Post: #1
Title: جمال الوالي فى تصريح خطير تعادلنا لتصب النتيجه في مصلحة الهلال
Author: walid shingrai
Date: 09-16-2009, 03:35 PM
Quote: سندعم الهلال
أعلن الوالي عدم تراجعه عن الحديث الذي
أدلى به مسبقاً بالوقوف مع الهلال والتعاون
معه وقال أنهم فتحوا ملعبهم له وتعادلوا مع
زيسكو بزامبيا لتصب النتيجة في مصلحته |
ياجماعة الزول ده غلبوا اليقولو في حوار الاذاعة الرياضية المنشور في المشاهد عندما سؤل عن دعمهم للهلال قال بيدعموا الهلال والدليل انهم تعادلو مع زيسكو وتصب النتيجة في مصلحة الهلال زي اللي كان عندهم شي يقدروا يعملوه
يعني تجيب قون في نفسك مثلا
تنسحب ممكن
ولاتعمل شنو ولا المريخ عمل شنو عشان يستحق التعادل
عايز تقول انك ساعدت الهلال في التاهل
ايوه ساعدته لكن ما بتعادلك مع زيسكو
ساعدته بادارتك الفاشلة
ساعدته بانقيادتك لمزمز واعمدته
بعدم سماعك لنصائح اداري ناجح قدامك(صلاح ادريس)
التور لمن يقع كترة البتابي بتعيب
كفاك ثرثرة
اذا ما بتعرف ادارة وعندك قروش( ولسة داير تبقي رئيس) اي شى للبيع الزمن دة روح اشتري ليك اداري بيعرف كورة بيقدر يقيم مدربين ولعيبة وبيعرف يتصعلك مع الصعاليك المشاطيب اللمتيهم ديل
الهلال ما محتاج ليك ولا لدعم منك من هذا النوع
من هلالابي ما بيحب المريخ
وليد
|
Post: #2
Title: Re: جمال الوالي فى تصريح خطير تعادلنا لتصب النتيجه في مصلحة الهلال
Author: walid shingrai
Date: 09-16-2009, 04:25 PM
Parent: #1
والله مزمل واشباهة ما غلطانين
اذا دة كلام
كبيرهم
واحد هنا عامل بوست انه حجاب عمر بخيت هو سبب غلبهم
خلاص علاجكم ساهل انا كنت مفتكر مشكلتكم يا مريخاب تخبط حاصل في الادارة وجوه الميدان وفي الجهاز الواقف في الخط ولغاية المحاسب البيدفع الفواتير (موقع جريدة النادي موقوف لعدم الدفع ) واعلام وناس بيعرفو يملو فورم شكاوي الكاف
لكن اتضح لي دي ما مشاكلكم
مشاكلكم بتتخيلوا حاجات بس موجوده في راسكم انتوا بس
ما بنطير برانا
اتعادلنا دعما للهلال
عمر بخيت حجابه غلبنا
علاجكم
حاجة واحدة
الظار
دقو
الظار
والولد العلمتوه يولع ويطفي الانوار في سيكافا خلوه يولع ويطفي البخور
والود اكرم بيعرف يرقص خلوه يقود الرقيص
واما مزمل البيعرف يطبل
ادوه الدلوكة
واذا علاجي ده مانفع (اكيد حينفع )
بقي اسالو صلاح ادريس
|
Post: #3
Title: Re: جمال الوالي فى تصريح خطير تعادلنا لتصب النتيجه في مصلحة الهلال
Author: عادل خياري
Date: 09-16-2009, 04:53 PM
Parent: #2
ياجماعه لازم يبرر الغلب
هي غليك الله هلال مريخ دي براها ما كاس لحالها
والل انا غلب الهلال الاخير ده عاجبني جدا
عشان الوالي البصرف قروش في الفاضي ومازدا الفاسده
|
Post: #4
Title: Re: جمال الوالي فى تصريح خطير تعادلنا لتصب النتيجه في مصلحة الهلال
Author: walid shingrai
Date: 09-16-2009, 11:24 PM
Parent: #3
| Quote: ياجماعه لازم يبرر الغلب |
راجع ليك
|
Post: #5
Title: Re: جمال الوالي فى تصريح خطير تعادلنا لتصب النتيجه في مصلحة الهلال
Author: yasir Abdelgadir
Date: 09-17-2009, 01:44 AM
Parent: #4
وليد سلامات
الزول دا فعلا فقد البوصلة
| Quote: اذا ما بتعرف ادارة وعندك قروش( ولسة داير تبقي رئيس) اي شى للبيع الزمن دة روح اشتري ليك اداري بيعرف كورة بيقدر يقيم مدربين ولعيبة وبيعرف يتصعلك مع الصعاليك المشاطيب اللمتيهم ديل |
تخيل دا الحل الوحيد والصحيح لمشاكل المريخ
|
Post: #6
Title: Re: جمال الوالي فى تصريح خطير تعادلنا لتصب النتيجه في مصلحة الهلال
Author: walid shingrai
Date: 09-17-2009, 05:21 AM
Parent: #5
واللة في البداية لمن قريت تصريحه ده جانى انطباع انو الزول ده سطحي وتفكيره بسيط
لكن بعد ماجمعت شوية رجعت لابجديات منطق الحياه انو الزول ده جمع ثروة طائله ولا هو ورثها ولا عنده موهبة غنائية ولا فنية متميزة تخلية ثري بالطريقه دى
اذا لم يتبقي الي انه استخدم نافوخه ونحته وشغله ولم القروش دي
فقلت يا حبه الزول ده ماتدقس كلامو ده فيه إن
ولقيتها
التصريح ده فيه تؤاطي بين فريقين من بلد واحده ياعم واذا اتعادل لينا ما زيسكو(برضو فيه الخير)معناها ياحبيب البيتعادل ليك ممكن يفتح ليك ويتغلب ليك تلاته
عشان زيسكو يطير
ايوووووووه ما بنطير برانا قاصدين يطيرو زيسكو
لا لالا والله متاكد قاصدين الفريق الواقف في محطة سبعه
اذا موضوع التصريح دة القصد منو شنو
?????????????????????????????
