Post: #1 Title: اولاد قَلِبَا Author: وليد محمد المبارك Date: 09-16-2009, 11:56 AM Parent: #0
هذا قول فخر يطلقه ابناء امدرمان على انفسهم عند التعريف بها .. وهو قول يغيظ الكثيرين
مرتضى فنجاطة هو الان في لندن كان قبلها في هولنا ايام موجة النزوح .. بعد قضائه فترت المعسكر قُرر ان يتم توزيعه في هولندا فكان ان وزع في مدينة غير امستردام استشاط غيظا ثم قال انا في السودان ود قلبها وهنا ما بقعد الا في قلبها وكان له ما اراد
واولاد بحري للفخر بقولوا نحن اولاد بحري سر الهوا وغير بحري مالي دوا والهوا عندهم اتنين الهواء والهوى ومن الطرائف هنا في السعوديه لو سألوهم انتو من وين مابقولوا انا سوداني انا دنقلاوي انا جنوبي لا يقولوا انا من بحري
تمبس الجميل وبمناسبة اولاد مدني في يوم جاتنا سيره من مدني لزواج ببحري ايام الشباب والناس دي كلها ضاربه و طائره وواقفه الف احمر يقوم واحد من اولاد مدني يعمل مشكله ويقول انا بضرب من هنا لمدني يقوم عصام عموش وطبعا له يد كافره يديهو ليك القاضية وصاحبنا يدوخ والجماعة يقولوا لاخوانا الواقع قوم ..قوم ..قوم ..انت لسع ماوصلت السوق الشعبي قال مدني قال _____________________________ تحيه خاصه لاولاد مدني ومايعجبني بشبابها يحبون مدني ويتمسكون ويغيرون علي محبوبتهم مدني شباب مبدع
__________________________________ كابتن وليد طبعا تعرف عصام عموش لاعب الفريق القومي وكابتن نادي الاتحاد (من النوع العندو جريدتين في اليد )
نديكم حاجة كده على الماشي سريع وبعدين يا بتاع عطبره انت عطبره موية وضو ما فيها نااااااشفه نشاف السنين لو ما الخواجات عملوا سكة حديد كان شربتو ما رويتو
امدرمان يا معشر الحاقدين المهدي الطابية الازاعة ( ياخ الرادي بقول هنا امدرمان ) التلفزيون المريخ الهلال المورده المجلس الوطني الكلية الحربية السلاح الطبي على المك محجوب شريف ابو صلاح واييييييييييييييييييييييييييييييييك المطار الجديد
اها بعد المطار الجديد ما يتم حا نقفل الكباري ونسوي ليكم تاشيرات دخول
كابتن وليد المبارك طبعا عمر عثمان اولاد راحات لو ما العصابات زي ماهم بقولوا ولكن طبعا صاحبك عمر عثمان لم يشابه اخوته في اي شي لذلك طردوه منذ الصغر من بيتهم واستقر به الحال في الامتداد جنب العشره والحدادين بتاعين محطة سبعة فثقافته اتغيرت ولذلك اصبح عسكري
________________________________ كده كيف ياعمر عثمان مازي صاحبك ربيع محمد علي
بعدين البوست ده شكله ما بشبه رمضان حقو تقوم تكلم بكري يصبنه لي بعد العيد الواحد يفطر بيه لانه صدقني حيجيب اهويه وكتاتيح وملاويات واحتمال يمشي الخور لوووووووووول
طالما ظهر ليك فيه ود الصايم اعمل نايم (مثل ياباني)
أمدرمان ياتا بت 1885 دي يعني مدينة 200 سنة ما تمت تجي تسوها قلب لي بلود ما قبل التاريخ؟؟؟
بعدين أمدرمانكم دي بعد كرري الناس الجد هجو منها فضل فيها الناس الساكت (لحم الرأس) وهسه لاحظ لي أسامي الأسر الفي قلب أمدرمان تلقاها راجعة للمهن الكان بمتهنوها (الدباغ ... الوراق ... السراج ...الزبال ) وما الى ذلك ...
Quote: أمدرمان ياتا بت 1885 دي يعني مدينة 200 سنة ما تمت تجي تسوها قلب لي بلود ما قبل التاريخ؟؟؟
امريكا ما تمت خمسمية سنة وراكبه العالم هسع سرج بعدين انت عارف امدرمان اتكونت سنة 1885 ليه
قول انت بقى !!!!
يكفي امدرمان شرفا ان في تكوينها الاول كانت عبارة عن معسكر الجيش الذي حرر الخطوم والسودان من الاستعمار وانها كانت اول دولة وطنية سودانية خالصة بعد دنقلا الزمااااااااااااااااااااان ديك
Quote: بعدين أمدرمانكم دي بعد كرري الناس الجد هجو منها فضل فيها الناس الساكت (لحم الرأس) وهسه لاحظ لي أسامي الأسر الفي قلب أمدرمان تلقاها راجعة للمهن الكان بمتهنوها (الدباغ ... الوراق ... السراج ...الزبال ) وما الى ذلك ...
