Post: #1 Title: مترو سنار ود النيل الدمازين Author: سامى عتبانى Date: 09-10-2009, 04:10 AM
السكة الحديد في كل يوم تأتي بجديد وذلك على نطاق الدول المتقدمة كدبى مثالا أما في السودان فلم نشاهد أو نعايش جديداً من زمن بعيد
Post: #2 Title: Re: مترو سنار ود النيل الدمازين Author: سامى عتبانى Date: 09-10-2009, 04:12 AM Parent: #1
القطار ارتبط عندنا بأشياء
لا يمكن ان تنسى ولا تُمحى من الذاكرة
Post: #3 Title: Re: مترو سنار ود النيل الدمازين Author: سامى عتبانى Date: 09-10-2009, 04:14 AM Parent: #2
ناظر المحطة
عمال الدريسة
قطار المناورة
التروللي
Post: #4 Title: Re: مترو سنار ود النيل الدمازين Author: سامى عتبانى Date: 09-10-2009, 04:17 AM Parent: #3
عربة الفرملة
المنامة ( درجه اولى ممتازه)
الكمساري
المفتش
وبوليس القطر
التصاريح المجانية
Post: #5 Title: Re: مترو سنار ود النيل الدمازين Author: سامى عتبانى Date: 09-10-2009, 04:21 AM Parent: #4
الطعمية
البيض
اللحمة المحمرة
الطحنية
Post: #6 Title: Re: مترو سنار ود النيل الدمازين Author: سامى عتبانى Date: 09-10-2009, 04:22 AM Parent: #5
مشترك كريمة
قطار حلفا
مشترك نيالا
مخصوص عطبرة
Post: #7 Title: Re: مترو سنار ود النيل الدمازين Author: سامى عتبانى Date: 09-10-2009, 04:24 AM Parent: #6
أسماء في حياة الذين عايشوا
التعامل مع ذلك الساحر الاسمو القطار
Post: #9 Title: Re: مترو سنار ود النيل الدمازين Author: سامى عتبانى Date: 09-10-2009, 04:26 AM Parent: #7
وتطورت الأشياء
ولم تتطور السكة الحديد المؤسسة
الهامة والتي خدمت المواطن والوطن.
Post: #8 Title: Re: مترو سنار ود النيل الدمازين Author: فاروق أبوحوه Date: 09-10-2009, 04:25 AM Parent: #3
في تمام الدقيقة 9 وفي الساعة 9 وفي الشهر التاسع من عام 2009 وكما هو مخطط ومرسوم
أفتتح حاكم إمارة دبي الشيخ محمد بن راشد بن مكتوم أطول مترو أنفاق في العالم من غير سائق .. وأضخم مشروع من نوعه في الشرق الأوسط والعالم العربي .. بلغ تكلفته أكثر من 7.5 مليار دولار .. لتضاف أعجوبة جديدة إلى قائمة طويلة من عجائب دبي ومفاخر دبي ... في تواجد أطول برج في العالم ..و أفخم وأغلي فندق في العالم ..وأكبر مجمع تسويق وغيرها ..
تكلفة المشروع كاملاً 28 مليار درهم (7.6 مليار دولار)
تكلفة وإيرادات المترو ارتفعت تكلفة مشروع المترو الإجمالية من 15.5 مليار درهم سابقاً إلى 28 مليار درهم، كما أعلن ذلك رئيس هيئة الطرق "مطر الطاير"، وعزا الطاير هذا الارتفاع إلى زيادة طول خطوط المترو بنحو 5 كيلومترات بالإضافة إلى زيادة عدد المحطات إلى 47 وبعض التكاليف الناتجة عن التنسيق والتصميم الداخلي.
وبحسب الطاير، فإن تمويل المترو كان تمويلاً ذاتياً من هيئة الطرق، حيث تملك الهيئة موارد مالية متعددة، ولم تكن هناك حاجة للاقتراض، ولو كان ثمة حاجة لأية أموال لازمة، فإن حكومة دبي ستبادر لتمويلها، نظراً لأهمية مشروع المترو للإمارة.
