Post: #1
Title: تهانينا لعضو المنبر جمال الصادق .. جابوا ليهو بنية
Author: حسين يوسف احمد
Date: 01-15-2006, 11:22 AM
هـاهـو فارسـنا جمـال حسـين ، يمنحنـا شـيئا للتجـلي ،
وهـاهـي الأمـيرة هنـادي ، ترسـم فـي قلـوبنا الفـرح ، والسمـاء الجمـيلة تهبهمـا (طفـلة) جمـيلة ، تضـاف لأطفـال بلادي اليـوم ، و (للجكـس) غـدا ...
تهـانينا القلبيـة لعضـو المـنبر (جمال الصـادق) ولزوجـته العـزيـزة (هنـادي)
ألف مبروووك جيمـي وتتربى في عـزك ...
تنبيه :
السماية بعد اسبوع من اليوم ، وقد تم فتح باب التبرعات من أجل الخروف ، كل التبرعات ستكون بطرف العزيز نازر محمد الخليفة ...
|
Post: #2
Title: Re: تهانينا لعضو المنبر جمال الصادق .. جابوا ليهو بنية
Author: ghariba
Date: 01-15-2006, 11:27 AM
Parent: #1
الف مبروك لجمال وهنادي
ويجعلها الله من بنات السالم والسودان
ونتشرف بيها
والف الف مبروووووووووووووووووووووووووووووك
وعاوزين ندوق السماية
|
Post: #3
Title: Re: تهانينا لعضو المنبر جمال الصادق .. جابوا ليهو بنية
Author: حسين يوسف احمد
Date: 01-15-2006, 11:37 AM
Parent: #2
العـزيـز ، قـريبـة ...
التحـايـا والـود ، وكل عام وأنت بخيـر ...
نيابة عـن صـديقي جمأل ، وعزيزتي هنادي ، أشكـرك أجمل الشكـر ....
| Quote: وعاوزين ندوق السماية |
ومرحب بيك ، لو ما شالتك الخليلة ، تشيلك توتي ، ولو ما توتي ، اشيلك الراس ...
بس ما تنسى التبرعات (بطرف الأخ ناذر)...
مع تحياتي ...
|
Post: #4
Title: Re: تهانينا لعضو المنبر جمال الصادق .. جابوا ليهو بنية
Author: عبدالعظيم محمد أحمد
Date: 01-15-2006, 11:51 AM
Parent: #1
الف مبروك اخ جمال البنية الشقيقة
الصغيرة
الجميلة
وتهانينا للاخت هنادى
وشكرا الاخ حسين .. وفى انتظار زيارتك : الشوقنا ليها طـــــــــــال
|
Post: #5
Title: Re: تهانينا لعضو المنبر جمال الصادق .. جابوا ليهو بنية
Author: سفيان بشير نابرى
Date: 01-15-2006, 12:21 PM
Parent: #1
الصديق العزيز/
حسين يوسف...
تحية طيبة والف شكر لهذا الخبر الجميل
والاف التبريكات للاخ / جمال الصادق وللاخت هنادى
الف مبروك البنية والبنيات اجمل المخلوقات لو علمنا نحن ذلك.
الف مبروك
|
Post: #6
Title: Re: تهانينا لعضو المنبر جمال الصادق .. جابوا ليهو بنية
Author: حسين يوسف احمد
Date: 01-15-2006, 12:32 PM
Parent: #5
عزيزي رابع الذ زول (بعد بنت جمال)عبدالعظيم ،
وبالمناسبة انا قلت لي جمال سميها (سحر)!!!!
كل عام وأنت بخير ...
وقريبا سأزورك ...
صديقي العزيز سفيان ...
التحايا والشوق والحب ...
| Quote: الف مبروك البنية والبنيات اجمل المخلوقات لو علمنا نحن ذلك. |
صدقت يا صديقي البنيات أجمل ، وأروع ،وأعظم مخلوقات الله ...
لكن البقنع الديك شنو ؟؟
وعندنا مقولة أيام الجامعة مؤمنين بها تماما : (إنو الرجال جزم ، بس النسوان ما بقدرو يمشو حفيانات ...)
