وشهادتك التى نعتز بها لبورتسودان وابناء بورتسودان .......
وبورتسودان وناس بورتسودان يرحبون بك يا جميل .......
شكر يليق بكم
Post: #68 Title: Re: Author: اميمة مصطفى سند Date: 04-06-2009, 07:26 AM Parent: #57
يا حسين
معقوله إنت بعيد من البلد قدر ده يعني قوااااام كده نسيت المكان ده الحته يا أخوى قدام وزاره الصحه سابقا وبالجهه القدام كده فندق بلاس وبالجهه التانيه جامعة البحر الأحمر عليك الله يا حسين ما كنت عارف المكان ده وين
تزخر بورتسودان بحكم موقعها كميناء مطل على شاطئ البحر الاحمر بعدة جاليات منها اليمنيه بحسبانها اكثر الجاليات تواجدآ واسهامآ
فى مختلف اوجه الحياة وخاصة الاقتصاديه منها .....
الجاليه الهنديه وهى من الجاليات القديمه التى استوطنت ببورتسودان ولهم نادى خاص بهم وكذلك مدرسه ولهم اسهاماتهم ايضآ
ومن من ابناء بورتسودان يجهل خواجه سنكات او رسمي او مستر بيكا كما يحلو له وسنأتى لطرائف هذا الشخص وروحه الجميله لاحقآ
وهو اكثر الاشخاص تنكيدآ ومداعبه للجميل محمد خليل سانى وخير من يرفع ضغطه ويصيبه بالدوار من جراء تعليقاته الساخره ..
الوجود الاغريقى فى بورتسودان كانت هنالك عدة عوائل اغريقيه معروفه ببورتسودان حتى انه اصبح لهم حى يسمى باسمهم وهو حى الاغاريق
وهو الحى التى تسكن به زميلتنا بالمنبر العزيزه تراجى عمر ابوطالب ومن اشهر قاطنى هذا الحى لؤلؤة الشاطى وعبق البنفسج
الاسطوره الحقيقه جورجيت لقد رايتها وهى تهيم وتجيب شوارع المدينه بشعرها الغجرى الذى يتدلى على اكتافها ويداعب وجهها حينآ لافت الانتباه الى ذلك الجمال الذى لا يريد عينآ فاحصه لمعرفته رغم قساوة الحياة التى كانت تجابه ذلك الجسد النحيل ....
جورجيت كنا نداعبها ونحن فى ذهابنا الى المدرسه فتتفوه بكلمات سودانيه بلكنه اغريقيه واضحه ...
وسنأتى الى سرد قصة زهرة الياسمين جورجيت كما يتداولها اهل بورتسودان ......
وتبقي هي ملاذنا وامنا والحضن الدافئ الذي كلما احسسنا بجفاف الحواس نهرع لها لنجد الراحة والاحساس بالوجود. لا اظن ان احدا يحسد نفسه في شي لكني احسد نفسي في حبها. اتسأل دائما .... ماهو السر......؟ حتما سااعود وسااظل مرابطا هنا مادام في العمر بقية في معيتنا بالدوحة هذه الايام المبدع الرائع محمد شيلا.... اتمني ان استطيع ان استخرج منه بعضا مما يسرنا.
ياسلام يا حسين ياخوي .. فتحت سيرة جميلة ... فجيت أيامنا فج ورجعتنا لسنين مابتتنسي ..أيام كنا لب هذا الكون والباقي قشور...لما كنا وياما كنا ولو ماخايف الكذب أعتقد إنو غناها حيدر بورسودان قبل المرحوم مصطفي سيد احمد ..رحمه الله ورحم تلك الايام الجميلة ..كنا في المدرسة الصناعية في دار السلام وما أدراك ما هي حينذاك ... قهوة الملتقي في موقف الباصات وألعصائر الباردة التي ترد الروح مع أجمل ألأنغام من إستريوهاتها .. وردي وود الأمين وحيدر بورسودان ومن تشاء مخبازة ديم سواكن وشيات كافتريا جنة الشاطئ .. حيث كنا زبائن غير نزيهين عندما نرطب أفرنجي واحد وقول إتنيين تلاتة بلدي ..حدثت يوما خطيبتي حينها بأننا سنستقر في بورسودان ثم كان ما كان لا لمينا في بورسودا ن ولا حتي السودان ذاتوا... الله يجازي الأيام ... ياسلام
Post: #77 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 04-11-2009, 11:46 AM Parent: #75
مرحبآ والف مرحب بك عزيزنا الشفيع فى رحاب سيرة ام المدن بورتسودان
شكرآ جميلا لكم وانتم تستصحبون هذه الزكريات الجميله لهذه المدينه الحبيبه ........
التحيات نبعثها لك ولكل اساتذه وطلاب المعهد الفنى بدار السلام على مختلف الحقب والاعوام ولاهالى دار السلام قاطبه ..
غرزه
قلتا لى جنة الشاطئ.. لاحولا ولا حولا ............
جزيل شكرى واحترامى
Post: #78 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 04-12-2009, 11:43 AM Parent: #77
مهرجان السياحه ببورتسودان
Post: #79 Title: Re: بورتــسودان جمـال يتـجلى وسحر لا يٌقاوم !!! Author: سيف الدولة كامل Date: 04-13-2009, 08:25 PM Parent: #78
سلامنا الكتييييييييير لحبايبنا في بورتسودان
العم علي عيسي واسرته, استاذنا الجليل
عبد الله محفوظ صالح وا سرته, ميرغني تاج الدين
واسرته, الصديق منوج الهندي, عادل عبد الرحمن
بلال والاسرةولكل حبايبنا اهل الشرق دبايوا
Post: #81 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 04-14-2009, 11:46 AM Parent: #79
Quote: سلامنا الكتييييييييير لحبايبنا في بورتسودان
العم علي عيسي واسرته, استاذنا الجليل
عبد الله محفوظ صالح وا سرته, ميرغني تاج الدين
واسرته, الصديق منوج الهندي, عادل عبد الرحمن
بلال والاسرةولكل حبايبنا اهل الشرق دبايوا
ونحنا بنقول ليك ينينا لوتنينا يا سيف الدوله ..
ومعك نرسل جميل تحايانا لكل من زكرت ...
كن كما تشتهى
Post: #80 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 04-13-2009, 11:47 PM Parent: #78
Post: #82 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 04-14-2009, 12:45 PM Parent: #80
الرائع الفنان محمد البدرى وروائع من الالحان البجاويه ...
