المَطــر .. !

كـان قديماً يَعني لي الكثَير بهطولهِ ، كَانت بِضعُ حُبيباته تكفي لإنتزاع نوبات الحزن التي إستوطنتت بداخِلي مُنذ إنقضاء الخريف السَابق ، كان المطر علاج الطَبيعة لآلام الروح ..
وكُنت أنـا أقف تحت السماء مُباشَرة ، يُبللُني الفَرحُ بماءَه الغَامِر ، فأسبحُ ضِد تَيار الدموع .
تَغمُرني زَخَاته الموشحة بثوب الإنتشَاء فأثملُ طرباً بِموسيقى هطوله .. !
كانت الحُبيبات تَتَنزلُ وكَأنها أكاليل ورود نَضرة قُطفت للتو مِن حَدائق السَماء وجِنانها ورُميت لنا بواسِطَة السَحاب كهدايا الآلهة !
كـانت خُضرة الاشجَار الزاهية فِي فصل الخَريف وحدَها تفتحُ نفافيج الامل علينا فنحيا به قبل أن نموت سدىً في هذا الكون الآسن.
خريفُ هذا العام لم تعُد أنغام الحبيبات فيه تشدوا بموسيقى الهطول
حَتى أكَاليل الوُرود الخريفية قَد أضحَت َبالية نَاعِسة !

ترُى ماذا اصَاب المطــــــر ؟
أم أنّ نواقيس العُمر قد دَقت لتعلِن عَدم الرغبة فِي استقبَال الخَريف ؟!

خريفُ هذا العام لم تعُد أنغام الحبيبات فيه تشدوا بموسيقى الهطول
حَتى أكَاليل الوُرود الخريفية قَد أضحَت َبالية نَاعِسة !

تمطر الأيام حزنا

لتسقى بقايا الامل في غد سعيد

ولولا لحظات الحزن والألم

ما عرفنا طعما للفرح

فاترك اليوم يمر هونا

وترقب في الغد ابتسامة عريضة

ولا تكف عن اطلاق خيالك يا صديقي

ففي بعض الخيال أحيانا عزاء ..


تحياتي يا صديق

فاترك اليوم يمر هونا

وترقب في الغد ابتسامة عريضة
وهو كذلك ياصديقي .. وهو كذلك ..
بُكرة أحلى ..

لكم افتقد السماء الصافى والليل ولحظة "تهضلم " فى اغسطس ويبدأ رزاز المطر ليقطع حبل النوم وتبدا رحلة الدخول الى الغرف
البعض يدخل متبرما والاخر متكئا على حواف الاسرة فى انتظار انتهاء نوبة الرزاز ، وبصره يرنو الى عنقريب متكول الى حائط خارج مكانه ذاك فيما البعض احلوت له اللعبة واستطابها وبدا فى ونسة حميمة وصوت امى المتلهف يتساءل حينذاك
ـ فصلتو نور التلاجة ؟ كان الكهربا قطعت بتبوظ ، واحد يجرى يغتى الصاج ، غتيهو بالطشت الكبير ، وماتنسى شوال الفحم ، والحطب حق العواسة ، انت حبيبى امشى بيت الغنم والجداد ، اقفل معاك شباك بيت الحمام ، محمد حبيبى انا ما قلت ليك من النهار نضف السبلوقات ؟ نضفتهن
وتجئ الاجابة نعسانة
ـ معليش يمة والله نسيت
ـ ينساك الموت ، انشا الله المطرة ما تكون كتيرة ، باكر من الصباح تنضفن الله يرضى عليك حبيبى ، هسى عليك الله اجرى جرى الازيار ختيت الخرطوش فيهن لو اتملو ختو فى البرميل وما تخليهو فاتح الله يستر وما تقطع الموية كمان كان قطعت الا نشترى من ناس الكارو ، ومعاك كمان الازيار غتيهن ، الله يغتى عليك
الكل راكض تلبية لما طلبته امى ، البعض متغطى بالبطاطين والاخر حاسر الراس ، ويعود الجميع ليطمئن قلب امى
يا لك ياامى
تخفت الاصوات وتبدا هى بالهم الذى لا يجعلها تسكت تبدا بحديث سردى عن السباليق ، فى الاوضة ، السنة الفاتت كبينا الرقيطة ، والسنة دى كمان بتبقى تقيلة على العرش ، الله يهون ويقدرنا نعرش البيت بالزنكى ونلقمه من جوه ، لانه السباليق دى مشكلة كل سنة ، هسى عاينو السبلوقة التانية دى دا الرشاش دا خلاها تسيل ، اجرى يامحمد اجرى ود امى جيب جردل للموية دى ، الله يهون
هذا ما كان من امر المطر فى بيتنا
لك الاخاء هشام

