Post: #1
Title: سرقات متكرره اليوم بالخرطوم والطريقة واحده وهي كسر زجاج السياره
Author: العوض المسلمي
Date: 09-19-2009, 01:50 PM
مثلي كثيرون تعرضت اليوم لمحاولة سرقة شنطة من داخل سيارتي عن طريق كسر الزجاج ,
وكثيرون تعرضوا لهذه السرقه بنفس الطريقه في اماكن مختلفه منها امام مكاتب زين بحري وامام
سوق سعد قشره وامام مستشفي الخرطوم التعليمي وفي اماكن مختلفه هذا اليوم ,,
وبحمد لله فلم افقد شئ من سيارتي , ولكن اردت ان انبه لهذا الامر الخطير
|
Post: #2
Title: Re: سرقات متكرره اليوم بالخرطوم والطريقة واحده وهي كسر زجاج السياره
Author: العوض المسلمي
Date: 09-19-2009, 01:52 PM
Parent: #1
فلناخذ جميعنا الحذر او لنمشي اكتر من شخص لاي مشوار خلال هذه الفتره من ايام العيد .
|
Post: #3
Title: Re: سرقات متكرره اليوم بالخرطوم والطريقة واحده وهي كسر زجاج السياره
Author: Sabri Elshareef
Date: 09-19-2009, 02:07 PM
Parent: #2
تحياتي الطيبه
وعيد سعيد
حقيقه انت انسان وفي وافضل مني
وقفتك من اجل اطلاق سراح عبد المجيد ووضع صورته في بروفايلك محمده
نفعنا الله بموقفك حتي نتعلم كيف نقف مع الحريات وضد استغلالها لتعذيب الانسان
موضوع البوست هذه السرقه شكل اللصوص العتاة دربوا تلامذتهم في نفس الاتجاه ولذا كيف يستقيم الامر بنفس الطريقه
تحياتي وعيد سعيد
|
Post: #4
Title: Re: سرقات متكرره اليوم بالخرطوم والطريقة واحده وهي كسر زجاج السياره
Author: saif massad ali
Date: 09-19-2009, 02:13 PM
Parent: #3
ود المسلمي
اكتب في سيارتك
2 4 6 8
مابتجيها حاجة
|
Post: #5
Title: Re: سرقات متكرره اليوم بالخرطوم والطريقة واحده وهي كسر زجاج السياره
Author: حيدر حسن ميرغني
Date: 09-19-2009, 02:36 PM
Parent: #4
العوض
عيد سعيد
ما عنكم الحاجات البتزغرد لما الحرامي يجي يكابس في العربية
تخيَل ده توقيف في الشوارع بس ةبيحصل الكسر
طيب لو كان في مكان لتوقيف السيارات في كل مكان تسوَق
كان شالو العربية في ضهرهم وجرو
انت سافرت وعشت برة وشوفت نظام توقيف السيارات كيف
ليه ما تقترح اقامة مواقف للسيارات بسعار مناسبة كما هو الحال في البلاد السمحة
ياخي انا والله عندي احساس اننا شايلين اسم بلد تعبان للطيش رغم حبنا الكبير ليهو
_
فكَر في موضوع المواقف دي يا اخوي ونتقاسم الفايدة
نشغَل الجماعة المساكين ديل برضو معانا
|
Post: #6
Title: Re: سرقات متكرره اليوم بالخرطوم والطريقة واحده وهي كسر زجاج السياره
Author: عبداللطيف خليل محمد على
Date: 09-19-2009, 02:37 PM
Parent: #4
سألت نفسك ليه انت راكب سيارة و فيها شنطة و جوة الشنطة أكيد في أشياء ؛
و في زول تاني يحاول يسرق و اذا فشل حيمشي اقرب برميل زبالة للبحث عن لقمة ؟
ليه كدا يا العوض ؟
|
Post: #7
Title: Re: سرقات متكرره اليوم بالخرطوم والطريقة واحده وهي كسر زجاج السياره
Author: عبدالباقى الظافر
Date: 09-19-2009, 03:39 PM
Parent: #6
شيخ العوض.
