Post: #1
Title: اين الأستاذة/سارة عيسى؟؟
Author: هشام مدنى
Date: 09-25-2009, 08:12 AM
غياب من زمن!!
تحياتي لك اينما كنت
|
Post: #2
Title: Re: اين الأستاذة/سارة عيسى؟؟
Author: هشام مدنى
Date: 09-25-2009, 11:04 AM
Parent: #1
كاتبة محترفة بالجد
تحياتي
|
Post: #3
Title: Re: اين الأستاذة/سارة عيسى؟؟
Author: فتحي البحيري
Date: 09-25-2009, 11:12 AM
Parent: #2
لك التحية والتجلة والشوق والعرفان والامتنان يا استاذنا هشام مدني
وانت ذاتك ليك وحشة شديدة والله
سارة عيسى ، كما علمت موخرا ، موقوفة من الكتابة هنا
ولا ادري ماهو السبب بالضبط
وهي تكتب في الموقع الشقيق سودانايل بانتظام
لك الود والمحبة ولاسرتك الكريمة وكل من بطرفك
وكلعام وانتم بخير
|
Post: #4
Title: Re: اين الأستاذة/سارة عيسى؟؟
Author: Dalal Ezzaldin
Date: 09-25-2009, 05:09 PM
Parent: #3
| Quote: اين الأستاذة/سارة عيسى؟؟ |
والاستاذ/ محمد حامد جمعه
كل سنه وانت طيب 
|
Post: #5
Title: Re: اين الأستاذة/سارة عيسى؟؟
Author: SAIF MUstafa
Date: 09-25-2009, 08:55 PM
Parent: #4
الأخ هشام
سلامات
ما أظن فى زول فعلى أسمو سارة عيسى...
بس فى حاجة أسمها التخفى وراء أسماء النساء لتمرير دعاوى العنصرية وسب الآخرين تحت ستار دعاوى معارضة ألأنقاذ ...وثبت بالتجربة أمكانية خداع الشرفاء بهذه الفرية رغم عدم أخلاقيتها و ما يشوبها من أسقاطات شخصية...
ودا بيدل على بؤس أدوات السياسة السودانية لافرق بين معارضة أو حكومة...
سارة عيسى دى زيها وزى كولا بوف ورودة مردة..
رغم تواضع أمكانياتها… مقارنة بالمدعوة كولا التى وصلت مرحلة بيع آلاف الكتب والتكربم الرسمى من الحركة الشعبية...و تغطية من صحف بحجم النيويورك تايمز.. نفس الصحيفة التى نصبت صيوان فضيحتها بعد أن أتضح أنها وهمة وصنيعة شخصيات مريضة..
دا بجيبنا لى سبب مداخلتى دى:
الزولة الأسمها دينا خالد قصتها شنو؟؟؟
هل هى واحدة من القائمة دى:
كولا بوف
رودة مردة
سارة عيسى
دكتورة حليمة بشير
...
هشام معليش ياخ أنو أجيب موضوع دينا دا هنا...
لكن شاعر بالغبن وأنو الزولة دى أستغلت حسن نيتنا...
كتبت دينا بوست سخيف أساءت فيهو لأمهاتنا وأخواتنا..
أحتجينا..
لم توضح أو تعتذر...
قلنا نحترم الناس الأتداخلو ومشينا...
للأسف أتضح أنو الزولة دى فى أحتمال يكون راجل؟؟؟
يعنى بكرى ... والزولة دى ممكن يكون غشونا...
وأعتبارات عفونا وتجاوزنا ما كان فى محلها..
حتى البوست اللعين داك لم يتم سحبه...
وامس بوست الموج البتساءل عن هويتها تم سحبه..
شفتا كيف؟؟
أنا قرفان من المكان دا ومصاب بالأحباط والألم..
لأنى لم أتشدد فى البوست داك أحتراما لبعض المتداخلين وأكراما لهم..
بالأضافة لفهمى أنو دينا دى بنت وهى نفسها تنتمى لمن أهانتهن..
يعنى نحنا كنا جادين و ناس بيلعبوا..
دا عدم أخلاق...
لكن..كلو شى عندو وكت
والنشوف آخرتا..
