Post: #1
Title: الدخول لـ سودانيز اون لاين أصعب من الدخول للكونجرس الأميركي
Author: امير بشير حمد
Date: 09-17-2009, 12:13 PM
الأحبة الأكارم
أصحاب الحضور الأنيق
لكم سلامي وتحياتي وأشواقي المستعرة دوماً لكم أينما كنتم
وحاجات كتييييييييرة مردومة ليكم ردم .. بلغت النصاب زماااااااااان وحال عليها الحول والليلة يوم القول
ياخي أنا بالجد سعيد بوجودي معاكم
ومليان بيكم ومورود بيتكم
والكلام كُتر لكن البنضم معبور الفرح شنو ؟
انتو عارفين أنا لي زمن ببكي وبنوح وبصيح للشوفتم بتريح
بندور نجيكم من زماااان لكن بالجد الدخول لـ سودانيز اون لاين أصعب من الدخول للكونجرس الأميركي والله يا بكري يا اخوي طالما إني دخلت هنا معناها إيزي جداً إني أخش مجلس الشيوخ وعادي كمان اقول لي بتنا هيلاري كلينتون ها مرا ها توري لا غادي ، كان عندك شغلة امشي اشتغليها وله كان عندك عواسة امشي عوسيها بدور اضوق وزارة الخارجية دي ... دحين خميرة وله فطيرة وبعد الضواقة النفس عاد مي صاااااااقطة ، إتخيلو النفيسة دي دخلت في الكرسي المنجعص فيه ولدنا اوباما
ورايكم شنو نسودن الكونجرس الأميركي ونخلي الفرع في امريكا ومقر الرئاسة السودان واقترح الموقع يكون الثورة الحارة 9999 لأنها اتباعت جد عليها وبرضو لأنو الرقم دا بتفائل بيه شديد بديك إحساس بالشرطة والنجدة والمرور والدفاع المدني يعني فيه رهبة ودي السياسة الـ ح تبنى عليها كل أجندة البيت الجنن بيوت العالم اللتهردمت فوقم بـ مطر الرهبة
....
واذا لم يتحقق الحلم النبيل
يكفيني فخراً أنني حلمت بكم .. لأكون معكم
وبكم اكتملت كل الصور الجميلة وممتعة
كل التحايا النواضر
بكري ابو بكر
الأخوان والأخوات الأفاضل
مودتي
محبتي
معزتي
.....
|
Post: #2
Title: Re: الدخول لـ سودانيز اون لاين أصعب من الدخول للكونجرس الأميركي
Author: صبري طه
Date: 09-17-2009, 12:22 PM
Parent: #1
لك التحية أخي الأمير أمير ...
والشكر أجزله للأخ بكري أبو بكري لقبول عضويتك الغالية ...
متمنياً لك أطيب إقامة في رحاب فخر المنابر سودانيز أونلاين ... وشبهينا وإتلاقينا ...
ولك كل الود والتقدير ،،،
|
Post: #4
Title: Re: الدخول لـ سودانيز اون لاين أصعب من الدخول للكونجرس الأميركي
Author: امير بشير حمد
Date: 09-17-2009, 01:25 PM
Parent: #2
لك التحية أخي الأمير أمير ...
والشكر أجزله للأخ بكري أبو بكري لقبول عضويتك الغالية ...
متمنياً لك أطيب إقامة في رحاب فخر المنابر سودانيز أونلاين ... وشبهينا وإتلاقينا ...
ولك كل الود والتقدير ،،،
حبيبنا صبري تاها
لك شكري وتقديري يا زول يا ثمح
وريحتني شبهينا وإتلاقينا
ويكفي اننا اتلاقينا يا غالي
كل الودج
|
Post: #3
Title: Re: الدخول لـ سودانيز اون لاين أصعب من الدخول للكونجرس الأميركي
Author: baha eassa
Date: 09-17-2009, 12:24 PM
Parent: #1
مرحب بيك مع العيد كدة .. بس ماقدر كدة كمان ..
|
Post: #5
Title: Re: الدخول لـ سودانيز اون لاين أصعب من الدخول للكونجرس الأميركي
Author: عبدالله السفاح
Date: 09-17-2009, 01:36 PM
Parent: #3
Quote: انتو عارفين أنا لي زمن ببكي وبنوح وبصيح للشوفتم بتريح
|
حبيبنا أميرووووف
كرهتنا بفرمالتك دي
اها يا اخوي بعد كدا
الا نشوف لينا بلد تاني
ح تقدنا قد ...