سلامات ..حكاية السرقات دى أمر مؤسف ..يا ريس انا راجع السودان بعد اسبوعين وعاوز اشحن من امريكا عربيتى كورلا 2000 عاوز شورتك..بمعنى افضل خيار ايه ..قالو انت شيخ كرين..ارجو التواصل معى عبر ايميلى ورسل لى رقم هاتفك
[email protected]
وكل عام وانت و كل بورداب الخرطوم بخير.
الظافر
|
Post: #8
Title: Re: سرقات متكرره اليوم بالخرطوم والطريقة واحده وهي كسر زجاج السياره
Author: محمد المسلمي
Date: 09-19-2009, 03:46 PM
Parent: #7
ياحاج المال المزكي سيدو مابحيهو عوجةتب
|
Post: #9
Title: Re: سرقات متكرره اليوم بالخرطوم والطريقة واحده وهي كسر زجاج السياره
Author: Ahmed Abdallah
Date: 09-19-2009, 06:19 PM
Parent: #7
يا ريس انا راجع السودان بعد اسبوعين وعاوز
اشحن من امريكا عربيتى كورلا 2000
..........
جد
لا تفعل ....
|
Post: #10
Title: Re: سرقات متكرره اليوم بالخرطوم والطريقة واحده وهي كسر زجاج السياره
Author: ناذر محمد الخليفة
Date: 09-19-2009, 06:55 PM
Parent: #9
Quote: ..........
جد
لا تفعل .... |
|
Post: #11
Title: Re: سرقات متكرره اليوم بالخرطوم والطريقة واحده وهي كسر زجاج السياره
Author: عبدالباقى الظافر
Date: 09-19-2009, 10:09 PM
Parent: #10
Quote: يا ريس انا راجع السودان بعد اسبوعين وعاوز
اشحن من امريكا عربيتى كورلا 2000
..........
جد
لا تفعل . |
...
الاعزاء أحمد وناذر
كل عام وانتم بخير ..اشكر لكم هذه النصيحة الغالية وأامل مزيد من التفاصيل والقصص المؤلمة..لتكن دروس لى وللعائدين.
الظافر
|
Post: #12
Title: Re: سرقات متكرره اليوم بالخرطوم والطريقة واحده وهي كسر زجاج السياره
Author: معتز مقبول
Date: 09-19-2009, 10:17 PM
Parent: #11
الحرص ثم الحرص
|
Post: #13
Title: Re: سرقات متكرره اليوم بالخرطوم والطريقة واحده وهي كسر زجاج السياره
Author: يسرى معتصم
Date: 09-19-2009, 10:25 PM
Parent: #12
الأخ الكريم والفاضل / العوض المسلمى
السلام عليكم ورحمة الله وبركاته
وكل عام والجميع بخير
حمدلله على السلامة والبركة الجات فى الزجاج
دى أيام السرقات وربك يستر
سلامى للأبناء
وكل عام وأنت بخير
-----------------------
كلم أخوى معتصم يعمل حساب العطور الموجودة فى درج العربية
|
Post: #14
Title: Re: سرقات متكرره اليوم بالخرطوم والطريقة واحده وهي كسر زجاج السياره
Author: محمد عبد الماجد الصايم
Date: 09-20-2009, 02:24 AM
Parent: #13
سلامات يا حاج
بسيطة إن شاء الله
وكل سنة وإنت طيب
|
Post: #15
Title: Re: سرقات متكرره اليوم بالخرطوم والطريقة واحده وهي كسر زجاج السياره
Author: الطيب عثمان يوسف
Date: 09-20-2009, 06:00 AM
Parent: #14
*** شكرا أخى العوض لهذا التنوية .
*** هذا النوع من السرقات يسمى ( الكروب ) و ما يلزم التنويه له أن هذه السرقات تتم حتى فى وجود شخص داخل السيارة .
*** كان لى شرف تأسيس وحدة مكافحة النشل و الكروب بمباحث ولاية الخرطوم عندما كنت أعمل ضمن شعبة الخرطوم .
بدأت الفكره عندما لاحظت زيادة حالات النشل فى بداية كل شهر و كذلك سرقات الكروب و تزداد أكثر فى مناسبات الاعياد.