لكم الود
سيف
|
Post: #6
Title: Re: اين الأستاذة/سارة عيسى؟؟
Author: Elawad
Date: 09-25-2009, 09:45 PM
Parent: #5
لو واتت سارة الشجاعة و قالت أنا فلان و أنتمي للمؤتمر الشعبي ولي تاريخ فيه و هذه آرائي لاستحقت الاحترام أو على الأقل كان الواحد استطاع أن يقول لها ما في قلبه كما فعلنا مع إخوة آخرين... كنا صريحين معهم و قلنا لهم وجهة نظرنا فيهم و في حزبهم و في توبة شيخهم المزعومة. و لو اختارت سارة اسما مستعارا لما لامها أحد فكثيرون هنا يكتبون بأسماء مستعارة... المشكلة في الذين يريدون الكتابة بشخصيات مستعارة و يحاولون خداعنا.
سارة عيسى كما صارحها أخونا كبر شخصية مستعارة تملك بعض المعلومات بحكم الانتماء السابق للاتجاه الإسلامي بجامعة الخرطوم و تستغل هذه المعلومات لتمرر خلالها أكاذيب و أجندة عنصرية و مقالاتها مليئة جدا بالمعلومات المغلوطة.
الأخ هشام تحياتي و كل عام و أنت و أسرتك بخير.
|
Post: #7
Title: Re: اين الأستاذة/سارة عيسى؟؟
Author: فتحي البحيري
Date: 09-26-2009, 10:21 AM
Parent: #6
مسألة إنو الأستاذة سارة عيسى شخصية وهمية يتخفى وراءها رجل
كان منبعها ومتوزعها الأدوات الانقاذية المبثوثة هنا وفي أماكن أخرى .. بأجر أو بدونه
ومن الطبيعي أن يقولوا ذلك
طبيعتهم الأمنية من جهة
وقلة حيلتهم من جهة ثانية
وأقول
من حق سارة عيسى أن تتخفى ، رجلا كانت أو امرأة ، لأنهم وضيعون وإنسان رخيصون ولان المعركة ليست نزيهة بحال من الأحوال
ومن جهة أخرى
من حق الأدوات أن تقول ما تقول
|
Post: #11
Title: Re: اين الأستاذة/سارة عيسى؟؟
Author: هشام مدنى
Date: 09-27-2009, 10:03 AM
Parent: #6
لك الشكر والتقدير والاحترام
وكل عام وانت بخير وبركة
|
Post: #10
Title: Re: اين الأستاذة/سارة عيسى؟؟
Author: هشام مدنى
Date: 09-26-2009, 08:17 PM
Parent: #5
الأخ سيف...كل عام وانت بخير
حقيقة لا ارغب فى البحث عن الشخصية رجل او مراة مرة ثانية
انما ابحث عن الكتابات الذى نتابعها هنا اى كان الكاتب/ة
فى النهاية طريقة الكتابة ممتعه وفيها دائما كم هائل من المعلومات المؤكده...
اوقات كثيرة احس اننى اعرف جيدا كاتب/ة المقالات لدرجة بعيدة
لان الاسلوب فى مقارنة سابقة اجريتها بين مقالات كاتب محدد وبين كتاباتها
وصلت لى قناعة ان لا ابحث مرة اخري واكتفيت بالنتايج...
في النهاية قلم جدير بالبحث عنه.....
تحياتي وتقديري واحترامي لك
|
Post: #9
Title: Re: اين الأستاذة/سارة عيسى؟؟
Author: هشام مدنى
Date: 09-26-2009, 02:02 PM
Parent: #4
| Quote: والاستاذ/ محمد حامد جمعه |
ارجو المانع من مشاركته خير
تعجبنى طول باله وسعه صدره واحترامه للعامة
تحياتي وتقديري واحترامي لك وله
|
Post: #8
Title: Re: اين الأستاذة/سارة عيسى؟؟
Author: هشام مدنى
Date: 09-26-2009, 10:45 AM
Parent: #3
العزيز فتحى البحيري...كل عام واسرتك الكريمة بالف خير وبركة
والله موجود وفاتح شباك على هنا متابع لذلك تزكرت الأستاذة سارة عيسى
اول مرة اعرف انها موقوفه امر غريب!!
نسأل الأخ المهندس بكرى ابوبكر اسباب توقيفها؟؟؟؟؟
تحياتي وتقديري واحترامي لك
|
Post: #12
Title: Re: اين الأستاذة/سارة عيسى؟؟
Author: هشام مدنى
Date: 09-29-2009, 06:12 AM
Parent: #1
رجاء الى الأخ الكريم المهندس بكرى ابوبكر
تعيد كل الموقوفين
لك التحيه والتقدير والاحترام
|
|