Post: #2
Title: Re: الحزب الشيوعي منطقة بابنوسة يعترض على الدوائر الجغرافية
Author: بدر الدين اسحاق احمد
Date: 09-21-2009, 06:26 AM
Parent: #1
هو بالله عندكــم فرعية فى بابنوســـة ؟
كل عام وانت والاسرة الكريمة بالف خيــر ..
........
مفوضية الانتخابات قســمت الدوائر فى ولاية جنوب كردفان التى من ضمنها منطقة بابنوسة ( دون مراعاة
جغرافيا المنطقة .. فبعض الدوائر قســمت على مناطق فى غرب الولاية والبعض الاخر فى شرق الولاية ويفصل
بينهما سلاسل جبال لا تستطيع حتى المفوضية ناهيك عن المواطنين اجتيازها )
المفيـد ( المؤتمر الوطنــى ايضــا اعترض رسميا على ترسيــم الدوائر )
|
Post: #3
Title: Re: الحزب الشيوعي منطقة بابنوسة يعترض على الدوائر الجغرافية
Author: عبدالوهاب علي الحاج
Date: 09-21-2009, 11:02 AM
Parent: #2
| Quote: هو بالله عندكــم فرعية فى بابنوســـة ؟ |
يابدري
كان سؤالك يكون كدا
هو بالله عندكم فرعية في الخرطوم ؟
قال بابنوسة قال ... لا باباكوستا 
|
Post: #4
Title: Re: الحزب الشيوعي منطقة بابنوسة يعترض على الدوائر الجغرافية
Author: مطر قادم
Date: 09-21-2009, 11:17 AM
Parent: #3
| Quote: هو بالله عندكــم فرعية فى بابنوســـة ؟ |
| Quote: قال بابنوسة قال ... |
في بابنوسة في مطلع السبعينات كان تعج المدينة بمجموعة كبيرة من الشيوعيين
وهم عمال وفنيين وموظفين بمحطة سكة حديد بابنوسة وهي رئاسة القطاع الغربي للسكة حديد
واثر حركة 19 يوليو قامت السلطات الامنية في بابنوسة باعتقال مجموعة كبيرة من الشيوعيين من منازل السكة حديد والي المعتقلات
وشملت الحملة الشهيرة عندئذمستشفي بابنوسة وتم اعتقال عم التجاني باشممرض المستشفي ومجموعة اخري من العاملين بمصنع البان بابنوسة.
ثم كانت مكتبة ابوطاهر ببابنوسة تقدم للجمهور مطبوعات دار التقدم الروسية وغيرها ومجلة الصين المصورة
وكان الشيوعيون في بابنوسة قد نظموا نقابات العمال وايضا بعضهم ارسل برقيات تاييد لقادة حركة 19 يوليو من مكتب بوستة بابنوسة
وهذه بعضا من ذكريات عن مدينة ولدت وعشت فيها
خالد كل سنة وانت طيب
|
Post: #5
Title: Re: الحزب الشيوعي منطقة بابنوسة يعترض على الدوائر الجغرافية
Author: بدر الدين اسحاق احمد
Date: 09-21-2009, 09:27 PM
وانت برضو طيب يا مطر يا اخوى ..
| Quote: خالد كل سنة وانت طيب |
السؤال ( مطر قادم ( احمد ) شقيق عثمان قادم احمد ؟
|
Post: #6
Title: Re: الحزب الشيوعي منطقة بابنوسة يعترض على الدوائر الجغرافية
Author: Kabar
Date: 09-21-2009, 11:12 PM
Parent: #5
| Quote: هو بالله عندكــم فرعية فى بابنوســـة ؟ |
ول ابا بدر الدين اسحاق..حبابك
كل سنة و انت طيب..
ككيف الكلام ده يا ولد ابوك؟يازول أول قطر جانا في بابنوسة .. الناس ديل كانوا سايقينو..!
غايتو البعرفو الحزب الشيوعي السوداني في بابنوسة قبال جبهة الميثاق و الجبهة الإسلامية و المؤتمر الوطني ..بس مشكلتهم ما بيعرفوا للجغمسة كويس.. يعني قصة يبيعوا الناس و يشتروهم دي ما سوهو هناك..و لو سوها..على بالحلال.. سيدي الإمام ذاتو يقعد في حلاة الوصف..
