Post: #1
Title: عدت ايها الشقي.....!!
Author: هواري نمر
Date: 09-22-2009, 06:16 AM
Parent: #0
بداية يوم جديد
لسنة جديدة...من العمـــــــــــــــر!!
22\9.....
عيـــــــــــــــــــــــك كم مرت قبلها سنوات
وقد تأتي بعدها اخريات...
وقد لا....
.....
رقم جديد..تمت اضافته..
ولن يغير من شئ...
اذن لاجديد..!!!
ا
|
Post: #2
Title: Re: عدت ايها الشقي.....!!
Author: هواري نمر
Date: 09-22-2009, 06:34 AM
Parent: #1
ماهو الجديد في (عيد)الميلاد؟؟
او في ذكري يوم الميلاد؟؟؟
هي ذكري...ليست للمولود و لكن للوالدين في اعتقادي!
فهما من قررا الانجاب..
واختبار الاسم!
وعاشا معا...
اقسي و اجمل ايام من عمر المولود..!
حمل و وضوع و فطام و تربية و تنشئة...
اذن هما الاحق بالاحتفال مني!
الي امي
امي اولا...
امنياتي لك بطول العمر و
الصحة و العافية..
وراحة البال.. وطيب الخاطر..
كل سنة و انت طيبة..
في مثل هذا اليوم...
تحملت عناء مولدي..
حملتني تسعا و ارضعتيني سنتين..وما زلت
تواصلين في الرعاية و الوصاية..والتربية و الحنان والحب ..والسهر..والتحمل...
ربنا يديك الصحة و العافية...
والعفو والعافية و الرضا....
|
Post: #4
Title: Re: عدت ايها الشقي.....!!
Author: هواري نمر
Date: 09-22-2009, 06:44 AM
Parent: #2
الي والدي...
ابي الاستاذ سابقا
والمهاجر المغترب الان...
في ذكري هذا اليوم...
جئت انا...
وكان قبلي اثنان...
هيثم و هشام..
فكنت انا....
هــــــــــــواري...
لا أدري لماذا لم يكن (هواري بومدين) كاملا..
و لكنه كان خيارك...
كثيرون يظنون بان اسمي..(هواري) هو اسم العائلة...
لو لقب! او كنية!!
او حتي مرده الي انتماء...الي احدي القبيلتين(الهوارة او الهواوير)....
وليس للاسم علاقة بما ذكر اعلاه!!
اتكون ثوريتك و تقدميتك في تلك الايام.
قد دفعت بك الي تسميتي علي القائد و الريئس الجزائري..(هواري بومدين)..و الذي سمي هو
اي الريئس ...علي الصوفي الجليل الشيخ سيدي الهواري...
..
ابي كل عام و انت بالف خير
ربنا يديك طولة العمر..
والصحة و العافية..
والعفو و العافية و الرضا...
فانت لنا ...
الاب و الصديق و الرفيق و الصديق..
عملت و تغربت و شقيت من اجلنا ,انا و اخوتي....
وها نحن نكبر و نكبر
ازيد اليوم عاما...علي تلك التي سبقت و مرت...
علي امل ان نلتقي في هذه السنة
لك مني كل الود
|
Post: #3
Title: Re: عدت ايها الشقي.....!!
Author: عبدالرحمن الخليفة
Date: 09-22-2009, 06:39 AM
Parent: #1
ود نمر ....
كل سنه وانت طيب ..
ويكفيك سواد الكره الارضيه ..يشاركك الاحتفال ...
وصدقنى دائما القادم ..احلى ..
المهم .. الرقم الجديد كم..؟؟؟؟
|
Post: #5
Title: Re: عدت ايها الشقي.....!!
Author: هواري نمر
Date: 09-22-2009, 06:47 AM
Parent: #3
Quote:
المهم .. الرقم الجديد كم..؟؟؟؟ |
المهم هو رقم؟؟؟
ههههههههههههههه
شكرا لك صديقي الاستاذ المحامي\عبد الرحمن الخليفة الماحي..
عيد سعيد
والسنة الجاية كل التفاصيل الصغيرة تتحق...
مع اجمل الامنيات بالصحة و العافية....
|
Post: #6
Title: Re: عدت ايها الشقي.....!!
Author: سارة علي
Date: 09-22-2009, 06:57 AM
Parent: #5
الهواري...
كل عام وانت بصحة وعافية
وربنا يخلي ليك والديك..
|
Post: #7
Title: Re: عدت ايها الشقي.....!!