اولاد الذين
اذا ما قدروا داخل المستطيل (وزي ما نصح مزمز) الادارة لازم تعرف تكسب برة المستطيل
اولاد لذين بالجد (دي صهصوبي ما فكر فيها)
المريخ باع الكور للهلال
زيسكو يسمع
واذا ما سمع الزول الكلم ناس كانو في المطار هسع في نادي زيسكو وبيقراء في جريده المشاهد
ومزمز بيقراء فيهامع قرن شطه في مكتبه
وبصوت عالي
والحكايه تكبر
دة رئيس فريق واحد من اثنين فرق الكاف صنفهم رؤؤس مجموعه
بيبعوا مباريات ويفتخروا بيها!!!!!!!!!!
وطبعا حيجبوا صورة شيك صلاح ادريس لدعم بيت الظار(او الذار مايفرق) علشان ده التمن
حاجاتهم دائما موثقه وبالبصمة
وطبعا يلقوا بصمة علاء فيها
البصمه الدورة دي ما مزورة
والكاف يصدر القرار المرتقب
توقيف الاتحاد السوداني المشاركه في بطوله الابطال
ومنعهم لمده ثلاث سنوات
وهى الفترة البيحتاج ليها المريخ علشان يرجع فيها فريق بطولات تاني
ووارغو يكون نضج
اولاد الذين
حيرتوا صهصهوبي (دي عشانك ياايمن MD)
ويكده يكونوا ما طاروا براهم
بس في حاجه حتفرق معاهم
ينصحوا زيسكو {المتضرر الاول)انه لون الفورم اليقدم به شكوته شنوووووو
|
Post: #7
Title: Re: جمال الوالي فى تصريح خطير تعادلنا لتصب النتيجه في مصلحة الهلال
Author: nazar hussien
Date: 09-17-2009, 08:49 AM
Parent: #6
Quote: المريخ باع الكور للهلال
وزيسكو يسمع
|
وقون عمر بخيت في البيعة دي؟؟
|
Post: #8
Title: Re: جمال الوالي فى تصريح خطير تعادلنا لتصب النتيجه في مصلحة الهلال
Author: walid shingrai
Date: 09-17-2009, 02:20 PM
Parent: #7
| Quote: وقون عمر بخيت في البيعة دي؟؟ |
يا خوي يا نزار الا جابة بتعتمد علي لونك شنو
اذا كنت حبيب من حبايب سيد البلد فبنديك الاجابه زي ماالله خلقها يعني ما مغطيه باي ماده مخدرة
واذا كنت من ناس بيت الظار فاجابتي لازم تكون وهمة مخدرة
ورمضان كريم
|
Post: #9
Title: Re: جمال الوالي فى تصريح خطير تعادلنا لتصب النتيجه في مصلحة الهلال
Author: طارق ميرغني
Date: 09-17-2009, 02:51 PM
Parent: #8
يا اخوانا انتو مسئولين من الخير
صديق الموج وينو؟؟؟؟؟
مما اتذبح المريخ شايفو خلا الكوره بقي مره مره شغال بي اغاني واغاني .....
|
Post: #10
Title: Re: جمال الوالي فى تصريح خطير تعادلنا لتصب النتيجه في مصلحة الهلال
Author: jini
Date: 09-17-2009, 02:58 PM
Parent: #9
هذا تصريح خطير يعرض صاحبه للملاحقة والمساءلة!
ان صحت الرواية فسيتم محاصرة الوالى الى جحر ضب خرب!
جنى
|
Post: #11
Title: Re: جمال الوالي فى تصريح خطير تعادلنا لتصب النتيجه في مصلحة الهلال
Author: walid shingrai
Date: 09-17-2009, 03:42 PM
Parent: #10
Quote: هذا تصريح خطير يعرض صاحبه للملاحقة والمساءلة!
ان صحت الرواية فسيتم محاصرة الوالى الى جحر ضب خرب!
جنى |
الاخ جني
في اعتقادي انه صحيح حتي هذه اللحظه وتم نشره بجريدة المشاهد ولم يصدر منه اى نفي حتي هذه اللحظه والكلام قاله بعضمة لسانه في لقاؤه مع الاذاعه الرياضيه انا شخصيا ما سمعته بس منشور في المشاهد الالكترونيه عدد يوم الاربعاء16سبتمبر 2009
|
Post: #12
Title: Re: جمال الوالي فى تصريح خطير تعادلنا لتصب النتيجه في مصلحة الهلال
Author: walid shingrai
Date: 09-18-2009, 10:07 PM
Parent: #11
اها يا جمال الوالي قلت لفريقك يعمل شنو قدام كانو بيلارز
ياخي بلا اتعدلنا بلا بطيخ معاك
|
Post: #13
Title: Re: جمال الوالي فى تصريح خطير تعادلنا لتصب النتيجه في مصلحة الهلال
Author: walid shingrai
Date: 09-19-2009, 10:38 PM
Parent: #12
شكرا ليك يا جمال يا والي
تعادل تاني انشاءاللة دة برضو عشان الهلال
|
Post: #14
Title: Re: جمال الوالي فى تصريح خطير تعادلنا لتصب النتيجه في مصلحة الهلال
Author: walid shingrai
Date: 09-20-2009, 06:02 PM
Parent: #13
تعادل تاني
|
|