|
|
|
 Re: الهلالاب قمة التردي والانحطاط (Re: Dr.Elsadig Abdalla)
|
مبروك للهلال والسودان وهاردلك لنده المريخ
ويااخى الكلام ده ما صاح منك انت بى كلامك ده شملت قبيلة بى حالها
مافى داعى للالفاظ دى ونحن فى ايام مباركه من شهر رمضان الفضيل
المكايده مطلوبه لكن فى حدود الاحترام
كل عام والجميع بخير
تحياتى اسماء الجنيد / مسقط
| |
 
|
|
|
|
|
|
|
|
Re: الهلالاب قمة التردي والانحطاط (Re: Dr.Elsadig Abdalla)
|
بعد نهاية المبارة
....
كنت قادما" من احد الاصدقاء
وفي الطريق
كانت هناك مظاهرة ضخمة جدا
احتفالا بالفوز
وقد قام المتظاهرون بتعطيل الحركة في الشارع
وفي خضم ذلك قام البعض بتحطيم مراية سيارتي
300 الف
واطالب هلالاب المنبر بدفع هذا المبلغ فورا
.....
| |
|
|
|
|
|
|
|
|
 Re: الهلالاب قمة التردي والانحطاط (Re: حذيفه ابراهيم الكباشي)
|
Quote: كنت قادما" من احد الاصدقاء
وفي الطريق
كانت هناك مظاهرة ضخمة جدا
احتفالا بالفوز
وقد قام المتظاهرون بتعطيل الحركة في الشارع
وفي خضم ذلك قام البعض بتحطيم مراية سيارتي
300 الف
واطالب هلالاب المنبر بدفع هذا المبلغ فورا
|
معقولة بس يا حذية يا اخوي عشان مراية عربية بتلتمائة الف الشتيمة دي ؟؟!!
يعني الجريمة دي في حقك جات بتوصية من مجلس ادارة الهلال والا كيف عشان تشمل الجمع كلو ..
** غايتو سؤال انتو الاسبيرات دي غالية كدي في السودان مالها ؟
شن ماركة العربية وموديلها المرايتها بتساوي خمسمية ريال !!
حقو توجه سهام بوستك لوكالات السيارات وتجار قطع الغيار ....
| |
|
|
|
|
|
|
|
|
 Re: الهلالاب قمة التردي والانحطاط (Re: حذيفه ابراهيم الكباشي)
|
| Quote: وفي خضم ذلك قام البعض بتحطيم مراية سيارتي |
أحمد الله يا حذيفة أنو ما حطمو (شخسّك) في (شخس) المريخ
الزعلة دي كلها في تلتميَّة ألف! كلها ميَّة دولار، ما يهمّك يا ود العم، ندفعها ليك من برة (الطمنطاشّر) ولا نديك ليها قطاعي؟
___
الجاتّك في مراياتّك سامحتك..
| |
|
|
|
|
|
|
|
|
|
Re: الهلالاب قمة التردي والانحطاط (Re: Dr.Elsadig Abdalla)
|
Quote: الهلالاب قمة التردي والانحطاط]
ما الدليل على تردينا و انحطاطنا؟؟؟ و ان كنا في نهاية المطاف
نقر بان هذه احكام نسبية يستحيل اثباتها على مسلك اي فرد بالمنبر.
خلينا نفرح بانتصارنا... في صحيفة الصدى من يومين صرح احد اعضاء
مجلس المريخ بانهم سيلقنون الهلال درسا في اول عشرة دقايق من بداية المباراة.
من حقنا ان نفرح و ان نستشهد بالتصريحات النارية للاعلام المريخي بدفن الهلال
في مقبرته. و خليك رياضي للنهاية لك او عليك
| |
|
|
|
|
|
|
|
|
|
Re: الهلالاب قمة التردي والانحطاط (Re: حذيفه ابراهيم الكباشي)
|
Quote: كنت قادما" من احد الاصدقاء
وفي الطريق
كانت هناك مظاهرة ضخمة جدا
احتفالا بالفوز
وقد قام المتظاهرون بتعطيل الحركة في الشارع
وفي خضم ذلك قام البعض بتحطيم مراية سيارتي
300 الف
واطالب هلالاب المنبر بدفع هذا المبلغ فورا |
وانا عربيتي ليه ما كسروها
انت عربيتك دي ضاربها اصفر واحمر ولا شنو ؟
دي اصلو عربية ولا تتراسايكلين
وانت ذاتك المرايات داير بيها شنو
داير تشوف شنو يعني ؟
وانتو كان بتشوفو القون الاول دا دخل كيفن ؟
لوووووووووول
| |
|
|
|
|
|
|
|
|
|
Re: الهلالاب قمة التردي والانحطاط (Re: طارق جبريل)
|
الاخ / حذيفة
صباح الخير
| Quote: الهلالاب قمة التردي والانحطاط |
ابدا والله الهلالاب الذين اعرفهم
قمة في الاخلاق والادب والاحترام
لا اريد ان اكتب اسامي لكن خد عندك
ود الصايم
ود البشري
وهبة
المسلمي
عبود
سيف الدولة
طارق الكوتش
نادوس
تمبس
رقم صفر
معتصم دفع الله
كيكي
خليل
جمال السنوسي
والكثيرون من عشاق الهلال بهذا المكان الجميل
جمعتنا بهم الرياضة فاصبحنا اخوة اعزاء
معليش الجاتك في مرايتك سامحتك....!!!!
