Post: #1
Title: أقل لكم من هم بورداب الرياض فى الواقع فليس من سمع كمن رأى
Author: يازولyazoalيازول
Date: 09-30-2009, 12:14 PM
إزدان عيد الفطر المبارك برؤيتى ومقابلتى لبورداب الرياض الذين أتوا أفرادا وزرافات بصحبة أسرهم لأكحل ناظرى برؤيتهم وألتقيهم وجها لوجه لأول مرة منذ عشر سنوات خلت فأتى الهمام أحمد العمار (جلابية وتوب وجرجار ومركوب) وتبعه الريس أبوجهينة (والذى كان أحلى من كل توقعاتى) ثم تمبس (الرائع) فمحمد الشيخ (الهادىء) ودكتور محمد حسن (والذى فاجأنى بود نوباويته وحضور أسرته) ويوسف السمانى (الأنيق) (مع حضوراسرته) ومعتصم دفع الله (الفذ) وعبدالله داش (الحبوب) وصديق الموج (المعتق) والجميل محمد عبدالمجيد الصائم(صاحب أجمل قلب وضحكةخارجة منه) ، وإفتقدت حقيقة حميدة (المقدام) والذى كان خارج البلاد لعله معيد فى الكويت أو هكذا سمعت كما إفتقدت ودالباوقة (الظريف) وعمر الفاروق (المشاكس) (لوجوده بالسودان) وآخرين يعجز القلم عن حصرهم،
قمت بتعريفهم على أفراد أسرتى ، إذ أننى إعتبرت أن البورداب هم جزء من الأسرة (لآ أدرى من أين أتى هذا الشعور؟) ولكن ياهو ده السودان ، وكانت جلسة فى إستراحة عتيقة إستأجرها الأهل لمدة يومين للإحتفاء بى وبأسرتى ،
كان لقاء البورداب شئياً مميزاً لن ينمحى من الذاكرة ، وكان الإنطباع المدهش الذى يحيل كل التصورات إلى واقع ملموس لأشخاص حقيقيين بكل طيبتهم وأخلاقهم السودانية الرفيعة
يا بورداب الرياض أصبحتم جزءا لا يتجزأ فى حياتى ودخلتم عبر الوريد لتحتلوا مكاناً عليا فى نفسى وفؤادى ودمى
بارك الله فيكم وفى اسركم وفى جميع أهلكم وأصحابكم وحفظم فى غربتكم وردكم إلى الديار موفقين ومحققين لأهدافكم النبيلة فقد كان للعيد بشوفتكم طعم خاص لا يأتى إلا فى الأعياد
أخوكم
هشام شيخ الدين وأسرته المتواضعة
|
Post: #2
Title: Re: أقل لكم من هم بورداب الرياض فى الواقع فليس من سمع كمن رأى
Author: الصادق صديق سلمان
Date: 09-30-2009, 01:21 PM
Parent: #1
ياسيدي هشام
لك كل الحب والود والشوق
جيت اسلم عليك لأني طولت من البورد طولة شديدة
يمكن سنتين مادخلتو عشان ظروف العمل.
ياسيدي انا عاجباني جدة عجب شديد بس ما لقيت فيها شغل.
