Post: #1
Title: الخرطوم .. الوجه الاخر .. حاجات تفتح النفس ( الدليل بالصور )
Author: انور التكينة
Date: 08-29-2009, 12:24 PM
اليوم السبت ، وقد توقفت الامطار فى الخرطوم ، الجو صحو ، و الشوارع شبه خالية لان السبت اجازة ...
هى فرصة للتجول فى انحاء الخرطوم و اخذ لقطات جميلة تزيل بؤس المنظر فى اليومين السابقين ...
نبدأ من شارع النيل و تليه مناطق اخرى باذن الله ....
|
Post: #2
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: انور التكينة
Date: 08-29-2009, 12:29 PM
Parent: #1
|
Post: #3
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: انور التكينة
Date: 08-29-2009, 12:33 PM
Parent: #2
|
Post: #4
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: انور التكينة
Date: 08-29-2009, 12:34 PM
Parent: #2
|
Post: #5
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: انور التكينة
Date: 08-29-2009, 12:48 PM
Parent: #4
|
Post: #6
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: ذواليد سليمان مصطفى
Date: 08-29-2009, 06:41 PM
Parent: #5
اين صور امبدة وشارع كرور؟
|
Post: #7
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: انور التكينة
Date: 08-29-2009, 07:51 PM
Parent: #6
| Quote: اين صور امبدة وشارع كرور؟ |
يا اخوى قلنا حاجات تفتح النفس
|
Post: #8
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: احمد محمد بشير
Date: 08-29-2009, 08:03 PM
Parent: #7
الصوره ادناه نموذج للفارق الطبقي في المجتمع السوداني بين ناس الكلاكلات و أمبده و ناس جماعة الكيزان المنافقين ابان كروووش كبيره... أكلو الزلط و أكلو اموال الاف براميل النفط الذي يصدر يوميا و النتيجة المسكن أدناه وغيره من المساكن..
رمضان كريم..
افتح نفسنا بي حاجة تانية.
حرف ناقص
|
Post: #9
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: انور التكينة
Date: 08-29-2009, 08:03 PM
Parent: #7
|
Post: #10
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: Abdelmuhsin Said
Date: 08-29-2009, 08:20 PM
Parent: #9
انور سلامات .
Quote: الصوره ادناه نموذج للفارق الطبقي في المجتمع السوداني بين ناس
الكلاكلات و أمبده و ناس جماعة الكيزان المنافقين ابان كروووش كبيره...
أكلو الزلط القروش و النتيجة المسكن أدناه..
|
وانت العرفك شنو دا بيت جبهجيه خليك محترم
|
Post: #11
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: احمد محمد بشير
Date: 08-29-2009, 08:22 PM
Parent: #10
| Quote: وانت العرفك شنو دا بيت جبهجيه خليك محترم |
وفي زول غير جماعة الحرامية ديل بيقدر يبني حاجة زي دي...
دا بيكون مرتبو كم...
اللهم لا حساده.
|
Post: #12
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: انور التكينة
Date: 08-29-2009, 08:42 PM
Parent: #11
Quote:
وفي زول غير جماعة الحرامية ديل بيقدر يبني حاجة زي دي...
دا بيكون مرتبو كم...
اللهم لا حساده |
و الله دى حسادة و معاها رمى للناس بالباطل ..
يا اخى امة محمد بخير و ليس كل من حباه الله مالا فهو من باطل ...
يا ربى دى عقد طبقية و لا استرزاق نضال بالخشم ؟؟؟
يا اخى استغفر الله و خلى امة محمد فى حالها ...
ما ذنب صاحب هذا المنزل حتى تقول فيه ما قلت ؟؟؟ عجبى !!!!
|
Post: #13
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: Abdelmuhsin Said
Date: 08-29-2009, 08:51 PM
Parent: #12
احمد محمد بشير . كلامك دا خليك فاكرو كويس
معليش استاذ انور
|
Post: #14
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: احمد محمد بشير
Date: 08-29-2009, 08:53 PM
Parent: #12
Quote: يا اخى استغفر الله و خلى امة محمد فى حالها ...
|
يا حبيب...
امة محمد بي جمبة و جماعة الكيزان ديل بي جمبة...
.
.
وبعدين دا ياتو موظف البيقدر يبني زي دا الا
اذا كان لاقي الضو الاخضر من جماعة الحرامية...؟؟
|
Post: #16
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: انور التكينة
Date: 08-29-2009, 08:59 PM
Parent: #12
|
Post: #15
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: abdalla osman
Date: 08-29-2009, 08:58 PM
Parent: #9
ابو النور رمضان كريم ..
داير تعالج صدمة اليومين الفاتن ولا شنو؟
|
Post: #17
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: انور التكينة
Date: 08-29-2009, 09:03 PM
Parent: #15
Quote: وبعدين دا ياتو موظف البيقدر يبني زي دا الا
اذا كان لاقي الضو الاخضر من جماعة الحرامية...؟؟ |
و منو القال ليك انو موظف يا فالح ؟؟؟
المؤلم انك مصر على المضى فى الغلط ...
روح يا اخى ... الله ينتقم منك ...
رميت مؤمن بما لا تعلم
|
Post: #18
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: احمد محمد بشير
Date: 08-29-2009, 09:03 PM
Parent: #15
كدي بالله عليك الله حلفتك تشيل الكاميرا بتاعتك دي وتمشي تصور علي بعد 5 كيلو من المنطقة الانتا قاعد تصور فيها دي عشان تشوف العجب.
|
Post: #19
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: انور التكينة
Date: 08-29-2009, 09:08 PM
Parent: #18
|
Post: #20
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: محمد عمر جبريل
Date: 08-29-2009, 09:25 PM
Parent: #19
أنور سلامات ..
واصل عليك الله
واصل عشان نبتسم شوية
أخونا بشير البيت ده يملكه وكيل لأحد ماركات السيارات اليابانية ودي أسرة قديمة جدا يعني ورث التوكيل ده من أبوه ..
الغريبة في واحد حاسد زيك جا عمل ليه قبر قدام بيت الراجل ده ..
جنس حساده ..
بعدين ياخ في ياتو مدينة فاضلة في العالم ما فيها الغني والفقير ؟؟!!
تحياتي برضو ليك
|
Post: #21
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: MOHAMMED ELSHEIKH
Date: 08-29-2009, 09:33 PM
Parent: #20
|
Post: #22
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: انور التكينة
Date: 08-29-2009, 09:38 PM
Parent: #21
محمد الشيخ ما تلخبط
كلو شئ بى مكانوا
البقفل النفس موجود بالكوم .. لكن قلنا حاجات تفتح النفس
|
Post: #23
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: انور التكينة
Date: 08-29-2009, 11:53 PM
Parent: #22
|
Post: #24
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: SHIBKA
Date: 08-30-2009, 00:05 AM
Parent: #23
صور فعلا تفتح النفس
شكراً لذلك
|
Post: #25
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: انور التكينة
Date: 08-30-2009, 00:15 AM
Parent: #24
| Quote: صور فعلا تفتح النفس |
و الله يا شبكة الاسم ده زاتو بفتح نفسى ..
طوالى بتذكر الرمية :
شبكتونا و شبكناكم
بى شباك شبك انتو اتشبكتو معانا ..
|
Post: #26
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: احمد محمد بشير
Date: 08-30-2009, 00:35 AM
Parent: #25
| Quote: . كلامك دا خليك فاكرو كويس |
انا فاكر الكلام دا كويس يا عبد المحسن
و الشعب السوداني كلو فاكر عمايل الجبهه واعلي ما في خيلك أركبوا ولو عاوز تصلنا هنا اوكامبو بيدخلك الحراسة وانت جاي في السكة...
قال بيهدد قال ... وقال خليك فــاكر قال
ولعلمك عمارات الجبهجية اللي كانو ما عندهم شي قبل الانقاذ كلها معروفة بالعناوين الان وين مكانها بالزبط... يعني انت داير تجي تقنعنا هنا انو في موظف ولا وكيل شركة بيقدر يبني العمارات دي من غير ما يلقي الضوء الاخضر من جماعة الكيزان المنافقين الحرامية ديل...؟؟!!
قومو لفو بالله... انتو شوفتو الوجه المشرق وين لمن تجو تقارنو لينا المستنقات والحاجات الخلوها الانقليز دي وتقولو انها وجه مشرق... بالله في وجه مشرقة وواجه للدولة اكتير من مطار الخرطوم..؟؟ امشي في بوست قريب منك هنا وشوف الصوره المنشوره لاحدي الطائرات في وسط المياه.
عالم بتعرف تطبل بس... قال مشرق قال.
****
|
Post: #27
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: عزام حسن فرح
Date: 08-30-2009, 00:39 AM
Parent: #25
الإنقاذ عِندها مساوئ وليها محاسِن ... أنا واحِد مِن المُعارضين لِنِظام الإنقاذ لأسباب
واضحة وبِالرغم مِن ده ما مُمكِن أنكُر السوتو في البلد وما كُنا بِنحلم بيهو ...
