Post: #1
Title: كتر خيرك يا طارق ابوعبيدة
Author: Tagelsir Elmelik
Date: 12-21-2009, 06:13 PM
Parent: #0
جبت معاك حبوب زيادة من ( يوروب)؟؟؟؟
ده درب خطاب حسن أحمد
أنشا الله يكون وصل.
|
Post: #2
Title: Re: كتر خيرك يا طارق ابوعبيدة
Author: Tagelsir Elmelik
Date: 12-21-2009, 06:18 PM
Parent: #1
عجلة الشافع بقت دندرمة
كده كويس
الزول ده ما بتخاف الله فوقو؟؟
كتر خيرو فتح لينا سكة.
|
Post: #3
Title: Re: كتر خيرك يا طارق ابوعبيدة
Author: Tagelsir Elmelik
Date: 12-21-2009, 06:23 PM
Parent: #2
جارنا ( تيد) المسكين مصطكي
وكت جات السيرة
حلتنا كلها مصطكة
|
Post: #4
Title: Re: كتر خيرك يا طارق ابوعبيدة
Author: Tagelsir Elmelik
Date: 12-21-2009, 06:31 PM
Parent: #3
السقف قرب يقع
عاجبك كده؟؟
نحنا ذاتنا نصل بقالة الأمل كيف؟؟؟
|
Post: #5
Title: Re: كتر خيرك يا طارق ابوعبيدة
Author: Tagelsir Elmelik
Date: 12-21-2009, 06:51 PM
Parent: #4
بس انشا الله تكون جبت الهدايا معاك؟؟
|
Post: #6
Title: Re: كتر خيرك يا طارق ابوعبيدة
Author: Faris Mohamed
Date: 12-21-2009, 08:30 PM
Parent: #5
لكن حالتكم ما صعبة ياملك
ذكرتنى نكتة الكضاب القال مشى الإسكيمو وهناك لما تتكلم كلامك بيطلع تلج تشيلو تختو فى الصاج بعد داك تسمعه وتفهمه
-------------------------------
كمرتك عجيبة يامان ماشاء الله
|
Post: #7
Title: Re: كتر خيرك يا طارق ابوعبيدة
Author: Tagelsir Elmelik
Date: 12-21-2009, 10:02 PM
Parent: #6
يا فارس
و الله حالة تحنن
كراع ابوعبيدة تلجة
بالله الجليد ده بنشوفو من شهر واحد و انت طالع
السنة دي شهر اتناشر و شنو‘ عاصفة تاريخية
ما حصلت في تاريخ المنطقة
بس قولي
ذنبنا شنو؟؟؟
يا زول الزول القلتو ده ما كضاب
نحنا اليومين دي تشيل التلج تختو فى الصاج
النبذ يطلع محمر و الشكر يطلع نيء ...أها
تحياتي من داخل الديب فريزر
|
Post: #8
Title: Re: كتر خيرك يا طارق ابوعبيدة
Author: Faris Mohamed
Date: 12-21-2009, 10:16 PM
ماعارف ياملك لكن فجأة كدة مع صورك دي إشتهيت ليك العصيدة البوخها يلاوى
ياخى البرد ماعندكم
----------------------------------------------
أكيد خدر حيدفيكم بصوته وغناه الجميل
|
Post: #18
Title: Re: كتر خيرك يا طارق ابوعبيدة
Author: Tagelsir Elmelik
Date: 12-22-2009, 03:55 PM
Parent: #8
| Quote: ماعارف ياملك لكن فجأة كدة مع صورك دي إشتهيت ليك العصيدة البوخها يلاوى |
عينك في الباسطات و البسابيس
تقولي عصيدة
الله يسامحك
بعدين خدر بقت عليه البقت على ( خدوري) ملاكم الجزيرة في مباراة بنادي الخريجين الخرطوم
و قولته الشهيرة لمن ناس مدني هتفوا ليه ( قوم يا خدوري ارفع راس الجزيرة)
قاليهم ( انا راسي قادر ارفعوا)!!!!
|
Post: #9
Title: Re: كتر خيرك يا طارق ابوعبيدة
Author: فيصل عباس
Date: 12-21-2009, 10:21 PM
يا السر
انت ما جادي مش
تكون قاعد ترسم (صاح ) ومختار فيهو الابيض لقول جديد عندك .....
_____________________
ما عندكم عنقريب هباب نشوف خلقتو بقت كيف مع تلجكم دا ؟؟
وسؤال براني كدا (اسع انتو بتكسروا التلج كيف مع حالكم دي ؟؟ تكسر تلجة واحدة تقوم ليك بدلها 44 تلجايه لمن تلحقن تكون انت زاتك
بقيت تلجايه ماااااااااااااكنه ....