ومالو مالها مهن الدباغة وصناعة السروج والورق ونقل الزبالة يعني الوكت داك كنت دايره يشتغلوا مدرا في بنك الخرطوم ؟ ولا سفرا في سفاراتنا بره
اصحى يا بريش هي امدرمان المدينة الوطنية ونحن اولاد قلبا
Post: #125 Title: Re: اولاد قَلِبَا Author: عمر سعد Date: 09-17-2009, 02:27 PM Parent: #40
Quote: أمدرمان ياتا بت 1885 دي يعني مدينة 200 سنة ما تمت تجي تسوها قلب لي بلود ما قبل التاريخ؟؟؟
بعدين أمدرمانكم دي بعد كرري الناس الجد هجو منها فضل فيها الناس الساكت (لحم الرأس) وهسه لاحظ لي أسامي الأسر الفي قلب أمدرمان تلقاها راجعة للمهن الكان بمتهنوها (الدباغ ... الوراق ... السراج ...الزبال ) وما الى ذلك ...
ياخى تخ
انته جادى ..انت قريت تاريخ فى ست فله ....
خلى لالتاريخ ما درسته فى الجغرافيا انو الناس بتسكن اطراف الانهار
يعنى النيل ده جا 1885
سؤال لمن المهدى دخل امدرمان ممن استاذن قبل دخوله ؟
ان كانت امدرمان ليست قلب العاصمة فالبتاكيد حينها لن يكون قلبها العشش والامتداد
ياخ وكت انت بتحكي العشش دي كانت اخر حته في الخرطوم تاني مافي بيوت لحدي مدني
امدرمان قلب البلد دي ونحن اولاد قلبها
يعني اولاد قلب البلد دي
بعدين انت ذاتك بتشبهنا
Post: #49 Title: Re: اولاد قَلِبَا Author: علاء الدين يوسف علي محمد Date: 09-16-2009, 02:32 PM Parent: #45
وليد يا وهم
إتنين حرقوني لمن داير أجيك بالشاشة
Quote: لكن مؤخرا بعد ما جات الحاج يوسف بقت لحم راس
قلِبا ولّ ضنبا إنت قاصد لأنو أنا بقول إنو الثورات دي ضنب الخرطوم كان ترضى كان تابى دي منها و القبولاب و التمتام و الماشيها بيكون على سفر ياخ دي حصلت الحارة مية و كم كدة ما عارف
التانية:
Quote: انتو قاعدين هنا تسو شنو ما تمشوا تحصد التمُر
لكن دي ريّحني فيها فيصل الرشيد لي حنان حناني ذاتو يا وهم لمن قال ليك
ولي يا بتاع قلبا .. كدي قول : ( كرَبت الكرَفتة كرباوي ) .. قولها .. ح ينط ليك حرف ( غين ) في حلقك و في نص كركبتك دي .. و دي علامة " الكلر " بتاعين الضهاري .. اللي هي أمدرمان . ملحوظة ( الكرفتة هي ربطة العنق ) .. يا فتة .
أمدرمان بتاع مين يا دقوسات .
...... أنا داير الوروار تامبا يجي نابل .. .. الليلة الرش يا فارات .
Quote: ولي يا بتاع قلبا .. كدي قول : ( كرَبت الكرَفتة كرباوي ) .. قولها .. ح ينط ليك حرف ( غين ) في حلقك و في نص كركبتك دي .. و دي علامة " الكلر " بتاعين الضهاري .. اللي هي أمدرمان . ملحوظة ( الكرفتة هي ربطة العنق ) .. يا فتة .
أمدرمان بتاع مين يا دقوسات .
عماد يا اب شنب
والله الليلة في البوست ده الا احت ليك شنبك ده كرفتت شنو يا معلم اقول ليك ود امدرمان تقول لي كرفته امدرمااااااااااااااااااااااااااااااااااان امدرماااااااااااااااااااااااااان نحن بنلبس العـ لله والجبه
انت نعست !! يا عمك شنو جلكساتك وحركات الرسامين دي ما تعملنا لينا انت قايل ماعندنا رسامين تبارك الفوق ده ما عاجبك
يا رافة ركز معاي وخش البوست د براحه وسمي وعظم امدرمان ما تجي بالي فينا ساكت كده
وليد سلامات .. دينا خالد حا تجى تسقيك البوست دا بنخرينك الليله
Post: #59 Title: Re: اولاد قَلِبَا Author: أمين محمد سليمان Date: 09-16-2009, 04:34 PM
بوست غير موفق علي الإطلاق ، يكرس للجهويه و العنصريه و يسعي لبث التفرقه بين أبناء الوطن الواحد ، لكن أي زول ما من أمدرمان حقو يتحسس جنسيتو ! و كل المدن تكتسب أهميتها بقربها لامدرمان !!
------------------------------ يا شفتنه ، الموضوع شكلو طرشق قدر ما فتشتو ما لقيتو ، الله غالب !
لا يغضبني أن يقع أحدهم في ام درمان و يشتمها .. هذا قدر العظام . لماذا لا يشتمون مدينة كما يشتمون ام درمان ؟ لأنها تثير الغيظ بجمالها و روعتها .. و المغتاظ لا يجد الا أن يشتم. وضع طبيعي.
Quote: شعب السودان هو من يبحث عن موضع قدم في أمدرمان !!
امين الحبيب ..
وقت الخليفة التعايشي قدس الله سره ربط باقي فلول الاتراك والمصاري في المسالمة.. نادي بالهجرة الهجرة لامدرمان دا ما كان بحث عن موطئ قدم لكل القبائل فيها.. الحصل شنو ما لغاية الليلة بينظر ليها كأسواء السياسات القام بيها .. وسبب من اسباب مجاعة سنة ستة ..