نعم في سرِقة ومحسوبِية ... في قتل وإغتِصاب وإبادة ... في سُفه ... لكِن في برضو
عمار ... صِناعة ... بِترول ... جامعات ... سلام لأطول حرب بِإفريقيا ... الظُالِم
عِندو يوم بِتحاسب فيهو مهما طال بيهو الزمن ... الصُور الجلبا أنور التِكينة
رائِعة جِدًا وحأبروِزا وأعمِل ليها ألبوم إسمو < بلدي يا حبوب > يعني علشان نِحنا
ضِد الإنقاذ نشوف الخُضرة والجمال والعُمران وننكُرو ... عاد ده كلام ... والله
يا أنَور رديت فينا الروح ... الله يديك العافِية ويرحم والِديك بِبركة شهرنا هذا
|
Post: #28
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: Gaafar Ismail
Date: 08-30-2009, 04:10 AM
Parent: #27
الأستاذ أنور
صور جميلة حقا تجعل الخرطوم تبدوعاصمة وواجهة للبلد.
شكرا جزيلا ، يديك العافية
تحياتي واحترامي
|
Post: #29
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: سيف الدولة كامل
Date: 08-30-2009, 04:32 AM
Parent: #28
العزيز \ انور التكينة ,,, رمضان كريم
فعلا صور تفتح النفس,,, بعدين في عشرات
البورداب عندهم بيوت اجمل من البيت اعلاه
برضو كيزان وجبهجية وحرامية,, اها يا التكينة
امشي صور لي بيتي خلي يجي يطلعني تمساح وحرامي
كبير ,,, قول ما شاء الله وبطل حسد وربنا يكرم الجميع
|
Post: #30
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: احمد محمد بشير
Date: 08-30-2009, 05:27 AM
Parent: #29
Quote: البورداب عندهم بيوت اجمل من البيت اعلاه
برضو كيزان وجبهجية وحرامية,, اها يا التكينة
امشي صور لي بيتي خلي يجي يطلعني تمساح وحرامي
|
يا أخ سيف الدوله..
انا عارفك في أمريكا وبتبني عماره بي "حــقك" مش بي حق الفقراء والغلبانين والنازحين والمشردين في العالم بسبب الانقاذ....
انا بتكلم عن عمارات جماعة المنافقين ابان دقون والكذابين وديل هما الطلعوا عين البلد والواحد منهم يمسكوهو زلط ولا مشروع كهرباء ولا معسكر نازحين و وزاره يقعد ياكل القروش و يسرق... وهاك يا عمارتي ويا عربيتي, ودارفور تحرق والمطره تغرق البلد وانا بيتي يهو دا في الصوره ووجه "مشرق للسودان" والبقية في ستين داهية.
دا بي أختصار تفكير جماعة المنفعة والمنافقين الحاكمين البلد... والحكاية واضحة وما دايره اتنين تلاتة... الاف البراميل من النفط بتصدر من النفط يا سيف الدوله يومـــيا هل سألت المسؤوليين وين بيودوا القروش دي...؟؟
وجه مشرق بتاع شنو بالله..!! وبعدين العماره بتاعت برجع الفاتح الفي الصوره دي اتبرع بيها القذافي الرئيس الليبي و الكيزان المنافقين ديل باعو الحيوانات اللي كانت موجوده سابقا في المساحة التي بني عليها البرج وكانت معروفة بمنطقة حديقة الحيوان... و بعد دا كلوا يجو يقولو ليك دي من اشــراقات الانقاذ والبلاد.
اللهم لا حساده للمره الثانية.
****
|
Post: #31
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: احمد محمد بشير
Date: 08-30-2009, 05:39 AM
Parent: #30
| Quote: ضِد الإنقاذ نشوف الخُضرة والجمال والعُمران وننكُرو ... عاد ده كلام ... |
يا عزام فرح.
انا ما بتكلم عن الخضره والجمال... انا بقصد بيوت الحرامية المنافقين الماليه البلد... الواحد عمرو اقل من ثلاثين سنة ولا اقترب ولا اتبهدل بس يدخل مع جماعة المنافقين ديل ويبداء في السفسفة وبعد شوية العماره تقوم و الكرشة تكبر.
** فرق بين الطبيعة التي يتكفل برعايتها المولي عز وجل
** وبين العمارات التي يشيدها الكيزان عليهم لعنة الله..
اللهم لا حساده للمره الثالثة.
***
|
Post: #32
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: انور التكينة
Date: 08-30-2009, 08:33 AM
Parent: #31
الاخ احمد محمد بشير ..
و ترى الشوك فى الورود وتعمى ان ترى فوقها الندى اكليلا
و الذى نفسه بغير جمال لا يرى فى الوجود شيئا جميلا
يا أخى انت من كل الصور الجميلة دى ما شفت غير صورة بيت و ربطت نصك و وقعت سكلى و ردحى ؟
الدخل الحرمنة و السرقة و اكتناز المال بى صورى شنو ؟
و بعدين انت كاتب فى بروفايلك انك عاطل و مافى فرصة عمل مع ناس الانقاذ ... يعنى لو ادوك
وظبفة كنت طبلت و قفلت بوذك ..لكن الظاهر انك اتخارجت برة البلد و عشان كدى مطول لسانك ..
خلى النضال الاسفيرى ده و تعال داخل و اكتب ربع كلامك ده ...
يا اخى ... خربت البوست و بتحاول تهزم فكرتو .. عليك النبى اتخارج و خلى الناس النفوسهم
سوية احسوا القيمة الجمالية للصور .
|
Post: #34
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: elfadl abdellatif
Date: 08-30-2009, 09:45 AM
Parent: #32
الحبيب انور
بعد السلام والاحترام
ابداع حقيقي .. وخاصة صورة الكوبري .. يديك العافية .. ما شاء الله .. الحالة دي سرقوا الكاميرا والموبايل .. ربنا يعوضك فيهم ..
بس طبعا السودانيين ديل لا بيعجبهم العجب ولا الصيام في رمضان او رجب .. وزعلت من كلام الاخ الذي اتهم صاحب البيت .. والمنطق الذي اتبعه .. انت غني اذن فانت حرامي .. ياخي ربنا يرزق من يشاء بغير حساب .. في ناس ورثة وفي ناس اغتراب وشقاء .. ومن كلام الاخ عرفت انو عايش خارج السودان .. وبكرة حيجي شايل ليهو دولارات ويمكن يشتري بيها البيت دة ذاتو .. فهل سيكون حرامي.. اتقو الله يا بني جلدتي ..
ولنفترض انو حرامي .. ما كلنا حرامية وبنسرق في البلد بعلم او بدون علم .. يعني انت لو اشتريت سلعة بدون فاتورة بتكون ساهمت في ولادة حرامي ..
وبلاش نبوظ البوست الجميل بالكلام القبيح ..
ينصر دينك يا استاذ تكينة
|
Post: #44
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: سيف الدولة كامل
Date: 08-30-2009, 11:08 PM
Parent: #30
الاخ \ احمد محمد بشير,,, تحياتي
والله من حقك تعارض وتقول رايك
وفعلا في مليون حرامي ونهاب
لكن ما تحكم من اول وهله انه
اصحاب البيوت ده حراميه وماكلين
اموال الغلابة. والله في ناس بانين
بيوت جميلة وراقية من عرق جبينهم
ما نجي نساويهم بغيرهم,
|
Post: #35
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: صلاح حمد
Date: 08-30-2009, 09:47 AM
Parent: #27
الأخ / عزام حسن فرح
رمضان مبارك وكل سنة وأنت طيب.
Quote: الإنقاذ عِندها مساوئ وليها محاسِن ... أنا واحِد مِن المُعارضين لِنِظام الإنقاذ لأسباب
واضحة وبِالرغم مِن ده ما مُمكِن أنكُر السوتو في البلد وما كُنا بِنحلم بيهو ...
نعم في سرِقة ومحسوبِية ... في قتل وإغتِصاب وإبادة ... في سُفه ... لكِن في برضو
عمار ... صِناعة ... بِترول ... جامعات ... سلام لأطول حرب بِإفريقيا ... الظُالِم
عِندو يوم بِتحاسب فيهو مهما طال بيهو الزمن ... الصُور الجلبا أنور التِكينة
رائِعة جِدًا وحأبروِزا وأعمِل ليها ألبوم إسمو < بلدي يا حبوب > يعني علشان نِحنا
ضِد الإنقاذ نشوف الخُضرة والجمال والعُمران وننكُرو ... عاد ده كلام ... والله
يا أنَور رديت فينا الروح ... الله يديك العافِية ويرحم والِديك بِبركة شهرنا هذا |
الأخ عزام فرح : ما كتبته أعلاه يعتبر موقف أخلاقي وروح وطنية عالية تؤكد حبك لوطنك وكذلك تؤكد بأن معارضتك ليست لمصالح شخصية بل هي معارضة من آجل الوطن وتقدمه وإزدهاره ، وما كتبته كذلك يحمل إشارة واضحة لكل مفسد وظالم بأن ينتبه لأن يوم الحساب لا شك فيه قادم ويومئذ لا ينفع مال ولا بنون إلا من جاء بعمل صالح وقلب سليم .