أما عن الإيرادات المتوقعة فتوقع "الطاير" أن تبلغ ايرادات المشروع أكثر من 17 مليار درهم خلال السنوات العشر القادمة، وذلك من بيع التذاكر والإعلانات وحقوق تسمية المحطات التي تم بيعها بأكثر من 1.8 مليارات درهم.
يا سامي الشغلانه دايره (نكتوت)
ورمضان كريم
Post: #10 Title: Re: مترو سنار ود النيل الدمازين Author: سامى عتبانى Date: 09-10-2009, 04:32 AM Parent: #8
Quote: أطول مترو أنفاق في العالم من غير سائق
ابو حوة ما تعقدنا ياخى
رمضان كريم
اها كدى خلينا من مترو دبى ده
تعال النكلمك عن مترو الدمازين زمان
Post: #11 Title: Re: مترو سنار ود النيل الدمازين Author: omer osman Date: 09-10-2009, 04:34 AM Parent: #10
نسيت أهم حاجة ياسامي ..... صفارة السكة حديد
Post: #12 Title: Re: مترو سنار ود النيل الدمازين Author: سامى عتبانى Date: 09-10-2009, 04:39 AM Parent: #11
Quote: نسيت أهم حاجة ياسامي ..... صفارة السكة حديد
جنابو عمر كيفنك
وعندك كمان البيرق الاخضر والاحمر
وحراسه القطر عادة بتكون فى درجة تانيه يا جنابو
Post: #14 Title: Re: مترو سنار ود النيل الدمازين Author: سامى عتبانى Date: 09-10-2009, 04:41 AM Parent: #12
قطار الدمازين احببناه بقدر العطاء الذي قدمه لنا
رغم التعب الكنا بنتعبو
خاصة في فصل الخريف
رغم اننا كنا صغار
Post: #13 Title: Re: مترو سنار ود النيل الدمازين Author: فاروق أبوحوه Date: 09-10-2009, 04:40 AM Parent: #10
يا سامي المترو دا الليلة ركبتو السنيح .. تصدق مسييييييخ .. لا فيه تُرمس ولا فيه جوطه ،، ولا فيه غنم تحت الكنب ،، ولا فيه ناس بتهبب بي جريده ،، ولا فيه ناس تاكل في تسالي ولا فول حاجات،،، غايتو جنس مساخه عليه..
خلينا معاك في دمازينا الطاعمه ديك وقطاراتنا الطاعمات
القطار المرّ فيه مرّ حبيبي ليه علي ما مرّ
سامي
مودتي
Post: #15 Title: Re: مترو سنار ود النيل الدمازين Author: سامى عتبانى Date: 09-10-2009, 04:45 AM Parent: #13
يا فاروق
بتزكر انو يوم
الاثنين والجمعة من كل اسبوع
وفي تمام الساعة الخامسة مساء بتحرك بينا
القطار من محطة الخرطوم متجها
الى الدمازين عبر سندة ( وقفه صغيره جداً) الشجره
Post: #16 Title: Re: مترو سنار ود النيل الدمازين Author: سامى عتبانى Date: 09-10-2009, 04:47 AM Parent: #15
والرأس البجر القطر كان ديزل
Post: #17 Title: Re: مترو سنار ود النيل الدمازين Author: سامى عتبانى Date: 09-10-2009, 04:49 AM Parent: #16
ونصل سنار التقاطع الساعة اربعه صباح
Post: #18 Title: Re: مترو سنار ود النيل الدمازين Author: سامى عتبانى Date: 09-10-2009, 04:53 AM Parent: #17
يفكو راس القطر الديزل ويربطو بدلو قطار البخار
(عشان خط السكة حديد سنار الدمازين ما بستحمل مرور
الديزل ده الكانو بيقولهو فنيي السكة حديد)