اها العطالة الغير منتجة في ام درمان وكرش الفيل دي - ما بننكر انتاجها للشعر والغناء طبعاً - بيأكلها منو ان ما اتوفرت ليها الفيترتية والتمر من الضارف والشمالية ..
ـــــــ...
يا ولاد قلِبا بنهظر ان تقلنا عليكم قولوا عشان نجي نبيع بيتنا ودكانو الناصية في ام درمان دي ههههه
Post: #73 Title: Re: اولاد قَلِبَا Author: أمين محمد سليمان Date: 09-16-2009, 06:32 PM Parent: #71
Quote: اها العطالة الغير منتجة في ام درمان وكرش الفيل دي - ما بننكر انتاجها للشعر والغناء طبعاً - بيأكلها منو ان ما اتوفرت ليها الفيترتية والتمر من الضارف والشمالية ..
قال هذا ثم صب زيت طعام من مصانع المادح أهل بيت المال بام درمان على صحن فول قادم من الملجة في ام درمان .. ثم تجشأ سعيدا.
Quote: قال هذا ثم صب زيت طعام من مصانع المادح أهل بيت المال بام درمان على صحن فول قادم من الملجة في ام درمان .. ثم تجشأ سعيدا
وذهب بعيداص وهو يدمدم ...
حليلكم يا الما ضقتو الفول من حواشتو جاكم مسوس ..
حليل زيتكم المعبأ ومضاف ليهو بذر الخروع واشياء اخري ما ضقتوها من عصارتو ..
حليل الكبروا علي حلويات سعيد واغذية البرير ..
Post: #75 Title: Re: اولاد قَلِبَا Author: عمران حسن صالح Date: 09-16-2009, 06:35 PM Parent: #70
Quote: .. الليلة الرش يا فارات .
أو كما قال عماد .. تعرف يا وليد انا طبعاً من ( المُحاصرين ) .. قمت وقعت (بردلب) في قلب أم درمان .. وأنا (نازح) من كسلا وساكن الهجرة شمبات .. ومواليد مروي ... أول كلمة قاله لي أبوي وأنا أتقدم لبت أم درمان المعاي دي ( يا ولدي نسوان أم درمان ديل بتقدر عليهم ) أها مروي ( الولدوني فيها بس ) بحبها أكتر من أم درمان .. وكسلا الإتربيت فيها بحبها أكتر من عيوني الله يعلم صديق الموج (قادينه وبارينا ومكرهنا الرياض ) .. أمس شلت معاي شاي وقهوة للإستراحة (عزاء شقيق أخونا الحبيب صلاح شتات ) .. صديق الموج شالن مني من الباب وقال يا شباب تعالوا القهوة عاملاها بت أم درمان .. شوف الوهم ده ونسى إنو الجبنة حقت ناس الشرق وناس كسلا .. أها يا ناس أم درمان عليكم الله عندكم شنو غير الزقاقات ..؟؟؟ في الدنيا ما بيغيظني ويقطع مصاريني غير حسين خوجلي لامن ينطقه ويبدأ في البري .. حسي عليكم الله كسلا ولا أم درمان .. ناس سمحين وجو سمح وتاريخ وكلو لاماهو ... غايتو الله يعين ولدي المن أم درمان ومريخابي ....
حمور و حنك المسغفاتية البيش .. متور نفسك فوق كم ؟ ياها القبة و قرعم و الطابية و الحي الله و الدايم الله و عاك عيك .. ؟؟ عندكم شغل غير المكنة المبوشة دي يكون جديد و يرشح كويس ؟؟ قال ثم من ؟؟
كمال سالم بهاء بكري محمد حمدي عمر سعد عادل سالم والمصيبة كل يوم واحدج متسيك في قبوله حتي اسأل بدر الدين الامير وضحية قال قلبه قال ده طلع قفاها......
