لمصلحة من باعت حكومة الانقاذ حديقة الحيوانات ؟... لماذا ثم لماذا ؟

لماذا باعت حكومة الانقاذ حديقة الحيوانات ؟

اين تم نقل هذه الحيوانات ؟ ولاي دولة بيعت ؟

السبب :

انتابني حزن شديد وانا اشاهد برنامج (سلامات /داتانق ) وهو يعرض من ماليزيا حيوانات مختلفة فى منظر جميل ورائع ذكرنى حديقة الحيوانات بالخرطوم زمان .


سؤال ثانى : هل شاهد اطفالنا مثلها منذ جاءت الانقاذ على الطبيعة .


علما بان ناس الحكومة ياخذون اسرهم واطفالهم الي ماليزيا لمشاهدة الحيوانات هنالك ،اما اطفال المهمشين فسوف يترقبون مشاهدتها كل عيد .

كل عام واطفالي بلادي بخير 

up

اين هي حديقة الحيوان؟
واين نصب الجندي المجهول؟
واين الترام والسكة حديد؟
واين هي جامعة الخرطوم ؟
واين هي الخرطوم؟
بل اين هو السودان؟

- أين وكيف تم بيع أراضي حلة حمد ومن قبض الكوميشن؟؟؟
- أين ذهبت اموال بيع اراضي لدريم لاند ومن قبض الكوميشنات ؟؟
- أين واين ومن قبض المليارات كوميشنات ؟؟؟
كلها ذهبت لرفاهية محاسيب النظام وتعليم واجازات اولادهم بالخارج وشراكات في شركات مليارية لتضمن لهم مستقبلهم..

أه من تجار الدين والانتهازيين ممن انقضوا على الديمقارطية لتحقيق رفاهيتهم وأسرهم..
اللم رد حق عبيدك واريهم في انفسهم عاجلاً وآجلاً..

قالوا الحيوانات دي كلها ودوها القصر الجمهوري لكن ما عارف الكلام ده صح ولا كضب
غايتو في دبايب بتطلع من هناك
ومرات مرات في تماسيح بتطلع من المبنى المواجه لمسجد النيلين
وفي كلاب بتحوم بالليل بتطلع من بيوت الأشباح
والسحليات حايمة جنب دور خضراء الدمن الملت البلد
وفي قرود بتجي في التلفزيون مرات مرات
لكن ممكن تشوفها كلها سوا لما يقولوا في مسيرة مليونية
بس صعب تجمع تاني في قفص
والله أعلم


سمعتا برضو قالوا طيور الجنة ساكنها بالنبل
الزرافة جلدوها عشان ريشها قصير
والديك قالوا ارتد وحرم ما يصيح لصلاة الفجر
والقعوي عامل بارتي في وسط الخرطوم
والفيل حايم في الجنوب بفتش لي ضلو

غايتو العصافير المهاجرة ممكن تشوف صورها في بوست صور العيد

والقرنتية أكيد عارف قصتها الحزينة

Quote: لكن ممكن تشوفها كلها سوا لما يقولوا في مسيرة مليونية

وجع


بس لكن ظلمت الحيوانات

والمضحك المبكي فى برنامج تلفزيون السودان المنقول من ماليزيا

سلامات /داتانق

مشاهدة بعض اطفال الاسر السودانية فرحانين جدا وهم يشاهدون لاول مرة حيوانات على الطبيعة . ولسان حالهم يقول هل هنالك حيوانات فى السودان .

وكمان شايف احد العاملين فى الحديقة سودانى

، فهل هو من بقايا الصالح العام من عمال وموظفي ( حديقة الخرطوم ) ام ذهب الي هناك بتزكية مكتوب عليها ( يكفي رصيده من الايمان )

اللهم نسالك العفو يارب

واين نحن ؟

فوق

Quote: ام ذهب الي هناك بتزكية مكتوب عليها ( يكفي رصيده من الايمان )

هذا طبعاً حسب تعريف الإيمان الحالي ..
أما ما نعرفه عن الإيمان الحقيقي فهو أيضاً لا يكفي ما لم تتوفر فيه (علوم الدنيا) كما يسمونها ....

