Post: #1
Title: ناس الصحافة عيدكم سعيد ....
Author: عبد الدائم سيد أحمد
Date: 09-17-2009, 11:44 AM
وانشاء الله كلكم تامين ولا مين
وربنا يحقق كل الامانى الممكنة والمستحيلة
من 15 لييييييين 42
ابو عبيدة ، عيدروس حجر ، ابو الحسين ، معتز الامين ، طارق الامين
عثمان سيداحمد ، عادل جبارة ، حيدر قاسم ، عمر التوم ، معاوية محمد
احمد عجوز ، الموصلى ، فوزى عبدالفتاح ، علاء حيمورة ، عماد حيمورة
انعام حيمورة ، اشراقة حيمورة ، جمال السنوسى ، منصور عبدالرازق
مهند حيمورة ، الصحافة 30 ، غباشى ، عمر عبدالسلام و كبسيبة
ما اكون نسيت لى زول
وينكم انتو الطال غيابكم
العيون تسألنى منكم والقليب بيقول حبابكم
|
Post: #2
Title: Re: ناس الصحافة عيدكم سعيد ....
Author: كمال حسن
Date: 09-17-2009, 11:53 AM
Parent: #1
بالرغم من إنك نسيتنا
لكن ربنا يحقق كل الأماني الطيبه
ويجعل كل أهل الصحافه خاصة والسودان عامة والأمة الإسلامية بصورة أعم يعيشون في أتم الصحة وأكمل العافية
ويحقق أحلام الجميع فردا فردا
كمال حسن علي
الصحافه 22
|
Post: #3
Title: Re: ناس الصحافة عيدكم سعيد ....
Author: عادل جبارة
Date: 09-17-2009, 12:00 PM
Parent: #2
أووووووه
أخونا وصديقنا عبد الدائم !!!
كل سنةوإنت طيب وكل أفراد الأسرة بخير وسعادة وعيدكم مبارك
وإنشاء الله السنة الجاية كلنا تامين ولامين في صحافتنا الجميلة[/B[/
|
Post: #4
Title: Re: ناس الصحافة عيدكم سعيد ....
Author: Dr.Elsadig Abdalla
Date: 09-17-2009, 12:07 PM
Parent: #3
وكيف اركويت 43
|
Post: #8
Title: Re: ناس الصحافة عيدكم سعيد ....
Author: عبد الدائم سيد أحمد
Date: 09-17-2009, 12:16 PM
Parent: #4
د/ الصادق
احب اركويت واموووت فى الصحافة
43 مش مقابل الصحافة مربع 37
اذن انتو مننا وفينا ....
غايتو يا ناس اركويت كنا بنغلبكم غلب
والشمس فوووووق مع الرأفة ... زى ما قال صاحبك
تحياتى للحلوين
|
Post: #35
Title: Re: ناس الصحافة عيدكم سعيد ....
Author: مزمل خيرى
Date: 09-20-2009, 12:05 PM
Parent: #4
الصادق
قول بسم الله 63 مش 43
انت لسع صائم هناك فى ايرلندا ؟
|
Post: #5
Title: Re: ناس الصحافة عيدكم سعيد ....
Author: عبد الدائم سيد أحمد
Date: 09-17-2009, 12:08 PM
Parent: #2
اووووووه كمال
كل سنة وانت طيب وعيد سعيد
معليش نسيتك مع انك جارنا ( هيته بالهيته )
كمال يا حبيب رغم انو لينا سنين ما اتلاقينا
لكن ليك مكانة خاصة فى القلب لانك صديق المرحوم
اخى عبدالغنى سيداحمد من ايام الابتدائى
شفت الدنيا دى ضيقة كيف .....
وبرسل تحياتى عبرك للاخوان امير وازهرى واسامة حسن على
وياسر فضل وكللللل 22
وسلام خاص لصاحبك الخير محجوب
لسه بتقيف حارس ولا تركت الشغلانة
مع انو الفاضل الملك كان بقول عليك حارس تعبااااان
ناس حاقدة تقول شنو بس اصو ناس الشبيبة كدا
ودمت ودام الود بيننا
|
Post: #6
Title: Re: ناس الصحافة عيدكم سعيد ....
Author: عبد الدائم سيد أحمد
Date: 09-17-2009, 12:12 PM
Parent: #5
عادل يا جبارة
بركة العيد الجابك لينا
مشتاقين والله
وكل سنة انت والاسرة بالف خير
والضحية بهناك يارب
|
Post: #7
Title: Re: ناس الصحافة عيدكم سعيد ....
Author: طارق جبريل
Date: 09-17-2009, 12:15 PM
Parent: #6
بالله طوطحانياتكم دي
ما اشوفها جنب محطة سبعة
|
Post: #9
Title: Re: ناس الصحافة عيدكم سعيد ....
