وليد الشفت... يا اخى معليش انتا ما فاهم الكنته

فى اٍطار نقاش فى بوست مصطفى محمود بخصوص التوقيعات بادانة العميل تيتاوى تداخل اخونا وليد الشفت معبراً عن رفضه التوقيع و تأيده لخروج لبنى من السجن لا اذكر اننى فتح بوست باسم زول فى هذا المنبر منذ انضامى اليه هذه اول مرة وجدت نفسى مضطراً اليها. كلمات اخونا وليد كشفت عن بساطة شديده فى التفكير فى القضايا السياسية المعقدة ولا ابالغ ان قلت ان الرجل تناولها تناول شباب حلة ساااكت.
مقتطفات من كلام وليد فى بوست مصطفى محمود، كتب مخاطبا مصطفى محمود

Quote: عليك الله ما بتخجل يعني كنت عاوزها تقعد في السجن والله صحي الرجال خشم بيوت اوقع علي خيبتك وجهلك انت وكت عاوز تنافح النظام تعال نافحو انت موش من ورى مره عاوزها تنسجن عشان تفتح انت هنا بوستات

ثم اضاف عندما تداخلت انا معه بهذا الخصوص

Quote: موقف لبنى مفهوم لكن موقف الرجال المدسين وراها ياهو الما مفهوم يعني هسع انت كنت حا تنوم في سريرك مرتاح وهي نايمة في الحراسة ؟ كنت حا تكون مبسوط انها بدافع عن قوانين وتنسجن وانت نايم في بيتكم؟

و المزيد من الاراء غير الناضجة (دا تقيم طبعاً ما شتيمة) بهذا الخصوص تجد فى اللنك ادناه
ادانة للعميل المأجور تيتاوي و قع

يا وليد المبارك، سلامات و رمضان كريم
ياخ و الله يؤسفى جداً انو اقول ليك انك طلعتا داقس كبير، و اكاد اقول قصير النظر سياسياً. يا وليد دا كلام شنو البتقول فيهو دا؟
اولا: كلامك بتاع انو دى بت ما دايرين ليها السجن دا كلام بيض سااااكت يا زول مشروع التغيير، المطالبة بالحقوق و الحريات يقوده الجميع الرجال و النساء، و شرارته يمكن يشعلها رجل (كان القرشى شهيدنا الاول) و قد يصدف ان تشعلها اٍمراة (روزا بارك و الحقوق المدنية). و النضال من الحقوق دا مورد للهلاك و السجن و غيره اى زول اٍمراة او رجل بيكون واعى بالخيارات دى من الاول، ما عندو مانع يخوضها جميعها.

ثانياً: القضية المثارة حاليا متعلقة بالمراة بشكل مباشر جداً جداً، قانون النظام العام فى مجمله يكاد يكون سيف مسلّط على النساء، لذلك نضال اٍمراة مسنودة بحركة جماهيرية نسوية و رجالية سمها مجتمعية دا الوضع الطبيعى زاتو.

ثالثاً: مشاركة المراة بهذه الفعالية و الكفاءة فى النضال من اجل الحريات و حقوق الانسان بيرفع اسهم المراة و يعزز من موقعها فى المجتمع الزكورى الذى يستبطن دونية للمراة و تقليل من قدراتها. المراة تتحرر بمساهمتها الفعالية و حضورها الفعال فى القضايا المجتمع، هو انتا قايل الحقارة دا جاءت للنسوان ديل من وين ما ترا من جنس الاستباعد من الفضائل و المكارم دا.

رابعاً: يا اخى حرام عليك، تتقدم بروح وصاية و ابوية عجيبة من نوع كان يدفعوا ليها ناس المعارضة، غضباً عنها، يا زول دا كلام شنو؟ لبنى دى شخص راشد و عاقل و مسئول عن تصرفاته، اختارت الا تدفع تجى تقول لا كان الناس يدفعوا ليها غصباً عنها، كما فعل العميل المأجور تيتاوى؟.