وتقشر بينا كم شهر كدا
والبقول ليك زح من الدرب
تقول ليه انا ( عضو في سودانيز اولاين ) !!!
على العموم وباعتباري سنيرك هنا ...
شرفته يا برلوم .. وما تكتر الطلة
البتمسخ خلق الله ..
مع ودي
|
Post: #6
Title: Re: الدخول لـ سودانيز اون لاين أصعب من الدخول للكونجرس الأميركي
Author: الطيب العامرى
Date: 09-17-2009, 03:57 PM
Parent: #5
حبابك ألف أدخل يازول
الدار دارك
|
Post: #7
Title: Re: الدخول لـ سودانيز اون لاين أصعب من الدخول للكونجرس الأميركي
Author: عماد الدين عبدالله
Date: 09-17-2009, 04:06 PM
Parent: #6
الاخ امير الف الف الف مرحب
الدار دارك والجميع في انتظارك
|
Post: #8
Title: Re: الدخول لـ سودانيز اون لاين أصعب من الدخول للكونجرس الأميركي
Author: طارق جبريل
Date: 09-17-2009, 04:10 PM
Parent: #7
حبابك الف يا زول
|
Post: #9
Title: Re: الدخول لـ سودانيز اون لاين أصعب من الدخول للكونجرس الأميركي
Author: محمد علي بكر
Date: 09-17-2009, 07:34 PM
Parent: #8
يازول حمد الله على السلامة واحمد ربك انو ادوك الازن
وما تروح الباسورد كويس ....
|
Post: #10
Title: Re: الدخول لـ سودانيز اون لاين أصعب من الدخول للكونجرس الأميركي
Author: سمندلاوى
Date: 09-17-2009, 10:17 PM
Parent: #9
مرحب ولدنا الغالى وفنان ...
رمضانك كريم وعيدك سعيد وفرحانين بيك
لما بقيت معانا ....
ـــــــــــــــــ
والله سيد الحوش ماقصر تب ....
حبــــابك يابـــلد ..
|
Post: #30
Title: Re: الدخول لـ سودانيز اون لاين أصعب من الدخول للكونجرس الأميركي
Author: امير بشير حمد
Date: 09-20-2009, 11:28 PM
Parent: #6
Quote: حبابك ألف أدخل يازول
الدار دارك |
حبيبنا الطيوبه
برغم مصرنة الترحيب إلا انه حوى معنى الجمال
شاكر ليك كتير
ملحوظة يا شباب
( والكلام دا ما ليك يا الطيب )
انا جني وجن الترحيب المعولق ومبشتن
عليكم الله رحبوا بي ترحيب مجيه
عشان انا زاتي اتكيف
وتسلم يا حبيب
كل التحايا النواضر
|
Post: #11
Title: Re: الدخول لـ سودانيز اون لاين أصعب من الدخول للكونجرس الأميركي
Author: امير بشير حمد
Date: 09-20-2009, 02:10 AM
Parent: #3
Quote: حبيبنا
baha
الصباح الباهي لونك
مشكور كتير علي الترحيب
ليه ياخي ما قدر دا والله انتو قدر الما بنقدر زاتو
كل عام وانت بخير
|
|
Post: #12
Title: Re: الدخول لـ سودانيز اون لاين أصعب من الدخول للكونجرس الأميركي
Author: ABDALLAH ABDALLAH
Date: 09-20-2009, 02:32 AM
Parent: #11
الاخ امــير
نرحـب بيـك مـعانا فـى حــوش اخـونا بـكـرى الـواســع.
وكـل عـام وانت بخــير.
|
Post: #13
Title: Re: الدخول لـ سودانيز اون لاين أصعب من الدخول للكونجرس الأميركي
Author: GamarBoBa
Date: 09-20-2009, 02:41 AM
Parent: #11
مادام الموضوع كدة،ياخي ما عندك مستاجر للباسويردات
حقي انا وكم زول مردّخ من ناس 2000 واتنين
لياقتهم تعبانة وبجوا الميدان ده مرة مرة كدة
فـ 200 دولار في عشرين نفر في السنة بعملوا معانا زي 4000 دولار عايزين نتبرع بيهم للملاريا كونسيرتيوم
والملاريا كونسيرتيوم الاسم عاجبني زي 9999 حقتك دي
لكن كلو كوم والبرلوم(مع اني ضد تسمية البرلوم لكن براكم دايرنها) الجا خشا ليك عارض كوم تاني يمين بالله ضحكني..