يا طارق اتخارج من العالم ديل (بيسحروا كراعك اللينه دي - واصلوا هم متسببين غضب الله العليهم يقولوا جيت شايلوا في شنطتك )
الله معاكم وعيني عليكم حارة .
|
Post: #10
Title: Re: كتر خيرك يا طارق ابوعبيدة
Author: salah ismail
Date: 12-21-2009, 11:04 PM
Parent: #9
...سمعت بالتلج الاسود....؟؟؟؟
|
Post: #11
Title: Re: كتر خيرك يا طارق ابوعبيدة
Author: ابراهيم على ابراهيم المحامى
Date: 12-22-2009, 03:09 AM
Parent: #10
ياخي والله فضحتونا يا ملكـ ,
حبة تلج 16 inch يجرسكم كده !؟
ياخي ده جو , الاطفال بلعبوا فيهو في اوربا
انتو يجرسكم كده لمن تشيلو حسي !؟ 
_____
حلا - لقاء - خالد و مراحل صناعة الـ Snow man في البلكونة
|
Post: #12
Title: Re: كتر خيرك يا طارق ابوعبيدة
Author: خدر
Date: 12-22-2009, 03:19 AM
Parent: #11
المداخلة السابقة دي تبعي انا يا شباب
بنستخدم كمبيوتر واحد انا و ابرهة
لذا لزم التنويه
|
Post: #13
Title: Re: كتر خيرك يا طارق ابوعبيدة
Author: عبدالعزيز حسن على
Date: 12-22-2009, 05:19 AM
Parent: #12
Quote: المداخلة السابقة دي تبعي انا يا شباب
بنستخدم كمبيوتر واحد انا و ابرهة
لذا لزم التنويه |
تنويهك شيلو عليك
ما يخصنا
دا اسمه تزوير في خلق رسمية
يعني انت تستخدم كمبيوتر ابراهيم
الله يستر ما يقوم ابراهيم يستخدم اسمك ويجي يغني لينا يوم الخميس
يكون بقي علينا التلج وغناء ابراهيم وهذا سيكون افضل ختام للسنة ديّّّ؟
|
Post: #14
Title: Re: كتر خيرك يا طارق ابوعبيدة
Author: saif basheer
Date: 12-22-2009, 12:15 PM
Parent: #13
طارق؛
العود الفي البروفايل دا العود الجديد؟
شكراً تاج السر على البرد
"أمس جَهْجَهتْنا شوية تلج في لندن"
سيف بشير
|
Post: #15
Title: Re: كتر خيرك يا طارق ابوعبيدة
Author: خالد عويس
Date: 12-22-2009, 01:02 PM
Parent: #14
Quote: الله يستر ما يقوم ابراهيم يستخدم اسمك ويجي يغني لينا يوم الخميس
يكون بقي علينا التلج وغناء ابراهيم وهذا سيكون افضل ختام للسنة ديّّّ؟ |
الله يسترررررررررر
|
Post: #16
Title: Re: كتر خيرك يا طارق ابوعبيدة
Author: أبو ساندرا
Date: 12-22-2009, 03:13 PM
Parent: #15
ما كنت محتاج
والدليل
موعد ف لقاء
|
Post: #17
Title: Re: كتر خيرك يا طارق ابوعبيدة
Author: Dr. Salah Albashier
Date: 12-22-2009, 03:20 PM
Parent: #16
الأخ تاج السر الملك
لك التحية والود وعاطر الإحترام
كتر خيركم كلكم وهاك عديتنا للعام الجديد
جديد 2010 بإذن الله .. فانتظرونا
مع خالص تحياتي
د. صلاح البشير
|
Post: #19
Title: Re: كتر خيرك يا طارق ابوعبيدة
Author: Faisal Salih
Date: 12-22-2009, 03:59 PM
Parent: #17
يا تاج السر
انااحب كتابتك، لكني لا ارضى في طارق
لفك الاشتباك هاك مناحة رقية وراق البديعة كهدية وفتح خشم بيناتنا
مناحة الصقيع
رقية وراق
كعادتها...
كانت الشوارع...
هدا الصباح ثلجية...
وبياضها الشاسع...
يقطع خميرة الدفء..
من عجينة الطقس الغريب..
فى برودة الدرب الطويل..
ولا نهائية شكل الغياب...
فاجأنى ظمأ غريب...
لقطرة من رحيق البلاد...
وتوق للرحيل..
هدأت من إيقاع مشيتي
العجول...