في سنة 1986 امام مسجد السكة حديد .. الشيخ أحمد حميد.. أول من افتى بأن الحرب مع الحركة الشعبية هي جهاد..و ان اموال الدينكا و اعراضهم و ارضهم هي غنائم مباحة للمسلمين..و مافي زول قال البقلة في الإبريق الإ الشيوعيين و البعثيين..و كانوا بينبهوا انو الحرب الحاصلة هناك.. هي حرب الحكومة و ما عندها علاقة بالجهاد..و و بعض اصحابنا منهم كانوا مستغربين كيف يكون فقه الغنائم بين ابناء الوطن الواحد..!
و طيلة وجودهم في بابنوسة ، مافي شيوعي ولا شيوعية قامت سولت ليهو نفسو و يغشنا بعلب الساردين و البلح و البضائع المنتهية مدة صلاحيتها..زي ما فعلوا الجماعة واحدين..و زي ما عارف براك يا ولد ابوك ..في السودان ..عادي جدا انو علبة الساردين تهزم الوعي..!
المهم كل سنة و انت طيب..و عليك الله ما تخلع الناس ديل ساكت في النقعة..
كبر
|
Post: #7
Title: Re: الحزب الشيوعي منطقة بابنوسة يعترض على الدوائر الجغرافية
Author: خالد العبيد
Date: 09-22-2009, 05:45 AM
Parent: #6
اخترت الموضوع من الجريدة ووضعت العنوان بعناية وهدف محدد !
لانو عارف العنوان ده بيجيب الكيزان يلطمون الخدود
وكلاب الامن يتسابقون ويلهثون
وعشاق الحقيقة سيسطرون اجمل الذكريات
كل واحد يشيل طاقيتو
برجع ليكم واحد واحد
|
Post: #8
Title: Re: الحزب الشيوعي منطقة بابنوسة يعترض على الدوائر الجغرافية
Author: خالد العبيد
Date: 09-22-2009, 05:51 AM
Parent: #7
ابدا بي صديقي بدر
وانت طيب .. السنة دي تدونا قفاكم!
وتعملوا انصراف
قول أمين
اتوقع مني محادثة لو الخطوط سخت !!
|
Post: #9
Title: Re: الحزب الشيوعي منطقة بابنوسة يعترض على الدوائر الجغرافية
Author: بدر الدين اسحاق احمد
Date: 09-22-2009, 07:11 AM
Parent: #8
الحبيب / كبــر ... ســلام من الله جاءك
والدعاء لرب الكون انت والاسرة وكل من انتســـب اليك من اهــل واحباب واصحاب وجيران تامين
لاميــن ينعمون بفرح العيد ...
(( يوجــد كلام فى الادارة يتكلم عن مؤسســـة الرجــل الواحــد ...الشوايعــة ديل فى كثير من
المرات يطبقون هذا النموذج وبجدارة ( نحسدهم عليها ) يمكن يكون فى المدينة شيوعى واحد زول
مؤمن بالفكرة ... تلقاهــو مقوم نفـس الناس ( الشيوعيين قالو / عملو / الشيوعية انتشرت)
بــس فــى مناطــق الوعــى السياســى ( الشعبية بحرى مكان الميلاد
(تلقاهــم 5 شيوعيين ... 2 معترفين بيها
وواحد عامل ديمقراطى و2 كوادر سريــة )
Quote:
بس مشكلتهم ما بيعرفوا للجغمسة كويس.. يعني قصة يبيعوا الناس و يشتروهم دي ما سوهو هناك..و لو سوها..على بالحلال.. سيدي الإمام ذاتو يقعد في حلاة الوصف..
|
ترمـــــــــة ناعمـــة :
الجغمســــة دا بيسموهــا الاساليب الفاسدة ( بيعاقب عليها قانون الانتخابات (زول ضحــك حتى وقع
على قفاهـــو )
_______
بوســت عيديـــه
|
Post: #10
Title: Re: الحزب الشيوعي منطقة بابنوسة يعترض على الدوائر الجغرافية
Author: حيدر حسن ميرغني
Date: 09-22-2009, 07:16 AM
Parent: #9
Quote: اخترت الموضوع من الجريدة ووضعت العنوان بعناية وهدف محدد !