وفقنا الله جميعا وتقبل صيامنا وقيامنا
ودمتم جميعا بخير وعافية
صلاح حمد
|
Post: #50
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: برير احمد إبراهيم
Date: 08-31-2009, 09:06 AM
Parent: #23
شكرا يا تكينه على الصور الجميله ...
لكن الصورة الما جميله خالص صورة الغنم البتاكل فى النجيله
والزهور فى الشارع العام .. زماااان زمن مو ده .. كان
ناس البلدية بيجو يخموا الغنم بالداف من شوارع العاصمة
هسى الكلام ده مافى ...
كم تمنيت ان نعلنها عاصمة بلا اغنام كى تكون اكثر اخضرارا
ونحن لدينا النيل والاراضى الخصبة ... بزعل جدا لما القى
دول الخليج شوارعها مشجرة وفيها زهور وخضراء وهم اهل
الصحراء .. ونحن كان زرعنا حجر بيقوم .
مايجى واحد يقول واهل الغنم والاطفال البيشبوا منهن
اللبن ديل زنبهم شنو ؟؟
الخرطوم الخضراء قطعا ستكون اجمل من الخرطوم الاغابة الاسمنتية
|
Post: #76
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: معتصم احمد صالح
Date: 09-18-2009, 10:13 PM
Parent: #2
يا لها من صور رائعة وتوثيق تاريخي للخرطوم.
مودتي الاخ انور
|
Post: #33
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: صلاح حمد
Date: 08-30-2009, 09:28 AM
Parent: #1
الأخ / أنور التكينة
تحية طيبة
نهنئك بشهر رمضان المبارك شهر الصيام والقيام والقرآن ، تقبل الله منا ومنكم صالح الأعمال:
Quote: اليوم السبت ، وقد توقفت الامطار فى الخرطوم ، الجو صحو ، و الشوارع شبه خالية لان السبت اجازة ...
هى فرصة للتجول فى انحاء الخرطوم و اخذ لقطات جميلة تزيل بؤس المنظر فى اليومين السابقين ...
نبدأ من شارع النيل و تليه مناطق اخرى باذن الله .... |
فعلا صور تفتح النفس وتسر قلوب بني وطني في كل مكان وتفتح معها آمال وأماني لإستكمال بناء دولة السودان العظمى بإذن الله تعالى.
وفي إنتظار المناطق الأخرى ،
ودمت بخير
أخوك/ صلاح حمد
|
Post: #36
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: انور التكينة
Date: 08-30-2009, 08:09 PM
Parent: #33
شكرا اخى صلاح حمد و اهديك هذه اللقطة و اتحدى ناس الخرطوم زاتهم يعرفوا مكانها ،
لانها ما زالت تحت الانشاء
|
Post: #37
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: انور التكينة
Date: 08-30-2009, 08:16 PM
Parent: #36
|
Post: #38
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: احمد محمد بشير
Date: 08-30-2009, 09:04 PM
Parent: #37
****
Quote: خلى النضال الاسفيرى ده و تعال داخل و اكتب ربع كلامك ده ...
] |
** وبتهددني علني انت و صاحبك عبد الرازق سيد...!! الظاهر عليكم خلاص لقيتو مناصب مع جماعة النفاق والكوزنه وقاعدين توزعو تهديدات للمواطنين... وبجي داخل جوه البلد وبطلع وانتو ما جايبين خبر وبكتب ربع كلامي دا ونص وخمسة لكن انتو الظاهر عاملين فيها قرووون وكمان بتهددونا في بلدنا..!!
بيوتنا وقعت وانت قاعد تصور اوكار ووزارات وأحياء الجبهه وتجي تقول لينا صور تفتح النفس..!! بالله حاول أختار الزمن المناسب لعرض البوست بتاعك دا وحاول راعي شعور المواطنين لانهم بتابعو منبر سودانيز... ولمن تجي تعرض ليهم مهزله زي دي أكيد ما بيرضوا.
اسع أصاحب البيوت الوقت في الامطار الاخيره ديل زنبهم شنو..؟؟ وحيكون شعوروا كيف لمن يجي يشوف بيوت الجبهه و ومنتزهاتهم الانت قاعد تعرض فيها دي..!!
** اتقي الله يا شيخ تكينه في رمضان دا وما تنسي أنك "صــحفي" واغتنم الفرصة وأعرض مأساه الناس زي ما عملت في بوستك التاني بتاع صور تحت المطر وياريت لو كنت واصلت في البوست بتاعك الاول.
*****
|
Post: #39
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: عزام حسن فرح
Date: 08-30-2009, 09:40 PM
Parent: #38
احمد محمد بشير
رمضان كريم ... تصوم وتفطُر على خير ...
| Quote: اسع أصاحب البيوت الوقت في الامطار الاخيره ديل زنبهم شنو..؟؟ وحيكون شعوروا كيف لمن يجي يشوف بيوت الجبهه و ومنتزهاتهم الانت قاعد تعرض فيها دي..!! |
ياخ ما تحرِق دمك ساي ... الإنقاذ دي راكوبة ما بِتتشكر تب ... عِلا المطره الرمت البِيوت ما مِن إخفاقاتِ الإنقاذ ... دي حاجات بِتحصل في أرقى بِلاد الأرض ... الحكومات البِتحترِم ناسا بيبدأ شُغُلا قبل المطره تقيف ، مِن إنقاذ خلق الله وتوفير المأوى والغِذاء والعِلاج ... وبعد ما المطره تقيف تُعيد بِناء المنازِل المهدمه وتعين ناسا ... أصحاب البِيوت الوقعت في الأمطار الأخيرة ما عندهُم حيله في قدر الله وأصحاب البِيوت الما وقعت ما مُمكِن نلومُم علشان بِيوتُم ما وقعت ... أنا عندي أكتر مِن بيت ما وقع فيهِن واحِد ، أها أبقى كوز يعني ولا شنو؟ ناس التكينة نُص بِيوتُم بِتتماص في الخريف وبِالرغم ده يطلع أنَور التكينة لأنو قلبو أبَيض وعينو صافية وما بِلخبط الكيمان < ... وَاللهُ يَرْزُقُ مَن يَشَاء بِغَيْرِ حِسَابٍ > البقرة 212 أصحاب البِيوت الوقعت الله عاوز يتعرف عليهم ما أكتر < ... أَمْ حَسِبْتُمْ أَن تَدْخُلُواْ الْجَنَّةَ وَلَمَّا يَأْتِكُم مَّثَلُ الَّذِينَ خَلَوْا مِن قَبْلِكُم مَّسَّتْهُمُ الْبَأْسَاء وَالضَّرَّاء > البقرة 214 شوف سَيِدي إبن عطاءُ الله السَكندري قال شنو في حِكاية العِرفه دي [ إذا فتح لك -الله عز وجل- وجهة مِن التعرُف فلا تُبالِ معها إن قل عملك ، فإنهُ ما فتحها لك إلا وهو يُريد أن يتعرف إلَيك ] (إنتهى) وااااااي ... واااااي ... مدد مدد مدد ...
وشرح هذِهِ الدُرة الفريدة (سيدي) إبن عُباد في كِتابِهِ ( غَيثُ المواهِب العَلِية في شرح الحِكَمِ العَطائِية ) ص20
وقال : < ومِثالِه : ما يُصاب بِهِ الإنسان مِن البلايا والشدائِد التي تُنَغَّصُ علَيهِ لذات الدُنيا ، وتمنعهُ مِن تكثير أعمال البِر ، فإن مُرادِهِ –أي الإنسان- أن يستمِر بقاؤهُ في دُنياه طَيِّب العَيش ، ناعِم البال ، ومُراد الله منهُ أن يُطهِرهُ مِت أخلاقِهِ اللئيمة ، ويحول بَينِهِ وبَين صِفاتِهِ الذميمة ويُخرِجهُ مِن أَسْرِ وجودِهِ إلى مُتسع شِهودِهِ ، ولا سبيل لهُ إلى الوصول إلى هذا المقام على غاية الكمال والتمام ، إلا بِما يُضاد مُرادِه ، ويُشَوِش علَيهِ ما إعتادَهُ >
حنانيك يا صاحبي حنانيك ...
|
Post: #40
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: احمد محمد بشير
Date: 08-30-2009, 10:05 PM
Parent: #39
| Quote: <[B] ... وَاللهُ يَرْزُقُ مَن يَشَاء بِغَيْرِ حِسَابٍ > البقرة 212 أصحاب البِيوت الوقعت الله عاوز يتعرف عليهم ما أكتر < ... أَمْ حَسِبْتُمْ أَن تَدْخُلُواْ الْجَنَّةَ وَلَمَّا يَأْتِكُم مَّثَلُ الَّذِينَ خَلَوْا مِن قَبْلِكُم مَّسَّتْهُمُ الْبَأْسَاء وَالضَّرَّاء > البقرة 214 شوف سَيِدي إبن عطاءُ الله السَكندري قال شنو في حِكاية العِرفه دي [ إذا فتح لك -الله عز وجل- وجهة مِن التعرُف فلا تُبالِ معها إن قل عملك ، فإنهُ ما فتحها لك إلا وهو يُريد أن يتعرف إلَيك ] (إنتهى) |
أخ عزام فرح
كلامك الكتبتو دا يا عزام أكيد انا بعرفو... ومسلم زيكم وعندنا حدود في الاسلام لا يمكن ان نتجاوزها و لا يمكن أن نحسد من اكرمه الله بمنزل أو بشي جميل و مفيد للمسلمين.