وهتفت: ياناس ووب على
وألف سجم يسربل فمي...
الثلج كالني والرماد...
رخيت ألآذن وانتظرت..
ما رد فجيعتي احد...
لاجارا تلب الحائط
ولا أهل غيبوني في الصدر
حد انقطاع الأنفاس
عادت يداي تستدفئان
بالجيوب
وقالت دمعة قبل أن تتجمد:
ياغريبة الدار
ما أعظم خسارتك!
فيصل محمد صالح
|
Post: #20
Title: Re: كتر خيرك يا طارق ابوعبيدة
Author: khatab
Date: 12-22-2009, 04:31 PM
Parent: #4
Quote:
ده درب خطاب حسن أحمد
أنشا الله يكون وصل.
|
ابوالسُره
عرفتو كيف ياحريف !!
ام جاك نبأ الشوربه
ذات البوخ اللاوي ..
.
شكرا على السؤال يافرده
وصل صاحبك لاكين بصعوبه
زي الفيل البمرق من الحفره
وذاك الصقيع طويل التيله
.
وكالعاده طبعاً كاميرتك أم عدسة ًبره
وتقلبات المواسم .. لقطات فى السلك
عينى بارده طبعا وهذا النقاء الابيض الممتد
.
.
|
Post: #21
Title: Re: كتر خيرك يا طارق ابوعبيدة
Author: خدر
Date: 12-22-2009, 05:03 PM
Parent: #20
Quote: الله يستر ما يقوم ابراهيم يستخدم اسمك ويجي يغني لينا يوم الخميس
يكون بقي علينا التلج وغناء ابراهيم وهذا سيكون افضل ختام للسنة ديّّّ؟ |
دي قوية يا عزيز
|
Post: #22
Title: Re: كتر خيرك يا طارق ابوعبيدة
Author: خدر
Date: 12-22-2009, 05:44 PM
Parent: #21
فيصل عباس
والله ناس فرجينيا ناس اصيلين لكن الجوز ده ( التاج + ابراهيم) بتاعين إشاعات
اللهم اكفني شر اصدقائي , اما اعدئي فبتصرف معاهم 
سيفو .. مشتاقين يا فنان
العود ده العود القديم الاتحجز في لندن (خايف اقول ليك شالو نو يشاكلني , اصلا هو متهمني)
العود الجديد صاحبك تاج السر من شدة حسادتو ابي يصورو
و شكلو كده قالعو مني قالعو .. الله يستر
فيصل يا فنان سلامات و شوق
تصدق القصيدة دي انا برضو محتفظ بيها في امستردام
رقية وراقة فنانة لكنها بخيلة ما بتنشر كتير ( الوش الغامز ما لاقيهو يا رقية !!)
التحيات الزاكيات يا اصحاب
|
Post: #23
Title: Re: كتر خيرك يا طارق ابوعبيدة
Author: خدر
Date: 12-22-2009, 05:53 PM
Parent: #22
بلاهي شوية جليد زي ده تجرسكم يا تاج ؟
|
Post: #24
Title: Re: كتر خيرك يا طارق ابوعبيدة
Author: خدر
Date: 12-22-2009, 06:07 PM
Parent: #23
تقول لي جاركم يا تاج
|
Post: #25
Title: Re: كتر خيرك يا طارق ابوعبيدة
Author: Kostawi
Date: 12-22-2009, 06:07 PM
Parent: #23
Maryland
Khurda, 20720
|
Post: #26
Title: Re: كتر خيرك يا طارق ابوعبيدة
Author: Tagelsir Elmelik
Date: 12-22-2009, 06:41 PM
Parent: #25
| Quote: بلاهي شوية جليد زي ده تجرسكم يا تاج ؟ |
أها ياااا ( وليم تيل)
فيصل عباس الصديق وقت الضيق
Quote: وسؤال براني كدا (اسع انتو بتكسروا التلج كيف مع حالكم دي ؟؟ تكسر تلجة واحدة تقوم ليك بدلها 44 تلجايه لمن تلحقن تكون انت زاتك
بقيت تلجايه ماااااااااااااكنه .... |
انا تلجة ماكنة من الليلة ولا من امبارح
خليها في سرك ما يطلعو عليها الأعداء
بعدين تاني يا طارق ابوعبيدة
الواقف في الصورة هناااااااك
و هو يتهيا لخوض المعركة؟؟
