فيصـل نـوبي وديـنا خـالد، فضحـتونا! توجّد صورة...

الـفيروس المصوّر أعلاه لا يصيب إلا الشماراتيَّة ومحبي الصوّر!
___
نضفو كمبيوتراتكم حتى لا تصيبو قوماً برسالة وأنتم لا تعلمون

يا نوبي ماممكن ياخ!
معقولة!
الرسالة بتجيني منّك ليها أكتر من شهر، وأقول صاحبي بكرة بنضف صندوقو ده، وتاني تجي، وأقول بكرة بنضفو؛ أحرجتني ياخ، داير تبقى زي ناس غريبة ودينا خالد وسيف مساعّد..
____
تصدق مُحرّج ليك، لكن ما شديد

وبعد ما تنضِف صندوقّك، عرِج على صندوق دينا ونضفو، لأنو المسكينة* دي أكيد نقلّت العدوّة منّك..
___
* دينا خالد!

Quote: الرسالة بتجيني منّك ليها أكتر من شهر، وأقول صاحبي بكرة بنضف صندوقو ده،

ياسر سلام
يا اخوى وحاتك انا دينا عذبتنى عذاب بالرساله دى
وانا كلما تجينى بسوى ليها دليت
لكن ننضف الصندوق كيف؟؟؟؟
ورونا باقى نحن بوم ساكت غير دليت فى شى نسويه تانى،،،

ياسر رش ياعمك ,,

العوّض
جماعتّك ديل already مرشوشين...
___
دايرين الغُتا، توب ساكوبيس لي دينا و فردة من نسيج شندي لي نوبي

صديق سلامات..
لو ما فتحت الإيميل، ما بتكون جاتك جاجة..
ولكن للضمان أمشي للرابط التحت ده
http://www.msnvirusremoval.com/download
وأ ضغط على Download MSN Virus Remover

الحبيب تاي فوور !

هى من ناحية عدوى كلامك صحى عدوى والله ياااااى !!
لكن نوبى برىء ،، برىء براءة القط من دم الفار ...

نايس تراى ... يا خوى حاول مرة اخرى ...

قول لى بدل تتمسخر اعمل شنو ؟

تعال فى المسنجر .. افتكر دى خلوة شرعيه بى شهوووودها
فضل الايجاب والقبول ..
















ــــــــــــــــــــ
يا ود يا ياسر الله يوقع قلبك هجمتنى قايلة عندك صورة
صحى صحى .. بتاعة الجميرا .. لوووووول
قلت اقول ليك لو ح تنشر اقطع من تحت الراس خلى
هسه الواحد عرف انت وتمبس دا اصلوا الزول
ما يهظر معاكم بى صور ..

اضف للصورة دى طلعت الطيب و داليا حافظ , يا داااااليا , رسلت ليك تنبيه مليون مرة و معاهم لنك السوفتوير البنضف الكمبيوتر المنزلو ياسر هنا , و لا حياة لمن تنادى

لكن الود دكين نجيض , تنبيه واحد و الموضوع وقف طوالى و معاهو رد و شكر و ان كان بذئ كالعادة

غايتو يا جبر الله
فى اىىىىىىى حاجه عندك العزيييل
عزازييل شديده ...

هسه عازل داليا دى وخاصيها بى الانتى فايرس لييه ؟؟
شوف تيفور دا بى خساساتو دى كلها بخلى الشر يعم ولا بهمو











ــــــــــــــــ
اصلا اصلا دكين قال لى الفايرس دا منك انت !!
الغريبة ما كلمنى بالانتى دا ..
غايتو بتمووووووتو فى دمارى وكسيرى دا ..
انشالله ينفعكم !!