Post: #19 Title: Re: مترو سنار ود النيل الدمازين Author: سامى عتبانى Date: 09-10-2009, 04:56 AM Parent: #18
وبعد ما يخلصو الإجراءات يبدأ (زروق) كانو زمان بيسموهو كده
رحلته الى الدمازين
ونغادر سنار التقاطع
Post: #20 Title: Re: مترو سنار ود النيل الدمازين Author: سامى عتبانى Date: 09-10-2009, 04:59 AM Parent: #19
محطة عنيكليبه
محطةخليل
ونرتاح في سنجة
حيث عصير الفراولة الذي لم يتغير
Post: #21 Title: Re: مترو سنار ود النيل الدمازين Author: سامى عتبانى Date: 09-10-2009, 05:03 AM Parent: #20
ونتحرك من سنجه عبرأم بنين مافى وقوف
والسندة( دار عقيل) محل الصابونابى
وأبوحجار ثم تأتي (جبل عبل) ومن بعيييييد تظهر
((ود النيَّل)) محل القمري بقيَّل
Post: #22 Title: Re: مترو سنار ود النيل الدمازين Author: سامى عتبانى Date: 09-10-2009, 05:06 AM Parent: #21
من ود النيَّل نقدر نحديد الوقت البنصل فيهو الدمازين
ود النيل القطر بيشرب مويه لانو بشتغل بالبخار زى ما قلنا
Post: #23 Title: Re: مترو سنار ود النيل الدمازين Author: سامى عتبانى Date: 09-10-2009, 05:13 AM Parent: #22
Post: #24 Title: Re: مترو سنار ود النيل الدمازين Author: سامى عتبانى Date: 09-10-2009, 05:18 AM Parent: #23
الركاب بينتشرو فى المحطه
يفتشو فى
العيش ريف
البيض المسلوق
طعمية اللوبيا
والشاى الفتقور(شاى مع اللبن منغير سكر)
Post: #25 Title: Re: مترو سنار ود النيل الدمازين Author: سامى عتبانى Date: 09-10-2009, 05:21 AM Parent: #24
في ود النيَّل لن تصدق ان القطار متحرك إلاَّ لو اتحرك
لانو ممكن يقيف
خمسة
أو عشر ساعات
أوحتى يوم كامل
Post: #26 Title: Re: مترو سنار ود النيل الدمازين Author: سامى عتبانى Date: 09-10-2009, 05:24 AM Parent: #25
ومن ود النيل نتجه الى محطة هرون
Post: #27 Title: Re: مترو سنار ود النيل الدمازين Author: سامى عتبانى Date: 09-10-2009, 05:26 AM Parent: #26
ومع نغمات
قطر الخميس القام الفرق الحبان
نصل الى محطه خور دنيا
Post: #28 Title: Re: مترو سنار ود النيل الدمازين Author: سامى عتبانى Date: 09-10-2009, 05:41 AM Parent: #27
وفى خور دنيا
القطر بيمشى سٍنه سٍنه
Post: #29 Title: Re: مترو سنار ود النيل الدمازين Author: سامى عتبانى Date: 09-10-2009, 06:41 PM Parent: #28
القطر قلنا فى خور دنيا بمشى سنه سنه يعنى برااااااحه
عشان الخور غرييييييق وعادة بتحصل فيهو كوارث فى زمن الخريف
Post: #30 Title: Re: مترو سنار ود النيل الدمازين Author: سامى عتبانى Date: 09-10-2009, 07:10 PM Parent: #29
وصلنا الدمازين
مرات القطر بيدخل الدمازين الصباح
ومرات الممغرب ومرات العصر على حسب الشارع
Post: #31 Title: Re: مترو سنار ود النيل الدمازين Author: سامى عتبانى Date: 09-10-2009, 07:14 PM Parent: #30
اذكر من موظفى السكه حديد فى ذلك الوقت