تعرف ياالحبيب الدخول ماهو صعب صدقني الخروج والمخارجة اصعب
ابقي طيب بصورتك حقت العيد دي
|
Post: #14
Title: Re: الدخول لـ سودانيز اون لاين أصعب من الدخول للكونجرس الأميركي
Author: محمد عبد الماجد الصايم
Date: 09-20-2009, 03:07 AM
Parent: #13
حمد لله على السلامة يا عمكـ
وكل سنة وإنت طيب
|
Post: #15
Title: Re: الدخول لـ سودانيز اون لاين أصعب من الدخول للكونجرس الأميركي
Author: حبيب نورة
Date: 09-20-2009, 03:30 AM
Parent: #14
|
Post: #16
Title: Re: الدخول لـ سودانيز اون لاين أصعب من الدخول للكونجرس الأميركي
Author: Elfadil Sabeil
Date: 09-20-2009, 03:37 AM
Parent: #15
حمدالله على السلامة سبقناك بإسبوعين كده
الفاضل
|
Post: #17
Title: Re: الدخول لـ سودانيز اون لاين أصعب من الدخول للكونجرس الأميركي
Author: صديق الموج
Date: 09-20-2009, 04:38 AM
Parent: #16
امير كل سنة وانت طيب
يعنى يا امير يا اخوى انت داير تجى كده طوالى يساووك بينا؟
نحن زاتنا ما كنا بنرضى.
يعنى تتساوى انت وابوجهينة وتماضر شيخ ومحسن خالد
وفضيلى جماع وجنى وعماد عبد الله والشقلينى وصديق الموج(احم احم)
بمجرد ترسل ليك سطرين تلاته لى بكرى تقول في نهايتن ويشرفنى
والله صحيح التواضع فى البلاد النامية مزلة..
ياخى مش كفاية سامحين ليك تقرانا؟
امير ياسمح والله انا كان قايلك مشحتف قدر ده
كان اتنازلت ليك من الباسورد حقى ده زمان
اللهم لاتجعل باسورد بكرى وحم...
ياخى انت هين والا لين لكن الزول ابوصلعة حارس
السجن ده طابل بيتو ومصهين.وحاتك ناس كتار
بدقو ونحن سامعنهم وماقادرين نفتح الباب.
شفت الخدامات البخلوهن فى البيوت فى الخليج ديك
ويقواوا ليهن (ماما مافى يفتح باب.)
اها ديل نحن،ومادام جيت بى كرعيك بتشوف.
المهم نحن كتار بيك غزار بوجودك سعيدين بزاملتك
راجين حروفك وبصراحة عربونك كارب
طاب لك المقام وكل عام وانتم بخير،،،
|
Post: #18
Title: Re: الدخول لـ سودانيز اون لاين أصعب من الدخول للكونجرس الأميركي
Author: داليا الكباشى
Date: 09-20-2009, 04:47 AM
Parent: #1
| Quote: بتنا هيلاري كلينتون ها مرا ها توري لا غادي |
اول الغيث قطره ... !!! انت السعوديه دي بدوا منها قريت كارد ولا شنو؟؟؟
حبابك ... سابقنك بشويه ..
|
Post: #19
Title: Re: الدخول لـ سودانيز اون لاين أصعب من الدخول للكونجرس الأميركي
Author: باسط المكي
Date: 09-20-2009, 07:55 AM
Parent: #18
مرحب
حبابك سلامات
|
Post: #20
Title: Re: الدخول لـ سودانيز اون لاين أصعب من الدخول للكونجرس الأميركي
Author: محي الدين جبريل
Date: 09-20-2009, 08:33 AM
Parent: #19
Quote: يعنى يا امير يا اخوى انت داير تجى كده طوالى يساووك بينا؟
نحن زاتنا ما كنا بنرضى.
|
صدقنى ياصديق الموج ده حيبقالكم فى العزاها الله دى ... غايتو مصيبتكم كبيرة ... الزول ده بالنسبة لى شلة بيت عزابة ...