تهانينا للكل ...
|
Post: #7
Title: Re: تهانينا لعضو المنبر جمال الصادق .. جابوا ليهو بنية
Author: عمار عثمان بشير
Date: 01-16-2006, 02:55 AM
Parent: #1
حسين الجميل
الف مليون مبروك لجمال وهنادى ، كنت قد هاتفتهم امس بعد إستقبالى للخبر عبر رسالة موبايلية من ابو البنية جيمو. مبروك مجددا لجمال وهنادى وعقبال الباقين (إنت عارفهم مش؟) ، ربنايجعلها من بنات الوطن الصالحات المناضلات وكفايه أنها من صلب أصلد مناضل ومناضله، وياريتك يا حسين كنت دخلت الجو كنا فرحنا بولدك الى حيتزوج بنت جمال وهنادى ويا له من نسب.
التهانى موصوله لعمر شيخون وعموم أعمامها وخيلانها وانت أولهم يا وغد
سحر يا مفترى !!!!؟ ، دى لازم يختاروا أسم ما إتسمى قبل كده واذا فى تبرع المفروض يكون بالأسماء الجميلة والمعبرة ولا رأيك شنو يا سحس ؟
موقعك وين أنت هذه الأيام ؟ أرجو الإفادة للضرورة .
|
Post: #8
Title: Re: تهانينا لعضو المنبر جمال الصادق .. جابوا ليهو بنية
Author: خدر
Date: 01-16-2006, 03:02 AM
Parent: #7
جمال و هنادي الف مبروكـ
و تتربي في عزكم انشاء الله
لكن تعالو قولو لي
شنو قصة ولاده البنات الماشه في البلد اليومين ديل !!
انا جابو لي بت
4 من اصدقائي = 4 بنات
2 من صديقات زوجتي 2 بت
مشكلة كبيره يا جمال يا اخوي
البنات ديل ملابسهم بس بتشطب من الميزانيه 3 بنود
-سجاير
-قميص و بنطلون كل شهر
-تقلل امواس الحلاقة
شيل شيلتكـ بقيت للنص 
لكن برضو الف مبروكـ تاني لانو البنات جميلات
و سفيان اخوكـ ده عندو حكمة قالها لي
خلي يقولها ليكـ
مفيده جدا
|
Post: #9
Title: Re: تهانينا لعضو المنبر جمال الصادق .. جابوا ليهو بنية
Author: حمزاوي
Date: 01-16-2006, 03:05 AM
Parent: #1
الاخوة جمال وهنادي
الف الف مبروك
تتربى في عزكم
|
Post: #10
Title: Re: تهانينا لعضو المنبر جمال الصادق .. جابوا ليهو بنية
Author: gamal elsadig
Date: 01-17-2006, 04:11 AM
Parent: #1
العــــم و الخال ...و الشقيق سحس حبيب الكل
لك التهنئة ايضا فانت العم و الخال و الجد كمان
تسلم ياحسين ويسلم قلبك (المتسع) للجميع .....
وعقبالك .....
والتهاني الحارة للشقيق حيدر يوسف بمناسبة زواجه ...
|
Post: #11
Title: Re: تهانينا لعضو المنبر جمال الصادق .. جابوا ليهو بنية
Author: إسماعيل وراق
Date: 01-17-2006, 04:31 AM
Parent: #10
تهانينا القلبية
وليجعلها الله من بنات الوطن الصالحات
|
Post: #12
Title: Re: تهانينا لعضو المنبر جمال الصادق .. جابوا ليهو بنية
Author: gamal elsadig
Date: 01-17-2006, 04:36 AM
Parent: #10
الاخ / صلاح غريبة
شكرا كثير ......
وفي انتظارك للسماية .... وخصوصا انو خرفان السماية واردة
من الابيض ومربية( بامباز ) من (المعاصر) ...
|
Post: #13
Title: Re: تهانينا لعضو المنبر جمال الصادق .. جابوا ليهو بنية
Author: gamal elsadig
Date: 01-17-2006, 05:07 AM
Parent: #12
عبد العظيم .... ياعظمة
من القلب عقبالك .... و الزيارة قربت انشاء الله
وحتكون جماعية ...
|
Post: #14
Title: Re: تهانينا لعضو المنبر جمال الصادق .. جابوا ليهو بنية
Author: منتصر حسن محمد
Date: 01-17-2006, 05:27 AM
Parent: #13
السيد جمال الصادق
الف الف مبروكـ البنية
وتتربي في عزكم
وجعلها الله من بنات الوطن المباركات
شكرا سحس علي الخبر
والف مبروك زوج حيدر
منتصر
|
Post: #23
Title: Re: تهانينا لعضو المنبر جمال الصادق .. جابوا ليهو بنية
Author: gamal elsadig
Date: 01-18-2006, 02:44 AM
Parent: #14
الاشقاء الاماجد :
اسماعيل وراق
منتصر حسن
شكرا كثير ياشباب ....
