Post: #1
Title: Dropshipping حدثونا عنها و نحدثكم
Author: نصار
Date: 09-11-2009, 02:57 PM
السلام عليكم
قدر ما الواحد ياخد علي خاطره و يميل لانه ما يكتب تاني هنا لقله التجاوب و او عدهم في اكتر الاحيان، يغلب الطبع التطبع، اصله انا شكلي كدا صحفي ضله طريقه، يعني كدا زيما تقول ما اقدر استفرد بالمعلومه،، و نحنا اطفال صاحبي و فردتي كان ود عمي، بطنه غريقة و صامت ما يتكلم الا معاي انا مع تحذيرات شديدة اني ما اقول لي ضلي نص حرف من البقوله.. ما كنت بلتزم شديد بتحذيراته و بكدا كنت مدخل امه و اخوانه لشخصيته المغلقة تماما.. مرات اقول اسكت اكتب و ما اشتغل باهتمام الناس بالبكتبه، لكن كمان كدا ما بتجي لاننا هنا زي المجموعة العايشه مع بعض حكاية انك تتكلم وسط الناس لنفسك و ترد عليها تبقي، اللهم ثبت العقول..
بعد المقدمه الما عارف بتنظروا ليها من ياتو زاوية، اخش في الموضوع.. الـ Dropshoping هي طريقة تجارة الكترونية تتمثل في البيع باسعار الجملة دون ان تشتري البضائع او تتكفل بخدمات الزبائن عدي عرض المنتجات و استلام التحويلات المالية من المستهلك (المشتري) حيث تحتفظ بربحك و تحول الباقي لمقدم الخدمة.. اكيد في ناس عارفين الموضوع دا ياريت يدونا معلوماتهم و انا ح اتوسع في المساء..
|
Post: #2
Title: Re: Dropshipping حدثونا عنها و نحدثكم
Author: البدري عبد الله
Date: 09-11-2009, 06:02 PM
Parent: #1
والله يا علاء الدين المصطلح ده هسي لو قلت لي في الفيزيا النووية بصدقك طوالي ..ياخ ما تجيب لينا حاجة خفيفة كدة ...
كلام بي جنبة:
مالك مختفي يازول ؟
|
Post: #3
Title: Re: Dropshipping حدثونا عنها و نحدثكم
Author: النصرى أمين
Date: 09-11-2009, 06:12 PM
Parent: #2
سلام يانصار
Quote: قدر ما الواحد ياخد علي خاطره و يميل لانه ما يكتب تاني هنا
لقله التجاوب او عدمه في اكتر الاحيان، |
ابقى زى ..
بعمل البوست ..دخلو ناس ..الف مرحب بيهم..
ما دخلوا ..كويس برضو ..بواصل رفع البوست بنفسى
لغاية ما ازهج منو واسيبو..
اكتب لنفسك اولا ..
وللناس البتقرا ليك ..
ومعظمهم ما اعضاء هنا ..
اهااااا
بالنسبة لل Dropshipping ما سمعت بالمصطلح ده من قبل لكنى زيك كده
حا ادرس الموضوع واجيك راجع براى فوقو ..
|
Post: #5
Title: Re: Dropshipping حدثونا عنها و نحدثكم
Author: نصار
Date: 09-11-2009, 08:56 PM
Parent: #3
النصري كيفنك
ياخي و الله ما بقدر، ممكن اكتب لنفسي في حته ما تفاعليه
لكن هنا بكتب ما اعتقد انه بهم الناس بفيد بيه و استفيد
من تلاقح الافكار، لمان ما يكون في تجاوب معناها فرضياتي
ما صاح و مافي داعي اواصل.. اكيد في زوار ممكن يهتموا
بالبيتكتب لكن الاعضاء هم عينه عشوائية لمختلف مكونات
مجتمعنا تصرفهم يعتد بيهو كقياس راي.. ثم انه الاخد و
الرد بيبقي الموضوع حي و يتيح لاكبر عدد الاطلاع عليهو
موضوع البوست هو كما شرحته باختصار للبدر فوق و بعد
كدا بجيب ليكم شروحه التفصيلية و عينات و معايير لكيفية
اختيار مقدم خدمة جيد من صفحات مرجعية في اصدار شهادات
الجودة.. اعتقد انه الخدمة دي تناسب السودان شديد
بداية من اصحاب مقاهي الانترنت مرورا بالمستخدم العادي
انتهاءا بالمؤسسات الكبيرة و حتي المصالح و الوزارات
اذا اخدت لفة علي النت بتشوف حجم الخدمة دي قدر شنو
بمناسبة الوزارات قبل كم يوم لقيت في موقع بتاع B2B
اعلان من ادارة السدود بتاعة اسامة عبد الله بروجوا لسد
ما ذكروا اسمه لكن غالبا بكون سد مروي لانه تاريخ
الاعلان قديم.. ببحثوا في الاعلان عن جهات تقوم بالتنفيذ
شفت كيف
|
Post: #4
Title: Re: Dropshipping حدثونا عنها و نحدثكم
Author: نصار
Date: 09-11-2009, 08:38 PM
Parent: #2
هلا ابو عبد الله
داسينا رمضان النهاره الواحد يساوي اسبوع في الشتاء
بقت علينا حكاية يا الضايقين حلوها مره ضوقو
لمان كنا نسمع برمضان الصيف في البلاد دي كنا نظن اننا
ما ح نرجاهو.. لكن بقت علينا هنا نهار طويل و السودان
سخانة غايتو الا نمشي جنوب افريقيا ولا استراليا
المصطلح دا اتعرض علي مضمونه تغريبا سنة الفين قبل
ما يطرح كمصطلح و تتبني اسسه التقنية، كان عندي محل
بتاع الكترونيات طرح علي موزع اني اعمل online shop
يكون linked مع البورتال بتاعه، الزاير لمحلي الالكتروني
يلقي منتجات الموزع معروضه باسعار واضعها انا، اذا اشتري
تجيني القروش اخصم منها هامش الربح بتاعي و ارسل لصاحب
البضاعه الباقي البحتوي علي سعر المنتج زايد ربحه
الموزع هو البقوم بتجهيز البضايع و ارسالها للمشتري
مباشرة
|
|