وتطويع جميل للسيف من الفنان الحريف ده
Post: #83 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 04-14-2009, 01:21 PM Parent: #82
Post: #84 Title: Re: بورتــسودان جمـال يتـجلى وسحر لا يٌقاوم !!! Author: كمال ادريس Date: 04-14-2009, 04:14 PM Parent: #83
شكرا كتير ياحسين على ابقاء البوست منورا. بمناسبة الجالية الهندية اذكر دواركداس دانجي وجنو دخلوا في شراكة مع الوالد في اول مصنع للملابس الجاهزة في بورسودان لكن للاسف مات المشروع اثناء التجهيزات بسبب قرار اصدره الرئيس نميرى يمنع استيراد الاقمشة او المواد الخام لهذه الصناعة. في جولة لي في سلطنة عمان ناداني هندي في الفندق الذي كنت انزل فيه ....وسألني ان كنت سودانيا وقال لي انه من بورسودان لم يقل انه من الهند وكان ذلك الاخ احد ابناء الهندي جنو... وحملني رسالة لاهله في بورسودان... وموقف آخر صادفته في مصنع سالومي للسيراميك في بحري وجدت احد ابناء الجالية الهندية في بورسودان فترك عمله ودخل معي في قصص محببة عن عروس البحر. ابناء الجالية الهندية كانوا يحرصون دائما في مشاركتنا نحن اعضاء رابطة طلاب البحر الاحمر بالجامعات والمعاهد المصرية في احتفالاتنا وبرامجنا التي كنا نقيمها في بورسودان... لقد اسس هؤلاء تاريخا في الصداقة بين الشعوب بطريقة متميزة حتى قبل ظهور مجلس الصداقة الشعبية بسنوات عديدة .... لهم كل التقدير والمحبة.
Post: #85 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 04-15-2009, 11:41 PM Parent: #84
الحبيب كمال ادريس
شووووق يا وريف لمدادكم الآسر
حقآ ما اشرت اليه من روح الاخاء والموده التى تسود ابناء الجاليه الهنديه ببورتسودان لاهل بورتسودان .. كما لا ننسى قلب بورتسودان
النابض الاخوه الحضارمه والاخوه اليمنيين كافه وما قدموه وظلوا يقدمونه للشرق ولبورتسودان على وجه الخصوص فلهم منا جزيل الود
وعميق الحب ...
رغم ان شهادتى مجروحه فيه فمن منا لا يعرف ما قدمه ابن السودان البار المرحوم محمد عبدربه محمد واخيه رجل البر والاحسان المرحوم
عبدالله عبدربه فقد ظل وفيآ لهذا البلد واهله فليرحمه الله ويكرم نزله بقدر احسانه وعطاءه الممدود ...
وكذلك ابناءهم الافاضل فهم بالقلب قبل ان نستنطق الحرف لزكراهم لهم الود المقيم واجل التقدير ...
Post: #86 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 04-16-2009, 10:59 AM Parent: #85
Post: #87 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 04-16-2009, 07:54 PM Parent: #86
Post: #88 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 04-17-2009, 03:51 PM Parent: #87
Post: #89 Title: Re: بورتــسودان جمـال يتـجلى وسحر لا يٌقاوم !!! Author: محمد خليل ساني Date: 04-18-2009, 09:44 PM Parent: #88
الحبيب حسين عوضاي
جهّز الكاميرا يا جميل وخلي الذاكرة أربعه غيغا عدييييل كده ما عايزين تضيّع منك فرصه لقطه واحده وأكيد فاهمنى يا جميل وما عايز أزيد أكتر من كده
مع عظيم التقدير والإمتنان.
Post: #90 Title: Re: بورتــسودان جمـال يتـجلى وسحر لا يٌقاوم !!! Author: هاشم نوريت Date: 04-19-2009, 01:08 AM Parent: #89
سلامات حسن عوضاى وناس بر سودان واحباب برؤؤوت
Post: #91 Title: Re: بورتــسودان جمـال يتـجلى وسحر لا يٌقاوم !!! Author: عمار عوض Date: 04-19-2009, 02:55 AM Parent: #90
بورسودان ياجنة ...ياقبلة وطنا مازلت ازكر اول يوم تطاء فيه قدماى ارضها كان فى العام 96 لظروف الدراسة , وكان شهر نوفمبر وماادراك مانوفمبر فى بورسودان ام المدن يابورسودان وبما اننى امدرمانى النشاه هالنى جوها البديع وطيور النورس والغمام الذى يظللها , كنت اضحك لوحدى فرحا بجمالها ومن يومها عشقتها حد الثماله . اقمت بها عشر سنوات ولم استطع فراقها , واليوم عندما قررت مغادرة السودان زرتها لثلاث ليال لا لشئ سوى اننى ماكنت لاسافر من السودان دون ان تكتحل عيناى بسوق هدل وقهوة هبرو والكيلو والكميلاب التى ضاعت وسط التوسعه كم كنت فرحا بشكل الكورنيش الجديد وكم كنت حزينا لفقد موسى كربن وعلى كيتا حسين عوضاى لك التحيه فقد اوحشتنى ولا مااخاف الكضب انت كنت شغال فى الخطوط اليمنيه , وكنت بشوفك مع ناس شريف وناصر قدام البوتيك لو كنت نفس الشخصية فلك منى الشوق , ولو لم تكن فلك منى التحيه على هذا البوست , وبحق النادى العائلى , وجمال بنات بورسودان الساحر وطيبة اهلها التى لم ارى لها مثيلا فى العالمين ,وبحق هنودها وحضارمها واقباطها ويمانيتها , وتكارينها , وشوايقيتها, وادروبها وبنى عامرها بحق كل هولاء لو كنت فى بورسودان , عايذ منك تحضر لى كورة فى الساحه , وتمشى تشرب جبنه فى سوق ديم مدينه , وبعدها امشى الشاطى وقوليه , مافرقنا منك الا الشديد القوى
Post: #92 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 04-19-2009, 11:34 AM Parent: #91
Quote: حسين عوضاى لك التحيه فقد اوحشتنى ولا مااخاف الكضب انت كنت شغال فى الخطوط اليمنيه , وكنت بشوفك مع ناس شريف وناصر قدام البوتيك لو كنت نفس الشخصية فلك منى الشوق , ولو لم تكن فلك منى التحيه على هذا البوست , وبحق النادى العائلى , وجمال بنات بورسودان الساحر وطيبة اهلها التى لم ارى لها مثيلا فى العالمين ,وبحق هنودها وحضارمها واقباطها ويمانيتها , وتكارينها , وشوايقيتها, وادروبها وبنى عامرها بحق كل هولاء لو كنت فى بورسودان , عايذ منك تحضر لى كورة فى الساحه , وتمشى تشرب جبنه فى سوق ديم مدينه , وبعدها امشى الشاطى وقوليه , مافرقنا منك الا الشديد القوى
العزيز الوجيه عمار
ياخى اخبارك وامورك ومنور والله ومرحب بيك كتير فى هذه الظلال الوارفه .....
ومرحبآ بك عابد وناسك فى محراب ام المدن ...
