أساسي، عصام دهب...حتى نكون صفوة..بوست لتقديم التهنئة للهلال

أساسي، عصام دهب...حتى نكون صفوة..بوست لتقديم التهنئة للهلال


09-11-2009, 11:28 PM


  » http://sudaneseonline.com/cgi-bin/sdb/2bb.cgi?seq=msg&board=240&msg=1252708096&rn=0

Post: #1
Title: أساسي، عصام دهب...حتى نكون صفوة..بوست لتقديم التهنئة للهلال
Author: Mahmoud Mustafa Mahmoud
Date: 09-11-2009, 11:28 PM



أتقدم أصالةً عن نفسي ونيابةً عن من يشاء من صفوة البورد والسودان

لفريق الهلال السوداني الغريم التقليدي بالتهنئة بمناسبة التأهل


يظل المريخ عظيماً..

ولكم التهنئة مجدداً...


محمود مصطفى محمود دفع الله

صفوة وضد الكفوة..

العاجبو عاجبو والما عاجبو.. يحلق حواجبو
Post: #2
Title: Re: أساسي، عصام دهب...حتى نكون صفوة..بوست لتقديم التهنئة للهلال
Author: حسن سنوسى
Date: 09-11-2009, 11:34 PM
Parent: #1

محمود
شكراً ياخى على الروح الرياضية
وللضمان نحن عايزين المريخ يكون عظيم
منافسة من غير مريخ دى تجى كييف عاد

شكراً على التهنئة
وهارد لك
Post: #3
Title: Re: أساسي، عصام دهب...حتى نكون صفوة..بوست لتقديم التهنئة للهلال
Author: عصام دهب
Date: 09-11-2009, 11:34 PM
Parent: #1

أستحق الهلال النصر ..

و اليوم لم يكن يوم المريخ ..

حزين أنا جداً لهزيمة الزعيم ..

حتى إن دمعت عيني للهزيمة الحارة ..

لكن هذا لا يمنع من أن تمتد يدي مواسية و مباركة ..

هاردلك الزعيم ( الجفلن خليهن أقرع الواقفات ) ..
مبروك للهلال فوزاً مستحق .. و أتمنى أن لا تكون هذه هي البطولة ..
مبروك لكل الهلالاب ( حتى و إن دورونا ) ..


ـ
شكراً يا محمود و هاردلك ..
Post: #4
Title: Re: أساسي، عصام دهب...حتى نكون صفوة..بوست لتقديم التهنئة للهلال
Author: Mahmoud Mustafa Mahmoud
Date: 09-11-2009, 11:49 PM
Parent: #3



صفوة والله يا سعادة المستشار..

أحب نجومك والله


درس جديد في أدب الروح المريخي الرصين..

وسابقة برضو..
Post: #5
Title: Re: أساسي، عصام دهب...حتى نكون صفوة..بوست لتقديم التهنئة للهلال
Author: Dr.Elsadig Abdalla
Date: 09-11-2009, 11:54 PM
Parent: #4

مبروك للهلال ..ولكن ...برضو الحكم أهداهم هذا الفوز بالطرد الغير مستحق للباشا ...
ويظل الزعيم زعيم ...ويوم ليك ويوم عليك ..واليوم ليس بيومك يازعيم ..
Post: #6
Title: Re: أساسي، عصام دهب...حتى نكون صفوة..بوست لتقديم التهنئة للهلال
Author: Mahmoud Mustafa Mahmoud
Date: 09-12-2009, 00:01 AM
Parent: #5



شكراً يا دكتور الصادق..

وهاردلك..

الليلة مستشارين ودكاترة ساااااي...

صفوة والله


عشت يا مريخ موفور القِيَمْ
Post: #7
Title: Re: أساسي، عصام دهب...حتى نكون صفوة..بوست لتقديم التهنئة للهلال
Author: جمال السنوسي
Date: 09-12-2009, 00:47 AM
Parent: #6

محمود

الكشف وين



نحن بس دايرنكم ترشو كانو


ونحن بنرش ليكم زيسكو

عشان ما تكونوا طيش المجموعة


ولا طيش المجموعتين
Post: #8
Title: Re: أساسي، عصام دهب...حتى نكون صفوة..بوست لتقديم التهنئة للهلال
Author: محمد عبد الماجد الصايم
Date: 09-12-2009, 03:20 AM
Parent: #7




تمشي وتجي بالسلامة
طيشنا مع السلامة!
Post: #9
Title: Re: أساسي، عصام دهب...حتى نكون صفوة..بوست لتقديم التهنئة للهلال
Author: Mahmoud Mustafa Mahmoud
Date: 09-12-2009, 09:48 AM
Parent: #8


الأصدقاء جمال السنوسي ومحمد ود الصائم..

أظنكم ما لاحظتوا حاجة..