و غالبا ما تحدث فى نفس الأماكن التى ذكرها الأخ المسلمى . المهم قمت بتقديم مذكره للسيد العقيد محمد الحسن عبده و ضمنتها
إحصائيات بالبلاغات و أماكن حدوثها و ما تم فيها من إجارء و اقترحت أن نقوم برصد أسماء كل الذين تمت إدانتهم أو تم إتهامهم لأكثر من
مره فى بلاغات مشابة أو الذين لدينا معلومات بممارستهم لهذا النشاط . و أن نقوم بإحضارهم جبرا من منازلهم و نطلب من القاضى
أن نوقفهم فى السجن للفترات التى تسبق مناسبات الأعياد . على أن لا تزيد فترة الايقاف 15 يوم . خلال هذه الفتره نقوم بفتح
سجلات جناثية تشتمل على أحدث بياناتهم و آخر نشاطاتهم الجنائية و غير الجنائية .
*** بعد مناقشتى فى الموضوع تم التنسيق مع مولانا عوض الحسن النور و تم الاتفاق على أن يخضع الموضوع للتجربة فى عيد الأضحى الذى
كان على الأبواب ... فقمت باختيار مجموعه من العناصر شملت أفراد ذوو خبرة و آخرين لم يعملوا فى هذا المجال ليقوموا بعملية
المراقية عن قرب بالتنسيق مع الأفراد أصحاب الخبرة و ذلك لأن هؤلاء الشريحة من المجرمين يعرفون أفراد المباحث معرفة تامه .
*** قبل عيد الأضحى باسبوعين بدأنا نورد لسجن أم درمان يوميا ما لا يقل عن 20 ( حرامى و نشال ) يوميا.
*** بعد العيد بأسبوع طلبنا من فرع السجلات ان يمدنا بإحصائية ببلاغات النشل و الكروب خلال اسبوعين مقارنة بنفس الفترة للعام
السابق ... فكانت النتيجة مذهله . ولازلت أذكرها حتى الآن ، فكانت بلاغات العام السابق 48 بلاغ . و البلاغات بعد تطبيق التجربة
( صفر ) نعم ( صفر ) حيث لم تسجل أى بلاغات نشل أو كروب . فى تلك الفترة .
*** وهنا لازلت أذكر أخطرهم ( جرمايكى ... دهباية ... شيطان مكة ) .
*** من محاسن هذه التجربة أنها مكنتنا من نصل لأى مجرم من هؤلاء فى أى لحظة و كذلك كنا نطلبهم للمثول أمامنا كل اسبوع أو 10
أيام بسبب وبدون سبب . فقط ليعلم أى منهم أنه تحت نظرنا .
*** من المحاسن أيضا أننا تمكنا من مساعدة عدد منهم و عادوا أسوياء لمجتمهم و أهلهم .
.........................................
*** ولكن ..
... والله و الله قبل فتره ساقتنى قدماى لأحدى إدارات الشرطة ، فوجئت بثلاثة من النشالين يعملون بالشرطة و يرتدون الزى الرسمى
وقمت بسؤال أحد الضباط المسؤولين منهم ( العساكر ديل قبل ما يشتغلوا معاكم هنا كانوا شاغلين شنو ؟) فرد على بعدم إكتراث
( العرفنى شنو ؟ )
... لما طلعت بره و بعدما سلموا على التلاته قالوا لى ياخ أنت يا جنابو ( ما لحسـوك زمااااان ) برضك ساكينا لى هسـى . نحن يافرده
تبنا ، و ربنا أكرمنا ( بالفارات ) ديل .
*** لكم ربى .. العوض و أهلك .
|
Post: #16
Title: Re: سرقات متكرره اليوم بالخرطوم والطريقة واحده وهي كسر زجاج السياره
Author: محمد عمر الفكي
Date: 09-20-2009, 09:06 AM
Parent: #15
Quote: كان لى شرف تأسيس وحدة مكافحة النشل و الكروب بمباحث ولاية الخرطوم عندما كنت أعمل ضمن شعبة الخرطوم .
بدأت الفكره عندما لاحظت زيادة حالات النشل فى بداية كل شهر و كذلك سرقات الكروب و تزداد أكثر فى مناسبات الاعياد. |
يا حليلكم انتم الماكان همكم دي لابسة شنو ودي دايرين نجلدا.
