Post: #1
Title: بيع مكاتب التفتيش بمشروع الجزيرة
Author: azz gafar
Date: 09-30-2009, 11:41 AM
Parent: #0
بيع مكاتب التفتيش بمشروع الجزيرة
يوسف محمد زين
الراي العام 29-09-09
لم يكن أكثر المزارعين تشاؤما لما أصاب مشروع الجزيرة من تدهور في كل بنياته التحتية ومستقبله الذي أضحى مظلما يتوقع أو يدور بخلده بان المشروع وصل لهذه المرحلة من التردي والسوء بإخلاء الجهات المسئولة بادارة المشروع لمسؤولياتها تجاه عملية الاشراف والمتابعة فقد شرعت فعلياً جهات مسئولة بادارة مشروع الجزيرة ببيع مباني مكاتب الادارة والتفتيش للمواطنين والخفراء مع أنها ليست لديها اي نشاط منذ مدة طويلة وتحول عملها لروابط المزارعين المغلوبين على أمرهم في سقاية محاصيلهم التي أهلكها العطش ناهيك عن متابعة هموم ومشاكل جميع المزارعين التي أستعصت على وجود حلول ناجعة من إدارة مشروع، كانت مؤسسة بشكل جيد وهنا يتبادر سؤال للذهن يحتاج لاجابة سريعة من إدارة مشروع الجزيرة لماذا بيع حتى مباني الادارة والتفتيش بمعظم الاقسام والمكاتب الزراعية بمشروع الجزيرة فهل «قنعت ويئست» إدارة المشروع (من خيراً) في عملية اصلاح الحال المائل بالمشروع؟ مع العلم أن المزارعين بمشروع الجزيرة وعلى الرغم من كساد محاصيلهم الزراعية هذا الموسم بسبب العطش وإغلاق القنوات الرئيسية للري بسبب الطمي الا أنهم في حيرة من أمرهم لبيع مكاتب الادارة والتفتيش مع أنها خاوية على عروشها لكنها تربطهم وجدانياً بعودة الروح للمشروع
|
Post: #2
Title: Re: بيع مكاتب التفتيش بمشروع الجزيرة
Author: ممدوح أبارو
Date: 09-30-2009, 12:47 PM
Parent: #1
السمعناه قالو باعو المشروع زاتو عشان يسددو للموظفين حقوقهم ومعاشاتم!
ـــــــــــــــــــــــ
ياحبيب وينك ما جيتني مالك؟
|
Post: #3
Title: Re: بيع مكاتب التفتيش بمشروع الجزيرة
Author: سليمان الرفاعي
Date: 09-30-2009, 01:17 PM
Parent: #2
لا لبيع المشروع ...لا لمصادرة حقوق المزارعين
لا لبيع المشروع ...لا لمصادرة حقوق المزارعين
لا لبيع المشروع ...لا لمصادرة حقوق المزارعين
|
Post: #4
Title: Re: بيع مكاتب التفتيش بمشروع الجزيرة
Author: azz gafar
Date: 09-30-2009, 01:36 PM
Parent: #3
الاخ ممدوح كيفك ؟؟
منتظر تلفونك كنت
الاخ سليمان
لا لبيع اصول المزارعيين
|
Post: #5
Title: Re: بيع مكاتب التفتيش بمشروع الجزيرة
Author: الطيب العامرى
Date: 09-30-2009, 05:13 PM
Parent: #4
بس باقى ليهم يبيعو المزارعين زاااتهم
الله فى يا أهلى الغبش منصف كل مظلوم
من ما غيرو الدورة الزراعية المشروع تانى ما كسب عافية
أين أبناءك يا جزيرة
يمكن يكونو باعو القضية وعملو فيها ما من الجزيرة
قبضو التمن ونسو إنو الكادحين الغلابة ديل هم الفوزوهم وقعدوهم فى الكراسى دى
كامل التضامن مع الغبش ولا لبيع الأصول
|
Post: #6
Title: Re: بيع مكاتب التفتيش بمشروع الجزيرة
Author: azz gafar
Date: 10-01-2009, 01:04 PM
Parent: #5
العامرى شكرآ على المرور
شايف نزلو كل الموظفين للمعاش كمان
|
Post: #7
Title: Re: بيع مكاتب التفتيش بمشروع الجزيرة
Author: الفاتح سليمان
Date: 10-02-2009, 00:42 AM
Parent: #6
كلام انو دي كارثة وما عارف ايه ما كفاية
الناس يا ترجع تاني وتقيف وقفة راجل واحد ضد الخراب دا او نسكت ونكون خلاس شلنا الفاتحة الكم كدا ما عارف
وضع مزري وسخيف واي وصف قبيح ممكن يتوصف بيهو
للاسف الكثيرمن ابناء الجزيرة موالين بغباء للنظام وما يهمهم البحصل شنو لاهلهم اعماهم الطمع في مكاسب رخيصة وسريعة
نقرا الفاتحة علي روح المشروع وننسي الكلام دا
محبطين جدا من الاخبار الزي دي
|
Post: #8
Title: Re: بيع مكاتب التفتيش بمشروع الجزيرة
Author: azz gafar
Date: 10-03-2009, 09:43 AM
Parent: #7
الأخ الفاتح شكرآ على مرورك
نعم الوضع يحتاج لوقفة .
|
|