عمار لا حولا انتا وين يا شقى لكن زاكرتك الف يا قومندان شووووق ما ليهو حد لك ولكل الاساتذه ناصر اسماعيل شريف عبدالرحمن حاج موسى
محجوب على النيل مولانا ضرار والنقيب الكارب عادل احمد عبدالله ...
التوق يا وريف للنادى العالمى وايامه وزكريات الانس بمعية نفر كريم معادنهم لا تصدأ اناس كالمسك لاتجد منهم سوى الطيب ...
وده تلفونى يا عزيز 00966505271517
كامل تقديرى
اها يا عمار انا مافى بورتسودان لكن غالى والطلب رخيص جبنا ليك قهوة هبرو زاتو وكمان صحبك عثمان تكرونى وهو يكب السكناب ..
بكاميرا الحبيب عمار بورتسودان
Post: #94 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 04-19-2009, 12:36 PM Parent: #90
نوريت يا غالى
التحيه لك يا عبق الشرق وانت تزكر بورتسودان كما يزكرها اهلنا برسودان
والتحايا وكل الحب لبرؤؤت واهل برؤؤت ..
دمت بود يا عزيز
Post: #93 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 04-19-2009, 11:47 AM Parent: #89
اووووووو عريسنا الزينه
ده كلامك كلو تمام .. استاند باى لدرجة قف ومافى استرح زاتو ....
لكن شكلك كده عايز تحرق لينا كروتنا ما تعمل نايم يا حباب ...
ودى اللامحدود
Post: #95 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 04-19-2009, 10:20 PM Parent: #93
Post: #96 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 04-19-2009, 10:40 PM Parent: #95
Post: #97 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 04-20-2009, 10:40 PM Parent: #96
Post: #98 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 04-24-2009, 08:59 AM Parent: #97
مهرجان السياحه ببورتسودان تحت رعاية شركة البتول للدعايه والاعلان ...
مع الوعد بالتغطيه الشامله لهذا المهرجان غدآ انشاء الله عند وصولى لام المدن بورتسودن ....
وعلى قدر الشوووووووووق ما يمد مدينا يا بورتسودان ...
Post: #99 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 04-24-2009, 10:53 PM Parent: #97
Post: #100 Title: Re: بورتــسودان جمـال يتـجلى وسحر لا يٌقاوم !!! Author: haroon diyab Date: 04-25-2009, 06:08 AM Parent: #99
الاحبة عوضاي ومحمد خليل ساني في هذه اللحظات في الرحاب الطاهرة لاداء العمرة ثم السفر الي عروس البحر عمرة مقبولة...... ورحلة سعيدة وزواج مبارك مقدما كل الود
Post: #101 Title: Re: بورتــسودان جمـال يتـجلى وسحر لا يٌقاوم !!! Author: هشام كمال Date: 04-25-2009, 07:16 AM Parent: #100
الاخ حسين عوضاى صباحك سعيد ياخى خجيتنى خجة تاريخية من الصباح ما قادر اتفك منها لغاية حس اجمل سنين عمرى كانت من 84-90 -حى الاقاريق مقابل بيت عبدو ربه -بورتسودان الاميرية -البحر الاحمر الثانوية -حلوت -كيلو 8 -اربعات -ديم المدينة -سلالاب -هاشم ادريس على نور -يسن غلام -عمر صالح صابر -خالد على عبد الله لبن -ديم موسى -كوريا -فندق بوهين -عصام على دهب -النادى العالمى -راس السنة -نادى هيئة الموانى البحرية -نادى سودان لاين -الشطرنج واسامه هاشم -فريق الملاعين فى الشطرنج
ياخى هيجت على حاجات كتيرة لما خرمت وقلت حرم اجازة شهر خمسة اكون بهناك واتمنى اقدر
وما يفوتنى -الباشا احمد ادريس على نور
ياخى تشكر على البوست الجميل دا واتمنى يريحنا من الطمام شوية
هشام كمال (شدو)
Post: #102 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 04-25-2009, 02:07 PM Parent: #101
Quote: -سلالاب -هاشم ادريس على نور -يسن غلام -عمر صالح صابر -خالد على عبد الله لبن
العزيز هشام كمال
تحياتى يا وريف ..
ياخى انتا زكرتا اجمل ناس فى بورتسودان الاحبه عمر وطلال وفيصل صالح صابر والفاضل خالد عبدالله لبن طيب ياخى معقوله
Post: #103 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 04-25-2009, 02:12 PM Parent: #102
اتصال جميل من زول جميل جدآ هو الاخ حسين الياس
شكرآ لك استاذى حسين الياس وشكرآ غزيرآ ثانيآ لهذا الكم الهائل من المحبه التى تحملها لبورتسودان زينه المدائن ....
لك كل الود واكيد الاحترام
Post: #104 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 04-25-2009, 10:35 PM Parent: #103
رساله من الاستاذ احمد محمود
Quote: أخي العزيز عوضاي المحترم تحية تقدير ومحبة أخي أنا من المداومين علي تصفح سودانيزأونلاين برغم عدم عضويتي فيه وقد لفت نظري ضمن بوستات راقية هذا البوست الذي يتحدث عن بورتسودان فقد زرتها لأول مرة في حياتي في شهر أغسطس 2008 وبالرغم من سخونة ورطوبة الجو ألا إنها أسرتني بجمالها وتفردها زرت معظم مدن السودان ولم أشاهد مدينة بهذا الجمال والنظافة والتخطيط وخصوصا شوارعها الأنيقة وكورنيشها الرائع الذي لايوجد له مثيل في بلادنا.وحركة العمران الناشئة فيها وفوق كل هذا طيبة أهلها وبساطتهم وترحيبهم بالزوار .أحببت أن أكتب لك لكي أشكرك علي هذا البوست وتحياتي لجميع الناس في بورتسودان. أخوك أحمد محمود الدوحة قطر
شكرآ اخى أحمد محمود
لك عميق التحايا وكل الود ولتراب بورتسودان الانحناء والتقبيل ....
كن بالف خير
Post: #105 Title: Re: بورتــسودان جمـال يتـجلى وسحر لا يٌقاوم !!! Author: haroon diyab Date: 04-26-2009, 05:54 AM Parent: #100
الحبيب / ساني حمد الله علي سلامة الوصول الي بورسودان ونورت بيك..... واليوم يصل الاخ / عوضاي بالطائرة.... ويابورسودان جاكي.....؟!!!!
Post: #106 Title: Re: بورتــسودان جمـال يتـجلى وسحر لا يٌقاوم !!! Author: هشام كمال Date: 04-27-2009, 08:45 AM Parent: #105
*
Post: #107 Title: Re: بورتــسودان جمـال يتـجلى وسحر لا يٌقاوم !!! Author: haroon diyab Date: 04-27-2009, 09:04 AM Parent: #106
وصباح الخير للعريس والوزير....!!!