Author: abubakr
Date: 09-22-2009, 07:07 AM
Parent: #6
الشيخ هواري .. اتمني لك عمرا زاخرا بالحب والبهجة
|
Post: #8
Title: Re: عدت ايها الشقي.....!!
Author: حبيب نورة
Date: 09-22-2009, 07:10 AM
Parent: #7
كن بألف خير
أتمني لك المزيد من الشموع
|
Post: #9
Title: Re: عدت ايها الشقي.....!!
Author: هواري نمر
Date: 09-22-2009, 07:10 AM
Parent: #7
Quote: كل عام وانت بصحة وعافية
وربنا يخلي ليك والديك.. |
السارة....
وانت بالف خير..وصحة
و ربنا يجمعك بالاهل في اسعد اللحظات و امتعها...
لك الشكر...
صديقتي العزيزة....
|
Post: #10
Title: Re: عدت ايها الشقي.....!!
Author: هواري نمر
Date: 09-22-2009, 07:14 AM
Parent: #9
| Quote: الشيخ هواري .. اتمني لك عمرا زاخرا بالحب والبهجة |
قريبي العزيز
يا باشمهندس...
في الاول كل عام و انت و الاسرة بالف خير..
عيد سعيد و مبارك....
شكرا للامنيات الطيبات..
ولك مثلها و اضعافها...
اتمني لك سنوات عامرة بالصفاء و الهناء و السرور
وانت بين عائلتك الصغيرة و الكبيرة و عموم النوبة و السودان....
شكرا لتشريفك..
ذكري يوم مولدي....
|
Post: #11
Title: Re: عدت ايها الشقي.....!!
Author: هواري نمر
Date: 09-22-2009, 07:18 AM
Parent: #10
Quote: كن بألف خير
أتمني لك المزيد من الشموع |
الحبيب...
حبيب نورة...
يــــــــــاه..
الشموع انت احد من يوقدها لنا هنا...
فدم بخير...
ولك الامنيات الطيبات
والسنوات الطوال...و العمر المديد...
دمت أخي..في ود وحب ومحبة الناس اليك...
وافر احترامي...
|
Post: #12
Title: Re: عدت ايها الشقي.....!!
Author: هواري نمر
Date: 09-22-2009, 07:50 AM
Parent: #11
اخوتي..
د\هيثم..هشام..همام...والصغيرة فاطمة..
اليوم ذكري مولدي..
هيثم و هشام..
شكرا لكما فقد تحملتوني (شافعا) صغيرا..وحملتونني ..ولعبتم معي..
تتغلبتما علي مشاعركم الانسانية..
ورحبتما بي وافدا جديدا علي الاسرة..
ومستحوذا علي حنان الكل.بدا من والدتي و امي و (حبوبتي) و جدي و كل العائلة..
فلكما الشكر والتجلة و الاحترام....
همام و فاطمة...
جيئتما من بعدي..فعفوا ان مارست عليكما بعض
الوصاية و الابوية..
أسف ان تعاملت علي أنني الكبير...
ونظرت لكما يوما مستصغرا...
عفوا..ان بدأ مني ما عكر يوما مزاجكما..
و(معليش) ....
فانني احبكم جمبعا...
لكن كل المودة و الاحترام و التقدير و الشكرا و العرفان....
|
Post: #13
Title: Re: عدت ايها الشقي.....!!
Author: Abdlaziz Eisa
Date: 09-22-2009, 08:11 AM
Parent: #12
[
الخال!!
كل عام وانتم بخير..
والله كمان حكم.. جابت ليها عيد ميلاد تاني!!*
لولا الكلام السمح الذي كتبته عن الوالدين لكنت انفجرت من الضحك!!
في كوالالمبور ذكرت عيد ميلا ولا ايه كدا ما عارف!! العقد الخامس ولا السادس انا ما قادر اتذكر بالضبط!!
لكن شد حيلك... ناس أوج الدرب سيأتوك بالتهاني!!
كل عام وانت بخير..
|
Post: #14
Title: Re: عدت ايها الشقي.....!!
Author: خدر
Date: 09-22-2009, 08:20 AM
Parent: #13
كل سنة وانت طيب يا هواري
عمر مديد إنشاء الله
ماقلت لينا لكن كم سنة ؟ 
|
Post: #15
Title: Re: عدت ايها الشقي.....!!