أنا بتكلم عن بيوت الحراميه المنافقين أكلي اموال البترول السوداني ... والبيت الفي الصوره دا في بيوت أكثر منه فاخمه و بنايا... ويمتلك معظمها ويسكن تلك البيوت الفاخره جماعة المنافقين و عصابة الحكومة... و اي واحد في البلد بيعرف وين مكان فلل الجبهجية والامنجية ديل ووين مكانا بالزبط... وما تغشوا علي نفسكم ساكت وتستكو للحرامية ديل.. كنت أتنمي من الصحفي انور التكينة دا انو يواصل في البوست بتاعو الاول اللي عرض فيهو البيوت المرميه تحت مياه الامطار لانو أخونا انور تكينة دا صحفي و له وضعة في الصحافة ولكنه للاسف بداء في مدح وتطبيل جماعة المنافقين ودا شي مؤسف أنو يمدح ويعرض الامكان التي يستمتع فيها جماعة المنافقينوالكيزان .
** توقيتك للبوست أبدا أبدا ما مناسب يا أخ تكينه... وما تغش علي الناس ساااكت... وحلفتكم بي ربكم تزور الرابط ادناه وشوفو الصور الفيهو لانو أنا صراحة بخل انقل الصور دي هنا في المنبر... زورا المأساه والصور هنا ادناه..
http://kermaonline.com/vb/showthread.php?t=12391
اللهم لا حساده للمره الرابعة.
****
|
Post: #41
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: MOHAMMED ELSHEIKH
Date: 08-30-2009, 10:06 PM
Parent: #39
يا ود التكينة
أول حاجة نأسف لما حدث لك من سرقة و ربنا يعوضك
نمرة اتنين انت ناصب ليك شبكة للهوامير بس خش فيها "حرويل" بالخطأ
المهم هاك الهدية دي و الله العظيم تفتح النفس وتجد التعليق تحتها و هي اهم مكان زرته و فتح نفسي في اجازتي السنوية الفاتت.
دي منطقة قندهار شرق و هي بشارع القذافي طريق ام دوم و يوجد بها الذ شية ذقتها في حياتي غلي بعد ثلاث كيلومتر من تقاطع كبري المنشية الرئيسي.
اها قصرت معاك
|
Post: #42
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: انور التكينة
Date: 08-30-2009, 10:52 PM
Parent: #41
Quote: ناس التكينة نُص بِيوتُم بِتتماص في الخريف وبِالرغم ده
يطلع أنَور التكينة لأنو قلبو أبَيض وعينو صافية وما بِلخبط الكيمان |
عافى منك يا عزام ...
اديلو
| Quote: نمرة اتنين انت ناصب ليك شبكة للهوامير بس خش فيها "حرويل" بالخطأ |
محمد الشيح ...
دى دايرة ترجمة على الشريط ..
يمين غلبتنى
|
Post: #43
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: احمد محمد بشير
Date: 08-30-2009, 11:07 PM
Parent: #42
Quote: ناس التكينة نُص بِيوتُم بِتتماص في الخريف
|
ما المشكلة في اولاد التكينة المشتركين في الكنز مع جماعة الكزابين والمنافقين و الدجالين و المبزرين بأموال المواطن... الاف البراميل النفطيه تصدر وتباع يوميا وتذهب عائداتها مباشره الي هذه الفلل الكيزانية ومن يسكنوها... المشكلة انو اولاد التكينة لا يعكسو صور قراهم الاخدها الخريف... لذلك ستستمر المشكلة أعوام و أعوام.
أخترت التوقيت الخطاء لبوستك دا يا تكينة.
****
تعديل حروف
|
Post: #46
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: ود الباوقة
Date: 08-30-2009, 11:18 PM
Parent: #43
اخي التكينة ..
بالله لما تنزل حاجات حلوة زي دي
ادينا خبر اول باول ..
صورة توسع الصدر ...
|
Post: #47
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: محمد إبراهيم علي
Date: 08-30-2009, 11:22 PM
Parent: #43
انور رمضان كريم
حقيقي لا تعجبني صور العمران بقدرما تعجبني الصور النابضة بالحياة
صورة الولدين البيصطادو في النيل دي مؤثرة وتعبر عن رغبة في الحياة رغم المحن، يمكن بيمارسو هوايتهم على رغم الحاصل ده ويمكن حبو يساعدو اهلهم بفطور دسم من بلطي النيل الازرق اطعم سمك في الدنيا
تستاهل 10 من 10 علي الصورتين ديل
حياتنا لازم تستمر علي الرغم من المآسي
واتعاطف مع الاخ احمد محمد بشير
فهو يحكي بحرقة فتفهمو حرقته
|
Post: #45
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: عزام حسن فرح
Date: 08-30-2009, 11:11 PM
Parent: #42
يا أنَور يا خوي
< الهوامير > جمع هامور وده جِنِس مِن السمك البحري مِتِلو مِتل العجِل
هيل النيل ، وفي الخليج < هامور > بِتستخدم لِوصف الزول الشبعان ومُرطِب
و< الحرويل > حتو سمك عِلا أقل مِن < الهامور > في الحجم ودي عِند ناسنا
في الشِمالية ...
وعلَيهِ
| Quote: انت ناصب ليك شبكة للهوامير بس خش فيها "حرويل" بالخطأ |
تعني :
< إنك يا أنَور فارِد شبكتك ليل السمك الكُبار عِلا دخلا سمك صُغار بِالغلت >
الزول ده ظني شايِت براهو ... خارِج الشبكة ... ما معانا تب ...
عليك الله لقيتني كيف؟ أنا المحسي العجمي ده ... عاد نضميكُم نشرحو ليكُم
ما علينا ... سواها جدي قُبالي في حله حمد وحله خوجلي وفي العيلفون ...
|
Post: #48
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: احمد محمد بشير
Date: 08-30-2009, 11:42 PM
Parent: #45
Quote: إنك يا أنَور فارِد شبكتك ليل السمك الكُبار عِلا دخلا سمك صُغار بِالغلت
الزول ده ظني شايِت براهو ... خارِج الشبكة ... ما معانا تب ...
|
يا حبيبنا عــزام.
ما تقعد تلف وتدور في الكلام أنا قاصد شي معين و كلكم عارفين أنو جماعة المنافقين والكيزان عاملين شنو بي أموالكم بس الاستاذ تكينة خايف علي شغلو في الجريدة عشان بتاع الامن بكره ما يجيهو في المكتب ويقول ليهو قوماااك معاي للحراسة للموضوع الانت نزلت بالصور.
** و علي العموم يا عزام أنا شايت معاكم جو الشبكة وفاهم الحاصل وما تفتكر انو انا ساذج وما بفهم وتعال يا أخوي النوريك ليه انور التكينة دا عمل البوست دا وجاب الصور القال أنها بتفتح النفس دي.
** بأختصار عشان تعرف المغذي بتاع البوست دا... انور تكينة بيحاول يضاري علي البوست الرفعوا ليهو قبل يومين وتناول فيهو موضوع الصور بتاع الامطار. جولة تحت المطر .....صور و صور و صور ( جنس صور )
** اخونا أنور التكينة خاف راس السوط يجيهوا من ناس الامن ديل وقام حاول يجمل موقفو شوية و علي السريع جاب البوست بتاعو البيقفل النفس دا وحاول يضاري وشو شوية عشان ما تجيهو مشكلة من بوستو الاول.
وقع ليكم كيدا..؟؟ قال يفتح النفس قال.
****
|
Post: #49
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: حمزه بابكر الكوبي
Date: 08-31-2009, 01:50 AM
Parent: #48
Quote: الإنقاذ عِندها مساوئ وليها محاسِن ... أنا واحِد مِن المُعارضين لِنِظام الإنقاذ لأسباب
واضحة وبِالرغم مِن ده ما مُمكِن أنكُر السوتو في البلد وما كُنا بِنحلم بيهو ...