Post: #108 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 04-30-2009, 12:40 PM Parent: #107
Post: #111 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 05-02-2009, 09:19 AM Parent: #109
شكرآ استاذنا ازهرى لمروركم الكريم
ولك تحايا بعمق البحر الاحمر ...
مودتى
Post: #114 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 05-20-2009, 12:20 PM Parent: #106
الاخ هشام ( شدو )
تحياتى
وتحايا اكوام من الوجيه محمد البتول لشخصكم الكريم ...
تقديرى
Post: #120 Title: Re: بورتــسودان جمـال يتـجلى وسحر لا يٌقاوم !!! Author: محمد خليل ساني Date: 07-02-2009, 12:42 PM Parent: #106
Quote: ياخى خجيتنى خجة تاريخية من الصباح ما قادر اتفك منها لغاية حس اجمل سنين عمرى كانت من 84-90
الزول الجميل هشام كمال الدين ( شدو)
وينك يا زميل الدراسة الشوق كتير لمّن مدفق بهناك
متابع نشاطاتك الحلوه وخاصة مع فرقة ساورا البديعة حقيقى شغل جميل وإبداع فايت الحد
وأتمنى إنك تكون تذكرتني خاصة بعد طول الأيام والسنوات
طبعا الشباب ديل كانوا من دفعتنا هاشم إدريس وعمر صالح صابر وخالد لبن إثنين منهم من الأميرية المتوسطة وبعدين جينا مع بعض فى مدرسة البحر الأحمر غايتو أيام أتمنى إنك تتذكرها
متذكر مين اللى سّماك شدو ومتين كان الكلام ده منتظرك تجي راجع تاني يمكن تكون الذاكرة حديد
Post: #116 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 06-07-2009, 01:27 AM Parent: #105
هارون دياب يا قيافه
تحياتى
عارف يا هارون انا مقيم فى مدينة الخبر وهى مصنفه تانى اجمل مدينه عربيه غايتو الناس ديل التقول الله عماهم من بورتسودان جمال مووووبالغه قعده جنب البحر كده وفنجان جبنه فى يدك والبحر يديك شبال كده تلقى نفسك بقيت الفيتورى ..... تزكر يا هارون الخور الفاصل ما بين ديم مايو وديم النور الخورده كان زمان لو شايل اربجى ما تقطعوا حسا تشيل اسرتك بكل اطمئنان وتمشى على الكورنيش بتاع ديم مايو اناره على كيف كيفك تخطيط على مستوى تنظيم راقى جدآ وفوق ده كلو نظافه ما عاديه ...
والصور حاتحكى ليك روعة المشهد .......
تقديرى
Post: #110 Title: Re: بورتــسودان جمـال يتـجلى وسحر لا يٌقاوم !!! Author: خالد العطا Date: 04-30-2009, 01:57 PM Parent: #100
الغالي عوضاي والله اعجز عن شكرك وعلى نقلك للصور الجميله بس زي ماقال سانى لييييييييييييك كم من البورت حتى ماعرفت الصورة ديييييييييك اجازتك دي رغم انها قصيره خليها كلها لف عشان ماتتوه فى الصور وتحياتنا للعريس ساني وربنا يردك سالم
Post: #112 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 05-19-2009, 12:24 PM Parent: #110
شكرآ حبيبنا خالد العطا
لجميل امنياتك وتحيه خاصه عبرك للوجيه ابو امنه ...
وتحايا لاهل برؤؤت الجمال ...
مودتى
Post: #113 Title: Re: بورتــسودان جمـال يتـجلى وسحر لا يٌقاوم !!! Author: محمد الكاب Date: 05-19-2009, 02:27 PM Parent: #112
مشكور الاخ حسين علي المعلومات وصورة الجميلة عن مدينة بورتسودان هي من اجمل المدن السودانيه....
Post: #115 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 05-22-2009, 04:51 PM Parent: #113
شكرآ استاذنا محمد الكاب
للمرور والاشاده ببورتسودان ...
حقآ يا عزيز بورتسودان الان تعيد سيرتها الاولى من حيث النظافه والجمال بعدما كان الاهمال والتنطيش حالهاوفى سنوات خلت حتى الغربان هجرتها ولم يبقى بها سوى اهلها الذين احبوها واحبتهم وهاهم الان قد رايناهم قد شمروا عن سواعد الجد واصبح لسان حالهم يقول سنعيد سيرتها الاولى وقد كان ... فشكرآ نبيلا الى كل الذين احالوا سنوات الاحباط والاهمال الى جد واجتهاد وهنيئآ لهم بما حققوه وهنيئآلبورتسودان بهؤلاء الابناء البرره ..
تقديرى
Post: #138 Title: Re: بورتــسودان جمـال يتـجلى وسحر لا يٌقاوم !!! Author: Ali Sirelkhatim Date: 09-08-2009, 07:26 PM Parent: #100
ماأجمل عروس البحر يا اخ حسين وما أجملكم يا اهل بورتسودان
لكم ودى المقيم
Post: #139 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 09-09-2009, 03:34 AM Parent: #138
Quote: ماأجمل عروس البحر يا اخ حسين وما أجملكم يا اهل بورتسودان
لكم ودى المقيم
قومندانا الوريف على سر الختم ...
وما اجمل مرورك اخى على وانت تعطينا بعد اخر لمعنى جمال الحرف .......