خبيثة يا بتاعت القبائل
داليا لانى رسلت ليها عشرماية تحذير و لسة الفايرس مواصل و هى و لا مره ردت و انا فترت من مسح الرسائل دى, الباقيين الرسلت ليهم اتحركو طوالى زى دكين مثلا .... هييييي العبي بعيد ... دجانقو في الاصحاب و الصاحبات ما قاعد يفرز راجل من امرأة ...
يا خبيثة .... يا الله تاخدى علقه بي هناك ... بي سوط عنج

اب تفة
طيب ياخ ما تستر علينا ؛ في داعي تفضحنا كده !!
ده حالتو جاكــ إيميل ملغم ساي ؛ طيب لو لقيتنا في البحر تقول شنو !!
ولا جاتكـ صورة كده من صور الايميلات تعمل فينا شنو !!
الحمد لله صورنا ما رسلناها لي زول لسه ..
لكن ممكن أعمل معاكـ صفقة ..
تدفع كم و أديكـ صورة دينا خالد في البحر براسها و يدينها ( زمان كانت بشحمها و لحمها ) و ده كلو من تمبس ..




_
دندونتي
عارفة لو لقيت صورتكـ حايمة في إيميل إن شالله بدون راس .. بقطع راسكـ من البورد ده.

تاى فور ..
الانتى نوف بتاعك دا ما شغال ..

بقول لى ال ام اس ان فايرس ريموفر هاز استوبد ووركينق ! وكمان بقول لى
فى بروبليم عويصة .. نوتيفاى يو ايف ا سوليوشن اذ افيلبل ..
اضغط على رن وبتابع كل الخطوات وبرضو بقول لى نفففس الرساله

هاك بالله رجعو لينا وادينا واحد غيرو

او ادينا قروشنا ..









ـــــــــــ
يا حليل ناس الكمبيوتر الجد جد كلهم مصفدين !!

يا دينا بالجد انا زعلانة منك شديد
شديد خلاص..

يعني حتستفيدي شنو لمن تبوظي لي جهازي؟؟
ـــــــــــــــــــــــ
اصبري لو ما جندتا ليك ناس الــ ITالفي شغلي كلهم..جهازك دة تاني الا تشغلي قييم بووي..

ياااااااااااااا نوبيانى
ياااااااا تاى فور
البت العويرة دى شبكتنى فى اى مكان رسالة انتى رسلتى لى فايرس
وقصدك شنو ؟؟ وعايزه شنو من باسويردى ؟ ودايرة تبوظى لى جهازى
.. وكيتا ذى بالله فهموها !!

انا ذاااااااتى جاتنى الرساله دى معاكم بقول لى جاتك رساله
من دينا خالد !! اها








ـــــــــــــــــــــ
()* البت دى اللهى ساره !!

النصيحة يا ياسر
انا فيصل نوبى,,,صورو كترن عندى




الا دينا ما بآباها

Quote: كثرت في الاونه الاخيره الشكاوي من فيروس يصيب المسنجر او الايميل ويقوم بارسال روابط وهميه الي قائمه الاعضاء المضافين اليك ..خطوره الفيروس انه لا يستولي علي الايميل كما يفعل الهكر ولكن يقم فقط بارسال رسائل الي اصدقائك دون علمك في الايميل او المسنجر ..وعند الضغط علي الرابط المرسل او الايميل يقوم الفيروس باصابه الجهاز بسرعه فائقه من اعراض الفيروس ..ارسال رسائل تلقائيه ..بطأ الجهاز ..تعليق المسنجر ..عمليه الخروج والدخول للمسنجر بشكل متكرر وفي وقت قصير ..الملفات المحمله او المرسله غاليا ما تكون في شكل صوره وهي في الاصل ملف تنفيذي .. الفيروس تعجز عن ازالته برامج الحمايه العاديه ..وقد قمت بالبحث في موقع متخصص ووجدت عدة ادوات لازاله والتاكد من عدم وجود الفيروس في الجهاز ...ولكن الوقايه دائما اضمن من العلاج ..فلا تقم بفتح اي روابط تاتيك من صديقك الا ان تتاكد انه هو المرسل ...ولا تقم بفتح صور قد تصلك في بريدك الاكتروني من طرف صديقك الا بعد التاكد من انه هو المرسل .. الادوات الاولي -بعد تنزيل الاداه ..دبل كليك واضغط علي رون ثم ok الأداة هى http://tools.zyzoom.org/tools/virus/Zyzoom_Kill_MSN_Virus.exe ــــــــــــــــ الاداه التانيه (خاصه بالمسنجر الذي يقوم تلقائيا بارسال ملف مضغوط) MSN Photo Virus Remover الرابط هو http://www.divshare.com/i/4232567-a12 دبل كليك علي الاداه واضغط علي استارت ــــــــــــــــــ الاداه الثالثه MSNFix بعد تنزيل الاداه الضغط عليها مرتين واختيار اللغه والبحث http://download539.mediafire.com/1yhmwjznn5qg/mjglz1mt3jt/MSNFix.zip ــــــــــــــــــــ الاداة الرابعة MSN Photo Virus Remover اختار اللغه ومكان الحفظ والبحث http://www.mediafire.com/?kyxjm0nnzyn منقول ... من موقع سودانييزاونلاين للكاتب معاوية حسين