واتمني سحب او تعديل العنوان
وللاخوة الهلالاب الاعزاء.....
الف .....الف......مبروك الفوز
وللعزيز حذيفة
رمضان كريم
| |
|
|
|
|
|
|
|
|
|
Re: الهلالاب قمة التردي والانحطاط (Re: فايزودالقاضي)
|
| Quote: 300 الف واطالب هلالاب المنبر بدفع هذا المبلغ فورا |
انت زعلان عشان المرايه والا عشان الـ 3 ؟؟
وفي الحالة الزعله عشان المرايه ما حاندفع ليك حاجه .. وتشم الـ 300 الف قدحه
ولو زعلان من الهلالاب عشان - المريخ المنتهي اخذ ثـــ 3 ــلاثه .. برضو ما ندفع اي حاجه - برضو تشم الـ 300 الف قدحه
يلا ... تردي وانحطاط - تردي وانحطاط !
| |
|
|
|
|
|
|
|
|
 Re: الهلالاب قمة التردي والانحطاط (Re: عبدالله كع)
|
يا حذيفة
الظاهر أنك وفي قمة الإحباط والغبينة من التلاتة قد أتيت بحركة استفزازية لأحد الهلالاب المبتهجين ..وعشان كده كسر مرايتك.
وبعدين يا أخي ( لا تز وازرة وزر أخرى) ..عشان نفر او نفرين تقوم تشتم عامة قبيلة الهلالاب ؟ الإعتذار واجب وقد يبدد بعض الحزن الذي أصابنا من شتمك للهلالاب ..الله يهديك وإيانا .
| |
|
|
|
|
|
|
|
|
|
Re: الهلالاب قمة التردي والانحطاط (Re: عبدالله كع)
|
المريخ شعب عظيم فهو مصدر سعادتنا نحن الهلالاب فكل ما نهزمه نعيش احلى لحظات الفرح والسعادة ..
بعدين انت مغلوب وزهجان اللى وداك تخش نص الهلالاب عشان اكسروا عربيتك شنو ..
والله كان عرفوك مريخابى كان يمكن كسروا رقبتك ذاتها وقطعوا ليك لسانك الطويل ده ..
عموما لازم تعتذر عن هذه الاهانة لأمة الزعيم وسيد البلد
بل عليك ان تولم لنقبل اعتذارك هذا بخروف بثلاثمائة جنيه بشرط ان تدعو له هلالاب حلتكم وتقول ليهم دى
كفارة شتيمة الهلال .. عشان المرة الجاية الغلب كان حرقك ما تمرق تتحاوم بعربيتك وتقعد فى بيتكم
احسن ليك .. بدل ما تبقى فى كسر مرايات وكسر رقبة ويمكن تجيب ليها كسر تلج كمان لو العسكرى طلع
هلالابى .
| |
|
|
|
|
|
|
|
|
|
Re: الهلالاب قمة التردي والانحطاط (Re: عبدالله كع)
|
Quote:
Quote: 300
ايه حكاية الثلاثاث الماشه فى البلد اليومين دول |
حبيبنا الكوتش....مبروك يازول...
خلينا نرضى حذيفة ده..الزول ده كويس لكن زعلان...
نعزمو يوم الثلاثاء..
نحلف ليهو بال3
ندفع ليهو ال300
ونفتح ليهو شريط البلابل..
ويغنن ليه جن مارات ثلاثه..
ومازدا متعود على الثلاثة..
وحلات الدنيا زادته مع أفراح هلالنا...............مودتى...إسماعيل محمد احمدعباس...
| |
|
|
|
|
|
|
|
|
 Re: الهلالاب قمة التردي والانحطاط (Re: عبدالله كع)
|
| Quote: وفي خضم ذلك قام البعض بتحطيم مراية سيارتي |
وفي خضم الحاصل دا يا حذيفة تجي تقول علينا كده ..
شينة منك والله ..
نحن كان قايلين ناس إيفوسا بجيبوا لينا النبذ ما كان خليناهم يجبيو تلاتة ..
ولا عمر بخيت التقول مغالتنو شايت من الحلة البي هناك وفي الشبكة توووش ..
يا زول خلي روحك رياضية ..
