Post: #1
Title: لينا بي عمره ، سوداني يتجاوز ال 146 سنة ولا يزال حديد
Author: saif addawla
Date: 09-13-2009, 08:24 AM
صدف ان قرأت في اخبار الامس عن وفاة اكبر معمرة في العالم ( هكذا يقول الخبر ) عن 115 سنة ، وشاهدت ليلة امس على القناة السودانية برنامج وثائقي تم اعداده حديثا عن رجل ( عسل ) تجاوز عمره المائة واربعون سنة ، والرجل صافح الامام محمد احمد المهدي وبايعه ، وقام منتج البرنامج باخضاعه لكشف طبي بواسطة لجنة مكونة من عدد من الاطباء قدرت عمره بانه يجاوز ال 145 سنة ، حكى الرجل عن تاريخ حياته فذكر انه عمل في بناء السكة حديد حين وصلت الحصاحيصا ، كما عمل في بناء خزان مكوار ( سنار لاحقا ) . تقول عنه احدى زوجاته انه لا يوجد من هو في عمره لا في العرب ولا الهوسا ولا البرنو وتقول عنه انه اكبر زول في السودان .
الطريف انه لا يزال على رأس عمله ، حيث حكى صاحب المزرعة التي يعمل فيها المعمر ( حاليا ) عن امانته وتفانيه في العمل ، الرجل ذو طله بهية وسيم الملامح ، يذكر تفاصيل كل شيئ ، ضاحك ، بشوش وودود ............ يطول عمره ( كما يقول عمنا السر قدور )
لله في خلقه شئون
التعديل لتصحيح 20 خطأ طباعي من اصل 80 كلمة مطبوعة
|
Post: #2
Title: Re: لينا بي عمره ، سوداني يتجاوز ال 146 سنة ولا يزال حديد
Author: النصرى أمين
Date: 09-13-2009, 08:41 AM
Parent: #1
الاخ سيف الدولة
رمضان كريم
معليش ......لكن الموضوع ده يصعب تصديقه خاصة
انو طرفه الاذاعة السودانية....
معقول 145 سنة ولسه شغال!!!!
ياخى نحن اصغر منه ب 100 سنة فترنا من الشغل
وبنفكر فى التقاعد ..
برضو الزول البكون 145 ما بكون فيهو ملامح بهيه ولا ما بهية..
بكون مكرمش ومكرفس ...
ولا شنو؟
عيد مبارك
|
Post: #5
Title: Re: لينا بي عمره ، سوداني يتجاوز ال 146 سنة ولا يزال حديد
Author: saif addawla
Date: 09-13-2009, 09:07 AM
Parent: #3
النصري
والله صاحبنا المعمر السوداني ما يرضى بزولتك دي تكون امه رغم انه حين وفاتها كان هو اكبر منها ب 31 سنة ، اي في مقام ابوها
|
Post: #4
Title: Re: لينا بي عمره ، سوداني يتجاوز ال 146 سنة ولا يزال حديد
Author: saif addawla
Date: 09-13-2009, 08:58 AM
Parent: #2
النصري ... سلامات
الناس بتختلف يا عزيزي .... انا عن نفسي افكر في التقاعد وبطيل المكنة منذ ان بلغت الخمسين والآن قاعد منتظر يومي ، بس بحكيليك عن واحد صاحبي عمره اكثر من 80 سنة وزامل والدنا في الدراسة ، في مرة كان بيحكي لي قال فيما قال انه زهج من الغربة بالامارات وينوي العودة للسودان والاشتغال بالصحافة ، لحدي هنا كويس ، بس اضاف ( اصلو انا بشوف فيها مستقبلي )
مع خالص تحياتي لك و..... طول العمر لصاحبنا ولك
|
Post: #6
Title: Re: لينا بي عمره ، سوداني يتجاوز ال 146 سنة ولا يزال حديد
Author: saif addawla
Date: 09-13-2009, 09:38 AM
Parent: #4
عينا باردة ، خايفين بعد ال 146 سنة دي التلفزيون يجيب ليه الكج
|
Post: #7
Title: Re: لينا بي عمره ، سوداني يتجاوز ال 146 سنة ولا يزال حديد
Author: Dr.Elsadig Abdalla
Date: 09-13-2009, 09:47 AM
Parent: #6
سلامات ياسيف
شاهدت الخبر أمس على القناة السودانيه ..بصراحه شكل الراجل لايدل أنه تعدي المائه عام ناهيك عن المائه وأربعين ...
لم أصدق هذا الموضوع .
|
Post: #8
Title: Re: لينا بي عمره ، سوداني يتجاوز ال 146 سنة ولا يزال حديد
Author: soma
Date: 09-13-2009, 10:20 AM
Parent: #7
Quote: زهج من الغربة بالامارات وينوي العودة للسودان والاشتغال بالصحافة
، لحدي هنا كويس ، بس اضاف ( اصلو انا بشوف فيها مستقبلي ) |
LOOOOOOOOOOOLZ
saif slamaat
ramdan kareem
|
|