Author: هواري نمر
Date: 09-22-2009, 08:23 AM
Parent: #13
Quote: والله كمان حكم.. جابت ليها عيد ميلاد تاني!!*
لولا الكلام السمح الذي كتبته عن الوالدين لكنت انفجرت من الضحك!! |
التقول شنو؟؟
اكان عيد ميلاد ما عارف؟؟
عيد مين ياخي؟؟
وبعدين عشان عارفك وعارف محنك..قمنا ختينا الوالدين في الاول...
Quote: في كوالالمبور ذكرت عيد ميلا ولا ايه كدا ما عارف!! العقد الخامس ولا السادس انا ما قادر اتذكر بالضبط!!
|
ههههههههههههههههههه
قلت لي كم؟؟
العقد الكم؟؟؟؟؟؟
والله الا العقد الفريد........... او عقد اللولي!!
كل عام و انت بالف خير..........
|
Post: #16
Title: Re: عدت ايها الشقي.....!!
Author: هواري نمر
Date: 09-22-2009, 08:26 AM
Parent: #15
| Quote: ماقلت لينا لكن كم سنة |
يا خدر يا فنان...
كل سنة و انت العائلة بالف خير...
وعيد سعيد..
اها كم سنة دي...؟؟
انا زاتي ما عارف؟؟
لاتو في تسنين و في ميلاد...
عايز ياتو عمر؟؟
ههههههههه
تسلم يا حبيب..
|
Post: #17
Title: Re: عدت ايها الشقي.....!!
Author: هواري نمر
Date: 09-22-2009, 09:27 AM
Parent: #16
تورتة و جاتوه..
وكمية شموع..
مشروبات وعصائر...
الوان و موسيقي و بهجة...
ناس حلوة....وهدايا...
مباركة..و تهنئة...
ضحك و صخب...ولعب...
_______
ده كلو يطرشني!!
قاعد متحكر في شغلي و اطبظ في اللابتوب...
|
Post: #18
Title: Re: عدت ايها الشقي.....!!
Author: Abdlaziz Eisa
Date: 09-22-2009, 01:13 PM
Parent: #17
Quote:
ههههههههههههههههههه
قلت لي كم؟؟
العقد الكم؟؟؟؟؟؟
والله الا العقد الفريد........... او عقد اللولي!!
|
الثالث بالجد كدا....
أن ما قاربت ال28 فإنت لو ثبت لي في 29 دي شوية تكون أديتنا مساحة زمنية نلحق !!
|
Post: #19
Title: Re: عدت ايها الشقي.....!!
Author: هواري نمر
Date: 09-23-2009, 08:00 AM
Parent: #18
| Quote: أن ما قاربت ال28 فإنت لو ثبت لي في 29 دي شوية تكون أديتنا مساحة زمنية نلحق ! |
يا صديقي العزيز...
28 و 29 دي..
الا تبلها و تشرب مويتها و الباقي
لو فضل ترسلو لي جمــــــــــال كوة...
اها..
ياتو عقد..
انا ما عارف..
لكن العقد التالت معناها في العشرينات..
والرابع يعني في التلاتينيات..
اها...
انت مع ياتو ؟؟
غايتو اخصم زي 15 سنة كدة..
غير الجمع و العطلات الرسمية و الاغتراب..و السفر و خطوط الطيران..
ورسم اللوحات و تدريس الطلاب...
اها بعد ده كله يمكن !!
يكوت الفرق 15..
ههههههههه
تسلم يا حبيب..
|
Post: #20
Title: Re: عدت ايها الشقي.....!!
Author: Abdlaziz Eisa
Date: 09-23-2009, 10:26 AM
Parent: #19
Quote: الا تبلها و تشرب مويتها و الباقي
لو فضل ترسلو لي جمــــــــــال كوة...
اها..
ياتو عقد..
انا ما عارف..
لكن العقد التالت معناها في العشرينات..
والرابع يعني في التلاتينيات..
اها...
انت مع ياتو ؟؟
غايتو اخصم زي 15 سنة كدة..
|
عزيزي هواري
عوافي
انت قلت نبلها ونشر.. لو قلت نموصها كنت حولتها لي كوة!!
عقد
انا نسيت ما شكلتها ليك.. انا أقصد عقد الجلاد!!
طبعا فهمتها بالصح لو خصمت 15 سنة انا حأكون عمري 13 سنة
وزئة شوية تلئاني في الروضة..
