Post: #1
Title: ابداكي كيف- 4- (الشوق الوشيئ)
Author: عبدالله وداعه الامين
Date: 11-19-2005, 06:53 AM
Parent: #0
انتي الخطاوي الراجعة شوق
واتشطّفت..... جواي هفيف
يا سكة مكتوب اوصلك
وريني من جواكي كيف
ارسم تفاصيلك معاي
يا راسمة نبضك فيني قيف
ومفتّره البال بالمشي
ومودرة الغيم في الخريف
خليني استنشق هواك
واتلفحك في بالي طيف
زي الفرح وقتين يزور
ويكاتل الزمن البقيف
ما بيني بينك والسحاب
ولواعج الشوق النضيف
*** انتي الخطاوي الراجعة شوق
يا زارعة ريحك في المشي
ومسافرة بي قبل السفر
غيم الدعاش لي فرشي
كان يغلب المطر النعاس
والجوف محنة ترشرشي
وتزيدي بي وجعك علي
والباقي حقك دشدشي
واختاري زي ما يعجبك
ما تخلي جواي ايّ شيئ
اندسي جوة الروح نغم
بالله اوعك تختشي
خليني اغرق في عينيك
كان اغرق الشوق الوشيئ
عبدالله وداعه الامين لندن
|
Post: #2
Title: Re: ابداكي كيف- 4- (الشوق الوشيئ)
Author: توما
Date: 11-19-2005, 11:00 AM
Parent: #1
عبد الله تحياتي ليك وشوقك
|
Post: #3
Title: Re: ابداكي كيف- 4- (الشوق الوشيئ)
Author: NASERELDIN SALAH
Date: 11-19-2005, 01:09 PM
Parent: #2
انتي الخطاوي الجايه شوق
كان تقدر توقف من قليبي النزيف
يا امل يكبر يزيد ...ز و يزيد
لامن احترت فيهو متين يقيف
أمل احياهو في كل نظره
كل كلمه وكل زكري راجياك ذي خريف
خريفا يبل اشواقنا ويخدر دنيا
كل اشواقا
تلقاك كييف
و تبداك كييييف
@@@@@@@
ما انت اول كل شيء
يبدا الكلام في حضرتك
من اولوا تفرح تطير منتشي
تسمع همس ذي النسيم
تسرح بعيد و هناك تمش
و تأخد من وجيها الضوء
تنور بيهوا قليبا كان منطفيء
و تسبح في دروب مليانه ريد
تملي و تفيض حنانا ما بنتهي
ما انت اول كل شي
ما انت آخر كل شي
آخر الاماني و اوله
الأ بس كل الخلوق محتاره
تبداك كيف
تبداك كيف
_________
نصرالدين صلاح
|
Post: #7
Title: Re: ابداكي كيف- 4- (الشوق الوشيئ)
Author: عبدالله وداعه الامين
Date: 11-20-2005, 08:38 AM
Quote: نتي الخطاوي الجايه شوق
كان تقدر توقف من قليبي النزيف
يا امل يكبر يزيد ...ز و يزيد
لامن احترت فيهو متين يقيف
أمل احياهو في كل نظره
كل كلمه وكل زكري راجياك ذي خريف
خريفا يبل اشواقنا ويخدر دنيا
كل اشواقا
تلقاك كييف
و تبداك كييييف
@@@@@@@
ما انت اول كل شيء
يبدا الكلام في حضرتك
من اولوا تفرح تطير منتشي
تسمع همس ذي النسيم
تسرح بعيد و هناك تمش
و تأخد من وجيها الضوء
تنور بيهوا قليبا كان منطفيء
و تسبح في دروب مليانه ريد
تملي و تفيض حنانا ما بنتهي
ما انت اول كل شي
ما انت آخر كل شي
آخر الاماني و اوله
الأ بس كل الخلوق محتاره
تبداك كيف
تبداك كيف
_________
نصرالدين صلاح |
ببدى بيك يافرحتي
بس جيبي ريدك وشوشي
ياهمستي وحسي الندي
يا شوق مقسم توحشي
مشتاق افتش عن عينيك
يا ستي غالبني المشي
والدنيا حر سجنت غناي
والغنوة ذاته بتختشي
لو جابو سيرتك في الكلام
او جاني منك ايي شيئ
بي الفرحة بوصل لي السماء
والشوق ضفايرو بتنتشي
لو درتي يا ستي الفرح
بس انتي ريدك حرشي
20.11 2005
شكرا اخي نصرالدين وسعيد بيك وبي كلامك الحنين لك كل المحبة وانت تدغدغ الشوق في حنايا القلب خليك معانا هنادوما
تحياتي وودي الجميل
عبدالله
|
Post: #6
Title: Re: ابداكي كيف- 4- (الشوق الوشيئ)
Author: عبدالله وداعه الامين
Date: 11-20-2005, 08:16 AM
Parent: #2
Quote: عبد الله تحياتي ليك وشوقك |
توما
لكي نفس التحايا وكل الوشق شكرا شاعرتنا الجميلة وسعيدين بالطلة تحياتي ليك والى ابو المجد وكل المعاكم
كل الود عزيزتي وشكرا مطر
عبدالله
|
Post: #4
Title: Re: ابداكي كيف- 4- (الشوق الوشيئ)
Author: wail tagelsir abdalla
Date: 11-19-2005, 01:23 PM
Parent: #1
سلام جميل زي كلامك و سنبقى دائما ننتظر الموعود ياتينا... و في عينيه عصفور حزين يغني... قمر... و.... تباشير مطر..
