ونســـة دُقآقــة ... ممنوع دخول الـرجـآل ...

الرخَمَة قالت: أنا أخيّر من زوّل!!!
قالوا ليها: مِنـو؟؟؟
قالت: الراجل البيقعد عِن نسابتو...

أنشدت إمرأة بيت الشعر هكذا:

من يأمن الرجل يكن مثل قابضٍ على الماء خانته فروج الأصابعِ

وقامت سِت مصرية بشرح البيت. قالت: اللي يأمن الرِجال
يأمن الميّة في الغربال...

في رُجال كُتّار ساعة الزنقة بيجهجهو...
قال ليك عمّك عندو شنطة وكرتونة، رفعن فوق راس لبص، وبقى راكب.
البص طاير طيران شديد جداً فوووووو إنقلب. عمنا طلع نصيييح فرِد
عوجة ما جاتو.
الجماعة جو كابسنو ليك: يا حاج إن شاء الله سلامة، إن شاء الله سلامة؟
قال ليهن: لا لا سلامة تب، ما عِندي فرِد عوجة، بس عندي كرتة
وشنطونة شوفوهن لي بلدن ويّن!!!

قالت التي أجرى الله الحكمة على لسانها: ضُل حيطة ولا ضُل راجل!!!

واحد إتزوّج فوق مرتو. لسوء حظو المراة الِتزوجها طلعت شرانية لدرجة،
وعذبتو ليك عذاب الله أكبر. فأنشدت زوجته القديمة بشماتة قائلة:

بغيت فلم تقع إلا صريعاً كذاك البغي يصرع كل باغٍ

واحد إيدو إتفكت، نسيبتو ساقتو للبصيرة. البصيرة قررت تكويهو.
سخنت المرواد وطظظظظ طظتو في إيدو، الراجل ضرط. الجماعة
عملوا ما سامعين (نظام سُترة وكده). هو بدل يسكت عليها عايز يعمل
فيها الود حريف قال: والله ترانا إتكوينا، الله يستر الحال!!!
نطت نسيبتو قالت ليهو: قول الله يحصّل الشفاء، إنت وسترة الحال
زممممممممان إتفرقتو!!!

وأنشدت واحده في الرجال الجبناء البخلاء، قائلة:

بخلاً علينا وجُبناً من عدوكم لبئست الخِلتان الجُبن والبُخل

يا ود المدير
قالو الجماعة البخافو من النسوان عملو جمعية سموها" رجال تحت اوامر الهوانم"
و قامو فتحو التسجيل و طبعا فيها معاينات صعبة جدا.
جاء واحد اخونا عايز يسجل و في المعاينة سألوه اول سؤال:
اول شيء بتعملو شنو لمان تصحى من الصباح؟ وكانت اجابتو اني "بقوم طوالي الم العدة و أغسلها قشت عيني من النوم".
فتم رفض طلبو و قالو ليهو الراجل البيبيت عدتو للصباح دا ما بينفع معانا

Quote: الراجل البيبيت عدتو للصباح دا ما بينفع معانا

الماعون اللين غسيلو هين






حتي أسال معاوية

يا ود المدير
قالو الجماعة البخافو من النسوان عملو جمعية سموها" رجال تحت اوامر الهوانم"
و قامو فتحو التسجيل و طبعا فيها معاينات صعبة جدا.
جاء واحد اخونا عايز يسجل و في المعاينة سألوه اول سؤال:
اول شيء بتعملو شنو لمان تصحى من الصباح؟ وكانت اجابتو اني "بقوم طوالي الم العدة و أغسلها قشت عيني من النوم".
فتم رفض طلبو و قالو ليهو الراجل البيبيت عدتو للصباح دا ما بينفع معانا

يا ود الشيخ حبابك...الجاحظ قال: أخبرني يحي بن جعفر قال: كان لي جار من أهل فارس
وكان بلحية ما رأيت أطول منها قط، وكان طول الليل يبكي، فأنبهني ذات ليلة بكاؤه وهو
يشهق ويضرب على راسه وصدره ويردد آية من كتاب الله تعالى، فلما رأيت مانزل به قلت
لأسمعنَّ هذه الآية التي قتلت هذا وأذهب نومي فتسمعت عليه فإذا الآية ( يسألونك عن
المحيض قُل هو أذىً ) فعلمت أنّ طول اللحية لا يخلف..

عليك الله ده ما زول عرور ساكت...

Quote: الماعون اللين غسيلو هين حتي أسال معاوية

لقيتك ناقش يا رغيم لكن!!!

واحد أتبخانتهن في البيت طفحت. قال لي مرتو: أمشي
أشوف لي زول يصلحها سريع نتغدى بيها قبل ما تتعشى
بينا!!!

واحد قاشر وماشي في الشارع، لاقتو واحدة شديدة ولضيضة
شِدّة مبالغة. صاحبنا راح مبحلق فيها ومقَهِي، أكان عفص
الكلب في ضنبو عفصة حااااارة، الكلب ما كضّب مسكو ليك
شرطلو بنطلونو شِريّط العدو. زولنا مشى لأصحابو بنطلونو
مهروّد عديل كده. الجماعة سألوهو: يا أبو الشباب مآلك
الحصل شنو؟...
قال ليهن: لآقتني وآحدة مباااااالغة، قهيت فيها وسرحتَ
معاها، أكان عفصتَ بنطلون الكلب قام على شرّط لي
ضنبي...