انت نسيت تعمل شبك على بيتك زي بتاع الشرطة المضاد للمظاهرات!!
وما حأذكر ليك سنين المجر, والتشيك وشئ بولندا.. مصر .. وعشرة سنوات في ماليزيا..
ده غير انك كنت من منظمي مظاهرات 1983 والأنتفاضة 1985م
خليها مستورة..
سوزان ردت
|
Post: #21
Title: Re: عدت ايها الشقي.....!!
Author: هواري نمر
Date: 09-23-2009, 10:32 AM
Parent: #20
دي و الله ما عرفتها..
ههههههههه
منو هي؟؟
وترد بي شنو؟؟؟
|
Post: #22
Title: Re: عدت ايها الشقي.....!!
Author: هواري نمر
Date: 09-23-2009, 11:21 AM
Parent: #21
Quote: انت نسيت تعمل شبك على بيتك زي بتاع الشرطة المضاد للمظاهرات!!
وما حأذكر ليك سنين المجر, والتشيك وشئ بولندا.. مصر .. وعشرة سنوات في ماليزيا..
ده غير انك كنت من منظمي مظاهرات 1983 والأنتفاضة 1985م
خليها مستورة. |
لا حولالالالالا
ده كلو عني انا!!
شكيت محنك!!
يعني قلبت الاية..حاجاتك كلها عملتها فيني....
ياخي انت كلية الفنون الجميلة درستها زمن الانجليز..ههههه
اصلو ده ما كان عيد ميلاد...
غايتو المجر و التشيك و بولندا ...يطرشني !!
مشيت جنبهم الا ما عتبت عليهم..
اها مصر دي..جيت في مطارها 4 مرات..و برضو ما طلعت بره المطار...
اها ماليزيا دي...كلها 3 سنين ونص..
انت طوالي ضربتها في 3
ياخي انت قاعد فيها..من قبل مهاتير يمسك الحكم..ههههههههههه
اها لقيتني كيف؟؟
|
Post: #23
Title: Re: عدت ايها الشقي.....!!
Author: Abdlaziz Eisa
Date: 09-23-2009, 04:07 PM
Parent: #22
Quote: اصلو ده ما كان عيد ميلاد...
غايتو المجر و التشيك و بولندا ...يطرشني !!
مشيت جنبهم الا ما عتبت عليهم..
اها مصر دي..جيت في مطارها 4 مرات..و برضو ما طلعت بره المطار...
اها ماليزيا دي...كلها 3 سنين ونص..
انت طوالي ضربتها في 3
ياخي انت قاعد فيها..من قبل مهاتير يمسك الحكم..ههههههههههه
|
سلامات
اقول شنو...
ارد عليك في وقت سمح
في الزمان الراحل
وثوانيه لا تتعد
|
Post: #24
Title: Re: عدت ايها الشقي.....!!
Author: فيصل محمد خليل
Date: 09-23-2009, 05:24 PM
Parent: #23
كل عام و انت بخير
يا ابن الشمس و ابن عم القمر
|
Post: #25
Title: Re: عدت ايها الشقي.....!!
Author: سيف الدولة كامل
Date: 09-23-2009, 07:48 PM
Parent: #24
كل سنة وانت باتم صحة وعافية يا هواري.
عشمتني بالحلق وقديت اضاني وما عيدت معانا.
|
Post: #26
Title: Re: عدت ايها الشقي.....!!
Author: هواري نمر
Date: 09-24-2009, 07:20 AM
Parent: #25
Quote: كل عام و انت بخير
يا ابن الشمس و ابن عم القمر |
يا فيصل.
يا فنان..شكرا جميلا
وانت و الاسرة بالف خير...
مع اطيب الامنيات..
|
Post: #27
Title: Re: عدت ايها الشقي.....!!
Author: هواري نمر
Date: 09-24-2009, 07:27 AM
Parent: #26
| Quote: عشمتني بالحلق وقديت اضاني وما عيدت معانا. |
يا استـــــــــــــــــاذ
اولا ..
كل سنة و انت طيب..
عيـــــــــد سعيد..
وشكرا جزيلا...
مع امنياتي لك بسنة سعيدة..
تانيا..
والله..انا اسف جدا جدا..
المفروض اتصل عليك!!
وكنت متفق مع صاحبي ..وهو من (كونتكيت)..انو نتلاقي في نيويورك
لكن هو مشي العيد في فرجينيا..