خامساً: نظرتك السياسية ضعيفة يا وليد، لو تأملت شوية كنت عرفت لماذا ذهب الكلب تيتاوى و دفع الغرامة نيابة على لبنى، ببساطة لان خيارها بدخول السجن و عدم سداد الغرامة هو مبنى على وعى، موقف و غرض سياسى هدفه تحدى قوانين النظام الظلامية هذه. اكيد لمن يكن دافعه الفلس او العناد. هذه القوانين تعسفية و متعدية على حقوق الانسان و العالم كلها يتابع القضية، وجود لبنى لشهر فى السجن سوف تكون العصابة معه فى منقد من نار الإنتقادات و الإحراج العالمى و سوف تظل القضية حية فى الشارع الداخلى و الإعلام العالمى، ارادو ان يطفئوا جذوة هذه الانتفاضة النسوية الانسانية بأخراج لبنى من السجن غصباً عنها و ضد رغبتها حتى يتخلصوا من الحرج الكبير الذى دخلوا فيه و هيهات. سوف تبقى جذوة هذه الانتفاضة حتى النصر على قوانين السفاحين و المجرمين هؤلاء.

سلامات يا بكري ورمضان كريم
مع احترامي لوجهة نظرك
لكن كان عندي نفس رأي وليد منذ صدور الحكم
يعني انا لا ارى اي فائدة لدخولها السجن طالما هناك خيار آخر يحفظ لها حقها الذي دافعت عنه وبصمود
بالجد السجن لا يشبهها
وتطويل القضية - التي حاول القضاء نفسه ايجاد مخارجات لها- ليس فيه فائدة
عموما اتمنى ان لابفسد الاختلاف في الراي للود قضية
كلامك رأي وكلام وليد برضو رأي

لاضافة حرف

هدية لي حيدر مع التحية

دا كلامك

كلامك رأي وكلام وليد برضو رأي

*******************

ادناه هو الراي


و نعم الراي و شكرا

***************************

08-09-2009, 03:50 م

وليد محمد المبارك


.

تاريخ التسجيل: 04-12-2004
مجموع المشاركات: 12090
Re: ادانة للعميل المأجور تيتاوي و قع (Re: Mustafa Mahmoud)

عليك الله ما بتخجل

يعني كنت عاوزها تقعد في السجن

والله صحي الرجال خشم بيوت


اوقع علي خيبتك وجهلك

انت وكت عاوز تنافح النظام
تعال نافحو انت
موش من ورى مره عاوزها تنسجن عشان تفتح انت هنا بوستات


حريقة فيك وفي اي راجل مدسي ورا لبنى ومستغلها وكان عاوزها تنسجن

يا حيدر سلامات و رمضانك كريم
الفكرة الاساسية هى المقاومة للقوانين الجائرة دى، المقاومة بدأت بالتحدى من البداية و عدم دفع الغرامة هو اخر خطوط التحدى دى، و كان موقف عظيم بالجد يحفظه لها التأريخ. و دخلوها السجن ما عيب فى كل الاحاويل، فى احايين بيكون فيها دخول السجن شرف عظيم كبير لمن يمثل موقف مقاوم للظلم و التسلط و اٍنتهاك كرامة البشر. سجنها شرف لها بلا شك، ما دخلت السجن سارقه و لا قاتله، و من عجائب امر بلادنا يسجن فيها الشرفاء و المجرمين طلقاء يسرحون و يمرحون.
تطويل القضية مفيد برضو يا حيدر لانه وضع عصابة الشفوت الاسلامية دى فى محك كبير و فضح ظلامية قوانينهم للعالم، هم حاول تقصير الوقت بكل كل السبل للتخلص من الحرج الذى سببته روح المقاومة النسوية العريضة، يا جماعة القضايا دى بتساق بالصورة دى، فى كل التأريخ مافى طاغية اٍتنازل للناس عن حقوهم بالهين الا بعد مجابدات متل دى. هرولتهم بالتامر و دفع الغرامة هو محاولة للخروج من نيران الحرج التى اشعلتها فوق روسهم القضية.

تحياتى يا فرده و لكم الود.

ابوبكر
سلام .... اسمح لي انو اقول ليك انتا النظرتك ضيقة وخطابك متهالك جدا
وخطابك فيهو الكثير من التعالي والالفاظ التي لا ترقى لمستوى الفهم السياسي
وليد عبر عن وجهة نظرو بالطريقة التي يراها مناسبة نختلف معه او نوافق
انت هسه قلت في العنوان ( معليش ) هل تقصد منها الاعتذار لوليد ولا انت
عاوز تتطاول عليه وتطلعو سياسيا ما بعرف حاجة وزول ساكت
بعدين يا ابوبكر تعرف انو النبذ والكلمات السوقية دي ما بتضيف ليك ولا
تنظيمك السياسي بالعكس بتاخر من تلاحمك مع الجماهير الانتا قاعد تقلل من
فهمها السياسي وشنو كلب وعميل مأجور وصل وجهة نظرك بدون اسفاف وبدون
تقليل من شأن الاخرين ...