البوست معني بتقديم التهنئة للهلال

وليس معني بأي حال من الأحوال بمناكفات مشجعي الهلال الموغلة في الضحالة..

غايتو عايزين ليكم مليون سنة ضوئية عشان تصلوا مرتبة الصفوة المريخية..


نجدد التهنئة لنادي الهلال..

وهاردلك للمريخ ..



محمود مصطفى محمود
صفوة ومحاضر بكلية الأدب المريخي..تخصص عشق النجوم
Post: #10
Title: Re: أساسي، عصام دهب...حتى نكون صفوة..بوست لتقديم التهنئة للهلال
Author: ادم شحوتاي
Date: 09-12-2009, 10:02 AM
Parent: #9

الصديق مصطفي محمود

هاردلكم وشكراً
Post: #11
Title: Re: أساسي، عصام دهب...حتى نكون صفوة..بوست لتقديم التهنئة للهلال
Author: Dr.Elsadig Abdalla
Date: 09-12-2009, 10:12 AM
Parent: #10

يامحمود ناس جمال السنوسي ديل يحق عليهم قولة مرمي الله ما بيترفع ...ده مستواهم مهما حاولنا أن نرتقي بيهم في هذا المنبر هم لسه في ضلالهم القديم ...
Post: #17
Title: Re: أساسي، عصام دهب...حتى نكون صفوة..بوست لتقديم التهنئة للهلال
Author: Mahmoud Mustafa Mahmoud
Date: 09-13-2009, 07:57 AM
Parent: #11


الصفوة دكتور الصادق عبد الله..

قلت لي الجماعة ديل:

Quote: لسه في ضلالهم القديم ...


موش كدا؟؟

وطيب نحن نكون صفوة كيف إذا لم يكن هكذا هم؟؟

لك التحية والتقدير وهاردلك..

مجدداً نبارك للهلال السوداني
Post: #12
Title: Re: أساسي، عصام دهب...حتى نكون صفوة..بوست لتقديم التهنئة للهلال
Author: Mahmoud Mustafa Mahmoud
Date: 09-12-2009, 10:12 AM
Parent: #10



مبروك للهلال..

وتشرفنا بوجودك هنا العمدة آدم شحوتاي
Post: #14
Title: Re: أساسي، عصام دهب...حتى نكون صفوة..بوست لتقديم التهنئة للهلال
Author: أسامه الكرور
Date: 09-12-2009, 10:27 AM
Parent: #12

ألف مبروك للأخوه الهلالاب هذا الفوز المستحق

فقد كان يوم أمس يومهم

وهاردلك المريخ العظيم فقد خذلك أبناؤك

ونتمنى للهلال الفوز بكأس البطوله والذى جاء هذا الموسم على طبق من ذهب

أتمنى أن لايضيع الهلال فرصة العمر هذا الموسم
Post: #15
Title: Re: أساسي، عصام دهب...حتى نكون صفوة..بوست لتقديم التهنئة للهلال
Author: Mahmoud Mustafa Mahmoud
Date: 09-12-2009, 12:01 PM
Parent: #14

مبروك للهلال ياأسامة الكرور...وشكراً على المرور
Post: #13
Title: Re: أساسي، عصام دهب...حتى نكون صفوة..بوست لتقديم التهنئة للهلال
Author: عزاز شامي
Date: 09-12-2009, 10:26 AM
Parent: #1

مـــ (كح كح كح ) بــــــــر (كح كح كح) ووو (كح كح كح) ك
Post: #16
Title: Re: أساسي، عصام دهب...حتى نكون صفوة..بوست لتقديم التهنئة للهلال
Author: Mahmoud Mustafa Mahmoud
Date: 09-12-2009, 01:18 PM
Parent: #13



الصفوة العزيزة عزاز شامي..

تسلمي إنت يمة من الكحة..

وأرفعي صوتك هيبة وجبرة.

وخلي نشيدك عااااااالي النبرة..

خلي جراح أولادك تبرا..


أو:

يا ام ضفاير قودي الرسَنْ
واهتفي فليحيا الوطن..

مبروك للهلال..

والعاقبة عندنا في مناسبات قادمات إن شاء الله


وخليك صفوة دائماً...