فوق من أجل فتح الملف السري لحديقة الحيوانات

up

!!!

Quote: اين تم نقل هذه الحيوانات ؟ ولاي دولة بيعت ؟

أسأل الشاعر الإنسان هاشم صديق وسيجاوب على كل تساؤلانك ..!!

وبالعدم إقرأ قصيدته (قرنتية) كما أشار لك أحد المتداخلين ..!

تحياتي ..!!

الاخ ياسر المك..

حكومتنا الرشيدة باعت حديقة الحيوان مقابل مديونية مالية للحكومة الليبية لتشيد مكانه برج الفاتح وتلغي بدورها وجود مرفق هام

كحديقة الحيوان يهتم بالحياة البرية في قلب العاصمة وتشرد ما تبقي من تروتنا الطبيعية في الغابات بسبب الحروب...

هذة هي العقلية البائسة التي دمرت ثرواتنا القومية ومواردنا الطبيعية وتريد أن تدمو المواطن السوداني كذلك.....

UP

Quote: لمصلحة من باعت حكومة الانقاذ حديقة الحيوانات ؟... لماذا ثم لماذا ؟

والله يا ود المك ماني عارف شن أقول؟؟؟

ياخ الجماعة ديل باعوا السودان بي شعبه تجي تقول لي حديقة حيوان؟؟؟؟

هاك قرنتية هاشم صديق///


هاشم صديق .. يرثى قرنتية النيل الابيض
شعر : هاشم صديق

قرنتية ..

لا دبابة برمائية .
لا جاسوسة مدسوسة .. لا غواصة روسية .

لا جندية في "حركة" .. لا مختلسة مال شركة .
لا قصفت حدود "فشَلا" .
لا كسرت صريف كسلا .
لا معروفة ختمية .

قرنتية ..
لا صعلوقة لبست "شورت" .
لا بتعرف شنو البظبورت .
لا محتاجة جنسية .
هي قايلة النيل سقِف بيتها ..
وقايلة ضِفافو "محمية" .
جات منسابة عز الصيف ..
قايلة الناس بِكِرمو الضيف ..
وقايلة النيل أمان والقيف ..
وقايلة "الحاضرة" عصرية .

قرنتية ..
جات بصغارها دايرة الخير .
لا شافت يٍفَط تحذير .
لا نزحت تكوس توزير .
لا جاطت حركة السير .
لا دارت وسام تقدير .
لا مستلفة عشرين وش .
ولابتعرف تعيش بالغش .
كان محتاجة بس للقش .
وجات أحلامها دوغرية .

قرنتية ..
لا بلعت عديل السوق .
لا نضمت بدون طايوق .
لا كنزت دهب أو ماس .
لا ظلمت بدون احساس .
لا عصرت شباب الناس .
لا كتمت على الانفاس .
لا قطعت عشم بي فاس .
لا داستنا زندية .

قرنتية ..
لا دست سلع في الخيش .
لا شربت مريسة عيش .
لا ضبطوها في التفتيش .
لا خانت قسم او ديش .
لا اجتمعت "بمستر جون" .
لا أكلت "مؤنة العون" .
لا سدّت علينا الكون .
لا سبت كتاب أو دين .
لا سامتنا حمرة عين .
ولا باعتنا ضهرية .

قرنتية ..
جات مشتاقة للخرطوم .
تزور أحبابها خايفة اللوم .
تصيح وتنادي بالحلقوم :-
"جنينة النزهة" وين يا زول .
"جنينة النزهة" وين يا زول .
………………………
لقت حال الجنينة خلا .
حليل زمنها وحليل أهلها .
لا قرنتية .. لا أصلة .
لا صوت ككّو .. لا بغلة .
لا حلوف .. لا أسداً مهاب بالخوف .
لا نمراً يشد للشوف .
لا ضل فيل .. لا تيتل جريهو جميل .
ولا غزلان .. ولا طاؤوس يباهي النيل .
لا زفة طيور ونعام .
لا نمراً دفر قِدّام .
كل الشُلّة ياقرنتية غمضة عين ..
أحالوهم لصالح عام .
تقول الدنيا "مهدية" .

