بوستات تخليك تلقط ورق في الشوارع ...

وفي اثناء ما انت بتلقط في الورق دا يصادفك عقب سيجارة مرمي بعد ان مصه صاحبه للزيق
فتقوم تشيلو وتطلب من أقرب زول ولعة وحينما تحصل عليها وتفشل في أن تشعل هذا العقب
القديم تلوح به أمام ناظريك وتقلبه يمنا ويسرا وفوق تحت ثم تنفجر ضاحكا قبل ان تبلع
ضحكتك المجلجلة فجأة وكأنها لم تكن ثم تضع هذا العقب العنيد أعلي اذنك الأيسر وتواصل
لقيط الورق مستغربا من هذه الدنيا التى لا تسير معاك في نفس الخط وربما تمتمت ساخرا
بعد ان تلولح رويسك0 : (سبحان الله ) .
يتبع ...

ما المشكلة لو قامت حرب بين السودان ومصر على أرض السودان...ايب؟؟؟ (حرام يعني؟!)
البوست دا طير برج من يافوخي المتواضع ومازال هذا البرج المسكين طائرا
وهائما دون ان أجد سبيلا لاسترداده سالما كما كان ..
تقوم حرب لشنو يعني ..؟؟؟؟؟؟؟؟
والله لا أفهم ابدا أن يتمني انسان مفعم بالانسانية وتجري بعروقه دماء السلام قيام
الحروب التى تدك الارض دكا دكا وتقضي على اللخدر واليابس وتكتل الانسان والطيور .
يارب ما تقوم حرب في اي جزء من أجزاء وطني والناس تعيش في سلام ويزرعوا ويحصدوا
ويبنوا ويعمروا ويتضاحكوا ويعرسوا ويتناسلوا لحدي ما يجىء أجل الله .

انفلونزا الخنازير تزور كل العالم الا نحنا اشمعنى يعني
والله لا أملك الا أن اقول لسيد البوست دا بالغت عديل كدا
ودا عشان ما عايز ابالغ انا ذاتي واقول ليهو خاف الله فينا ياخ ..
ياخ مرض الخنازير دا وكت قال خير وعفانا من غشوتو اللعينة مالك
مذكرو .؟
وهل انت خلاص يعني مشتهي ليك امراض ...؟؟؟
ما عندك امراضك الخاصة بيك على قفا من يشيل من طعنة الشوكة لحدي
الدفن حي في بير سايفون واللا اية حفرة محفورة ساي في الشارع .
اللهم جنب السودان مرض الخنزير ووحيد القرن والقطط السمان
اللهم سامح من يتمني لنا مثل هذه الامراض العجيبة وعافنا واصلح
حالنا واهدنا في من هديت و......
وانصر المريخ على الهلال يوم السبت .

Quote: يارب ما تقوم حرب في اي جزء من أجزاء وطني والناس تعيش في سلام ويزرعوا ويحصدوا ويبنوا ويعمروا ويتضاحكوا ويعرسوا ويتناسلوا لحدي ما يجىء أجل الله .

آميييين ياطلحة ورمضان كريم ياخى

الود دا راجل !!
سيد البوست دا حيرني لانو لغاية هسع ما عارف غرضو من الموضوع دا شنو ..
وهو لا يخرج من احتمالين :
1- يكون قاصد انو فعلا ( الود دا راجل ) وفي الحالة دي كان المفروض يوضح لينا
سر مناسبة البوست دا ولشنو اختار الود دا تحديدا لانو في اولاد غيرو رجال ( عارف منهم فوق الألف )
فهل يحاول سيد البوست الترويج لرجالة (الود دا) دونا عن غيره من الاولاد لمآرب ومصالح تخصو مثلا ..؟
ام ان (الود دا) لاقاهو في الشارع وقال ليهو لو سمحت امش افتح لي بوست وقول انا راجل .؟
واللا الفيلم شنو بالضبط كدا ..؟؟
2- الاحتمال التاني لفتح البوست انو سيدو يكون لا يعني ما يقول بل قاصد التريقة والسخرية
بالنظر لمشاط ( الود دا ) .
اذا كان الامر كذلك فعلا فما اظن حالفو الصواب لان المشاط نوع من تصفيف الشعر وما حرام
ولا كمان مقصور على البت وبعدين ذاتو ( الود دا ) عندو شنب يربط ودقن برضو ما يؤكد
انو فعلا راجل حتى ولو قصد سيد البوست غير ذلك .
اللهم لا تمحنا لا تبلينا .

السيد تنظير الشهير بطلحة
السلام و الاشواق و التحايا أما بعد :
بوست مسيخ بلا طعم او نكهة أو موضوع
تناول فطير لفكرة مكررة و مستهلكة وقديمة قدم السنين
كعادة بوستاتك الأخيرة

بوتوم لاين كدا : قوم لف

و السلام

Quote: السيد تنظير الشهير بطلحة السلام و الاشواق و التحايا أما بعد : بوست مسيخ بلا طعم او نكهة أو موضوع تناول فطير لفكرة مكررة و مستهلكة وقديمة قدم السنين كعادة بوستاتك الأخيرة

ود البشرى
لقيتك حاقد ولابت لتنظير دا في الذرة
ياخ الزول دا يفتح بوست بتاع كورة تنجضو
يفتح بوست بتاع نقد ما تريحو
ياخ انا شايف انت التقوم تلفف



____
بوست موفق ياطلوح كيتا في جرجير دا

وهبة ياخ لكن ما تشوف تنظير بجيني مدردق و مقنطر كيف
اسي دا بوست ليه كمان
ودايرني أفوّتو

Quote: ودايرني أفوّتو

اي نعم يا ود البشرى
هو غلطان دي ما فيها شك
لكن برضو الرحمة حلوة

الاخ العزيز محمد البشري الخضر
بعد السلام عليكم وكل عام وانتم بخير
هذا رأيك الذي احترمه وقد تذكرت قول الشاعر :
لا تدس انفك في ما ليس لك به علم ومن الافضل ان
تواصل لفك حتى اذا انتهيت منه وجب عليك ان تقوم
تلف مرة اخري وهكذا دواليك .
هذا مع عظيم احترامي لشخصك المؤقر كفانا الله شروره .
والسلام .

العم العزيز وهبة
اريتك طيب
انظر كيف عقدني الزول دا لدرجة اني افكر جادا في الانتحار
وعندما يثنيني احدهم عن هذه الفكرة سافكر في اعتزال البورد
وعندما يتكرم آخر بالحيلولة دون أن أفعل فالحل الوحيد هو
ان اسيب البوست دا يغرق بما حمل وذلك رغم رجاءات كثير من رواد بوستاتي .
لك الود

Quote: العم العزيز وهبة

يازول دا كلام شنو ؟
انت قايل نفسك داليا الكباشي
والله ود البشرى ابدا ما خاتي عليك








____
رش يا جرجرة رش تقيل ياعمك

أسف يا عم وهبة
بس خلي الراجل دا يوقف رش ..
فوووووووو

يا جرجرة بطل رشاش ياخي
حرام عليك
فتتت

السيد تنظير و الشهير بطلحة
بعد السلام و السؤال عن حالك واحوالك
نرجو منكم التكرم بإعلامنا بما تم في مشروع لقيط الورق