Post: #1 Title: تعالوا نودع الإنقاذ مع هذا الفنااان بهذه الرقصة Author: فتحي البحيري Date: 09-27-2009, 02:48 PM
حزنت أيما حزن عندما أخبرني الذي أخبرني بأسماء مبدعين وكبار في بلادي يحملون في جيوبهم بطاقات انتماء لهذا الحزب الهلامي الظلامي العجيب المسمى مؤتمراً ... و وطنياً ... "كمان" ومصدر الحزن لم يكن ضني بأعضاء جدد لهذا الحزب ولا قلة ديمقراطية مني ولا ولا ولا ولكن لأن هؤلاء لا تشبه طباعهم ودواخلهم ... منعرجات السياسية ولا "روائحها" .. من حيث المبدأ ناهيك عن التواجد في هذا الحيز الضيق مع أرواح انتم أعلم بها مني والله أعلم بها منكم المهم ما علينا دايرين هنا ... نرقص اصلو الرئيس "المخلوع" من أمر القبض حتى الآن ... أخير مننا في شنو
وعشان نرقص شديد شديد في هذه الغنية دعونا نتخيل أنها بمناسبة اندحار الانقاذ حتى ولو جاء حزبها العجيب حاكما على أسنة رماح صناديق اقتراع قادمة فالدخول في اطار التعددية والسياسية والمحدودية الزمنية في الحكم في حد ذاتو خطوة ودعونا نحاول إعادة تفسير كلمات الأغنية بما يتناسب وهذه المناسبة
Post: #2 Title: Re: تعالوا نودع الإنقاذ مع هذا الفنااان بهذه الرقصة Author: سلمى الشيخ سلامة Date: 09-27-2009, 03:41 PM Parent: #1
العزيز فتحى كل سنة وانت طيب عارف الفنانين فى السودان مساكين عارف شنو يعنى مساكين ؟ وما خافى عليك اوضاعهم "المهينة " على مستوى اى حاجة "من طرف " وهم فاكرين انه الانتماء للحزب الحاكم بخلى الحزب "يراعى حرمانهم ويخشى عامل السن " لكن طبعا الحزب عنده اجندة هم ما بعرفوها لانهم فنانين ولانه ما كانت عند "معظمهم تجارب سياسية " اتمنى انهم ما يركنوا كتير للحركة دى لانه الفنان طائر حر لا يقبل التحليق باجنحة سوى ابداعه محبتى
Post: #3 Title: Re: تعالوا نودع الإنقاذ مع هذا الفنااان بهذه الرقصة Author: فتحي البحيري Date: 09-27-2009, 06:54 PM Parent: #2
Quote: العزيز فتحى كل سنة وانت طيب عارف الفنانين فى السودان مساكين عارف شنو يعنى مساكين ؟ وما خافى عليك اوضاعهم "المهينة " على مستوى اى حاجة "من طرف " وهم فاكرين انه الانتماء للحزب الحاكم بخلى الحزب "يراعى حرمانهم ويخشى عامل السن " لكن طبعا الحزب عنده اجندة هم ما بعرفوها لانهم فنانين ولانه ما كانت عند "معظمهم تجارب سياسية " اتمنى انهم ما يركنوا كتير للحركة دى لانه الفنان طائر حر لا يقبل التحليق باجنحة سوى ابداعه محبتى
الغالية سلمى من حسن طوالع هذا البوست ان تكوني أول الداخلين اعرف ذلك علم اليقين وعينه وكان هذا هدفي الرئيس من البوست وأتمنى معك أن تصل الرسالة إليهم نحن نقدر فنهم وغبداعهم حتى النخاع نحن نحيا معهم أحوالهم هذه شعورا ومشاركة نحن نخشى عليهم مغبة الكون في هذا الوعاء اليضيق بهم وببراحات أرواحهم
لك الود يا سلمى عميقا والثناء الكثير
Post: #4 Title: Re: تعالوا نودع الإنقاذ مع هذا الفنااان بهذه الرقصة Author: فتحي البحيري Date: 09-27-2009, 07:41 PM Parent: #3
الايقاع دا اسمو شنو ؟؟؟
غايتو بكون كتل ليهو كم زول كدا
ــــــــــــــــ
وربما يأتي زمن نحكي فيه الكثير من مفارقات علل وضع بعض المواطنين في جيوبهم .. بطاقات ذلك الحزب السحري الذي كان