اكيد الود
Post: #117 Title: Re: بورتــسودان جمـال يتـجلى وسحر لا يٌقاوم !!! Author: خالد العطا Date: 06-08-2009, 04:40 PM Parent: #1
عجبني
وجايك بي روااااااااااااقة بس انت كمان اظهر
Post: #118 Title: Re: بورتــسودان جمـال يتـجلى وسحر لا يٌقاوم !!! Author: Elmosley Date: 06-23-2009, 11:51 AM Parent: #1
حبيبنا حسين بورتسودان ترتبط في ذهني برحلتي الميدانية الي شرق السودان من اجل بحثي للماجستير(تصنيف وتحليل مقامات الموسيقي في شرق وغرب السودان) باعتبارها مادة خام للتآليف الموسيقي مزيد من التعرف بحيدر بورتسودان حيث اكرمني والتلاقي لاول مره بعادل مسلم حيث قال لي حيدر تعال اوريك الزول الفنان ده ووقتها كان صغمبوتي ولابد مع الكي بورد اكبرتها في حيدر وها قد ذاع صيت عادل الذي تغني لي ببلدنا نعلي شانا فاعجبتني عنده
كما تغني لي حيدر بشجر العنب واعجبتني عنده ايضا واجمل مافي بورتسودان اهلها وجارتها سواكن بضبابها الشتوي العجيب
Post: #119 Title: Re: بورتــسودان جمـال يتـجلى وسحر لا يٌقاوم !!! Author: هيثم درار Date: 07-02-2009, 11:48 AM Parent: #118
الاخ عوضاى سلامات وتحيةادروبية دبايوا ايتانينا
يؤسفنى جدآ اننى لم انتبه لهذه الدرر الا فى هذا الوقت المتاخر، والمتاخر جدآ الذى يرتبط بارشفة المنبر
ولكن ببوستيك هذا عدت الى الوراء قرابة الخمسة وعشرون عامآ ويا لها من ايام ليتها تعود كنت من قاطنى ديم مدينة ذلك الحى العريق ولاعبآ ببراعم فريق الياقوت
ارجعتنى الذاكرة الى مدرسة الشرقية وعن بعض الاصدقاء هيثم فضل (اشلاق البوليس بالقرب من المنطقة الصناعية على ما اذكر، جارى سيف الدين عثمان وقد(كنا نسكن فى ديم مدينة بالقرب من ملحمة السبع، اتذكرها؟ وبذكر للاخ فريد ابراهيم عبود، هل هو نفسه فريد الذى كنا نلقبه بفريد الاطرش؟ ذلك الفتى المدلل- فى تلك الفترة طبعآ. كان يقطن خلف مدرسة الاميرة على ما اعتقد...يااااااه لم احظى بملاقاته من العام 86 له تحياتى اينما كان واذا كان فريد اخر له التحية ايضآ
شكرآ لك اخى حسين عوضاى وشكرآ لمن اتحفونا بهذه الصور الرائعة
Post: #122 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 07-03-2009, 11:35 PM Parent: #119
هيثم درار يا ولدنا ويا حته مننا منور البوست يااااخ ... نعم هو ذاك يا عزيز فريد ابراهيم عبود بس بينى وبينك عجبتنى الحته بتاعت ( الفتى المدلل دى ) اما الاخ هيثم فضل محمد خير فهو جار واخ عزيز امنياتى ان يكون بخير ... بعدين ياخ انتا ما لقيت الا الكارثه سيف الدين عثمان ما جيرانك كتار تركى ومحمد عبدالمنعم وهرسيس الربوعى وعلى عبدالله عبدربه اوانشاء الله تقول لى جنب عمك عقيل بتاع البطاريات لكن تزكر سيف الدين لاحول الله ..... احكى ليك طرفة سيف الدين مره كان زعلان مع ناس بيتهم بعدين مشى بيت واحد صحبوا المهم لفوا اللف بتاعهم وجو راجعين بالليل والناس نايمه اها سيف الدين كان جعان قال لى صحبو ياخ العشاء صحبوا قال ليهو يا زول ناس البيت ديل ناموا مافى اى طريقه انا اكركب حسا المهم صحبك اكلها ورقد نام قام الصباح متاخر من النوم الظهر قال لى صحبوا الشاى صحبوا قال ليهو يازول ناس البيت ديل شربوا الشاى زماااان ومافى اى طريقه اعمل نايم بس سيف الدين عاين ليهو كده وقال ليهو ياخى صحى الغربه دى حاره يا زول انا راجع بيتنا .......
التحايا لك ولكل من زكرنا
Post: #121 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 07-03-2009, 10:28 PM Parent: #118
Quote: حبيبنا حسين بورتسودان ترتبط في ذهني برحلتي الميدانية الي شرق السودان من اجل بحثي للماجستير(تصنيف وتحليل مقامات الموسيقي في شرق وغرب السودان) باعتبارها مادة خام للتآليف الموسيقي مزيد من التعرف بحيدر بورتسودان حيث اكرمني والتلاقي لاول مره بعادل مسلم حيث قال لي حيدر تعال اوريك الزول الفنان ده ووقتها كان صغمبوتي ولابد مع الكي بورد اكبرتها في حيدر وها قد ذاع صيت عادل الذي تغني لي ببلدنا نعلي شانا فاعجبتني عنده
كما تغني لي حيدر بشجر العنب واعجبتني عنده ايضا واجمل مافي بورتسودان اهلها وجارتها سواكن بضبابها الشتوي العجيب
اووووووووووووه قامتنا واستاذنا ومبدعنا يوسف الموصلى اكوبام وينينا ولوتنينا.... شايف الترحيب والسلام ده يا استاذ ما بنديه لى زول ساى الا العمد والقامات الزيكم ديل ... لك الود لنا الشرف....ونحن نتنسم من شذي حرفك ....
والتحايا النديه نسوقها معك للجميل والاخ العزيز حيدرمحمد عثمان (بورتسودان ) وذو الانامل الذهبيه المبدع عادل مسلم ويا ليتك سمعته وهو يشدو الشوق فاض بى وحيرنى يا عروس البحر الورديه...
شكرآ نديآ لمرورك وتوقيعك ...
دم بالف خير
Post: #123 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 07-05-2009, 12:50 PM Parent: #121
Quote: اجمل سنين عمرى كانت من 84-90 -حى الاقاريق مقابل بيت عبدو ربه -بورتسودان الاميرية -البحر الاحمر الثانوية -حلوت -كيلو 8 -اربعات -ديم المدينة -سلالاب -هاشم ادريس على نور -يسن غلام -عمر صالح صابر -خالد على عبد الله لبن -ديم موسى -كوريا -فندق بوهين -عصام على دهب -النادى العالمى
يا هشام شدو وفى معيتنا الان الوجيه الحبوب محمد عبدالعزيز بازرعه بدعوه كريمه من الاخوان باسل وياسر عشرى وامنى امانه ان اهديك كميات من الشووووق والتحايا..
Post: #124 Title: Re: بورتــسودان جمـال يتـجلى وسحر لا يٌقاوم !!! Author: كمال ادريس Date: 07-05-2009, 03:49 PM Parent: #123
حسبن ياجميل... تحيات خاصة لود عوضاي الكبير واهل طردونا.