سعادتو كل سنة وانت والزيك طيبين.
|
Post: #17
Title: Re: سرقات متكرره اليوم بالخرطوم والطريقة واحده وهي كسر زجاج السياره
Author: mayada kamal
Date: 09-20-2009, 09:37 AM
Parent: #15
الاخ الطيب عثمان يوسف
كل سنة وانت طيب
حقيقي تجربتك ثره
ياريت تسرد لينا المزيد من المذكرات
***Quote: فوجئت بثلاثة من النشالين يعملون بالشرطة و يرتدون الزى الرسمى
|
بمناسبة الموقف دا
اذكر انا ايضا حصل معاي نفس الامر
مرة المركز بتاع الكمبيوتر بتاعنا اتسرق من صبي غسال عربات كان فترة بينضف لي المركز وبغسل العربات اسفل العمارة
اها بعد السرق طفش من الحتة
مرة مشيت مرور الخرطوم محل امتحانات الرخصة عشان امتحن وكدا
لقيته ليك عسكري مرور وهو الماسك امتحانات الخلف وووو
استغربت جدا
حردت الامتحان وللان بسوق بدون رخصة
|
Post: #19
Title: Re: سرقات متكرره اليوم بالخرطوم والطريقة واحده وهي كسر زجاج السياره
Author: مزمل خيرى
Date: 09-20-2009, 11:18 AM
Parent: #15
Quote: *** هذا النوع من السرقات يسمى ( الكروب ) و ما يلزم التنويه له أن هذه السرقات تتم حتى فى وجود شخص داخل السيارة .
|
مثلا يعنى يجيك واحد بالجهة القاعد فيها ويسألك من حتة وانت المسكين تقعد توصف ليها
وزميلو بالجهة التانية يستغل انشغالك بالوصف ويدخل ايدو ويشيل الشنطة او الموبايل ويمشى فى حال سبيلو لا من شاف لا من درى .!! عشان كدة الواحد يحرص ان زجاج الباب حق الكرسى الامامى يكون مقفول دايما لكن مع سخانة البلد دى الله اعلم زول يقدر يسوق والقزاز مقفل لو المكيف عطلان .!!
النوعية الثانية البشتغلو كروب فى البنوك يكونو مجموعة مكونة من نفرين ثلاثة يشوفو زول نزل بى
شنطة ودخل البنك معناهو داير يصرف قروش طوالى يتحرك واحد يخت ليهو مسمار ملحوم بطريقة معينة فى
حديدة ويختها تحت اللستك الخلفى من جهة السواق وصاحبنا المسكين يصرف القروش ويركب عربيتو ويخت الشنطة فى مقعد الجنبو ويدور العربية ويعمل خلف والمسمار يخرم اللستك وبعد ماتتحرك يتحركو وراك بى عربية وبعد شوية صاحبنا يشعر باللستك نازل يوقف العربية ويمشى الضهرية ويطلع الأسبير ويبدأ فى تغيير اللستك يجيك واحد من افراد العصابة ويعمل نفسو داير يساعدك ويلخمك وبى هناك زميلو يكون فتح باب العربية ولفح الشنطة ومشى .!!
ياربى نوعية السرقات دى لسع موجودة ياجنابو عثمان عمر .؟؟
|
Post: #18
Title: Re: سرقات متكرره اليوم بالخرطوم والطريقة واحده وهي كسر زجاج السياره
Author: mayada kamal
Date: 09-20-2009, 09:45 AM
Parent: #6
يا استاذ عبد اللطيف
كل سنة وانت طيب
Quote: سألت نفسك ليه انت راكب سيارة و فيها شنطة و جوة الشنطة أكيد في أشياء ؛
و في زول تاني يحاول يسرق و اذا فشل حيمشي اقرب برميل زبالة للبحث عن لقمة ؟
ليه كدا يا العوض ؟ |
معقولة لكن
دي أرزاق ... أرزاااااااااق
ونعمة من رب العالمين
وربنا بيدي اي زول على قدر نيته وتعبه وقسمته
معقولة لكين
يعني عشان في شحاتين وحرامية في البلد ... الناس ما تعيش
ومنو القال الحرامية بسرقوا عشان ما لاقين ياكلوا او بياكلوا من الزبالة
في سرقة بدافع مرض نفسي ... او اجرامي
|
Post: #20
Title: Re: سرقات متكرره اليوم بالخرطوم والطريقة واحده وهي كسر زجاج السياره
Author: الطيب عثمان يوسف
Date: 09-20-2009, 12:59 PM
Parent: #18
Quote: مثلا يعنى يجيك واحد بالجهة القاعد فيها ويسألك من حتة وانت المسكين تقعد توصف ليها
وزميلو بالجهة التانية يستغل انشغالك بالوصف ويدخل ايدو ويشيل الشنطة او الموبايل ويمشى فى حال سبيلو لا من شاف لا من درى .!! عشان كدة الواحد يحرص ان زجاج الباب حق الكرسى الامامى يكون مقفول دايما لكن مع سخانة البلد دى الله اعلم زول يقدر يسوق والقزاز مقفل لو المكيف عطلان .!!