|
Post: #5
Title: Re: ابداكي كيف- 4- (الشوق الوشيئ)
Author: حبيب نورة
Date: 11-19-2005, 01:31 PM
Parent: #4
ياااااااااااه u make my day have a nice dream
|
Post: #8
Title: Re: ابداكي كيف- 4- (الشوق الوشيئ)
Author: ثابت محمد
Date: 11-20-2005, 09:15 AM
Parent: #5
عبد الله وداعة الأمين الشووق بحـر
ينصُــر دينك و .... يخليك
أمتعتنا
|
Post: #15
Title: Re: ابداكي كيف- 4- (الشوق الوشيئ)
Author: عبدالله وداعه الامين
Date: 11-24-2005, 05:58 AM
Parent: #8
Quote: عبد الله وداعة الأمين الشووق بحـر
ينصُــر دينك و .... يخليك
أمتعتنا |
الود الجميل ثابت
كل التحايا حبيبنا ويديك الف عافية
لك الشوق حبيبنا وسعيد بيك وبي الطلة
ينصر دين ودين ابو امك ذاتو ودين حبوبتك
ودي وتحياتي والقومة ليك
عبدالله
|
Post: #10
Title: Re: ابداكي كيف- 4- (الشوق الوشيئ)
Author: عبدالله وداعه الامين
Date: 11-22-2005, 08:07 AM
Parent: #5
Quote: ياااااااااااه u make my day have a nice dream |
حبيبي انا وحبيب نوره
جد مشتاق ليك ولي حروفك الشحمانه ديك عليك الله كتر الطلة وعطشانين ليك شكرا لك حبيبنا على المرور لاننا بنسعد بيك ونفرح بيك لك تحياتي وودي لك القلب
عبدالله
|
Post: #9
Title: Re: ابداكي كيف- 4- (الشوق الوشيئ)
Author: عبدالله وداعه الامين
Date: 11-22-2005, 08:02 AM
Parent: #4
Quote: سلام جميل زي كلامك
و سنبقى دائما ننتظر الموعود ياتينا... و في عينيه عصفور حزين يغني... قمر... و.... تباشير مطر.. |
وائل تاج السر
شكرا لك حبيبنا على الطله المفرحة سانتظرك بين حنايا القلب وستظل عصفورا ياتي بكل جميل كن مكا انت وعدا وبشارة وامل
لك مودتي وتحياتي
عبدالله
|
Post: #11
Title: Re: ابداكي كيف- 4- (الشوق الوشيئ)
Author: عبد الله عقيد
Date: 11-22-2005, 09:21 AM
Parent: #1
Quote: واختاري زي ما يعجبك ما تخلي جواي ايّ شيئ اندسي جوة الروح نغم بالله اوعك تختشي |
عبد الله كيف حالك ولعلك طيب
الحكاية شني..!! نحنا الاتنين الظاهر ما عايزنها ((تختشي)) "أقول ليكِ.. يا حلوة.. ما.. تختشي"
فاجأني التطابق بين النصين ((الروي، والعبارات)) مع اختلاف المعنى..
لك التحية والتقدير
|
Post: #16
Title: Re: ابداكي كيف- 4- (الشوق الوشيئ)
Author: عبدالله وداعه الامين
Date: 11-24-2005, 06:03 AM
Parent: #11
Quote: عبد الله كيف حالك ولعلك طيب
الحكاية شني..!! نحنا الاتنين الظاهر ما عايزنها ((تختشي))
"أقول ليكِ.. يا حلوة.. ما.. تختشي"
فاجأني التطابق بين النصين ((الروي، والعبارات)) مع اختلاف المعنى..
لك التحية والتقدير |
حبيبنا واستاذنا الشاعر عبدالله
ودي وتحياتي
شكرا لك وللطلة الحلوة وسعيد بيك ان شاء الله يا عبدالله ما تختشي سعيد بي التطابق وتوارد الخواطر لانني لم انتبه الاى قصيدتك الا بعد ان قرات تعقيبك هنا وبجيك بي هناك لانو كلامك جاب لي الكاروشه لوووووووووووووووووووووول كل الود والتحايا ويسلم قلمك
عبدالله
|
Post: #12
Title: Re: ابداكي كيف- 4- (الشوق الوشيئ)
Author: REEL
Date: 11-22-2005, 01:32 PM
Parent: #1
... .. . يا مفترة البال بالمشي ومودرة الغيم في الخريف........
لك أمنيات ظليلة وممطرة راجعة خطاوي شوقك للزمن المحنة والزمن الدعاش.....
|
Post: #17
Title: Re: ابداكي كيف- 4- (الشوق الوشيئ)
Author: عبدالله وداعه الامين
Date: 11-24-2005, 06:08 AM
Parent: #12
Quote: ... .. . يا مفترة البال بالمشي ومودرة الغيم في الخريف........
