Post: #1
Title: أنا بصدد شراء عربة...وأحتاج مشورتكم...
Author: سيف اليزل برعي البدوي
Date: 09-05-2009, 04:51 AM
أخوكم خبرتو تعبانة في الحديد
وكل يوم ادخل الإنترنت عربات معروضة بالكوم..
شئ أمريكي..
وشئ ياباني..
وأسعار تمخول الدماغ
نسبة للأزمة الأقتصادية العالمية
والآن وبعد التجول الشديد والحيرة
أتمني مساعدتكم..
فكل من له خبرة ..
يمكن ان يدلو بدلوه
والله في عون العبد..مادام العبد في عون أخيه
مع خالص مودتي للجميع
سيف
بوسطون-ولاية ماساشوستس
|
Post: #2
Title: Re: أنا بصدد شراء عربة...وأحتاج مشورتكم...
Author: عبد الحكيم طه علي
Date: 09-05-2009, 05:00 AM
Parent: #1
أنصحك بالياباني، أي عربية من جنس التايوتا لأن الأمريكي بيتهلهل بسرعة وكركبتو بتكتر
|
Post: #9
Title: Re: أنا بصدد شراء عربة...وأحتاج مشورتكم...
Author: سيف اليزل برعي البدوي
Date: 09-05-2009, 12:44 PM
Parent: #2
الاخ عبد الحكيم
مشكور علي النصيحة الغالية
وفعلا الياباني ده إتحمل في السودان
وخدم خدمات جليلة
خالص مودتي
سيف
|
Post: #3
Title: Re: أنا بصدد شراء عربة...وأحتاج مشورتكم...
Author: Ahmed Abdallah
Date: 09-05-2009, 05:04 AM
Parent: #1
في عربية اسمها Minelab GPX4500
|
Post: #4
Title: Re: أنا بصدد شراء عربة...وأحتاج مشورتكم...
Author: سيف اليزل برعي البدوي
Date: 09-05-2009, 06:09 AM
Parent: #3
هههه
أحمد آآخوي أبعدني من عربات الدهب دي
الواحد بيبحث عن عربة مصنوعة من الحديد الواحد ده
الخوف كلو الحكاية تكون وهم
بيزرعوا في الوهم
عندها سيحصدوا السراب
مودتي
سيف
|
Post: #5
Title: Re: أنا بصدد شراء عربة...وأحتاج مشورتكم...
Author: الحاج حمد الحاج
Date: 09-05-2009, 09:43 AM
Parent: #4
بعض الاسئلة المهمة:
1- انت في بلد؟
2- كم الميزانية الموضوع للشراء؟
|
Post: #6
Title: Re: أنا بصدد شراء عربة...وأحتاج مشورتكم...
Author: سيف اليزل برعي البدوي
Date: 09-05-2009, 10:27 AM
Parent: #5
I live in U.S
M budget until $4000
Thanks Haj Hamad
Seif
|
Post: #7
Title: Re: أنا بصدد شراء عربة...وأحتاج مشورتكم...
Author: محمد عبد الماجد الصايم
Date: 09-05-2009, 11:32 AM
Parent: #6
شفر بليزر حاجة 
|
Post: #8
Title: Re: أنا بصدد شراء عربة...وأحتاج مشورتكم...
Author: جعفر محي الدين
Date: 09-05-2009, 12:25 PM
Parent: #7
كدي يا ود الصائم ربنا يديك العافية توسع لينا في الشفر بليزر دي شوية يعني موديل 2006 جديدة بخمسين ألف كويسة؟ وهل هناك فروق كبيرة في الجودة بين الموديلات؟
|
Post: #11
Title: Re: أنا بصدد شراء عربة...وأحتاج مشورتكم...
Author: سيف اليزل برعي البدوي
Date: 09-05-2009, 03:01 PM
Parent: #10
الاخ نصار
شكرا ليك كتيييير
ديمة سباق للمساعدة
واللنك فعلا مليان بالخيرات
مودتي
سيف
|
Post: #12
Title: Re: أنا بصدد شراء عربة...وأحتاج مشورتكم...