النوعية الثانية البشتغلو كروب فى البنوك يكونو مجموعة مكونة من نفرين ثلاثة يشوفو زول نزل بى
شنطة ودخل البنك معناهو داير يصرف قروش طوالى يتحرك واحد يخت ليهو مسمار ملحوم بطريقة معينة فى
حديدة ويختها تحت اللستك الخلفى من جهة السواق وصاحبنا المسكين يصرف القروش ويركب عربيتو ويخت الشنطة فى مقعد الجنبو ويدور العربية ويعمل خلف والمسمار يخرم اللستك وبعد ماتتحرك يتحركو وراك بى عربية وبعد شوية صاحبنا يشعر باللستك نازل يوقف العربية ويمشى الضهرية ويطلع الأسبير ويبدأ فى تغيير اللستك يجيك واحد من افراد العصابة ويعمل نفسو داير يساعدك ويلخمك وبى هناك زميلو يكون فتح باب العربية ولفح الشنطة ومشى .!!
|
*** الأخ مزمل خيرى :
1/ المسمار ده إسمو ( البسبس ) وهو ما يصنعه الحداد لتثبيت ( الدش ) فى حائط الحمام .
2/ و أنت يا مزمل عارف التفاصيل دى كلها من وين ؟.. إنت معانا ولا مع الخيانة ؟
3/ كامل التقدير .
|
Post: #21
Title: Re: سرقات متكرره اليوم بالخرطوم والطريقة واحده وهي كسر زجاج السياره
Author: omer osman
Date: 09-20-2009, 01:07 PM
Parent: #20
Quote: ... لما طلعت بره و بعدما سلموا على التلاته قالوا لى ياخ أنت يا جنابو ( ما لحسـوك زمااااان ) برضك ساكينا لى هسـى . نحن يافرده
تبنا ، و ربنا أكرمنا ( بالفارات ) ديل .
|
حليل ناس مامون تاور وعمك مامون التاني ابوجلابية وناس موسي محمد موسي وموسي دار موسي ومحمد ودالزبير ...... الخ
|
Post: #23
Title: Re: سرقات متكرره اليوم بالخرطوم والطريقة واحده وهي كسر زجاج السياره
Author: محمد عمر الفكي
Date: 09-20-2009, 01:15 PM
Parent: #21
سعادتو عمر وسعادتو الطيب
معليش قد احرف البوست قليلاً لكن عندي سؤال وارجو ان اجد الاجابة عندكما.
مدخل:
في تبعات قضية الاستاذة/ لبنى احمد حسين كتبت الدكتورة نجاة محمود ما مفاده ان لبنى مدانة الان بجريمة تمس الشرف والاخلاق (ما عارف ليه بتشبه لي ادانة روزا باركس) وانه لا يمكنها الان التقدم الي اي وظيفةلانه سبق وادينت بتهمة تمس الشرف والاخلاق؟
سؤالي:
كيف عملت بعض النماذج المذكورة اعلاه في حديث ميادة وفي حديث سعادتو الطيب في جهاز الشرطة ام ان جهاز الشرطة في عرفه انه السرقة جريمة غير مخلة بالشرف والاخلاق؟!!!!