Author: عبد الدائم سيد أحمد
Date: 09-17-2009, 12:21 PM
Parent: #7
محطة سبعة شنو بالله التراب يغطس الرجلين
فيها شنو غير ريحة الجداد والباسـطة ...
كدي اشوف واحد من الامتداد قاعد جمب خور جانقى
عشان ارشوووو ليكم بموية المطره
كل سنة وانت والامتداداب بخير يا طارق
|
Post: #10
Title: Re: ناس الصحافة عيدكم سعيد ....
Author: منصور عبد الرازق
Date: 09-17-2009, 12:24 PM
Parent: #7
وعيدسعيد لكل القلتهم والما قلتهم
عيد الامتداد البيبكى طارق جبريل
يا ربى حا يعمل شنو فى عيد الصحافة الخلى عبد الدائم النضيف ينسى جارهم (الهيتة بالهيتة )
ما نفسكم فى زلابية بى شاى لبن فى محطة سبعة
ولا صلاة العيدفى ساحة المسجد
ولا فطور العيد الصباح بى عصائده وسكسكانياتو فى برش الصلاة
كل سنة وانتو طيبين
|
Post: #11
Title: Re: ناس الصحافة عيدكم سعيد ....
Author: طارق جبريل
Date: 09-17-2009, 12:27 PM
Parent: #10
عاجبانا محطة سبعة دي بي الضُبان الفيها
بس انتو اخطوها
تليشة:
اول حكايات الغرام بدأت في جزء قصي من الصحافة
ودي عايزة ليها روقة عشان تتحكي
|
Post: #12
Title: Re: ناس الصحافة عيدكم سعيد ....
Author: عبد الدائم سيد أحمد
Date: 09-17-2009, 12:32 PM
Parent: #11
Quote: اول حكايات الغرام بدأت في جزء قصي من الصحافة
ودي عايزة ليها روقة عشان تتحكي |
اصصصصلكم يا اولاد الامتداد غير تزاحمونا فى حفلاتنا وتتلصقوا
فى جكسينا ..... استفدنا منكم شنو
|
Post: #13
Title: Re: ناس الصحافة عيدكم سعيد ....
Author: طارق جبريل
Date: 09-17-2009, 12:34 PM
Parent: #12
Quote: اصصصصلكم يا اولاد الامتداد غير تزاحمونا فى حفلاتنا وتتلصقوا
فى جكسينا ..... استفدنا منكم شنو |
النظرية بتقول اولاد الحلة ما بيجكسوا بنات حلتهم
|
Post: #14
Title: Re: ناس الصحافة عيدكم سعيد ....
Author: عبد الدائم سيد أحمد
Date: 09-17-2009, 12:36 PM
Parent: #10
الله الله يا منصور من فطور العيد
ما تذكرنا ياخى خليت ريالتى تسيل
والعشاء تانى يوم عند ست الكوارع جارتكم فى 29
كل سنة وانت طيب يا حبيب
|
Post: #15
Title: Re: ناس الصحافة عيدكم سعيد ....
Author: كمال حسن
Date: 09-17-2009, 12:45 PM
Parent: #7
الأخ عبد الدائم
ياخي قلبت المواجع علي مجددا
نسأل الله أن يعوض أخي عبد الغني شبابه الجنة ببركة هذه الأيام المباركة ولا نزكيه على الله فهو كان من المصلين في وقت ندر بين الشباب حينها من هم كذلك
Quote:
وبرسل تحياتى عبرك للاخوان امير وازهرى واسامة حسن على
وياسر فضل وكللللل 22
|
لي أسامه وصلتها حار حار التحايا لأنو إتصل علي قبل دقائق قليلة
أما أمير طبعا في هولندا وأزهري إستقر في السودان ليه كم سنه كده
وياسر طبعا مفروض يكون في بلدكم بس ماعارفو في جده والله الدمام والله الرياض
والله الخير لي زمن منو طويييل خلاص
Quote: لسه بتقيف حارس ولا تركت الشغلانة
مع انو الفاضل الملك كان بقول عليك حارس تعبااااان
ناس حاقدة تقول شنو بس اصو ناس الشبيبة كدا
|
ياخوي حارس شنو نحن بقينا لم نتفرج فيها ساكت نفسنا بيقوم
تعرف الفاضل بالذات ما ممكن يكون قال كده اصلي كنت بقطعها ليهم في حنانهم 
وبعدين ناس الشبيبه ديل بالذات أنا كانت تماريني معاهم بي صوره شبه يوميه (ده بعد مشيت الخرطوم 3 ما زمن المشترى لأنو الحساسيات كانت شديده بينات الشبيبه والمشترى)
بالله ألقى عندك أخبار خالد إدريس والله تلفون ليهو في السعوديه
وتسلم ياحبيب
|
Post: #16
Title: Re: ناس الصحافة عيدكم سعيد ....