|
Post: #3
Title: Re: أقل لكم من هم بورداب الرياض فى الواقع فليس من سمع كمن رأى
Author: يازولyazoalيازول
Date: 09-30-2009, 01:56 PM
Parent: #2
أخى العزيز الصادق صديق
وعليكم السلام والرحمة
وأنا فى غاية الشوق لك ، وقديما قالوا (جدة غير) فياليت نشوف ليك فيها شغل عشان تكون معانا على طول
وأبقى عشرة على الدمام، أما أهل الرياض فوالله ما فيهم كلام إلا ما اسلفت
أخوك هشام
|
Post: #4
Title: Re: أقل لكم من هم بورداب الرياض فى الواقع فليس من سمع كمن رأى
Author: saif massad ali
Date: 09-30-2009, 02:02 PM
Parent: #3
الاخ هشام شيخ الدين
يا اخي ناس الرياض ديل من فات الخال ود قاسم نزلو درجة تالتة(معليش الريس ابو جهينة والخال حمزاوي وكل الكبارات) الناس جبناها ليك بي لطيف علي كل شئ قدير
بس احكي لينا عن ود الصائم ده كيف؟
تحياتي لكل افراد الاسرة
|
Post: #5
Title: Re: أقل لكم من هم بورداب الرياض فى الواقع فليس من سمع كمن رأى
Author: يازولyazoalيازول
Date: 09-30-2009, 02:12 PM
Parent: #4
ود الشيخ المتزوج بت الشيخ ود مساعد أخوى سيف
(شوف إسمك ده براهو حجاب)
تعرف يا لطيف دى جرتهم جر شديد ، ما لاحظت (زرافات) الفى أعلى الصفحة
لوووووووووووووووووووووول
تعرف يا سيف وجدت نفسى أمام جمع طيب من الأحباب السودانيين الحلوين بكل معنى الكلمة ، أما ود الصائم فأوصافه كالاتى:
زول أزرق وما شاء الله مليان ومتعافى ، والزرقة زرق أهلنا السمحين ، والزول ليه كضيمات نايرات كده ، وبسمة لا تكاد تفارق وجهه ، إن خاطبك خاطبك بكل جوارحه ملتفتا إليك وإن خاطبته إستمع بكل حواسه ، هين لين رغم خشونة باينة إلا أن النعومة تطغى على تعامله ، إن ضحك ، ضحك كل من فى المجلس وإن إبتسم أضاء بوجهه المشرق الآفاق
يا سيدى ، والله كلهم جميلين لا تملك إلا أن تحبهم
|
Post: #6
Title: Re: أقل لكم من هم بورداب الرياض فى الواقع فليس من سمع كمن رأى
Author: يازولyazoalيازول
Date: 09-30-2009, 02:22 PM
Parent: #5
نسيت أن أنوه إلى أنه كان برفقتنا بوردابية نجيضة كده وتدعى نبراس ، هى بنتى الدكتورة نبراس التى فرحت أيضاً برؤية بورداب الرياض وفرحوا بها
وعلى أمل أن يشوفوا ليها عيادة أسنان كاربة كده فى الرياض
والكلام ليك يا المنطط إضنيك
لوووووووووووووووووووووووووووووووووووووووووول
عارفين لول ليه؟
عشان الزول عارف نفسو ، شغال مع أمراء ومركزو كبير وأصلو هو زول جميل رغم نطيط الإضنين ، يعنى بالعربى كده واصل لكبريات المستشفيات عن طريق الأمراء والأميرات وهو ركيزة من ركائز بورداب الرياض البحبو الخير للناس
الله يديهو العافية ويخلى ليهو جهينة
لوووووووووووووووووووووووووووووول أخرى
|
Post: #7
Title: Re: أقل لكم من هم بورداب الرياض فى الواقع فليس من سمع كمن رأى
Author: WAD ELGAALI#4
Date: 09-30-2009, 05:59 PM
Parent: #6
| Quote: والجميل محمد عبدالمجيد الصائم |
Looooooooooooooooooooooooooooooooooooool
|
Post: #8
Title: Re: أقل لكم من هم بورداب الرياض فى الواقع فليس من سمع كمن رأى
Author: ابو جهينة
Date: 09-30-2009, 06:48 PM
Parent: #7
هشام الزول التلب
حمد لله على سلامة الوصول و كان مفروض نتصل بيك و نطمن.