نعم في سرِقة ومحسوبِية ... في قتل وإغتِصاب وإبادة ... في سُفه ... لكِن في برضو
عمار ... صِناعة ... بِترول ... جامعات ... سلام لأطول حرب بِإفريقيا ... الظُالِم
عِندو يوم بِتحاسب فيهو مهما طال بيهو الزمن ... الصُور الجلبا أنور التِكينة
رائِعة جِدًا وحأبروِزا وأعمِل ليها ألبوم إسمو < بلدي يا حبوب > يعني علشان نِحنا
ضِد الإنقاذ نشوف الخُضرة والجمال والعُمران وننكُرو ... عاد ده كلام ... والله
يا أنَور رديت فينا الروح ... الله يديك العافِية ويرحم والِديك بِبركة شهرنا هذا |
الاخ عزام فرح لك التحايا وهكذا تورد الابل .
الاخ انور التكينه لك التحايا والمحبه .
|
Post: #51
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: Dalal Ezzaldin
Date: 08-31-2009, 10:11 AM
Parent: #49
Quote: ** بأختصار عشان تعرف المغذي بتاع البوست دا... انور تكينة بيحاول يضاري علي البوست الرفعوا ليهو قبل يومين وتناول فيهو موضوع الصور بتاع الامطار. جولة تحت المطر .....صور و صور و صور ( جنس صور )
** اخونا أنور التكينة خاف راس السوط يجيهوا من ناس الامن ديل وقام حاول يجمل موقفو شوية و علي السريع جاب البوست بتاعو البيقفل النفس دا وحاول يضاري وشو شوية عشان ما تجيهو مشكلة من بوستو الاول.
وقع ليكم كيدا..؟؟ قال يفتح النفس قال.
**** |
ان بعض الظن اثم ..
الاخ أحمد ياخي ما تخلي هوسك بالانقاذ يغيب عقلك وحاول تميز بيهو .. وما تصدر احكام متسرعه كالتى اطلقتها على صاحب المنزل بالصوره اعلاه .. ياخي في ناس هنا عايشه احسن من احسن ما تتصور .. لانو البلد مزدهره وفيها استثمار اجنبي وسوداني .. ما كل البتشوفوا في الشارع دا تبع الانقاذ .. ولا ربعه كمان
الناس هنا مجتهده انها تحسن من وضعها .. في من وفقه الله وفي من ينتظر
فهدي شويه لان وجهت نظرك مغلوطه عن الحاصل في البلد
الاخ انور كفاره وربنا يعوض .. صور جميله لمناطق كنت بمر بها كل يوم
|
Post: #52
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: MOHAMMED ELSHEIKH
Date: 08-31-2009, 10:51 AM
Parent: #51
Quote: إنك يا أنَور فارِد شبكتك ليل السمك الكُبار عِلا دخلا سمك صُغار بِالغلت
الزول ده ظني شايِت براهو ... خارِج الشبكة ... ما معانا تب |
الأخ أحمد بشير ,عزام دا قاصدني انا الشايت برة الشبكة
و كلامو صاح لأن هذا البوست مخصص لمطالعة وتعليقات الناس المرطبين(الهوامير) و تعليقاتهم الحلوة فأذا بود الشيخ ( الحرويل) يدخل واحدة من الصور غير المرغوب فيها و يبوظ الموضوع وما عارف الواحد تاني يشرح كيف.
اما الحرويل فهو سمكة قبيحة و لا تؤكل لأنها بتعتمد في عيشها على الفطائس(دي برضو نشرحها )و ما هو سمك صغار و هو في حجمو اكبر من الهامور
و اتفق معك ان الوقت غير مناسب لنشر سباق اهل الحكومة في التطاول في البنيان الزجاجي للسماء و ارضهم تخر بالقاذورات و قلة المجاري
|
Post: #53
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: انور التكينة
Date: 08-31-2009, 01:29 PM
Parent: #52
حزف للتكرار
|
Post: #54
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: انور التكينة
Date: 08-31-2009, 01:29 PM
Parent: #52
احمد محمد بشير :
Quote: ** اخونا أنور التكينة خاف راس السوط يجيهوا من ناس الامن ديل وقام حاول يجمل موقفو شوية و علي السريع جاب البوست بتاعو البيقفل النفس دا وحاول يضاري وشو شوية عشان ما تجيهو مشكلة من بوستو الاول.
وقع ليكم كيدا..؟؟ قال يفتح النفس قال.
**** |
تعليل سخيف و هايف و ينم عن عدم المنطق ...
هو الامن فاضى لى حاجات زى دى ؟؟ انا خايف بالمنطق ده العقيم ده تكون اديت نفسك اهمية بالسخف البتدشر فيهو هنا ..
يا اخوى نحن نوع نضالك ده ما بشرفنا ..و حين نقول كلمة الحق فلا نخشى فى الحق ناس امن و لا غيرهم .. مش زيك تتهم الناس
بالباطل و تسيئ الى الناس زورا و بهتانا ؟؟
حمزة الكوبى :
| Quote: الاخ انور التكينه لك التحايا والمحبه |
لك شكرى و تقدير
* *
الاخت دلال ...
لك شكرى على المواساة ...
و اخونا ده اعمى بصر و بصيرة ... الله يهديهو
|
Post: #55
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: احمد محمد بشير
Date: 08-31-2009, 03:34 PM
Parent: #52
أنت عينك يا انور تكينة علي القري المحروقة في دافور ومياه المستنقات اللي خلفتها الامطار وتجي تعرض لينا المناطق البيستمتعو فيها ناس جماعة المنافقين و الكيزان ..؟؟!!
** الصوره أدناه التي عرضها الاستاذ تكينة تخص الجبهجية... وهي المطاعم التي يستمتعون فيها بأموال النفط السوادني... والصور من داخل برج الفاتح... حسبنا الله من جماعة المنافقين.
** بدل الصوره دي كنت تحدثنا عن الرقابة المكرهنكم بيها الكيزان في مقر الجريده بتاعتكم... بدل ما كنت تطبل ليهم عشان ما يودوك الحراسه..!! وبعدين زول يجي يطبل للمنافقين هنا أصلا ما بنخليهو
****
|
Post: #56
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: احمد محمد بشير
Date: 08-31-2009, 03:40 PM
Parent: #55
| Quote: و حين نقول كلمة الحق فلا نخشى فى الحق ناس امن و لا غيرهم |
ودا المطلوب منكم لكين العملتو هنا دا بعيد من الحق... كلنا وقفنا معاك في بوست الاول بتاع الصور ولكن انت أخترت الوقت الغير مناسب لي بوستك دا...
****
|
Post: #57
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: احمد محمد بشير
Date: 08-31-2009, 04:00 PM
Parent: #56
Quote: الأخ أحمد بشير ,عزام دا قاصدني انا الشايت برة الشبكة
و كلامو صاح لأن هذا البوست مخصص لمطالعة وتعليقات الناس المرطبين(الهوامير) و تعليقاتهم الحلوة فأذا بود الشيخ ( الحرويل) يدخل واحدة من الصور غير المرغوب فيها و يبوظ الموضوع وما عارف الواحد تاني يشرح كيف.اما الحرويل فهو سمكة قبيحة و لا تؤكل لأنها بتعتمد في عيشها على الفطائس(دي برضو نشرحها )و ما هو سمك صغار و هو في حجمو اكبر من الهامور |
الاخ MOHAMED ALSHIAK
** شكر علي التوضيح.. اصلا انا أمس كنت منزعج جدا و لم ألاحظ للمداخلة والوقت كان متأخر جدا ليلا... وانا بدوري أعتزر للاخ عزام لاني وجهت له الرد.
طبعا جماعة المنافقين و الكذابين الكيزان بيكونو مبسوطين لمن الصحفي تكينة يكون قاعد يعرض ليهم المناطق والمطاعم البيستمتعو فيها و المصيبة بيقول أنها وجه مشرق..!! ونسي أنو المناطق البيعرض فيها دي كانت أكثر جمالا قبل مجي المفسدين الحرامية عليهم أعظم لعنات الله.
** وبعدين الهامور دا أول مره أسمع بيهو..!! الهامور دا نوع جديد من السمك ولا شنو.. شكلو كيدا الهامور دا ظهر مع موية المطر الماليه الشوارع في البلد اليومين ديل..
الله يكون في العون... وبعد يومين الباعوضة حتجي تهجم علي الغلبانين... اما جماعة المنافقين و الحرامية فلا خوف عليهم... متغذين تمام من المطاعم الفي الصوره دي ومندسين في الفلل بتاعتهم الظهر في البوست.
****
|
Post: #58
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: almogira alemam
Date: 08-31-2009, 04:03 PM
Parent: #55
تحية لاروع شخص من خلال كلامه وهو الاستاذ عزام ود فرح الرجل القامه بكتبته فى هذا البوست وهو يدل على روح الوطنية العالية التى يتمتع بهلا باركك الله يا ود فرح فى مقام فرح ود تكتوك عديل الزول ده حكمه عجيبة الإنقاذ عِندها مساوئ وليها محاسِن ... أنا واحِد مِن المُعارضين لِنِظام الإنقاذ لأسباب
واضحة وبِالرغم مِن ده ما مُمكِن أنكُر السوتو في البلد وما كُنا بِنحلم بيهو ...