اوعى يكون الرجل الحديقة؟؟؟
| Quote: ...سمعت بالتلج الاسود....؟؟؟؟ |
يا صلاح ده ما الكسر ركبنا زاتو
Quote: ياخي ده جو , الاطفال بلعبوا فيهو في اوربا
انتو يجرسكم كده لمن تشيلو حسي !؟ |
الله بسألك يا طارق ابوعبيدة يوم الحشر العظيم
في ( سنومان) بعملوهو في بلكونة في الطابق العشرمية؟؟؟
عليك الله رئيس هولندا زاتو سمع بى دي؟؟
ليخو ليخو ياخ ( أنا طبعا ما عارف دي معناها شنو
لكن كل ما اكون في التلفون مع طارق القاهو شابك الشفع ليخو ليخو
انشا الله ما يكون بسب في الدين)
| Quote: يكون بقي علينا التلج وغناء ابراهيم |
عفارم عليك يا عبد العزيز النجيض
ابراهيم على ابراهيم اللحو
| Quote: "أمس جَهْجَهتْنا شوية تلج في لندن" |
اظنك مرقت على البيكاديلي سيركس يا سيف
بركة الما لاقاك البراون شوقا
اخي الدكتور صلاح البشير
| Quote: كتر خيركم كلكم وهاك عديتنا للعام الجديد |
الهدية مقبولة
و تسلم ياخي على تكرمك بمنحي المكوكية
و سعيد بصداقتك
فيصل صالح
Quote:
يا تاج السر
انااحب كتابتك، لكني لا ارضى في طارق
لفك الاشتباك هاك مناحة رقية وراق البديعة كهدية وفتح خشم بيناتنا |
زولك ده امبارح جانا هنا ( يترقط) و لابس بطانية
لحقناهو بى فول وفلافل و سلمناهو للبطل عبد العزيز حسن
وصلو البيت ، اوباما طوالي ادى عبد العزيز حسن وسام النيلين.
Quote: عرفتو كيف ياحريف !!
ام جاك نبأ الشوربه
ذات البوخ اللاوي .. |
اولا شفناك في ( فوكس نيوز) متهضب على جهات ( فان دورن)
حتى هم قالو ( شوهد) illegal allien
أما أمر الشوربة فقد اتى به طائر الهدهد
و قالو وقعت تخخخخخخخ تشخر
انعل ابو الدكاى
|
Post: #27
Title: Re: كتر خيرك يا طارق ابوعبيدة
Author: Amin Mahmoud Zorba
Date: 12-22-2009, 06:43 PM
Parent: #25
يا خدر اريتا كراعك كراع السرور
ياريت لو جيتنا هنا
انحنا الساعة خمسة صباحاً ودرجة الحرارة فوق الخمسين
نارمولعة
والغابات كلها اتحرقت الليلة محرمين على الناس تولع سجارة في الشارع
|
Post: #28
Title: Re: كتر خيرك يا طارق ابوعبيدة
Author: Tagelsir Elmelik
Date: 12-22-2009, 06:47 PM
Parent: #27
Quote:
انحنا الساعة خمسة صباحاً ودرجة الحرارة فوق الخمسين
نارمولعة
والغابات كلها اتحرقت الليلة محرمين على الناس تولع سجارة في الشارع |
لا لا لا
كوجان في البلد كان كدي
على اليمين جانا في الصيف هنا
ولعنا السجائر من الهواء
لا ياهو كوجان في سيدني
|
Post: #29
Title: Re: كتر خيرك يا طارق ابوعبيدة
Author: Osman Musa
Date: 12-22-2009, 06:57 PM
Parent: #27
يا تاج السر
صاحبك ود العبيد فى بروكلن
كان لابس تب و ماشى الشغل .
سمع فى التلفزيون كلمة ال Temperatures قام قال :
التمبريتشر التقطع قلبك .
البلد يا التاج صبحت كشك ثلج . شايف عجلات سامى الملك وكرانات .
|
Post: #30
Title: Re: كتر خيرك يا طارق ابوعبيدة
Author: عمران حسن صالح
Date: 12-22-2009, 06:57 PM
Parent: #27
___
عامل حساب الحنجرة يا مان ...؟؟؟
الله يلمكم دايماً في الزين .