واتمنى ليك التوفيق

يا أخوانا براحة..
ما تدوا خلاف وجهات النظر إطار أكبر منه,وهو بسيط للغايه.
1/وليد عندو خلاف شخصى مع د.مصطفى محمود..وده ما مكانو ولا وقتو.
2/فى البوست المعنى وليد شرح وجهة نظرو,وتفهمتها تماما,وهى تصب فى نفس المغزى-لكن وليد قدم البعد الإنسانى على الأبعاد السياسية.
3/حسب مافهمت- تعامل مع الموضوع بالقيم السودانيه ,كالشهامة ,حيث قال:لو كان في معارض عاقل كان دفع لي لبنى غصبا عنها
وكان قال ليها سويتي العليك يا بتنا الباقي علينا
والسجن ما بندوره ليك ."
4/بكرى تسرع شوية ,وقدم الفهم السياسى للموضوع.
5/كلامك صعب شوية يامعتصم وأكيد بكرى ماقصدوا يتعالى على وليد.
فى النهاية كلنا بنتعلم من أخطأنا وأخطاء غيرنا..بس نتحرم آراء بعض ونحاول نفهم كل واحد فينا بيفكر كيف.
لكم جميعا أصدق التحايا...

Quote: خامساً: نظرتك السياسية ضعيفة يا وليد، لو تأملت شوية كنت عرفت لماذا ذهب الكلب تيتاوى و دفع الغرامة نيابة على لبنى، ببساطة لان خيارها بدخول السجن و عدم سداد الغرامة هو غير مبنى عن وعى و غرض سياسى. اكيد لمن يكن دافعه الفلس او العناد. هذه القوانين تعسفية و متعدية على حقوق الانسان و العالم كلها يتابع القضية، وجود لبنى لشهر فى السجن سوف تكون العصابة معه فى منقد من نار الإنتقادات و الإحراج العالمى و سوف تظل القضية حية فى الشارع الداخلى و الإعلام العالمى، ارادو ان يطفوءة جذوة هذه الانتفاضة النسوية الانسانية بأخراجها من السجن غصباً عنها و ضد رغبتها حتى يتخلوا من الحرج الكبير الذى دخلوا فيه و هيهات. سوف تبقى جذوة هذه الانتفاضة حتى النصر على قوانين السفاحين و المجرمين هؤلاء.

عارف يا ابوبكر لماذا فعل تيتاوي هذا
وعشان كده قلت الحكومة نجت في ادارة المعركة السياسية في القضية دي بحنكة
وقلت من خطط لهذا السيناريو من اهل الانقاذ يستحق اوسكار
لانه حقيقي تصرف الحكومة اذهلني وخلعني
وده اسلوب جديد عليها لنج

الحكومة اتصرفت في موضوع لبنى ده بتخطيط دقيق
اولا خيرتها بين الحصانة من عدمها
ثم غيبت موضوع البنطلون في القضية وخلتها في اللبس بصورة عامة لو متابع الحيثيات
وبعد داك حكمت بالغرامة وطنشت الجلد
ثم تركت السجن خيار اخر تختاره لبنى لوحدها عند عدم دفعها
ثم في الاخر دفعت هي بالنيابة عنها

وكده الموضوع مات
قوة موضوع لبنى كان مبني على حاجتين
الاول الملبس ولبس البنطلون تحديدا
ثانيا العقوبة ( الجلد )
والمعارضة كانت بانية قوة موقفها لعى الاتنين ديل ووقعهم على العام الخارجي
الما حا يقدر كيف تجلد فتاة عشان لبست بنطلون
وده حرك تيار عالمي قوي
قدرت تمتصاه الانقاذ يتحوير القضية لاى اللبس الشفاف والعقوبة بالسجن
والخواجات زاتهم بسجنو في امور اللبس دي لكن بدرجات متفاوته طبعا ما من ضمنها لبس البنطلون