طيب يا عمكـ
ما دام لابد بالصورة
خود عندكـ



أجيب الباقي؟

ود الصايم امنع الفوضى

اولا ياسر دا مرفوع عنه القلم ..

ثم ثانيا :: كندا دى باااااارده تلج ..

حاجة انت ما جربتها ما تتكلم فوكا ..

غايتو القميص خطير .. كان ادانى فيه شدا بسكت برضو ..










ـــــــــــــــــــ
بالله ياها دى الصورة الضربت الاجهزه ؟؟ تبت لله .
عان الخلقة ..

الملك ما تابا عشاك انشالله

صورتى ولااااا بتسوى حاجة الا قعادها ولا حلو !!
لوووووووووول .


روابطك ديل ولا رابط ما لقيت جواهو حاجة ادوسها !!
















ــــــــــــــــــــــــــ
رجعناهو ادينا قروشنا .. عالم كلها غش !

Quote: حاجة انت ما جربتها ما تتكلم فوكا

نحمد الله!

غايتو يا حبيب فرصة ولقيتا ......

Quote: وبعد ما تنضِف صندوقّك، عرِج على صندوق دينا ونضفو، لأنو المسكينة* دي أكيد نقلّت العدوّة منّك..

الصندوق واحد ... أقصد الجيب واحد .... أقصد ....... إنت عارف قصدي مش؟

سارة دي انا؟؟

يسرسر شنو اقول ليك؟؟
دينا انا سماعات ما عندي؟؟البيخليني افهم شنو في الفايروس غير انو بلوة؟؟
افرزي يا دينا الجد من الهظار ...
ومش فيروسك دة انا حارسلوا ليك ما دايراه
كان شفتيني مجندة ناس الاي تي الفي الشغل وموقفاهم علي فرد رجل ..
يا لتخة
ــــــــــــــــــــــــــ
انتو غايتو ما بترعو كلو كلو ما قلنا ليكم ما تخلطو العام مع الخاص

ابو الياء
نفس الرسالة دي قاعدة تجيني من سلمى الشيخ
ياسلمى الشيخ لو جيتي مارة بجاي اعملي الحركة الفوق دي
الشرحها اب تفة دا ... اول مرة اكتشف انك مفيد يا ود المك
وممكن يجي منك !!!

يا سرو!
بطلي الحقارة و"التِزِمْزِغ" يا قول ود الباوقة، دوندونة دي ضحيَّة زيِّك، وتانياً حتى لو هي رسلت ليك الفايرّس ده بقصد، هل قالت ليك أعفصي الصورة؟ ولا شالت يدِك وعفصتها ليك؟؟ نضفي كمبيوترك، قدّر الله وما شاء الله فعّل..
__
عمليتك دي كريم ما يعملا..