نحن هلالاب ومريخاب حالتنا واحدة وفي النهاية إخوة ..
نجي نكاوي ونتناكف لمن المغصة تشق التاني لكن لا نسئ لبعض ..
وأتمنى الرياضة أن لا تصل لهذا السوء ولهذا الفهم والذي يبعدها تماماً عن مقصدها ..
ومن هنا أشكر كل المريخاب الفي المنبر وخصوصاً الذين تداخلوا في هذا البوست وشجبوا هذا الكلام ..
المسكين طلحة عبدالله وحبيبنا هارون دياب دا على سبيل المثال وليس الحصر ..
| |
|
|
|
|
|
|
|
|
|
Re: الهلالاب قمة التردي والانحطاط (Re: معتصم دفع الله)
|
حذيفة ياخوى
لو الزعل ده كلوا على شأن ال 300 ألف رسل لى العربية من الصباح ، أو أقول ليك وصف لى مكانك أنا برسل زول يستلم منك العربية
ويجيبا ليك بعد ساعتين بمراية جديدة شركة .
ولو سبب الزعلى الأهداف التلاتة ... برضو عندها حل وصف لى مكانك وبرسل ليك زول يجيبك لى ... أصلوا مكتبنا جنب الكوبرى ....بس
جوووومبلغ وتكون إرتحت .... ههههههههههههههههههههه
حدد ياتا فيهن وأنا جاهز ...
لكن أحسن ليك الأولى .. وأنا جادى فيها على شأن خاطرك ... وأطلب من بكرى سحب البوست لانوا عنوانه مابيشبهك
سمح ؟
محي الدين جبريل
| |
|
|
|
|
|
|
|
|
|
Re: الهلالاب قمة التردي والانحطاط (Re: محي الدين جبريل)
|
بالغت عدييييييييييييييل ياحزيفة
ياخ دا كلو عشان ايفوسا جاب التالت
طيب لو فييرا جاب الرابع كان حتطلعنا شنو ....؟
اعتزر يافردة .... وكت جات علي المريات هينة
بركة الما مشيت انتحرته وللا حاجة
اسغفر ياخوي دا حال الكورة
خالص الود
| |
|
|
|
|
|
|
|
|
|
Re: الهلالاب قمة التردي والانحطاط (Re: haroon diyab)
|
Quote: ابدا والله الهلالاب الذين اعرفهم
قمة في الاخلاق والادب والاحترام
لا اريد ان اكتب اسامي لكن خد عندك
ود الصايم
ود البشري
وهبة
المسلمي
عبود
سيف الدولة
طارق الكوتش
نادوس
تمبس
رقم صفر
معتصم دفع الله
كيكي
خليل
جمال السنوسي
والكثيرون من عشاق الهلال بهذا المكان الجميل
جمعتنا بهم الرياضة فاصبحنا اخوة اعزاء
معليش الجاتك في مرايتك سامحتك....!!!!
واتمني سحب او تعديل العنوان
وللاخوة الهلالاب الاعزاء.....
الف .....الف......مبروك الفوز
وللعزيز حذيفة
رمضان كريم |
حقيقة هذه هي أخلاق الرياضة التي ننشدها... شكراُ هارون دياب وهاردلك مريخنا العظيم وصفوة مشجعي المريخ... وملايين التبريكات والتهاني لعشاق أبو الهل سيد البلد.
الحمد لله الذي جعلني هلالياُ أقدم ديني علي وطني ووطني علي إنتماي
الله... الوطن... الهلال
| |
|
|
|
|
|
|
|
|
|
Re: الهلالاب قمة التردي والانحطاط (Re: حذيفه ابراهيم الكباشي)
|
والله يا زول مافي زول بصدقك بي حكاية المرايه دي
لقيت الناس وضعوك في موضع صغير قلت تقلبها لي مرايه
الكلام ده منك عيب
والناس ونحنا كهلالاب عندنا برضو لسان نسب بيه المريخاب
عيب عليك
لا يغرنك وقوفك مع النيجيريين والزامبيه
فنحن الاسياد وهم التابعيه
وانت قزم وضيع مكانك دوري
الكونفدراليه
| |
|
|
|
|
|
|
|
|
|
Re: الهلالاب قمة التردي والانحطاط (Re: abas)
|
ده كـــــــــلام عيب ومابنقبلوا منك أبدا
الهلالاب فريق لعب وكسب ويستحق الفوز وبل حمل لقب البطولة
يااااخ أعتزر للناس الحلوين ديل هلالاب المنبر والسودان كله
ومايصح إلا الصحيح ياسيدي وهكذا هي روح الرياضة تقبل الهزيمة قبل النصر.