منتصر تحياتنا للجميع في كسلا الوريفة ..
|
Post: #15
Title: Re: تهانينا لعضو المنبر جمال الصادق .. جابوا ليهو بنية
Author: gamal elsadig
Date: 01-17-2006, 05:34 AM
Parent: #13
الرائع / سفيان ....
لك التحية وانشاء الله عقبالك
وينك ياراجل ... من رحلة توتي لم نلتقي ...
|
Post: #16
Title: Re: تهانينا لعضو المنبر جمال الصادق .. جابوا ليهو بنية
Author: سفيان بشير نابرى
Date: 01-17-2006, 05:57 AM
Parent: #1
حسين يوسف
سلام يا صاحب
جمال (ابو البنية) مبروك البت ياخ وكل سنة انت ووالدتها بالف خير وهى بصحة وعافية
| Quote: وينك ياراجل ... من رحلة توتي لم نلتقي ... |
شقاوة بس يا صاحب مانعانا نتلاقى
لكن يوم الاربعاء حاول اظهر فى لقاء البورداب بتاع الحدايق ده لانو ح يكون لقاء عاصف
وانا ناوى (اخت ) الكورة واطة.
طارق ابو عبيدة (ابو لقاء)
كل سنة انت وام لقاء ولقاء بخير
ايوة صح قلتليك كده :-
Quote: تعرف يا طارق انا رأسى (الكعب ده) من زمان بفكر انو اى بيت تكون كبيرتو بت الاولاد بطلعو متربين سمح.
عشان كده اتمنيتا لينا بت واهو جاتنا لقاء. |
ولى هسى مقتنع بالكلام ده
وعايز تتاكد منو (كان انت كان جمال) شوفوا اولادكم (الزكور ) ح يطلعوا ناس سمحيين خلقه واخلاق .
وياجمال وخدر انا فعلاً فرحان بانكم جبتم بنات.
وكونو بخير
|
Post: #17
Title: Re: تهانينا لعضو المنبر جمال الصادق .. جابوا ليهو بنية
Author: ناذر محمد الخليفة
Date: 01-17-2006, 07:21 AM
Parent: #1
شكرا الاخ حسين لإيراد هذا الخبر المفرح ..
وإنشالله يا أخ جمال تتربى في عزك وألف مليون مبروك ..
| Quote: السماية بعد اسبوع من اليوم ، وقد تم فتح باب التبرعات من أجل الخروف ، كل التبرعات ستكون بطرف العزيز نازر محمد الخليفة ... |
بالله سلموني التبرعات نقدا يعني ما داير زول يجيب لي باقي الكرشة بتاعت خروف العيد ويقول لي دا تبرعي 
صنفرة :
رغم إنو زيارتي الجاية كان يفترض تكون بعد ما يسوو الكبري لكن الظاهر حا اعمل لي زيارة إستثنائية
|
Post: #18
Title: Re: تهانينا لعضو المنبر جمال الصادق .. جابوا ليهو بنية
Author: محسن عبدالقادر
Date: 01-17-2006, 07:59 AM
Parent: #17
اللهم اجعلها قرة عين لوالديها
واجعلها اللهم من الصالحات المستورات
وإن شاء الله تربى في عزكم أخي جمال
|
Post: #19
Title: Re: تهانينا لعضو المنبر جمال الصادق .. جابوا ليهو بنية
Author: حسين يوسف احمد
Date: 01-17-2006, 03:10 PM
Parent: #18
صديقي العزيز عمار ...
التحايا والشوق ...
عليك الله شفت الشفع ديل عملوها كيف ...
إتخيل معاي ، جمال بهرش في بتو لأنو لقاها خالطة !!! وهنادي تقول ليهو أوعك ، إنت نسيت أيام الجامعة والكنتر والسلم وبلوك 7 ، ولا أنادي ليك أعمامها وخالاتها !!!
والله زمن ...
| Quote: وياريتك يا حسين كنت دخلت الجو كنا فرحنا بولدك الى حيتزوج بنت جمال وهنادى ويا له من نسب.!! |
بالااي .. أنا أبقى نسيب جمال وهنادي ..!!