Author: سيف اليزل برعي البدوي
Date: 09-05-2009, 03:09 PM
Parent: #11
حقيقة الحديد الامريكي وثير
وماهل
والواحد لمن يجي يركب العربية الامريكية
كأنو داخل صالون
يقعد ويمد رجليه زي ما داير
لكن سؤالي هو عن الأسبيرات
يعني أنا عايش في امريكا
أيهما ارخص إذا تعطلت السيارة لا قدر الله
الأسبيرات اليابانية
أم الأمريكية؟
مودتي
سيف
|
Post: #13
Title: Re: أنا بصدد شراء عربة...وأحتاج مشورتكم...
Author: محمد عبد الماجد الصايم
Date: 09-05-2009, 03:12 PM
Parent: #8
عمنا جعفر
عن تجربة شخصية عندي بليزر 2002 وارد كندا
التكلفة الكاملة ليها بعد الجماركـ والترخيص كانت في حدود 36 ألف ريال
العربية فل كامل ومريحة راحة السنين أي حاجة بتشتغل براها
تشغل المفتاح النور يولع المكيف يشتغل السي دي يشتغل نظام الملاحة تش!
تصدق رغم إنو العربية موديل 2002 لكن حتى المنشات بتشتغل توموتويكي توموتيكي!
|
Post: #14
Title: Re: أنا بصدد شراء عربة...وأحتاج مشورتكم...
Author: محمد عبد الماجد الصايم
Date: 09-05-2009, 03:13 PM
Parent: #13
سيف .. ما تبالغ ياخ!
باللاي قاعد في أمريكا وداير تحسبا بأسعار قطع الغيار!
بي طريقتكـ دي إلا تشتري كامري وتريح نفسكـ!
|
Post: #15
Title: Re: أنا بصدد شراء عربة...وأحتاج مشورتكم...
Author: سيف اليزل برعي البدوي
Date: 09-05-2009, 03:20 PM
Parent: #14
ود الصايم
إنت ما قاعد في السعودية
لا عندكم ثلوج لا عواصف رعدية
عرباتكم تلمع كأنها طالعة من المصنع
نحن هنا العربية لو ما كاربة
بتلقي نفسك وشايل كوريك وتغرف من تحت اللستك
ودحين ياخي الأزمة الغقتصادية دي ما مرت عليكم بهناك
مودتي
سيف
|
Post: #16
Title: Re: أنا بصدد شراء عربة...وأحتاج مشورتكم...
Author: Sabri Elshareef
Date: 09-05-2009, 03:42 PM
Parent: #15
Quote: حقيقة الحديد الامريكي وثير
وماهل
والواحد لمن يجي يركب العربية الامريكية
كأنو داخل صالون
يقعد ويمد رجليه زي ما داير
لكن سؤالي هو عن الأسبيرات
يعني أنا عايش في امريكا
أيهما ارخص إذا تعطلت السيارة لا قدر الله
الأسبيرات اليابانية
أم الأمريكية؟
|
تحية طيبه الاخ سيف
وغايتو بوست للونسه اكثر من الشراء
لان الناس ما ممكن تخبرك تشتري شنو
انت لو داير عربية جديده معاها ضمان خمسه سنه اذا باطت بصلحوها ليك
وانت يظهر انك بتكوس للاسبيرات الرخيصه لذا يظهر انو حالتك زي حالتنا بتكوس في المستعمل وكمان مش استعمال خليج لان استعمال الخليج
سمح وكانها جديده وناس الخليج ديل غالبا المهنيين\ات ناس مرطبه جدا اثق فيهم لكن فرقتهم مختلفه عن حالنا
اذا اردت اتصل باي سوداني او خلافه من مكانيكا امريكا الحديثه
تجد مرادك بعدين هب انك اشتريت غلط بكره تمشي للصاح؟؟
اسال صديقك سامي هنا اصحاب المساعده علي قفا من يشيل حضر قروشك
اذا داير عربية كبيرة صغيره
من ديييلر او اوكشن او مرات تكون واقفه تزازي في جنبات الطريق خوفا من الغرامات
فصاحبها برضو بهاود في البيع
عموما لك تحية رمضانية واتمني فطور علي خير
|
Post: #17
Title: Re: أنا بصدد شراء عربة...وأحتاج مشورتكم...