صدق ياولي قلنا نتواضع ونلعب مع ناس هارون ديل ...... اها مرات بتكون لاعب مع تلاتة من الهامش الونسة تروح ليك طبعا لامن يوقولو ليك في سيك تسال طوالي هارون معاهو منو ؟....... يوم لاعبين صاحبك هارون كان مفرمل بولد اسود قام قال عشرة قلنا ليهو العب ..... شات الولد عشان ينضرب ويقوم يدك اللعب ...... حتي الان وبعد كم شهر عايزين نفهمو انو لعبت الفرمالة دي اتلغت من اربعين سنة ماقادر يفهم..... قال نحن اتعلمنا كده ..... قلنا ليهو وين قال في البلد بجيك راجع تاني عشان اقول ليك بمسك الورق كيف .... مودتي
Post: #100 Title: Re: اولاد قَلِبَا Author: عبدالوهاب علي الحاج Date: 09-16-2009, 10:05 PM Parent: #98
Quote: حمور و حنك المسغفاتية البيش .. متور نفسك فوق كم ؟
والله حكاية تحير ياعمدة صحبك بتاع الحلفاية دا بعاني من اثر التهميش دا مشكلتو انا عارفا .. ياخ اقول ليك حاجة دا لو داير يجيب كهربا بركب 3 مواصلات وعلى العليهو تلفونو ضاربو فايروس قوموا لفوا كدا بلا الطابية المقابلة النيل بلا عبدالله خليل
بهاء بكري كيفك يعني صحبك هارون دا لمن يفرمل يا كافي البلا ببلى اسود ولا ديناري كمان بالجد دي حالة متأخرة مقفلة معاهو من كل النواحي فرمالة بلى ونقطتين لووووووووووووووووووول
Post: #107 Title: Re: اولاد قَلِبَا Author: عبدالوهاب علي الحاج Date: 09-16-2009, 10:25 PM Parent: #104
Quote: والشعبية مركز
وليد بين الشعبية والحلفاية في 10 كيلومتر وبين الشعبية ورئاسة مجلس الوزراء 6 كلم شفت كيف وبين الحلفاية ومجلس الوزراء 16 كلم بكبري المك نمر ولو بالتاني 27 كلم ياخ ما تخليني اشتغل معاك رياضيات يلا يا عمدة بالحتة الفيها الحديدة
Quote: وليد بين الشعبية والحلفاية في 10 كيلومتر وبين الشعبية ورئاسة مجلس الوزراء 6 كلم شفت كيف وبين الحلفاية ومجلس الوزراء 16 كلم بكبري المك نمر ولو بالتاني 27 كلم ياخ ما تخليني اشتغل معاك رياضيات يلا يا عمدة بالحتة الفيها الحديدة
قادر الله
الحلفاية الاسمها حلفاية الملوك هامش
والشعبية المشتقة من الشعب مركز
قرقرقرقرقرقرقرقرقرق
ياخ على الاقل راعي لي بكري ياخ انت وقوفوك شهرين جقلبته يقوموا هسع يقطعوا راسك باقي رمضان ده والدور ده المسلمي ما بحلك
ياخ الشعبية دي بيوتها تتشابه يا وهبة تتشابه هي بيوت ولا تيمان؟
بهاء الكومندان .. ويييييييييين يا .. البلد دي تقولوها انتو الجيتو ريحتكم عطرون عطرون و كبيتو التراخيم في ضهر حي العرب . و بتحلقو لغاية قريب دي ( كورية ) , نظام الاولاد انقوش للفقه المدني .. .. فارات . .. أمسك عندك : عمك إبراهيم الدنقلاوي طلبني تقلية بالعصيدة , بتكم ظبطتها ليهو .. بعد عض كويس قلت ليهو اها كيف ؟ قال لي : لا تمام التمام .. ربُنا يفته أليك ( يفتح عليك ) .. هو نسوان أمدرمان ده قير التقلية بيارفو ياملو هاجه ؟ ( غير التقلية بيعرفو يعملو حاجة ) ..
تقول لي قال !
Post: #109 Title: Re: اولاد قَلِبَا Author: عبدالوهاب علي الحاج Date: 09-16-2009, 10:31 PM Parent: #106
Quote: أمسك عندك : عمك إبراهيم الدنقلاوي طلبني تقلية بالعصيدة , بتكم ظبطتها ليهو .. بعد عض كويس قلت ليهو اها كيف ؟ قال لي : لا تمام التمام .. ربُنا يفته أليك ( يفتح عليك ) .. هو نسوان أمدرمان ده قير التقلية بيارفو ياملو هاجه ؟ ( غير التقلية بيعرفو يعملو حاجة ) ..
كابتن وليد المبارك انت نسيت نحن سفراء هذا المنشط عشان ناس بحري بمشوا اي مكان وطوالي بدوهم الجنسية امسك عندك 1- عماد خوجلي 2- قرن شطه 3- الجاك عجب اول كابتن فريق قومي ياوهبه وليد المبارك ده صاحبي وزميل مهنه يعني بالله بشويش عليهو وامدرمان دي لي فيها ذكريات جميله (قي ربوع بحري لاقيتو === بسم حياني حيتو )
Quote: قام قال عشرة قلنا ليهو العب ..... شات الولد عشان ينضرب ويقوم يدك اللعب ...... حتي الان وبعد كم شهر عايزين نفهمو انو لعبت الفرمالة دي اتلغت من اربعين سنة ماقادر يفهم..... قال نحن اتعلمنا كده ..... قلنا ليهو وين قال في البلد
ويح قلبي الما أنفك خافق فارق أمدرمان باكي شافق يا أم قبائل ما فيك منافق سقى أرضيك صوب الغمام من فتيح للخور للمغالق من علايل أبروف للمذالق قدله يا مولائ حافي حالق بالطريقة الشاقة الترام (خليل فرح) ,,,,,,,,,,,,,,,,,,,,,,,,
ملوك امدر الليلة كيف امسيتو يا ملوك امدر يبقي لينا نسيتو الخيال لي جسمي وخليلي اسيتو (ود الرضي) ,,,,,,,,,,,,,,,,,,,,,,,, ليكي سلام وتاني سلام وليكي قيام .. وتاني قيام ياست الدنيا .. يا امدرمان وست الجاه وست الشأن وست النان.. سلمت .. سلمت يا امدرمان
أشوف نعيم دنيتي وسعودا (عمر البنا) ,,,,,,,,,,,,,,,,,,,,,,, واختتم بشعر عبد المنعم عبد الحي .. ودة اهداء للدناقلة والشوايقة ومن لف لفهم..