دقَّ المطر دقَّ ..
فتح الملاذ للهم..
صدر الغنا اتلقَّ ..
قبل السقوط النم


هشام أخوي ..


أفتح شرفاتك للمطره
خليها تسوي الشووووو
خليها تغسل فينا همومنا
وكل الحزن المالي الجو



كن بخير..

Quote: دقَّ المطر دقَّ .. فتح الملاذ للهم.. صدر الغنا اتلقَّ .. قبل السقوط النم

يا مما
با مما حجينا ننجما
الهودنه الحمى
غطينا ربابه

شكراً أ.فاروق على مرورك الجميل اللطيف ..
التحايا ..
وكن بألف خير ..

Quote: لكم افتقد السماء الصافى والليل ولحظة "تهضلم " فى اغسطس ويبدأ رزاز المطر ليقطع حبل النوم وتبدا رحلة الدخول الى الغرف البعض يدخل متبرما والاخر متكئا على حواف الاسرة فى انتظار انتهاء نوبة الرزاز ، وبصره يرنو الى عنقريب متكول الى حائط خارج مكانه ذاك فيما البعض احلوت له اللعبة واستطابها وبدا فى ونسة حميمة وصوت امى المتلهف يتساءل حينذاك ـ فصلتو نور التلاجة ؟ كان الكهربا قطعت بتبوظ ، واحد يجرى يغتى الصاج ، غتيهو بالطشت الكبير ، وماتنسى شوال الفحم ، والحطب حق العواسة ، انت حبيبى امشى بيت الغنم والجداد ، اقفل معاك شباك بيت الحمام ، محمد حبيبى انا ما قلت ليك من النهار نضف السبلوقات ؟ نضفتهن وتجئ الاجابة نعسانة ـ معليش يمة والله نسيت ـ ينساك الموت ، انشا الله المطرة ما تكون كتيرة ، باكر من الصباح تنضفن الله يرضى عليك حبيبى ، هسى عليك الله اجرى جرى الازيار ختيت الخرطوش فيهن لو اتملو ختو فى البرميل وما تخليهو فاتح الله يستر وما تقطع الموية كمان كان قطعت الا نشترى من ناس الكارو ، ومعاك كمان الازيار غتيهن ، الله يغتى عليك الكل راكض تلبية لما طلبته امى ، البعض متغطى بالبطاطين والاخر حاسر الراس ، ويعود الجميع ليطمئن قلب امى يا لك ياامى تخفت الاصوات وتبدا هى بالهم الذى لا يجعلها تسكت تبدا بحديث سردى عن السباليق ، فى الاوضة ، السنة الفاتت كبينا الرقيطة ، والسنة دى كمان بتبقى تقيلة على العرش ، الله يهون ويقدرنا نعرش البيت بالزنكى ونلقمه من جوه ، لانه السباليق دى مشكلة كل سنة ، هسى عاينو السبلوقة التانية دى دا الرشاش دا خلاها تسيل ، اجرى يامحمد اجرى ود امى جيب جردل للموية دى ، الله يهون هذا ما كان من امر المطر فى بيتنا لك الاخاء هشام

ياسلاممم ما أحلاها من حكاية ..مـا أجمل التفاصيل التي أثريتها بصور لطيفة ..
في كتابتك احاسايس وذكريات عشتها في ليله ممطرة قضيتها مع حبوبة آمنة في خريف جميل مضى..
شكراً جميلاً على هذه الكتابة الجميلة ..
وصولك هنا يعني لي الكثير أ. سلمى
التحـايا

تُُرى من سرق المطر ودس الصمت في مسام الوطن ؟!

(@)

#