المرحوم عبدالهادى ساتى عبدالكريم مامور السكه حديد
فضل السيد (السد)
سليمان محمد على
ودالفكى اللبن على دبوره وكثيرين لا اذكرهم الان
لهم التحيه اينما كانو
Post: #32 Title: Re: مترو سنار ود النيل الدمازين Author: abubakr Date: 09-10-2009, 07:24 PM Parent: #8
Quote: يا سامي الشغلانه دايره (نكتوت)
ليس كذلك تماما فالاموال التي صرفها والي الخرطوم السابق علي طرق وجسور سيئة التصميم والتنفيذ بحيث انها لم تصمد امام امطار موسمية فغرقت الخرطوم بسببها هي اموال كثيرة كافية لخط ترام او مترو اوخلافه لقطاع من العاصمة ...واكبت تطور دبي منذ السبعينات كوني معماريا ومطورا عمرانيا واؤكد ان النكتوت لم يكن هو العامل الاساسي في تطور هذه المدينة الصحراوية بحيث صارت في هذه الالفية اسرع المدن تطورا في العالم .الامر امر عزيمة صادقة ورغبة اكيدة في انجاز مميز وثقة في الذات ونظام عمل كثير الانضباط ومهنية وحرفية عالية تقابلها محاسبة دقيقة .. فانا عامل مهني (فالمسميات الوظيفية ليست المهمة ) كعشرات مثلي من كل العالم ملتزمون باداء مميز والا فنفقد وظائفنا وحين نلتزم بها ننال اعترافا يترجم في مدخولنا ومعاشنا وامتيازاتنا ...
انا ود سكة حديد بن ناظر محطة في زمان بعيد ربيت علي انضباط ساعة اكسبريس وادي حلفا ومشترك كوستي الابيض وعشت في قطاطي جبل دود وموية وبيوت وضبطت ساعتي علي وصول المشترك الي ربك او كوستي وصفارة ورش السكة حديد في عطبرة ... العمل كان سيد الموقف وكان هو المقياس ولكن حين صار العمل مذمة (فمن يعمل هو "حمار شغل " ) خرجت وخرج الالاف ليس لاجل البنكنوت فقط ولكن لعمل نثبت فيه جدارتنا ونطبق فيه ما تعلمناه ونطوره ...نحمد الله ان وجدنا من يقيم ذلك والا لمتنا بحسرتنا نري العالم حولنا يتطور ولا نساهم فيه حين صارت المساهمة في تطور بلدنا امرا محالا بسبب جهوية وفساد وضياع ذمم
مودتي
Post: #33 Title: Re: مترو سنار ود النيل الدمازين Author: سامى عتبانى Date: 09-10-2009, 07:51 PM Parent: #32
Quote: ليس كذلك تماما فالاموال التي صرفها والي الخرطوم السابق علي طرق وجسور سيئة التصميم والتنفيذ بحيث انها لم تصمد امام امطار موسمية فغرقت الخرطوم بسببها هي اموال كثيرة كافية لخط ترام او مترو اوخلافه لقطاع من العاصمة ...واكبت تطور دبي منذ السبعينات كوني معماريا ومطورا عمرانيا واؤكد ان النكتوت لم يكن هو العامل الاساسي في تطور هذه المدينة الصحراوية بحيث صارت في هذه الالفية اسرع المدن تطورا في العالم .الامر امر عزيمة صادقة ورغبة اكيدة في انجاز مميز وثقة في الذات ونظام عمل كثير الانضباط ومهنية وحرفية عالية تقابلها محاسبة دقيقة .. فانا عامل مهني (فالمسميات الوظيفية ليست المهمة ) كعشرات مثلي من كل العالم ملتزمون باداء مميز والا فنفقد وظائفنا وحين نلتزم بها ننال اعترافا يترجم في مدخولنا ومعاشنا وامتيازاتنا ...