Author: سيف اليزل برعي البدوي
Date: 09-05-2009, 03:52 PM
Parent: #16
الأخ صبري
رمضان كريم,وكل عام وانتم بخير
فعلا انا ببحث عن المستعمل
وخبرتي في العربات ضئيلة جدا
لكني أمتلك الجدية للشراء ,والسوق مليان والمقارنة صعبة
وبيت الشوري ما بخرب زي ما بيقولوا
وبما انني ساكن لي في خلاء بعيد كده عن الناس
أجد في هذا المنبر المشورة والخبرات والنصائح
ودمت ودام كل السودانيين في صحة
مودتي
سيف
|
Post: #18
Title: Re: أنا بصدد شراء عربة...وأحتاج مشورتكم...
Author: الكباشى البكرى
Date: 09-05-2009, 03:53 PM
Parent: #16
الاخ سيف
سلامات
وكل عام وانتم بخير
لو بقيت علي الكوري جا هزين لاي استشاره
نسأل الله التوفيق للجميع .
|
Post: #19
Title: Re: أنا بصدد شراء عربة...وأحتاج مشورتكم...
Author: نادر الفضلى
Date: 09-05-2009, 05:20 PM
Parent: #18
الأخ سيف
تحياتى
لدى عربتين أمريكى ويابانى
نسبياً اليابانى أغلى فى أسعار إسبيراته
ولكنه أقل أعطالاً من الأمريكى
* لاحظ يابانى أمريكا وأوربا يختلف
فى جودته وقوته عن يابانى الخليج و السودان
هناك خفيف و مصمم لإستهلاك الإسبيرات
وبأمريكا مصمم بجودة عالية لمنافسة الأمريكى
الأمريكى و ثير و مريح ولكنه أعلى إستهلاكاً للبنزين
هذا فى مقارنه العربات الصوالين
أما رباعيات الدفع .. فلدى تايوتا Runner ـ 4 بتشرب البنزين
و الأمريكى أيضاً كذلك ..
الكلام عن أن الباباتى تمته فيهو دا كلام حسب تجربتى ما صحيح
وإذا كان الغرض الإستعمال .. والسعر والبنزين المعقول
إستفسر أكثر عن الهونداى رباعيات الدفع تناسب مناطق الجليد
وعن الصوالين أيضاً الهونداى و اليابانى
بالمناسبة مرة فى واحد خواجة قال لى إشترى عربية من ال eBay
بسعر مناسب جداً و مبسوط من جودتها .. Good Deal
أتمنى لك التوفيق فى شراء العربة المناسبة تقوم بالمطلوب وقليلة الأعطال
** أخونا و زميل البورد ياسر السيد خبير عربات .. خير من تستشير
|
Post: #21
Title: Re: أنا بصدد شراء عربة...وأحتاج مشورتكم...
Author: سيف اليزل برعي البدوي
Date: 09-05-2009, 08:28 PM
Parent: #19
نادر الفضلي
دمت اخا عزيزا
وشكرا علي معلوماتك الضافية
والتي بها تكتمل الصورة
حقيقة هو فعلا قرار صعب
والشوري والتروي بتريح الواحد كتير
فعلا إنكم سودانيز يا رفقة وبكم يطيب هذا الاسفير
مودتي
سيف
|
Post: #20
Title: Re: أنا بصدد شراء عربة...وأحتاج مشورتكم...