أخجلت تواضعنا المنزوي خجلا في الأصل ، و شكرا على كلماتك الطيبات في حق بورداب الرياض رغم أنهم يشعرون بالتقصير في حقكم في ما يخص الحفاوة التي تليق بك و بأسرتك الكريمة
تحياتي للمدام و العيال
و أنا عند وعدي و رقبتي سدادة يا زول
دمتم
|
Post: #9
Title: Re: أقل لكم من هم بورداب الرياض فى الواقع فليس من سمع كمن رأى
Author: يازولyazoalيازول
Date: 10-01-2009, 07:31 AM
Parent: #8
الحبيب أبوجهينة
تسلم يا ريس وحقيقة ما قصرتو الله يديكم العافية
هشام
|
Post: #10
Title: Re: أقل لكم من هم بورداب الرياض فى الواقع فليس من سمع كمن رأى
Author: يازولyazoalيازول
Date: 10-01-2009, 07:32 AM
Parent: #7
ود الجعلى4
كن جميلا ترى الوجود جميلا
لووووووووووووووووووووووووووووول
هو جمال النفس يا حبيب
|
Post: #11
Title: Re: أقل لكم من هم بورداب الرياض فى الواقع فليس من سمع كمن رأى
Author: معتصم دفع الله
Date: 10-01-2009, 08:21 AM
Parent: #10
هشام الزول الجميل ..
ياخي شوفتكم غيرت شكل عيدنا الحزين ..
والله سعدنا أيما سعادة بلقائكم وقضاء وقت ممتع معكم ..
ولو أننا كنا نخطط للقاء أكبر من ذلك ولكن ظروف العيد وسفر البعض خارج الرياض حال دون ذلك ..
لك ولأسرتك كل المحبة والتقدير ..
على أمل أن نلتقي قريباً ..
|
Post: #12
Title: Re: أقل لكم من هم بورداب الرياض فى الواقع فليس من سمع كمن رأى
Author: يازولyazoalيازول
Date: 10-01-2009, 08:48 AM
Parent: #11
أخى العزيز معتصم دفع الله
أبداً والله يا حبيب ما قصرتو أبداً ،
طبعاً حزننا على فقد إبن عمك ليس له حدود خصوصاً وأنت تقص علىّ سيرة حياته العطرة وإنتقاله للدار الآخرة فى الوقت الذى كان يعد فيه عدته للزواج وموته المبكر والله لقد أفجعنا وأحزننا ولكن هذه هى إرادة الله ولا إعتراض على حكمه
البركة فيكم
أخى معتصم زيارتك لى فى بيت إبن عمى ، ثم حضورك مع البورداب فى الإستراحة فى وقت الحزن مستقطعا هذه الأوقات لتلبى الزيارة قد كان له أكبر الأثر فى نفوسنا
بارك الله فيكم وجزاكم عنى وعن اسرتى خير الجزاء
أخوكم هشام والأسرة
|
Post: #13
Title: Re: أقل لكم من هم بورداب الرياض فى الواقع فليس من سمع كمن رأى
Author: أيمن دياب
Date: 10-01-2009, 08:57 AM
Parent: #11
عيدك سعيد يازول.. وأسفت للغاية لوجودي خارج الرياض خلال العيد..
وكنت قد استقبلت اتصالاً من الأنيق معتصم دفع الله للتنسيق للاحتفاء بكم بما يليق بمقامكم..
ولكنني خذلته لأنني كنت ساعتها في المنطقة الشرقية..
والجايات أكتر من الرايحات يا هشام.. ونلاقيك في ساعة خير ومحبة..
ودمت بألف عافية..