نعم في سرِقة ومحسوبِية ... في قتل وإغتِصاب وإبادة ... في سُفه ... لكِن في برضو
عمار ... صِناعة ... بِترول ... جامعات ... سلام لأطول حرب بِإفريقيا ... الظُالِم
عِندو يوم بِتحاسب فيهو مهما طال بيهو الزمن ... الصُور الجلبا أنور التِكينة
رائِعة جِدًا وحأبروِزا وأعمِل ليها ألبوم إسمو < بلدي يا حبوب > يعني علشان نِحنا
ضِد الإنقاذ نشوف الخُضرة والجمال والعُمران وننكُرو ... عاد ده كلام ... والله
يا أنَور رديت فينا الروح ... الله يديك العافِية ويرحم والِديك بِبركة شهر
|
Post: #59
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: MOHAMMED ELSHEIKH
Date: 08-31-2009, 05:33 PM
Parent: #58
Quote: في قتل وإغتِصاب وإبادة ... في سُفه ... لكِن في برضو
عمار ... صِناعة ... بِترول ... جامعات ... سلام لأطول حرب بِإفريقيا ... الظُالِم
عِندو يوم بِتحاسب فيهو مهما طال بيهو الزمن ... |
اجيب لك صور المانيا بتاعة هتلر؟
و بالمناسبة هتلر لم يأتي على دبابة بل بانتخابات ديمقراطية عديل
|
Post: #60
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: يسرى معتصم
Date: 08-31-2009, 08:49 PM
Parent: #59
كدى ورونا الشئ دا شنو ؟؟؟؟
|
Post: #61
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: انور التكينة
Date: 08-31-2009, 09:18 PM
Parent: #60
| Quote: كدى ورونا الشئ دا شنو ؟؟؟؟ |
دا كاتشب يا يسرى ...
انت نفسك فى حاجة ؟؟؟
معليش الدنيا رمضان
|
Post: #62
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: احمد محمد بشير
Date: 08-31-2009, 09:50 PM
Parent: #61
Quote: اجيب لك صور المانيا بتاعة هتلر؟
و بالمناسبة هتلر لم يأتي على دبابة بل بانتخابات ديمقراطية عديل |
يا محمد الشيخ...
سيبك من الصور الداير تجيبها الصور بتاعتو القال عليها مشرقه دي كفايه لانو هو انور تكينة دا عارف مكان الصور وهو نزلها قبل كيدا بس ما عارف انسحب منها ليه... وعارف الصور وين وانا خاتي ليهو رابط في البوست دا لكن الظاهر انور تكينه مقفل دماغو و عندو اصرار للتطبيل نتجه للضغط البمارسو عليهو موظف الجهاز معاهم في مكتبهم... اهو طلع مسكين وضاغطين عليهو..
الناس كلها عارفة البزخ و الاسراف البيمارسوا فيهو ناس جماعة الكيزان المنافقين لعنهم الله اينما كانوا... واهو في المطعم اللي جابا تكينه دا المريسه والخمره عينك يا شيخ... ويقول ليك دا وجه مشرق... واتاري الصور فيها كيزان بتشرب عديل كيدا في نص النهار وانا من الزعل أمس ما لاحظت للحاجة الفي الرف دي..!!.
يعني المريسه بقت علني في الكافتريات الخاصة بالمنافقين والمريسه الكان بيشربوها جماعة المنافقين بي تحت تحت بقت عينك يا شيخ محمد... نسأل الله السلامه... ونسأل الله ببركه رمضان أن يرينا في هذه العصابه يوم كيوم فرعون عليهم لعنة الله أكلي قوت الشعب.
** الظاهر يا "انور تكينه" انو ناس الرقابه الصحفية المقابلنك في المكتب عاصرنك شديد اليومين ديل والنتيجة كلامك وصورك اللي جبتها هنا في البوست.
قال بقول كلمة الحق وما بخاف قال.. و قال وجه مشرق قال..!!
****
|
Post: #63
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: احمد محمد بشير
Date: 08-31-2009, 09:57 PM
Parent: #62
| Quote: كدى ورونا الشئ دا شنو ؟؟؟؟ |
دي خمور حيكون شنو يعني يا ود كسلا... ما تصدق الراجل المسكين الغلبان المضغوط من ناس الرقابة الامنية دا... و بعدين الكاتشب مستحيل علبتو تكون قدر دا دي مريسه وصورها أخونا تكينه دا من غير ما يشعر و اهو برضوا وجه مشرق.
وكويس انك يا ود كـسلا لاحظت للمريسه دي انا أمس ما لاحظت ليها بالزعل تتصور..!!
****
|
Post: #64
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: انور التكينة
Date: 08-31-2009, 10:16 PM
Parent: #63
Quote: واهو في المطعم اللي جابا تكينه دا المريسه والخمره عينك يا شيخ... ويقول ليك دا وجه مشرق... واتاري الصور فيها كيزان بتشرب عديل كيدا في نص النهار وانا من الزعل أمس ما لاحظت للحاجة الفي الرف دي..!!.
يعني المريسه بقت علني في الكافتريات الخاصة بالمنافقين والمريسه الكان بيشربوها جماعة المنافقين بي تحت تحت بقت عينك يا شيخ محمد... نسأل الله السلامه |
انت واحد تافه و عندك انفصام شخصية ..
يا اخى اطلع من البوست ده طلعت روحك ..
اكيد اى زول بقرأ تفاهاتك دى بضحك عليك ، لانك بعيد عن الواقع و بترمى فى دراب ما عارف معناهو ..
جاك بلاء يخمك ...
يا اخى اعمل ليك بوست براك اردح فيهو ..
الظاهر ده رد فعل لى حاجات ما كويسة انا ما طرف فيها ..
اختانى الله يرضى عليك
|
Post: #65
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: احمد محمد بشير
Date: 08-31-2009, 10:36 PM
Parent: #64
اسمع يا أستاذ تكينه... اوعك تشتم..!! أنا لحدي الان ما سمعتك كلمه فارغه... انا بنتقد في الاشياء و الصور الانتا خاتيها لينا هنا و بتقول انها وجه مشرق.
وانا ما بقصدك في شخصك عشان تكون عارف انا بقصد الصور الانت خاتيها دي... عاوز تنتقد الكلام الانا قولتو ليك أهلا... مش عاوز كمان روح أعمل ليك بوست برااك تاني للصور دي و انا ما بجيك فيهو... لانو انا كيدا برضي ضميري و ضمير الاف الناس الاتهدمت منازلها.. لكن كونك تعرض لينا الامكان البيرتادها ناس الجبهه ديل وتجي تقول وجه مشرق... دا الشي الما بنرضي بيهو.
** في زمتك المطاعم و المنازل الانت مصورها دي في حد من أطراف المدينة المشردين بالامطار الاخيره بيقدر يدفع فاتورت الاشياء الفيها غير جماعة الجبهه..؟؟
****
|
Post: #66
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: حمزه بابكر الكوبي
Date: 09-01-2009, 01:11 AM
Parent: #65
الحبيب احمد محمد بشير رمضان كريم وتصوم وتفطر علي خير
هدي من روعك يا ابوحميد وخلي الخلق لخالقها والثراء والتطوال في البنيان لم يكن في عهد الكيزان فقط
يعني ماقبل 89 كانت كل الناس ساكنه في جالوص وجاءوا الكيزان هم فقط البنوا عمارات وفلل جميله ؟؟؟
اكيد لا هنالك الكثير من اثرياء السودان لاعلاقة لهم البته بالحكومه .
تعرف يا احمد وانا من سكان بحري وفي فترة الثمنينات كان في عماره جميله من اربعه طوابق وتكاد تكون
اجمل البنيات في ذلك الوقت ( الان عاديه ) هذه العماره كان كل الناس يتحدثون علي انها ملك لابوالقاسم
محمد ابراهيم وكان وقتها نائبا لنميري وبعد سنين من خروج ابوالقاسم من السلطه اكتشفنا انها لمغترب
في السعوديه اسمه ابوالقاسم ايضا .
لاتسئ الظن عزيزي احمد ربما مالك هذه البنايه الجميله لاعلاقه له بالسلطه !!!!
|
Post: #67
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: انور التكينة
Date: 09-01-2009, 12:42 PM
Parent: #66
| Quote: اسمع يا أستاذ تكينه... اوعك تشتم..!! أنا لحدي الان ما سمعتك كلمه فارغه... |
مش قلت انا جبان و بحاول اغطى على بوست المطلر ؟؟
اكتر من كده عاوز تقول شنو ؟؟
| Quote: لاتسئ الظن عزيزي احمد ربما مالك هذه البنايه الجميله لاعلاقه له بالسلطه !!!! |
ده كلام صاح يا الكوبى ...
لكن اخونا ده ما داير يسمع الكلام
|
Post: #68
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: عثمان عبدالقادر
Date: 09-01-2009, 01:29 PM
Parent: #67
الأخ/ أنور
سلام ياقريبي وجاري
لعلك لا تذكرني فورا فنحن لم نتقابل منذ ثلاثين عاماً !!!