Author: عبد الدائم سيد أحمد
Date: 09-18-2009, 01:43 AM
Parent: #15
كمال جيايك شوية بس
كل طلباتك مجابة
|
Post: #17
Title: Re: ناس الصحافة عيدكم سعيد ....
Author: ahmed khidir
Date: 09-18-2009, 01:55 AM
Parent: #16
عبد الدائم
سلامات
وكل سنة وانت وناس الصحافه كلهم بخير وعافية
| Quote: ياخوي حارس شنو نحن بقينا لم نتفرج فيها ساكت نفسنا بيقوم |
يا كمال
الحاله دى قبل ولا بعد ضعف النظر
سلامات يا حبيب وعيدكم سعيد
|
Post: #18
Title: Re: ناس الصحافة عيدكم سعيد ....
Author: عبد الدائم سيد أحمد
Date: 09-18-2009, 02:00 AM
Parent: #17
يا جماعة ده العيد الصغير ولا الكبير
احمد خضر ذات نفسو
نقول عيدين
يا احمودى كل سنة وانت طيب
ونتلاقى فى ساعة خير او فى 31
الشوق بحور و بحور عديل كده
الاقيك فى الماسنجر يا حبيب
|
Post: #19
Title: Re: ناس الصحافة عيدكم سعيد ....
Author: Alsa7afa_30
Date: 09-18-2009, 03:37 AM
Parent: #18
حبيبنا أبو عناب
عيد سعيد مقدماً
و كل عام و الجميع بألف خير و صحة و عافية ..
|
Post: #20
Title: Re: ناس الصحافة عيدكم سعيد ....
Author: كمال حسن
Date: 09-18-2009, 08:44 AM
Parent: #19
الأخ العزيز أحمد خـــ(د)ــــــر
ويييينك يا مان، والله موشتاقييين يا ابو رزان
شايفك قاطع الحركه كلو كلو، شكلك غنيييت يا غتيييت
Quote: يا كمال
الحاله دى قبل ولا بعد ضعف النظر
سلامات يا حبيب وعيدكم سعيد |
تعرف يا بوحميد النظر ده من الحاجات القلايل (بحمد الله ) الما إتأثر بالسنيوات
يعني أنا نظري حديد
بس والله اليومين ديل شكلي ناوي أجك مع فريق المدينه ساكِّينّي (شوفت كيييف
 ) قالو عندهم حارس واحد وما عندهم إحتياطي (شووف وصلنا وين ياخي)
واصلو أخوك داير تمارين حركه لأنو حركه تب مافي البيت المكتب، المكتب للبيت
عموما الله يكضب الشينه نقدر نتم التمرين في الأول
|
Post: #21
Title: Re: ناس الصحافة عيدكم سعيد ....
Author: ahmed khidir
Date: 09-18-2009, 04:02 PM
Parent: #20
عن اذنك يا صاحب البوكس
| Quote: شايفك قاطع الحركه كلو كلو، شكلك غنيييت يا غتيييت |
عيان شديد اليومين ديل
الام مزمنة فى الجيوب
كمال تحياتى لى ناس الصحافه البى طرفكم والبعاد
اسامة وابو كرفتة والبقية
|
Post: #22
Title: Re: ناس الصحافة عيدكم سعيد ....
Author: omer abdelsalam
Date: 09-18-2009, 06:42 PM
Parent: #21
Quote: انشاء الله كلكم تامين ولا مين
وربنا يحقق كل الامانى الممكنة والمستحيلة
|
عبدالدائم سيداحمد
كل عام وانت بخير
شكرا ليك
عشان اتذكرت احبابنا في الصحافة الجميلة
امنياتي لكل اهل الصحافة بطول العمر والتقدم
وكل سنة والجميع بالف خير
|
Post: #23
Title: Re: ناس الصحافة عيدكم سعيد ....
Author: ASHRAF MUSTAFA
Date: 09-18-2009, 08:07 PM
Parent: #22
Quote: ابو عبيدة ، عيدروس حجر ، ابو الحسين ، معتز الامين ، طارق الامين
عثمان سيداحمد ، عادل جبارة ، حيدر قاسم ، عمر التوم ، معاوية محمد
احمد عجوز ، الموصلى ، فوزى عبدالفتاح ، علاء حيمورة ، عماد حيمورة
انعام حيمورة ، اشراقة حيمورة ، جمال السنوسى ، منصور عبدالرازق
مهند حيمورة ، الصحافة 30 ، غباشى ، عمر عبدالسلام و كبسيبة
ما اكون نسيت لى زول |
غايتو يا عبد الدائم اتلومت وسفيت التراب
اسمي وين مع العالم ديل؟؟؟؟
| Quote: ناس الصحافة عيدكم سعيد |
يعني مقالاتي دي كلها ما شفتها؟؟؟
(وش مقبوض للرقبة)
|
Post: #24
Title: Re: ناس الصحافة عيدكم سعيد ....