Author: سيف اليزل برعي البدوي
Date: 09-05-2009, 08:24 PM
Parent: #18
الكباشي البكري
شكرا يا زول يا خدوم
وإن بقينا عليه بنديك خبر
دمت بخير
سيف
|
Post: #22
Title: Re: أنا بصدد شراء عربة...وأحتاج مشورتكم...
Author: ismeil abbas
Date: 09-05-2009, 09:22 PM
Parent: #20
الله يوفقك..ويعطيك خيرها ويكفيك شرها يارب....
|
Post: #23
Title: Re: أنا بصدد شراء عربة...وأحتاج مشورتكم...
Author: أسامة خلف الله مصطفى
Date: 09-05-2009, 11:34 PM
Parent: #22
أخى سيف
أوصيك ب VOLVO CX90 وتقوى الله...
وسلامى
|
Post: #24
Title: Re: أنا بصدد شراء عربة...وأحتاج مشورتكم...
Author: سيف الدولة كامل
Date: 09-05-2009, 11:48 PM
Parent: #23
الاختيار صعب يا سيف,, لكن الياباني افضل
انا سايق شيفر فنشر ممتازة لكن زي ماقال
نادر بيصرف ,, وعطله ما كتيير لكن لامن
يعطل بيقد جيبك,, اقع الياباني .
|
Post: #27
Title: Re: أنا بصدد شراء عربة...وأحتاج مشورتكم...
Author: سيف اليزل برعي البدوي
Date: 09-06-2009, 03:10 AM
Parent: #24
ود كامل
شكرا علي المرور والنصيحة من خبرة مثلك
سأضع نصيحتك عين الإعتبار
وبرضو في إنتظار قصة الشفت السفر أبوه
مودتي
سيف
|
Post: #26
Title: Re: أنا بصدد شراء عربة...وأحتاج مشورتكم...
Author: سيف اليزل برعي البدوي
Date: 09-06-2009, 03:07 AM
Parent: #23
أسامة خلف الله
شكرا علي المرور والتوصية والنصيحة
دمت بألف خير
مودتي
سيف
|
Post: #25
Title: Re: أنا بصدد شراء عربة...وأحتاج مشورتكم...
Author: سيف اليزل برعي البدوي
Date: 09-06-2009, 03:05 AM
Parent: #22
الأخ إسماعيل عباس
آمييييين
وشكرا علي الدعوة الجميلة
ولك مثلها بإذن الله
مودتي
سيف
|
Post: #28
Title: Re: أنا بصدد شراء عربة...وأحتاج مشورتكم...
Author: dabeep
Date: 09-06-2009, 05:26 AM
Parent: #25
ابو السيوف سلامات ورمضانك كريم
this is another option for car shopping :
http://boston.craigslist.org/search/cta?query=&catAbbre...Ask=2000&maxAsk=4000
بس اهم حاجة :
1- تتعامل لوكلي ( local
وتقابل الزول وتشوف العربية
2-whatever you do, don't pay online, i mean do not pay electronically using your credit card
otherwise ممكن تلقي ليك عربية كويسة جدا بسعر كويس
good luck
والله المستعان
|
Post: #29
Title: Re: أنا بصدد شراء عربة...وأحتاج مشورتكم...
Author: الطيب العامرى
Date: 09-06-2009, 05:35 AM
Parent: #28
أبعد عن المستعمل
|
Post: #30
Title: Re: أنا بصدد شراء عربة...وأحتاج مشورتكم...
Author: محمد الفاتح خالد حسون
Date: 09-06-2009, 06:45 AM
Parent: #29
السلام عليكم
أبو السيوف
ياخي مالك ماشي بعيد علي قول المثل ,, جارك القريب
ولا ود أمك البعيد..( تكاكي هنا و داير تبيض بي هناك )
عندك ما شاء الله مبلغ ذي دا و تقول البلد فيها ريسيشن ؟
نمبر تو ال Honda Odyssey 2002 دا ما عارفو معروض للبيع
الرجاء .. ذيد المبلغ دا و خلي عندك ( اتش H ) بس في حالة الطلب
و البلد دي بلد الهوندات براك شايف الامريكي فلس ..
