Post: #3
Title: Re: رياك مشار للترابي: نورت جوبا (يوجد فيديو)
Author: Muhammad Elamin
Date: 09-14-2009, 00:05 AM
Parent: #2
إنت يا أنور شكلك خطك زي رأي عمنا في مسألة الجامعة!
وأنا أقول عامل ليهو صفحة في الفيس بوك ليش
:D :D :D
|
Post: #4
Title: Re: رياك مشار للترابي: نورت جوبا (يوجد فيديو)
Author: AnwarKing
Date: 09-14-2009, 00:15 AM
Parent: #3
تحياتي معبقة بنسايم الليل يا أبو احميد..
يا سيدي عشان ما أتخمّا في القصة دي ساي، جبتا كلامي أعلاه...
لأنو هم في الاساس سبب المشاكل، ومنتجيها...ما يجو يعملوا لينا فيها
ماما تريزا ومحبي السلام...
هل يحل المشكلة، الساهم في صنعها؟
أسع عليك الله الترابي ده ما بيختشي، يكون ماشي على أنقاض جثث الشباب،
الأهلكهم في محرقة حرب الجنوب ديك!!!
وسبحان الله، السودانيين ديل اضينات في كل مكان وزمان، ما يشوفوا ليهم ديكتاتور،
إلا دموعهم تسيل ويسمعوه ما يحب من النقمات، شئ تهليل وشئ تكبير والذي منو...
الزول زاتو بقى ما عارف راسو من رجلينو يا أبو أحميد...عندك متر ولا شئ نقيس
بيهو الحاصل ده؟
قمة الفوضى في نظري!
مع التحية
أنور
|
Post: #5
Title: Re: رياك مشار للترابي: نورت جوبا (يوجد فيديو)
Author: khalid abuahmed
Date: 09-14-2009, 00:16 AM
Parent: #3
الاخ العزيز د. الأمين
السلام عليكم ورحمة الله..
شاهدت اليوم هذا الفيديو أكثر من مرة.. وضحكت حتى الثمالة وسعدت غاية السعادة لأن اسحق فضل الله ومصطفى الطيب وآخرون سيموتون من الغيظ أن يلتقي الترابي بباقام أموم وياسر عرمان ورياك مشار..
إن شاء الله يا ربي الليلة في هذه الساعة المباركة (2:20) صباحاً تكون كِلي الطيب مصطفى واسحق فضل الله قد انهردت.
يا ناس منبر الانفصال اليوم موتوا بغيظكم التقى ياسر عرمان وباقان بالترابي..!!.
|
|