Post: #1
Title: هل في طريقة لمتابعة مؤتمر جوبا مباشرة عبر الإنترنت؟
Author: AnwarKing
Date: 09-27-2009, 01:20 PM
هل في طريقة لمتابعة مؤتمر جوبا مباشرة عبر الإنترنت؟
|
Post: #2
Title: Re: هل في طريقة لمتابعة مؤتمر جوبا مباشرة عبر الإنترنت؟
Author: abdalla osman
Date: 09-27-2009, 01:33 PM
Parent: #1
عيدك سعيد يا انور وكل سنة وانت طيب ..
من قبيل ببحت في القنوات ما لاقي خبر.
|
Post: #3
Title: Re: هل في طريقة لمتابعة مؤتمر جوبا مباشرة عبر الإنترنت؟
Author: محمد عادل
Date: 09-27-2009, 01:41 PM
Parent: #2
على تلفزيون جنوب السودان
|
Post: #4
Title: Re: هل في طريقة لمتابعة مؤتمر جوبا مباشرة عبر الإنترنت؟
Author: AnwarKing
Date: 09-27-2009, 02:02 PM
Parent: #3
ما مبارك الفاضل براهو...كل المؤتمر بالله
|
Post: #7
Title: Re: هل في طريقة لمتابعة مؤتمر جوبا مباشرة عبر الإنترنت؟
Author: haroon diyab
Date: 09-27-2009, 02:14 PM
Parent: #4
يابو اقبال
عيدك سعيد
تردد القناة
الترداد 12207 3/4 عمودي 27500
|
Post: #8
Title: Re: هل في طريقة لمتابعة مؤتمر جوبا مباشرة عبر الإنترنت؟
Author: AnwarKing
Date: 09-27-2009, 05:19 PM
Parent: #7
الحبيب هارون...
ياخي أنحنا في بلدا طيرة عجم... ناس تردد ورأسي وأفقي ده ما معانا...
بعدين ياخي حد يلقى الإنترنت ورخصتها وسعة إنتشارها، يقعد يسويها لي تلفزيونات؟
تسلم يا حبيب على المعلومة...وأتمنى أن يتطوع زول وينقلوا لينا على اليوتيوب ولا اي حاجة تانية
أنور
|
Post: #5
Title: Re: هل في طريقة لمتابعة مؤتمر جوبا مباشرة عبر الإنترنت؟
Author: AnwarKing
Date: 09-27-2009, 02:05 PM
Parent: #2
الحبيب عبد الله عثمان،
تحياتي وكل عام وأنتم بخير...
ياخي الزول بيحس أنو السياسيين في بلدنا ديل عايشين في كوكب آخر...
اذا كانت حفلات أعياد الميلاد الآن الناس بتنظمها عبر الإنترنت، فما في أي عذر يخلي زي مؤتمر جوبا ده ما موجود في الإنترنت،
إلا القصور في التنظيم أو الرؤية، وكلاهما أحرّ من التاني...
لا يمكن أن يهتف الجميع عبر الإنترنت بتفنيد المشاكل والقضايا وكشف الفساد، ثم يأتوا ليتجاهلوها إيمّا تجاهل في مثل هذا المؤتمر!!!
يقيني أن هذا خطأ فادح قد يفتح الباب للصيد في المياه العكرة، خصوصاً وأن القط لا يشاركهم الآن!
تحياتي
أنور
|
Post: #6
Title: Re: هل في طريقة لمتابعة مؤتمر جوبا مباشرة عبر الإنترنت؟
Author: AnwarKing
Date: 09-27-2009, 02:09 PM
Parent: #5
Quote: يقيني أن هذا خطأ فادح قد يفتح الباب للصيد في المياه العكرة، خصوصاً وأن القط لا يشاركهم الآن!
|
مزيد من الشرح للفقرة أعلاه...
تخيلوا أن صحفي جبهجي متدرب ، حديث التخرج، يعمل في أم سي أس بالواسطة والولاء... قام الآن في هذه اللحظة
بإطلاق إشاعة مفادها أن سيلفاكير الى رحمة الله!