انت والسمحين المعاكـ
|
Post: #31
Title: Re: كتر خيرك يا طارق ابوعبيدة
Author: Tagelsir Elmelik
Date: 12-22-2009, 07:17 PM
Parent: #30
ده كلو كوم و فيضان جدة كوم
يا عثمان ما بركة القطعنا الأطلنطي؟؟
|
Post: #32
Title: Re: كتر خيرك يا طارق ابوعبيدة
Author: ابراهيم على ابراهيم المحامى
Date: 12-22-2009, 08:28 PM
Parent: #31
(((عفارم عليك يا عبد العزيز النجيض
ابراهيم على ابراهيم اللحو)))
لوووووووووووووووول
والله بعد التعب التعبتو دا ما في ضمان
وبعدين اذا الفنان اصيب بانفلونزا منو البغطي
دي مش بلان بي
عبد العزيز حسن طبعا كمنتج للحفلة دي اعصابو بايظة وشابك ليك خدر غطي راسك واتحجب وشنو ما بعرف....
|
Post: #33
Title: Re: كتر خيرك يا طارق ابوعبيدة
Author: ابراهيم على ابراهيم المحامى
Date: 12-22-2009, 08:36 PM
Parent: #32
يا تاج السر
والله يا اخوانا
عزومة الجعلي الصنديد
عثمان موسى عايزة ليها بوست لوحدها
الاكل الشهي الما خمج
والتحليات الفخفخينة
عزومة مرتبة وراقية
اظهر فيها كرمه وقدرته على الانس الجميل
وظهرت فيها نكهة ود مدني الحلوة
ولمسات زوجته الرائعة بنت المرحوم دكتور عوض محمد احمد
لهما منا كل التقدير والعرفان
* طبعا ما ننسى الهداياالما خمج لخدوري وعائلته
|
Post: #34
Title: Re: كتر خيرك يا طارق ابوعبيدة
Author: saif basheer
Date: 12-23-2009, 01:22 PM
Parent: #33
طارق والبرد
Quote: العود الجديد صاحبك تاج السر من شدة حسادتو ابي يصورو
و شكلو كده قالعو مني قالعو .. الله يستر |
عندما رأى الباشكاتب العود الذي أحضرته مؤخراً من القاهرة،
نصحني بتغيير الأوتار (طبعاً بعد ما "نقرش" شووووية).
وبالتالي، قم بتغيير الأوتار وحاول الدفاع عنه قدر مستطاعك.
|
Post: #35
Title: Re: كتر خيرك يا طارق ابوعبيدة
Author: أبو ساندرا
Date: 12-23-2009, 01:59 PM
Parent: #34
فيصل محمد صالح :
شكرآ على رائعة رقية الراقية ، مناحة الصقيع
التي أستعيدها كلما حاصرني صيف غائظ ولعين
اقرأها فإصطك للركبتين
|
Post: #36
Title: Re: كتر خيرك يا طارق ابوعبيدة
Author: Tagelsir Elmelik
Date: 12-23-2009, 03:16 PM
Parent: #35
مناحة الصقيع
|
Post: #37
Title: Re: كتر خيرك يا طارق ابوعبيدة
Author: Tagelsir Elmelik
Date: 12-23-2009, 03:40 PM
Parent: #36
|
Post: #38
Title: Re: كتر خيرك يا طارق ابوعبيدة
Author: Tagelsir Elmelik
Date: 12-23-2009, 05:33 PM
Parent: #37
|
Post: #39
Title: Re: كتر خيرك يا طارق ابوعبيدة
Author: khatab
Date: 12-23-2009, 05:56 PM
Parent: #38
الضل ده جبتو من وين أكان سعلوك
أبتبالغ مرات ..
.
الظلال والضو
بيلعبو
فى الطراوه
.
اما الفوق ليها بتاعة الغربان .. فكرتها عجيبه
عم يبحث هؤلاء .. سبحانه جلة حكمته
ذكرتنى سواحل الاحمر .. بس داك ملح
لكن اهو كلو ابيض واسود
.
شكراً تاج
ما تجيب لينا حاجه من الصيف
تدوب لينا التلج ده شويه ..
.
.
|
Post: #40
Title: Re: كتر خيرك يا طارق ابوعبيدة
Author: Tagelsir Elmelik
Date: 12-23-2009, 10:37 PM
Parent: #39
يا خطاب
تصدق و تامن بالله
الغربان بيشربو في موية التلج
بيدخلو المنقار في نص التلج و يمتصو الماء
يا ربي امبارح كانو؟؟؟؟
بعدين الصيفية البتدوب التلج عرفتها
September morning??? right??
الضل بى ضهر البيت
|
Post: #42
Title: Re: كتر خيرك يا طارق ابوعبيدة
Author: Osman Musa
Date: 12-23-2009, 11:39 PM
Parent: #37
يا تاج السر .
اهنا العرب عندهم حكاوى كتيره عن الغراب . فى السفر والفرح والترح .