والله أولادنا إلا نجيب ليهم شركة أفراس عشان (الأبيض .. الربوة .. توتي .. الخليلة .. وبالعكس )...وفي رواية أخرى ( وبالجكس )
| Quote: سحر يا مفترى !!!!؟ ، دى لازم يختاروا أسم ما إتسمى قبل كده واذا فى تبرع المفروض يكون بالأسماء الجميلة والمعبرة ولا رأيك شنو يا سحس ؟ |
بربك وهل هنالك أجمل من هذا الاسم ( ومن معناه العميق ) !!! أنظر معي :
سحححح..ححح..حححر
أجل فليكن اسمها سحر .. وبالعدم كدا (إيناس) ههههههههههههه!!! 
| Quote: موقعك وين أنت هذه الأيام ؟ أرجو الإفادة للضرورة . |
اليومين ديل في الخرطوم .. وسأكون بها حتى نهاية الشهر .. أصلو جيت أشيل الباغة من ناس جمال وهنادي ...!!!
مع التحايا والود والأشواق ...
|
Post: #20
Title: Re: تهانينا لعضو المنبر جمال الصادق .. جابوا ليهو بنية
Author: حسين يوسف احمد
Date: 01-17-2006, 03:21 PM
Parent: #19
العزيز خدر
التحايا والود ...
أول شي مبرووووك البنية ....
| Quote: شنو قصة ولاده البنات الماشه في البلد اليومين ديل !! |
فالنحمد الله على ذلك ...
فالله لطيف بعباده ... ومن لطفه بنا أن يقلل نسبة الرجال في هذه الدنيا ...
فالرجال مصدر أساسي لكل شرور العالم ...
يوقدون النار ، فتقضي على الأخضر واليابس ...
وهؤلاء القوارير الرائعات يوقدن النار ، فنأكل ونشرب ...
من لطف الله بنا أن يهبنا بنات ...
وهل هنالك أجمل وأعظم منهن !!!
|
Post: #21
Title: Re: تهانينا لعضو المنبر جمال الصادق .. جابوا ليهو بنية
Author: حسين يوسف احمد
Date: 01-17-2006, 03:31 PM
Parent: #20
صديقي العزيز جمال ...
تهانينا من الابيض لي الخليلة ، مرورا بالربوة وتوتي ، وإنتهاءا بمدني الجميلة التي شهدت قصة ميلاد (سحر) ...
طبعا أنا سميتها سحر .. شئت أم أبيت !!!
وسميتها (سحر) لأني حسيت بيك (إرتحت) خااالص لمن إتولدت ... ولمن طلعت من بطن أمها ...
وبالمناسبة دي يا صديقي ، إنت بعد كدا مفترض تطلع من البيضة دي !!!
|
Post: #22
Title: Re: تهانينا لعضو المنبر جمال الصادق .. جابوا ليهو بنية
Author: حسين يوسف احمد
Date: 01-17-2006, 04:42 PM
Parent: #21
العـزيـز نـاذر ...
التحـايا والأشـواق ...
| Quote: بالله سلموني التبرعات نقدا يعني ما داير زول يجيب لي باقي الكرشة بتاعت خروف العيد ويقول لي دا تبرعي |
وأنا بدوري بمدك بوسائل المسـاعـدة :
دي لتبرعات الرجال ( ناس قريبة ، سفيان ، عمار ، عبدالعظيم ، خدر ،حمزاوي ، وراق ، منتصر ، والعم المغترب محسن ...الخ ) 
ودي لتبرعات النسوان ناس (...و...و.....الخ) 
ودا تبرعي أنا (مادي عيني) ، 
صنفرة الصنفرة :
| Quote: رغم إنو زيارتي الجاية كان يفترض تكون بعد ما يسوو الكبري لكن الظاهر حا اعمل لي زيارة إستثنائية |
أطمئنك .. السماية في الخليلة الفكي هاشم ... منها وشندي ...
|
Post: #32
Title: Re: تهانينا لعضو المنبر جمال الصادق .. جابوا ليهو بنية
Author: gamal elsadig
Date: 01-25-2006, 03:52 AM
Parent: #18
محسن عبد القادر :
لك الشكر اجزله
Quote: اللهم اجعلها قرة عين لوالديها
واجعلها اللهم من الصالحات المستورات
وإن شاء الله تربى في عزكم أخي جمال |
اللهم امين ...
|
Post: #31
Title: Re: تهانينا لعضو المنبر جمال الصادق .. جابوا ليهو بنية
Author: gamal elsadig
Date: 01-25-2006, 03:26 AM
Parent: #17
ناذر
تشكر كثير ياحبيب ....