حا تضطر الحركة والأحزاب الهناك وكل البلد قيام قعود جلوس لنفي هذه الشائعة وسيكلفهم ذلك مليارات الجنيهات السودانية، أو الدولارات، أيهما يرسى
عليه العطاء في الأول!!!
تخيلوا لو قام أحدهم بتصريف كلمة قيلت هنا أو هناك...أو قام متطوعاً بشرح أو تفسير لكلمة قيلت أو غرض أو أي شئ آخر...
عليه فأن النقل المباشر سيغلق الباب أمام إجتهادات المصرين على الكذب والفشل في آن واحد...
المهم...
|
Post: #9
Title: Re: هل في طريقة لمتابعة مؤتمر جوبا مباشرة عبر الإنترنت؟
Author: humida
Date: 09-27-2009, 05:36 PM
Parent: #6
منو البنقلها علي الانترنت يا انور ..
اذا انا و انت و فلان و علان كلنا بره البلد ..
عليك الله ما كفاية انه لقوا ناس تجتمع .. !!
|
Post: #10
Title: Re: هل في طريقة لمتابعة مؤتمر جوبا مباشرة عبر الإنترنت؟
Author: AnwarKing
Date: 09-27-2009, 05:57 PM
Parent: #9
خلاس ما ترجع تباصيها لينا يا حميدة، أصلك زول خير والله
___
بصراحة يا حميدة أنا بمسع بأرقام خيالية بتدفع في مشاريع ال IT في بلدنا، ولا نرى طحيناً على الإنترنت...
والكلام ده بالمناسبة داير ليهو متابعة دقيقة وإحصائيات، لأنو ناس ولد الوزير فلان، وولد أخو الرئيس علان والوزير فرتكان، ديل عملو قروش
خلو بيل قيتس نفسو يتلفت...ولا نرى طحيناً...
في ناس فاهمين وعلماء عديل في السودان، لكن ما أظنهم بيختوا يدهم في مكان السمن المدفق داك!
تحياتي
|
Post: #11
Title: Re: هل في طريقة لمتابعة مؤتمر جوبا مباشرة عبر الإنترنت؟
Author: حسن الطيب يس
Date: 09-27-2009, 06:13 PM
Parent: #10
و الله خسارة مؤتمر مهم ذي ده الناس ما تلقي طريقة تتابع جلساته
لك الله يا وطن
|
Post: #12
Title: Re: هل في طريقة لمتابعة مؤتمر جوبا مباشرة عبر الإنترنت؟
Author: احمد محمد بشير
Date: 09-27-2009, 06:19 PM
Parent: #11
دي رحلة سياحية يا أخوي بيقوموا بيها الجماعة بتاعين الاحزاب ديل في مناظر الجنوب الخلابة بعض فصل الخريف الماطر...وبعدين ناس الاحزاب ديل قبل كده قالوا حينزلو الشارع و يقلبوا الحكومة لو ما حصلت انتخابات اللي وعدوهم بيها ناس الانقاذ... لكن ولا عملوا حاجة ... ولا نزلوا الشارع زي ما وعدونا.... وغشوهم وقالوا ليهم لي شهر اربعة الجاي ولوكوا الصبر..
البلد ما فيها سياسية ولا فيها سياسيين ولا حاجة... عشان كده اللمة بتاعتهم دي ولا مؤتمر ولا حاجة.. وما بتستاهل ينقلوها بالنت.
الكيبورد العاصي دا جنني... عدلت الحروف.
|
Post: #13
Title: Re: هل في طريقة لمتابعة مؤتمر جوبا مباشرة عبر الإنترنت؟
Author: احمد محمد بشير
Date: 09-27-2009, 06:57 PM
Parent: #12
ماأكون راكب غلط يا جماعة بي تعليقي الفوق دا.... علي العموم انا بقصد الاجتماع بتاع الاحزاب السودانية في مدينة جوبا... ومن المعروف ان الاحزاب الفارغة و المقدوده كلها قررت الاجتماع في جوبا ما عدا المؤتمر اللاوطني.. حسب ما سمعنا في الاخبار اليوم..
|
Post: #14
Title: Re: هل في طريقة لمتابعة مؤتمر جوبا مباشرة عبر الإنترنت؟
Author: AnwarKing
Date: 09-27-2009, 07:01 PM
Parent: #13
لا راكب صح يا أحمد يا حبيب...