والغراب :
ورد ذكر الغراب في القرأن بسورة المائدة
بسم الله الرحمن الرحيم
)وأتل عليهم نبأ أبني أدم بالحق إذ قربا قربانا
فتقبل من أحدهم ولم يتقبل من الأخر قال لأقتلنك قال أنما يتقبل الله من المتقين
لئن بسطت إلى يدك لتقتلني ماأنا بباسط يدي إليك لأقتلك إني أخاف الله رب العالمين
إني أريد أن تبوأ بإثمي وإثمك فتكون من أصحاب النار وذلك جزاؤا الظالمين
فطوعت له نفسه قتل أخيه فقتله فأصبح من الخاسرين
فبعث الله غرابا يبحث في الارض ليريه كيف يواري سوءة أخيه
قال ياويلتي أعجزت أن أكون مثل هذا الغراب فأوارى سوءة أخي فأصبح من النادمين(
دور الغراب في هذه القصة هو تعليم الانسان كيف يدفن موتاه فلماذا أختاره الله
سبحانه وتعالى من دون المخلوقات ليكون المعلم الأول للأنسان
أثبتت الدراسات العلمية أن الغراب هو أذكى الطيور وأمكرها على الاطلاق ,ويعلل
ذلك بأن الغراب يملك أكبر حجم لنصفي دماغ بالنسبة الى حجم الجسم في كل الطيور
المعروفة.
ومن بين المعلومات التي اثبتتها دراسات سلوك عالم الحيوان محاكم الغربان وفيها
تحاكم الجماعة أي فرد يخرج على نظامها حسب قوانين العدالة الفطرية التي وضعها
الله سبحانه وتعالى لها
ولكل جريمة عند جماعة الغربان عقوبتها الخاصة بها
جريمة أغتصاب طعام الفراخ الصغار:
العقوبة تقضي بأن تقوم جماعة من الغربان بنتف ريش الغراب المعتدي حتى يصبح عاجز عن الطيران كالفراخ الصغيرة قبل أكتمال نموها
جريمة أغتصاب العش أو هدمه:
تكتفي محكمة الغربان بإلزام المعتدي ببناء عش جديد لصاحب العش المعتدى عليه
جريمة الاعتداء على أنثى غراب أخر:
تقضي جماعة الغربان بقتل المعتدي ضربا بمناقيرها حتى الموت. وتنعقد المحكمة عادة في حقل من الحقول الزراعية أو في أرض واسعة,تتجمع فيه هيئة المحكمة في الوقت المحدد,ويجلب الغراب المتهم تحت حراسة مشددة, وتبدأ محاكمته فينكس رأسه,ويخفض جناحيه,ويمسك عن النعيق أعترافا بذنبه
فأذا صدر الحكم بالإعدام ,وثبت جماعة من الغربان على المذنب توسعه تمزيقا
بمناقيرها الحادة حتى يموت,وحينئذ يحمله أحد الغربان بمنقاره ليحفر له قبرا
يتواءم مع حجم جسده,يضع فيه جسد الغراب القتيل ثم يهيل عليه التراب أحتراما
لحرمة الموت
وهكذا تقيم الغربان العدل الإلهي في الارض أفضل مما يقيمه كثير من بني أدم
فسبحان الله سبحان الله سبحان الله
..
( بس غراب الاسنو ده غراب جديد كلو كلو )
|
Post: #41
Title: Re: كتر خيرك يا طارق ابوعبيدة
Author: Tagelsir Elmelik
Date: 12-23-2009, 11:10 PM
Parent: #33
Quote: يا تاج السر
والله يا اخوانا
عزومة الجعلي الصنديد
عثمان موسى عايزة ليها بوست لوحدها
الاكل الشهي الما خمج
والتحليات الفخفخينة
عزومة مرتبة وراقية
اظهر فيها كرمه وقدرته على الانس الجميل
وظهرت فيها نكهة ود مدني الحلوة
ولمسات زوجته الرائعة بنت المرحوم دكتور عوض محمد احمد
لهما منا كل التقدير والعرفان
* طبعا ما ننسى الهداياالما خمج لخدوري وعائلته |
ابراهيم يا اخوى
الكلام لمن يجي في محطة العزيز عثمان موسي و زوجته الفاضلة
البنفخر بأنها من بنات ود مدني
اللغة زاتا في زات عضما بتتضارى و بتقصر
الله يحفظهم و يغطيهم
|
Post: #43
Title: Re: كتر خيرك يا طارق ابوعبيدة
Author: عادل نجيلة
Date: 12-24-2009, 05:58 AM
Parent: #41
يا أبو التاج .. كيفكم .. جينا نعزيكم في جليدتكم و نحمدل السلامة لي طارق .. وبنقول لي طارق زي لبستك دي ما تلبسها في أريزونا نحن حايمين بالتي شيرت ..