|
Post: #14
Title: Re: أقل لكم من هم بورداب الرياض فى الواقع فليس من سمع كمن رأى
Author: يازولyazoalيازول
Date: 10-01-2009, 09:06 AM
Parent: #13
الحبيب أيمن دياب
بارك الله فيك يا أخى وكان الواحد فعلا يرغب فى رؤية أمثالكم ولكن كما ذكرت الجايات أكتر من الرايحات ومصير الحى يلاقى
نسأل الله أن يجمعنا فى أبرك الساعات
أخوك هشام
|
Post: #15
Title: Re: أقل لكم من هم بورداب الرياض فى الواقع فليس من سمع كمن رأى
Author: حمزاوي
Date: 10-01-2009, 09:12 AM
Parent: #13
الزول الشفيف هشام
مسكاقمي
عيد سعيد
وكل عام وانتم بخير
معليش اقدم اعتذاري واسفي الشديد لعدم تمكني للحضور ومقابلة شخصكم الكريم والاسرة
والله كنت مستعد عندما بلغني الاخ معتصم دفع الله ولكن كنت في الاتجاه المعاكس لموقع تواجدكم وما رجعت الا قريب الصبح
اقدم اعتذاري لكم وللاسرة
والشكر والتقدير للزول السمح معتصم دفع الله
|
Post: #16
Title: Re: أقل لكم من هم بورداب الرياض فى الواقع فليس من سمع كمن رأى
Author: يازولyazoalيازول
Date: 10-01-2009, 09:20 AM
Parent: #15
العم حمزاوى الأب الروحى لبورداب العالم قاطبة
والله كنت حريص جداً على شوفتكم ، لكن الله غالب
ضرورى حضوركم جدة أو بالعدم سنحضر مرة ثانية خصيصا لرؤية زول جميل زيك
أخوك هشام
|
Post: #17
Title: Re: أقل لكم من هم بورداب الرياض فى الواقع فليس من سمع كمن رأى
Author: د.محمد حسن
Date: 10-01-2009, 09:39 AM
Parent: #16
الاخ الحبيب هشام
حقيقة تشرفنا نحن بالتعرف اليكم واسرتكم
لكم الشكر
وعاطر التحايا لكم ولعيالكم
( حميدة كانت عندو مباراة خارجية ان شاء الله يكون غالب )
|
Post: #18
Title: Re: أقل لكم من هم بورداب الرياض فى الواقع فليس من سمع كمن رأى
Author: يازولyazoalيازول
Date: 10-01-2009, 10:00 AM
Parent: #17
دكتورنا الجميل محمد حسن
حصل لنا الشرف الكبير يا إبن ودنوباوى
وأتمنى أشوفك فى جدة
بس خليناها فى زمتكم لو الظروف جابتكم ضرورى من اللقاء بكم
تحياتى لكل بورداب الرياض
أخوك هشام
|
Post: #20
Title: Re: أقل لكم من هم بورداب الرياض فى الواقع فليس من سمع كمن رأى
Author: طارق عبد اللطيف نقد
Date: 10-01-2009, 10:41 AM
Parent: #17
الحبيب هشامشيخ الدين
دي عشان ود نوباوي وكده
اسف جدا لعدم الحضور (كنت معيد في ابها)
وتربطني صلة قوية بي ناس اسماعيل شبشة
والطيب عكاشة قريبي
بنمشي نحضر معاهم الكورة انا صديق الموج
لكن اهلك الهلالاب ديل بتفزعوا فينا000
لكن انت عارف صديق وسلاطة لسانه000
بقدر عليهم000وبتمها نبذ00000
والمهم على قول تبارك الجايات اكتر من الرايحات
وربنايجمعنا في ساعة خير
|
Post: #21
Title: Re: أقل لكم من هم بورداب الرياض فى الواقع فليس من سمع كمن رأى
Author: يازولyazoalيازول
Date: 10-01-2009, 11:03 AM
Parent: #20
الحبيب طارق عبداللطيف
يا سلام ياخ على نسيبى عكاشة
بالله الراجل قريبك؟
أنعم وأكرم بالرجل فقد دعانى مع أسرتى ودعى معى جميع الأقارب فى الرياض وحظينا منه بذبيحة سواكنى كاربة وليلة ودنوباوية رائعة
تسلم يا سيدى وتشرفنا
طبعا أخوك مريخابى ولا أحتمل صفاقة إبن عمى عصام عزالدين وبقية الرشاشات فى الرياض
لووووووووول
ياخ المرة الجاية ضرورى نشوفكم يا طارق
وتقبل تحياتى وتقديرى
أخوك هشام
|
Post: #19
Title: Re: أقل لكم من هم بورداب الرياض فى الواقع فليس من سمع كمن رأى
Author: احمد العمار
Date: 10-01-2009, 10:27 AM
Parent: #1
العزيز هشام تحياتى لك وللاسرة الكريمة
الرياض نورت بزيارتكم و تشرفنا و سعدنا كتير بلقاكم
فقد كنت كما توقعناك و أكثر اخو اخوان ( هاش و باش )
و ربنا يديم المحبة
أحمد العمار
|
Post: #22
Title: Re: أقل لكم من هم بورداب الرياض فى الواقع فليس من سمع كمن رأى
Author: يازولyazoalيازول
Date: 10-01-2009, 11:06 AM
Parent: #19
الحبيب السودانى الأصيل أحمد العمار
(الذى حضر بالجلابية والعمة ، بل كان أول الحضور)
سعادتى والله بشوفتك والجلوس إليك ومناجاتك والدردشة معك لا تحدها حدود
تشرفت تشرفت تشرفت بحق وحقيقةبشوفتكم وطلتكم البهية
وأرجو أن نراكم يوما فى جدة لرد جميل مقابلتكم لنا
وتحياتى لكل ناس الرياض
أخوك هشام
|
Post: #23
Title: Re: أقل لكم من هم بورداب الرياض فى الواقع فليس من سمع كمن رأى
Author: محمد عبد الماجد الصايم
Date: 10-01-2009, 11:41 AM
Parent: #19
استمتعنا معاكـ والله يا هشام
تسلم على الطلة ياخ!