قرنتية ..
جات زي ضيفة ما غارة .
لا محتاجة لي فيزا .. ولا تصديق على زيارة .
جات والشوق دموع حارة .
تجدد في العيون الشوف .
بين توتي وعلالي أبروف .
قايلة الدنيا لسة سلام ما خيم زمان الخوف .
لسة هناك ضفاف حرة .
ما مطمورة للمُرّة .
قايلة الناس بعزو الضيف .
ما بسوقوهو لي حفرة وجوار القيف .
ما بياكلوهو في الصفرة ومصيرو مخيف .
قايلة الحاضرة ما غابة .
وقايلة حقوقها محمية .

قرنتية ..
لا قدلت في شارع القصر .
لا حامت في وكت الحظر .
لا خشت على المأمور .
ولا نطت سلك أو سور .
لا دخلت على أمد رمان .
ولا كسرت قفل دكان .
لا دفرت على التلفاز ..
ولا عضّت كراع فنان .
لا ذاعت بيان للناس .
لا احتلت كمان "حيشان" .
ولا نصبت شبك للحشّ .
جات بصغراها كايسة القش .
تلاقي القوت صبح محظور .
وخير البقعة جوة السور .
سماحة الدنيا منسية .

قرنتية ..
لا بتعرف عجن أو لخ .
وجات احلامها دوغرية .
عجب … ساقوها جوة الفخ .
عجب … من طولها وقعت تخ .
عجب … سلخوها صبحية .
عجب … ونحنا بنسلخ الانسان ..
كيف ما نغدر الحيوان .
عجب … والدنيا عصرية ؟!

قرنتية ..
لا دبابة برمائية ..
لا جاسوسة مدسوسة ..
لا غواصة روسية ..
لا جندية في حركة ..
لا مختلسة مال شركة ..
ولا حزبية بعثية ..
قرنتية !!!


الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

فوق من اجل اطفال بلادي

من اجل اطفالنا الصغار


نطالب باقامة حدائق للحيوانات فى جميع ولايات السودان فورا .


جميع انواع الحيوانات موجودة فى السودان لا نحتاج الى استيرادها من الخارج .


واموال الدولة تصرف ببذخ فى المؤتمرات التي لا تثمن ولا تغنى من جوع .

وكان الله فى عون اطفال بالادي




ود المك

عيدكم مبارك ...
لا غرابة لمن باع الانسان والاوطان ان يبيع الحيوان .. لن ننساها و كذلك حديقة حيوان مدني أم بارونا التي تم بيعها لمستثمر .. أطفالهم يستمتعون بمشاهدة وتربية الحيوان في مزارعهم الفخمة على ضفاف النيل ، وهم يسكنون القصور ويتزوجون تارة ظاهر واخرى مخفي مثنى ورباع وسداس من الحور .. دينهم وعيقدتهم الحياة لهم وحدهم ، والموت والفقر والجهل والمرض والأمية لغيرهم ...
تحياتي
الشفيع إبراهيم

هـــذه هي قصة -مـــال الكرامة - وقرار نميري الذي لم ينفذ بشأنها..!
كانت لليبيا ديون على مـــايو أيام «شـــهر العسـل» فطالبت بها أيام «شهر البصل»
الحكومة « سددت دينها ونامت عينها» والسمســـار كـــــان نصيبه 4 ملايين دولار

البرج معلم حضاري نعم.. شامل وكامل نعم .. ولكن ستظل الحسرة على الجنينة قائمة
تشتت الحيوانات وتفرقت ثم اختفت ففقد الناس أعظم منتجع سياحي تاريخــــي ..![/B]