أما درب عزيزنا خطاب سواهو للمطار الرموهو ليهو .. ودي مشتقة من(أرمي ليا مطار)..
وأبراهيم و طارق شعب واحد كمبيوتر واحد .. طبعآ في باصويردين مختلفين ..
أما كوستاوي فمقاطع من أهل أريزونا ..
أما في شأن المناحات فأذكر مناحة مصطفى مدثر في خصوص (صبايا أتوا) اللآئي لا يخفن البرد ولا يقرن على الثياب ..
ولكم ودي العميق و تحياتي
|
Post: #44
Title: Re: كتر خيرك يا طارق ابوعبيدة
Author: Tagelsir Elmelik
Date: 12-24-2009, 03:58 PM
Parent: #43
يا عادل نجيلة
طال عليك الدهر
Quote:
أما درب عزيزنا خطاب سواهو للمطار الرموهو ليهو .. ودي مشتقة من(أرمي ليا مطار).. |
يا خي انا كنت فاكرها جاية من قصيدة ( لافي في شارع مافي)
هنيئا لكم بالتي شيرت لكن لمن تجيكم شهور ستة و سبعة وتمانية
ما تجو بى جاى تعملو فيها دايرين تلعبو كورة
تحياتي لك و لشباب اريزونا المرابض
تاج السر الملك
|
Post: #45
Title: Re: كتر خيرك يا طارق ابوعبيدة
Author: Tagelsir Elmelik
Date: 12-27-2009, 06:55 PM
Parent: #44
الناير
اسهم اسهاما عظيما في أشاعة الدفء
An outstanding performer
|
Post: #46
Title: Re: كتر خيرك يا طارق ابوعبيدة
Author: Tagelsir Elmelik
Date: 12-27-2009, 07:01 PM
Parent: #45
Duet
|
Post: #47
Title: Re: كتر خيرك يا طارق ابوعبيدة
Author: soma
Date: 12-27-2009, 07:28 PM
Parent: #46
تاجو ازيك ياخ عبر سودانير اقصد سودانيز
كتر خير خدر الخدر ليكم الواطة وبقاها ليكم بيضاء خدرها دى جاية من الخير مش من الخدار
وطرقها ليكم كمان جاية من طارق
وعبدها ليك بالاسفلت الابيض
اها قصر معاكم
ده كلو من اسم خدر طارق ود ابو عبيده
انتو اصلو مافيكم حسنة
ان شاء الله تلجكم ده يفور وينقلب حراية خليجنا
عشان تشتهوا جية خدر ليكم تانى
عالم متجرسة شديد
مشاققة
خدر ازيك ياخ
انت مالك بتطفر كتير كده ؟
ما قلت جاى بى جاى تمشى بى هنااااااااك
ناس تاج السر ديل البلمو فيه بقلبوه بابانويل
امنياتى بسهرات جميلة ورائعه
واتفررجوا لينا معاكم
ودعتكم الله
تاج ما تنسا الحجوات بالله
انت اصلو الزول ما يعتمد عليك
بقيت تنسى اكتر من حبوبتى التاية
|
Post: #48
Title: Re: كتر خيرك يا طارق ابوعبيدة
Author: Adil Osman
Date: 12-27-2009, 07:31 PM
Parent: #46
وجعلنا من الثلج كل شئ ابيض حتى الضمير.
صور بديعة يا تاج ولا انقى.
طارق ابو عبيدة: دقنوسك اصله كده؟ ولا وقعت قام ورم؟
كل سنة والجميع طيبين.
|
Post: #50
Title: Re: كتر خيرك يا طارق ابوعبيدة
Author: Tagelsir Elmelik
Date: 12-27-2009, 08:14 PM
Parent: #46
|
Post: #51
Title: Re: كتر خيرك يا طارق ابوعبيدة
Author: عادل نجيلة
Date: 12-27-2009, 08:25 PM
Parent: #50
يا التاج ...