نوبي!
يا قول عبدالوهاب الجردّل، حسابّك معاي تِقِل شديد، عشان كده يا تبدأ تسدِد في القديم، وللا نحنا بنفتّح شوال سكر جديد؛ وتعال هنا، إنت حايم في أسافير الله دي من سنة حفرو النت، كيف يمُر عليك فيروس بليد زي ده؟ ذكرتني مرة في كارفور، صاحبّك شايل ليهو تلفون نوكيا 6620 ولا حاجة قريبه منو، تلفون يشبه القعونجّة كده، أي زول فاتِح البلو توث ورامي شبكتو، صاحبّك عامل فيها الود شِفت ومقطعها والود جاي من كندا، غيرت إسم البلو توث لـ New in town، بإعتبار الغريب مرغوب، او هكذا -لعوارتي- اظن، طّق فتحت ليك البلو توث، سألت أصحابي، هل شايفين نيو إن تاوُن، عشان إتأكد إنو الجبادّة مرميَّة في المويَّة، قالو لي أيي، أها دقيقتين بالكتير تجيني رسالة من إسم غريب كده شنو كده "ظبيّة الخليج"، قلت بس الشفت طلّع عشاهو، عملت ليها accept عشان أشوف الرقم والتفاصيل، و نتقابل كيف والخيال سرح، وقرّبت أقول لي اصحابي: يلا نشوفكم بكرة، أها يا صاحب بمجرد ما عملت أكسبت، الله لا كسبني، التلفون إتلطّم، بقى زي صورة الهالك تمبس العاملة شمطة ديك، عرفت نفسي إتسيكت في قبولي مرتين في قعدة واحدة، زي كمال سالم، وقلت: الخِفة الكتلت أب تِفة، خلتني الليل كلو أنزل في الأنتي فايرس لما نضفت القعونجة الكنت شايلها ديك..
_____
أها يا صاحبي إنت بتتخفف مالك؟ أنا كان بسببي "نيو إن تاون"، إنت سببّك شنو؟؟؟

ودجبرالله!
تعرف يا صاحب، توجّد صورة دي يوم بتفرطِق ليها زول/ة، شوف هسي توجّد صورة الفي العنوان دي جابت الصائم والفاطر، تخيّل لما الصورة تجيك في الإيميل زي حالة الفيروس القدامنا ده! ما ليهو حق الفيروس ينتشر جواً وبراً وبحراً ياقول البندّر
___
وتعال هنا، كيف ما بتفرِق بين الأصحاب؟ يعني هسي نحن (الضكور) أصحابّك ديل محسوبين (أناتي)؟ وللا (الأناتي) صاحابّاتك ديل محسوبات (ضكور)؟؟ إذا كان ربنا الخلقهم فرزهم وفرّز عيشتهم، إنت لاميهم لي شنو يا شيوعي يا من الجريف

دندونة!
أها إتصرفتي ومسحتي الفيروس ولا عاجبِك توزيعه، وقفاً لله، لما يجيب لينا صورة الجميرة بكل جمجرتها؟
تمبس لخبثه، قال حيغطي الوجه ويخلي اليدين قاعدات في مكانهما، واليدان هما سبب البلاوي، وداير يمسّح الوجه رمز البراءة والصلاح؛ ولكن على حسب تصوُر خيالي الخصِب والرشيق، صورة الجميرة -الراجنها- دي مافيها يدين ظاهرات، إلا المصوِر يكون أتاكما من دُبرٍ، حيث "مرقّد الأيدي"، وقباب الصالحات، ونوبي كما وُصف في الأسافير، إنه طويل، نحيل، ويدينو لاحقات، عشان كده طلبك بإظهار الوجه وتظليل ما تبقى من الجسم، دليل إدانة، لأنّ يدين كيدي نوبي اللاحقتين، لهما أكثر من كفين، حيث الكوعين والمرفقين يقومان بالترتيب بعمل الكفين عند إنشغالهما، وكأنهما-اليدان- أصلتان إجتمعتان على فريسة سئمت الحياة وقررت الإنتحار لعدم وجود الكلاء والماء، في بلدٍ كالسودان الراعي مشغول بغير رعيته..
___
أما الفيروس لا يشغل بالنا -من بال أو خاطر، وليس بول، حتى لا يلتبِس الأمر على حمودي - أمر نظافته أو علاجه، إن هو إلا دقٌ للصفائح وإشهار للفضائح، وتوطيد للقبائح وتوطين للغبائن والقرائح - من قُرحة وليس قريحة- في هذا الإسبوع "المُعدّل بواسطة" وبغير واسطة، ولله عاقبة الأمور..