بغض النظر عما ترمي إليه بهذه الصور لم تكن لدي الرغبة في المداخلة وكنت أكتفي
بالاطلاع والفرجة ولأننا سئمنا الكلام وأصبح غير ذي جدوى في مجتمع يصر على الضلال
فمسكنا علينا ألسنتنا حتي تفعل الأفعال فعلها ويذيب جمرها تلك العقول الصمّاء التي
آلت على نفسها إلا أن تكون كصلد الحجر الصوان, ولكن فيما بدا لي أن التجربة المريرة
التي عايشها أهل السودان لم تحرك ساكنا في الكثيرين ممن دخلوا المدارس وتخرجوا
منها ناهيك عن العامّة, وأزعم أنهم لا يملكون التصور الكافي ولا النظرة الشاملة
الاستراتيجية ً أو حتى من أين تبدأ التنمية ويضاعف دخل الفرد؟ ومن أمثلة
ذلك هذا التقرير التقييمي وهو ما دفعني لهذه المداخلة :
Quote: الإنقاذ عِندها مساوئ وليها محاسِن ... أنا واحِد مِن المُعارضين لِنِظام الإنقاذ لأسباب
واضحة وبِالرغم مِن ده ما مُمكِن أنكُر السوتو في البلد وما كُنا بِنحلم بيهو ...
|
ليس في حياتنا خطيئة مطلقة أو شر مطلق لأنه إن وجد فهذا يعني أن في الكون إلهين
وهذا ما لا يقول به عاقل وعليه نجد في كل الأمور خطيئةً وبرّاً ونفعاً وضرّاً حتى الخمر
المحرّمة لها منافع ولكن ضررها أكبر بقليل من نفعها فكان سبباّ في الحكم عليها بالتحريم
فلم يكن من المعقول أن يجلس الإنقاذيون على سدة الحكم عشرين عاماً ولا يفعلون شيئاً
فهل كان الذي فعلوه بقدر عقدين من الزمن!؟وهل هي الأولويات التي كنا نرجوها ونحكم بصوابها؟ وهل الأضرار التي تسببوا فيها ثمن بخس مقابل هذه الأشياء التي لم يكن يحلم بها البعض!؟
يقول فرانسيس فوكوياما أن بريطانيا أنهت التنمية ومضاعفة دخل الفرد في ثمانية وخمسون
عاماً وتبعتها اميركا في سبعة وأربعين ثم اليابان في ثلاث وثلاثين ثم كوريا الجنوبية في
أربعة عشرة سنه ثم صين التسعينات في عشر سنوات ,فكم يلزم الإنقاذ التي تراكمت عليها
التكنولوجيا والمعارف لتفعلها ؟( تخريمة ) هل تعلم أخي أنور أن صين ماوتسي تونج قضت
على الملاريا في السبعينات من القرن الماضي في 21 يوم فقط لا غير).
إن مساوئ الإنقاذ تفوق التصور وخلال السنوات القادمة سترون ذلك رؤي العين فهي لم
تحافظ على السودان كأرض ناهيك عن الفساد المستعجل الذي غرست بذوره ورعته
في المجتمع السوداني قبل أوانه , تستورد الطماطم من الأردن الصحراء التي هي بحجم
ولاية الخرطوم وكان شعارها نأكل مما نزرع, أنتاجها من القمح أقل بالنصف من تونس
الصحراء والتي هي بحجم ولاية غرب دارفور , أجيبوني ماذا ينتج السودان ؟ شوية
البترول الناضب الذي يرجع الفضل فيه للتكنوقراط الذين عملوا مع الطاغية نميري ؟
أين الوظائف التي عادةً ما تكون المؤشر الأقوى على وجود تنمية ومشاريع في الدولة؟
أين ذهبت أموال الجباية التي لم تتوقف!!!؟ أين ذهبت الأموال التي كانت تدعم التعليم
والخبز والوقود والسكر والصحة!!!!؟ بل أين ذهبت دماء أبنائنا وإخوتنا الذين ماتوا
في تلك الحرب العدميّة بعد أن أصبح ذهاب الجنوب والنيل الأزرق وجنوب كردفان في
حكم القائم ؟أين تلك الأموال التي صرفت على الحرب والجهاد وحرم بضياعها آباءنا
وأمهاتنا وأطفالنا من التطبيب فماتوا بالملاريا والتيفوئيد وسوء التغذية؟والطامّة الكبري,
أين ذهب إنسان السودان صاحب المروءة والصدق والأمانة والبراءة والنفس العزيزة ؟وأين ذهب أمن السودان الذي كان عدد مراكز الشرطة والمحاكم فيه يعد على رؤوس الأصابع !!!؟
أين ذهبت حرية إنسان السودان والتي كان يفاخر بها كل دول الجوار بل كانت سبباً في
عزته واحترام الآخرين له ؟ أين ذهب إستقلال السودان بعد أن بات مرهوناً لحماية
الإنقاذيين ليبقوا في مناصبهم متسلطين على مقدرات الشعب السوداني يسومونه سوء
العذاب والتطفيف!!!!؟.
أنظر يا أنور إلى خرطوم الإنقاذ كيف تضخمت وأصبح متر الأرض فيها يضاهي طوكيو
ونيويورك بعد أن هجر أهل الأقاليم والأرياف ديارهم بحثاً عن لقمة العيش التي عجزت
الإنقاذ خلال عشرين عاماً من توفيرها لهم بإقامة مشاريع إنتاجية تدر عليهم دخلاً كما
لم تكف عنهم جبايتها !ومع وضوح هذه الظاهرة كالشمس في رابعة النهار يصر البعض
على اعتبار الخرطوم هي السودان يتغزلون في شوية البنايات والكباري التي لا تهم إلا
الفهلوية والانتهازيين من المتعلمين الذين يبحثون عن الرفاهيات على أشلاء الآخرين!
ماذا يهمني لو كانت الخرطوم كلها على نسق عمارة الوليد بن طلال المسماة برج
المملكة طالما أني أسكن في خص من القش !!!؟وفيما يعنيني وجود محطات للبنزين
كتلك المتواجدة في دبي والرياض إذا كنت لا أملك ولا أتوقع أن املك سيارة !؟وفيم يهمني
الجوال إذا كنت بعيداً عن الأعمال ولا أستطيع طلب الإسعاف ليأخذ إبني إلى المشفى !!؟
مع السلامة يا أنور والله زهجت من الكلام .
أخوك أبوحمـــــد.
|
Post: #69
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: احمد محمد بشير
Date: 09-01-2009, 04:12 PM
Parent: #66
Quote: تعرف يا احمد وانا من سكان بحري وفي فترة الثمنينات كان في عماره جميله من اربعه طوابق وتكاد تكون
اجمل البنيات في ذلك الوقت ( الان عاديه ) هذه العماره كان كل الناس يتحدثون علي انها ملك لابوالقاسم
محمد ابراهيم وكان وقتها نائبا لنميري وبعد سنين من خروج ابوالقاسم من السلطه اكتشفنا انها لمغترب
في السعوديه اسمه ابوالقاسم ايضا .
لاتسئ الظن عزيزي احمد ربما مالك هذه البنايه الجميله لاعلاقه له بالسلطه !!!!
|
اخوي حمزه بابكر...
انا اسي الظن بالحرامية الجبهجية وهـذا من حقي... تابع ردي للاستاذ سيف الدوله وزكرت له أنه يستحق أن نبني تماثيل للاخوه المغتربين الذين صبرو عشرات السنين من أجل قطعت ارض في بلادنا يعني في"الوجه المشرق ".
اما عمارات المغتربين الان أصبحت تقام بالعدد, وعددها ضئيل مقابل عمارات الجبهه... و سعر الاراضي في المناطق التي صورها لنا انور تكينه يفوق الخيال و أصبحت بالميارات يعني المغترب الا يغترب عشرين سنه "وزيتو يطلع" أذا أراد ان يشتري في الوجـه الـمشرق الذي اتي به انور تكينة.
الاف العمارات بأسم جماعة المنافقين و الكيزان وليس هنالك ما يدوعونا ان نزج بالاسماء هنا... يعني الشغله واضحة يا صديقي الكوبي وكلكم عارفين الحاصل شنو في البلد.
يعني الكباري و الفنادق الصورها تكينه دي بيستمعتو بها ناس جماعة الكرووش وما دايرين الكادحين يشاركوهم في الكنوز دي معاهم ويعملوا ليهم زحمة لانو الاماكن محدده لبعض الكيزان... وثانياأصلا جماعة الغلبانين و المساكين ما بيقدرو علي أسعار الفنادق الفي الصور دي.
** ولماذا يغترب الناس مشتتين في اصقاع أرض الله طالما أن البلاد بها الخيرات علي راسها البترول..؟؟
تحياتي لكم يا أخ كوبي وأنتم تكافحون في بلاد غير بلادكم.