Quote: كانت حديقة الحيوانات بالخرطوم وحتى بيع أرضها إلى ليبيا معلماً بارزاً من معالم العاصمة حيث كان معظم الوافدين اليها من الاقاليم يبدءون فسحهم ونزهاتهم من حديقة الحيوانات التي كانت الارحب والأكبر والاشمل في كل افريقيا..!كذلك كانت الأسر العاصمية برمتها أو في معظمها تمضي العطلات والإجازات في حديقة الحيوانات .. او «الجنينة» حيث يلهو الصغار والكبار مع المئات اوالآلاف من الحيوانات التي أحضرت للحديقة من كل أرجاء السودان بل وبعضها جاء من خارج السودان !إبان الخصومة بين نميري والقذافي طالب الاخير ببعض الاموال او القروض او السلفيات التي منحها للنميري في ايام شهر العسل - الذي حولته احداث الغزو الليبي للسودان او ما عرف بهذا الاسم الي شهر من العداء والبصل - حيث قــرر النميري ان يرد للقذافي كل مليم استلفها منه ..! يومذاك وتحديدا نحو عام 1976م وفي غمرة غضب نميري من الغزو قرر ان يرد« الدين لكي تنام العين » كما يقول المثل حيث اطلق نداء -مال الكرامة- وتقرر ان يدفع كل مواطن قرشاً أو قرشين أو جنيهاً أو جنيهين لكي يسدد القرض الليبي ..! طبعا تدافع الناس يومها ودفعوا استجابة لطلب النميري ولكن وبعد الانتفاضة جاءت ليبيا وقالت للصادق المهدي الحساب ولد .. ذلك لان ليبيا كانت قد أيدت وساندت ودعمت المعارضة السودانية ثم قدمت فاتورتها وطلبت عدة اشياء ابرزها ان يكون الكتاب الاخضر هاديا للنظام الديمقراطي في السودان وان يكون السودان جماهيرية بدلا من جمهورية وان تكون اللجان في كل مكان ..! Quote: طبعا هذا لم يطبق ومال الكرامة لم يسدد الي ان جاءت الانقاذ فأعلنت ليبيا ترحيبها وتأييدها للنظام الجديد في السودان ولا أحد يعرف دقائق العلاقات وما اذا كانت ليبيا قد طلبت من قادة الانقاذ ذات المطالب ام لا ..؟!ولكن الذي حدث هو ان عاصفة غير مسبوقة هبت علي حديقة الحيوان التي تشتت أيدي سبأ كما يقولون حيث قالت عبقرية الذين عصفوا بجنينة الحيوانات التاريخية يمكن إيجاد جناين حيوانات بدل جنينة واحدة وان الهدف هو الاستفادة من هذه الارض التي تعتبر الاكبر والاجمل والاغلى في الخرطوم كلها بل هي وبشهادة الخبراء اغلي من الارض في طوكيو اليابانية .. او لندن الانجليزية ..!المهم تقرر بيع الجنينة وتشتيت الحيوانات حيث تفتقت عبقرية سمسار ليس بعيدا من اهل القرار وعرض فكرة ان تشتري ليبيا الجنينة .. في مقابل مال الكرامة او القروض والديون الليبية علي السودان ليكون الامر تحت شعار « من فك دينه نامت عينه» ..! وبعدها حدث البيع وباعترافه المكتوب علي صفحات هذه الجريدة منذ سنوات كان نصيب الاخ السمسار اربعة ملايين دولار حق اتعابه في اتمام صفقة الجنينة . الآن كل هذا أصبح ذكرى أليمة أو عظيمة إلا أن ثمة شكلاً هندسياً مثيراً جداً قد قام فوق أرض الجنينه - بمقرن النيلين ..! ان هذا الشكل الذي يثير انتباه الطالع والنازل من الناس هو «برج الفاتح » الذي يعرف الناس شكله وبعضا من قصته ولكن لا احد دخله كصحفي ليقول لنا ماذا بالداخل ونعني داخل هذه القبة الهندسية الشديدة الجدة علي عين الناظرين السودانيين ..! وهنا تحقيق زميلنا ود القش عن برج الفاتح بعد ان اعطينا خلفية عن طيبة الذكر - جنينة الحيوانات..!