انا ود سكة حديد بن ناظر محطة في زمان بعيد ربيت علي انضباط ساعة اكسبريس وادي حلفا ومشترك كوستي الابيض وعشت في قطاطي جبل دود وموية وبيوت وضبطت ساعتي علي وصول المشترك الي ربك او كوستي وصفارة ورش السكة حديد في عطبرة ... العمل كان سيد الموقف وكان هو المقياس ولكن حين صار العمل مذمة (فمن يعمل هو "حمار شغل " ) خرجت وخرج الالاف ليس لاجل البنكنوت فقط ولكن لعمل نثبت فيه جدارتنا ونطبق فيه ما تعلمناه ونطوره ...نحمد الله ان وجدنا من يقيم ذلك والا لمتنا بحسرتنا نري العالم حولنا يتطور ولا نساهم فيه حين صارت المساهمة في تطور بلدنا امرا محالا بسبب جهوية وفساد وضياع ذمم
المشكله يا اخوى ابوبكر
انو اى مسؤول بيجى ما بيبدا من محل ما القبلو وقف بيعمل فيها منظراتى ويبدأ اعوج من جديد ولو قلته ليك قصه ما ح تصدق
كنت زمااااان شغال فى مكتب المتابعه الاعلاميه لوالى النيل الازرق اسمو ابوفاطنه عبدالله اها يا سيدى عندنا سواق والسواق ده جنو يحلب البجاز من العربات انا زول دغرى جدا كلمتو ما اشتغل بكلامى كلمت ليهو المخزنجى ما عمل حاجه اها يوم انا مع الوالى فى العربيه قمت قلته ليهو ياخى فلان ده بيسرق الجاز سالنى قال لى هل هو مقصر فى شغلو قلته ليهو ابدا بالعكس فى الشغل زول منضبط قال لى يعنى لو سرق ما حيوقف الشغل خليهو يسرق مادام الشغل ما واقف شوف كلام زى ده بيطلع من والى ولايه على فكره انا ما معارض للنظام لكن دى حقيقه وحاجه مرت على وسمعتها باضانى دى
Post: #34 Title: Re: مترو سنار ود النيل الدمازين Author: سامى عتبانى Date: 09-10-2009, 07:54 PM Parent: #33
واتزكر كمان
عمنا الرقيب حسن اجا من المباحث وكان شغال فى المحطه
حسن اجا ده كان زول مصلط خالص يعرف الجريمه من قبال ما تقع
Post: #35 Title: Re: مترو سنار ود النيل الدمازين Author: abubakr Date: 09-10-2009, 08:10 PM Parent: #33
Quote: على فكره انا ما معارض للنظام لكن دى حقيقه وحاجه مرت على وسمعتها باضانى دى
ياسامي انت معارض للخطا وتعارض الفساد وهذا محمدة في الارض وفي السماء واي تظام مخطئ وفاسد فمعارضته واجبة
Post: #36 Title: Re: مترو سنار ود النيل الدمازين Author: سامى عتبانى Date: 09-10-2009, 09:35 PM Parent: #35
Quote: ياسامي انت معارض للخطا وتعارض الفساد وهذا محمدة في الارض وفي السماء واي تظام مخطئ وفاسد فمعارضته واجبة
الاخطاء كتيره
والان اكبر خطا
انو يعينو مالك عقار والى للولاية
Post: #37 Title: Re: مترو سنار ود النيل الدمازين Author: لطفي علي لطفي Date: 09-10-2009, 10:12 PM Parent: #36
سلام يا سامي
نسيت المحلي
Quote: قطار حلفا
ما تغلطش اسمو اكسبريس حلفا
لطفي
Post: #38 Title: Re: مترو سنار ود النيل الدمازين Author: عماد الشبلي Date: 09-10-2009, 10:20 PM Parent: #37