*****
تعديل حروف..
|
Post: #70
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: احمد محمد بشير
Date: 09-01-2009, 04:56 PM
Parent: #69
Quote: مش قلت انا جبان و بحاول اغطى على بوست المطلر ؟؟
اكتر من كده عاوز تقول شنو ؟؟ |
ياأنور تكينة...
** للاسف انت ما جبان بس محكوم بقيود من جماعة المنافقين والكيزان... الساكنين معاكم في مقر جريده "الـصحافة" بتاعكتم يعني اي شي أنت ولا غيرك يكتبوا في الجريده ولا هنا الا يمر بالامجي القاعد معاكم في المكتب ويشوفكم انتو كتبتو شنو بالزبط... و أكيد صور المطر الانت نزلتها في الاول ما بترضي جماعة المنافقين والكيزان ودا شي واضح وما داير اي اتنين تلاته.
وبعدين انت وصحبك عبد الرازق عملتو لي تهديد عينك يا تاجر... وذكرتم لي انه لامجال ان أكتب الذي كتبته من داخل بلادنا... ودا شي "مؤسف" كونك انت كصحفي تقو لي كلام زي دا يعني التهديد جاء منكم كصحفين و دا شي ابدا ما كنت اتوقعه منكم..!!
** ادناه التهديدات التي كتبتوها لي "انور تكينة" وصديقه "عـبد المحسن سـيد" في نفس هذا البوست...
** كتب "انور تكينه" الصحفي الاتي يهددني..
| Quote: خلى النضال الاسفيرى ده و تعال داخل و اكتب ربع كلامك ده ... |
** وكتب الصحفي او الامنجي الاخر "عـبد الـمحسن سيد" يهددني بالاتي...
| Quote: كلامك دا خليك فاكرو كويس |
** معليش انتو مزنوقين من جماعة المنافقين و لستم جبناء... والظاهر انو الكيزان ديل عودوكم علي الاسلوب بتاع التهديد و الكبت وكتم الحقيقة... الممارس معكم من قبل جماعة الكذابين والمنافقين الكيزان لمدة عشرين سنة علي الصحف التي تعملون بها..!!
*****
|
Post: #71
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: معاوية الأرباب
Date: 09-02-2009, 04:44 PM
Parent: #70
هون عليك أخي عثمان عبدالقادر
لا أظن أن الصحفي المذكور قد سمع عن هذه الإنجازات الحقيقية
في أوروبا وأمريكا والصين وكوريا ففي هذه الدول تعمل الحكومات
لخدمة شعوبها دون من أو أذى فهي مجرد أجير, فالشعوب هي مصدر شرعيتها , ويقف
لهم الصحفيون بالمرصاد تعرية للفساد , وتجويدا للأداء . أمافي السودان فالإنقاذ
هي ظل الله في أرضه وما على الناس إلا التسبيح بحمدها أناء الليل وأطراف النهار
وقد بلغ الإستلاب بالناس حدا أن وجدوا سلوانهم عن بؤسهم في التغزل بما كنزه جلادهم
وسارقهم (مكنكشين ) في تأويل أبله للاية الكريمة " .. ذلك الفضل من الله نؤتيه من
نشاء..." ناسين أن الله قد حرم الظلم حتى على نفسه . فوالله ماشهقت شواهق الطغاة إلا
على بطون الجوعى , أما قيم العدالة والإنصاف فقد طمرت تحت أنقاض عمارة الرباط ,
أو ذهبت ماؤها غورا تحت ثرى مشروع الجزيرة . ودمت بخير.
|
Post: #72
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: انور التكينة
Date: 09-02-2009, 09:27 PM
Parent: #71
Quote:
الأخ/ أنور
سلام ياقريبي وجاري
لعلك لا تذكرني فورا فنحن لم نتقابل منذ ثلاثين عاماً !!! |
الاخ عثمان عبد القادر
تحياتى
بحثت فى بروفايلك عله يعيننى فى التعرف عليك فوجدته افرغ من فؤاد ام موسى ...
هل انت عثمان عبد القادر الفنان شقيق خلف الله و محمد من التكلة رفاعة ؟؟؟
|
Post: #73
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: عثمان عبدالقادر
Date: 09-03-2009, 01:22 AM
Parent: #72
Quote:
هل انت عثمان عبد القادر الفنان شقيق خلف الله و محمد من التكلة رفاعة ؟؟؟ |
نعم أنا هو ذا.
لك أجمل التحايا والود ولكل أهلنا بالتكينة طبعاً مر الكثير
من الأحداث والمتغيرات في حياة كل منّا نسأل الله لكم العافية
والصحة وصوماً مقبولاً وفطراً سعيداً مباركاً.
ابوحمــــــــــــد
|
Post: #74
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: انور التكينة
Date: 09-03-2009, 08:26 PM
Parent: #73
الف مرحب بيك ...
وينك يا راجل ؟؟؟
لكم ازدادت فرحتى و انا اتلقى هذه المعلومة التى اعادت لذهنى الكثير
من الذكريات الجميلة .. عن اسرتكم الكريمة ، و اعجابى بنبوغك المبكر فى الرسم
و ملكة الفن التى ظهرت باكرا عند شقيقكم الاكبر محمد و هو يبدع فى العزف و التلحين
و نبوغ شقيقكم الاصغر خلف الله فى سبر اغوار الالكترونيات ..
حقا عائلة فنانة كنت و ما زلت من المعجبين بها ..
الله يخليكم .
|
Post: #75
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: عثمان عبدالقادر
Date: 09-04-2009, 02:11 PM
Parent: #74
الأخ/ أنور
أجمل التحايا والود
اشكر لك هذا الإطراء وأنتم كذلك أهل للإبداع والفن .
طبعا أنا وخلف الله أصبحنا من مواطني التكينة فمن
أحدث متغيرات حياتي وفاة زوجتي أم حمد رحمها
الله رحمة واسعة وأسكنها فسيح جناته وتركت خلفها
أيفاع بحوجة لرعاية وأمومة من بينهم طفلة ماتت لتتركها
في الحضّانة فتزوجت من بيت محمدنور عبدالله امدوم وهي
الآن معي في السعودية .
شكرا لك ثانية
أخوك ابوحمــــــد
|
Post: #77
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: انور التكينة
Date: 09-18-2009, 10:27 PM
Parent: #75
Quote:
يا لها من صور رائعة وتوثيق تاريخي للخرطوم.
مودتي الاخ انور |
الحبيب معتصم محمد صالح
لك شكرى و تقديرى للاطراء و رفع البوست
باذن الله فى الارشفة الجديدة سأبذل جهدى لاضافة الكثير مما يستحق المشاهدة.
لك ودى
|
Post: #78
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: Gaafar Ismail
Date: 09-19-2009, 06:15 AM
Parent: #77
ياأنور
زعلان منك شديد(وجه ضاحك) واللبيب بالإشارة يفهم.
تحياتي ومودتي
|
Post: #79
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: Mohamed Yassin Khalifa
Date: 09-30-2009, 10:32 AM
Parent: #78
يا التكينة سلام
الصورة دي عدت ناس المونتاج كيف؟
زولك ده كان تصحوهو ولا تقطعو أوصاله... موش مهمش؟
|
Post: #80
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: انور التكينة
Date: 09-30-2009, 10:50 AM
Parent: #78
| Quote: زعلان منك شديد(وجه ضاحك) واللبيب بالإشارة يفهم. |
جعفر اخوى مالك ؟ حيرتنى ..
الا لا جاب زعل
افصح .... اخوك لا لبيب و لا يحزنون
المخ زلط اجارك الله
دحين قول مالك
|
Post: #81
Title: Re: الخرطوم .. الوجه الاخر .. حاجات تفتح النفس ( الدليل بالصور )
Author: mahmed alhassan
Date: 12-11-2009, 03:31 PM
Parent: #80
Quote: الإنقاذ عِندها مساوئ وليها محاسِن ... أنا واحِد مِن المُعارضين لِنِظام الإنقاذ لأسباب
واضحة وبِالرغم مِن ده ما مُمكِن أنكُر السوتو في البلد وما كُنا بِنحلم بيهو ...
نعم في سرِقة ومحسوبِية ... في قتل وإغتِصاب وإبادة ... في سُفه ... لكِن في برضو
عمار ... صِناعة ... بِترول ... جامعات ... سلام لأطول حرب بِإفريقيا ... الظُالِم
عِندو يوم بِتحاسب فيهو مهما طال بيهو الزمن ... الصُور الجلبا أنور التِكينة
رائِعة جِدًا وحأبروِزا وأعمِل ليها ألبوم إسمو < بلدي يا حبوب > يعني علشان نِحنا
ضِد الإنقاذ نشوف الخُضرة والجمال والعُمران وننكُرو ... عاد ده كلام ... والله
يا أنَور رديت فينا الروح ... الله يديك العافِية ويرحم والِديك |
د
فهــم راق ومتقــدم لعقلاء المعارضـــة
تسلـــم اخ عزام وصاحب البوست التكينة الذي ينظر للنصف الملئ من الكوب 0
|
|