قامت لبنى بقت مفتحة اكتر منهم واختارت السجن عشان تظل القضية مشتعلة
وبرضو تصرفت الحكومة بذكاء واستخدمت احد ازرعها غير الرسمية (اتحاد الصحفيين ) ودفت كفالة لبنى ليصبح وكان الامر فعلته منظمات المجتمع المدني


لو استنبط احد اساطين المعارضة تصرف الحكومة دي واستبقها ودفع هو كفالة لبنى
ثم اقام مؤتمر صحفي بعد ذلك وقال فيه
نحن كمعارض لا نقبل ان تسجن سيده ظلما وتكفلنا بدفع غرامتها وازاحة ظلم الحكومة عنها
ثم سنتابع قضيت القانون الظلم حتى نزيله
كان اديتو الحكومة كف وسرقتوا منها الاضوا

لكن الحكومة سوت ليكم سوات الاضينة دقو واعتذرلوا
مافي منطق سوي بقول
نخلي لبنى تسجن شهر ظلما ثم نتفرج عليها عشان هي بتادفع عن قضية رائي عام
مافي منطق بقول كده

لبنى عندها حق لانها مبدائها من اول القضية واحد ما اختلف
لكن من يايدها على انها تسجن ويهلل لذلك هو المخئ


لبنى فعلت الكثير من اجل هذه القضة
دفعت
من سمعتها ومن زمنها ومن راحتها

بتخيل لي كفاية عليها
مفروض تشيل الشيلة منظمات المجتمع المدني بعد ده
يعني الا تسوي الشي كله لبنى براها


اها يا ابوبكر من هسع بقول ليك
لو لبنى نزلت انتخابات كمستقلة
انا حا اديها صوتي
بس لانها صاحبت مبدأ لا تحيد عنه ابدا
شرط انها تنزل مستقلة
لانه بعد قضيتها دي ترسخ لي فهم ان لا اتجاه سياسي في البلد دي يستاهل

مرحب ابوبكر
تحياتي

نبدا ليك من نمره رابعا

Quote: رابعاً: يا اخى حرام عليك، تتقدم بروح وصاية و ابوية عجيبة من نوع كان يدفعوا ليها ناس المعارضة، غضباً عنها، يا زول دا كلام شنو؟ لبنى دى شخص راشد و عاقل و مسئول عن تصرفاته، اختارت الا تدفع تجى تقول لا كان الناس يدفعوا ليها غصباً عنها، كما فعل العميل المأجور تيتاوى؟.

يا عزيزي روح الوصاية الابوية هي ما دفعك لتفتح بوست باسمي تطالبني فيه ان البس رايك لبس حتى لو ما كان مقاسي
فانا عاقل مسئول عن ارائي كما لبنى .. وتيتاوي دفع اكيد ستجد لبنى الف طريقة لترفض الدفع ده
ممكن تلبس نفس الملابس وتمشي نفس المكان وتقعد بعد الزمن
ويا سيدي الرائي ما فيه وصاية
انا قلت رائي تتفق معه تختلف معه هو قناعتي الشخصية
الوصاية هي محاولة فرض قناعاتك علي غصب

بعد داك نجي لي مقدمة كلامك

Quote: ياخ و الله يؤسفى جداً انو اقول ليك انك طلعتا داقس كبير، و اكاد اقول قصير النظر سياسياً. يا وليد دا كلام شنو البتقول فيهو دا؟

والله يا ابوبكر ما طالبني حليفة كلامك ده شهادة اعتز بيها كوني قصير النظر وساقط في امتحان السياسة وداقس كبير فيها .. هذا شي يشرفني لانه السياسة عامة والسودانية خاصة حسب وجهة نظري مافيها شي يشرف يستدعى النجاح فيها
هي سياستنا كلها ساقط
ومن سقط فيها ياهو الناجح
ابدا يا بكري ما قدمت نفسي لا في المنبر ولا خارجه على اني سياسي
ولا بعرف سياسة ولا بحبها
ولا كنت منتمي ليها او لاحد الاحزاب او المنظمات او مجموعة الافراد المنتمية ليها
فشكرا

Quote: اولا: كلامك بتاع انو دى بت ما دايرين ليها السجن دا كلام بيض سااااكت يا زول مشروع التغيير، المطالبة بالحقوق و الحريات يقوده الجميع الرجال و النساء، و شرارته يمكن يشعلها رجل (كان القرشى شهيدنا الاول) و قد يصدف ان تشعلها اٍمراة (روزا بارك و الحقوق المدنية). و النضال من الحقوق دا مورد للهلاك و السجن و غيره اى زول اٍمراة او رجل بيكون واعى بالخيارات دى من الاول، ما عندو مانع يخوضها جميعها.