Post: #42 Title: Re: مترو سنار ود النيل الدمازين Author: سامى عتبانى Date: 09-11-2009, 04:30 AM Parent: #38
Quote: الصنفور
الفلنكة
التلغراف
المناورة
مؤكد لن ينسو
الشلبى شكرا كتير للاضافه والمرور الجميل
Post: #39 Title: Re: مترو سنار ود النيل الدمازين Author: الرشيد ابراهيم احمد Date: 09-10-2009, 10:22 PM Parent: #37
سامي يا عريس سلامات عليك الله يا سامي ابداء تاني من سنار التقاطع ومرورا بسنجه عبدالله كافتريا درة الفونج وعرج بودالنيل نفسي اعرف الحاجات البتتباع في كل المحطات دي ونفسي اركب السكه دي مودتي يا شين
Post: #40 Title: Re: مترو سنار ود النيل الدمازين Author: ياسر المك Date: 09-11-2009, 00:08 AM Parent: #39
الاخ المناضل /سامى عتبانى
لك كل الود والاحترام لقد تناولت موضوع فى غاية الاهمية واعتقد انه جدير بالنقاش .فقد سعت ثورة الانقاذ لتدمير كل البنى التحتية فى السودان خاصة السكة حديد حتى يتم تشغيل شاحناتهم وشركاتهم (كشركة الهجرس للنقل البرى )كمثال لا للحصر. فلماذا يهتموا بالسكة حديد؟ ثانيا هنالك مخططات خطيرة لفصل النيل الازرق فى القريب العاجل والحكومة لها القدح المعلى فى ذلك وكان النيل الازرق جزء غير مهم فى قانون حكومة المؤتمر لذلك قدمته هدية للحركة الشعبية. ودمتم
Post: #44 Title: Re: مترو سنار ود النيل الدمازين Author: سامى عتبانى Date: 09-11-2009, 04:34 AM Parent: #40
المك ياسر
الحكومه دمرت كل شى جميل تعرف يا ياسر زمان مسالة التعارف بين الناس بتكون من خلال رحله فى القطر ومرات بتحصل خطوبات وزواج كمان تقول لى حكومة حكومة شنو
Post: #43 Title: Re: مترو سنار ود النيل الدمازين Author: سامى عتبانى Date: 09-11-2009, 04:32 AM Parent: #39
Quote: يا شين
انت يا الرشيد ولد صغير
يازول زمان ماكان فى حاجه اسمها كافتريا درة الفونج دره الفونج دى ظهرت بعد ما خلاص بدو الردميه بتاعت الدمازين ودالنيل
Post: #41 Title: Re: مترو سنار ود النيل الدمازين Author: سامى عتبانى Date: 09-11-2009, 03:45 AM Parent: #37
Quote: اكسبريس حلفا
لطفى
رمضان كريم فعلا فهو اكسبريس حلفا تقريبا ده كان من القطاره السريعه والنظيفه شكرا للتعديل
Post: #45 Title: Re: مترو سنار ود النيل الدمازين Author: ياسر المك Date: 09-11-2009, 06:19 PM Parent: #41
وكذلك تم تدمير خط سكة حديد سنار القضارف مرورا
كساب الجعليين
حمدنا الله
السوكى المحطة التى كان يتشوق لها كل ركاب القطار وتناول وجبة دسمة من السمك الشهى (السوكى سمك )
الدندر المدينة السياحية والتجارية والسمسم
ابوهشيم
العطشان
الحواتة
القضارف
كسلا
بورتسودان
وغيرها من المحطات العريقة
دمروا كل شئ وكل البنى التحتية للاقتصاد السودانى .