بس أتوهط وخد راحتك للآخر...وأوافقك أن هناك هدوء ما قبل العاصفة!
|
Post: #15
Title: Re: هل في طريقة لمتابعة مؤتمر جوبا مباشرة عبر الإنترنت؟
Author: صديق الموج
Date: 09-27-2009, 07:13 PM
Parent: #14
والله يا انور انا بفتش من الصباح مالقيت طريقه تلفزيون الانقاذ جاب الخبر مقتضب
عشان يقول حاضرنو 23 حزب فقط وكل احزاب حكومة الوحده الوطنيه مقاطعين
تقول الحركه ما من احزاب حكومة الكضب القومية،اتصلت بزول فى جوبا،اها بعد الخط
شبك وحاتك شبكتو الو الو الو لى دربى ودربك ده،،،
|
Post: #16
Title: Re: هل في طريقة لمتابعة مؤتمر جوبا مباشرة عبر الإنترنت؟
Author: محمد حسن العمدة
Date: 09-27-2009, 07:36 PM
Parent: #14
| Quote: بعدين ياخي حد يلقى الإنترنت ورخصتها وسعة إنتشارها، يقعد يسويها لي تلفزيونات؟ |
انتو التلفزيونات عندكم بالقروش ولا ايه ؟؟
مؤتمر جوبا مؤتمر في غاية الاهمية ولقد طالبت مرارا بان تاخذ المعارضة بزمام المبادرة وبلغت الى درجة اقتراح ان تقوم المعارضة بتكوين حكومة موازية عاصمتها جوبا ولكن الحمد لله ان تاتي متاخرا افضل من ان لاتاتي .. فقد بدات المعارضة في اتخاز الخطوات الصحيحة واكبر دليل على ذلك الهجمة الشرسة التي ينظمها اعلام النظام عبر التلفزيون ( القومي ) ...
على المعارضة ان تسحب البساط من يد النظام عبر انعقاد مؤتمرات مماثلة امتداد لمؤتمر اسمرا للقضايا المصيرية وان تقدم مشروع متكامل للشعب السوداني ترسم فيه خطط الخروج من الازمات التي تتولد يوما بعد يوم ...
كذلك على المعارضة الا تنسى البعد الخارجي الذي تركته منذ عودة قيادات حزب الامة من الخارج ومات بعد نيفاشا .. عليها ان تفعل العمل الدبلوماسي الدولي وحشد المنظمات الحقوقية والديمقراطية في العالم من اجل محاصرة النظام خارجيا ..
على المعارضة ان تفعل من ادوات النزال السلمية والشعبية ونبذ العنف وحلحلة مشاكل احزابها الداخلية بالالتزام بالمبادي والاسس الديمقراطية واحترام دساتيرها
|
Post: #17
Title: Re: هل في طريقة لمتابعة مؤتمر جوبا مباشرة عبر الإنترنت؟
Author: سالم أحمد سالم
Date: 09-27-2009, 07:51 PM
Parent: #16
بعربي جويا كده .. سمعت تلفزيون الحكومة في أول أيام العيد
يقول نصا أن "السيد الصادق الصديق المهدي مستشار رئيس الجمهورية" قد أم المصلين
في صلاة العيد .. وجابوا مشهد الصادق في زفة خيل .. !