لانو عارف العنوان ده بيجيب الكيزان يلطمون الخدود
وكلاب الامن يتسابقون ويلهثون
وعشاق الحقيقة سيسطرون اجمل الذكريات |
الحزب الشيوعي موجود في كل مكان
وانتهازيي المؤتمر الوطني موجودين في كل مكان
والفرق واضح
|
Post: #11
Title: Re: الحزب الشيوعي منطقة بابنوسة يعترض على الدوائر الجغرافية
Author: خالد العبيد
Date: 09-22-2009, 07:35 AM
Parent: #10
| Quote: بــس فــى مناطــق الوعــى السياســى |
مناطق الوعي السياسي دي ابعدوا منها
محمد ابراهيم نقد فاز في الديم والعمارات
عزالدين علي عامر فاز في نمرة اتنين
موديستو فاز بي دائرة خريجين
ودي اكثر نقاط الوعي السياسي والتعليم في السودان
وبرجع تاني للنقطة دي عشان تعرف المزيد
كيف الكيزان بخمو الناس في مناطق انتشار الامية والجهل
|
Post: #12
Title: Re: الحزب الشيوعي منطقة بابنوسة يعترض على الدوائر الجغرافية
Author: عبدالكريم الامين احمد
Date: 09-22-2009, 07:42 AM
Parent: #11
سلام وتحية
وتاكيدا لكلام الاخوان كبر ومطر قادم
فالحزب الشيوعي في منطقة بابنوسة والمجلد جذوره ضاربه في القدم
ولقد ارتبط كثيرا بالسكة حديد وتواجدها القديم في تلك المنطقة
والكثير من ابناء تلك المنطقة اصبحوا شيوعيين ونشاطهم واعتقالاتهم كانت هي احاديث تلك الفيافي والمدن..
وكل عام وانتم بالف خير
|
Post: #13
Title: Re: الحزب الشيوعي منطقة بابنوسة يعترض على الدوائر الجغرافية
Author: خالد العبيد
Date: 09-22-2009, 09:16 AM
Parent: #12
المطر القادم
تحيات وشوق
السكة حديد قربت المسافات وكثيرا!!
وماشين في السكة نمد
مرورك وانت خبير بشعاب المنطقة ازعج العولج
شكرا كثير ومزيد من المعلومات
|
Post: #14
Title: Re: الحزب الشيوعي منطقة بابنوسة يعترض على الدوائر الجغرافية
Author: عبدالوهاب علي الحاج
Date: 09-22-2009, 09:40 AM
Parent: #13
Quote: محمد ابراهيم نقد فاز في الديم والعمارات
عزالدين علي عامر فاز في نمرة اتنين
موديستو فاز بي دائرة خريجين |
فيما عدا الدائرة الفاز موديستو
كان لمزيد من الوعي والتنوير تقول انو باقي دوائر الخريجين كلها
فازوا بيها الاسلاميين | Quote: ودي اكثر نقاط الوعي السياسي والتعليم في السودان |
وبرضو حقو ترجع بينا لانتخابات 86
وتورينا ليه الاسلاميين فازوا بكل دوائر الخرطوم
ما عدا دائرة الصحافة الشهيرة
والدائرتين بتاعة الشيوعيين
عزالدين علي عامر
وبالله برضو ديالكتيكيا كدا ورونا نقد ليه فاز في العمارات
___
لو دخلت في مقارنات زي يامستر خالد
اي كوز ناشئ بجي يجهجهك دعك من هذا
خلي البوست دا يغطس انت ما ناقص 
|
Post: #15
Title: Re: الحزب الشيوعي منطقة بابنوسة يعترض على الدوائر الجغرافية
Author: خالد العبيد
Date: 09-22-2009, 12:04 PM
Parent: #14
سلام يا كبر
تحيات ياابو شهد
| Quote: غايتو البعرفو الحزب الشيوعي السوداني في بابنوسة قبال جبهة الميثاق و الجبهة الإسلامية و المؤتمر الوطني ..بس مشكلتهم ما بيعرفوا للجغمسة كويس.. يعني قصة يبيعوا الناس و يشتروهم دي ما سوهو هناك..و لو سوها..على بالحلال.. سيدي الإمام ذاتو يقعد في حلاة الوصف.. |
قلنا الكلام ده!