اولا وكما اعلم -صصحني كان غلطان القرشي حينما استشهد لم يكن يقود تيار معين بطالب بحاجة معينة الا ان كان الذهاب الى الحما ثورة ودي واحده من اكذوبات ساستنا .. انت قد لا يختلف عندك كتير انه لبنى تسجن لكنى هنا في هذا المنبر اعترض على جلدها ومحاكمتها وها انا اعترض على سجنها بسبب في قضية عامة هرب عنها الكثيرون .. انا ضد انه لبنى تسجن حتى لو كانت دي قناعتها
المعنى انك لو قالبت من يود الانتحار هل توافقه على فعله
لانها قناعته واختياره ؟؟؟؟؟!!!!

Quote: ثالثاً: مشاركة المراة بهذه الفعالية و الكفاءة فى النضال من اجل الحريات و حقوق الانسان بيرفع اسهم المراة و يعزز من موقعها فى المجتمع الزكورى الذى يستبطن دونية للمراة و تقليل من قدراتها. المراة تتحرر بمساهمتها الفعالية و حضورها الفعال فى القضايا المجتمع، هو انتا قايل الحقارة دا جاءت للنسوان ديل من وين ما ترا من جنس الاستباعد من الفضائل و المكارم دا.

في دي متفقين
وما فعلته لبنى والامها والاحوات الفاضلات من خلفها .. اكد انه لابد من تغيير النظر للمرأة في المجتمع السوداني

وانا من هنا احي لبنى
وكل المعتقلات الشريفات

وادين كل رجل اختبى خلف لبني وسجنها وتركها تخوض معلكتنا واحدها

حيدر
ود الجمام
مكي

شكرا يا حلوين

تسلموا

Quote: عارف يا ابوبكر لماذا فعل تيتاوي هذا وعشان كده قلت الحكومة نجت في ادارة المعركة السياسية في القضية دي بحنكة وقلت من خطط لهذا السيناريو من اهل الانقاذ يستحق اوسكار لانه حقيقي تصرف الحكومة اذهلني وخلعني وده اسلوب جديد عليها لنج

يا وليد الحكومة ما نجحت ولا اٍنتصرت فى القضية حتى اللحظة، ولا فى مخطط عبقرى واراء الموضوع، كل القصه محض عكم و فطيس. بعدين ياخ الإنتصار لا يأتى بالإحتيال، و الخداع و غصب الناس!! و لا يأتى بالتأمر و الافعال الوضعية مثل فعل محى الدين تيتاوى، سوف يحفظ له التأريخ ان رجل وضيع بحق و ابعد ما يكون عن الشرف، التأريخ لا ينسى يا مان، تيتاوى الذى يغض الطرف عن الاعتقالات المتكررة للصحفيين يهرع للمحكمة عشان يدفع غرامة رفضت زميلته فى المهنة ان تسددها عن وعى و رغبة و اٍختيار حر، ذهب ليدفع الغرامة ليس رأفة بزميلته فى المهنة اٍنما رأفة و شفقه على اٍخوانه فى العصابة. بئس الرجل و بئس الافعال و سوف يتحفظ له التاريخ هذه النزالة.

Quote: اولا وكما اعلم -صصحني كان غلطان القرشي حينما استشهد لم يكن يقود تيار معين بطالب بحاجة معينة الا ان كان الذهاب الى الحما ثورة ودي واحده من اكذوبات ساستنا .. انت قد لا يختلف عندك كتير انه لبنى تسجن لكنى هنا في هذا المنبر اعترض على جلدها ومحاكمتها وها انا اعترض على سجنها بسبب في قضية عامة هرب عنها الكثيرون .. انا ضد انه لبنى تسجن حتى لو كانت دي قناعتها المعنى انك لو قالبت من يود الانتحار هل توافقه على فعله لانها قناعته واختياره ؟؟؟؟؟!!!!