أنا أم درمان تأمل في نجومي أنا السودان تمثل في ربوعي
أنا ابن الشمال سكنتو قلبي على ابن الجنوب ضميت ضلوعي
يعني شنو؟؟ اولاد امرمان اولاد قلللللللللللللللبا ـــــــــــــــــــــــــــــــــــــــــــــــــــــ
فيا جماعة انتو مفروض اصلا ما تقعدوا تبرروا عن امدرمان وعظمتها...لانها ظااااهرة.. بس دي غيرة ساي من ناس الخرطوم لانو لو في شاعر كتب(يا بدور الديم) او (يا ملوك السجانة) ما كان حسوا بهذا النقص...
Quote: قدله يا مولائ حافي حالق بالطريقة الشاقة الترام
سارة اسف شديد لتصحيحك
قدلة يا مولاي
حافي حالق
بالطريق الشاقي الترام
وخليل ( يقال ) كان بوصف مسيرة جنازته
Post: #114 Title: Re: اولاد قَلِبَا Author: سارة علي Date: 09-17-2009, 02:24 AM Parent: #113
يا بخاري يا اخوي صلح ولا يهمك.. لو قلتا ليك عملتا ليها كوبي وبيست حيبقي دة العذر الاقبح من الذنب.. اما فيما يخص بانو خليل بيوصف مكان جنازته فدي ما عارفاها.. لكن البعرفو بانو قبل ما يموت بي ايام اتصل علي احد اصدقائه(حدباي) وطلب منه ان يصاحبة في جولة لاحياء امدرمان وفعلا مشوا السوق الكبير وامدر درو وابروف وكم حي في امدرمان...فيمكن الظن بتاع انو كان بيوصف جنازته جا من هنا لانو الاحياء الزارها موجودة في نفس القصيدة ..لكن اظن انو مستبعد لانو القصيدة اتقالت قبل زمن من وفاته..وهو عمل الجولة في احياء امدرمان قبل اقل من شهر من وفاته علي حسب ما ذكر..غايتو انا ربطتا القصة كدة... لمن قال (حافي حالق) هو قصدو هنا وصف امدرمان واحياء امدرمان بانها بقعة طاهرة والله اعلم برضو..
Post: #115 Title: Re: اولاد قَلِبَا Author: Emad Abdulla Date: 09-17-2009, 07:02 AM Parent: #114
مكنتك بيش يا ساره علي .. الصحيح ( قدلة يا مولاي حافّي حالق ) ... ما حافي بمعني حفيان .. حافي بمعني مظبط شنبو و لحيتو و متأنتك صاح و قاعد يقدل . القدلة ما بتظبط مع منسك العباده و الطواف و و و و .. داك بيكون فيهو الخشوع أظنو .. القدلة مربوطة بالزول المتكيف و مبسوط و مديها مزاج فووووق . دي حاجة .. الحاجة التانية بعدين إنه وراوير أمدرمان ناس وليد و تمبس و حمور و باقي البشكة بتاعين الضهاري ديل ما صدقو النقلة من دياجير العصور أم فكو الجو منها .. و لقو نفسهم في شوارع ظلط و اتومبيلات و سينما برمبل .. قاموا قايلين الحكاية دي بسسسسس ياها " الحِجاز " .. قلبوا طوالي جلب و بقو دراويش و ماسكاهم أم فريحانه .. و مسمارو ركب مين يقلعو .. مسمارو ركب مين يقلعو .. مسمارو ركب مين يقلعو ..
..... أولاد قلبا قال . .. أديك كده .
Post: #116 Title: Re: اولاد قَلِبَا Author: omer osman Date: 09-17-2009, 07:32 AM Parent: #115
الخرطوم .... وردي وعثمان حسين واحمد المصطفي وسيد خليفة وحسن عطية ومصطفي سيداحمد وخالد الصحافة وفيصل الصحافة وعماد الكاشف و
Post: #117 Title: Re: اولاد قَلِبَا Author: أحمد ابراهيم عثمان Date: 09-17-2009, 07:48 AM Parent: #116
عمر عثمان انت جادي داير تحسب ياخ فنانك ديل ناديهم في ام درمان لعيبتك ديل ناديهم في ام درمان
_________________________________________
نعترف انو ريفي ام درمان قدم الكثير للسودان
Post: #118 Title: Re: اولاد قَلِبَا Author: سارة علي Date: 09-17-2009, 08:00 AM Parent: #115
يا عمدة ليه حاسة انو قصة امدرمان دي متضايق منها لي سبب (خسوسي).. الموضوع فيه انة.. فضفض فضفض يا اخوي لو ما استحملوك اولاد قلبا ما بتلقي ليك جهة تانية تتحملك ديل ناس حناااااااااااااااان وبناتم(الداء والدواء).. احكي احكي لانو غبينتك دي شكلو كدة وراها
اديك
Post: #119 Title: Re: اولاد قَلِبَا Author: محمد أبوالعزائم أبوالريش Date: 09-17-2009, 09:15 AM Parent: #118
Quote: يا تامبا
شفت محطات ( القطر) اتلمو فيني
وروروووك ... ألحقني يا تامبا .... يا ولد ... ده شنو؟ ما ترجل شوية.
في زول ولّع ليك النار؟ ... ما ولّعتها براك.
وحمّور ده ما قال ود الحلفاية ... مالو الليلة شايفو مركب مكنة علي المك؟
يا عُمدة .. أدّي الفارات في حنانم وقول ليهم العاصمة دي (محل الطيارة بتقوم والريس بنوم).