لقراءة التحقيق على جريدة الوطن
http://www.alwatansudan.com/index.php?type=3&id=4653

حديقة الحيوان تحصل على تماسيح وطيور هدية من السودان
السبت 22 يناير-كانون الثاني 2005 الساعة 02 صباحاً

26سبتمبرنت / محمد العميسي

قال المهندس هاشم احمد الهندي مدير إدارة الحدائق والمتنزهات بأمانة العاصمة لـــ 26 سبتمبرنت انه تم رفد حديقة الحيوان بأنواع جديدة من الحيوانات النادرة وان هذه الحيوانات التي حصلت عليها بلادنا مؤخراً كهدية من جمهورية السودان هي عدد من التماسيح والطيور ألبريه وأشار الهندي إلى انه قد تم وضعها في جزء مخصص من أقاسم الحديقة المختلفة ويمكن للزائر مشاهدتها في أوقات الزيارة وأضاف الهندي بان حدائق ومتنزهات صنعاء خلال اليومين الماضيين قد شهدة إقبالا كبيرا من قبل الاخوه المواطنيين الذي عادة مايتوافدون عليها في مثل هذه المناسبات واثناءالعطل الرسمية لقضاء ساعات من إجازاتهم في أجواء المتنفسات وترك ألفرصه لأطفالهم يلعبون بالألعاب المختلفة المتواجدة في معظم حدائق صنعاء


http://www.26sep.net/news_details.php?sid=4562

مشروع حديقة الحيوان (المرحلة الأولى)
10 / 08 / 2009 11:21:00
الموقع المقترح للمشروع جنوب غرب الخرطوم، من المعروف أن مدينة الخرطوم كانت من أوائل المدن العالمية التي عرفت حدائق الحيوانات 1902م وقد لعبت الحديقة
آنذاك دوراً مهماً في توفير مكان مناسب للترفيه والدراسة والبحث ليس لسكان المدينة وحدهم بل لسكان الأرياف أيضاً والولايات الأخرى وزوار الخرطوم من الأجانب..
ويتميز مناخ المنطقة بمناخ صحراوي تقل فيه الأمطار حيث تتراوح أمطارها ما بين صفر و100 درجة ما بين شهري يونيو ويوليو وأقل درجة حرارة إلى 8 درجات في يناير وفبراير ويقع المشروع في مساحة 100 فدان.
أهدافه:
حفظ الحيوانات للسياحة والترفيه ولدراسة التاريخ الطبيعي، وإيجاد متنفس طبيعي لسكان المنطقة وزيادة الدخل بولاية الخرطوم وانعاشها اقتصاديا.
وصف المشروع:
المرحلتان الأولى والثانية:
تحديد الموقع وإعداد الخُرط، وإنشاء أقسام الحديقة والأقفاص ومكاتب الإدارة وتعيين العاملين، التشجير وإنشاء الساحات والميادين ومواقف السيارات..
المرحلتان الثالثة والرابعة:
استجلاب الحيوانات وتشييد مركز الزوار،تشييد متحف للتاريخ الطبيعي وتوفير معدات ومقتنيات المتحف، تشييد حديقة للألعاب وتوفير المعدات للحديقة،إقامة مراكز للتسوق وكافيتريات ومنافذ لبيع اللعب وصالة للاجتماعات الدولية.
التكلفة التقديرية للمشروع:
15 مليون دولار للمرحلتين الأولى والثانية.
10 ملايين دولار للمرحلتين الثالثة والرابعة
التكلفة الإجمالية:25 مليون دولار.

http://alraed-sd.com/portal/permalink/7602.html

Up

UP

ياسر الملك،

هذه الحكومه تتكون من مجموعه من الحيوانات.