لك أمنيات ظليلة وممطرة راجعة خطاوي شوقك للزمن المحنة والزمن الدعاش..... |
البت النسمة ريل
يا نجمة تشرق في القلوب بتضوي لي الزمن البحن يا سارقة من نور المكان البهجة والقمر البجن لو مرة شافك في الطريق او في النعاس اطيافو هن اتكحّلت من نور عنيك والفرحة قامت غتتن ما تنسي تدينا الفرح خلينا في الريد ننسجن
شكرا لكي والى دعاش خطاويك فرحان بي طلتك وحضورك تسلمي عزيزتي ويديك الف عافية شكرا مطر
عبدالله
|
Post: #13
Title: Re: ابداكي كيف- 4- (الشوق الوشيئ)
Author: dalihabboub
Date: 11-23-2005, 03:45 AM
Parent: #1
إنت عبدالله ذاتك؟ ياخي والله يا حليلك زمن طويل جدا مضى دون أن نلتقي رغم المحبة ودرجة القربى وحاجات كتيرة تانية المهم البركة في طلتك من خلال هذه القصيدة الجميلة وأتمنى التواصل ولك الحب كله والسلام وتقبل تحيات كل الأهل في كوستي والكريدة حيث كنت قريبا هناك
دالي رحمة الله الحبوب
|
Post: #18
Title: Re: ابداكي كيف- 4- (الشوق الوشيئ)
Author: عبدالله وداعه الامين
Date: 11-24-2005, 06:13 AM
Parent: #13
Quote: إنت عبدالله ذاتك؟ ياخي والله يا حليلك زمن طويل جدا مضى دون أن نلتقي رغم المحبة ودرجة القربى وحاجات كتيرة تانية المهم البركة في طلتك من خلال هذه القصيدة الجميلة وأتمنى التواصل ولك الحب كله والسلام وتقبل تحيات كل الأهل في كوستي والكريدة حيث كنت قريبا هناك
دالي رحمة الله الحبوب |
الــــــــــــله للزمن الجميل
الحبيب دالي
ليك وحشة والله ولي الوليدات وامهم وناس البلد الغادي سعيد حد السماء بيك وبي طلتك وفرحان اتفاجاته انك هنا ةحكيت لي ابوبكر غالب جد مشتاقين ولبركة في القصيدة دي الجابتك لينا تحياتي ليك ولي ام الوليدات وباسل واخوانو
الايميل حقي
[email protected]
تعالي بي هناك وبديك التلفونات شكرا حبيبنا وحمدلله على سلامتك
عبدالله
|
Post: #14
Title: Re: ابداكي كيف- 4- (الشوق الوشيئ)
Author: مبيوع
Date: 11-23-2005, 04:02 AM
Parent: #1
ياعبد الله ياخوى كلامك دا ياهو ذاتو البعمل كاروشه فى القلب
النص محجووووز للتلحين وكمان عاوز كم قصيده على الماسنجر
|
Post: #19
Title: Re: ابداكي كيف- 4- (الشوق الوشيئ)
Author: عبدالله وداعه الامين
Date: 11-24-2005, 06:20 AM
Parent: #14
Quote: ياعبد الله ياخوى كلامك دا ياهو ذاتو البعمل كاروشه فى القلب
النص محجووووز للتلحين وكمان عاوز كم قصيده على الماسنجر |
الحبيب ياسر
الحس الندي والنغم الشجي مبيوع
اهلا بيك حبيبنا ويديك الف عافية
الكاروشه حلو يا دكتور مش؟ لووووووووووووووول
سعيد بيك وبي طلتك وشكرا لي ثقتك في النص ونديك النص وكمان كاروشتو رايك شنو؟
تحياتي ليك ولي استاذنا وحبيبنا موصلي
الايميل حقي:
[email protected]
تسلم ياسر ويديك الف عافية وشكرا مطر
عبدالله
|
Post: #20
Title: Re: ابداكي كيف- 4- (الشوق الوشيئ)
Author: عبدالله وداعه الامين
Date: 11-30-2005, 01:22 PM
Parent: #19
فتشته ليك
فتشتا ليك جواي مطر وانا في سماك والدنيا حر والغيم يكتح في الدعاش والليل يجدع في السحر وانا بي وراك غرقت معاي اشواقي... والريد الدفر لاقدرتا اوصل لي الارض لا قدرتا الحق لي القمر مشروق ادفق في الدموع يا ستي شايلني البحر سايقني ليك وسط الرذاذ جوايا موجا ما فتر ما مله من جزر التعب او حتى فارق للاثر خليني اغرق في عينيك كان اشفع الدمع الهدر ما اصلو ما اول غريق في هواكي هداهو السفر او شالو سيل غيم الولف وغشاكي يا كل الدرر لو ابقى غرقان في هواك ان شاء الله اغرق زي حجر
عبدالله وداعه الامين لندن 30.11.2005
|
|