وقتالك ياهو قتالك و شورتك عندك و الببقالك ( لا توجد صورة ال H )
اخووووووووووووك فاتح خالد
و السلام .
|
Post: #31
Title: Re: أنا بصدد شراء عربة...وأحتاج مشورتكم...
Author: رأفت ميلاد
Date: 09-06-2009, 07:28 AM
Parent: #30
سيف اليزل صباحك خير
بخبرة أوربا .. العربية للإستعمال داخل المدينة يابانى .. ولو من هواة السفر أمريكى
نحن هناعشان مدنا علب صلصة .. أخير عجلة والباقى بالترماى .. عربيتى أمريكية للجبدة الطويلة المريحة ..
رمضان كريم
|
Post: #32
Title: Re: أنا بصدد شراء عربة...وأحتاج مشورتكم...
Author: مصطفى توفيق
Date: 09-06-2009, 10:58 AM
Parent: #31
تحياتى
لو عايز تشترى عربية لازم تعرف انه العربية ماكينة وليس بودى يعنى مكنتها تكون نظيفة وبعد داك شوف البودى وخليك من سيارات الدفع الامامى ما بتعيش كتير لأنه روح العربية كله قدام المكنة + الجير
افضل لك الكورلا عربية اقتصادية جدا فى البنزين وفى موديل 1600 سى سى و موديل 1800 سى سى
بعدها الكرونا برضع اقتصادية فى البنزين ما تقرب من الكورى لأنه كله تجارى حتى لو كان بمواصفات امريكا ركز على التايوتا والدفع لازم يكون خلفى افضل
عربات 4\4 فنوع لا يصرف البنزين خصوصا لو ما 3000 سى سى الفل تانك بيعمل معاك 500 كيلو فى الهاى وى اما داخل المدينة بيعمل معاك 420 كيلو اللاندكروزر البرادو 3400 سى سى نفس الحكاية اما اللاندكروزر الكبيرة فسعتها 4500 سى سى لكن صرفها احسن من الجيب الأمريكى
النيسان بثفايندر عربية قوية جدا جدا فى منه نوعين 3000 سى سى و 3500 سى سى الباجيرو ايضا من السيارات القوية ولكن قطع غيارها غالية نوعا ما
انا شخصيا افضل ليك النيسان الباثفايندر لأنى جربتها
اما لو عايو تشترى صالون وعربية ركوب تعيش معاك وعربية وجاهة اشترى مارسيدس اى موديل من المارسيدس بس ابعد فى نوع بيصرف بنزين ركز على ذات الأربعة سلندر
والله يوفقك
|
Post: #35
Title: Re: أنا بصدد شراء عربة...وأحتاج مشورتكم...
Author: سيف اليزل برعي البدوي
Date: 09-06-2009, 07:15 PM
Parent: #32
مصطفي توفيق
رمضان كريم,وكل عام وانت بخير
وتسلم يا رائع علي المشاركة والنصيحة الوافية
وأن دلوقت بفتش,وسألقي نظرة علي ما اقترحت
وعلي الأسعار أيضا.
|
Post: #34
Title: Re: أنا بصدد شراء عربة...وأحتاج مشورتكم...
Author: سيف اليزل برعي البدوي
Date: 09-06-2009, 07:08 PM
Parent: #31
رأفت ميلاد
صبحك الله بالخير
والله البلد دي هنا كبيرة شديد,والشوارع ما شاء الله مغرية للسفر
أوربا أصغر بكتير,لكن العجلة متعة وحاجة بتريض الجسم
أبقي عليها عشرة
وشكرا علي المرور والنصيحة
مودتي
سيف
|
Post: #33
Title: Re: أنا بصدد شراء عربة...وأحتاج مشورتكم...