وعاش المريخ صانع التاريخ..
Post: #18
Title: Re: أساسي، عصام دهب...حتى نكون صفوة..بوست لتقديم التهنئة للهلال
Author: جمال السنوسي
Date: 09-13-2009, 08:58 AM
Parent: #16

يا دكتور الصادق

انت مفروض تشخص حالتكم دي

وتدي العلاج

علاج بالبتر لكل اصبع او يد او رجل

ذهبت بفريقكم واوصلته الى نقطتين من خمسة مباريات

لم تفوزوا مرة واحدة

دلع ( عيالكم) في الفريق هو السبب

ديل عايزين عين حمرا وشرارة

لانه النجمة باقية والاشخاص زائلون


ابدأو العلاج الآن


فما زال الموسم القادم بعيدا
Post: #19
Title: Re: أساسي، عصام دهب...حتى نكون صفوة..بوست لتقديم التهنئة للهلال
Author: وليد عبد اللطيف
Date: 09-13-2009, 09:02 AM
Parent: #18

قال محمود مصطفى
أتقدم أصالةً عن نفسي ونيابةً عن من يشاء من صفوة البورد والسودان

لفريق الهلال السوداني الغريم التقليدي بالتهنئة بمناسبة التأهل


يظل المريخ عظيماً..

ولكم التهنئة مجدداً...

وانا بقول
يا ود مصطفى هكذا يجب ان تكون روح الرياضة











___________________
رياضي سابق
Post: #20
Title: Re: أساسي، عصام دهب...حتى نكون صفوة..بوست لتقديم التهنئة للهلال
Author: omer osman
Date: 09-13-2009, 09:11 AM
Parent: #19

مبروك



Post: #21
Title: Re: أساسي، عصام دهب...حتى نكون صفوة..بوست لتقديم التهنئة للهلال
Author: مجدي عبدالرحيم فضل
Date: 09-13-2009, 09:23 AM
Parent: #20

الهـــلال يستحق أن يُتوج بطلا لهذة البطولة

هكذا عهدنا النجوم ونجومية المبادرة بالتهنئة للهلال الند لنا نحن من أوجد هلالا واحدا في سمانا ومن هنا يجب علي الهلال أن لايفرط في هذة الدورة ويحصل ليهو عسر هضم مستقبلا.
لكم مجدد نهنئ التأهل وهاردلك جمهور الصفوة هي الكورة نصر ثم هزيمة وخيره في غيره.

،،،،أبوقصي،،،،
Post: #25
Title: Re: أساسي، عصام دهب...حتى نكون صفوة..بوست لتقديم التهنئة للهلال
Author: Mahmoud Mustafa Mahmoud
Date: 09-13-2009, 09:57 AM
Parent: #21



Quote: لكم مجدد نهنئ التأهل وهاردلك جمهور الصفوة هي الكورة نصر ثم هزيمة وخيره في غيره


دي النجيضة على قول ود الصايم..

شكراً يا مجدي وهاردلك..
Post: #22
Title: Re: أساسي، عصام دهب...حتى نكون صفوة..بوست لتقديم التهنئة للهلال
Author: Dr.Elsadig Abdalla
Date: 09-13-2009, 09:33 AM
Parent: #20

ياجمال أول مره تقول حاجه فيها فايده في بوستاتك الخرتميه وألف ..النجمه باقيه ...أجمل جمله ..نعم سيكون هنالك علاج وعلاج ناجع بأذن الله ...ونحن على ثقه تامه بان مريخنا will come back وحينها لكل حدث حديث ..بس انتو خليكم في الهستيريا بتاعتكم دي ..
Post: #26
Title: Re: أساسي، عصام دهب...حتى نكون صفوة..بوست لتقديم التهنئة للهلال
Author: Mahmoud Mustafa Mahmoud
Date: 09-13-2009, 10:08 AM
Parent: #22


will come back

This is for sure..definitely, undoubtedly..certainly

الصفوة دكتور الصادق..

أرجو أن لا تنساق لمحاولات (البعض) ممن يسعون إلى الخروج بهذا البوست

من الروح المريخي.. ذلك (البعض) الذي لا يقبل الآخر منتصراً كان أو غير ذلك..

ويا جمال صديقي..أرجو أن تبحث عن نشوة الانتصار بعيداً عن هذا البوست..

ولو ركزت معاي.. كنت لاحظت مقدرتنا في إدارة البوست لتحقيق أغراضه دون أي هرجلة..


نجدد التهنئة للهلال..

وهاردلك المريخ ..
Post: #24
Title: Re: أساسي، عصام دهب...حتى نكون صفوة..بوست لتقديم التهنئة للهلال
Author: Mahmoud Mustafa Mahmoud
Date: 09-13-2009, 09:50 AM
Parent: #20



يا سعادتك بلاش دموع عليك الله .. نحن ما ناقصين..

نبارك للجماعة ونتخارج..

ما عارف ليش اتخيلت إنك قاعد تسمع أغاني هاشم ميرغني كتير..


هاردلك وكل سنة وإنت وأسرتك ومن تحب بألف خير
Post: #23
Title: Re: أساسي، عصام دهب...حتى نكون صفوة..بوست لتقديم التهنئة للهلال
Author: Mahmoud Mustafa Mahmoud
Date: 09-13-2009, 09:46 AM
Parent: #19




هكذا يجب ان تكون روح الرياضة

الأخ الكريم وليد عبد اللطيف..

