Post: #1
Title: مشتــــاق - شعـــر
Author: عبدالله وداعه الامين
Date: 06-26-2004, 01:24 PM
كيف اقول مشتاق وعارف
اني مشتاق ليكي اكتر
كيف اقول وانا شوقي شايف
هدى حيل احزاني فتر
والحروف بخلت عليا
وعرفت انو زماني اشتر
وسكة الريد القديمه
الكنا فيها نتوه ونسهر
كل يوم تسال عليكي
وبسأل الوجع المقدر
وليكي تشتاق الخطاوى
ولهفة الشوق المودر
كل دواخلي تقول بريدك
وبيكي فرحي بزيد وبكبر
وبرضي مشتاق لي عيونك
يوم غشاني حناني بدر
برضي مشتاق ليكي انتي
ولسه مشتاق ليكي اكتر
*
بلقى همسك فيني ساكن
جوه في اعماقي نقر
ولما اتزكر كلامك
وكان كلامك كلو سكر
تمشي تاخدني المسافه
وبيكي القى زماني نور
حبك انتي ربيع حياتي
و شفتو في وجداني حكر
والله مشتاق لي بسيمتك
يوم تهل عسلا تقطر
ولي خطاويك العزيزه
و للعيون الحلوه تسحر
ولي زمن قولة بريدك
ولي سحابي الشال و مطر
ياني مشتاق ليكي انتي
ولسه مشتاق ليكي اكتر
Edited by: shawgi at: 9/29/03 18:36
|
Post: #2
Title: Re: مشتــــاق - شعـــر
Author: Nidal Al-Anssari
Date: 06-26-2004, 03:05 PM
Parent: #1
يا سلام عليك يا أخ عبد الله على هذا الشوق.
"بشتاق شوق الصحراء للمطر
" وبشتاق أشوف وارسم صورتك في البدر نمن يكون في كبد السما
" بشتاقليك في كل لحظه صمت ووحده
"بشتاقليك نمن أشوفك في عيون طفل شايله الأمان و العطف في حضن أمه.
|
Post: #3
Title: Re: مشتــــاق - شعـــر
Author: عبدالله وداعه الامين
Date: 06-28-2004, 05:13 PM
Parent: #2
الاخت العزيزة نضال الانصاري
شكرا لكي ايتها الرائعة روعة حروفك الندية وهمسك المموسق وشكرا لاطلالك علي و انت تحملين كل هذا الشوق و اهلا بك و لكي كل الود؟
|
Post: #4
Title: Re: مشتــــاق - شعـــر
Author: Nidal Al-Anssari
Date: 06-28-2004, 05:39 PM
Parent: #3
أبعث لك شوقا من أرض الغربه.
و اتمنى أن تكتب المزيد و لك التوفيق و الإحترام.
|
|