بعرفوا كوييييييييييس ....
ده كا سامينو الجغموهو قرطع
أمير يااااخ حبابك ألف ونورت الحوش والله
وأنا عامل ليك حفل شاى بى غادى لايخلو من بعض شيلان الحال
يابكرى لك منى مائة من الإبل ... رحبوا معاى بأمير بشير حمد( يوجد دق صفائح)..
محي الدين
|
Post: #21
Title: Re: الدخول لـ سودانيز اون لاين أصعب من الدخول للكونجرس الأميركي
Author: عكود عبد القادر عكود
Date: 09-20-2009, 08:35 AM
Parent: #1
الوريف الودود الأمير أمير
لك مني أخي الكريم أعطر التحايا
مقرونة بأحر التهاني بمناسبة عيد
الفطر المبارك مزجاة عبرك لكافة أفراد
الأسرة النبيلة ولأم الكل الرؤوم رفاعة الغالية
وعبرك أيضاًأيهاالإضافة الحقيقية لهذا الصرح الشامخ
للأخ الكريم المفضال بكري أبو بكر والإخوة الكرام الأفاضل
الهرم صديق الموج والنبيل صبري طه والحبيب السفاح وبقية
العقد الفريد النضيد الذين رحبوا بانضمامك الميمون لك وللكل
أقول صادقاً كل الأعوام وأنتم بألف ألف خير،،،
مع
عاطر
مودتي،،،
|
Post: #22
Title: Re: الدخول لـ سودانيز اون لاين أصعب من الدخول للكونجرس الأميركي
Author: البشير دفع الله
Date: 09-20-2009, 08:41 AM
Parent: #21
الحبيب أمير
التحايا والنواضر
جيتنا مع قبايل العيد وبقى العيد عيدين
سعدت جدا وأنأ اطالع بوست الترحيب بك من الأخ محي الدين جبريل
وها أنت قائم بيننا رقما حقيقي واضافة مقدرة للمنبر
أهلا ومرحبا بك
وحبابك آلاف
وقبلها كل عام وانت بخير ومبارك عليك العيد
|
Post: #23
Title: Re: الدخول لـ سودانيز اون لاين أصعب من الدخول للكونجرس الأميركي
Author: فاروق أبوحوه
Date: 09-20-2009, 08:44 AM
Parent: #21
يا حبوب شايف (جهمورك) كتير بالحيل..
ديل كلهم كانوا معاك في بيت العزابه؟!!!
أصلو إنتو كم؟
ثم ثانياً دا بيت شنو اللاميكم إنتو وود جبرين و (الكورجه) دي كلها ؟
بتدخلونا معاكم والله نشيل لحافنا دا ونتوكل ساااكت..
أمير حبابك دشريون..
وأطلق حلقك بالنضمي..
واول حاجه أدي ود الموج دا علي راسو
لو ما هرشتو بحقربك.
كل الود يا طيب.
|
Post: #24
Title: Re: الدخول لـ سودانيز اون لاين أصعب من الدخول للكونجرس الأميركي
Author: محي الدين جبريل
Date: 09-20-2009, 09:35 AM
Parent: #23
Quote: بتدخلونا معاكم والله نشيل لحافنا دا ونتوكل ساااكت..
|
ود أبوحوة ... ياااااخ إنت زول متفائل خلاس ... لحاف شنو يازول
ياخ ده بيت كان كل أصوله عبارة عن واحد سرير ... وهيتر + حلة وكفتيرة + طشت ... وراديو
عشرة مسامير مدقوقات الحيطة ولمبتين بتاعات كهرباء...
وماخفى أعظم ....
كان واحد من تلاتة بيوت للعزابة من دفعة واحدة ... لكن كان اكتر بيت لامى الشباب ... طبيعى شماعة لان السرير واحد..
عموما ده موضوع بوست قائم بزاتو ....
وتعال ياااخ بلا لحاف ... بس يكون عندك حق الحافلة الصباح وقدر يوصلك الكلية ...
سمح ؟
|
Post: #25
Title: Re: الدخول لـ سودانيز اون لاين أصعب من الدخول للكونجرس الأميركي
Author: فاروق أبوحوه
Date: 09-20-2009, 09:39 AM
Parent: #24
| Quote: عبارة عن واحد سرير |
يعني الرقاد (واااااااااته) ؟!!