واوعدك بزيارة قريبة ان شاء الله لي البلد المتعة نيويورك..
اصلا انا كنتا ساكن فيها (بروكلين) ..
بفرلي رود مع كوني ايلاند افنيو..
والنية بالرجوع موجوده طال الزمن او قصر...
وافر احترامي...
|
Post: #28
Title: Re: عدت ايها الشقي.....!!
Author: هواري نمر
Date: 09-24-2009, 07:37 AM
Parent: #27
دQuote: اقول شنو...
ارد عليك في وقت سمح
في الزمان الراحل
وثوانيه لا تتعد |
صديقي العزيز
عبد العزيز..
انت عارف؟....زمــــــــــــــــــان , كان في زول عزيز و عزيز علي شديد جدا جدا!!ههههه
المهم صادف عيد ميلاده 24\9 ...و انا 22\9..
كانت حاجة غريبة...
فقررنا انو نحتفل ...يوم..23\9
يعني في النص...
اها هسي الكــــــــــــــلام بقي ذكري..
و ذكري لايام مضت فرحا...لن انساها..!!!
تفرقت بيني و بينه السبل..
و احتوتنا تضاريس الحياة المزعجة...
وصار كل واحد فينا... في بلد ..!
_______
الكلام ده قلنا كان زمان...زمان
سمعتني و لا أعيده...!
|
Post: #29
Title: Re: عدت ايها الشقي.....!!
Author: Abdlaziz Eisa
Date: 09-24-2009, 08:47 AM
Parent: #28
Quote: فقررنا انو نحتفل ...يوم..23\9
يعني في النص...
|
يا صديقي اللدود
في ياتو نص؟؟
وما تقول لي نصك تحت!!!
الكريستاليست يمتنعون!!
|
Post: #30
Title: Re: عدت ايها الشقي.....!!
Author: هواري نمر
Date: 09-24-2009, 09:04 AM
Parent: #29
نص شعري.....
هههههههههههه
| Quote: الكريستاليست يمتنعون!! |
عجبتنب شديد....
الله يجازي محنك....
_________
ياخي مالك مقلب علينا المواجع..
هسي هي وين و احنا وين...
عـــــــــالم..!!
|
Post: #31
Title: Re: عدت ايها الشقي.....!!
Author: Baha Elhadi
Date: 09-24-2009, 09:48 AM
Parent: #30
هواري نمر :
كل عام وأنت بألف خير وصحة
وربنا يديم عليك محبة والديك
ويمد في أيامهما ويمتعك بهما
طولة وغيبة
بالله عمرك بالعقود
بعد شوية حا تبقى زي السفينة مشت كم عقدة وعقدة وعقود
عقود من ضياء الصحة تغطيك
بهاء
|
Post: #32
Title: Re: عدت ايها الشقي.....!!
Author: حافظ حسن ابراهيم
Date: 09-24-2009, 10:15 AM
Parent: #31
كل عام و أنت بالف حب و خير يا هواري
|
Post: #33
Title: Re: عدت ايها الشقي.....!!
Author: هواري نمر
Date: 09-24-2009, 10:27 AM
Parent: #32
Quote: بالله عمرك بالعقود
بعد شوية حا تبقى زي السفينة مشت كم عقدة وعقدة وعقود
عقود من ضياء الصحة تغطيك |
يا بهاء....يا بهاء يا هادي...
كل سنة و انت بالف خير..
شفته عمرنا (سلبة) موش عقدة..هههههههه
شايفك منور صور الافطار...
واتمني تكون قضيت اجازة حلوة..
واستمتعت بالعيد و رمضان..
متوقعين منك ...
بوستات و بوستات عن السودان و البلد
والخريف..
|
Post: #34
Title: Re: عدت ايها الشقي.....!!
Author: هواري نمر
Date: 09-24-2009, 10:29 AM
Parent: #33
Quote:
كل عام و أنت بالف حب و خير يا هواري |
يا حبيب..
كل سنة و انت طيب
وعيدك سعيد..
وين اتصلت عليك و تلفونك بره الشبكة,,,
الويك اند معاك بي سلك طويل..
تسلم
|
Post: #35
Title: Re: عدت ايها الشقي.....!!
Author: Abdlaziz Eisa
Date: 09-24-2009, 10:53 AM
Parent: #34
Quote: ياخي مالك مقلب علينا المواجع..
هسي هي وين و احنا وين...