اها يا سانى عاد عندك كلام تانى .. هارون دياب يا جميل مبروووك ومالك مطنش الاربعه دى اربعات مطرانه تب
انا ما حكيت لي زول عن سر هوانا الكان بين الرمال والموج محفور على الوجدان الشوق جبرني ابوح وارطن باحلى لسان حورية ساكنة القيف حبيبتي بورتسودان
حامد الناظر ياخى لكن ما موووبالغه عديل مطلوب حضورك يا وريف
Post: #134 Title: Re: بورتــسودان جمـال يتـجلى وسحر لا يٌقاوم !!! Author: خالد العطا Date: 08-12-2009, 04:16 PM Parent: #133
حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا حي العرب سوكرتا
Post: #135 Title: Re: بورتــسودان جمـال يتـجلى وسحر لا يٌقاوم !!! Author: حامد الناظر Date: 09-04-2009, 01:13 AM Parent: #133
انا ما حكيت لي زول عن سر هوانا الكان بين الرمال والموج محفور على الوجدان الشوق جبرني ابوح وارطن باحلى لسان حورية ساكنة القيف حبيبتي بورتسودان
حسين عوضاي يا زول ياجميل ،، انا والله ما عارف ابدا ليك من وين ؟؟ من الفجر الابتدائية ولا الاميرية المتوسطة ولا البحر الاحمر الثانوية ولا الدورات المدرسية ولا اذاعة بورتسودان ولا اتحاد الادباء والفنانين ولا مرطبات الملتقى ولا مكتبة محفوظ ومكتبة كردفان ولا الكافاب ولا ( حمده - الله فرجو قريب حمده ) ولا ود السارة وجورجيت الاغريقية وموسى قني قني ( اشتاق اليك كاشتياق السودان للبترول واشتياق عائشة فلاتية لمكة ) هاهاهاهاهاها .. موسى ده طبعا كان اظرف مجنون في بورتسودان .. غايتو الذكريات خليها نرجع ليها مرة تانية .. اكمل ليك اللوحة : شايقني فيك محياك وسحرالمسا الجذاب انا عمري ما تمنيت غير القى فيك احباب تعرف حكاويهم رامونا والكافاب غالية وهواك غلاب حبيبتي بورتسودان ****** وليلنا مهما طال تحكيلي واحكيلها كيف جار عليها زمان ومحسودة من جيلها خايل عليها العز واصلو الدلال هيلا ومشتاق اغنيلها حبيبتي بورتسودان ****** يا ريس الهوري لاحت فناراتها ارجوك اسرع بي وديني ساحاتها اشبع سماحة وشوف في ناسها في ذاتها حبيبتي بورتسودان
استاذنا الرائع يوسف الموصلي على ذكر بورتسودان والصديق الرائع عادل مسلم انا لا زلت احتفظ بشريط كاسيت تجيل لحفلة اقمتموها برفقة السمندل في بورتسودان وبالتحديد في نادي القوات المسلحة ( حوض السباحة سابقا ) وانت تتحدث فيه عن عادل مسلم وامكاناته واعتقد كانت المرة الاولى التي تلتقون فيها واذكر انه غنى فيها برفقة السمندل ( قلبي مالو اليوم - حبيبي انا عيان - اسيبك كيف لشقيق السقيد - واكتب رسالة طويلة يا أمي واغنيات اخرى ) بالاضافة طبعا لبعض المقطوعات الموسيقية ،، اكيد تكون متذكر .. العريس ساني ليك وحشة والله ،، وطلباتك في الطريق اليك بس الزميلة سلمى تعود من السودان
ولنا عودة صديقي عوضاي
Post: #136 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 09-07-2009, 02:52 PM Parent: #135
العزيز جدآ حامد الناظر اكوبام وترودام
جميل ان تولج ابوابنا نافحآ وناثرآ من اناء روحك كل هذا الجمال والعبق .......... ليتك تمنحنا وصال حرفك وانت تدوزن هذه السيمفونيه الجميله لبرؤوت الجمال بورتسودان ..
لك الود ولبورتسودان الاعزاز لانها انجبت امثالكم من يمتهنون نظم الكلام ........
10 سنوات من عمرى بورتسودانية حقيقى من أجمل السنوات الحى الاقريقى - ديم شاطئ - الثورة - ديم مدينة قرب المكاوية عمارة صالح هرج رحمة الله عليه- و غيرها و غيرها. زوجتى بورتسودانية 100% و هى من نبهنى لهذا البوست و أصرت ان تسجل مساهمة شخصية:-
ماذا نقول عن بورتسودان ؟؟ عن دبى السودان؟؟ النظافة ؟؟ الجمال ؟؟ الترابط ؟؟ عن أسرة حسين بازرعة شاعر الفنان عثمان حسين و بهذه المناسبة دعواتنا له بتمام العافية عن الاسر العريقةفى بورتسودان ؟؟ عن الصداقات بأهل المنطقة من هدندوه و بنى عامر و سواكنية بفروعهم وعن عاداتهم الجميلة ؟؟ عن الشاطئ ؟؟ رأس السنة المتميز فى بورتسودان؟؟ فى بورتسودان لكل حى طابعه الخاص به و نكهته المميزه و أرجو من كل من أحب هذه المدينةأن يكتب عنها و يوثق لشخصياتها فى كل المجالات
Post: #140 Title: Re: بورتــسودان جمـال يتـجلى وسحر لا يٌقاوم !!! Author: شعبان شريف Date: 09-09-2009, 07:29 AM Parent: #137
أما بورتسودان لي فهي الطفولة الباكرة والبازخة في حي الترانسيت ونادي الدينمو ورابطة الديوم الجنوبية كبري وترتار ومدرسة الترانسيت الأبتدائية أها مافي زول فيكم درس في المدرسة الرائعة ديك ثم الأهلية الحكومية ومرطبات الملتقي ومخبازة هارون بديم سواكن عثمان هارون ولدو دفعتي في الأبتدائية والمتوسطة.. زرتها قبل عامين بعد غياب طويل فعاودني الحنيين وظللت أنبش كل ركن فيها من هنا كنا نسير للمدرسة وبهناك كنا نتوجه لرابطة الديوم الجنوبية وبغادي كنا نطوف علي الملاحات والدريك والميناء الجنوبي ...هيجتمو يوم الرحيل فؤادي ..يابورتسودان ياجنة أنها أحب المدن إلي قلبي وفي قلبي ...فهي مدينة قومية التكوين والطابع جميلة الموقع والمحيا عزيزة علي قلب كل من أقام بها أو مر عليها وياحبذا لو كان الوقت شتاءا فهي شبيهة بالاسكندرية علي زخات مطر خفيف
Post: #141 Title: Re: بورتــسودان جمـال يتـجلى وسحر لا يٌقاوم !!! Author: هشام كمال Date: 09-09-2009, 08:09 AM Parent: #140
العزيز محمد خليل سانى
خالص الود
Quote: متذكر مين اللى سّماك شدو ومتين كان الكلام ده
حسن سنوكا الله يجازيهو فى الاميريه وقال لى جضومك ذى جضوم شدو المحامى و اعقبها بضحكة ماجنة إتسببت لينا بى 7 جلدات من الاستاذ. اها لقيت الذاكرة كيف؟ خالص الود هشام كمال
Post: #142 Title: Re: بورتــسودان جمـال يتـجلى وسحر لا يٌقاوم !!! Author: هشام كمال Date: 09-09-2009, 08:14 AM Parent: #141
يا شباب دى اغنية معزة كلمات حسن خندقاوى الحان وغناء هشام كمال توزيع واخراج زرياب دهب
Post: #143 Title: Re: بورتــسودان جمـال يتـجلى وسحر لا يٌقاوم !!! Author: هشام كمال Date: 09-09-2009, 09:21 AM Parent: #142
الاخوة الاعزاء بسأل عن صديقنا المحترم عادل امام لو فى زول عنده خبره.