Author: Dr. Ahmed Amin
Date: 09-18-2009, 10:54 PM
Parent: #23
النضيف ..
كيفك يا رجل والله ليك وحشة ...
انت معيد في السودان ولا شنو ؟؟؟
المهم ...
كل عام وانت واسرتك وماس الصحافة والسودان كله
بألف خير .. وعساكم من عواده ...
من الإمارات سلااااااام ...
مودتي
|
Post: #25
Title: Re: ناس الصحافة عيدكم سعيد ....
Author: عبد الدائم سيد أحمد
Date: 09-19-2009, 09:19 AM
Parent: #24
حسام 30
كل سنة وانت طيب
والسنة الجايه عريس
مافى اى فرفرة تانى
ونتلاقى فى الضحية لو ربنا هون
|
Post: #28
Title: Re: ناس الصحافة عيدكم سعيد ....
Author: عبد الدائم سيد أحمد
Date: 09-19-2009, 09:27 AM
Parent: #24
د/ احمد امين
كل سنة وانت طيب وعساك من عواده
معيد وحاتك فى جده
والعيد الكبير بهناك انشاء الله
|
Post: #27
Title: Re: ناس الصحافة عيدكم سعيد ....
Author: عبد الدائم سيد أحمد
Date: 09-19-2009, 09:25 AM
Parent: #23
يا ود العمارات انت راكب فى حافلة الصحافة شرق ياخى
كل سنة وانت طيب
وناس صحافتكم بالف خير
اصحى دى اللون
|
Post: #26
Title: Re: ناس الصحافة عيدكم سعيد ....
Author: عبد الدائم سيد أحمد
Date: 09-19-2009, 09:22 AM
Parent: #22
ازهرى عبدالسلام
العيد مبارك علينا وعليكم
وكل سنة ( تيبين ... تيبين )
خالص الود
|
Post: #29
Title: Re: ناس الصحافة عيدكم سعيد ....
Author: فيصل محمد خليل
Date: 09-19-2009, 09:39 AM
Parent: #26
|
Post: #30
Title: Re: ناس الصحافة عيدكم سعيد ....
Author: عبد الدائم سيد أحمد
Date: 09-19-2009, 09:45 AM
Parent: #29
يا فيصل
بالله انا من الصحافة شايف صيوان كزام برفرف فى الامتداد
قلت دى حفلة كاربة فى العيد لما قربت لقيته لوحة تهنئة بالعيد
كل سنة وانت طيب ياخى
وعيدكم مبارك
|
Post: #31
Title: Re: ناس الصحافة عيدكم سعيد ....
Author: جمال السنوسي
Date: 09-19-2009, 12:33 PM
Parent: #30
عيد سعيد لكل الزملاء بالبورد
وعيدية خاصة لأبناء الصحافة العظام من سبعة ولحدي الحزام
شكرا عبدالدائم
فجمعتنا هنا تمت من أجل أربعة جوانب للزمالة وهي :
البورد
الصحافة
الدراسة
الهلال
وكل سنة وانتوا طيبين يا ناس الصحافة
|
Post: #32
Title: Re: ناس الصحافة عيدكم سعيد ....
Author: عبد الدائم سيد أحمد
Date: 09-19-2009, 12:44 PM
Parent: #31
جيمى سلامات
وعيدكم آآآآآآآآمبارك
يعود علينا و عليكم بالخير واليمن والبركات
ويتم ليك اللى فى بالك ويحقق الفى مرادك
وتحلق مع اندية العالم
فوق فوق ... فوووووق
|
Post: #33
Title: Re: ناس الصحافة عيدكم سعيد ....
Author: عبد الدائم سيد أحمد
Date: 09-20-2009, 08:42 AM
Parent: #32
|
Post: #34
Title: Re: ناس الصحافة عيدكم سعيد ....
Author: طارق جبريل
Date: 09-20-2009, 11:50 AM
Parent: #33
كل سنة وانتو طيبين يا صحافاب
بالله عيدوا علينا على الزولة ديييييييييييك
|
Post: #36
Title: Re: ناس الصحافة عيدكم سعيد ....
Author: Sidgi mattar
Date: 09-20-2009, 12:36 PM
Parent: #34
عيد سعيد ومبارك
نحن جيرانكم فى اركويت وجبت المعايده
مودتى
|
Post: #37
Title: Re: ناس الصحافة عيدكم سعيد ....
Author: غباشي
Date: 09-20-2009, 01:50 PM
Parent: #36
كل عام و الصحافة بالف خير ....
تحياتي ابو عناب ... و تعود الايام ....