يا وليد القرشى لمن يكن فى قيادة تيار معارض لسلطة نوفمبر هذا صحيح و ربما مقتله جاء نتيجة للصدفة المحضه، رغم ان هنالك اقول تقول انه ناشط سياسى. مع هذه تحول الى ايقونة او رمز للثورة و اٍستنهاض الجماهير طالما اصبحت حياة المواطن فى خطر حتى داخل سكنات الطلاب. اذن ما بالك بى لبنى هى حية بين الناس قادت مشروع المناهضة للقوانين المتعسفة فى حقوق النساء، اذن الوضع طبيعى لحدى، و المتضرر الرئيسى من قوانيين النظام العام دى هو الناس فما المانع ان تصعد اٍمراة الى سدة قيادة معركة مناهضة قوانين النظام العام؟. و تحمل تباعت المناهضة، و السجن فى مثل هذه القضية شرف كبير كما قلت. دى ما ممكن يشبه بالإنتحار اصلا، انتا ليه مستكتر على المراة الموقف الكريم دا؟.

يا بكري انت ما فاهمني

عشان نمشي ف خط واحد

ادين كل تصرفات الحكومة في قضية لبنى

من قبضها مرورا بمحاكمتها عشان لبسها البفتكر انه في لبس في الشارع اكعب منه وحتى في السلك الوزاري تابيتا تلبس مثله
لحدي تحويرهم للقضية من انها في البنطلون لحد ما بقت في اللبس الشفاف
ثم مخارجته من ورطت الجلد بالغرامه في حين انه من كانن مع لبنى جُلدن

ده كوم

وادارة الحكومة للقضية كوم

تكون موهوم لو افتكرت انه الموضوع ده كان خبط لزق .. وده يا ابوبكر من اسباب التمكين للانقاذ
الا ستهتار بيهم

يا زول الحكومة ادارة المعركة بعبقرية
والسيناريو الانتهت بيه القاضية احرف حريف ما كان متوقعو
وده ظاهر في تهجمكم على تيتاوي

وكانه هو من حكم
او من سن القانون

تيتاوي قدامه في كوم من الذي يستحقون الادانة

لكن تصرف الحكومة من خلال تيتاوي
اصابكم بالاحباط
وبقيتو زي الزول الادوه بنيه في الحفية
حلسان حالكم يقول

ودوني الضُل

Quote: لو لبنى نزلت انتخابات كمستقلة انا حا اديها صوتي بس لانها صاحبت مبدأ لا تحيد عنه ابدا شرط انها تنزل مستقلة

صدق من كناك بالشفت يا شفت

يجب الا نسبق الاحداث ..فالقضية لم تنته


اعتقد ان علي لبني ان تسحب شكرها لاتحاد تيتاوي اولا ..لانه سعي الي قتل قضية النساء المضطهدات


.... وادانة تصرف الاتحاد المتوافق مع رغبة السلطة في قفل القضية..


هذه القضية تعدت لبني منذ زمن ، لم تعد لبني سوي رمز اختاره التاريخ لقيادة الصراع بين

سلطة غاشمة وجماهير تسعي الي تحرير نفسها من قبضة قوانينها الظلامية..

الفرد لايختار نفسه بطلا ، الوقائع هي من تختاره ، فإما يصمد ويكمل المشوار او يتواري ..


يمكن لدور لبني ان ينتهي او يتجدد بصورة اخري في مجري الصراع من اجل الحريات ، وعمليا

هناك نساء اخريات وفعاليات سياسية ومنظمات مجتمع مدني سترفع الراية في ميادين عديدة

وتبقي هذه القضية حاضرة دوما حينئذ..

Quote: في دي متفقين وما فعلته لبنى والامها والاحوات الفاضلات من خلفها .. اكد انه لابد من تغيير النظر للمرأة في المجتمع السوداني وانا من هنا احي لبنى وكل المعتقلات الشريفات وادين كل رجل اختبى خلف لبني وسجنها وتركها تخوض معلكتنا واحدها

