Post: #1
Title: مشاهد من الأسكندرية افزعت المراكز البحثية الأمريكية
Author: محمد خليل ساني
Date: 09-21-2009, 07:32 PM
Parent: #0
رسالة جميلة جدا وصلتني عبر الإيميل
تحمل الكثير من العبر عبر الصور
حبيت أشرككم معاي فيها
عشان تشوفوا عظمة الإسلام
|
Post: #2
Title: Re: مشاهد من الأسكندرية افزعت المراكز البحثية الأمريكية
Author: محمد خليل ساني
Date: 09-21-2009, 07:34 PM
Parent: #1
المــكان : مدينـة الإســكندرية
المسجد : القائد إبراهيم - بمحطة الرمل ،، حي الشاطبي وشاطىء الكورنيش
الشيخ : حاتم .. وهو من قـرّاء مدينة دمنهور إحدى المدن الصغيرة بجوار الإسكندرية
الزمان : صلاة التراويح شهر رمضان
هذه مصــر - أروع صور ممــكن تشوفها عن مصر
مليون مصلي
|
Post: #3
Title: Re: مشاهد من الأسكندرية افزعت المراكز البحثية الأمريكية
Author: محمد خليل ساني
Date: 09-21-2009, 07:35 PM
Parent: #2
طبعا دي صورة عادية
وتقريبا بـ تتشاف فى كل مكان
يعني فى العديد من البلاد العربية
وسودانا الحبيب بيشهد الكثير منها
|
Post: #4
Title: Re: مشاهد من الأسكندرية افزعت المراكز البحثية الأمريكية
Author: محمد خليل ساني
Date: 09-21-2009, 07:41 PM
Parent: #3
بس كدى تعالوا معاي
شوفوا الصورة دي
و ركّزوا شوية فى السطوح داااك
وشوفوا الناس اللى بتصلي فوق
|
Post: #5
Title: Re: مشاهد من الأسكندرية افزعت المراكز البحثية الأمريكية
Author: محمد خليل ساني
Date: 09-21-2009, 07:50 PM
Parent: #4
وهاااااكم الصورة دي كمان
على فكره الناس دي بتصلي على شارع الكورنيش
وسايبين خط سير واحد رايح جاي بس وعلى الجانبين
وشوفوا معاي بتاع المرور دااااك
علما بأن الشارع ده 6 حارات رايح جاي
والناس اللى مشت هناك بتعرف الحاجه دي
|
Post: #6
Title: Re: مشاهد من الأسكندرية افزعت المراكز البحثية الأمريكية
Author: محمد خليل ساني
Date: 09-21-2009, 08:06 PM
Parent: #5
وهاااااكم دي كمان
منظر للمسجد من بناية قريبة
|
Post: #7
Title: Re: مشاهد من الأسكندرية افزعت المراكز البحثية الأمريكية
Author: عبدالعزيز الفاضلابى
Date: 09-21-2009, 09:34 PM
Parent: #6
سانى كل سنة وانت طيب ,,
يديك العافية ..
|
Post: #8
Title: Re: مشاهد من الأسكندرية افزعت المراكز البحثية الأمريكية
Author: SAIF MUstafa
Date: 09-21-2009, 09:51 PM
Parent: #7
الأخ محمد
عيد مبارك
شكرا على الصور الجميلة...
لكن ما شايف حاجة عن ما ورد فى العنوان بخصوص أمريكا..
المراكز البحثية الذكرتها دى ياتو مراكز ووين وبتبحث فى شنو؟؟؟
وكيف الصور دى أفزعتها وليه؟؟؟
أفيدنا عليك الله ... وبجيك راجع
تسلم
سيف
|
Post: #10
Title: Re: مشاهد من الأسكندرية افزعت المراكز البحثية الأمريكية
Author: سيف الدولة كامل
Date: 09-21-2009, 10:17 PM
Parent: #8
مشهد رائع يا محمد خليل ,,, تشكر
|
Post: #13
Title: Re: مشاهد من الأسكندرية افزعت المراكز البحثية الأمريكية
Author: محمد خليل ساني
Date: 09-22-2009, 05:06 AM
Parent: #8
Quote: الأخ محمد
عيد مبارك |
العزيز سيف مصطفى
كل سنه وإنت طيب يا جميل
والسنة الجاية على أمانيك
سألتني سؤال فى الكوت ده
Quote:
شكرا على الصور الجميلة...