تحياتي
|
Post: #24
Title: Re: سرقات متكرره اليوم بالخرطوم والطريقة واحده وهي كسر زجاج السياره
Author: omer osman
Date: 09-20-2009, 01:43 PM
Parent: #23
Quote: سؤالي:
كيف عملت بعض النماذج المذكورة اعلاه في حديث ميادة وفي حديث سعادتو الطيب في جهاز الشرطة ام ان جهاز الشرطة في عرفه انه السرقة جريمة غير مخلة بالشرف والاخلاق؟!!!!
تحياتي |
الاخ محمد عمر تحياتي وكل عام وانت بخير
الفيش واحد من اهم مطلوبات التعيين في الشرطة وفي كثير من المواقع الاخري ، بعد الفيش كان في ما مضي يجمع كل المتقدمين للعمل
في الشرطة في ميدان مدرسة البوليس ويقفوا في شكل طوابير يمر عليهم رجال المباحث من اصحاب الخبرة ويتفرسون في وجوه المتقدمين
ولا ينتهي الطابور الا ويكون عدد من المعتادين قد تم التعرف عليهم بواسطة رجال المباحث وتلك العملية كانت تستكمل اى نقص في
معلومات الفيش.
|
Post: #37
Title: Re: سرقات متكرره اليوم بالخرطوم والطريقة واحده وهي كسر زجاج السياره
Author: مزمل خيرى
Date: 09-21-2009, 09:28 PM
Parent: #21
جنابو عمر
كل سنة طيب
ياخ الراجل دا لمن كانت تحصل سرقة كبيرة حقت دهب فى بيت
بيمشى زيارة الحادث وبيعرف السارق من طريقة السرقة حقتو
وطوالى بيقول دا شغل فلان وبيكون عارف فلان بعد يسرق بيمشى
وين .؟؟
تصدق كان بيمشى جبال النوبة برااااهو وبيجيب التيراوى .؟؟
سمعت انو اترقى ملازم ونزل المعاش فى نفس الوقت مع دفعتو الملازم
الشفيع عبدالله .!!!
لهم جميعا كل التقدير والأحترام .
|
Post: #22
Title: Re: سرقات متكرره اليوم بالخرطوم والطريقة واحده وهي كسر زجاج السياره
Author: Adam Mousa
Date: 09-20-2009, 01:12 PM
Parent: #20
| Quote: و أنت يا مزمل عارف التفاصيل دى كلها من وين ؟ |
هذا امنجى
انت الظاهر يا الطيب ما تابعت البوست التحفه ده
بكون برضو اتلحس زيكم كدا
|
Post: #36
Title: Re: سرقات متكرره اليوم بالخرطوم والطريقة واحده وهي كسر زجاج السياره
Author: مزمل خيرى
Date: 09-21-2009, 11:51 AM
Parent: #20
جنابو الطيب عثمان
Quote: أنت يا مزمل عارف التفاصيل دى كلها من وين ؟.. إنت معانا ولا مع الخيانة ؟
|
بس أوع الخيانة يكونوا ديل :
تبقى دى عوجة طبعا..!! كل سنة وانت طيب ياراجل ياطيب 
|
Post: #25
Title: Re: سرقات متكرره اليوم بالخرطوم والطريقة واحده وهي كسر زجاج السياره
Author: الطيب عثمان يوسف
Date: 09-20-2009, 02:48 PM
Parent: #18
*** الأخت ميادة كمال .. تلميذة أخونا عمر محمد عثمان .
*** كل سنه وانتى طيبة .. شــكرا على المداخلة .
*** خلال الأيام القادمة أعدك بمواضيع سوف تنال رضاك .
|
Post: #26
Title: Re: سرقات متكرره اليوم بالخرطوم والطريقة واحده وهي كسر زجاج السياره
Author: الطيب عثمان يوسف
Date: 09-20-2009, 02:58 PM
Parent: #25
هذا امنجى
انت الظاهر يا الطيب ما تابعت البوست التحفه ده
بكون برضو اتلحس زيكم كدا .
...................................................