هل تصدق يا اخى وليد السطر الاخير الذى تقول فيه: "أدين كل رجل اٍختبئ خلف ....." هذا السطر ينسف اٍتفقاك معى فى الجزء اعلاه. يا وليد ليه انتا مفترض انو الرجال يختبئون خلف لبنى؟ لبنى بقت رمز لمشروع المناهضة للقوانين دى، لم يخطط احد لذلك، ولا هى ولا غيرها ربما الصدفة هى من وضعتها فى الموضوع دا لكن فى النهاية فى تيار اٍجتماعى عريض رافض و مناهض للقوانين دى، و اٍتخذ من حادثة لبنى شرارة لتصعيد نضاله ضد القوانين المتعسفة. بالتالى صارت لبنى ضمن قيادته، و الرجال و النساء الاخرين جمهور داعم للقيادة دى، فمالى اراك تستكثر عليها الصعود الى هذه السلم القيادى؟ ايوة انت فعلياً مستكتر عليه الوضعية دى دايرها تجى تقعد وراء و الرجال هم من يتقدمون الى مواقع الشرف و القيادة دى. يا مان لبنى فى المقدمة دا شرف ليها و الرجال الانتا شايف انهم مختبئين خلفها ليسوا مختبئين فى حقيقية الامر هم جمهور تقوده لبنى و قيادات مبادرة لا للعنف ضد النساء التى بادرت الى حشد الناس لمتابعة القضية و عرضها على العالم. البنوت الكانن معتقالات ديل قيادتنا و يالها لها من قيادة، و يا لفرحنا بهن.

Quote: تكون موهوم لو افتكرت انه الموضوع ده كان خبط لزق .. وده يا ابوبكر من اسباب التمكين للانقاذ الا ستهتار بيهم يا زول الحكومة ادارة المعركة بعبقرية والسيناريو الانتهت بيه القاضية احرف حريف ما كان متوقعو وده ظاهر في تهجمكم على تيتاوي وكانه هو من حكم او من سن القانون

مواصلة مع الفردة وليد
طبعا يا وليد لازلت تفكر فى الامور بنفس طريقة شباب الحلة، او قول ناس الكورة، مرة تانية بأكد اننى لا اقصد الإساءة بهكذا وصف، كلنا فى يوم من الايام او حتى الان ندير بعض النقاشات بنفس اداوت فرد العمود و اللستك الفى الناصية. لكن هذه الطريقة لا تجدى فتيلاً فى مقام العام الجاد الموضوعى و المحترم. يا وليد الحكومة ما هزمتنا ولا هزمت لبنى، ولا توجد عبقرية فى الموضوع. لان ما يحدث ببساطة شغل شفوت و عصبجية لا يليق بحكومة، التخطيط لقهر الناس و التسلط عليهم بدون ان يردعك ضميرك و يوقفك حاجز اخلاقى ليس دليل على العبقرية انما دليل حالة مرضية و تهتّك نفسى مريع، يا وليد لو ترك للبنى ادم ان يخطط كيفما يشاء و يتلاعب بمصائر البشر كيفما اتفق، و ان يطبق كل ما تفتّق عنه ذهن مريض و نفس معلوله لما فضل فى هذا العالم نفّاخ النار حتى اليوم. ياخ ديل وصلوا بالامر حد من البذاءة و الارهاب لدرجة انهم صاروا يتحدثون على لون ملابسها الداخلية (اساليب من البذاءة الانحطاط لا تشبه الا جبهة الاسلاميين). من ثم يقوم المأجور تيتاوى بدفع الغرامة غصبا عن صاحبة الشأن!! كيف هذه لا احد يفهم، من المفترض لو قوانيين و دولة تحترم نفسها انو الغرامة تدفع بواسطة المدان او بموافقته حتى تعتبر عقوبة تجعل للقانون قيمة، لكن الشفته هؤلاء لا يحترمون حتى قوانينهم. لم نهزم لكننا نحارب المافيا و المافيا لا تحيط بسوءها الظنون، لم نهزم لكن المافيا تفعل ما لا يخطر على قلب بشر.

سوف يحفظ التأريخ لمحى الدين تيتاوى فعل مشين!

مرحب انو التكينة
يديك العافية

يا ابوبكر

شايفك عدلت المداخلة
لكن نرد ليك على الكلام الحزفته برضو عشان الناس القروه ما يرسخ في بالهم


ابدا ما عندي مشكلة مع قيادة المرأة وتصدرها

بدليل اني قلت ليك

لو انها ترشحت حا اصوت ليها
دونا عن كل رجال السودان

اكتر من كده الا تعرسني واديها العصمة عشان تقتنع اني ما عندي مشكلة مع قيادة النسوان وتصدرهم