وعادل امام دا عندوا مشاكل كتيرة مرة عملنا لينا كبة فى مدرسة البحر الاحمر فقام استاذ رسلنا انا وهاشم ادريس وعادل امام للصول بتاع المدرسة ونقول ليهو الاستاذ قال ناخد جلدتين،عادل امام لانو كان واثق من البراءة كان ماشى قدامنا ووصل للصول فقام الصول سألوا إسمك منو فطبيعى عادل قال ليهو اعادل امام فما كان من حضرة الصول إلا ونزل فيهو كف رهيب وقال ليهو كمان بتهظر معاى. زكريات لا تنسى هشام كمال
Post: #148 Title: Re: بورتــسودان جمـال يتـجلى وسحر لا يٌقاوم !!! Author: محمد خليل ساني Date: 09-10-2009, 04:45 AM Parent: #143
Quote: الاخوة الاعزاء بسأل عن صديقنا المحترم عادل امام لو فى زول عنده خبره.
وعادل امام دا عندوا مشاكل كتيرة مرة عملنا لينا كبة فى مدرسة البحر الاحمر فقام استاذ رسلنا انا وهاشم ادريس وعادل امام للصول بتاع المدرسة ونقول ليهو الاستاذ قال ناخد جلدتين،عادل امام لانو كان واثق من البراءة كان ماشى قدامنا ووصل للصول فقام الصول سألوا إسمك منو فطبيعى عادل قال ليهو اعادل امام فما كان من حضرة الصول إلا ونزل فيهو كف رهيب وقال ليهو كمان بتهظر معاى. زكريات لا تنسى
سلامات يا زول يا راقي
الحكايه دي كنت حاضرها وبتذّكر تفاصيلها وكانت حكاية بـ تتحاكى حتى الآن
على فكره عادل إمام جاري الآن فى الثوره الجديده مربع 17 هو كان فترة فى السعودية بعد داك ما عارف مشى وين لكن جاييييك بالأخبار والتلفونات كمان بس خليك متابع معانا بـ هنا
Post: #146 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 09-10-2009, 04:08 AM Parent: #141
Quote: حسن سنوكا الله يجازيهو فى الاميريه وقال لى جضومك ذى جضوم شدو المحامى و اعقبها بضحكة ماجنة إتسببت لينا بى
هشام تحياتنا
بزكر الحبيب الكارثه حسن سنوكاوضحكته الماجنه ايام الجامعه بالخرطوم كنا قاعدين فى الشارع امام منزل العم كوداى بالسوق العربى انا والعزيز ابراهيم كوداى والعزيز عماد فتحى والحبيب هيثم سوكراب المهم بدون اى مقدمات ودواعى ضحك حسن سنوكا ضحكته الشهيره والوقت كان متاخر بالليل وناس النظام العام كانوا مكمنين ليهم فى كمين اعتقد لاحد الاشخاص باحد المكاتب اها سمع الضحكه بتاعته واحد ملقوف من افراد النظام العام وجانا طاير وين البت القاعده معاكم نص الليل دى هنا رد حسن سنوكا للعسكرى اجى يا البت القاعده معاكم دى ضحكنا كلنا من سرعة الرد لحسن سنوكا العسكرى قال ليهو ياخى ما تشد حيلك حسن سنوكا قال ليهو ياخى من كترة ما شادى حيلى لمن انقطع واتحلج زاتو ...
الشوق والود للعزيز حسن سنوكا ولطرائفه البديعه ....
Post: #147 Title: Re: بورتــسودان جمـال يتـجلى وسحر لا يٌقاوم !!! Author: محمد خليل ساني Date: 09-10-2009, 04:40 AM Parent: #141
الجميل هشام شدو
رمضان كريم وكل سنه وإنت طيب
Quote: حسن سنوكا الله يجازيهو فى الاميريه وقال لى جضومك ذى جضوم شدو المحامى و اعقبها بضحكة ماجنة إتسببت لينا بى 7 جلدات من الاستاذ. اها لقيت الذاكرة كيف؟
الذاكرة حديد ما شاء الله عليك بالله لسه متذكر الحاجه دي غايتو إمتحان جديد ليك مين الأستاذ اللى جلدك 7 جلدات؟ ههههههههههههههههههههههههههه أيام جميله إنشاء الله ربنا يجمعنا من تاني
Post: #145 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 09-10-2009, 02:16 AM Parent: #140
مرحبآ والف مرحب اخونا شعبان شريف وانت تزكر احد احياء بورتسودان العريقه ترانسيت والدريق حيث تحلو السباحة على ذلك الشط الجميل ما اجمل هذا الحى وساكنيه الاحبه مدثر رفعت صالح ضرار وياسر شونه والحبيب جمال سيد على ( الحبشى ) والحبوب ناير محمد عمر ناير وامين وخالد احمد ورائحة المرحوم عبدالباسط احمد عبدربه نادى الدينمو واجتماعيته الانيسه اخى وحبيبى ودفعتى عبدالقادر يحى زكريا هشام يسن عيد وشغبه العجيب البلك وخالد والنجومى على شالاى القامه موسى حسين ضرار والصديق امين محمد على محمد نور و جعفر الشوربجى مغامرات كوتى والخدمه الوطنيه الشفيف ابو الحسن عمر المصرى والصديق موافى عبداللطيف و حسن هولى ومهارته الفائقه فى قيادة الموتوسيكل .....
لهم جميعآ الود ولك الشكر لاستنطاقك هذه الزكريات بصحبة هؤلاء النفر الكرام واسف فقد خانتنى الزاكره من اناس اعزاء ...............
تحياتى
Post: #144 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 09-09-2009, 11:49 AM Parent: #137
العزيز ماضى ابو العزائم
رمضان كريم وكل سنه وانت طيب ...
حقآ كما زكرت من اين نبدأ فبورتسودان هى رقصه بجاويه مع سحنه اغريقيه ولهجه جداويه وبيوتات حضرميه
هى الهدندوه هى البنى عامر هى الارتيقه هى الامرار هى البشاريين هى العبابده هى الاتمن هى الاشراف والسواكنيه هى الحباب هى الدناقله هى الشوايقه هى االرباطاب هى البديريه الدهامشه هى الجعليين هى المساليت هى الرزيقات والتعايشه هى التراجم هى النوبه هى المحس هى السكوت هى الحلفاويين هى الدينكا هى النوير هى كل هذه البوتقه الجميله هى هذه اللوحه الانيقه من الود والالفه والتجانس يجمعهم حب بورتسودان يصهرهم فيها
هى حى العرب سوكرتا تلك الاهزوجه المحببه اليها هى الاسيد هى طلب هى فوده هى كبرى وترتار هى القيثاره نبيل الطيب والفولازى محمد الصافى هى نيبه وعلى قلد هى كبيده وعبدالحى هى بشرى وكمال الطاهر هى صديق عيسى هى قبسونى وهؤلاء سوامقها ابراهيم عبده احمد , عبدالله عبدربه , سعيد على حامد ,عثمان سويلم , سعيد بوارث , على ملاح ........... هى الثغر مدرسه هى الطاهر حسيب هى اسامه ادريس هى ضمره هى حسين عبدالحفيظ .. هى الاتحاد وعبدالله اوهاج هى مسعود وحسون .... هى الشبيبه شباب والدار بكى هى قرجى واشول .... هى الترسانه هى الهلال عمر ضو البيت وخميس هى عمر سعد بانقا ومنذر شوش ... فليرحم الله كل من اختاره لجواره ويديم نعمة الصحه لمن تبقى منهم ...