*** الله يجازى محنك يا آدم . إنت ما بتفوت حاجة . الزول عامل ( ميت عديييييل ) مالك عليو
و تلقى لسان حالو بقول ليك : سألوك من ( سكرو) ياظريف ؟
|
Post: #27
Title: Re: سرقات متكرره اليوم بالخرطوم والطريقة واحده وهي كسر زجاج السياره
Author: الطيب عثمان يوسف
Date: 09-20-2009, 03:34 PM
Parent: #26
| Quote: كيف عملت بعض النماذج المذكورة اعلاه في حديث ميادة وفي حديث سعادتو الطيب في جهاز الشرطة ام ان جهاز الشرطة في عرفه انه السرقة جريمة غير مخلة بالشرف والاخلاق؟!!!! |
*** الأستاذ محمد عمر الفكى : سـؤالكم مشروع .
*** و حتى أكون صادق معك .. حتى مغادرتى لجهاز الشرطة كان الأمر كما ينبقى . أما بعد مغادرتى .. فليس المسؤول بأعلم من السائل .
*** شــكرا مقدرا .
|
Post: #28
Title: Re: سرقات متكرره اليوم بالخرطوم والطريقة واحده وهي كسر زجاج السياره
Author: mayada kamal
Date: 09-20-2009, 03:52 PM
Parent: #25
مساءكم الله بالخير
Quote: *** الأخت ميادة كمال .. تلميذة أخونا عمر محمد عثمان .
|
عفوا لم افهم ردك
منو عمر محمد عثمان
وليه يعني اعتبرتني تلميذته
مع اني اتشرف اني اكون تلميذته
بس اعرفه هو منو هو الاول
وليه سيادتك رديت لي كدا!!!!!!!!!!!!!
|
Post: #29
Title: Re: سرقات متكرره اليوم بالخرطوم والطريقة واحده وهي كسر زجاج السياره
Author: شرفى عبدالقادر
Date: 09-20-2009, 08:23 PM
Parent: #1
والله يا العوضى
العربيه كل يوم يسرقوا منها حاجه (المرايات ’الشارات والعلامات الامامية والخلفيه’...الخ)
والله ماعارفين نسوي شنو!!!!
كل االباركينغز بالعاصمه فيها سراقيين..شلعوا العربات تماما
بلد تعبانه وبعيده !!!!وجهل مستشرى...!!!
الحكايه دايره شغل كتير الله يهون...
|
Post: #30
Title: Re: سرقات متكرره اليوم بالخرطوم والطريقة واحده وهي كسر زجاج السياره
Author: معتز مقبول
Date: 09-21-2009, 00:13 AM
Parent: #29
يا جنابو ....هل انت ابن بحري الحكوميه.
وهل تزكر اقتحام البوليس لبحري الحكوميه.
كل المؤشرات تقول انك هو.كنا اعتقدنا انك.
ولكن انت كما انت.التحيه لك و انت طيب و طيب..
سلام.
|
Post: #31
Title: Re: سرقات متكرره اليوم بالخرطوم والطريقة واحده وهي كسر زجاج السياره
Author: Osman Musa
Date: 09-21-2009, 03:51 AM
Parent: #30
الكدارى الكدارى
يا شباب .
الخرطوم دى
مدينة كلها كم فى كم .
بلد ما تحتاج لسياره .
|
Post: #32
Title: Re: سرقات متكرره اليوم بالخرطوم والطريقة واحده وهي كسر زجاج السياره
Author: أحمد أمين
Date: 09-21-2009, 10:24 AM
Parent: #31
Quote: ومنو القال الحرامية بسرقوا عشان ما لاقين ياكلوا او بياكلوا من الزبالة
في سرقة بدافع مرض نفسي ... او اجرامي . |
الى ميادة كمال
مثل نوع السرقات التى يعنيها صاحب البوست ناس كتار قالوا كده وبحوث كثيره اكدت كده...الخ...اى ان الفقر والحرمان الاجتماعى سبب اساسى فى هذا النوع من السرقه.
دى بقت واضحه زى 1+1=2.
كل الكلام الفارغ بتاع الشيطان، الجينات الوراثيه...الخ اصبح غير كافيا للتفسير.
والاجابه على سؤال كبير مثل لماذا يرتكب الناس الجريمه؟
بالضروره يؤدى الى اسئله حول العداله الاجتماعيه و نظام قضائى عادل.......
|
Post: #33
Title: Re: سرقات متكرره اليوم بالخرطوم والطريقة واحده وهي كسر زجاج السياره
Author: الطيب عثمان يوسف
Date: 09-21-2009, 11:06 AM
Parent: #32
Quote: الأخت ميادة كمال .. تلميذة أخونا عمر محمد عثمان .
|
*** الأخت مياده كمال : 1/ عمر محمد عثمان أحد القلائل الذين أعتز بصداقتهم وهو عضو المنبر
و الذى يكتب باسم ( OMER OSMAN ) . الزول الذى ضل الطريق من المهنية إلى المؤتمر الوطنى .