والله نحن أولاد بري لما يجي واحد من المواصلات (مكتّح) طوالي بنعرفو جاي من أم درمان. ياخ الكباري دي جايبة لينا البلاوي كلها.
Post: #120 Title: Re: اولاد قَلِبَا Author: أحمد ابراهيم عثمان Date: 09-17-2009, 09:28 AM Parent: #119
انت عارف الناس ديل كلهم انا ما زعلان منهم بس تصدق المزعلنى الزول ابوشنب الاسمه عماد ده ياريت يوم جانا ساير للثورة بالبدلة يا ريت لو عملناها..ماكان جاء اتفاصح اخ اخ اخ اخ اخ اخ اخ اخ اخ,,, احيييييييييييييييييييييييييييييى عليه... والله لو لقيت.......... كان اكلتها... غايتو الما من امدرمان الترابه فى خشمو،،،،،
Post: #122 Title: Re: اولاد قَلِبَا Author: وليد عبد اللطيف Date: 09-17-2009, 09:56 AM Parent: #121
كابتن وليد خلاص ولعتها وهربت تعال عيد معانا
Post: #123 Title: Re: اولاد قَلِبَا Author: Osama Mohammed Date: 09-17-2009, 11:03 AM Parent: #122
قلبها يا وليد مقصود به .. ام درمان القديمة او الاحياء القريبة من السوق الكبير ويمكن تحديدها كالتالي شارع العشرين او السلاح الطبي جنوباً والعرضة غرباً ونهاية حي العرب حتى المسالمة ويحدها مقابر البكري وشمالاً حتى كلية التربية ....
متذكر زمان لمن نكون ماشين امدرمان من الخرطوم بنسأل صاحب التكسي اول حاجة " بتعرف حي المظاهر ؟ " عشان نعرفو سواق تكسي حافظ البلد ولا جاي قريب ...
سيبك من الناس دي اي زول بسئ لي امدرمان ما عندو وطنية ....
في هذه اللحظة تذكرت دكاكين الطاهر وسوق الشجرة وسوق الملازمين ...... أأأأأأأأأخ.... يا حليلك يا بيت المال .... يا ريت لو جاء هاشم دبز يتكلم هنا شوية .....
تقديري واعتزازي لكل من يحمل مشاعر طيبة لأمدرمان وسكانها ...لا لمن يسكن فيها أو في ( قلبا ) فقط ..
.. . انتوو اولا قلبا اها قلبا دا واقع ووين فى المسالمة ولا العمدة ..
ووووووووب
___________
نحنا اولاد الشئ زااااااااتا ومعاى ناذراالخليفة
Post: #127 Title: Re: اولاد قَلِبَا Author: عمر سعد Date: 09-17-2009, 02:44 PM Parent: #124
Quote: Quote: قال في البلد
بهاء الكومندان .. ويييييييييين يا .. البلد دي تقولوها انتو الجيتو ريحتكم عطرون عطرون و كبيتو التراخيم في ضهر حي العرب . و بتحلقو لغاية قريب دي ( كورية ) , نظام الاولاد انقوش للفقه المدني .. .. فارات . .. أمسك عندك : عمك إبراهيم الدنقلاوي طلبني تقلية بالعصيدة , بتكم ظبطتها ليهو .. بعد عض كويس قلت ليهو اها كيف ؟ قال لي : لا تمام التمام .. ربُنا يفته أليك ( يفتح عليك ) .. هو نسوان أمدرمان ده قير التقلية بيارفو ياملو هاجه ؟ ( غير التقلية بيعرفو يعملو حاجة ) ..
يا عمده مشتاقين ؟
نعيد عليك فى الاول
وكل سنه وانت طيب
ما معروفه الظروف يمكن بعده يكون فى رش تقيل ما بعدين ننسى انو عيدنا عليك.
أُم دُر يا ربوع سوداننــــــا نحييك و انت كـل آمالنـا في غربـك عروس الرمــــال و في شرقك آية جمــال و جنوبـك واسع مجال يا حَلاة رُطـبك في الشــــــمال
هكذا امتدت أُمدرمـــان جنوباً و شمالاً شرقاً و غرباً لتكون قلب هذه الامــــــــــــــــة
أبناء امدرمان لا ينتمون الي قبيلة معينة ... انهم ينتمون الي وطن باكمله هناك بقارة من ابناء امدرمان هناك محس دناقلة شايقية هناك دينكا و شلك هناك هدندوة بني عامر من ابناء امدرمان هناك الاقباط الهنود الكنائس و الجوامع تتحاضن في إِلفة و محبة من يستطيع ان ينكر امدرمانية جورج مشرقي و دور مدارس الارسالية, و دور ست ليزا تلك الانسانة الفاضلة التي فاضت روحها وهي تنشر العلم في مدرستها العظيمة غرب مستشفي امدرمان
امدرمان هي ذلك الخليط الاثني العجيب الذي شكل قلب السودان
امدرمان مدينة لا تعرف العنصرية فقد تجاوزتها الي رحاب الوطنية
افتخار ابناء امدرمان لا يعني انهم يقللون من شأن المدن الاخري فكل مدينة لها تاريخها الذي يحق لابناءها الافتخار به و افادتنا به.