Author: سيف اليزل برعي البدوي
Date: 09-06-2009, 05:11 PM
Parent: #30
محمد الفاتح
سلام
بجيك بتلفون
وكيف الفطور أمبارح كان
في إنتظار مزيد من الصور
سيف
|
Post: #37
Title: Re: أنا بصدد شراء عربة...وأحتاج مشورتكم...
Author: عمر سعد
Date: 09-06-2009, 07:43 PM
Parent: #33
احسن حاجه تعمله ما تسمع شوره السودانيين فى العربات
زى شورتهم فى السياسه بغطسو حجرك
اعمل راسك واتكل على الله وجرب
ونصيحتى شوف السودانيين قالو شنو اعمل عكسو
بى كده تكون ربحان شن عرف السودانيين بالعربات السمحه.
|
Post: #38
Title: Re: أنا بصدد شراء عربة...وأحتاج مشورتكم...
Author: سيف اليزل برعي البدوي
Date: 09-07-2009, 01:06 AM
Parent: #37
عمر سعد
يا زول براحة كدي
الدنيا دي بقت ما ساهلة
ولا وقت لكي يتعلم المرء في نفسه
ولدينا حياة واحدة فقط لكي نعيشها
والعمر ما بسمح بالمجازفات
لك خالص ودي
سيف
|
Post: #41
Title: Re: أنا بصدد شراء عربة...وأحتاج مشورتكم...
Author: Gaafar Ismail
Date: 09-07-2009, 04:08 AM
Parent: #14
ود الصايم يا ابو عمو
يوجد في هذا المنبر (عم جعفر واحد) ..باقي الجعافر كلهم شباب ,,
أصحا يا بريش
تحياتي ومودتي
|
Post: #36
Title: Re: أنا بصدد شراء عربة...وأحتاج مشورتكم...
Author: خالد العطا
Date: 09-06-2009, 07:37 PM
Parent: #1
سيف اليزل
رمضان كريم
يازول انت جادي
انا عندي عربية كنت عاوز اعرضها عليك واديك خيارات قلت الزول يكون قريب في الخليج والسودان
اتاريك انت في امريكا يازول بالغت عديل انت اركب من طرف وتاني يوم اريميها وشوف غيرها
معقولة انا لي ساعة بستهجا في اسم الولاية بتاعتكم دي
تحياتي
خالد العطا مكة
|
Post: #39
Title: Re: أنا بصدد شراء عربة...وأحتاج مشورتكم...
Author: سيف اليزل برعي البدوي
Date: 09-07-2009, 01:09 AM
Parent: #36
خالد العطا
رمضان كريم
تعرف فعلا اسم ولايتنا صعب شوية
وبعدين الواحد ما داير يركب ويرمي
أصلي شوية ولوف,والبلد ما زي زمان
لك خالص مودتي
سيف
|
Post: #40
Title: Re: أنا بصدد شراء عربة...وأحتاج مشورتكم...
Author: Dania Elmaki
Date: 09-07-2009, 03:46 AM
Parent: #39
مع تلجكم احسن شئ الاس يو في, خصوصا الامريكي بس ما يكون الدفع الرباعي اتوماتيك بتشفط بنزين صح, الفورد فيه اوبشن انك تشتغل فور ويل ولا عادي و ده بشغله في الثلج زي الما حصل شئ بمرق من اي وحله, الكامري بتتزحلق و الصوالين كلها عاوزه حفر و دفر في السقط داك
|
Post: #42
Title: Re: أنا بصدد شراء عربة...وأحتاج مشورتكم...
Author: محمد الأمين موسى
Date: 09-07-2009, 05:58 AM
Parent: #40
أخي سيف اليزل... خليك من تنظيرات البورداب وخد بتجربة ملايين السودانيين: اشتري ليك بوكس موديل 78 أو 81 حتى ولو اضطررت لمضاعفة المبلغ! وحتى لو استدعى الأمر أن تستوردو من السودان عشان يكون أصلي!
|
Post: #43
Title: Re: أنا بصدد شراء عربة...وأحتاج مشورتكم...