اكيد تقديرى لك
Post: #149 Title: Re: بورتــسودان جمـال يتـجلى وسحر لا يٌقاوم !!! Author: هشام كمال Date: 09-10-2009, 11:00 AM Parent: #144
Quote: مين الأستاذ اللى جلدك 7 جلدات؟
والله يا سانى دى صعبة خالس هشام
Post: #150 Title: Re: بورتــسودان جمـال يتـجلى وسحر لا يٌقاوم !!! Author: ابوبكر على Date: 09-10-2009, 09:29 PM Parent: #149
تحياتى للجميع
أخى شعبان انا درست فى ترانسيت الابتدائية اولى وتانية وتالتة
و بعد الانتقال الى الثورة المزدوجة
دفعة
علاء الدين شرفالدين جابر سلك الوسيلة هيثم موسى بخيت
ديل من البحرية ماعدا الوسيلة
تخريمة ياحسين عوضاى ازيك سمنت و لا جابو ليك؟
Post: #151 Title: Re: بورتــسودان جمـال يتـجلى وسحر لا يٌقاوم !!! Author: ابوبكر على Date: 09-10-2009, 10:43 PM Parent: #150
بورسودان
طبيب الاسنان الهندى الشهير مهندرا مهتا و الحلاق الهندى منقة و اولاده و فول سوق هدل الشهير و سويت كورنر و بوابة الكومبيرى (دى بعرفوها اولاد ترانسيت) و الموية الحارة (الملاحة) و صيد السلمانى و الدريق
أجمل منظر لبورسودان و أنت بالقطر النازل من عطبرة, تظهر بورسودان منخفضة جدا مقارنة بالبحر و كنت صغيرا دوما أتسائل مادا رأسى من النافذة ( البحر ليه مابغرق بورسودان؟ ) حينها لم أكن درست كروية الارض بعد
Post: #152 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 09-11-2009, 03:53 AM Parent: #151
Quote: و فول سوق هدل الشهير و سويت كورنر
ااااى انتا عاد العضه دى بتعرف ليها ..
ابوبكر على الزول الورده ياخى ازيك وازيك وازيك يعلم الله شوق ما ليهو حد ..
ما خاب ظنى ابدآ فيك وفى بورتسودان وانا اقول زول بجمال الروح دى لازم يكون من ( أندينا )
وكل عام وانت ومن تحب بالف الف خير
ودى الاكيد
Post: #153 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 09-12-2009, 02:37 AM Parent: #152
مدرسة وسط المدينه النموزجيه احدى منارات بورتسودان التى انجبت وما زالت تنجب النجباء والتحيه والتقدير لكل من كان له الفضل فى ريادتها مدراء ومعلمين وتلاميذ
الاستاذ الفاضل احمد سالم بعشر لك الود ايها السامق الاستاذ حيدر وهو من كان له الفضل فى بناء اول مسرح مدرسى بالولايه الاستاذ السمانى ذو اللكنه النوبيه الاصيله وهو بحق نعم المربى الاستاذ حسين عوض المادح وخفة دمه اللطيفه والرياضى المطبوع بفريق الاتحاد العظيم الاستاذ الفاضل عبدالحميد عازف الاكورديون الماهر وهو من حبب التلاميذ لمادة الرياضيات بلطافته المعهوده الاستاذ الراقى جدآ والمحب لمهنته لحد الادمان حسن خليل الحلفاوى وعند زكر هذا الانسان لابد من الوقوف اجلالا له ولتفانيه .. له كامل الحب وكل الوفاء . الاستاذه امال محمد عبدالله والدة الكل ومكمن الامومه الحنونه لها التقدير وعظيم الامتنان الاستاذه محاسن احمد فؤاد وكفى .... علم من اعلام بورتسودان التعليميه ومناره يٌٌٌٌٌٌٌٌٌٌٌٌٌٌهتدى بها ..
لكم جميعآ ودى وحبى ووفائى واحترامى اللامحدود وهذه مساحه لكل خريجى هذا الصرح العظيم بان يستنطقوا حروفهم وفاء وتقديرآ ............
وسناتى لسرد بقية العقد من الاساتذه الاجلاء ....
Post: #154 Title: Re: بورتــسودان جمـال يتـجلى وسحر لا يٌقاوم !!! Author: طارق جبريل Date: 09-12-2009, 02:48 AM Parent: #153
ناس بورتسودان ازيكم عبركم احيياعمامي - اولاد المرحوم وداعة الله موسى الطيب في الجناين - اسرة عمي وعمتي محمد سليمان كنيش في ديم شاطئ - اسرة عمي عامر الخضر كنيش في ديم مدينة واصدقائي اسامة خضر محمد الرضي عادل يسلم صالح
Post: #155 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 09-12-2009, 04:33 AM Parent: #154
الجميل طارق جبريل
لبورتسودان ان تتوشح البهجه حضورك ترف ووجودك شرف وحروفك تزين كل المداخل كن هنا فالمكان لن يبرح
الجمال .........
التحايا نزجيها معك لآل كنيش والاعزاء عادل ومحمد وصالح يسلم صالح ...........
تحياتى وتقديرى
Post: #156 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 09-13-2009, 06:12 AM Parent: #155
بكاميرا الاخ هندسه سما بورتسودان
Post: #157 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 09-22-2009, 00:26 AM Parent: #156
كـــل عــام يا بورتسودان ونحن ننسج خيوط محبتك ونجعلها وساده نتكئ عليها حينما يؤلمنا
البعاد عنكى .........
كل عام اهلى وعشيرتى واحبابى قبيلة سودانيز اون لاين النيره بالف الف خير ...
Post: #158 Title: Re: بورتــسودان جمـال يتـجلى وسحر لا يٌقاوم !!! Author: ابوبكر على Date: 09-22-2009, 08:14 PM Parent: #157
تحياتى عوضاى كل سنة و انت طيب
تم رفع البوست للربع التالى الرجاء التاكيد
Post: #159 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 09-23-2009, 04:39 AM Parent: #158
العزيز ابوبكر تسلم ياراقى وانت بالف خير وعافيه ...
تحياتنا لعصام الجيلى بطرفك
Post: #160 Title: Re: بورتــسودان جمـال يتـجلى وسحر لا يٌقاوم !!! Author: حسين عوضاى Date: 11-06-2009, 09:19 PM Parent: #159