عيدية من داخل الصحافة
صدقي يا حبيبنا ...
عيدية ايضاً لناس بروكسل و اركويت
|
Post: #38
Title: Re: ناس الصحافة عيدكم سعيد ....
Author: Sidgi mattar
Date: 09-20-2009, 02:04 PM
Parent: #37
غباشى
لك الود والتمنى بعيد سعيد
والتحايا للجميع
عمو على بارك ليهو الباص ورد
مودتى
|
Post: #39
Title: Re: ناس الصحافة عيدكم سعيد ....
Author: HAYDER GASIM
Date: 09-21-2009, 01:01 AM
Parent: #38
حبيبنا النضيف ... تسلم وتتبارك,
يا سلام عليك ياخ, جبت لينا سيرة
حلوة وعطرة, إنها الصحافة الباذخة
المنيفة, حاجة ما تخلص, قعدت فيها
تمانية شهور وما أزال أشتاقها, فهي
أمنا الرؤوم وحاضنة تاريخنا ونشأتنا
وأنساق حياتنا وتفاصيلها المجيدة.
الصحافة تتجمل من ذاتها كل يوم وتنفح
أريجها وتمد أيدها لكل محبيها وقاصديها.
فلنفرح لكوننا من صميم أبنائها, فقد إزدانت
هويتنا بصحافتنا... وترصعت أكتافنا بشرف
الإنتماء إليها ... نياشين وأنواط جدارة
وفرحا وحلما وحنوا ... فلتعش غراؤنا شماء.
شكرا أولاد وبنات الصحافة, فتواصلوا من هنا
وكل سنة وإنتو طيبين.
مع عاطر مودتي
|
Post: #40
Title: Re: ناس الصحافة عيدكم سعيد ....
Author: عبد الدائم سيد أحمد
Date: 09-21-2009, 08:21 AM
Parent: #39
الاخ صدقى
كل سنة وانت طيب ياخ وعام سعيد وعمر مديد وصحة حديد
ربنا يخلى ليك الحلوين اللفى البروفايل
مش فى مقولة زمان بتقول ( اموت ركن )
اهو نحن ركنا اركويت
|
Post: #41
Title: Re: ناس الصحافة عيدكم سعيد ....
Author: عبد الدائم سيد أحمد
Date: 09-21-2009, 08:27 AM
Parent: #39
يا غباشى ترررم
يا غباششششى
ما للهوى بلدوو .... كل قلب فى حماهو الحب ... تررررم
زوول مبسووووط منك عشان عيدت فى الصحافة
والله بختك اكل لي منقة عليك الله من السوق المركزى
وما تكتر من الخبيز
يا ريت تكون قاعد لحدى العيد الكبير عشان تقابل
سلامى لاى زووول يقابلك فى السكة
|
Post: #42
Title: Re: ناس الصحافة عيدكم سعيد ....
Author: عبد الدائم سيد أحمد
Date: 09-21-2009, 08:31 AM
Parent: #39
Quote: كل سنة وانتو طيبين يا صحافاب
بالله عيدوا علينا على الزولة ديييييييييييك |
يا طارق اووول ما جبت ليها سيرتك .... عوجـــت خشــما .....
وقالت برررررررى
وانا مالى جبت حاجة من عندى
|
Post: #43
Title: Re: ناس الصحافة عيدكم سعيد ....
Author: عبد الدائم سيد أحمد
Date: 09-21-2009, 08:38 AM
Parent: #39
الحبيب حيدر قاسم
اتعملنا من ريدك .... نحب الصحافة ونريدا
وما اصلو البزورو الريد حب الناس بزور قلبو
كل سنة وانت وعم قاسم والاسرة بالف خير وكل 23
اتاريك كنت مسجل شبه غياب عن المنبر فى الفترة الماضية
وحلال عليك التمانية شهور ,,, وتسلم يا غالى
|
Post: #44
Title: Re: ناس الصحافة عيدكم سعيد ....
Author: عبد الدائم سيد أحمد
Date: 09-21-2009, 08:44 AM
Parent: #43
مزمل خيرى
Quote: الصادق
قول بسم الله 63 مش 43
انت لسع صائم هناك فى ايرلندا |
الدكتور ده قلبو معلق عندنا من زمن حلويات سعد
شفت الحلاوة دى كيف
كل سنة وانت طيب
|
Post: #45
Title: Re: ناس الصحافة عيدكم سعيد ....