ود جبرين
حق الحافله عليكم
والرقاد دا أعفوني منو.
سمح تب.
وعيدك مبارك
|
Post: #26
Title: Re: الدخول لـ سودانيز اون لاين أصعب من الدخول للكونجرس الأميركي
Author: امير بشير حمد
Date: 09-20-2009, 02:54 PM
Parent: #25
Quote: حبيبنا أميرووووف
كرهتنا بفرمالتك دي
اها يا اخوي بعد كدا
الا نشوف لينا بلد تاني
ح تقدنا قد ...
وتقشر بينا كم شهر كدا
والبقول ليك زح من الدرب
تقول ليه انا ( عضو في سودانيز اولاين ) !!!
على العموم وباعتباري سنيرك هنا ...
شرفته يا برلوم .. وما تكتر الطلة
البتمسخ خلق الله ..
مع ودي |
السفاح
بهتوك من قالوا انك سفاح
مليون هلا بيك وانت تغمرني بالترحيبات الجميلات المتشمشرات
ونحن نلتقي في منتجع الأحبة
لنتبادل التلاقي والهم الصغير والكبير
ويا جماعة انتو قاصدني وله شنو يعني
شويه شويه علي
قادني ح تقدنا لمن قديتو مرارتي زاته
ويعني انت مقصر ما منكشح في شوارع العمل العام
وكل ما نخش حوش نلقاك متلطع فيه
كرهتنا لعب البلي زاتو
كل التحايا النواضر
|
Post: #27
Title: Re: الدخول لـ سودانيز اون لاين أصعب من الدخول للكونجرس الأميركي
Author: Amir Omer
Date: 09-20-2009, 04:12 PM
Parent: #26
سميّ وبلدياتي الفنان الحبوب ود عمنا بشير حمد
أشرقت أنوار سودانيز بطلتك الجميلة ،
وحقنا نحتفي بيك ومعاك ونزداد فرح
بالعيد وبيك
كل عام وأنت أكثر خيراً
وأنضر وجهاً
وأينع قلباً
| Quote: الدخول للكونجرس الأميركي |
طيب ما تشوف لينا معاك مجلس اللوردات البريطاني ياخ
|
Post: #28
Title: Re: الدخول لـ سودانيز اون لاين أصعب من الدخول للكونجرس الأميركي
Author: مدثر قرجاج
Date: 09-20-2009, 04:27 PM
Parent: #27
حبابك الامير
وبسم الله البيت بيتك ولو بالجد فى زول دخل
الحوش بصعوبه هو العبد لله ولو حكيت ليك حاتقتنع
بس خليها لى وقت تانى
ونورت المنبر
مودتى
|
Post: #29
Title: Re: الدخول لـ سودانيز اون لاين أصعب من الدخول للكونجرس الأميركي
Author: مهيرة
Date: 09-20-2009, 09:25 PM
Parent: #28
Quote: يكفيني فخراً أنني حلمت بكم .. لأكون معكم
وبكم اكتملت كل الصور الجميلة وممتعة
كل التحايا النواضر
بكري ابو بكر
الأخوان والأخوات الأفاضل
مودتي
محبتي
معزتي
.....
|
حبابك عشرة بلا كشرة يا عشاى
نورت الحوش
وكل سنة وانت طيب
تحياتى
|
Post: #31
Title: Re: الدخول لـ سودانيز اون لاين أصعب من الدخول للكونجرس الأميركي
Author: عبير خيرى
Date: 09-21-2009, 00:10 AM
Parent: #1
.
امييييييييير
يا بن الأمل الغائب
كل سنة وإنت طيب
يا صديق البيت نور بيك
أرجا الطوب سااااااي
|
Post: #32
Title: Re: الدخول لـ سودانيز اون لاين أصعب من الدخول للكونجرس الأميركي
Author: امير بشير حمد
Date: 09-21-2009, 01:00 AM
Parent: #31
Quote: .