نشكر وجودك هنا..وليت قومي يعلمون..

بعدين حكاية رياضي رياضي سابق دي شنو؟؟

الرياضة والسياسة لا فكاك للسوداني منهما..

حيث أصبحتا مكونات أساسية في الدورة الدموية بتاعتو..


عشت يا أخي.. وكل عام وأنتم بخير
Post: #27
Title: Re: أساسي، عصام دهب...حتى نكون صفوة..بوست لتقديم التهنئة للهلال
Author: أبوعبيدة محمد الأمين
Date: 09-13-2009, 10:29 AM
Parent: #23

إبن عمي العزيز وأخي الحبيب محمود
السلام عليكم وكل عام وأنتم بخير

والله ما رضيناها ليك تغمر الدمعات عينيك

حاتقول لي ويييييييييينك - بقول ليك: قاااااااااعد فى الخرتوم - والله الليلة جنس سخانة -

نبارك لفريق الهلال السوداني برابط الوطن والأخوة التي تجمعنا
لكن الهلالاب شاكلة حبيبنا جمال السنوسي ديل إلا نبارك ليهم (مباركة الشجعان)
على شاكلة (سلام الشجعان)
فى النفس حزن دفين وشعور بمؤامرة حيكت بنفس طويل كان ظاهرها محاباة الهلال منذ مباراة تامبو نايسى وانتهاء بطرد الباشا كأوضح صورة لاستهداف التحكيم للمريخ

ورغم ذلك نقول مبروك حيث لنا نصيب من هذا الفرح الهلالي فالهلال سوداني ووالدي وإبنى الأكبر محمد من مناصري فريق الهلال

لكن يا محمود الناس ديل لسع مخلوعين وما مصدقين انهم غلبوا المريخ وكمان بالتلاتة - كم أنت عظيم يامريخ وان شاء الله عاد ينستروا ويواصلوا المسيرة ومانجي نعزيهم بعد يومين تلاته.

وكل عام وأنتم بخير
Post: #28
Title: Re: أساسي، عصام دهب...حتى نكون صفوة..بوست لتقديم التهنئة للهلال
Author: Mahmoud Mustafa Mahmoud
Date: 09-13-2009, 10:47 AM
Parent: #27



Quote: ورغم ذلك نقول مبروك حيث لنا نصيب من هذا الفرح الهلالي فالهلال سوداني


أبو عبيدة.. صحي صحي وييييييييييييييييييييييييييينك؟؟

النصيحة لله مشتاقين...

والنجيضة وصلت..

أكلناها ساخنة على قول اليمانية..

إذا عندك طريقة تمسكلنا نكون شاكرين..

وللضمان كدا حا أكتب جوال رسمي خالص

00966504545466

الغريبة حامد أخوي وهو هلالابي طبعا..كان حاضر معاي المبارة بمناسبة البلازما الجديدة

الما اتهنيت بيها دي.. الله يكجها أكان جابت لينا الكج..وكان راجعين من إفطار في بيت

الأخ منهل..وهو بعافية شوية كدا.. عليك الله دعواتكم ليهو..أبو أحمد ما ساهل ياخ..

فالشاهد في الموضوع..جبنا سيرتك.. وتذكرنا ذلك الإفطار الجداوي المكشوف..الذي كشف حالنا..

حامد بطنو كانت مكركبة برااااها... وأنا كنت عامل ليهو حرب أعصاب قبل المباراة..

شايف فداحة الخسارة كانت كيف على العبد الله؟؟


غايتو الله غالب..

والتنهئة للهلال تاني
Post: #29
Title: Re: أساسي، عصام دهب...حتى نكون صفوة..بوست لتقديم التهنئة للهلال
Author: هاشم محمد الحسن عبدالله
Date: 09-13-2009, 11:38 AM
Parent: #23

العزيز محمود مصطفى ، شكرا على روحك العالية والتى تمثل مريخنا العظيم، ونحن نهنىء الأخوة الأهلة بالفوز والتأهل ونتمنى ان يوفقوا فى احراز نصر يشرف السودان، والمريخ العظيم عائد باذن الله ، فقط مزيدا من الصبر، ودمتم.
Post: #30
Title: Re: أساسي، عصام دهب...حتى نكون صفوة..بوست لتقديم التهنئة للهلال
Author: Mahmoud Mustafa Mahmoud
Date: 09-13-2009, 11:43 AM
Parent: #29



Quote: ونحن نهنىء الأخوة الأهلة بالفوز والتأهل ونتمنى ان يوفقوا فى احراز

نصر يشرف السودان، والمريخ العظيم عائد باذن الله ،

فقط مزيدا من الصبر، ودمتم.


أخونا العزيز الصفوة هاشم أبو محمد..

شكراً على روحك وياها المحرية فيكم وفي كل الصفوة..

ودمت..