الدنيا تحاول ان تجد طرائق الى إيجاد مساحات عامه فى المدن ليتنفس عبرها الناس ،
وفى هذا تدفع الخزائن العامه ملايين الدولارات ...

ميادين عامه، حدائق ... ساحات...الخ ، المدن والدول تسعى الى إستعادتها من الافراد وتعميمها...

هؤلاء اللحيوانات باعوا الناس والميادين العامه...والحدائق التى هى ملك للأجيال...هؤلاء شرزمه من الجهلاء و من القاذورات الادميه .

فوق من اجل اطفال بلادى

فوق من اجل اطفال بلادى

فوق

Quote: هذه الحكومه تتكون من مجموعه من الحيوانات.

خالد كودى ياخ
مشتاقين خالس
بعدين
ظلمت الحيوانات يا حبيب حرام عليك

الاخ العزيز ياسر المك
انت لسه شفت حاجة ؟
كل شئ قابل للبيع فى بلادنا

الاستاذة الفاضلة /سلمى الشيخ سلامة
الاخ /خالد كودي
الاخوة والاخوات جميعا


كل عام وانتم بخير

نطالب باقامة حدائق للحيوانات فى جميع الولايات فورا قبل انقراضها بسبب الصيد الجائر والقتل العشوائى لها خاصة فى حظيرة الدندر التي
اصبحت ملكا ومرتعا للعرب وعديمي الاخلاق من ابناء السودان الذين ياتون معهم خصيصا للصيد الجائر من السعودية ودول الخليج ،من اجل حفنة من الريالات والدولارات.
نعم باعت حكومة الانقاذ كل شئ ولا زالوا يواصلون بدون وازع من الضمير والاخلاق والقيم.

ومعا من اجل اطفال بلادي

غايتو التماسيح والحمير فى....
النمور والاصلات لابسنهم المراكيب مراكيب..
داير الببغاوات افتح التلفزيون
البقر قالو ما محتاجين ليه
المغتربين فى ما برضوا بحلبوا..
التيوس بدقونها تارسه البلد
تانى الفضل شنو؟
اتذكرت!!!الغنم
ديل ما الشعب...

الاخ /صديق الموج

الشعب اصيل ومغلوب على امره ولكن !!!

سوف تمضي الليالى من بعد كدرتها وكل دور اذا ماتم ينقلب

ويمهل ولا يهمل

ولا نامت اعين الجبناء

الاخ /صديق الموج

الشعب اصيل ومغلوب على امره ولكن !!!

سوف تمضي الليالى من بعد كدرتها وكل دور اذا ماتم ينقلب

ويمهل ولا يهمل

ولا نامت اعين الجبناء

فوق من اجل اطفال بلادي

UP

سلام ياسر المك

يحكى انه بعد بيع حديقة الحيوانات تم تصدير القرود الى الأردن وحيوانات اخرى الى دول اخرى فى آسيا مثل الصين ومليزيا ويقال ان القرود انطلقت فى مطار عمان وعملت مشكلة..

والأطرف من هذا وبعد بيع جنينة الحيوانات وتشتيت الحيوانات ان مباراة اقيمت لقطط العالم وفاز القط السودانى بالبطولة وفى حوار معه مع تلفزيون CNN سأل المذيع القط السودان كيف فاز على قطط العالم وصرعهم فقال له القط السودانى: أرخى اضانك احكى ليك السر... اصلى انا كنت اسد وكشيت لامن بقيت كديس... ولم يفهم المذيع معنى كلمة كديس فقال له القط السودانى: يعنى كات والسلام عليكم وبر "كات" هـ

ويقال ان والد السيد على عثمان محمد طه كان يعمل بحديقة الحيوان وكان مسؤولا عن تغذية الاسد باللحم... شوف بالله نحن نقول جنينة الحيوان يطلع لنا اسد... دة انا بخاف من الكلب... ابن الكلب...

نورالدين منان