سنار مثلاً تاريخ يستحف الافتخار به مروي, مدني ... الخ
فلنسمع من ابناء هذه المناطق مآثرهم و المجد للسودان
Post: #131 Title: Re: اولاد قَلِبَا Author: دينا خالد Date: 09-18-2009, 09:55 AM Parent: #130
وليد صاحبى ,,
تاااااانى جبت سيرة البحر ؟؟؟ ونحن نقول البلد دى قلبها مالووو مالو مالوو؟ اتارى يا وهبه البلد محتاجه لعملية قلب مفتوح ؟؟ دا طبعا لانو كوجان متواطىء وماعايز يقول عايزة زراعه لقلب جديد ..
طيب خلينا لما نفطر ياخ !!
ام درمان امدرمان ام درمان
انتو درمان دا ما عندو ابو ؟؟؟؟ لوووووووول .
ـــــــــــــــــــ وهبه وعماد .. ما دايرين اى تعزيز للقوات واصلوا .. حمور دا اصلو عندو شهادات كدا قاطعه من شبطو .. فعلا بعد امطار 88 وردى غنى كاااااان اسمها الثورة كااااان اسمها ام درمان
Post: #132 Title: Re: اولاد قَلِبَا Author: علاء الدين يوسف علي محمد Date: 09-18-2009, 10:03 AM Parent: #131
Quote: فعلا بعد امطار 88 وردى غنى كاااااان اسمها الثورة
دُنّانة و إنتِ من سنة 88 بتسمعي في وردي!!! ماشاء الله تبارك الله
اي انا عارف المصاقيع والهوام والصمرقع ... كلهم حا يجو يتلموا هنا !!!
عارفكم نفسكم فيها وقليبكم مابيها ... جنابو هناك .... شبكني وردي وحامد بريمة ... وردي شنو الحق الخرطوم ...وحامد بريمة علاقتو بالخرطوم شنو؟؟؟؟؟
الاول جا من حلفا والتاني من الدامر ويقول ليك الخرطوم ... لو كده من حلتا الحارة التانية مرقت جنازة الكاشف والحارة الثالثة فيها الفريق الشال كاس افريقيا كله .. قاقرين وعبد العزيز القون سيمان عبد القادر والباقين كلهم
لكن نحن عاوزن اولاد الخرطوم الجدجد... موش ريفي الخرطوم... وتجيب لي كل فنانين الدبيبة ناس سيد خليفة واحمد المصطفى مع انك نسيت خلف الله حمد
انا عاوزك تقول لي كلام زي الحا اقوله ليك ده!!!
حينا نحن تحديدا
فيهو محمود ابراهيم فلاح ...ومربوعنا تحديدا فيه الرشيد المهدية ... وقدام شوية احمد البطل وحمد النيل بتاع التحرير وكستر بتاع المورده ومن الوافدين ناس سناتو رفاعة والشاذلي كانو جيرانا بالحيطة لكن ديل ما معدودين ..
في الحارة الاولى ... في ود الحنيد وربيع وابراهيم في الحارة الثالثة .. قدامنا شوييييييييييية .. في الشاعر الخيالي التجاني سعيد واتذكر معاك اعمال زي ( ارحل .. من غير معاد في الحارة الرابعة ايييييييييييييك .. كفاية بس عادل امين .. وادريس دبي هاهاهاهاهاهاها في الحارة الخامسة.. محجوب شريف بكفيك ؟ شيوعي !! خلاس الجابري جنازتو مرقت من هناك ما بنفع !!! خلاس خالد ابو الروس .. عتيق طيب
في الحارة السادسة ..محمد احمد عوض معاك كيف ؟ لو ما نفع عيسى صباح الخير عصام بلاتيني المعز محجوب ( بدري )
اجيك في السابعة ولا كفاك ...ناس عاكف وبدر الدين ليل ويييييييييييييك هلما
يا زول كفاك
ياخ اقول ليك شي ...شوف حي العرب البضحكوا فيها فوق مرقت منو ؟
الجابري من هناك ابراهيم عوض سيف الدين الدسوقي عبد الرحمن الريح
ويقول ليك حي العرب شنو ما عارف !!!؟؟؟؟ ياخ حي العرب شكلت وجدان السودان كله ... تلقا الزول الكان بتكلم عن حي العرب بسمع ليه في غنيه ليه بنهرب من مصيرنا ... وهو ما عارف انها غنية سياسية وهو معتبرها غنية عاطفية
وووووووووووهـ علاء الاخر !!! وفى رواية الضلالى وردى غنى لى ناس على عبد اللطيف بعد ثورة 1924
وغنى يا شعبا لهبك ثوريتك بعد انتفاضة ابريل 1985 والكاشف قال وزنقار عمل انت قايل الكلام دا السر قدور حاضرو ؟؟؟ ما بيتكلم ساااااى عشان لقاهم كلهم ميتين ! لووووول . فى حاجه اسمها الاطلاع والطلعات ( وش غامز ) السغافه ياخ !! انت بس اقعد مسطح كدا
معييد فى الحته اياها ؟؟ لو ماشى هناك خلينى افتح ليك بوست دعوات عليك الله ،، لحددددددى ما تجى راجع ..
ــــــــــــــــــــ وليد الكلام المسحتو دا كان لى انا مش ؟ لووووووب طرشق .. غايتو المراه ال ام درمان قلبها دى ما عندها قلب والله ! وجاوب على السؤال درمان دا ابوهو وينو ؟ قلت لى جايين من الدامر والشرام ؟؟؟ وناس امدر ديل جو من تخصيب اليورانيوم ؟؟ ولا نبعوا من الريفيرا والقولدين قييت ؟ بس والله دى شفتنا ساااى ..