Author: وليد عبد اللطيف
Date: 09-21-2009, 03:15 PM
Parent: #44
| Quote: وعيدية خاصة لأبناء الصحافة العظام من سبعة ولحدي الحزام |
ياعبودي
الناس زمان تغني
الليل الليل ياجمال الليل
تحي الصحافة صحافة العظام
من حد سبعة للحزام
في خط سته لعبنا باص
وجبنا القون شتتناهم زي الرصاص
ولو اتقابلنا بسمعك ليها في شريط جلسه بجده مع اولاد الصحافة سنة 1996م
وعطر الجلسه اخونا احمد عجوز بدرر الحقيبه
ومن هذه الجلسه
عرفت ان ناس الصحافه بتسمع غير عثمان حسين
وناس بتسمع غير البلابل ..ها ها ها
اولاد الصحافة ومُنذ بداياته شباب متفتح ومتجمع ومتفق على فعل
الخير وماتنسى كمان ناسهم حلوين والجكس نضيف زي ماقال طارق جبريل
وكنا نغني بقيادة فرفور بدلوكة في احدى مربعات الصحافه
الحلوه اوصافها
تقوم بينا العربيه تودينا الصحافة
يالنضيف
للما بعرف الصحافة
الصحافة وتر (عمر حيمورة ) وكفر (طارق بشير وطارق كادوسه)
كل سنه وانتم طيبين
وبجيك صادي واتكلم عن حي الصحافه
|
Post: #46
Title: Re: ناس الصحافة عيدكم سعيد ....
Author: عفاف الصادق بابكر
Date: 09-21-2009, 03:36 PM
Parent: #45
عبدالدائم - كيفنك
وكل سنة وانت وجميع اهل الصحافة بخير ..
فقدت الصحافة قبل أمس .. عمي العزيز الغالي ..
محجوب على بلال .. والد خالد الصحافة المبدع ..
وضياء الدين .. ومحمد ..
وجاءنا العيد والحزن يخيم علينا ..
رحم الله عمي وجعله من اصحاب اليمين ..
بت الصادق
|
Post: #47
Title: Re: ناس الصحافة عيدكم سعيد ....
Author: وليد عبد اللطيف
Date: 09-21-2009, 04:13 PM
Parent: #46
Quote: فقدت الصحافة قبل أمس .. عمي العزيز الغالي ..
محجوب على بلال .. والد خالد الصحافة المبدع ..
وضياء الدين .. ومحمد ..[/QUOTE
انا لله وانا اليه راجعون
|
Post: #48
Title: Re: ناس الصحافة عيدكم سعيد ....
Author: عبد الدائم سيد أحمد
Date: 09-22-2009, 08:36 AM
Parent: #46
الاخت العزيزة عفاف الصادق
البركة فينا وفيكم فى عم محجوب ،،، الصحافة مربع 17
وفعلا" فقد جلل وربنا يجعله اخر الاحزان
والتعازى الحارة للاخوان خالد وضياء ومحمد
خالد زميلنا فى الجامعة واخ وصديق عزيز من ايام الزقازيق
كل سنة انتى والاسرة طيبين وعيد سعيد
والقابلة على امانيكم
|
Post: #49
Title: Re: ناس الصحافة عيدكم سعيد ....
Author: عبد الدائم سيد أحمد
Date: 09-22-2009, 08:45 AM
Parent: #48
يا ويلى كلامك صاح المفروض انا اكتبك من ضمن القائمة
انت عندك العضوية من زمن بيت بنى مالك وميدان التراب والبلدية
وابراهيم شكب والتوم الشين وعيييييك
بالله تعال اكتب انطباعك الجميل ، اول ايام معرفتى بيك افتكرتك
من الصحافة سألت الشباب ( ده من آآندينا ) قالو لي ديل ناس بحررررى
وبحرى طراوة
كل سنة انت والاسرة بالف خير
|
Post: #50
Title: Re: ناس الصحافة عيدكم سعيد ....
Author: Haytham Abdulaziz
Date: 09-22-2009, 02:11 PM
Parent: #49
يا أبو البنوت الحلوات ممكن أشــــارك؟
طيب شكــراً ليك يا عبدو و كل سنة وإنت وأسرتك طيبين و دايماً تامين و لامين....
أتقدم لكل الأهل بالصحافة بأحلى الأمنيات بالعيد السعيد...
و إن شـــاءالله فريق الصحافة السنة دي في الدرجة الثانية....
أقول.....
يا طويل العُمر....
والله مشــتـاقين....
|
Post: #51
Title: Re: ناس الصحافة عيدكم سعيد ....
Author: Ishraga Haimoura
Date: 09-23-2009, 07:26 AM
Parent: #50
الأخ عبد الدائم وكل الصحافاب الحلوين
كل عام وأنتم والصحافة بألف خير
ما تقول لي دا أسامة الطويل ود 22 ??????
ياخي سلموا ليه عليه كتير السلام
حليل أيام اللمات الحلوة مع ناس 22 وصديقي الغائب اسامة سيد أحمد، تحياتي ليه أينما كان في بلاد الله الواسعة
التحية لكل ناس الصحافة
|
Post: #53
Title: Re: ناس الصحافة عيدكم سعيد ....