Make sure that you accept sender or friend's request!!.. tany
|
Post: #52
Title: Re: كتر خيرك يا طارق ابوعبيدة
Author: Tagelsir Elmelik
Date: 12-27-2009, 08:37 PM
Parent: #51
سلام يا سوما
و يا عادل عثمان
كل سنة و انت طيب
سؤالك يعكف طارق على اجابته
ملامح
الريكويست ده وين؟؟؟
|
Post: #53
Title: Re: كتر خيرك يا طارق ابوعبيدة
Author: بكرى ابوبكر
Date: 12-28-2009, 09:31 PM
Parent: #1
|
Post: #54
Title: Re: كتر خيرك يا طارق ابوعبيدة
Author: خدر
Date: 12-29-2009, 07:28 PM
Parent: #53
مسابقة البوست
 اعرف اسم المطرب صاحب الصورة ؟
|
Post: #55
Title: Re: كتر خيرك يا طارق ابوعبيدة
Author: Osman Musa
Date: 12-29-2009, 07:41 PM
Parent: #54
ده 2PAC
حق مدنى .. يا هو
|
Post: #56
Title: Re: كتر خيرك يا طارق ابوعبيدة
Author: smart_ana2001
Date: 12-30-2009, 00:19 AM
Parent: #55
سلامات يا خدر..ان شاء الله تكون رحلتك موفقه باذن الله.
لكن عندى ليك وصية ...سيبك من ناس الساحل الشرقى ديل....ح يقتلوك بالبرد و يقولوا ليك انت السبب.
تعال كلفورنيا....الجؤ مبااالغة...و دى الصور ....باركاتنا لسه خضرااااا و عرباتنا و الحمد لله ما بنحتاج (اشغال شاقه) عشان نعرفها اصلا وين.
________________________________________________
و يا كستاوى ......بطل حساده
|
Post: #57
Title: Re: كتر خيرك يا طارق ابوعبيدة
Author: Dania Elmaki
Date: 12-30-2009, 01:31 AM
Parent: #56
سمارت تغيب دهرا و تنطقي .....
وين يا بنت مشتاقين والله, بطلي حساده, طارق ده ما حنخليه يجيكم, حاقدين عليكم في جوكم الحلو ده, ما يبقوا علينا اثنين برد و عدم موضوع.
|
Post: #59
Title: Re: كتر خيرك يا طارق ابوعبيدة
Author: Dr. Salah Albashier
Date: 12-30-2009, 02:14 AM
Parent: #57
كتر ألف خيرك
|
Post: #58
Title: Re: كتر خيرك يا طارق ابوعبيدة
Author: Ammir Mohamed
Date: 12-30-2009, 02:13 AM
Parent: #54
تعرف التنية دي بتاعت محمود عبد العزيز قرقر
والله يا خدر ربنا ما أراد بس الواحد كان مبرمج يحضر حفلتك بتاعت الكريسماس دي لكن تقول شنو!! نص عمرنا ضاع وجينا فيرجينا بعد فوات الأوان!!
تحياتي والمزيد من الإبداع
يا تاج السر يلموا فيك كيف!!؟ أنا في فيرفاكس!
أمير
|
Post: #60
Title: Re: كتر خيرك يا طارق ابوعبيدة
Author: Tagelsir Elmelik
Date: 12-30-2009, 03:08 AM
Parent: #58
يا أمير
اخبت لى تلفون
7035333315
|
Post: #61
Title: Re: كتر خيرك يا طارق ابوعبيدة
Author: خدر
Date: 12-30-2009, 05:07 AM
Parent: #60
امير
انا الما محظوظ والله
عموما خيرها في غيرها و ياريت نتلاقي
تاج السر بلمك فيني
إسمارت سلامات
حا اجيكم يوم 2 يناير ( مونتري ) لو محظوظ الاقيكـ
و بلاهي حافظوا علي جوكم الحلو ده
لحدي ما اصلكم و نلحق معاكم باقي الصيف
|
Post: #62
Title: Re: كتر خيرك يا طارق ابوعبيدة
Author: الصادق خليفة
Date: 12-30-2009, 10:06 AM
Parent: #61
خدر يا اخي والله انت زول غننننننننناي وبث
الفي مرادك
|
Post: #63
Title: Re: كتر خيرك يا طارق ابوعبيدة
Author: خدر
Date: 01-14-2010, 01:49 PM
Parent: #62
حمدلله علي السلامة يا جانكوف
وصلت و لقيت الجليد سبقني هنا , ضحكت من المطار و قلت كويس انو جانكوف ما عارف
كان اتهمني بي عاصفة جليد إجتاحت اوربا قبل وصولي
اكمل نومي و ارجع ليك
|
Post: #64
Title: Re: كتر خيرك يا طارق ابوعبيدة
Author: Tagelsir Elmelik
Date: 01-14-2010, 03:15 PM
Parent: #63
و الله بعد سفرتك عقبتك جنس دفوية
بالله الشمس تقول واقفة ورا الباب
طيارتك قامت كده... تشك.. الشمس مرقت
هسة نحنا ماشين البيتش
سلامي للأسرة
و يا حليلكم بالكتير
|
|