لكن ما شايف حاجة عن ما ورد فى العنوان بخصوص أمريكا..
المراكز البحثية الذكرتها دى ياتو مراكز ووين وبتبحث فى شنو؟؟؟
وكيف الصور دى أفزعتها وليه؟؟؟
أفيدنا عليك الله ... وبجيك راجع
تسلم
سيف |
وجوابي كان عندك من بداية البوست
يعني لو راجعت المداخلة الأولى كنت شفت الإجابه
وهي دي
Quote: رسالة جميلة جدا وصلتني عبر الإيميل
تحمل الكثير من العبر عبر الصور
حبيت أشرككم معاي فيها
عشان تشوفوا عظمة الإسلام |
يعني هى رسالة وصلت على الإيميل بذات العنوان
حبيت الناس تشاركني فيها
وكل سنه وإنت طيب
|
Post: #9
Title: Re: مشاهد من الأسكندرية افزعت المراكز البحثية الأمريكية
Author: محمد خليل ساني
Date: 09-21-2009, 10:15 PM
Parent: #7
Quote:
سانى كل سنة وانت طيب ,,
يديك العافية .. |
كل سنة وإنت طيب يا جميل
والسنة الجاية على أمانيك
|
Post: #11
Title: Re: مشاهد من الأسكندرية افزعت المراكز البحثية الأمريكية
Author: د.محمد بابكر
Date: 09-21-2009, 10:47 PM
Parent: #9
الاخ محمد خليل ما تخمنا جاوب على السؤال ادناه وبعدين المليون مصرى ديل بعد ما صلوا وخوفوا المراكز القلتها دى اتفرقوا وعملوا شنوا اطلعوا من الغيبوبه دى وساهموا شويه فى ما تقدمه الانسانيه وارحمونا...........
Quote: الأخ محمد
عيد مبارك
شكرا على الصور الجميلة...
لكن ما شايف حاجة عن ما ورد فى العنوان بخصوص أمريكا..
المراكز البحثية الذكرتها دى ياتو مراكز ووين وبتبحث فى شنو؟؟؟
وكيف الصور دى أفزعتها وليه؟؟؟ |
|
Post: #14
Title: Re: مشاهد من الأسكندرية افزعت المراكز البحثية الأمريكية
Author: محمد خليل ساني
Date: 09-22-2009, 05:25 AM
Parent: #11
الأخ د. محمد بابكر
أول حاجه كل سنه وإنت طيب
والسنه الجايه على أمانيك
والحاجه التانيه مبروك ليك عضوية المنبر
وإنشاء الله نقرأ معاك كل ما يفيد
وسامحني لو جات التهنئة متأخره
عرفت بيها من مداخلتك دي بس
موضوعنا الأهم الرد على التساؤل ده
Quote: الاخ محمد خليل ما تخمنا جاوب على السؤال ادناه وبعدين المليون مصرى ديل بعد ما صلوا وخوفوا المراكز القلتها دى اتفرقوا وعملوا شنوا اطلعوا من الغيبوبه دى وساهموا شويه فى ما تقدمه الانسانيه وارحمونا...........
|
العزيز د. محمد
غايتو ما فكرت يوم أخم لى زول
ولا دار ببالي إني أهرب من الإجابة عن سؤال
والدليل قدامك ،،، فى الوقت اللى قريت المداخله جيت راجع
بعدين يا دكتور المليون مصري ديل مش كفايه إنهم صلّوا
يعني لو ما كان صلّوا بالعدد ده وفى الأسكندرية كمان كنت قلت شنو
وبعدين حاجه تانية يا دكتور ،،، ما عارف الغيبوبه اللى قاصدها دي شنو ؟!!