Author: عبد الدائم سيد أحمد
Date: 09-23-2009, 08:33 AM
Parent: #51
اشراقة بت ناس حيمورة
كل سنة وانتى والاسرة طيبين وعيد سعيد
وربنا يحقق الامانى ويلم الشمل
ياهو كمال ود 22 وهو الان فى الجيرمنى
اما اسامة نسألك ليك منو اراضيهو وين
تحياتى لكل الحيموراب وخصوصا" يوسف الخال واسرته فردا" فردا"
واقول ليك شنو ....
السنة الجاية حبوبة يارب ... شفتكم ومعاك البنيه فى افطار بورداب الخرطوم
ربنا يحفظها ...
|
Post: #52
Title: Re: ناس الصحافة عيدكم سعيد ....
Author: عبد الدائم سيد أحمد
Date: 09-23-2009, 08:27 AM
Parent: #50
لو مشتاق يا هيثم نحن ليك بالاكتر
كل سنة وانت والعيال وامهم بخير
والقابلة فى القــــــــــوز
وعيد سعيد
|
Post: #54
Title: Re: ناس الصحافة عيدكم سعيد ....
Author: كمال حسن
Date: 09-23-2009, 09:27 AM
Parent: #52
الأخت إشراقه حيموره
تحيه طيبه وكل عام وأنتم بخير
أسامه طبعا هنا في فرانكفورت ، وإتصلت بيه قبل دقائق ووصلت ليه تحاياكم، وسعد حقيقة أيما سعاده ، وكلفني برد التحية نيابة عنه بأحسن من تحيتكم
ويتمنى لكم دوام الصحة وكمال العافية
ويرسل تحياته عبرك للأخت منى
وطبعا أسامه سيد أحمد موجود حاليا بأمريكا، إنقطع الإتصال به قبل وقت ليس بالطويل ولا أملك له حاليا رقم تليفون
عموما تحياتي أنا الخاصة للأخوان خالد وعمر حيموره
وكل أهل الصحافة
على أمل اللقاء بهم جميعا في عيد الأضحى ـ الله يبعد العوارض - لقضاء الإجازة بين الأهل وفي رحاب الوطن الغالي
كمال حسن علي
|
Post: #55
Title: Re: ناس الصحافة عيدكم سعيد ....
Author: عبد الدائم سيد أحمد
Date: 09-23-2009, 09:56 AM
Parent: #54
يا كمال صباحك طله الياسمين
ده ت خالد ادريس 00966553457690
انا اتصلت عليهو من شوية ولقيت معاهو جمال الكنزى ( كجه )
وقلت ليهو حيتصل عليك زول عزيز وما حددت ليهو الاسم
ودمت بخير
|
Post: #56
Title: Re: ناس الصحافة عيدكم سعيد ....
Author: جمال علي حسن
Date: 09-23-2009, 10:34 AM
Parent: #55
الاخ عبد الدائم سيد احمد
وكل ابناء الصحافة
عيد سعيد وكل سنة وانتو طيبين
واهدي ليكم اجمل قصيدة لمدينة الصحافة
انتي يادرب الاماني
ياغنيوات المسافة
يانهايات المواني
وياصباحات الثقافة
نحن منك بسمة تمسح عن بحيرات الجفافة
نحن منك نبني مجدك مهرجانك ياصحافة
غير متاكد من الشاعر ولكننا كنا نرددها في كورال علي السيد الثانوية 89 -92
جمال على حسن
من مواليد واولاد شرق 38 منزل رقم 90
الصحافة
|
Post: #57
Title: Re: ناس الصحافة عيدكم سعيد ....
Author: عبد الدائم سيد أحمد
Date: 09-23-2009, 11:19 AM
Parent: #56
اهلا" بناس 38
جمال ازيك وكل سنة وانت طيب والجميع بخير
كورالك رائع ويا حبذا لو قالوه معاك بنات مدرسة محمد ساتى
ولا العروبة ولا اقول ليك الصحافة ميرغنى
لالالا ياخى على السيد بنات ......
حولالالا يا جمال ايام لها ايقاع
يانهايات المواني
المقطع ده ذكرنى زحمة المواصلات والميناء البرى العملوه جديد
وضيع علينا ملامح حافلات الصحافة الزمان ....
الواحد فينا كان بركب من الخرطوم وحافظ كل الوجوده من نمرة 3
مرورا بالديم والامتداد ...
تحياتى للجميع يا جمال وخليك قريب عاوزين نعمل لينا رابطة فى النت
|
Post: #58
Title: Re: ناس الصحافة عيدكم سعيد ....
Author: جمال علي حسن
Date: 09-23-2009, 01:31 PM
Parent: #57
Quote:
تحياتى للجميع يا جمال وخليك قريب عاوزين نعمل لينا رابطة فى النت |
يازول ابشر نحن جاهزين
بس انت قول عووووك
جمال
|
Post: #59
Title: Re: ناس الصحافة عيدكم سعيد ....