الاخ امير الف الف الف مرحب
الدار دارك والجميع في انتظارك |
العزيز عماد الدين
الدار الما داري ما بمشي ليها والبلد الما بلدي مالي بيها
والله انا زاتي رويحتي دي مشحتفاني
بدور اخش كل البيوت الفيها ريحتكم
وما قد قصرت
كل التحايا النواضر
|
Post: #33
Title: Re: الدخول لـ سودانيز اون لاين أصعب من الدخول للكونجرس الأميركي
Author: Nasruddin Al Basheer
Date: 09-21-2009, 08:52 AM
Parent: #32
| Quote: الدخول لـ سودانيز اون لاين أصعب من الدخول للكونجرس الأميركي |
إنت لسه شفت حاجة؟
وحاتقول الرووب لو فقدت الباسوورد (لا قدر الله) وعاوز تدخل من جديد..
من جهةِ أخرى:
مرحب بيك يا أمير ومبروك عليك الانضمام لهذه الكوكبة الجميلة
ونتمنى أن يطيب لك المقام..
والعيد مبارك عليك..
|
Post: #34
Title: Re: الدخول لـ سودانيز اون لاين أصعب من الدخول للكونجرس الأميركي
Author: امير بشير حمد
Date: 09-21-2009, 08:54 AM
Parent: #32
اهاااااااااااااااااا يا طارق جبريل
دا الترحيب المبشتن والمعولق والممحوق الما دايرنو زاتو
ياخي البخل بتاع المفردات دا ما تخليهو
طابلة مالك
تكشح في الكلام سااااااااااااااااااااي
واليله معينك يعني نضب وله شنو ؟
وله انا ما عاجبك ؟
كان ما عاجبك ياخي ادييييييييييييييييل
كدي قول ما عاجبك
وله دي حقاره يعني
والله انا لمن اتحسست زاتو
وما فاضل لي شيء الا اخش جوه حروفي
ودا انا الحالتي عامل فيها صاحبك
اقالد فيك في الهوا
لا خليت سنجة لا مدني و لا حتى الفيس بوك اللبقبق كرعي انا الممسوخ
وتجي بعد عشرة الأثير دي كلها تديني بوكس في حناني
صحبة الياباني والتاباني
لكن برضو نرجع ليك كلامك
حبابك الف يا زول
...
كل التحايا النواضر
|
Post: #35
Title: Re: الدخول لـ سودانيز اون لاين أصعب من الدخول للكونجرس الأميركي
Author: امير بشير حمد
Date: 09-21-2009, 03:49 PM
Parent: #34
Quote: ]
يازول حمد الله على السلامة واحمد ربك انو ادوك الازن
وما تروح الباسورد كويس ....
|
يا حبيبنا
الجاني مكنك ومن تباريح الهوى
وصفو بصعب يا جميل
وبعدت عنك
ولم طال بي النوى
بقى لي اسيبك مستحيل
بقى لي اسيبك مستحيل
متشكر كتييير كتيييير لك
واوعدك اكنكش فيه بي سنوني ديل كنكشه شديده
كل التحايا النواضر
...
..
.
|
Post: #36
Title: Re: الدخول لـ سودانيز اون لاين أصعب من الدخول للكونجرس الأميركي
Author: Nola
Date: 09-21-2009, 06:20 PM
Parent: #35
أمير بشير حمد ...
باظت خلاص ...
دقيقة ما قلت لي الصورة الثمحة دي ...
مشرك بيها لي منو ...
عاين ...
مبسوطه جدا انك بي جاي ...
|
Post: #37
Title: Re: الدخول لـ سودانيز اون لاين أصعب من الدخول للكونجرس الأميركي
Author: امير بشير حمد
Date: 09-23-2009, 05:13 AM
Parent: #36
يا سمندلاوي يا جميل
البيني ما بينكم قدر مكتوب وكان لازم يكون
صحيتو في نفسي جيتكم
واهو الايام جابتنا ولمتنا وحببتنا فيكم
وشاكر كتييييييييييييييييير للترحيب
كل التحايا النواضر
...
..
.
|
Post: #38
Title: Re: الدخول لـ سودانيز اون لاين أصعب من الدخول للكونجرس الأميركي
Author: omar alhag
Date: 09-23-2009, 11:31 AM
Parent: #37
يا ود حمد
شايفك
كترت الفتوشوب وعصرت علي الفلاتر
مرحب بيك رفاعة جابت امير.
بعد الترحيب
خش علي المفيد والجديد
الرائع امير بشير حمد صاحب هذا الربط المبدع
http://www.forthemgroup.com/
كل سنة وانت طيب..
.
.
.
.
.
.
.
مشتاقين
|
|