زعلتنى ياياسر !!
يأخ أنا جيت جارى وبنمره خمسه وتوشك ,,
أقوم لا ألقى صوره ولا حتى عفريته !!
يأخ جازف جازف بتلقى .

ابو اليسر كيفك حالك يافتى وازاي رمضان واياكم

تصوموا وتفطروا علي الف خير.

نوبي يا نوبي كيفك ياحبوب ورمضانك كريم

مشتا(غ)ون ياشباب

الخير
تمامات يا حبيبنا ؛ إنت وين ليكـ ُدة ما ما باين !
رمضان كريم و تصوم و تفطر علي خير .. و كل سنة و إنت طيب ياخ ..


_
طيفور
ما عارف موضوعكـ ده حقيقي ولا لا ..
مشيت عملت تفتيش لأجهزة الكمبيوتر اللي قاعد أستخدمها .. و الحمد لله نتائجها سلبية الي الان.

شكرا الاخ ياسر طيفور


نفس الرساله تصلنى من اخى وصديقى بكندا


حيدر قاسم ولغرابتها امسحها دوما وفى احد


المرات ارسلتها له مره اخرى مع تنبيه حتى


لا يرسلها لى مره اخرى وبكلامك انها فيروس


اكون جنيت عليه واتمنى ان لا تكون سبب فى


غيابه الطويل من البورد


تحياتــــى


ســـيد ســــــيدنا

..
.

Quote: حاجة انت ما جربتها ما تتكلم فوكا ..

______

من باب المرور وابداء الدهشة !!؟

يعني ياسر يقول :

Quote: ديـنا خـالد، فضحـتونا! توجّد صورة...

تجي ياعصام تقول :

Quote: يا داااااليا , رسلت ليك تنبيه مليون مرة و معاهم لنك السوفتوير البنضف الكمبيوتر المنزلو ياسر هنا , و لا حياة لمن تنادى

في داعي توري الناس إننا شخص واحد ؟..أصلو الزول ما يديك سر



وبعدين قال

Quote: و هى و لا مره ردت

جرس شديدة ..طيب ما تفهم ياخ !






ـــــــــــــــــــــــــــــــــــــــ





عاين يا عصام اللنك ده شوف رسلتو لمنو ..




دجانقو إفرز

Quote: هل قالت ليك أعفصي الصورة؟ ولا شالت يدِك وعفصتها ليك؟؟

بطل لأمة
بي تفتك دي تشبه اللاما
انت كدة مادي لسانك..
طيب لو كنتا حالق كان عملتا شنو؟؟
عالم جبانات..
قال دندونتي قال..
كان دندونتي تجيب مريسة تام زين..ولا شنو كدة ما بعرف..
ــــــــــــــــــــــــــــــــــ
يا ود امي ما بتصل للحقيقة بالطريقة دي..
كان وصل ود البشري ..حمودي العسل باسمو دة ما جاب النجيضة
غير الخطة

Quote: اولا ياسر دا مرفوع عنه القلم ..

شهادة دينا بصدقها طوالي ,, وشهد شاهد من اهله ,,,

دينا تحياتي

Quote: شهادة دينا بصدقها طوالي ,, وشهد شاهد من اهله ,,,

حتي انتا يا العوض؟؟؟
ــــــــــــــ
معذور..
البعد من قندهار بيسوي اكتر من كدة

Quote: معذور.. البعد من قندهار بيسوي اكتر من كدة

هوووووووي ياساره انتي نسيتي رمضان ولا شنو ؟؟
يا حليل قندهار وايامها ,,
















معزومه يا ساره تعالي بس ,,

Quote: حمودي العسل باسمو دة ما جاب النجيضة

جبتها أمي .. جبتها

أسأليها كمان!

Quote: جبتها أمي .. جبتها

اثبت لينا...

ـــــــــــــــــ
واوعي تقول لي(ضحتي دي ما ضحكة زول جاب النجيضة؟)
لانو في رأي انها ضحكة واحد مغلوب علي امره..

Quote: اثبت لينا...

أسألي دينا .. لو نكرت .. بطلعا



ياخ دي دايرة خبير ترجمة عديييييييل!