يعني غيبوبة شنو اللى نطلع منها عشان نساهم شوية فيما تقدمه الإنسانية ؟!!!
وبعدين نحن منو المقصودين هنا بكلمة أطلعوا دي
غايتو لو عايز الإجابة
كانت موجوده فى بداية البوست
وجبتها ليك بالكوت ده
Quote: رسالة جميلة جدا وصلتني عبر الإيميل
تحمل الكثير من العبر عبر الصور
حبيت أشرككم معاي فيها
عشان تشوفوا عظمة الإسلام |
وكل سنه وإنت طيب يا دكتور
وإنشاء الله كل أمنياتك تتحقق
|
Post: #12
Title: Re: مشاهد من الأسكندرية افزعت المراكز البحثية الأمريكية
Author: JAD
Date: 09-21-2009, 11:25 PM
Parent: #9
كل سنة وأنت الأسرة الكريمة بخير يا أخ محمد .. وعيد سعيد إن شاء الله أعواماً مديدة ..
وشكراً على هذه النقل الجميل ..
جاد
|
Post: #15
Title: Re: مشاهد من الأسكندرية افزعت المراكز البحثية الأمريكية
Author: Al-Mansour Jaafar
Date: 09-22-2009, 05:45 AM
Parent: #12
عيدك سعيد
المصريين عايشين على المعونة الأمريكية اللي بيمررها ليهم
في الكونغرس الأمريكي اللوبي الداعم لإسرائيل
صلاة لا تنهي عن ..
بعد الصلاة السياحية دي تعال شوف الشيشة والحشيش والهيصة و.... رقصني ياجدع
آل صلاة مصريين آل إيه تخوف المراكز البحثية في أمريكا
يا أخي المراكز مبسوطة جداً من الصلاة دي
لأنه ملايين الناس في الشارع ومافيهم واحد قادر يفتح خشمه ضد حكم الفساد والإستبداد
ومثلما كانوا ولو عليهم (ولا حتقول لي الحديث ضعيف)
وإنت ما صدقت الصور جبتها طوالي فرش من النت إلى المساكين الراجين في سودانيز اون لاين فول وطعمية وبصل وتوم
ومحتلين أرض سودانية
|
Post: #16
Title: Re: مشاهد من الأسكندرية افزعت المراكز البحثية الأمريكية
Author: د.محمد بابكر
Date: 09-22-2009, 12:18 PM
Parent: #15
محمد خليل ياخى كل سنه وانت طيب واسف على المخاشنه لكن والله انا عندى حساسيه ضد الدجل وخصوصا بتاع المصريين يعنى الواحد يعمل اى مصيبه فى الدنيا ويتكلم ليك بما قال الله وما قال الرسول . معليش فى كلمة تخمنا فانا والله ما قصدت انى اسئ ليك اما بخصوص الغيبوبه فانا لا استثنى نفسى منها فهى غيبوبه تجعلنا نركز على الظواهر ونترك ما هو مهم من عدم اضرار بالناس وعمل على نفعهم قل لى بربك مافائدة صلاة هؤلاء اذ انهم بعد ذلك يسعون فى الارض فسادا يمنة ويسرة ولك العتبى حتى ترضى يا ابو الخليل.
|
Post: #17
Title: Re: مشاهد من الأسكندرية افزعت المراكز البحثية الأمريكية
Author: Deng
Date: 09-22-2009, 12:37 PM
Parent: #16
Quote: رسالة جميلة جدا وصلتني عبر الإيميل
تحمل الكثير من العبر عبر الصور
حبيت أشرككم معاي فيها
عشان تشوفوا عظمة الإسلام |
الاخ محمد خليل.
لم أفهم العلاقة بين عنوان البوست والجواب التوضيحي الذي كتبته أنت هنا.