عـــــــــالم..!! |
إت كنت وين لما شيقا نصب الخيام!!!!!
آه أنا ما نسيتو
ودعت الحبيب ونسيتو
لما القطار صفر شالو
ودموعي من عيني سالو
|
Post: #36
Title: Re: عدت ايها الشقي.....!!
Author: Muna Khugali
Date: 09-24-2009, 02:25 PM
Parent: #35
كل سنة وانت طيب..
الجايات أجمل باذن الله..
|
Post: #37
Title: Re: عدت ايها الشقي.....!!
Author: هواري نمر
Date: 09-25-2009, 08:11 AM
Parent: #36
Quote:
كل سنة وانت طيب..
الجايات أجمل باذن الله. |
الملكة مني..
وانت بالف خير...
وربنا يجعل ايامك..كلها سعادة و محبة..
عيد سعيد..
وربنا يحقق الاماني...
|
Post: #38
Title: Re: عدت ايها الشقي.....!!
Author: soma
Date: 09-25-2009, 10:25 AM
Parent: #37
العزيز هوارى
كل عام وانت العيد
وكل عيد وانت الفرح
وكل فرح تكبر افراحك
ويدوم هناك
ربى يحقق كل امنياتك ويديك قدر يرضيك
|
Post: #39
Title: Re: عدت ايها الشقي.....!!
Author: هواري نمر
Date: 09-25-2009, 10:38 AM
Parent: #38
| Quote: ربى يحقق كل امنياتك ويديك قدر يرضيك |
شاعرتنا المجيدة..
استاذة\ اسماء
كل سنة و انت بالف خير..
وادام الله السعادة و المودة..
شكرا جزيلا..
عيد سعيد
|
Post: #40
Title: Re: عدت ايها الشقي.....!!
Author: Hadeer Alzain
Date: 09-25-2009, 04:49 PM
Parent: #39
الأخ العزيز هواري
عيد ميلاد سعيد وكل عام وأنت بألف خير
مع أجمل الامنيات بالصحة و العافية
وربنا يخلي ليك والديك ويطول في عمرن يا رب
|
Post: #41
Title: Re: عدت ايها الشقي.....!!
Author: ياسر بيناوي
Date: 09-25-2009, 04:53 PM
Parent: #40
كل سنة وانت طيب ياغالي
خالص الود
|
Post: #42
Title: Re: عدت ايها الشقي.....!!
Author: هند محمد
Date: 09-25-2009, 06:51 PM
Parent: #41
العمر كله ليك ياهواري
سعادة وحب وأفراح
عقبال الشمعة المية وعمر مديد في طاعة الله
ربنا يحقق الامنيات
|
Post: #43
Title: Re: عدت ايها الشقي.....!!
Author: هواري نمر
Date: 09-26-2009, 05:32 AM
Parent: #42
Quote: الأخ العزيز هواري
عيد ميلاد سعيد وكل عام وأنت بألف خير
مع أجمل الامنيات بالصحة و العافية
وربنا يخلي ليك والديك ويطول في عمرن يا رب |
الاخت العزيزة \هدير
كل سنة و انت والاسرة بالف خير
واجمل الاماني بعيد سعيد ..
وربنا يحقق ما تتمنين..
شكرا جزيلا جميلا.
ولك فائق الاحترام و التقدير
|
Post: #44
Title: Re: عدت ايها الشقي.....!!
Author: هواري نمر
Date: 09-26-2009, 05:35 AM
| Quote: كل سنة وانت طيب ياغالي |
العزيز الغالي\بناوي
كل سنة و انت بالف خير..
عيد سعيد..
ربنا يحقق كل ما تحلم..
____
قبل فترة...
شايفك منزل بوست عن العمر
وعيد الميلاد..
انا ما متذكر كم كان عدد السنوات.
لكن تقريبا قريب منك.....
ههههههههههههههه
|
Post: #45
Title: Re: عدت ايها الشقي.....!!
Author: هواري نمر
Date: 09-26-2009, 05:39 AM
Parent: #44
Quote: العمر كله ليك ياهواري
سعادة وحب وأفراح
عقبال الشمعة المية وعمر مديد في طاعة الله
ربنا يحقق الامنيات |
هند..
يا شاعرتنا الجميلة..
بفضل كلماتكم وحروفكم الندية
يصبح العالم أنقي وأجمل..
عيد سعيد
والي غد أفضل.
ملئ بالخير و المودة والسلام..
|
|