التكفير افه تهدد الجميع‬

الجماعات الاسلاميه يجب ان تغير الياتها والتى عهدناها قديما وفى كل انتخابات فى قطاعات الطلبه لان الشارع السودانى بعد تجربة الجبهه الاسلاميه فى السودان التى هزمت الاسلام السياسى الذى ارادت ان تفرضه دون وعى منها تغيرت عاطفته الدينيه وفهم لعبة التكفير فى زمن التفكير والارهاب الدينى وتسليع الرعشه الدينيه وكل الاعيب تجار الدين الذين يبيعونه بالقطاعى بعد ان ملوا من تجارة الجمله فى قاعات مكيفه بدكاكين عليها لافتات هيئة علماء المسلمين . غريب امر بلدى توقع فيه اتفاقيات ودساتير تعد خطوه نحو الامام وبكل همجيه وجهاله ياتى من يريد ان يرجعنا الى ماقبل القرون الوسطى . التكفير والارهاب هذا نرفضه ليس لحزبنا فقط بل حتى فيما بينهم لان سابقة تكفيرجماعات انصار السنه المحمديه جناح ابوزيد لجناح الهديه وجناح الهديه لجناح ابو زيد وضربهم لبعضهم بسياط اشجار النيم ضربا غير مبرح بجامعة الخرطوم ابان الفتره الانتخابيه كان مهزله فيها اجحاف واستهتار بالدين نفسه لذا كفوا عن هذه المتاجره الرخيصه .لان حمى التكفير ستطال الجميع ولن تقف عند حزبنا

مناهل كيف الحال ورمضان كريم ..

تكفير المسلمين مصيبة كبرى ، وبنفس القدر عدم تكفير الملحدين مصيبة كبرى ، وبين المصيبتين يكمن الصواب ، فالوسطية هي أساس هذا الدين قال تعالى : (وكذلك جعلناكم أمة وسطاً لتكونوا شهداء على الناس ويكون الرسول عليكم شهيداً) ..

موضوع التكفير ده زاتو كلو ناس عندهم ليهو فهم ، يعني بعرف زول ملحد لا يؤمن بوجود الله عز وجل ويعلن ذلك صراحةً بيرفض انو يكفروهو وبيقول انو ما كافر! وفي زول ملحد تاني ما شايف انو الموضوع ده فيهو مشكلة لأنو فعلاً ملحد.

سؤالي ليك يا مناهل فهمك شنو لي موضوع التكفير ؟؟؟ ومنو هو الكافر؟؟؟

كدي يا مناهل بالله Take a look على الموضوع ده :

الشيوعيون ..لماذا الانزعاج من تهمة الالحاد..؟؟

الموضوع كاتبو رفيقك في الحزب الشيوعي وهو زول صريح وواضح . حيث قال :

Quote: إن الخطأ الذي وقع فيه المؤتمر الخامس للحزب الشيوعي هو تجاوزه نقطة النقاش حول تمييز الموقف من النظرية الماركسية ..فلو كان الموقف هو التمسك بها كاملة ودون تفاصيل فلا معنى لنفي الالحاد ..بل لا داعي للغضب اصلاً من خطاب محمد عبد الكريم او غيره ..

يا ريت الناس تكون واضحة عشان يكون في نقاش مثمر .





تقبلي تحياتي