Author: عبد الدائم سيد أحمد
Date: 09-24-2009, 09:47 AM
Parent: #58
ايدى على ايدك يا جمال
بس عاوزين لينا اعضاء نشيطين من داخل الصحافة
|
Post: #60
Title: Re: ناس الصحافة عيدكم سعيد ....
Author: كمال حسن
Date: 09-24-2009, 11:34 AM
Parent: #59
عبد الدايم يا حبيب تشكر والله، والله إنت ماعارف خالد ده بالنسبه لي من أكثر الأصدقاء قربا
مباشرة إتصلت عليه ولقيت معاهو جمال الكنزي
وأتونسنا ونسه جميله
جعل الله ذلك في ميزان حسناتكم
ويدنا معاكم من أجل إقامة الرابطه
|
Post: #61
Title: Re: ناس الصحافة عيدكم سعيد ....
Author: عبد الدائم سيد أحمد
Date: 09-26-2009, 06:24 AM
Parent: #60
اكيد كانو ماسكين فى سيرى حفيظ يا كمال
كجه ما قال ليك اتصوف وساب الغنا
( احسن زاتو ) .... يا ريت جلال الصحافة كمان ...
|
Post: #62
Title: Re: ناس الصحافة عيدكم سعيد ....
Author: معتز الامين
Date: 09-26-2009, 12:21 PM
Parent: #61
ياسلااااااااااااام عليييك ياعبد الدئم
ليك وحشه يا جارنا العزيز
قاعدين والله بس الشغله كتير ه السودان صعب
كل سنه وانت طيب وتحياتى لى جعفر
|
Post: #63
Title: Re: ناس الصحافة عيدكم سعيد ....
Author: عبدالله كع
Date: 09-26-2009, 12:53 PM
Parent: #62
الصحافه : كلكم عيدكم سعيد -
وناس 42 زي الورد والباقي انسي @
عبدالدائم كوم عيديات .....
|
Post: #64
Title: Re: ناس الصحافة عيدكم سعيد ....
Author: ابوعبيدة حسن محمد
Date: 09-26-2009, 07:40 PM
Parent: #63
عبدالدائم سيد أحمد
اسعد الله اوقاتك بكل خير ،،
وكل سنة وانت وكل ناس الصحافات بالف خير ،،
لكن يبدو انو الناس شوية ( مركلسة) ، لكن في انتظارهم حتى يدب فيهم
النشاط المعروفين بيهو..
وخالص التحايا..
|
Post: #66
Title: Re: ناس الصحافة عيدكم سعيد ....
Author: عبد الدائم سيد أحمد
Date: 09-27-2009, 07:58 AM
Parent: #65
اخـــوى الصغير معتز
كل سنة وانت طيب وربنا يحقق الامانى والقابلة على امانيك
تصدق انا قايلك بره السودان لانى ما بصادفك فى اجازاتى
رغم انى فى شارعكم مع ( البايرين ) اشرف وفخرى ومعاوية
جعفر بخير وحنكون عندكم فى عيد الاضحى
سلامى لطارق وكل 22 والمربع الحلو القصادكم
|
Post: #67
Title: Re: ناس الصحافة عيدكم سعيد ....
Author: عبد الدائم سيد أحمد
Date: 09-27-2009, 12:01 PM
Parent: #66
يا كع ناس 42 ديل ماكلين خيرات الصحافة كلها
تبش وقرين فروت ومنقة وسمك عشان كده لياقتهم عاليه
وكل سنة وانت بخير
|
Post: #68
Title: Re: ناس الصحافة عيدكم سعيد ....
Author: عبد الدائم سيد أحمد
Date: 09-27-2009, 12:05 PM
Parent: #67
ابو عبيدة كل سنة وانت بخير وعيد سعيد
قصدت الم الناس هنا وبعد داك نشوف حيدر قاسم
عشان يبدأ لينا تانى .. واتمنى ان اوفق وترجع ايامنا الحلوة
|
Post: #69
Title: Re: ناس الصحافة عيدكم سعيد ....
Author: عبد الدائم سيد أحمد
Date: 09-27-2009, 12:12 PM
Parent: #68
يا احمودى شكرا لصورة ولدنا اسامة وهو مبتهج
وده دليل انو ناس الصحافة اساد الشي زاتا ...
صاحبك الرشيد مره حضر معاى حفلة فى مربعنا بفنان تعبان
كده .. الفنان بغنى وقال امى وابوى مانعنى وشوف ليك ريدة تانى ....
الرشيد قال ليهو عليك الله زول كبير كده يقول امى وابوى مانعنى
وشكرا تانى على الطلة
|
|
|