اهـا يافردة نحن أولاد سنـتر قلبا .. أولاد (بـاء) بحـري ، يــاخ .. ! واي أمدرماني بنعتبروا كيسـو فـاضي ..
Post: #141 Title: Re: اولاد قَلِبَا Author: وليد محمد المبارك Date: 09-23-2009, 07:53 AM Parent: #137
هشام يا حبيبنا
ياخ انتو لو ما تموكم ناس الحاج يوسف نحن كلنا معتبرنكم قرية
Post: #138 Title: Re: اولاد قَلِبَا Author: وليد محمد المبارك Date: 09-23-2009, 06:52 AM Parent: #136
Quote: وليد الكلام المسحتو دا كان لى انا مش ؟ لووووووب طرشق .. غايتو المراه ال ام درمان قلبها دى ما عندها قلب والله ! وجاوب على السؤال درمان دا ابوهو وينو ؟ قلت لى جايين من الدامر والشرام ؟؟؟ وناس امدر ديل جو من تخصيب اليورانيوم ؟؟ ولا نبعوا من الريفيرا والقولدين قييت ؟ بس والله دى شفتنا ساااى ..
مرحب صحبتي دينا
يا دينا مالنا بابو درمان او حتى درمان نفسه الحديث هنا عن ام درمان ( شخصيا ) او عزه كما يدعى عشان تعرفي نحن ناس غير جندريين متلك امدرمان جاء من وين دي ما شغتنا ابوه منو برضو ما شغلتنا
شكلتنا امدرمان براها
بالنسبة للناس الما جايين من تخصيب اليورانيوم نوريك نحن بنصنف الامدرمان كيف يا دراو
هم اربعة درجات 1) امدرماني من اب سعد او المورده القديمة او القرية المواجهة اب روف او من كرري العجيجة وده تاريخه قبل المهدية وامدرمان 2) امدرماني حقيقي اتي جدوده مع المهدية ومنذها ما غادرها 3) امدرماني جاء بعد لمهدية وقبل الاستقلال 1956 4) امدرماني جاء قبل الجفاف والتصحر 1984
اي زول بعد 1984 ده ما حقنا
وقع ليك يا فصيحة
Post: #139 Title: Re: اولاد قَلِبَا Author: omer osman Date: 09-23-2009, 07:05 AM Parent: #138
ياود قَلِبَا كل عام وانتم بخير و قَلِبَا زاتو بخير
Post: #140 Title: Re: اولاد قَلِبَا Author: محمد أبوالعزائم أبوالريش Date: 09-23-2009, 07:27 AM Parent: #139
يا وليد ....
يقلب راسك ده ...... يمكن البروفايل يتعدل.
__________ تحت تحت ....
كل سنة وإنت طيب
Post: #145 Title: Re: اولاد قَلِبَا Author: وليد محمد المبارك Date: 09-23-2009, 08:39 AM Parent: #140
مرحب حبيبنا ابو الريش كل عام وانت بخير ياخ يديك العافية واي حاجة تانية
Post: #142 Title: Re: اولاد قَلِبَا Author: وليد محمد المبارك Date: 09-23-2009, 07:57 AM Parent: #139
يا كمندان
كل سنة وانت طيب ويحقق ليك امانيك ياخ
Post: #143 Title: Re: اولاد قَلِبَا Author: Emad Abdulla Date: 09-23-2009, 08:00 AM Parent: #142
ولي يا اصلي .. عيدك مبارك .
..... و برضو قوم .. لف بلا قلبا بلا صلعتي .
Post: #144 Title: Re: اولاد قَلِبَا Author: Emad Abdulla Date: 09-23-2009, 08:01 AM Parent: #142
تكرار
Post: #146 Title: Re: اولاد قَلِبَا Author: ناصر احمد الامين Date: 09-23-2009, 08:49 AM Parent: #144
قديتنا يا وليد
امدرمان دي كان فيها فايدة كان مبارك سكن فيها
(تعال قول لي مبارك دا منو؟؟؟)
Post: #151 Title: Re: اولاد قَلِبَا Author: وليد محمد المبارك Date: 09-23-2009, 09:37 AM Parent: #146
يا ناصر
اها شفت مبارك ده ما بمشي الا محل في فايده
شفته كيف !
Post: #147 Title: Re: اولاد قَلِبَا Author: وليد محمد المبارك Date: 09-23-2009, 08:50 AM Parent: #144
يا عمده ده ما بوست امدرمان اول ما تدخلو الرجفة بتحصل تدبل المداخلة وتمسح مية مرة
____________ عيد سعيد يا حلو وكل عام وانت بالف خير
Post: #148 Title: Re: اولاد قَلِبَا Author: عبدالوهاب علي الحاج Date: 09-23-2009, 09:22 AM Parent: #147
هوي ياقلبا انت ...
___ الساعة واحدة اتصل بنحل
Post: #149 Title: Re: اولاد قَلِبَا Author: وليد محمد المبارك Date: 09-23-2009, 09:31 AM Parent: #148
وهبة يا صمرقع
انا في المكتب يابا
انتو ما تعملوا ليكم واحده في بحري بس جارين امدرمان