Post: #46 Title: Re: مترو سنار ود النيل الدمازين Author: الطيب شيقوق Date: 09-11-2009, 07:47 PM Parent: #45
بوست رائع يا ود العتباني
Post: #47 Title: Re: مترو سنار ود النيل الدمازين Author: سامى عتبانى Date: 09-11-2009, 11:12 PM Parent: #46
العمده ود شيقوق
والله سُرِرتُ لمرووورك
وشكرا كثيفا
للكلملت ود القرشى الجميله والتحيه للراحل المقيم عثمان الشفيع ويا ود شيقوق قلبي ديمة معاكا لو ابيت وجفيتا يا القطار تدشدش الشلت مريودي
Post: #48 Title: Re: مترو سنار ود النيل الدمازين Author: سامى عتبانى Date: 09-12-2009, 05:08 PM Parent: #47
تعتبر الهيئة القومية لسكة حديد مصر من اكبر المؤسسات الاقتصادية في مصر و العالم العربي
نحن وين من ده
Post: #49 Title: Re: مترو سنار ود النيل الدمازين Author: ياسر المك Date: 09-12-2009, 05:10 PM Parent: #47
الاخ/سامى عليك الله كلمنا عن كهرباء النيل الازرق وخزان الروصيرص والظلم الواقع على كل قرى ومدن الولاية فوالله حرام ثم حرام ان ينعم سكان المنشية والطائف وكافور بكهرباء الروصيرص وان يظل اهلنا فى النيل الازرق وخاصة الاحياء مباشرة تحت خزان الروصيرص فى ظلام دامس . فهل هنالك اكثر من هذا الظلم ...
لك مودتى وحتما سوف ننتصر باذن الله
Post: #50 Title: Re: مترو سنار ود النيل الدمازين Author: سامى عتبانى Date: 09-12-2009, 05:16 PM Parent: #49
Quote: كهرباء النيل الازرق وخزان الروصيرص
المك كيفنك وكيف اخبارك شنو لا الو ولا الو
عموما كهربا الروصيرص دى عاوزه صفحه براااااااها
وكلامك ده لازم يسمعوهو ناس الكرورى وناس الجرف وناس السريو حتى ناس القرى زاتم لازم يصلم
Post: #51 Title: Re: مترو سنار ود النيل الدمازين Author: احمد حامد صالح Date: 09-12-2009, 06:06 PM Parent: #50
زمااان ونحن صغار جدى كان عندو اصحابو سواقين روارى (لوارى)
فكل ما يجونا بيجيبو معاهم ابشوك ولحم جداد الوادى والحلوف يا الله كانت ايام ياخى انا صايم ما لك
ورمضان كريم وكل سنة وانت طيب
Post: #53 Title: Re: مترو سنار ود النيل الدمازين Author: هشام مدنى Date: 09-12-2009, 06:24 PM Parent: #1
كم يقطع مترو دبي؟؟؟؟؟
تصوموا وتفطروا على خير
Post: #54 Title: Re: مترو سنار ود النيل الدمازين Author: سامى عتبانى Date: 09-12-2009, 06:32 PM Parent: #53
Quote: كم يقطع مترو دبي؟؟
تعتقد كم كيلومتر يا هشام؟"
Post: #55 Title: Re: مترو سنار ود النيل الدمازين Author: هشام مدنى Date: 09-12-2009, 11:52 PM Parent: #54
الأخ سامى ..رمضان كريم
لا يمكن مقارنة سكة حديد السودان بمترو (دبي) لانه رفاهية الى حد بعيد ومنظر اكثر من انه يحل مشكلة موصلات واظن كثيرين هنا ممكن يتفقوا معى فى ذلك...نرجغ للسكة الحديد السودانية...المسافة الذى يقطعها مترو(دبي)لاتتعدى بحرى الكدرو على اكثر تقدير... هذه السكة حديد السودانية الذى هى الان مسخره كانت قاطراتها تقطع مليون ضعف ما يقطعه مترو(دبي) المحتفل به الان فى اليوم الواحد لكن للاسف وجد فى رئاستها على مر العهود من يعمل جاد على تدميرها ....
هل تصدق ان سكك حديد السودان فى العام 1970 كانت الحكومة تستدين من خزنتها.. انتهاء......