Author: سيف اليزل برعي البدوي
Date: 09-07-2009, 06:38 AM
Parent: #42
from rent A car-New Jersy
|
Post: #44
Title: Re: أنا بصدد شراء عربة...وأحتاج مشورتكم...
Author: saadeldin abdelrahman
Date: 09-07-2009, 07:00 AM
Parent: #43
| Quote: ونصيحتى شوف السودانيين قالو شنو اعمل عكسو |
عمر مشتاقين ياخ!
----------
أبو السيوف
خليك في المؤجر دا مالو هههه
الياباني مافيش زيو
|
Post: #45
Title: Re: أنا بصدد شراء عربة...وأحتاج مشورتكم...
Author: سيف اليزل برعي البدوي
Date: 09-07-2009, 02:52 PM
Parent: #44
salam all
I will be back
seif
|
Post: #51
Title: Re: أنا بصدد شراء عربة...وأحتاج مشورتكم...
Author: سيف اليزل برعي البدوي
Date: 09-08-2009, 06:08 AM
Parent: #42
محمد الامين
البوكس شكلو حنين
وبجواره جالوص
صورة سودانية بكل ملامحها
فعلا الياباني ده إستبسل مع السودان
يا ربي ده قطع كم ميل؟
بس أوعي يكون قطع ارض المليون ميل كلها
مودتي
سيف
|
Post: #46
Title: Re: أنا بصدد شراء عربة...وأحتاج مشورتكم...
Author: سيف اليزل برعي البدوي
Date: 09-07-2009, 11:32 PM
Parent: #40
دانية المكي
شكرا علي الحضور والمشاركة
ياخي ما تذكريني الاسنو
لكن شكلو كده جاي علينا وقرب
شكرا علي النصيحة
مودتي
سيف
|
Post: #47
Title: Re: أنا بصدد شراء عربة...وأحتاج مشورتكم...
Author: سامى عتبانى
Date: 09-08-2009, 00:02 AM
Parent: #46
سيف اليزل
ازيك يا رجل
اسمعنى هنا اكسب زمنك
والله عندى كورلا 95 تقول يا ليل
تعال بديك ليها عشان العُشره البيناتنا بتاعت
الكلاكلات
ب2000 دولار بس
وزى ما قلت ليك اكسب زمنك
سامى
|
Post: #48
Title: Re: أنا بصدد شراء عربة...وأحتاج مشورتكم...
Author: سيف اليزل برعي البدوي
Date: 09-08-2009, 00:09 AM
Parent: #47
سامي يا حبيبنا
تسلم وشكرا علي العرض والعشرة اليناتنا مستمرة ودائمة بإذن الله
وكلامك اثلج صدري
حقيقة أنا ببحث عن أس يو في
عشان الفملي وكده
وتسلم يا سامي يا ملك
خالص مودتي
سيف
|
Post: #49
Title: Re: أنا بصدد شراء عربة...وأحتاج مشورتكم...
Author: doma
Date: 09-08-2009, 05:37 AM
Parent: #48
سيف اليزل ولدي سلام مشتاقين والله
باقي خالتك دومه سايقه عربيه خ 11 بي ترتارتين والركب بقن كعبات
ما بعرف افتي في العربات امات اربعه كرعين
الله يديك العربيه السمحه وسريعه وما بتصرف كثير ويستر عليك من الحديد .
وابقي عافيه
|
Post: #50
Title: Re: أنا بصدد شراء عربة...وأحتاج مشورتكم...
Author: سيف اليزل برعي البدوي
Date: 09-08-2009, 05:46 AM
Parent: #49
الخالة دوما
رمضان كريم,وكل سنة وإنت طيبة
وربنا يديك العافية,وسلامتك
ياخي كفاية دعوتك دي لي بالدنيا
وربنا يكفينا شر الحديد
دمت بألف صحة
مودتي
سيف
|
|