أي مؤتمر ..وأي جوبا يا أستاذ أنور أبو السمحه؟
إلا تكون جوبا بتاعت أحمد الجابري عليه رحمة الله
كانت أفضل ..!
|
Post: #18
Title: Re: هل في طريقة لمتابعة مؤتمر جوبا مباشرة عبر الإنترنت؟
Author: محمد حسن العمدة
Date: 09-27-2009, 08:46 PM
Parent: #17
Quote: بعربي جويا كده .. سمعت تلفزيون الحكومة في أول أيام العيد
يقول نصا أن "السيد الصادق الصديق المهدي مستشار رئيس الجمهورية" قد أم المصلين
في صلاة العيد .. وجابوا مشهد الصادق في زفة خيل .. !
أي مؤتمر ..وأي جوبا يا أستاذ أنور أبو السمحه؟
إلا تكون جوبا بتاعت أحمد الجابري عليه رحمة الله
كانت أفضل ..! |
ما قال ليك التلفزيون دا ياتو صلاة وياتو مصلين ؟؟
الشيخ الضلالي ام صلاة عمر البشير ودي النقلا تلفزيون عمر البشير
الزول لو كضب اضانو بياكلا الدود ما سمعت النضم دا قبل كدا ؟؟
|
Post: #19
Title: Re: هل في طريقة لمتابعة مؤتمر جوبا مباشرة عبر الإنترنت؟
Author: AnwarKing
Date: 09-27-2009, 09:04 PM
Parent: #16
Quote: على المعارضة ان تسحب البساط من يد النظام عبر انعقاد مؤتمرات مماثلة امتداد لمؤتمر اسمرا للقضايا المصيرية وان تقدم مشروع متكامل للشعب السوداني ترسم فيه خطط الخروج من الازمات التي تتولد يوما بعد يوم ...
كذلك على المعارضةالا تنسى البعد الخارجي الذي تركته منذ عودة قيادات حزب الامة من الخارج ومات بعد نيفاشا .. عليها ان تفعل العمل الدبلوماسي الدولي وحشد المنظمات الحقوقية والديمقراطية في العالم من اجل محاصرة النظام خارجيا ..
على المعارضة ان تفعل من ادوات النزال السلمية والشعبية ونبذ العنف وحلحلة مشاكل احزابها الداخلية بالالتزام بالمبادي والاسس الديمقراطية واحترام دساتيرها |
أنتا يا ود العمدة قايلنا مؤتمر وطني ولا شنو؟
بدل ما نتكلم كلام عايم، ممكن نحدد فيل معين ونطعن فيهو بدل الضل ده...
مافي زول داير يتحمل مسئوليتو التاريخية ويعمل ليهو موقع إنترنت محترم يوضح ويعكس كل ما يحصل هناك!
المهم...
|
Post: #20
Title: Re: هل في طريقة لمتابعة مؤتمر جوبا مباشرة عبر الإنترنت؟
Author: AnwarKing
Date: 09-27-2009, 09:06 PM
Parent: #19
الأحباء جميع المشاركين...أشكركم جزيل الشكر بلا إستثناء على إتحاف البوست وإثراءه
|
Post: #22
Title: Re: هل في طريقة لمتابعة مؤتمر جوبا مباشرة عبر الإنترنت؟
Author: محمد حسن العمدة
Date: 09-28-2009, 09:46 AM
Parent: #21
| Quote: بدل ما نتكلم كلام عايم، ممكن نحدد فيل معين ونطعن فيهو بدل الضل ده... |
انور يا خوي اليومين دي نحنا الما بعرف يعوم لازم يتعلم العوم عشان يمكن باوقتنا تغرق وكدا .. خاصة في ظل غياب المعارضة وابتعادها عن هموم الغبش امثالنا ...
حسع تقدر تحدد لي انت منو المعارضة ؟؟ بلدنا دي يا انور بلد غريبة والبحصل فيها جنن حتى المجنونين على قول الصديق الرفيق خالد صياح ايام الزمن الجميل بناسو ....
|
Post: #23
Title: Re: هل في طريقة لمتابعة مؤتمر جوبا مباشرة عبر الإنترنت؟
Author: د.فاروق ابوكساوي
Date: 09-28-2009, 10:00 AM
Parent: #22
والاهم من ذلك كله ان يلتزم حزب الامة بمقررات هذا المؤتمر
مع تحياتي لود العمدة
|
|