لكن الزول الوصفتو لسيف مساعد داكـ ما عرفتو!
|
Post: #24
Title: Re: أقل لكم من هم بورداب الرياض فى الواقع فليس من سمع كمن رأى
Author: يازولyazoalيازول
Date: 10-01-2009, 11:56 AM
Parent: #23
ود الصائم يا رهيب
الله يديك العافية ، نحن أيضاً إنبسطنا شديد بى شوفتك
والزول الوصفتو داك زول بيشبهك ساى
تحياتى يا جميل (قبل ما يجونى ناطين محتجين على جمالك)
يا ود الصائم الجمال جمال الروح
تسلم
|
Post: #25
Title: Re: أقل لكم من هم بورداب الرياض فى الواقع فليس من سمع كمن رأى
Author: محمد عبد الماجد الصايم
Date: 10-01-2009, 12:08 PM
Parent: #24
| Quote: يا ود الصائم الجمال جمال الروح |
أنا زاتي قلت كـدا يا عمكـ
الحمد لله الواحد لقى ليهو واحدة غبيانة رضت بيهو!
|
Post: #26
Title: Re: أقل لكم من هم بورداب الرياض فى الواقع فليس من سمع كمن رأى
Author: abdulhalim altilib
Date: 10-01-2009, 12:11 PM
Parent: #23
الأخ العزيز / هشام
تحياتي ،
وعيدكم والأسرة مبارك (بعد نهاية الزحمة)،
وكم كنت أتمنى أن أسعد بلقياكم
لكن العتب على (اخوان الصفا) الذين
نسونا ولم يخطرونا بحضوركم ، ولم أعلم بذلك
إلا الآن فقط من خلال هذا البوست ،
علماً بأنني قضيت الثلاثة أيام الأولى من
العيد في الرياض (على غير عادتي) ثم بعدها
للشرقية لمدة يومين ، ولا أدري متى كان لقاؤكم
هذا خلال العيد .. ولا نملك غير أن نقول
الجايات أكتر من الرايحات ، ونلتقي بإذن الله
في ساعات خير وصفاء وإخاء قادمات .
ود الصايم
تحياتي يا عمكـ
| Quote: لكن الزول الوصفتو لسيف مساعد داكـ ما عرفتو! |
غريبة ؟!! معقول ما عرفت ود غريبة ؟!! (وش ضاحك زيك)
مودتي ،
( ليمو )
|
Post: #27
Title: Re: أقل لكم من هم بورداب الرياض فى الواقع فليس من سمع كمن رأى
Author: يازولyazoalيازول
Date: 10-01-2009, 12:36 PM
Parent: #26
الأخ عبدالحليم التلب
صدقنى كانت ستكتمل السعادة بى شوفتكم ولكن نقول إن شاء الله فى المرة الجاية ضرورى من الشوفة
تسلم يا سيدى وأتمنى أن تكون قد قضيت عيداً سعيداً طيبا فى رحاب الدمام
أخوك هشام
|
|