دعني أكرر لك السؤال مرة أخرى. ما هي العلاقة بين مراكز البحث الامريكية وصلاة المصرين أصلا؟
|
Post: #18
Title: Re: مشاهد من الأسكندرية افزعت المراكز البحثية الأمريكية
Author: هشام آدم
Date: 09-22-2009, 12:38 PM
Parent: #16
الأخ: محمد خليل
تحية طيبة وكل عام وأنت بخير
الشيء الوحيد الذي كنتُ أبحث عنه في متابعتي للصور هو ذلك الشيء الذي أدى إلى إفزاع المراكز البحثية الأمريكية، وكان سؤال الأخ في محله تماماً، ولم تُشفني إجابتك عليها وعلى سؤال الدكتور محمد بابكر، فإذا كانت صورة أكثر من عادية مثل منظر صلاة عيد في "حارة" قد يُفزع المراكز البحثية الأمريكية، فماذا قد يفعل بهم منظر الازدحام في الحج، واجتماع أكثر من 3 مليون شخص في مكان واحد؟ أمّا عني شخصياً فلم أجد في هذه الصور أيّ دلالة لعظمة الإسلام بل وجدته فيه بؤساً لا يُضاهى، مئات المصلين الذين تضيق بهم المساجد حتى يُضطروا لأداء الصلاة في الشوارع وتعطيل حركة المرور، إنه منظر بائس يدعوا للشفقة فعلاً، هل عجزت الحكومة عن إقامة دور عبادة تتسع للمصلين أم أن المصلين تركوا مساجدهم وتوجهوا إلى مسجد واحد؟ على أيّة حال، هي وجهات نظر قد تختلف وقد تتفق، ولكن في النهاية لا أعتقد أن الأمر متعلق بالإسلام أو عظمته بقدر ما هو متعلق بالدولة والحكومة وسوء التنظيم والإدارة والتخطيط
تحياتي
|
Post: #19
Title: Re: مشاهد من الأسكندرية افزعت المراكز البحثية الأمريكية
Author: حيدر حسن ميرغني
Date: 09-22-2009, 12:44 PM
Parent: #18
| Quote: في النهاية لا أعتقد أن الأمر متعلق بالإسلام أو عظمته بقدر ما هو متعلق بالدولة والحكومة وسوء التنظيم والإدارة والتخطيط |
كلام صحيح
_
عيد سعيد ياساني
|
Post: #20
Title: Re: مشاهد من الأسكندرية افزعت المراكز البحثية الأمريكية
Author: Al-Mansour Jaafar
Date: 09-22-2009, 09:34 PM
Parent: #19
في عدد من مناطق الإسكندرية والقاهرة توفرت القوى الإسلامية وأجزة أمن الدولة على إقامة صلوات المغرب والعشاء ومابينهما في مناطق معينة منها المنطقة جوار مسجد القائد إبراهيم ومنطقة جامع الصحابة في جناكليس
وكثير من المصريين في حركاتهم إياها يتركون المساجد الموجودة في كل عمارة عمارتين ويتجهون إلى مثل هذه الصلوات في الشوارعي الكبرى إطمئناناً أو إرهاباً للدولة ...
وكإعلان للناس إنهم متدينيين ..... والدشات شغالة من أمريكا قبل الصلاة وبعدها...
لا أفق لهم
فأمريكا مبسوطة ع الآخر
ظاظا يا ظا ظا
|
Post: #21
Title: Re: مشاهد من الأسكندرية افزعت المراكز البحثية الأمريكية
Author: عاطف عبدون
Date: 09-23-2009, 06:34 PM
Parent: #20
يا ساني كل سنه وانت بخير
ياخي ما تزعل من كلام الناس الفوق ديل
.
.
.
(( المراكز البحثية الأمريكية))
دي بكون كتبها صاحب الاميل (لشئ في نفسه)
وانت زول اعلامي من المفترض تقدم للناس شئ بخاطب عقولهم
ونوع الاميلات البتحي دي لو كل زول نزلها زي ما بتجي
علي العقل السلام
................
ما اظن ساني مقتنع انو
في علاقه بين الصور
و المراكز البحثية الأمريكية
|
|