،،،،أبوقصي،،،،
مريخاب راكب ماذدا موديل 3000 تصنيع مهندس محمد عبدالله (ماذدا)
| |
|
|
|
|
|
|
|
|
|
Re: الهلالاب قمة التردي والانحطاط (Re: Mohamed Foto7li)
|
حبيبنا هارون دياب ,,, سلامات يا عزيز
دايما عالي وكلك زوق والله كلامك ده كان في رقبة مسامحين.
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
شكر يا فايز ود القاضي,, بس ظاهرك عليك لسه زعلان يا اخي معليش.
| |
|
|
|
|
|
|
|
|
|
Re: الهلالاب قمة التردي والانحطاط (Re: سيف الدولة كامل)
|
لا واللة لا اتفق معك ياحذيفة
الهلالاب اخوانا ونحن عندما نفوز قاعدين نطلع برضو مظاهرات وننتشى بالفوز
اى بيت سودانى فيهو الاخ هلالابى واخوه مريخابى
شخصياًاخى هلالابى وابناء اخواتى هلالاب و اعز اصدقائى هلالابى
نهانا الاسلام عن اتخاذ قرار لحظة غضب
والجاتك فى مالك سامحتك
ومريخنا فوق ولا يهمك يابطل
| |
|
|
|
|
|
|
|
|
|
Re: الهلالاب قمة التردي والانحطاط (Re: عماد الدين عبدالله)
|
Quote: الهلالاب اخوانا ونحن عندما نفوز قاعدين نطلع برضو مظاهرات وننتشى بالفوز
اى بيت سودانى فيهو الاخ هلالابى واخوه مريخابى
شخصياًاخى هلالابى وابناء اخواتى هلالاب و اعز اصدقائى هلالابى |
يا سلام عليك فعلا بحراوي ومن الاميرية 2 الصف الثالث جنوب
كيفك يامعاوية اخيرا كان لنا شرف نيل العضوية
اخوك دكتور عماد عبدالله الطيب
| |
|
|
|
|
|
|
|
|
|
Re: الهلالاب قمة التردي والانحطاط (Re: معاوية محمد الحسن)
|
يا حذيفة شكلك كتبت البوست دا في لحظة غضب
لا تأخذك العزة بالأثم ... أي تبرير لهذا العنوان الصارخ لن يزيد الطين إلا بلة
اعتذر تكبر في أعين الناس
شكرا لكل المريخاب الذين مروا من هنا فقد كانوا كبارا بالفعل وتساموا فوق جراح الهزيمة
وما قصرت يا محي الدين جبريل يا زول يا جميل
| |
|
|
|
|
|
|
|
|
|
Re: الهلالاب قمة التردي والانحطاط (Re: جعفر محي الدين)
|
عنوان البوست غير موفق و لن ندافع عن كاتبه
لكن اعتقد انو قدم اعتذار ضمني للهلالاب في شخص البروف
وعفوا حا ترضو
استاذي واستاذ الاجيال
Quote: البروفيسر / الصادق يحي
انا سعيد جدا ان اراك هنا في هذا المنبر فأنت رجل قامة وانا افخر بأني كنت تلميذك لسنوات في الجامعه
فعفوا استاذي وسيدي دكتور/ الصادق |
ود الشيخ
مريخابي معكنن
| |
|
|
|
|
|
|
|
|
|
Re: الهلالاب قمة التردي والانحطاط (Re: جعفر محي الدين)
|
.
.
.
الأخ / حذيفه
أخى الإعتذار عن الخطأ فضيله ، ونحن فى العشر الأواخر من الشهر الفضيل
أخى واجبك هو أن تعتذر عن هذا العنوان القبيح .لأنك شملت شريحه كبيره
من الشعب السودانى بنعتك للهلالاب بالمنحطين .
ودى وتقديرى لك.
.
.
| |
|
|
|
|
|
|
|
| |
حذيفه ابراهيم الكباشي
سيف الدولة كامل
بشري الطيب
saif massad ali
abuguta
عبدالوهاب علي الحاج
Dr.Elsadig Abdalla
طلحة عبدالله
doma
7abib_alkul
HAIDER ALZAIN
Yassir Tayfour
اسعد صلاح البدري
Al-Sadig Yahya Abdall
عمار يس النور
سيف اليزل جعفر عبد الرحمن
محمد عبد الماجد الصايم
طارق جبريل
haroon diyab
شول اشوانق دينق
معاوية عوض الكريم
فايزودالقاضي
ismeil abbas
عبدالله كع
Gaafar Ismail
ناجى أحمد البشير
معتصم دفع الله
محي الدين جبريل
ياسر بيناوي
محمد كابيلا
Elsamani A.Malik
abas
مجدي عبدالرحيم فضل
Mohamed Foto7li
معاوية محمد الحسن
عماد الدين عبدالله
جعفر محي الدين
MOHAMMED ELSHEIKH
بشير حسـن بشـير
فيس بوك
تويتر
انستقرام
يوتيوب
بنتيريست