ومازلت في انتظار الزيارة ... وماتخاف البحر نزل كثير
وممكن نوفر عوامة للطواري ...
|
Post: #24
Title: Re: تهانينا لعضو المنبر جمال الصادق .. جابوا ليهو بنية
Author: عمر ادريس محمد
Date: 01-18-2006, 03:10 AM
Parent: #1
ألف مبروك ياجمال
حمدا لله على السلامه
وخالص ألتهانى
بالمولوده
|
Post: #25
Title: Re: تهانينا لعضو المنبر جمال الصادق .. جابوا ليهو بنية
Author: حسين يوسف احمد
Date: 01-21-2006, 05:30 PM
Parent: #24
شباب سلام ...
نيابة عن صديقي العزيز جمال ...
يسعدني أن أخبركم بأن السماية يوم غد الأحد 22 يناير ...
مكان السماية ، الخليلة الفكي هاشم ، وليس توتي يا ناذر ..
والدعوة غداء ، أكرر غداء ،
وأحذر من المشوار ، الواحد يفطر ويتوكل على الله ، ويتحرك ، عشان ما يصل مواعيد العشاء ...
فيبقى (كشا .. مشا .. عزمو غدا جاء عشا)...
الدعوة موجهة للجميع بالرغم من أن حصيلة الدعم بطرف الأخ ناذر ، كانت صفر كبير ، أكبر من صفر الهلال الدولي ...
وبالمناسبة الاسم المختار هو : منتهى ، لتكون : منتهى الجمال ...
ملحوظة
توجد مواصلات بعد العض ...
|
Post: #26
Title: Re: تهانينا لعضو المنبر جمال الصادق .. جابوا ليهو بنية
Author: Tumadir
Date: 01-21-2006, 05:43 PM
Parent: #25
جمال الصادق
البنية مبروكة وتربى فى عزك وعز امها...
|
Post: #27
Title: Re: تهانينا لعضو المنبر جمال الصادق .. جابوا ليهو بنية
Author: أحمد الشايقي
Date: 01-22-2006, 02:48 AM
Parent: #1
جمال الصادق والاسرة الكريمة
ألاف التبريكات بقدوم الأمورة,
ونسأل المولى تعالى أن يجعلها من بنات المستقبل
عذرا لتأخر معرفتي بالحدث الكبير,
مخلصكم
أحمد الشايقي
|
Post: #28
Title: Re: تهانينا لعضو المنبر جمال الصادق .. جابوا ليهو بنية
Author: bayan
Date: 01-22-2006, 03:00 AM
Parent: #27
الف مبروووووووووووووك
تتربى في عزكم
ومن بنات الوطن الصالحات...
|
Post: #29
Title: Re: تهانينا لعضو المنبر جمال الصادق .. جابوا ليهو بنية
Author: حسين يوسف احمد
Date: 01-24-2006, 02:00 PM
Parent: #28
الأعــزاء جـدا ...
تمـاضــر ...
أحمـد الشــايقـي ...
بيـان ...
التحـايـا والتقـديـر ...
أبـو منتهـى كلفـني بأن أشـكـركم نيـابة عنـه ، وعـن حكـومـته ...
فهـو لا زال مشـغـول باستـقـبال الضـيـوف ، وبحـاجـات تـانـية كـدا ...
يشـكـركم جميـعا ، وإن كـان خـذلتـوه فـي السمـاية ...
المهـم بكـرة سيعـود انشـاء الله ...
مـع الـود والتقـديـر ...
|
Post: #30
Title: Re: تهانينا لعضو المنبر جمال الصادق .. جابوا ليهو بنية
Author: منتصر حسن محمد
Date: 01-24-2006, 02:35 PM
Parent: #29
جمال الصادق
إنشاء الله شايلة إسمها
وتتربي في عزكم
سحس
التحيات
إنت وين يارجل
فاقدنك بكثرة
السماية وإنتهت
تاني في شنو..؟
اوع تكون حارس حاجة تانية
ابقي مارق
ود زبيدة
|
|