انو الحزب الشيوعي رسخ اقدامو في الخارطة السودانية ولن تستطع اي قوة اقتلاعنا
البيع والشراء للذمم وتزوير الاصوات احترفوه بيه الاسلاميون واعترفوا لكا افعالهم القبيحة بعد المفاصلة
ولسه انتظر شوية يا ما تشوف وتقرأ العجايب !
بدأوا ينشرون الغسيل القذر ولن يتوقفوا عن نشر فضائحهم وما تربت يداهم
والبوست ده حا ننشر فيه ما كتبت اقلام من انشقوا من الجانبين !!
انتظرونا!!
|
Post: #16
Title: Re: الحزب الشيوعي منطقة بابنوسة يعترض على الدوائر الجغرافية
Author: بدر الدين اسحاق احمد
Date: 09-22-2009, 09:43 PM
Parent: #15
يا وهبـــة ..
تجذر الوعـــى الطبقــى فى الجزء الغربى من الدائرة الانتخابية ( الديــم ) واندياح هذا الوعــى
الى الجزء الشرقى من الدائرة الانتخابية ( العمارات ) شكل طبقــة جديدة واعية بقضايا طبقتها ومحددة
للطبقات البورجوزاية العاملــة على وقف المــد الثورى للطبقة الجديدة ..
Quote: وبالله برضو ديالكتيكيا كدا ورونا نقد ليه فاز في العمارات
|
ترمـــة :
نقــد ذلك البرجوازى الصغيــر ( كما قال عادل عبد العاطى ) الذى يفوز فى دوائر الطبقة العاملة
|
Post: #17
Title: Re: الحزب الشيوعي منطقة بابنوسة يعترض على الدوائر الجغرافية
Author: مطر قادم
Date: 09-23-2009, 00:40 AM
Parent: #5
| Quote: السؤال ( مطر قادم ( احمد ) شقيق عثمان قادم احمد ؟ |
العزيز بدر الدين
كل عام وانت بخير
بخصوص السؤال اعلاه احيطك علما بانه محض تشابه في الاسماء وعثمان قادم احمد نفسه اتصل بي عبر رقمي في الماسنجر ليعرفني بنفسه ويسالني عن اسم والدي هل له علاقة بمنطقة اهله وهي جنوب كردفان فقلت له انا ولدت ببابنوسة وعشت بها وعاشرت اهلها الميامين ولذلك لك ان تعتبرني ابنها
ولكن اسمي بالكامل مطر قادم محمد بشاره
وعاشت الاسامي
|
Post: #18
Title: Re: الحزب الشيوعي منطقة بابنوسة يعترض على الدوائر الجغرافية
Author: خالد العبيد
Date: 09-23-2009, 01:12 AM
Parent: #17
سلام يا حيدر
وتحياتي
يقول حبيبنا جيفارا:
لا يهمني متى واين سأموت ."
لكن يهمني ان يبقى الثوار منتصبين
يملأون الارض ضجيجا
كي لا ينام العالم بكل ثقله
فوق اجساد البائسين والفقراء والمظلومين.
لذا يا ابوالزمل لن نتركهم ينامون ويسرقون
ويل لـ آكلي السحت ولصوص قوت اليتامى ويل لهم
|
Post: #19
Title: Re: الحزب الشيوعي منطقة بابنوسة يعترض على الدوائر الجغرافية
Author: مطر قادم
Date: 09-23-2009, 03:10 AM
Parent: #18
|
Post: #20
Title: Re: الحزب الشيوعي منطقة بابنوسة يعترض على الدوائر الجغرافية
Author: خالد العبيد
Date: 09-23-2009, 10:47 AM
Parent: #19
سلام يا كيكي
وتحياتي
Quote: والكثير من ابناء تلك المنطقة اصبحوا شيوعيين ونشاطهم واعتقالاتهم كانت هي احاديث تلك الفيافي والمدن..
وكل عام وانتم بالف خير |
توقعت دخولك يا باشمهندس
وللتوثيق نتعشم ذكر الاسماء متى ما كان ذلك ممكنا
|
|