2/ وعندما يكتب فى السياسة لا أجد له مناصر إلا أنت . ولاحظت فى كثير من مداخلاتك ، شبه كبير
لنهج صديقى ، و يتبعك فى ذلك معاوية عوض الكريم .
*** عرفت سبب التلمذه ؟ ............. كل سنة و انت طيبة و كذلك عمر و معاوية .
|
Post: #34
Title: Re: سرقات متكرره اليوم بالخرطوم والطريقة واحده وهي كسر زجاج السياره
Author: الطيب عثمان يوسف
Date: 09-21-2009, 11:18 AM
Parent: #33
Quote: يا جنابو ....هل انت ابن بحري الحكوميه.
وهل تزكر اقتحام البوليس لبحري الحكوميه.
كل المؤشرات تقول انك هو.كنا اعتقدنا انك.
ولكن انت كما انت.التحيه لك و انت طيب و طيب |
*** الأخ معتز المقبول : ( ياهو زاااتو )
..... ماذا كنتم تعتقدون ؟ .. اتلحست !! ... حى قااااعد فى الدنيا دى .
..... أشكرك جدا معتز المقبول و كل عام و انت طيب .. و أمنياتى بالتواصل ، كل البيانات فى البروفايل .
.................................
*** شـكرا بكرى أبوبكر .. فقد كنت سببا فى لقاء أحبة كثر ظننا أننا لن نلتقيهم أبدا .
|
Post: #35
Title: Re: سرقات متكرره اليوم بالخرطوم والطريقة واحده وهي كسر زجاج السياره
Author: mayada kamal
Date: 09-21-2009, 11:24 AM
Parent: #33
Quote: *** الأخت مياده كمال : 1/ عمر محمد عثمان أحد القلائل الذين أعتز بصداقتهم وهو عضو المنبر
و الذى يكتب باسم ( OMER OSMAN ) . الزول الذى ضل الطريق من المهنية إلى المؤتمر الوطنى .
|
معقولة بس !!!!!!
على الاقل المفروض نحترم قناعات بعضنا هنا
لانو كان الاخ عمر ولا غيره في المنبر دا كل زول بكتب بي قناعتاه العنده
كان القناعة دي تطابقت مع مواقف المؤتمر الوطني ولا اي حزب آخر
Quote:
2/ وعندما يكتب فى السياسة لا أجد له مناصر إلا أنت . ولاحظت فى كثير من مداخلاتك ، شبه كبير
لنهج صديقى ، و يتبعك فى ذلك معاوية عوض الكريم .
|
في دي ياسعاتو لايمكن انطباعك الخاص الانت اخذته
تعمملوا كنتيجة وفرضيات
يعني معقول تاريخ الاخ عمر البوردي (دي من البورد يااخوانا) تجي تختزله لينا في الحتة دي بس
ويعني كيف مافي زول غيري بناصره
غايتو يا استاذ عمر عثمان أسمحها لي في وشي 
| Quote: *** عرفت سبب التلمذه ؟ ............. |
ايوا عرفت
بس ما اقتنعت !!!!!!!!
العيد أمبارك عليك
|
Post: #38
Title: Re: سرقات متكرره اليوم بالخرطوم والطريقة واحده وهي كسر زجاج السياره
Author: معتز مقبول
Date: 09-22-2009, 01:39 AM
Parent: #35
العزيز|الطيب عثمان.
انا والله سعيد جدا“ اني اراك و اسمعك.
ياخي حمدالله الف علي السلامه.طلعت قط و رائد معاش بسبعه ارواح!!!!!!!!
و بالطبع شكرا” بكري ابو بكر علي انو ترك لنا ان نراك و نسمعك........
حمدالله الف علي السلامه دي جات متاخره........سنه...ياخي سعيد انا والله اخي الطيب؟
اكيد اكيد حا اتصل.يا جنابو.
|
|